EUR-Lex Access to European Union law
This document is an excerpt from the EUR-Lex website
Document 32022R1993
Commission Implementing Regulation (EU) 2022/1993 of 20 October 2022 approving Chrysanthemum cinerariaefolium extract from open and mature flowers of Tanacetum cinerariifolium obtained with supercritical carbon dioxide as an active substance for use in biocidal products of product-type 19 in accordance with Regulation (EU) No 528/2012 of the European Parliament and of the Council (Text with EEA relevance)
Rialachán Cur Chun Feidhme (AE) 2022/1993 ón gCoimisiún an 20 Deireadh Fómhair 2022 lena bhformheastar eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil mar shubstaint ghníomhach lena húsáid i dtáirgí bithicídeacha de chineál táirge 19 i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (Téacs atá ábhartha maidir le LEE)
Rialachán Cur Chun Feidhme (AE) 2022/1993 ón gCoimisiún an 20 Deireadh Fómhair 2022 lena bhformheastar eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil mar shubstaint ghníomhach lena húsáid i dtáirgí bithicídeacha de chineál táirge 19 i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (Téacs atá ábhartha maidir le LEE)
C/2022/7384
IO L 273, 21.10.2022, p. 17–19
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 20/10/2022; Dáta ar glacadh
- Date of effect:
- 10/11/2022; Teacht i bhfeidhm Dáta foilsithe +20 Féach Airt. 2
- Date of end of validity:
- No end date
- Author:
- An Coimisiún Eorpach, Ard-Stiúrthóireacht um Shláinte agus Sábháilteacht Bia
- Responsible body:
- Directorate-General for Health and Food Safety, SANTE
- Form:
- Rialachán cur chun feidhme
- Additional information:
- Ábharthacht maidir le LEE
- Treaty:
- An Conradh ar Fheidhmiú an Aontais Eorpaigh
- Legal basis:
-
- 32012R0528 - A89P1L3
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
21.10.2022 |
GA |
Iris Oifigiúil an Aontais Eorpaigh |
L 273/17 |
RIALACHÁN CUR CHUN FEIDHME (AE) 2022/1993 ÓN gCOIMISIÚN
an 20 Deireadh Fómhair 2022
lena bhformheastar eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil mar shubstaint ghníomhach lena húsáid i dtáirgí bithicídeacha de chineál táirge 19 i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (1), agus go háirithe an tríú fomhír d’Airteagal 89(1) de,
De bharr an mhéid seo a leanas:
|
(1) |
Le Rialachán Tarmligthe (AE) Uimh. 1062/2014 ón gCoimisiún (2) leagtar síos liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha i dtaca lena n-úsáid i dtáirgí bithicídeacha. Áirítear ar an liosta sin eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil. |
|
(2) |
Rinneadh meastóireacht ar eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil i dtaca lena úsáid i dtáirgí bithicídeacha de chineál táirge 19 (éarthaigh agus mealltóirí) faoi mar a thuairiscítear in Iarscríbhinn V a ghabhann le Treoir 98/8/CE ó Pharlaimint na hEorpa agus ón gComhairle (3), ar cineál táirge é a chomhfhreagraíonn do chineál táirge 19 faoi mar a thuairiscítear in Iarscríbhinn V a ghabhann le Rialachán (AE) Uimh. 528/2012. |
|
(3) |
Ainmníodh an Spáinn mar an Ballstát is rapóirtéir agus chuir a húdarás inniúil meastóireachta an tuarascáil mheasúnachta mar aon lena chonclúidí faoi bhráid an Choimisiúin an 1 Meán Fómhair 2010. Agus an tuarascáil mheasúnachta curtha isteach, tionóladh pléití i gcruinnithe teicniúla a d’eagraigh an Coimisiún agus, tar éis an 1 Meán Fómhair 2013, i gcruinnithe teicniúla a d’eagraigh an Ghníomhaireacht Eorpach Ceimiceán (“An Ghníomhaireacht”). |
|
(4) |
Fágann Airteagal 90(2) de Rialachán (AE) Uimh. 528/2012 gur cheart measúnú a dhéanamh ar shubstaintí a bhfuil meastóireacht na mBallstát curtha i gcrích ina leith faoin 1 Meán Fómhair 2013 i gcomhréir le forálacha Threoir 98/8/CE. |
|
(5) |
I gcomhréir le hAirteagal 75(1) de Rialachán (AE) 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir le hiarratais ar fhormheas substaintí gníomhacha. I gcomhréir le hAirteagal 7(2) de Rialachán Tarmligthe (AE) Uimh. 1062/2014, ghlac an Coiste um Tháirgí Bithicídeacha an tuairim ón nGníomhaireacht (4) an 3 Nollaig 2021, ag féachaint do na conclúid ón údarás inniúil meastóireachta. |
|
(6) |
De réir na tuairime sin, d’fhéadfadh coinne a bheith leis go gcomhlíonfadh táirgí bithicídeacha de chineál táirge 19 ina bhfuil eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil na ceanglais a leagtar síos in Airteagal 5(1), pointí (b), (c) agus (d), de Threoir 98/8/CE, ar choinníoll go gcomhlíonfaí ceanglais áirithe a bhaineann lena n-úsáid. |
|
(7) |
Agus tuairim na Gníomhaireachta á cur san áireamh, is iomchuí eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil a fhormheas mar shubstaint ghníomhach lena húsáid i dtáirgí bithicídeacha de chineál táirge 19, faoi réir coinníollacha áirithe a chomhlíonadh. |
|
(8) |
Ba cheart tréimhse réasúnta a bheith ann sula bhformheasfar substaint ghníomhach ionas go mbeidh páirtithe leasmhara in ann na bearta ullmhúcháin is gá a dhéanamh chun na ceanglais nua a chomhlíonadh. |
|
(9) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha, |
TAR ÉIS AN RIALACHÁN SEO A GHLACADH:
Airteagal 1
Eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil, formheastar é mar shubstaint ghníomhach lena húsáid i dtáirgí bithicídeacha de chineál táirge 19 faoi réir na gcoinníollacha a leagtar amach san Iarscríbhinn.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 20 Deireadh Fómhair 2022.
