Spriocanna tacaíochta don athrú aeráide agus spriocanna feidhmíochta do chistí SIE

 

ACHOIMRE AR:

Rialachán cur chun feidhme (AE) Uimh. 215/2014 — na modheolaíochtaí chun an leibhéal tacaíochta airgeadais don athrú aeráide a chinneadh, agus spriocanna a shocrú le haghaidh idirghabháil chistí struchtúracha agus infheistíochta na hEorpa (cistí SIE)

CAD IS AIDHM LEIS AN RIALACHÁN CUR CHUN FEIDHME SEO?

Tá sé mar aidhm leis modhanna a leagan amach chun conas a dhéantar tosaíocht de thacaíocht i leith an athraithe aeráide a ríomh agus a roinnt idir na 5 chiste SIE.

Leagtar amach leis spriocanna feidhmíochta, agus go háirithe tugtar breac-chuntas ann ar cé acu catagóirí idirghabhála ar tosaíochtaí iad.

PRÍOMHPHOINTÍ

Leagtar amach sa rialachán cur chun feidhme seo, dá dtagraítear in Airteagal 8 de Rialachán (AE) Uimh. 1303/2013 coinníollacha maidir le gach ceann de chistí SIE chun an mhodheolaíocht ríofa a chur i bhfeidhm, bunaithe ar na catagóirí idirghabhála, réimsí fócais nó beart.

Is iad a leanas na 5 chiste SIE:

• Ciste Forbraíochta Réigiúnaí na hEorpa (CFRE);
• Ciste Sóisialta na hEorpa (CSE);
• an Ciste Comhtháthaithe;
• an Ciste Eorpach Talmhaíochta um Fhorbairt Tuaithe (CETFT);
• an Ciste Eorpach Muirí agus Iascaigh (CEMI).

I gcás gach ciste SIE, tugtar ualú sainiúil an rialachán lena léirítear an méid a rannchuidíonn tacaíocht airgeadais AE le spriocanna maolaithe agus oiriúnaithe don athrú aeráide. Sa chás go bhfuil an rannchuidiú neamhshuntasach, tugtar ualú de nialas. Úsáidtear an t–ualú sin chun rianú na tacaíochta a chomhchuibhiú a chuireann le spriocanna maolaithe agus oiriúnaithe don athrú aeráide i mbeartais éagsúla AE, agus chun na difríochtaí sa rannchuidiú ó gach ceann de na cistí SIE a léiriú.

Tugtar tosaíocht do ríomh na tacaíochta airgeadais do chuspóirí an athraithe aeráide do na cistí éagsúla SIE trí ualú a úsáid, mar atá sna samplaí a leanas.

CFRE, CSE agus an Ciste Comhtháthaithe

• Infheistíocht tháirgiúil: déantar infheistíocht i bhfiontair mhóra atá nasctha leis an ngeilleagar ísealcharbóin a ualú ag 40%.
• Bonneagar lena soláthraítear seirbhísí bunúsacha:
  • déantar bearta fuinnimh inathnuaite agus éifeachtúlachta fuinnimh a ualú ag 100%;
  • déantar iarnróid, iompar glan uirbeach agus calafoirt a ualú ag 40%;
  • déantar forbairt ar bhóithre agus ar aerfoirt a ualú ag 0%.
• Acmhainn reatha a fhorbairt: tionscadail éifeachtúlachta fuinnimh agus geilleagair ísealcharbóin, lena n–áirítear forbairt rotharbhealaí agus cosán, rátaithe ag 100%.

CETFT

• Tugtar ualú 100% d’éiceachórais a athbhunú, a chaomhnú agus a fheabhsú, éifeachtúlacht acmhainní a chur chun cinn agus tacú leis an aistriú go geilleagar ísealcharbóin atá athléimneach ó thaobh aeráide de, earnálacha talmhaíochta, bia agus foraoiseachta agus tacaíocht CSIE á ríomh.
• Tugtar ualú 40% do thionscadail atá dírithe ar chosc agus ar bhainistíocht riosca feirme agus ar fhorbairt áitiúil a chothú i gceantair thuaithe.

CEMI

Tugtar ualú 100% do thionscadail leis na spriocanna a leanas:

• maolú ar an athrú aeráide;
  • infheistíochtaí ar bord
  • iniúchtaí agus scéimeanna um éifeachtúlacht fuinnimh;
• athsholáthar nó nuachóiriú innill;
• scor go buan de ghníomhaíochtaí iascaireachta.

Tionscadail a dtugtar ualú 40% dóibh:

• gníomhaíochtaí iascaireachta a scor go sealadach;
• cistí frithpháirteacha maidir le teagmhais dhíobhálacha aeráide agus teagmhais chomhshaoil;
• córais leithdháilte deiseanna iascaireachta;
• iascaireacht a oiriúnú do chosaint speiceas;
• bithéagsúlacht mhuirí a chosaint agus a athchóiriú;
• tiomáint mhalartach agus dearadh malartach cabhail;
• fauna agus flora uisceach intíre a chosaint agus a fhorbairt;
• acmhainn dobharshaothraithe a mhéadú;
• cosaint na timpeallachta muirí, agus úsáid inbhuanaithe acmhainní muirí agus cósta a chur chun cinn;
• infheistíochtaí lena gcuirtear feabhas ar bhonneagar reatha calafoirt iascaireachta, hallaí ceantála nó ar láithreáin ag a gcuirtear iasc i dtír agus ar fhothanacha.

