This document is an excerpt from the EUR-Lex website
Document 32009R1272
Commission Regulation (EU) No 1272/2009 of 11 December 2009 laying down common detailed rules for the implementation of Council Regulation (EC) No 1234/2007 as regards buying-in and selling of agricultural products under public intervention
Regolament tal-Kummissjoni (UE) Nru 1272/2009 tal- 11 ta' Diċembru 2009 li jistabbilixxi regoli komuni ddettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku
Regolament tal-Kummissjoni (UE) Nru 1272/2009 tal- 11 ta' Diċembru 2009 li jistabbilixxi regoli komuni ddettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku
ĠU L 349, 29/12/2009, p. 1–68
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 05/08/2016; Imħassar b' 32016R1238
29.12.2009 |
MT |
Il-Ġurnal Uffiċjali tal-Unjoni Ewropea |
L 349/1 |
REGOLAMENT TAL-KUMMISSJONI (UE) Nru 1272/2009
tal-11 ta' Diċembru 2009
li jistabbilixxi regoli komuni ddettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku
IL-KUMMISJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b'mod partikulari l-Artikolu 43(a), (aa), (ċ), (d), (f), (j), (k) u (l), flimkien mal-Artikolu 4 tiegħu,
Billi:
(1) |
L-Artikolu 10 tar-Regolament tal-Kunsill (KE) Nru 1234/2007 jipprovdi li l-intervent pubbliku għandu japplika għall-qamħ komuni, għall-qamħ tat-tip durum, għax-xgħir, għall-qamħirrun, għas-sorgu, għar-ross li jkun għadu fil-ħliefa, għaz-zokkor abjad jew mhux raffinat prodott skont il-kwota, għal-laħam frisk jew imkessaħ tas-settur taċ-ċanga u l-vitella, għall-butir u għat-trab tal-ħalib xkumat. |
(2) |
L-Artikolu 11 tar-Regolament tal-Kunsill (KE) Nru 1234/2007, kif emendat bir-Regolament tal-Kunsill (KE) Nru 72/2009 (2), jipprovdi li għaz-zokkor se jkun hemm skema tal-intervent pubbliku għas-snin tas-suq tal-2008/2009 u tal-2009/2010 biss. Sabiex tinżamm l-effettività ta' din l-iskema għas-settur taz-zokkor u jitnaqqas il-piż amministrattiv fuq l-operaturi u l-amministrazzjonijiet nazzjonali, ma jidhirx li huwa xieraq li wieħed iżid ir-regoli eżistenti dwar l-implimentazzjoni għas-settur taz-zokkor fir-regoli ddettaljati attwali għas-sena tas-suq tal-2009/2010. |
(3) |
Skema tal-intervent pubbliku għall-prodotti msemmija fl-Artikolu 10 tar-Regolament tal-Kunsill (KE) Nru 1234/2007 tapplika biss meta jintlaħqu l-kundizzjonijiet imsemmija f'dak ir-Regolament. |
(4) |
Sabiex tkun issimplifikata u tittejjeb l-effettività tal-mekkaniżmi ta' ġestjoni u ta' kontroll marbutin mal-iskema tal-intervent pubbliku, għandhom jiġu stabbiliti regoli komuni għall-prodotti kollha mniżżlin fl-Artikolu 10 tar-Regolament tal-Kunsill (KE) Nru 1234/2007, ħlief għaz-zokkor. |
(5) |
L-Artikolu 13(1)(a) tar-Regolament tal-Kunsill (KE) Nru 1234/2007, kif emendat bir-Regolament tal-Kunsill (KE) Nru 72/2009, jillimita l-intervent pubbliku bi prezz fiss għall-qamħ tat-tip durum, għax-xgħir, għall-qamħirrun u għas-sorgu għall-ebda tunnellata għall-perjodu mill-1 ta' Novembru sal-31 ta' Mejju u għar-ross li jkun għadu fil-ħliefa għall-ebda tunnellata għall-perjodu mill-1 ta' April sal-31 ta' Lulju. |
