Is sliocht ón suíomh gréasáin EUR-Lex atá sa doiciméad seo
An comhrac igcoinne na sceimhlitheoireachta
Tagann iarrachtaí an Aontais Eorpaigh (AE) maidir leis an gcomhrac i gcoinne na sceimhlitheoireachta, faoin gcomhar póilíneachta agus breithiúnach in ábhair choiriúla, i.e. teideal V den Chonradh ar Fheidhmiú an Aontais Eorpaigh (CFAE). Tagraítear go sonrach don sceimhlitheoireacht mar choir thromchúiseach in Airteagal 83 den chonradh.
Tá ionstraimí dlíthiúla éagsúla i bhfeidhm ag AE chun an sceimhlitheoireacht a chomhrac. Mar shampla, leagtar síos le Treoir (AE) 2017/541 maidir leis an sceimhlitheoireacht a chomhrac, i measc rudaí eile, íosrialacha maidir le cad iad na gníomhaíochtaí ba cheart a cháiliú mar chionta sceimhlitheoireachta. Is sampla eile é Rialachán (AE) 2019/1148, rialachán lena gcuirtear rialacha i bhfeidhm chun cosc a chur ar mhí–úsáid ceimiceán a d’fhéadfaí a úsáid chun buamaí de dhéantús baile a dhéanamh.
In Iúil 2020, chuir AE a straitéis aontais slándála i láthair. Leagtar amach leis an straitéis sin uirlisí agus bearta atá le forbairt sna 5 bliana amach romhainn chun slándáil inár dtimpeallachtaí fisicúla agus digiteacha a áirithiú. Tá cosaint ar an sceimhlitheoireacht agus ar an gcoireacht eagraithe ar cheann de na tosaíochtaí staitéiseacha daoine in AE.
Tá sceimhlitheoireacht agus radacú a mbíonn antoisceachas foréigneach mar thoradh orthu ag teacht chun cinn i gcónaí mar bhagairtí móra ar shlándáil Eorpach agus ar a slí mhaireachtála. Tá gníomhaíocht chomhordaithe AE ríthábhachtach chun gníomh éifeachtach a áirithiú maidir le daoine in AE a chosaint. Ní mór do AE agus dá Bhallstáit oibriú le chéile chun an sceimhlitheoireacht, ar líne agus as líne, a chomhrac agus a chosc. Dá bhrí sin i Nollaig 2020, ghlac an Coimisiún Eorpach clár oibre frithsceimhlitheoireachta do AE chun an bealach a réiteach don chomhrac in aghaidh na sceimhlitheoireachta sna blianta amach romhainn. Is é is aidhm leis an gclár oibre bagairtí a thuar ar bhealach níos fearr, iarrachtaí coisc a fheabhsú, cuidiú le daoine, spásanna poiblí agus bonneagair a chosaint, agus freagairt go héifeachtúil nuair a tharlaíonn ionsaithe sceimhlitheoireachta.
FÉACH FREISIN
- Limistéar na saoirse, na slándála agus an cheartais
- Eurojust
- Barántas Gabhála Eorpach
- An Gréasán Breithiúnach Eorpach in ábhair choiriúla (EJN)
- Europol (Gníomhaireacht an Aontais Eorpaigh i ndáil le Comhar i bhForfheidhmiú an Dlí)
- Straitéis Slándála Inmheánaí
- Ballstáit
- Comhar póilíneachta agus comhar breithiúnach in ábhair choiriúla
- An comhrac i gcoinne na sceimhlitheoireachta — sainmhínithe ar chionta sceimhlitheoireachta agus tacaíocht d’íospartaigh (achoimre)
- Margú agus úsáid réamhtheachtaithe pléascán (ón ar aghaidh) (achoimre)
- Straitéis slándála aontais AE (achoimre)
- Freagairt AE ar bhagairt na sceimhlitheoireachta (An Chomhairle)
- Frithsceimhlitheoireacht agus frithradacú (An Coimisiún Eorpach)
- Aontas slándála: clár oibre frithsceimhlitheoireachta agus Europol níos láidre chun borradh a chur faoi athléimneacht AE — preasráiteas (An Coimisiún Eorpach).