Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Leagtar síos léi rialacha aonfhoirmeacha ar fud an Aontais Eorpaigh maidir le díol agus cur i seirbhís uirlisí neamh–uathoibríocha meáite1. Tá uirlisí neamh–uathoibríocha meáite tábhachtach ó thaobh trádála, tomhaltóirí agus tionscail de toisc go n–áirithítear leo cruinneas na dtomhas agus gur cabhair iad maidir le trédhearcacht agus cothroime idirbheart tráchtála.
Tá sé mar aidhm léi:
na ceanglais fhíor–riachtanacha a bhunú nach mór d’uirlisí neamh–uathoibríocha meáite a chomhlíonadh;
rialacha níos simplí, níos soiléire agus níos comhsheasmhaí a thabhairt isteach, rud a áiritheoidh inrianaitheacht;
na hualaí riaracháin atá ar mhonaróirí, ar allmhaireoirí agus ar dháileoirí a laghdú;
a áirithiú gur féidir le huirlisí a chomhlíonann na ceanglais fhíor–riachtanacha gluaiseacht faoi shaoirse laistigh den Aontas Eorpach.
Ba chóir go mbeadh an méid seo a leanas i measc na sochar:
uirlisí neamh–uathoibríocha meáite atá níos comhlíontacha agus níos cruinne ar mhargadh an Aontais Eorpaigh agus leibhéil mhéadaithe muiníne phoiblí iontu;
níos lú uirlisí neamhchomhlíontacha agus níos lú saofa ar an iomaíocht ar an margadh a eascraíonn as cleachtais fhorfheidhmithe éagsúla;
cosaint ag an bpobal ar thomhais mhíchearta;
deiseanna breise don nuálaíocht theicneolaíoch, trí chur chuige rialála nua–aimseartha a ghlacadh.
Leis an treoir tugtar reachtaíocht um uirlisí neamh–uathoibríocha meáite i gcomhréir le “creat reachtach nua” an Aontais Eorpaigh. Tá 2 théacs chomhlántacha sa chreat seo:
Tá feidhm ag an treoir maidir le gach uirlis neamh–uathoibríoch mheáite atá nua ar mhargadh an Aontais Eorpaigh nuair a chuirtear ar an margadh sin iad nó nuair a chuirtear i seirbhís iad, is é sin gurb é atá i gceist leo:
gur uirlisí neamh–uathoibríocha meáite nua iad arna ndéanamh ag monaróir atá bunaithe san Aontas Eorpach; nó
gur uirlisí neamh–uathoibríocha meáite iad arna n–allmhairiú ó thír neamh–AE, bídís nua nó athláimhe.
Tá feidhm ag an treoir le gach cineál soláthair uirlisí neamh–uathoibríocha meáite, lena n–áirítear ciandíol.
Leis an treoir déantar idirdhealú idir na catagóirí úsáide seo a leanas a bhaineann le huirlisí neamh–uathoibríocha meáite chun meáchan a chinneadh le haghaidh na nithe seo a leanas:
idirbhearta tráchtála;
dola, taraif, cáin, bónas, pionós, luach saothair, slánaíocht nó íocaíocht chomhchosúil a ríomh;
cur i bhfeidhm dlíthe nó rialachán nó le haghaidh tuairim shaineolach a tugtar in imeachtaí cúirte;
cleachtadh na míochaine chun othair a mheá chun críocha monatóireachta, diagnóise agus cóireála leighis;
cógais a ullmhú ar oideas i gcógaslann agus meáchan a chinneadh in anailísí a dhéantar i saotharlanna leighis agus cógaisíochta;
chun críocha díolachán díreach don phobal agus réamhphacáistí a ullmhú.
Freagrachtaí monaróirí, allmhaireoirí agus dáileoirí
Ní mór do mhonaróirí a áirithiú:
go bhfuil marcáil comhréireachta ar gach uirlis neamh–uathoibríocha mheáite atá ar díol san Aontas Eorpach ar a bhfuil an mharcáil comhréireachta Eorpach (CE) mar aon leis an gcomhartha méadreolaíochta forlíontach (M), leis an dá dhigit dheireanacha den bhliain a greamaíodh í agus uimhir/uimhreacha an chomhlachta creidiúnaithe dá dtugtar fógra2 ar a léirítear go gcomhlíonann siad na ceanglais fhíor-riachtanacha go léir a leagtar amach in Iarscríbhinn I a ghabhann leis an treoir;
go dtaisceann siad iarratas ar scrúdú de chineál an Aontais Eorpaigh le comhlacht amháin dá rogha féin dá dtugtar fógra i gcomhréir le hIarscríbhinn II a ghabhann leis an treoir maidir le nósanna imeachta um measúnú comhréireachta;
go ndéanann siad measúnú riosca agus comhréireachta agus go ndréachtaíonn siad doiciméadúchán teicniúil don uirlis neamh–uathoibríoch mheáite sula ngreamaíonn siad na marcálacha CE + M (féach Iarscríbhinn III a ghabhann leis an treoir);
go gcoimeádann siad (agus má cheapann siad ionadaí údaraithe3) an doiciméadúchán teicniúil agus dearbhú comhréireachta an Aontais Eorpaigh (mar atá leagtha amach in Iarscríbhinn IV a ghabhann leis an treoir) ar feadh 10 mbliana i ndiaidh an uirlis neamh–uathoibríocha mheáite a chur ar an margadh.