(6) |
L-Artikolu 13(1)(ċ) u (d) u l-Artikolu 18(2)(a) tar-Regolament (KE) Nru 1234/2007, kif emendat bir-Regolament (KE) Nru 72/2009, jillimitaw l-intervent pubbliku bi prezz fiss għall-butir għal 30 000 tunnellata, għat-trab tal-ħalib xkumat għal 109 000 tunnellata għall-perjodu mill-1 ta' Marzu sal-31 ta' Awwissu, u għall-qamħ komuni għal 3 miljun tunnellata għall-perjodu mill-1 ta' Novembru sal-31 ta' Mejju. |
(7) |
Skont l-Artikoli 13(3) u 18(2) tar-Regolament tal-Kunsill (KE) Nru 1234/2007, kif emendat bir-Regolament tal-Kunsill (KE) Nru 72/2009, il-Kummissjoni tista' tiddeċiedi li twessa’ l-applikazzjoni tal-iskema tal-intervent pubbliku permezz ta' proċedura ta' sejħa għall-offerti tal-prezzijiet li tmur lil hinn mil-limiti msemmija fl-Artikolu 13(1) tar-Regolament (KE) Nru 1234/2007, kif emendat bir-Regolament (KE) Nru 72/2009, jekk l-iżvilupp tal-prezzijiet tas-suq ikun jiġġustifika t-tali azzjoni. |
(8) |
Jeħtieġ li jiġu stabbiliti r-regoli f'dak li għandu x'jaqsam mal-awtoritajiet li għandhom f'idejhom l-intervent pubbliku fl-Istati Membri, skont ir-Regolament tal-Kummissjoni (KE) Nru 884/2006 tal-21 ta' Ġunju 2006 li jistabbilixxi regoli ddettaljati għall-applikazzjoni tar-Regolament tal-Kunsill (KE) Nru 1290/2005 f'dak li għandu x'jaqsam mal-finanzjament, mill-Fond Agrikolu Ewropew ta' Garanzija (l-FAEG), tal-miżuri ta' intervent fil-forma ta' operazzjonijiet tal-ħżin pubbliku, u mal-kontabilità tal-operazzjonijiet tal-ħżin pubbliku mill-aġenziji tal-ħlas tal-Istati Membri [verżjoni mhix uffiċjali] (3). Għall-għanijiet ta' dan ir-Regolament, dawn l-awtoritajiet għandhom jissejħu “aġenziji tal-intervent”. |
(9) |
Sabiex ikun żgurat li l-iskema tal-intervent pubbliku taħdem bl-iktar mod sempliċi u effiċjenti possibbli fil-Komunità Ewropea kollha, fir-rigward tax-xiri ta' prodotti eleġibbli fuq naħa u l-bejgħ mill-ġdid tal-prodotti meħudin mill-aġenziji tal-intervent fuq in-naħa l-oħra, għandhom jiġu ddefiniti l-kundizzjonijiet li għandhom jissodisfaw il-postijiet tal-ħżin. B'mod partikulari, għaċ-ċereali u għar-ross, sabiex ikun hemm konformità mad-dispożizzjonijiet stabbiliti fl-Artikolu 41 tar-Regolament tal-Kunsill (KE) Nru 1234/2007, għandhom ikunu deċiżi r-regoli li għandhom x'jaqsmu mal-approvazzjoni minn qabel taċ-ċentri tal-intervent mill-Istati Membri qabel ma dawn jintgħażlu mill-Kummissjoni. Sabiex ikun razzjonalizzat/issimplifikat il-mod kif jaħdem l-intervent, billi ma jibqgħux jintużaw faċilitajiet żgħar tal-ħżin li jistgħu jkunu mifruxin fuq reġjun sħiħ, għandha tkun stabbilita kapaċità minima tal-ħżin għaċ-ċentru tal-intervent u għall-postijiet tal-ħżin li jiffurmaw iċ-ċentru tal-intervent, imma din m'għandhiex tapplika f'każ li l-post tal-ħżin ikollu aċċess tajjeb għax-xmara, għall-baħar jew għal koinċidenza tal-ferrovija. |
(10) |
B'mod ġenerali, sabiex ikun hemm ġestjoni u kontroll iktar faċli tal-iskema, l-operaturi stabbiliti u rreġistrati għall-għanijiet tal-VAT fi Stat Membru biss għandhom jitħallew jieħdu sehem fl-iskema tal-intervent pubbliku. |