Thar ceann an Choimisiúin
An tUachtarán
Ursula VON DER LEYEN
(1) IO L 167, 27.6.2012, lch. 1.
(2) Rialachán Tarmligthe (AE) Uimh. 1062/2014 ón gCoimisiún an 4 Lúnasa 2014 maidir leis an gclár oibre chun scrúdú córasach a dhéanamh ar gach substaint ghníomhach atá ann cheana i dtáirgí bithicídeacha, clár oibre dá dtagraítear i Rialachán (AE) Uimh. 528/2012 ó Pharlaimint na hEorpa agus ón gComhairle (IO L 294, 10.10.2014, lch. 1).
(3) Treoir 98/8/CE ó Pharlaimint na hEorpa agus ón gComhairle an 16 Feabhra 1998 maidir le táirgí bithicídeacha a chur ar an margadh (IO L 123, 24.4.1998, lch. 1).
(4) Tuairim ón gCoiste um Tháirgí Bithicídeacha maidir le hiarratas ar fhormheas na substainte gníomhaí eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil; Cineál táirge 19; ECHA/BPC/313/2021, arna glacadh an 3 Nollaig 2021.
IARSCRÍBHINN
|
Gnáthainm |
Ainm IUPAC Uimhreacha Aitheantais |
Íosmhéid íonachta na substainte gníomhaí (1) |
Dáta formheasa |
Dáta éaga an fhormheasa |
An cineál táirge |
Coinníollacha sonracha |
||||||
|
Eastóscán Chrysanthemum cinerariaefolium ó dhé-ocsaíd charbóin fhorchriticiúil |
Eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil Uimh. CE: 289-699-3 Uimh. CAS: 89997-63-7 |
100 % w/w d’eastóscán Chrysanthemum cinerariaefolium ó bhláthanna oscailte agus aibí Tanacetum cinerariifolium a fhaightear le dé-ocsaíd charbóin fhorchriticiúil |
An 1 Feabhra 2024 |
An 31 Eanáir 2034 |
19 |
Tá údarú táirgí bithicídeacha faoi réir na gcoinníollacha seo a leanas:
|
(1) Ba í an íonacht a léiríodh sa cholún seo íosmhéid íonachta na substainte gníomhaí a ndearnadh meastóireacht uirthi. Is ceadmhach íonacht na substainte gníomhaí sa táirge a chuirtear ar an margadh a bheith cothrom nó éagsúil léi, má tá sé cruthaithe go bhfuil sí coibhéiseach go teicniúil leis an tsubstaint ghníomhach a ndearnadh meastóireacht uirthi.
(2) Rialachán (CE) Uimh. 470/2009 ó Pharlaimint na hEorpa agus ón gComhairle an 6 Bealtaine 2009 lena leagtar síos nósanna imeachta Comhphobail chun teorainneacha na n-iarmhar a bhunú do shubstaintí atá gníomhach ó thaobh na cógaseolaíochta de i mbia-ábhair de thionscnamh ainmhíoch, agus lena n-aisghairtear Rialachán (CEE) Uimh. 2377/90 ón gComhairle agus lena leasaítear Treoir 2001/82/CE ó Pharlaimint na hEorpa agus ón gComhairle agus Rialachán (CE) Uimh. 726/2004 ó Pharlaimint na hEorpa agus ón gComhairle (IO L 152, 16.6.2009, lch. 11).
(3) Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó de bhunadh ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (IO L 70, 16.3.2005, lch. 1).
