32012R1246

This document is an excerpt from the EUR-Lex website

EUROPA
EUR-Lex home
Regolament implimentattiv - 1246/2012 - EN - EUR-Lex

Help

Search tips

Need more search options? Use the Advanced search

Document 32012R1246

Help

Regolament ta’ Implimentazzjoni tal-Kummissjoni (UE) Nru 1246/2012 tad- 19 ta’ Diċembru 2012 li jemenda r-Regolament (KE) Nru 616/2007 dwar il-ftuħ u l-mod ta’ ġestjoni tal-kwoti tariffarji tal-Komunità fis-settur tal-laħam tat-tjur li joriġina mill-Brażil, it-Tajlandja u pajjiżi terzi oħra u li jidderoga minn dak ir-Regolament għall-2012-2013

ĠU L 352, 21.12.2012, pp. 16–19 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 02 Volum 024 P. 54 - 57

Legal status of the document No longer in force, Date of end of validity: 31/12/2020; Impliċitament imħassar minn 32020R0760

ELI: http://data.europa.eu/eli/reg_impl/2012/1246/oj

HTML

PDF

Official Journal

21.12.2012

Il-Ġurnal Uffiċjali tal-Unjoni Ewropea

L 352/16

REGOLAMENT TA’ IMPLIMENTAZZJONI TAL-KUMMISSJONI (UE) Nru 1246/2012

tad-19 ta’ Diċembru 2012

li jemenda r-Regolament (KE) Nru 616/2007 dwar il-ftuħ u l-mod ta’ ġestjoni tal-kwoti tariffarji tal-Komunità fis-settur tal-laħam tat-tjur li joriġina mill-Brażil, it-Tajlandja u pajjiżi terzi oħra u li jidderoga minn dak ir-Regolament għall-2012-2013

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikoli 144(1) u 148, flimkien mal-Artikolu 4 tiegħu,

Billi:

(1)

Il-Ftehimiet fl-għamla ta’ Skambju ta’ Ittri bejn l-Unjoni Ewropea u l-Brażil u bejn l-Unjoni Ewropea u t-Tajlandja, approvati bid-Deċiżjoni tal-Kunsill 2012/792/UE (2) jipprovdu għal kwantitajiet ġodda ta’ laħam tat-tjur ipproċessat sabiex jiġu allokati għall-Brażil, it-Tajlandna u pajjiżi terzi oħra. Huwa għalhekk xieraq li jiġi emendat ir-Regolament tal-Kummissjoni (KE) Nru 616/2007 (3) biex jitqiesu l-kwantitajiet il-ġodda.

(2)	Ir-Regolament (KE) Nru 616/2007 jipprovdi għal metodu ta’ ġestjoni speċifiku għall-kwoti tariffarji bbażati fuq l-oriġini tal-prodotti kkonċernati. Il-kwoti l-ġodda għandhom jiġu ġestiti bl-istess mod.

(3)	Ir-Regolament (KE) Nru 616/2007 għandu għalhekk jiġi emendat skont dan.

(4)

Il-Ftehimiet mal-Brażil u mat-Tajlandja daħlu fis-seħħ fl-1 ta’ Marzu 2013 filwaqt li l-kwoti kkonċernati jinfetħu fuq bażi annwali għall-perjodu mill-1 ta’ Lulju sat-30 ta’ Ġunju. Huwa għalhekk xieraq li jkun hemm derogi minn ċerti dispożizzjonijiet tar-Regolament (KE) Nru 616/2007 biex jiġu emendati b’dan ir-Regolament. B’mod partikolari, il-kwantità annwali għas-sena tal-kwota 2012/2013 għandha titnaqqas fuq bażi pro rata. Barra minn hekk, minħabba li mhuwiex possibbli li jiġu ddepożitati bil-quddiem l-applikazzjonijiet sabiex il-kwoti l-ġodda li jidħlu fis-seħħ fl-1 ta’ Marzu 2013, għandu japplika perjodu uniku tal-kwota mill-1 ta’ Marzu 2013 sat-30 ta’ Ġunju 2013 u għandha tiġi stipulata deroga għall-perjodu ta’ applikazzjoni normali pprovdut fl-Artikolu 5(1) tar-Regolament (KE) Nru 616/2007. Il-perjodu ta’ validità tal-liċenzji tal-importazzjoni għandu jiġi emendat skont dan.