(11) |
Għall-għanijiet ta' xiri ta' ċereali u ross, jekk f'xi Stati Membri xi operaturi li jistgħu jieħdu sehem fl-iskema m'għandhomx numru tar-reġistrazzjoni tal-VAT, l-operaturi rreġistrati fir-reġistru tal-azjendi agrikoli għandhom ikunu permessi jipparteċipaw ukoll fl-iskema ta' intervent pubbliku. |
(12) |
Billi l-prodotti li huma koperti mill-miżuri tal-intervent għandhom natura differenti f'dak li għandu x'jaqsam mal-produzzjoni, maż-żmien tal-ħsad u mar-rekwiżiti tal-ħżin tagħhom, għandu jkun hemm kundizzjonijiet speċifiċi għalihom. |
(13) |
Sabiex ikun hemm kontroll effettiv tal-produzzjoni fis-settur taċ-ċanga u tal-vitella, b'mod partikulari għall-kundizzjonijiet tal-faċilitajiet tat-tneħħija tal-għadam u tal-faċilitajiet tal-ħżin, l-operaturi li huma eliġibbli biex jieħdu sehem fl-iskema tal-intervent pubbliku permezz ta' proċedura tas-sejħa għall-offerti tal-prezzijiet għandhom jissodisfaw iktar kundizzjonijiet. |
(14) |
Iċ-ċereali u r-ross li jkun għadu fil-ħliefa li l-kwalità tagħhom ma tippermettix iktar użu jew ħżin xieraq m'għandhomx jiġu aċċettati għall-intervent. Għalhekk, għandhom jiġu ddefiniti l-metodi meħtieġa biex tkun stabbilita l-kwalità taċ-ċereali u tar-ross. |
(15) |
Ir-riskji preżenti meta jinqabżu l-limiti massimi tas-sustanzi li jniġġsu li jistgħu jiġu aċċettati jistgħu jiġu identifikati mill-aġenziji tal-ħlas jew mill-aġenziji tal-intervent abbażi tat-tagħrif li jagħtuhom l-offerenti ta' xiri u l-offerenti tal-prezzijiet, u abbażi tal-kriterji tal-analiżi tagħhom stess. Għalhekk, sabiex jiġu llimitati l-ispejjeż finanzjarji, huwa ġġustifikat li wieħed jitlob li ssir analiżi taħt ir-responsabbiltà tal-aġenziji qabel ma jittieħdu l-prodotti, biss meta din tkun abbażi ta' analiżi tar-riskju li tippermetti li tiġi ggarantita l-kwalità tal-prodotti meta dawn jidħlu fl-iskema tal-intervent. |
(16) |
Għall-prodotti tas-settur taċ-ċanga u l-vitella, il-kundizzjonijiet għall-eliġibbiltà jridu jaqtgħu barra l dawk il-prodotti li mhumiex rappreżentattivi tal-produzzjoni nazzjonali tal-Istat Membru u li ma jissodisfawx ir-regoli dwar is-saħħa u dawk veterinarji li jkunu fis-seħħ, kif ukoll lil dawk li huma itqal mill-piż normalment imfittex fis-suq. |
(17) |
Sabiex ikun eliġibbli għall-intervent, il-butir għandu jissodisfa r-rekwiżiti mniżżlin fir-Regolament (KE) Nru 1234/2007, kif ukoll il-kundizzjonijiet dwar il-kwalità u l-preżentazzjoni tiegħu, li għad iridu jiġu ddefiniti. Il-metodi tal-analiżi u r-regoli ddettaljati li jirregolaw il-kontroll tal-kwalità tal-butir u tat-trab tal-ħalib xkumat għandhom ikunu speċifikati wkoll u, jekk ikun il-każ, għandha ssir dispożizzjoni dwar il-verifiki għar-radjuattività fil-butir u fit-trab tal-ħalib xkumat. Il-livelli massimi ta' din ir-radjuattività jeħtieġ li jkunu stabbiliti, fejn xieraq, mil-leġiżlazzjoni tal-Komunità. Madanakollu, l-Istati Membri għandhom ikunu jistgħu jawtorizzaw sistema fejn wieħed iwettaq verifika fuqu nnifsu, suġġetta għal ċerti kundizzjonijiet. |