go léiríonn siad a n–ainm, a dtrádainm cláraithe nó a dtrádmharc cláraithe agus an seoladh poist ar an uirlis neamh–uathoibríocha mheáite lenar féidir teagmháil a dhéanamh leo chun inrianaitheacht a áirithiú;
sa chás go gcreideann siad, maidir le huirlisí neamh–uathoibríocha meáite a chur siad ar an margadh, nach bhfuil siad i gcomhréir, go nglacann siad bearta ceartaitheacha chun iad a chur i gcomhréir, iad a tharraingt siar nó iad a aisghairm;
go bhfuil treoracha agus faisnéis a ghabhann leis an uirlis neamh–uathoibríoch mheáite scríofa i dteanga is féidir le húsáideoirí deiridh a thuiscint go héasca agus go bhfuil siad, chomh maith le haon lipéadú, soiléir agus intuigthe.
Ní mór d’allmhaireoirí a áirithiú:
go bhfuil uirlisí neamh–uathoibríocha meáite a chuireann siad ar an margadh i gcomhréir leis na ceanglais fhíor–riachtanacha;
go ndearna monaróirí measúnuithe comhréireachta i gceart agus go gcuireann siad an t–údarás um fhaireachas margaidh ar an eolas má mheasann siad nach bhfuil na huirlisí neamh–uathoibríocha meáite i gcomhréir;
go léiríonn siad a n–ainm, a dtrádainm cláraithe nó a dtrádmharc cláraithe agus an seoladh poist ar an uirlis neamh–uathoibríoch mheáite inar féidir teagmháil a dhéanamh leo;
go bhfuil marcáil uirlisí neamh–uathoibríocha meáite agus doiciméadúchán arna dhréachtú ag monaróirí ar fáil lena n–iniúchadh ag na húdaráis inniúla.
Ní mór do dháileoirí a áirithiú:
i gcás uirlisí neamh–uathoibríocha meáite faoina gcúram, a ndálaí stórála nó a ndálaí iompair, nach gcuireann siad i mbaol comhlíonadh na n–uirlisí maidir leis na ceanglais fhíor-riachtanacha;
go bhfuil na marcálacha riachtanacha ar uirlisí neamh–uathoibríocha meáite;
sa chás go gcreideann siad, maidir le huirlisí neamh–uathoibríocha meáite a chuir siad ar an margadh, nach bhfuil siad i gcomhréir, go nglacann siad bearta ceartaitheacha chun iad a chur i gcomhréir, iad a tharraingt siar nó iad a aisghairm;
Ina theannta sin, sa treoir:
tugtar isteach ceanglais maidir le húdaráis a thugann fógra agus maidir leis na nósanna imeachta maidir le fógra a thabhairt;
sonraítear an chaoi nach mór d’údaráis náisiúnta a dhéanann monatóireacht ar chúrsaí sábháilteachta allmhairiú uirlisí neamh–uathoibríocha meáite ó thíortha neamh-AE a chuireann sláinte agus sábháilteacht daoine i mbaol a shainaithint agus a chosc;
folaítear rialacha maidir le pionóis i leith sáruithe arna ndéanamh ag monaróirí, allmhaireoirí agus dáileoirí a bhféadfadh pionóis choiriúla a áireamh i gcásanna tromchúiseacha.
CÉN UAIR ATÁ TOSACH FEIDHME NA TREORACH?
Le Treoir 2014/31/AE rinneadh Treoir 2002/95/CE a athbhreithniú agus cuireadh in ionad na treorach sin í agus b’éigean í a chur i bhfeidhm i dtíortha AE ón i leith.
Uirlis neamh–uathoibríoch mheáite: uirlis mheáite lena dteastaíonn idirghabháil an duine le linn meáite.
Comhlacht dá dtugtar fógra: eagraíocht neamhspleách arna hainmniú ag tír de chuid an Aontais Eorpaigh chun comhréireacht táirgí áirithe a mheasúnú sula gcuirtear ar an margadh iad. Cuireann sé i gcrích cúraimí a bhaineann le nósanna imeachta um measúnú comhréireachta a leagtar amach sa reachtaíocht ábhartha, nuair a theastaíonn idirghabháil údaráis sheachtraigh.
Ionadaí údaraithe: aon duine nó eagraíocht a bhunaítear in AE ag a bhfuil sainordú i scríbhinn ó mhonaróir chun gníomhú thar a gceann.
PRÍOMHDHOICIMÉAD
Treoir 2014/31/AE ó Pharlaimint na hEorpa agus ón gComhairle an maidir le comhchuibhiú dhlíthe na mBallstát a bhaineann le huirlisí neamh–uathoibríocha meáite a chur ar fáil ar an margadh (athmhúnlú) (IO L 96, , lgh. 107-148)
DOICIMÉID GHAOLMHARA
Rialachán (CE) Uimh. 765/2008 ó Pharlaimint na hEorpa agus ón gComhairle an ina leagtar amach na ceanglais maidir le creidiúnú agus maidir le faireachas margaidh a bhaineann le margú táirgí, agus lena n–aisghairtear Rialachán (CEE) Uimh. 339/93 (IO L 218, , lgh. 30-47).
Cinneadh Uimh. 768/2008/CE ó Pharlaimint na hEorpa agus ón gComhairle an maidir le creat comhchoiteann le haghaidh táirgí a mhargú, agus lena n–aisghairtear Cinneadh 93/465/CEE ón gComhairle (IO L 218, , lgh. 82-128)