Garspriocanna agus spriocanna

Measfar na garspriocanna nó na spriocanna tosaíochta a bheith bainte amach má shroich na táscairí gaolmhara:

• ar a laghad 85% de luach na garsprice faoi dheireadh 2018; nó
• ar a laghad 85% de luach na sprice faoi dheireadh 2023.

CÉN UAIR ATÁ TOSACH FEIDHME AN RIALACHÁIN CUR CHUN FEIDHME?

Tá sé i bhfeidhm ón 9 Márta 2014.

CÚLRA

Chun tuilleadh faisnéise a fháil, féach:

• Gníomhú ar son na haeráide (An Coimisiún Eorpach)
• Cistí struchtúracha agus infheistíochta na hEorpac (an Coimisiún Eorpach).

PRÍOMHDHOICIMÉAD

Rialachán cur chun feidhme (AE) Uimh. 215/2014 an 7 Márta 2014 lena leagtar síos rialacha maidir le Rialachán (AE) Uimh. 1303/2013 ó Pharlaimint na hEorpa agus ón gComhairle lena leagtar síos forálacha coiteanna maidir le Ciste Forbraíochta Réigiúnaí na hEorpa, le Ciste Sóisialta na hEorpa, leis an gCiste Comhtháthaithe, leis an gCiste Eorpach Talmhaíochta um Fhorbairt Tuaithe agus leis an gCiste Eorpach Muirí agus Iascaigh agus lena leagtar síos forálacha ginearálta maidir le Ciste Forbraíochta Réigiúnaí na hEorpa, le Ciste Sóisialta na hEorpa, leis an gCiste Comhtháthaithe agus leis an gCiste Eorpach Muirí agus Iascaigh maidir le modheolaíochtaí chun tacú leis an athrú aeráide, chun garspriocanna agus spriocanna a dheimhniú sa chreat feidhmíochta agus in ainmníocht na gcatagóirí idirghabhála do na Cistí Eorpacha Struchtúracha agus Infheistíochta (IO L 69, 8.3.2014, lgh. 65-84)

Rinneadh leasuithe comhleanúnacha ar Rialachán (AE) Uimh. 215/2014 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) Uimh 508/2014 ó Pharlaimint na hEorpa agus ón gComhairle an 15 Bealtaine 2014 maidir leis an gCiste Eorpach Muirí agus Iascaigh agus lena n–aisghairtear Rialachán (CE) Uimh. 2328/2003, Rialachán (CE) Uimh. 861/2006 Rialachán (CE) Uimh. 1198/2006 agus Rialachán (CE) Uimh. 791/2007 ón gComhairle agus Rialachán (AE) Uimh. 1255/2011 ó Pharlaimint na hEorpa agus ón gComhairle (IO L 149, 20.5.2014, lgh. 1-66)

Féach an leagan comhdhlúite.

Rialachán (AE) Uimh. 1300/2013 ó Pharlaimint na hEorpa agus ón gComhairle ar an 17 Nollaig 2013 maidir leis an gCiste Comhtháthaithe agus lena n–aisghairtear Rialachán (CE) Uimh. 1084/2006 (Ol L 347, 20.12.2013, lgh. 281-288)

Féach an leagan comhdhlύite.

Rialachán (AE) Uimh. 1301/2013 ó Pharlaimint na hEorpa agus ón gComhairle an 17 Nollaig 2013 maidir le Ciste Forbraíochta Réigiúnaí na hEorpa agus maidir le forálacha sonracha i ndáil le sprioc na hInfheistíochta le haghaidh fáis agus post agus lena n–aisghairtear Rialachán (CE) Uimh. 1080/2006 (IO L 347, 20.12.2013, lgh. 289-302)

Féach an leagan comhdhlúite.

Rialachán (AE) Uimh. 1303/2013 ó Pharlaimint na hEorpa agus ón gComhairle an 17 Nollaig 2013 lena leagtar síos forálacha coiteanna maidir le Ciste Forbraíochta Réigiúnaí na hEorpa, le Ciste Sóisialta na hEorpa, leis an gCiste Comhtháthaithe, leis an gCiste Eorpach Talmhaíochta um Fhorbairt Tuaithe agus leis an gCiste Eorpach Muirí agus Iascaigh agus lena leagtar síos forálacha ginearálta maidir le Ciste Forbraíochta Réigiúnaí na hEorpa, le Ciste Sóisialta na hEorpa, leis an gCiste Comhtháthaithe agus leis an gCiste Eorpach Muirí agus Iascaigh agus lena n–aisghairtear Rialachán (CE) Uimh. 1083/2006 ón gComhairle (IO L 347, 20.12.2013, lgh. 320-469).

Féach an leagan comhdhlúite.

Rialachán (AE) Uimh. 1304/2013 ó Pharlaimint na hEorpa agus ón gComhairle an 17 Nollaig 2013 maidir leis an gCiste Comhtháthaithe agus lena n–aisghairtear Rialachán (CE) Uimh. 1081/2006 (IO L 347, 20.12.2013, lgh. 470–486)

Féach an leagan comhdhlúite.

Rialachán (AE) Uimh. 1305/2013 ó Pharlaimint na hEorpa agus ón gComhairle an 17 Nollaig 2013 maidir le tacaíocht d’fhorbairt tuaithe ón gCiste Eorpach Talmhaíochta um Fhorbairt Tuaithe (CETFT) agus lena n–aisghairtear Rialachán (CE) Uimh. 1698/2005 (IO L 347, 20.12.2013, lgh. 487-548)

Féach an leagan comhdhlúite.

Nuashonraithe 22.01.2019