(18) |
Għall-butir u t-trab tal-ħalib xkumat, sabiex ikun żgurat li l-arranġamenti tal-intervent jaħdmu sewwa, jeħtieġ li jkunu speċifikati l-kundizzjonijiet għall-approvazzjoni tal-impriżi tal-manifattura u l-verifika tal-konformità magħhom. Sabiex ikun żgurat li l-arranġamenti jkunu effettivi, għandu jkun hemm dispożizzjoni biex tittieħed azzjoni jekk dawk il-kundizzjonijiet ma jitħarsux. Billi l-butir u t-trab tal-ħalib xkumat jistgħu jinxtraw minn korp kompetenti ta' Stat Membru li ma jkunx dak li fih ikunu ġew prodotti, f'każijiet bħal dawn, il-korp kompetenti li jkun qed jixtri għandu jkun jista' jivverifika li jkunu tħarsu l-kundizzjonijiet marbutin mal-kwalità u l-preżentazzjoni. |
(19) |
Sabiex ikun hemm ġestjoni soda tal-iskema, jeħtieġ li jiġi ffissat ammont minimu, kemm għax-xiri kif ukoll għall-bejgħ, li l-aġenzija tal-intervent ma tkunx tista' taċċetta offerta ta' xiri jew offerta tal-prezzijiet (offerta bi prezzijiet mhux iffissati minn qabel mix-xerrej) għal ammont li jkun iżgħar minnu. Madanakollu, jekk il-kundizzjonijiet u l-prattiki tan-negozju bl-ingrossa jew tar-regolamenti ambjentali li jkunu fis-seħħ fi Stat Membru jkunu jiġġustifikaw l-applikazzjoni ta' kwantitajiet minimi li jkunu ikbar minn dawk stabbiliti, l-Istat Membru konċernat għandu jkollu d-dritt jitlob tali kwantitajiet minimi ikbar għax-xiri bi prezz fiss. |
(20) |
L-offerti ta' xiri u l-offerti tal-prezzijiet għandu jkun fihom it-tagħrif kollu meħtieġ biex ikunu vvalutati, u għandu jkun hemm dispożizzjoni dwar il-komunikazzjonijiet bejn l-Istati Membri u l-Kummissjoni. |
(21) |
Għall-qamħ komuni, l-butir u t-trab tal-ħalib xkumat, sabiex ikun hemm konformità mal-limiti ta' 3 000 000, 30 000 and 109 000 tunnellata rispettivament, huwa xieraq li jkun hemm dispożizzjoni dwar perjodu ta' riflessjoni, li fih, qabel ma tittieħed deċiżjoni dwar l-offerti ta' xiri, ikunu jistgħu jittieħdu miżuri speċjali li jkunu japplikaw b'mod partikulari għall-offerti li jkunu pendenti. Dawk il-miżuri jistgħu jikkonsistu fl-għeluq ta' intervent, fl-applikazzjoni ta' koeffiċjent tat-tnaqqis jew fiċ-ċaħda tal-offerti li jkunu pendenti. Dawn jeħtieġu azzjoni ta' malajr u l-Kummissjoni għandha tkun tista' tieħu l-miżuri meħtieġa kollha mingħajr dewmien. |
(22) |
Fuq il-bażi tal-offerti tal-prezzijiet li jkunu ntbagħtu, jista' jiġi ffissat ammont massimu għall-prezz. Madanakollu, jista' jkun hemm sitwazzjonijet fis-suq li fihom minħabba f'aspetti ekonomiċi jew aspetti oħrajn, l-offerti tal-prezzijiet kollha li jkunu ntbagħtu jkollhom ikunu miċħuda. |
(23) |
Kemm fil-każ tal-intervent bi prezz fiss, kif ukoll fil-każ ta' proċedura ta' sejħa għall-offerti tal-prezzijiet għall-intervent pubbliku, hemm bżonn ta' garanzija sabiex tkun żgurata s-serjetà tal-offerta ta' xiri jew tal-offerta tal-prezzijiet u sabiex ikun żgurat li l-miżura jkollha l-effett mixtieq fuq is-suq. Għalhekk, għandhom ikunu adottati dispożizzjonijiet għar-rilaxx u t-telf tal-garanzija li tkun ingħatat skont ir-Regolament tal-Kummissjoni (KEE) Nru 2220/85 tat-22 ta' Lulju 1985 li jistabbilixxi r-regoli komuni ddettaljati sabiex tiġi applikata s-sistema tal-garanziji għall-prodotti agrikoli (4). |
