Ionstraim an AE a chuidíonn le Cobhsaíocht agus Síocháin (2014-2020)

 

ACHOIMRE AR:

Rialachán (AE) Uimh. 230/2014 lena mbunaítear ionstraim lena gcuirtear le cobhsaíocht agus le síocháin

CÉARD IS AIDHM DON RIALACHÁN SEO?

Bunaítear Ionstraim leis lena gcuirtear le Cobhsaíocht agus le Síocháin (IcSP) — modh lena bhféadann an AE cur le cobhsaíocht agus le síocháin trína chinntiú go mbíonn na gníomhartha a ghlacann sé éifeachtúil agus seasmhach.

Clúdaítear leis na réimsí a leanas:

• freagairt ar ghéarchéimeanna;
• coinbhleachtaí a chosc;
• cothú na síochána agus ullmhacht i gcomhair géarchéimeanna;
• tabhairt faoi bhagairtí slándála domhanda agus trasréigiúnacha.

PRÍOMHPHOINTÍ

Tacú

Dírítear cabhair theicniúil agus airgeadais a sholáthraítear faoin ionstraim seo ar 3 thosaíocht:

 

• 1.
  Mearfhreagairt ar ghéarchéimeanna nó ar ghéarchéimeanna atá ag teacht chun cinn chun coinbhleachtaí polaitiúla a chosc nó lena áirithiú nach n–éireoidh staideanna ina n–ábhar coinbhleachta armtha. Áirítear leis sin na nithe seo a leanas:

  • tacú le rúin nua na Náisiún Aontaithe (NA) a chur i bhfeidhm maidir le mná, le síocháin agus le slándáil nó le haghaidh binsí idirnáisiúnta coiriúla,
  • bearta chun an príomhbhonneagar, tithe, foirgnimh phoiblí agus sócmhainní eacnamaíocha a athshlánú nuair a thagann deireadh le coinbhleacht,
  • gníomhartha chun úsáid aindleathach arm tine a chomhrac, aimsiú agus baint mianach, agus
  • tacaíocht chun dul i ngleic leis an tionchar a bhaineann le gluaiseachtaí tobanna daonra.

  De ghnáth, ní chuirtear na bearta seo i bhfeidhm ach amháin ar feadh 18 mí ar a mhéad.

   

• 2.
  Coinbhleachtaí a chosc agus ullmhacht do ghéarchéimeanna:

  • anailís luathrabhaidh agus riosca coinbhleachta a chur chun cinn maidir le ceapadh beartas agus le tógáil muiníne trí bhíthin idirghabhála, idirphlé agus réitigh i gcomhthéacs teannas idir-chomhphobail;
  • imlonnú na misean cobhsaíochta sibhialtach a sainaithníodh ag an gComhairle Eorpach in Feira in 2000:
    • forbairt acmhainní — póilíní,
    • riail dlí a neartú,
    • riarachán sibhialtach a neartú, agus
    • cosaint shibhialtach a neartú;
  • srian a chur le húsáid acmhainní nádúrtha chun coinbhleachtaí a mhaoiniú (amhail gníomhartha chun stop a chur le trádáil i ndiamaint choinbhleachta).

  Is bearta fadtéarmacha na bearta faoin tosaíocht seo.

   

• 3.
  Aghaidh a thabhairt ar bhagairtí domhanda, le bearta fadtéarmacha chun:

  • Freagairt don sceimhlitheoireacht;
  • Aghaidh a thabhairt ar an mbagairt ó choireacht eagraithe (lena n–áirítear cibearchoireacht);
  • Bonneagar criticiúil (córais atá riachtanach maidir le feidhmeanna riachtanacha sochaíocha ar nós leictreachais nó bealaí iompair a chothabháil) a chosaint;
  • Aghaidh a thabhairt ar bhagairtí slándála a thagann ón athrú aeráide;
  • Rioscaí Núicléacha Raideolaíocha Baictéareolaíocha Ceimiceacha a mhaolú;
  • Forbairt Acmhainní Slándála le haghaidh Forbartha a chur i bhfeidhm.

   

Cur chuige solúbtha agus rannpháirteachas na sochaí sibhialta

Ar mhaithe le héifeachtúlacht níos fearr, cuirfear cabhair níos solúbtha ar fáil faoin IcSP trí bhíthin uasfhad na mbeart mearfhreagartha a shíneadh go dtí suas le 30 mí, agus bainfear feidhm as beart eisceachtúil eile um chúnamh, i gcásanna ina maireann an choinbhleacht, chun cur le torthaí an bhirt roimhe sin.

