Caighdeáin tuairiscithe airgeadais idirnáisiúnta (IFRS) arna nglacadh ag an Aontas Eorpach

 

ACHOIMRE AR:

Rialachán (AE) 2023/1803 lena nglactar caighdeáin chuntasaíochta idirnáisiúnta áirithe i gcomhréir le Rialachán (CE) Uimh. 1606/2002

CAD IS AIDHM LEIS AN RIALACHÁN?

Leagtar síos ann na caighdeáin idirnáisiúnta chuntasaíochta agus na léirmhínithe gaolmhara ar fad arna n-eisiúint ag an mBord um Chaighdeáin Idirnáisiúnta Chuntasaíochta a bhí glactha ag an gCoimisiún Eorpach faoin 8 Meán Fómhair 2022.

PRÍOMHPHOINTÍ

Ní mór do chuideachtaí a thrádáiltear go poiblí san AE a gcuntais chomhdhlúite a ullmhú gach bliain airgeadais ar bhonn caighdeán cuntasaíochta idirnáisiúnta (Airteagal 4 de Rialachán (CE) Uimh. 1606/2002) (féach achoimre).

Maidir leis an rialachán:

• comhdhlúthaítear ina Iarscríbhinn na 60 caighdeán cuntasaíochta idirnáisiúnta agus léirmhínithe gaolmhara a bhí glactha ag an AE go dtí an 8 Meán Fómhair 2022;
• aisghairtear Rialachán (CE) Uimh. 1126/2008, le héifeacht ón 16 Deireadh Fómhair 2023.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 16 Deireadh Fómhair 2023.

CÚLRA

Le haghaidh tuilleadh faisnéise, féach:

• Tuairisciú airgeadais (An Coimisiún Eorpach).

PRÍOMHDHOICIMÉAD

Rialachán (AE) 2023/1803 ón gCoimisiún an 13 Meán Fómhair 2023 lena nglactar caighdeáin áirithe idirnáisiúnta chuntasaíochta i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (IO L 237, 26.9.2023, lgh. 1–992).

Corpraíodh leasuithe comhleanúnacha ar Rialachán (AE) 2023/1803 sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (CE) Uimh. 1606/2002 ó Pharlaimint na hEorpa agus ón gComhairle an 19 Iúil 2002 maidir le caighdeáin chuntasaíochta idirnáisiúnta a chur i bhfeidhm (IO L 243, 11.9.2002, lgh. 1–4).

Féach an leagan comhdhlúite.

Rialachán (AE) 2023/2468 ón gCoimisiún an 8 Samhain 2023 lena leasaítear Rialachán (AE) 2023/1803 a mhéid a bhaineann le Caighdeán Cuntasaíochta Idirnáisiúnta 12 (IO L, 2023/2468, 9.11.2023).

Rialachán (AE) 2023/2579 ón gCoimisiún an 20 Samhain 2023 lena leasaítear Rialachán (AE) 2023/1803 a mhéid a bhaineann le Caighdeán Idirnáisiúnta um Thuairisciú Airgeadais 16 (IO L, 2023/2579, 21.11.2023).

Rialachán (AE) 2023/2822 ón gCoimisiún an 19 Nollaig 2023 lena leasaítear Rialachán (AE) 2023/1803 a mhéid a bhaineann le Caighdeán Idirnáisiúnta Cuntasaíochta 1 (IO L, 2023/2822, 20.12.2023).

Nuashonraithe 15.12.2023