(24) |
Sabiex ikun żgurat li l-iskema ta' intervent pubbliku taħdem b'mod ċar u effettiv, jeħtieġ li jiġu stabbiliti r-regoli ġenerali marbutin mal-kunsinna tal-prodotti fil-post tal-ħżin magħżul mill-aġenzija tal-intervent. Barra minn hekk, għaċ-ċereali u għar-ross, kif ukoll għall-prodotti tal-ħalib, minħabba l-ispeċifiċitajiet ta' dawn is-setturi, jeħtieġ li jkun hemm regoli speċifiċi apparti dawk ġenerali. |
(25) |
Sabiex ikun hemm ġestjoni tajba tal-istokkijiet maħżuna, għandhom ikunu speċifikati l-obbligi tal-Istati Membri f'dak li għandu x'jaqsam mad-distanza massima sal-post tal-ħżin u mal-ispejjeż li għandhom jiġġarrbu meta tinqabeż din id-distanza. Madanakollu, minħabba d-differenzi fin-natura tal-prodotti, huwa ġġustifikat li wieħed jiffissa livelli differenti għad-distanzi massimi għaċ-ċereali u għar-ross meta mqabbla ma' dawk għall-prodotti tal-ħalib. |
(26) |
Sabiex jinħolqu regoli komuni, huwa xieraq li jkun hemm dispożizzjoni li tgħid li l-verifiki fuq il-prodotti matul il-ħżin iridu jitwettqu kif imniżżel fl-Artikolu 2 tar-Regolament (KE) Nru 884/2006. |
(27) |
Sabiex ikunu armonizzati r-regoli attwali li japplikaw għas-setturi differenti, għandu jkun hemm dispożizzjoni li tgħid li wara li l-prodotti jkunu twasslu sal-postijiet tal-ħżin, l-aġenzija tal-intervent għandha teħodhom biss skont ir-riżultat li joħroġ mill-verifiki u mill-analiżi rilevanti biex tkun stabbilita l-konformità tagħhom mar-rekwiżiti li japplikaw għax-xiri. Abbażi ta' dawn il-verifiki u l-analiżi għandu jinħareġ reġistru tat-teħid tal-prodotti, iżda dan m'għandux isir iktar minn sittin jum wara l-aħħar jum stabbilit għall-kunsinna tal-prodotti. Jekk il-prodotti ma jkunux jissodisfaw ir-rekwiżiti applikabbli, l-offerent ta' xiri jew l-offerent tal-prezzijiet għandu jerġa' jieħu l-prodotti u jġarrab l-ispejjeż kollha relatati mat-teħid kundizzjonali li kien hemm matul il-perjodu li fih il-prodotti kienu maħżuna fil-postijiet tal-ħżin tal-intervent. |
(28) |
Sabiex ma jkun hemm l-ebda spekulazzjoni minħabba n-nuqqas kbir ta' stabbiltà tal-prezzijiet fis-setturi taċ-ċereali u tar-ross, il-prodotti offruti għall-intervent iridu jkunu qed jinżammu fil-verità mill-offerent ta' xiri jew mill-offerent tal-prezzijiet meta dawn ikunu qed iressqu l-offerti ta' xiri jew l-offerti tal-prezzijiet; dan għandu jkun wieħed mir-rekwiżiti ewlenin sabiex l-iskema ta' intervent pubbliku tkun ta' benefiċċju. L-aġenziji tal-intervent għandhom jirċievu assigurazzjoni sodisfaċenti li l-kwantitajiet offruti qegħdin verament fil-post tal-ħżin mogħti fl-offerta ta' xiri jew fl-offerta tal-prezzijiet; f'dak ir-rigward, l-offerenti ta' xiri jew l-offerenti tal-prezzijiet għandhom jintalbu jressqu stqarrija dwar dan flimkien mal-offerti rispettivi tagħhom. |
(29) |
