Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

An Ciste Taighde um Ghual agus Cruach — Clár agus treoirlínte

ACHOIMRE AR:

Cinneadh 2008/376/CE maidir le Clár Taighde an Chiste Taighde um Ghual agus Cruach agus na treoirlínte teicniúla ilbhliantúla dá chuid

CAD IS AIDHM LEIS AN GCINNEADH?

  • Bunaítear le Cinneadh 2008/376/CE an Ciste Taighde um Ghual agus Cruach (RFCS) agus leagtar amach na treoirlínte teicniúla le haghaidh an chláir.
  • Le Cinneadh leasaitheach (AE) 2017/955 nuashonraíodh an cinneadh bunaidh d’fhonn an clár RFCS a ailíniú le Fís 2020, clár réime taighde an Aontais Eorpaigh (AE) a bhí ann roimh Fís Eorpach. Áirítear leis sin na rialacha a athchóiriú maidir leis na grúpaí comhairleacha agus teicniúla d’fhonn follasacht a áirithiú agus cothromaíocht níos fearr a bhaint amach idir saineolas agus inscne, agus d’fhonn rannpháirtíocht gnólachtaí beaga agus meánmhéide sa chlár a éascú freisin.
  • Le Cinneadh leasaitheach (AE) 2021/1094 athbhreithnítear cuspóirí taighde an chláir, i gcomhréir leis an gComhaontú Glas don Eoraip (féach an achoimre) agus an Sásra um Aistriú Cóir. Tagann sé sin le cuspóir AE aeráidneodracht a bhaint amach faoi 2050 (Rialachán (AE) 2021/1119 — féach an achoimre), arna ghlacadh de thoradh ar Chomhaontú Pháras (féach an achoimre) agus a dhaingnigh AE in 2016. Áirithítear leis freisin go gcomhlánaíonn taighde RFCS gníomhachtaí Fís Eorpach.

PRÍOMHPHOINTÍ

Le Cinneadh 2008/376/CE, arna leasú le Cinneadh (AE) 2021/1094, déantar na tosaíochtaí taighde faoi RFCS a athbhreithniú agus a athdhíriú:

  • maidir le gual, tá sé mar aidhm leo:
    • tacaíocht a thabhairt d’aistriú cóir na hearnála agus na réigiún guail,
    • sláinte agus sábháilteacht i mianaigh ghuail dhúnta agus i gcinn a saothraíodh roimhe seo a fheabhsú,
    • tionchair chomhshaoil na suíomhanna mianadóireachta agus iad á n–aistriú a íoslaghdú;
  • maidir le cruach, áirítear obair leo ar:
    • phróisis déanta cruach agus críochnaithe nua, inbhuanaithe agus ísealcharbóin,
    • ardghráid agus ardfheidhmeanna cruacha,
    • chaomhnú achmhainní, cosaint na timpeallachta agus an geilleagar ciorclach,
    • bhainistíocht an lucht saothair (inniúlachtaí a fhorbairt agus a scaipeadh chun coimeád suas chun dáta le próisis táirgeachta cruach atá beagnach saor ó charbón) agus dálaí oibre a fheabhsú (sláinte, sábháilteacht agus eirgeanamaíocht laistigh den láthair oibre agus mórthimpeall na láithreach oibre).

D’fhéadfaí taighde ar theicneolaíochtaí ceannródaíocha ó thaobh laghdú astaíochtaí CO2 san earnáil thionsclaíoch chruach a chur chun feidhme trí Chomhpháirtíochtaí Eorpacha comh-chláreagraithe (lena mbaineann tiomsú achmhainní idir comhpháirtithe poiblí nó príobháideacha nó iad araon). Is féidir iad sin a bhunú i gcomhréir leis na rialacha atá leagtha amach i Rialachán (AE) 2021/695 lena mbunaítear Fís Eorpach (féach an achoimre).

Nós imeachta

  • Bainistíonn Coimisiún Eorpach RFCS.
  • Cabhraíonn an Coiste um Ghual agus Cruach, atá comhdhéanta d’ionadaithe ó Bhallstát AE, leis an gCoimisiún le bainistíocht RFCS.
  • Tugann grúpaí comhairleacha um ghual agus cruach comhairle don Choimisiún Eorpach d’fhonn an clár taighde a fhorbairt lena n–áirítear tosaíochtaí bliantúla a shocrú.
  • Tugann grúpaí teicniúla um ghual agus cruach tacaíocht don Choimisiún chun tionscadail a mheasúnú agus faireachán a dhéanamh orthu.
  • Eisíonn RFCS glaonna bliantúla ar thograí, EUR 40 milliún i gcomhair taighde comhoibritheach a mhaoiniú agus EUR 71 mhilliún i gcomhair taighde a mhaoiniú do teicneolaíochtaí ceannródaíocha as a n–eascraíonn tionscadal déanta cruach agus taighde atá beagnach saor ó charbón. Bainistítear leis na tionscadail sin aistriú cóir na mianach guail a bhíodh ag feidhmiú roimhe seo, mianach guail atá á ndúnadh agus a mbonneagair ghaolmhair, de réir an tSásra um Aistriú Cóir agus i gcomhréir le hAirteagal 4(2) Ag tacú le haistriú cóir na hearnála agus na réigiún guail.
  • Déanann an Coimisiún faireachán ar an RFCS agus déanann sé measúnú air gach 7 mbliana.

CÉN UAIR ATÁ TOSACH FEIDHME AN CHINNIDH?

  • Tá Cinneadh 2008/376/CE i bhfeidhm ón .
  • Tá Cinneadh leasaitheach (AE) 2017/955 i bhfeidhm ón .
  • Tá Cinneadh leasaitheach (AE) 2021/1094 i bhfeidhm ón .

CÚLRA

Le haghaidh tuilleadh faisnéise, féach:

PRÍOMHDHOICIMÉAD

Cinneadh 2008/376/CE ón gComhairle an maidir le glacadh le Clár Taighde an Chiste Taighde um Ghual agus Cruach agus maidir leis na treoirlínte teicniúla ilbhliantúla le haghaidh an chláir sin (IO L 130, , lgh 7-17)

Rinneadh leasuithe comhleanúnacha ar Chinneadh 2008/376/CE a chorprú sa téacs bunaidh. Níl de luach ar an leagan comhdhlúite seo ach luach doiciméadach amháin.

nuashonrú is deireanaí

Top