EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Il-Ġurnal Uffiċjali tal-Unjoni Ewropea
Edizzjonijiet riċenti
Riżultati 1 - 137 ta' 137
| Data | L (Legiżlazzjoni) | C (Informazzjoni u Avviżi) |
|---|---|---|
| 16/08/2024 | Numru tal-atti għall-wiri: 8 | Numru tal-atti għall-wiri: 32 |
| 14/08/2024 | Numru tal-atti għall-wiri: 5 | Numru tal-atti għall-wiri: 7 |
| 13/08/2024 | Numru tal-atti għall-wiri: 3 | Numru tal-atti għall-wiri: 5 |
| 12/08/2024 | Numru tal-atti għall-wiri: 16 | Numru tal-atti għall-wiri: 61 |
Riżultati 1 - 137 ta' 137
Il-Ġurnal Uffiċjali tal-Unjoni Ewropea huwa l-pubblikazzjoni uffiċjali (gazzetta) għall-atti legali tal-UE, atti oħra u informazzjoni uffiċjali mill-istituzzjonijiet, il-korpi, l-uffiċċji u l-aġenziji tal-UE.
Hu ppubblikat mit-Tnejn sal-Ġimgħa – u f’każijiet urġenti s-Sibtijiet, il-Ħdud u l-festi pubbliċi – bil-lingwi uffiċjali tal-UE fiż-żmien tal-pubblikazzjoni, li bħalissa huma 24.
L-EUR-Lex fih il-verżjoni elettronika tal-Ġurnali Uffiċjali kollha u jmur lura għat-30 ta’ Diċembru 1952 meta ġie ppubblikat l-ewwel Ġurnal Uffiċjali tal-Komunità Ewropea tal-Faħam u l-Azzar.
Wara d-dħul fis-seħħ tat-Trattat li jistabbilixxi l-Komunità Ekonomika Ewropea u t-Trattat li jistabbilixxi l-Komunità Ewropea tal-Enerġija Atomika fl-1958, il-Ġurnal Uffiċjali tal-Komunitajiet Ewropej inħoloq bid-Deċiżjonijiet tal-Kunsilli tal-Komunità Ekonomika Ewropea u tal-Komunità Ewropea tal-Enerġija Atomika tal-15 ta’ Settembru 1958 (Ġurnal Uffiċjali Nru 17, 6.10.1958, p. 390 u 419).
Minn Lulju 2013, l-edizzjonijiet elettroniċi tal-Ġurnal Uffiċjali biss ippubblikati fl-EUR-Lex huma awtentiċi u jipproduċu effetti legali.
Mill-1 ta’ Ottubru 2023, il-Ġurnal Uffiċjali m'għadux ġabra ta’ atti b’werrej. Kull att hu ppubblikat individwalment bħala Ġurnal Uffiċjali awtentiku fil-format PDF. Ara aktar f’dan il-filmat bi traskrizzjoni .
Il-Ġurnal Uffiċjali bħalissa fih 2 serjejiet:
- L – Leġiżlazzjoni, l-aktar b’liġi sekondarja tal-UE (prinċipalment regolamenti, direttivi, deċiżjonijiet, opinjonijiet u rakkomandazzjonijiet) u ftehimiet internazzjonali
- C – Informazzjoni u avviżi, li fihom atti preparatorji, avviżi, sommarji tas-sentenzi tal-Qorti tal-Ġustizzja tal-Unjoni Ewropea, rapporti annwali tal-Qorti Ewropea tal-Awdituri, dikjarazzjonijiet mill-Kumitat Ekonomiku u Soċjali Ewropew u mill-Kumitat Ewropew tar-Reġjuni, sejħiet għal espressjonijiet ta’ interess għal programmi u proġetti tal-UE, eċċ.
Tista’ ssib aktar informazzjoni dwar Il-Ġurnal Uffiċjali tal-Unjoni Ewropea (struttura, serje, edizzjonijiet speċjali, awtentiċità, eċċ.) fil-paġni ta’ għajnuna.
Bażi ġuridika għall-pubblikazzjoni elettronika ta’ Il-Ġurnal Uffiċjali tal-Unjoni Ewropea:
- L-Artikolu 191 tat-Trattat li jistabbilixxi l-Komunità Ekonomika Ewropea
- Id-Deċiżjoni tal-Kunsill tal-Komunità Ekonomika Ewropea li toħloq il-Ġurnal Uffiċjali tal-Komunitajiet Ewropej tal-15 ta’ Settembru 1958 (Ġurnal Uffiċjali Nru 17, 6.10.1958, p. 390)
- Id-Deċiżjoni tal-Kunsill tal-Komunità Atomika tal-Enerġija Ewropea li toħloq il-Ġurnal Uffiċjali tal-Komunitajiet Ewropej tal-15 ta’ Settembru 1958 (Ġurnal Uffiċjali Nru 17, 6.10.1958, p. 390)
- Ir-Regolament tal-Kunsill (UE) Nru 216/2013 tas-7 ta’ Marzu 2013 dwar il-pubblikazzjoni elettronika ta' Il-Ġurnal Uffiċjali tal-Unjoni Ewropea (ĠU L 69, 13.3.2013, p. 1).