Sabiex tkun żgurata ġestjoni sempliċi u effiċjenti tal-intervent, jeħtieġ li wieħed jistipula li l-lott ta' ċereali mressaq għall-intervent irid ikun omoġenju u li lott ta' ross irid ikun magħmul mill-istess tip. |
(30) |
Għaċ-ċereali u għar-ross, huwa xieraq li għall-intervent wieħed ma jaċċettax dawk il-prodotti li ma jkunux jistgħu jintużaw wara jew li ma jkunux jistgħu jinħażnu b'mod adegwat. Għal dan il-għan, iridu jiġu ddefiniti l-metodi li bihom wieħed jiddeċiedi dwar il-kwalità taċ-ċereali u tar-ross. |
(31) |
L-Artikolu 18(2) u l-Artikolu 18(4)(a) tar-Regolament (KE) Nru 1234/2007, kif emendat bir-Regolament (KE) Nru 72/2009, jipprovdi li l-prezz tal-intervent taċ-ċereali għandu jiġi ffissat mill-Kummissjoni permezz ta' proċedura ta' sejħa għall-offerti bla ħsara għaż-żidiet u għat-tnaqqis fil-prezz għal raġunijiet ta' kwalità. Huwa xieraq li wieħed isemmi d-differenza fil-prezzijiet ibbażata fuq il-kriterji ewlenin tal-kwalità għaċ-ċereali. |
(32) |
L-Artikolu 18(4)(b) tar-Regolament (KE) Nru 1234/2007 jipprovdi li l-prezz tal-intervent għar-ross għandu jiġi ffissat għal kwalità standard u li jekk il-kwalità tar-ross offrut għall-intervent tkun differenti minn dik il-kwalità standard, il-prezz tal-intervent għandu jinbidel skont il-koeffiċjenti tat-tnaqqis u taż-żieda. L-applikazzjoni ta' dawk il-koeffiċjenti għandha tirrifletti d-differenzi fil-prezzijiet fis-suq tar-ross minħabba r-raġunijiet ta' kwalità. Għal dan il-għan, huwa xieraq li wieħed iqis il-karatteristiċi ewlenin tar-ross, li jippermettu valutazzjoni oġġettiva tal-kwalità. |
(33) |
Prodotti mixtrija mill-aġenziji tal-intervent skont l-Artikolu 10 tar-Regolament (KE) Nru 1234/2007 iridu jintużaw b'tali mod li ma jfixklux is-suq u b'tali mod li jiżgura l-istess aċċess għall-prodotti u l-istess trattament tax-xerrejja; il-proċedura tas-sejħa għall-offerti għandha tippermetti li jintlaħaq dan il-għan. |
(34) |
L-avviżi dwar is-sejħiet għall-offerti tal-prezzijiet għandhom jinkitbu u jiġu ppubblikati mill-aġenzija tal-intervent li jkollha l-istokk tal-intervent li jkun disponibbli għall-bejgħ b'tali mod li jkunu jinkludu t-tagħrif meħtieġ dwar il-karatteristiċi tal-prodotti u dwar il-post fejn huma maħżuna. Għal dan il-għan, għandu jkun hemm provediment għal perjodu taż-żmien raġonevoli mid-data ta' din il-pubblikazzjoni u l-ewwel data tal-għeluq għat-tressiq tal-offerti tal-prezzijiet. |
(35) |
Il-ġestjoni tajba tal-istokkijiet tal-intervent teħtieġ li l-prodotti jerġgħu jinbiegħu malli jkunu disponibbli l-postijiet tal-bejgħ. Sabiex ikun żgurat aċċess ugwali għall-prodotti li jkunu għall-bejgħ, il-partijiet interessati kollha għandhom jingħataw iċ-ċans li jeżaminaw, fuq spejjeż li jħallsu huma stess, kampjuni mill-prodotti li jkunu se jinbiegħu. |
(36) |
Sabiex l-offerti tal-prezzijiet ikunu jistgħu jitqabblu, għaċ-ċereali u għar-ross, l-offerti tal-prezzijiet għandhom jitressqu għal tip ta' ċereali jew ta' ross iddefinit. Għandu jkun hemm dispożizzjoni sabiex il-prezz tal-bejgħ jinbidel f'każijiet fejn iċ-ċereali u r-ross ma jkunux ta' dak it-tip partikulari. |