Féadfar an chabhair dhaonnúil agus cistiúchán fadtéarmach comhair um fhorbairt de chuid AE a chomhlánú chomh maith le hacmhainní airgeadais.

Na bearta ullmhúcháin, clárúcháin, cuir i bhfeidhm agus monatóireachta faoin ICR, féadfar iad a dhaingniú, más féidir agus más iomchuí, trí bhíthin tacaíocht a fháil ó eagraíochtaí neamhrialtasacha (ENRanna), ó eagraíochtaí a dhéanann ionadaíocht do phobail dhúchais agus ó ghrúpaí áitiúla saoránach.

Buiséad agus cur i bhfeidhm

Is é buiséad IcSP don tréimhse 2014-20 ná €2.339 billiún. Tá an chuid is mó de na rialacha agus na nósanna imeachta a bhaineann leis an gclár seo a chur i bhfeidhm le fáil i Rialachán (AE) Uimh. 236/2014, ar rialachán cothrománach é lena ndéantar cur i bhfeidhm an chistiúcháin sheachtraigh uile de chuid AE a ailíniú agus a shimpliú.

Leasú ar Rialachán (AE) Uimh. 236/2014

I gcomhthéacs tiomantas an AE do Chlár Oibre 2030 don Fhorbairt Inbhuanaithe, (SFI1 ná deireadh a chur leis an mbochtaineacht, agus SFI16 ná an tsíocháin agus an ceartas a chur chun cinn), mar aon le ráiteas comhpháirteach an AE maidir leis an gComhdhearcadh Eorpach maidir le Forbairt nua, déanann Rialachán (AE) 2017/2306 leasú ar an rialachán bunaidh.

Leis an rialachán leasaithe, tá cead ag an AE, in imthosca eisceachtúla, cúnamh a sholáthar i gcomhair acmhainní míleata a fhorbairt i dtíortha comhpháirtíochta d’fhonn slándáil i gcomhair gníomhartha forbartha a sheachadadh i bhfoirm oiliúna, meantóireachta, trealaimh, feabhsúcháin bhonneagair, srl. Ní fhéadfar cúnamh AE a úsáid i gcás ar bith chun forbairtí acmhainní míleata a mhaoiniú chun críoch eile seachas slándáil ar fhorbairt. I bhfocail eile, ní fhéadfar é a úsáid chun maoiniú a dhéanamh ar threalamh marfach, ar chaiteachas athfhillteach míleata, nó ar oiliúint chun acmhainn troda a mhéadú.

Tá buiséad €100 milliún leithdháilte i gcomhair na bearta nua seo idir 2018 agus 2020.

CATHAIN A BHEIDH FEIDHM AG AN RIALACHÁN SEO?

Tá feidhm aige ón 1 Eanáir 2014 go dtí an 31 Nollaig 2020, leis an leasú CBSD i bhfeidhm ó Eanáir 2018.

CÚLRA

Chun tuilleadh faisnéise a fháil, féach:

• An Ionstraim lena gcuirtear le Cobhsaíocht agus Síocháin (IcSP) (An Coimisiún Eorpach).

PRÍOMHDHOICIMÉAD

Rialachán (AE) Uimh. 230/2014 ó Pharlaimint na hEorpa agus ón gComhairle an 11 Márta 2014 lena mbunaítear ionstraim lena gcuirtear le cobhsaíocht agus síocháin (IO L 77, 15.3.2014, lgh. 1-10)

Rinneadh leasuithe comhleanúnacha ar Rialachán (AE) Uimh. 230/2014 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Ráiteas comhpháirteach ón gComhairle agus ó ionadaithe rialtais na mBallstát ag cruinniú laistigh den Chomhairle, ó Pharlaimint na hEorpa agus ón gCoimisiún Eorpach (IO C 210 an 30.6.2017, lgh. 1-24)

Rialachán (AE) Uimh. 236/2014 ó Pharlaimint na hEorpa agus ón gComhairle an 11 Márta 2014 lena leagtar síos na rialacha agus na nósanna imeachta comhchoiteanna maidir le cur chun feidhme ionstraimí an Aontais i ndáil le gníomhaíochtaí seachtracha a mhaoiniú (IO L 77, 15.3.2014, lgh. 95-108)

Féach an leagan comhdhlúite.

Nuashonraithe 13.04.2018