This document is an excerpt from the EUR-Lex website
Document 32017R2243
Commission Implementing Regulation (EU) 2017/2243 of 30 November 2017 on repealing Implementing Regulation (EU) No 1212/2014 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) 2017/2243 tat-30 ta' Novembru 2017 li jħassar ir-Regolament ta' Implimentazzjoni tal-Kummissjoni (UE) Nru 1212/2014 dwar il-klassifikazzjoni ta' ċerti prodotti fin-Nomenklatura Magħquda
Regolament ta' Implimentazzjoni tal-Kummissjoni (UE) 2017/2243 tat-30 ta' Novembru 2017 li jħassar ir-Regolament ta' Implimentazzjoni tal-Kummissjoni (UE) Nru 1212/2014 dwar il-klassifikazzjoni ta' ċerti prodotti fin-Nomenklatura Magħquda
C/2017/8275
ĠU L 324, 08/12/2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/12/2017
|
8.12.2017 |
MT |
Il-Ġurnal Uffiċjali tal-Unjoni Ewropea |
L 324/1 |
REGOLAMENT TA' IMPLIMENTAZZJONI TAL-KUMMISSJONI (UE) 2017/2243
tat-30 ta' Novembru 2017
li jħassar ir-Regolament ta' Implimentazzjoni tal-Kummissjoni (UE) Nru 1212/2014 dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Bir-Regolament ta' Implimentazzjoni (UE) Nru 1212/2014 (2), il-Kummissjoni kklassifikat prodott solidu, ċilindriku, bil-kamin magħmul minn liga tat-titanju u ppreżentat għall-użu fil-qasam tal-kirurġija tat-trawmi taħt il-kodiċi NM 8108 90 90. |
|
(2) |
Fis-sentenza tagħha fil-Kawża C-51/16 (3), il-Qorti tal-Ġustizzja ddeċidiet li l-intestatura 9021 tan-Nomenklatura Magħquda (NM) stabbilita fl-Anness I tar-Regolament tal-Kunsill (KEE) Nru 2658/87 (4), kif emendat mir-Regolament ta' Implimentazzjoni tal-Kummissjoni (UE) Nru 1101/2014 (5), għandha tiġi interpretata li tfisser li viti għall-impjanti medikali bħal dawk inkwistjoni fil-kawża prinċipali jaqgħu taħt dik l-intestatura billi dawn il-prodotti għandhom karatteristiċi li jiddistingwuhom minn prodotti ordinarji, b'mod partikolari meta jitqies il-livell għoli tal-manifattura tagħhom, il-grad għoli ta' preċiżjoni tagħhom, il-metodu tal-manifattura tagħhom u l-ispeċifiċità tal-funzjoni tagħhom. B'mod partikolari, il-fatt li viti għall-impjanti medikali bħal dawk inkwistjoni fil-kawża prinċipali jistgħu jiġu installati fil-ġisem biss permezz ta' strumenti medikali speċifiċi, u mhux permezz ta' strumenti ordinarji, hija waħda mill-karatteristiċi li jridu jiġu kkunsidrati sabiex issir distinzjoni bejn dawk il-viti għall-impjanti medikali minn prodotti ordinarji. |
|
(3) |
Il-prodott kopert bir-Regolament ta' Implimentazzjoni (UE) Nru 1212/2014 jikkorrispondi mal-istandards ISO/TC 150 għall-viti għall-impjanti, huwa ppreżentat għall-użu fil-qasam tal-kirurġija tat-trawmi għall-iffissar tal-ksur, huwa ppreżentat f'pakkett sterilizzat, jiġi mmarkat b'numru u għalhekk huwa traċċabbli tul il-produzzjoni u d-distribuzzjoni, u għandu jiġi installat fil-ġisem bl-użu ta' għodda speċifiċi. |
|
(4) |
Għaldaqstant, il-klassifikazzjoni tal-prodott kopert bir-Regolament ta' Implimentazzjoni (UE) Nru 1212/2014 taħt il-kodiċi tan-NM 8108 90 90 mhijiex f'konformità mas-sejbiet tal-Qorti tal-Ġustizzja fil-Kawża C-51/16. |
|
(5) |
Għalhekk ir-Regolament ta' Implimentazzjoni (UE) Nru 1212/2014 jenħtieġ li jitħassar. |
|
(6) |
Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Ir-Regolament ta' Implimentazzjoni (UE) Nru 1212/2014 huwa mħassar.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta' Novembru 2017.
Għall-Kummissjoni,
F'isem il-President,
Stephen QUEST
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament ta' Implimentazzjoni tal-Kummissjoni (UE) Nru 1212/2014 tal-11 ta' Novembru 2014 dwar il-klassifikazzjoni ta' ċerti prodotti fin-Nomenklatura Magħquda (ĠU L 329, 14.11.2014, p. 3).
(3) Sentenza tal-Qorti tal-Ġustizzja tas-26 ta' April 2017, Stryker EMEA Supply Chain Services, C-51/16, ECLI:EU:C:2017:298.
(4) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).
(5) Ir-Regolament tal-Kummissjoni (UE) Nru 1101/2014 tas-16 ta' Ottubru 2014 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni (ĠU L 312, 31.10.2014, p. 1).