(37) |
Sabiex ikun żgurat li l-iskema ta' intervent pubbliku taħdem b'mod effiċjenti, jeħtieġ li jiġu stabbiliti r-regoli ġenerali marbutin mat-tneħħija tal-prodotti mill-ħażna. Għall-butir u għat-trab tal-ħalib xkumat, minħabba n-natura speċifika ta' dawn il-prodotti, jeħtieġ li jkun hemm regoli speċjali apparti dawk ġenerali. |
(38) |
Il-proċedura tas-sejħa għall-offerti tal-prezzijiet tista' sseħħ sewwa biss jekk dawk ikkonċernati jressqu offerti tal-prezzijiet li jkunu ġenwini. Dak il-għan jista' jintlaħaq billi wieħed jintalab jipprovdi garanzija, u billi din tiġi rrilaxxata hekk kif jitħallas il-prezz tal-bejgħ saż-żmien stipulat. |
(39) |
L-aġenziji tal-intervent għandhom jgħarrfu lill-Kummissjoni dwar l-offerti tal-prezzijiet li jistgħu jiġu aċċettati. Il-Kummissjoni għandha tiddeċiedi jekk tiffissax prezz minimu tal-bejgħ jew le skont l-offerti tal-prezzijiet u skont il-qagħda tas-suq Komunitarju. L-aġenziji tal-intervent għandhom jaċċettaw jew jirrifjutaw l-offerti tal-prezzijiet għall-prodotti disponibbli għall-bejgħ skont dik id-deċiżjoni. |
(40) |
Sabiex jitħaffef il-bejgħ ta' kwantitajiet żgħar li l-Istati Membri jkun għad fadlilhom maħżuna u sabiex tkun żgurata ġestjoni soda tas-sistema, għandu jkun xieraq li wieħed jipprovdi li l-aġenzija tal-intervent, taħt ir-responsabbiltà tagħha stess, ikollha d-dritt tiftaħ il-proċedura tas-sejħa għall-offerti tal-prezzijiet għall-bejgħ mill-ġdid billi tapplika r-regoli stabbiliti fir-rigward tal-proċeduri tas-sejħiet għall-offerti miftuħin mill-Komunità mutatis mutandis, bil-ħsieb li jkun żgurat aċċess ugwali għall-partijiet kollha kkonċernati. Għall-istess raġunijiet, l-aġenzija tal-intervent għandu jkollha s-setgħa tpoġġi għall-bejgħ dirett dawk il-kwantitajiet li, wara li jkunu ġew iċċekkjati permezz ta' eżami viżiv fil-kuntest tat-tagħmil annwali tal-inventarju tal-istokk jew matul l-ispezzjoni wara t-teħid fl-intervent, ma jkunux jistgħu jerġgħu jiġu ppakkjati jew ikunu tħassru. |
(41) |
Sabiex ikun hemm ġestjoni effettiva tas-sistema, jeħtieġ li jkun hemm dispożizzjoni li, permezz tagħha, l-Istati Membri jkunu jridu jgħarrfu lill-Kummissjoni kull tant żmien dwar il-qagħda tal-ħażniet, u dwar il-prodotti li jkunu deħlin fl-imħażen u ħerġin minnhom. Dan it-tagħrif irid jingħadda mill-awtoritajiet kompetenti tal-Istati Membri lill-Kummissjoni permezz ta' mezzi elettroniċi u bl-użu tal-formola li tkunu tqiegħdet għad-dispożizzjoni tagħhom mill-Kummissjoni. |
(42) |
Dan ir-Regolament jinkludi ċerti dispożizzjonijiet li għandhom x'jaqsmu mal-miżuri tal-intervent mogħtija fir-Regolament tal-Kummissjoni (KE) Nru 562/2005 tal-5 ta' April 2005 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1255/1999 fir-rigward tal-komunikazzjonijiet bejn l-Istati Membri u l-Kummissjoni fis-settur tal-ħalib u l-prodotti tal-ħalib (5). Għalhekk, dak ir-Regolament għandu jiġi emendat skont dan. |
(43) |