(5)	Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Emenda għar-Regolament (KE) Nru 616/2007

Ir-Regolament (KE) Nru 616/2007 huwa emendat kif ġej:

(1)

L-Artikolu 1 paragrafu 1 jinbidel b’dan li ġej:

“1. Il-kwoti tariffarji li jidhru fl-Anness I ta’ dan ir-Regolament b’dan huma miftuħa għall-importazzjoni tal-prodotti msemmija fil-ftehimiet bejn l-Unjoni u l-Brażil, u l-Unjoni u t-Tajlandja, approvati bid-Deċiżjoni 2007/360/KE u d-Deċiżjoni tal-Kunsill 2012/792/UE (*1).

Il-kwoti tariffarji jinfetħu fuq bażi annwali għall-perjodu li jibda mill-1 ta’ Lulju sat-30 ta’ Ġunju.

(*1) ĠU L 351, 21.12.2012, p. 47.” "

(2)

L-Artikolu 3 jinbidel b’dan li ġej:

“Artikolu 3

1. Bl-eċċezzjoni tal-kwoti fil-gruppi Nru 3, 4B, 5B u 6B, il-kwantità stabbilita għall-perjodu annwali tal-kwota għandha tinqasam fuq erba’ subperjodi, kif ġej:

(a)	30 % mill-1 ta’ Lulju sat-30 ta’ Settembru;

(b)	30 % mill-1 ta’ Ottubru sat-31 ta’ Diċembru,

(c)	20 % mill-1 ta’ Jannar sal-31 ta’ Marzu;

(d)	20 % mill-1 ta’ April sat-30 ta’ Ġunju.

2. Il-kwantità annwali stabbilita għall-kwoti fil-gruppi Nru 3, 4B, 5B u 6B ma għandhomx jinqasmu f’subperjodi.

3. Il-kwantitajiet annwali stabbiliti għall-kwoti fi gruppi Nru 5 A u 5B għandhom ikunu ġestiti billi d-drittijiet tal-importazzjoni jiġu attribwiti bħala l-ewwel pass u l-ħruġ tal-liċenzji tal-importazzjoni bħala t-tieni pass.”

(3)

L-Artikolu 4 huwa emendat kif ġej:

(a)	Fil-paragrafu 1, l-ewwel u t-tieni subparagrafi, it-termini “grupp Nru 5” jinbidlu bi “gruppi Nru 5 A u 5B”.

(b)	Fil-paragrafu 4, it-termini “gruppi Nru 3, 6, u 8” jinbidlu bi “gruppi Nru 3, 6 A, 6B u 8”.

(c)

Il-paragrafu 5 huwa emendat kif ġej:

(i)	fl-ewwel subparagrafu, it-termini “grupp Nru 5” jinbidlu bi “gruppi Nru 5 A u 5B”;

(ii)	fit-tieni subparagrafu, il-punt (b), it-termini “gruppi Nru 3, 6, u 8” jinbidlu bi “gruppi Nru 3, 6 A, 6B u 8”;

(iii)

fit-tielet subparagrafu, it-termini “grupp Nru 5” jinbidlu bi “gruppi Nru 5 A u 5B”.

(d)	Fil-paragrafu 6, it-termini “gruppi Nru 3, 6, u 8” jinbidlu bi “gruppi Nru 3, 6 A, 6B u 8”.

(e)	Fil-paragrafu 7, it-tielet subparagrafu, it-termini “gruppi Nru 3 u 6” jinbidlu bi “gruppi Nru 3, 6 A u 6B”.

(4)

L-Artikolu 5 huwa emendat kif ġej:

(a)	Il-paragrafu 1 jinbidel b’dan li ġej: “1. L-applikazzjonijiet għad-drittijiet tal-importazzjoni għall-gruppi Nru 5 A u 5B u għal-liċenzji tal-importazzjoni għall-gruppi l-oħra jistgħu jitressqu biss fl-ewwel sebat ijiem tat-tielet xahar qabel kull perjodu jew subperjodu tal-kwota.”

(b)	Fil-paragrafu 2 it-termini “grupp Nru 5” jinbidlu bi “gruppi Nru 5 A u 5B” u t-termini “gruppi Nru 1, 4 u 7” jinbidlu bi “gruppi 1, 4 A, 4B u 7”.

(c)

Il-paragrafu 3 jinbidel b’dan li ġej:

“3. Sa mhux aktar tard mill-14-il jum tax-xahar li fih jitressqu l-applikazzjonijiet, l-Istati Membri għandhom jikkomunikaw lill-Kummissjoni l-kwantitajiet totali espressi f’kilogrammi li għalihom ikunu saru applikazzjoniiet f’kull grupp, analizzati skont in-numru tal-ordni u l-oriġini.”

(d)	Fil-paragrafu 5, l-ewwel u t-tieni subparagrafi, it-termini “grupp Nru 5” jinbidlu bi “gruppi Nru 5 A u 5B”.

(5)

L-Artikolu 6 huwa emendat kif ġej:

(a)

Il-paragrafu 1 huwa emendat kif ġej:

(i)	fil-punt (a), it-termini “grupp Nru 5” jinbidlu bi “gruppi Nru 5 A u 5B”.

(ii)

il-punt (b) jinbidel b’dan li ġej:

“(b)	għall-gruppi Nru 5 A u 5B u mhux aktar tard mill-għaxar jum (10) tax-xahar wara kull perjodu jew subperjodu tal-kwota, tal-kwantitajiet koperti minn liċenzji li jkunu ħarġu matul dak il-perjodu jew subperjodu tal-kwota.”

(b)	Fil-paragrafu 3, it-tieni subparagrafu jinbidel b’dan li ġej: “Għall-gruppi Nru 3, 4B, 5B u 6B, ma għandhiex tapplika n-notifika msemmija fil-punt (a) tal-ewwel subparagrafu.”

(c)	Il-paragrafu 4 jinbidel b’dan li ġej: “4. Il-kwantitajiet koperti mill-paragrafi 1 u 3 għandhom jiġu espressi u maqsuma skont in-numru tal-ordni. Il-kwantitajiet koperti mill-paragrafu 2 għandhom jiġu espressi f’kilogrammi u maqsuma skont in-numru tal-ordni u l-oriġini.”

(6)

Fl-Artikolu 7, il-paragrafu 1 jinbidel b’dan li ġej:

“1. B’deroga mill-Artikolu 22 tar-Regolament tal-Kummissjoni (KE) Nru 376/2008 (*2), il-validità tal-liċenzji tal-importazzjoni għandha tkun ta’ 150 jum mill-ewwel jum tal-perjodu jew tas-subperjodu tal-kwota li għalihom ikunu nħarġu.

Madankollu, għall-gruppi Nru 5 A u 5B il-liċenzji għandhom ikunu validi għal 15-il jum tax-xogħol mid-data proprja tal-ħruġ tal-liċenzji, skont l-Artikolu 22(2) tar-Regolament (KE) Nru 376/2008. Id-drittijiet tal-importazzjoni għandhom ikunu validi mill-ewwel jum tal-perjodu jew tas-subperjodu tal-kwota li għalih tkun ġiet iddepożitata l-applikazzjoni, u sat-30 ta’ Ġunju tal-istess perjodu tal-kwota.

(*2) ĠU L 114, 26.4.2008, p. 3.” "

(7)

L-Artikolu 8 jinbidel b’dan li ġej:

“Artikolu 8

1. Ir-rilaxx għaċ-ċirkolazzjoni ħielsa fil-kuntest tal-kwoti msemmija fl-Artikolu 1 ta’ dan ir-Regolament huwa suġġett għall-preżentazzjoni ta’ ċertifikat tal-oriġini maħruġ mill-awtoritajiet kompetenti tal-Brażil (għall-gruppi 1, 4 A, 4B u 7) u tat-Tajlandja (għall-gruppi 2, 5 A u 5B), f’konformità mal-Artikoli 55 u 65 tar-Regolament (KEE) Nru 2454/93.

2. Il-paragrafu 1 ma għandux japplika għall-gruppi Nru 3, 6 A, 6B u 8.”

(8)	L-Anness I jinbidel bit-test stipulat fl-Anness ta’ dan ir-Regolament.

Artikolu 2

Derogi mir-Regolament (KE) Nru 616/2007

Għall-perjodu tal-kwota mill-1 ta’ Lulju 2012 sat-30 ta’ Ġunju 2013 u fir-rigward tal-kwoti tariffarji li jikkorrispondu man-numri tal-ordni 09.4251, 09.4252, 09.4253, 09.4254, 09.4255, 09.4256, 09.4257, 09.4258, 09.4259, 09.4260, 09.4261, 09.4262, 09.4263, 09.4264 u 09.4265, msemmija fl-Anness I tar-Regolament (KE) Nru 616/2007 kif emendati bl-Artikolu 1 ta’ dan ir-Regolament, għandhom japplikaw id-derogi li ġejjin:

(a)	il-perjodu tal-kwota jinfetaħ mill-1 ta’ Marzu sat-30 ta’ Ġunju 2013 u l-kwantità annwali titnaqqas b’67 %;

(b)	is-subperjodi stipulati fl-Artikolu 3(1) tar-Regolament (KE) Nru 616/2007 ma għandhomx japplikaw;

(c)	l-applikazzjonijiet għal-liċenzji tal-importazzjoni u d-drittijiet tal-importazzjoni kif imsemmi fl-Artikolu 5(1) ta’ dak ir-Regolament jistgħu jittresqu biss fl-ewwel sebat ijiem ta’ Jannar 2013;

(d)	il-liċenzji tal-importazzjoni għall-Gruppi kollha ħlief dawk għall-Gruppi Nru 5 A u 5B għandhom ikunu validi mill-1 ta’ Marzu 2013 sat-30 ta’ Ġunju 2013.

Artikolu 3

Dħul fis-seħħ u applikazzjoni

Dan ir-Regolament għandu jidħol fis-seħħ fl-1 ta’ Jannar 2013.

Dan ir-Regolament għandu jorbot fl-intier tiegħu u japplika direttament fl-Istati Membri.

Magħmul fi Brussell, id-19 ta’ Diċembru 2012.

Għall-Kummissjoni

Il-President

José Manuel BARROSO

(1) ĠU L 299, 16.11.2007, p. 1.

(2) ĠU L 351, 21.12.2012, p. 47.

(3) ĠU L 147, 5.6.2007, p. 3.

ANNESS

“ANNESS I

Laħam tat-tjur immellaħ jew fis-salmura (*1)

Pajjiż	Nru tal-Grupp	Perjodiċità tal-Ġestjoni	Numru tal-ordni	Kodiċi NM	Dazju doganali	Kwantitajiet annwali (f’tunnellati)
Il-Brażil	1	Trimestrali	09.4211	ex 0210 99 39	15,4 %	170 807
It-Tajlandja	2	Trimestrali	09.4212	ex 0210 99 39	15,4 %	92 610
Oħrajn	3	Annwali	09.4213	ex 0210 99 39	15,4 %	828

Preparazzjonijiet tal-laħam tat-tjur minbarra tad-dundjan

Pajjiż	Nru tal-Grupp	Perjodiċità tal-Ġestjoni	Numru tal-ordni	Kodiċi NM	Dazju doganali	Kwantitajiet annwali (f’tunnellati)
Il-Brażil	4A	Trimestrali	09.4214	1602 32 19	8 %	79 477
			09.4251	1602 32 11	630 €/t	15 800
			09.4252	1602 32 30	10,9 %	62 905
	4B	Annwali	09.4253	1602 32 90	10,9 %	295
It-Tajlandja	5A	Trimestrali	09.4215	1602 32 19	8 %	160 033
			09.4254	1602 32 30	10,9 %	14 000
			09.4255	1602 32 90	10,9 %	2 100
			09.4256	1602 39 29	10,9 %	13 500
	5B	Annwali	09.4257	1602 39 21	630 €/t	10
			09.4258	ex 1602 39 85 (1)	10,9 %	600
			09.4259	ex 1602 39 85 (2)	10,9 %	600
Oħrajn	6A	Trimestrali	09.4216	1602 32 19	8 %	11 443
	6A	Trimestrali	09.4260	1602 32 30	10,9 %	2 800
	6B	Annwali	09.4261	1602 32 11	630 €/t	340
			09.4262	1602 32 90	10,9 %	470
			09.4263	1602 39 29	10,9 %	220
			09.4264	ex 1602 39 85 (1)	10,9 %	148
			09.4265	ex 1602 39 85 (2)	10,9 %	125

Preparazzjonijiet tal-laħam tad-dundjan

Pajjiż

Nrutal-Grupp

Perjodiċità tal-Ġestjoni

Numru tal-ordni

Kodiċi NM

Dazju doganali

Kwantitajiet annwali

(f’tunnellati)

Il-Brażil

Trimestrali

09.4217

1602 31

8,5 %

92 300

Oħrajn

Trimestrali

09.4218

1602 31

8,5 %

11 596 ”

(*1) L-applikabbiltà tas-sistema preferenzjali hija ddeterminata fuq il-bażi tal-Kodiċi NM, bil-kundizzjoni li l-laħam immellaħ jew fis-salmura kkonċernat ikun laħam tat-tjur li jaqa’ taħt il-kodiċi 0207 tan-NM.

(1) Laħam ipproċessat tal-papri, tal-wiżż u tal-farawni, li fih 25 % iżda anqas minn 57 % bil-piż ta’ laħam tat-tjur jew fdal tal-laħam tat-tjur.

(2) Laħam ipproċessat tal-papri, tal-wiżż u tal-farawni, li fih anqas minn 25 % bil-piż ta’ laħam tat-tjur jew fdal tal-laħam tat-tjur.

Top

Choose the experimental features you want to try