Minħabba li dan ir-Regolament għandu l-għan li jarmonizza d-dispożizzjonijiet li japplikaw għall-prodotti koperti mill-intervent pubbliku, għandu jieħu post id-dispożizzjonijiet li hemm fir-Regolamenti tal-Kummissjoni (KEE) Nru 75/91 tal-11 ta' Jannar 1991 li jistabilixxi l-proċeduri u l-kondizzjonijiet għad-disponiment ta' ross fil-fosdqa [li jkun għadu fil-ħliefa] miżmum minn aġenziji ta' interventi (6), fir-Regolamenti tal-Kummissjoni (KE) Nru 214/2001 tat-12 ta' Jannar 2001 li jippreskrivi regoli dettaljati għall-applikazzjoni tar-Regolament tal-Kunsill (KE) Nru 1255/1999 rigward interventi fis-suq tat-trab tal-ħalib xkumat (7), (KE) Nru 1669/2006 tat-8 ta' Novembru 2006 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1254/1999 rigward ix-xiri għall-ħżin taċ-ċanga (8), (KE) Nru 105/2008 tal-5 ta' Frar 2008 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1255/1999 dwar intervent fis-suq tal-butir (9), (KE) Nru 687/2008 tat-18 ta' Lulju 2008 li jistabbilixxi l-proċeduri għall-pussess ta' ċereali mill-aġenziji li jħallsu jew l-aġenziji tal-intervent u li jippreskrivi l-metodi tal-analiżi sabiex jistabbilixxu l-kwalità fiċ-ċereali (10), (KE) Nru 127/2009 tat-12 ta' Frar 2009 li jistabbilixxi l-proċedura u l-kondizzjonijiet għall-bejgħ taċ-ċereali li jkunu f'idejn l-aġenziji ta' ħlas jew l-aġenziji intermedjarji [ta' intervent] (11) u (KE) Nru 670/2009 tal-24 ta' Lulju 2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1234/2007 f'dak li jirrigwarda l-intervent pubbliku permezz ta' sejħa għall-offerti għax-xiri ta' qamħ durum jew ta' ross paddy [ross li jkun għadu fil-ħliefa], u li jemenda r-Regolamenti (KE) Nru 428/2008 u (KE) Nru 687/2008 (12). Għalhekk, dawk ir-Regolamenti għandhom jitħassru. |
(44) |
Il-Kumitat ta' Ġestjoni tal-Organizzazzjoni Komuni ta' Swieq Agrikoli ma tax opinjoni fil-limitu taż-żmien stabbilit mill-President tiegħu, |
ADOTTAT DAN IR-REGOLAMENT:
TITOLU I
REGOLI KOMUNI U KUNDIZZJONIJIET MARBUTIN MAL-INTERVENT PUBBLIKU
KAPITOLU I
L-ambitu, id-definizzjoni u l-approvazzjoni taċ-ċentri tal-intervent u tal-postijiet tal-ħżin
Artikolu 1
L-ambitu u d-definizzjoni
1. Dan ir-Regolament jistabbilixxi regoli komuni ddettaljati dwar ix-xiri għall-intervent u l-bejgħ ta' prodotti mill-intervent għall-prodotti mniżżlin fl-Artikolu 10(1)(a), (b), (d), (e) u (f) tar-Regolament (KE) Nru 1234/2007.
Għandu japplika mingħajr ħsara għad-dispożizzjonijiet speċifiċi stipulati fir-Regolamenti tal-Kummissjoni dwar il-ftuħ ta' proċedura tas-sejħa għall-offerti tal-prezzijiet għax-xiri tal-prodotti u fir-Regolamenti tal-Kummissjoni dwar il-bejgħ tal-prodotti mill-intervent.
2. Għall-għanijiet ta' dan ir-Regolament, “aġenzija tal-intervent” għandha tfisser l-aġenzija tal-ħlas jew l-aġenzija maħtura mill-aġenzija tal-ħlas skont l-Artikolu 2(1) tar-Regolament (KE) Nru 884/2006.
Artikolu 2
L-għażla u l-approvazzjoni taċ-ċentri tal-intervent u tal-postijiet tal-ħżin
1. Iċ-ċentri tal-intervent u l-postijiet tal-ħżin fejn jinħażnu l-prodotti mixtrija għandhom ikunu taħt ir-responsabbiltà tal-aġenziji tal-intervent skont dan ir-Regolament u r-Regolament (KE) Nru 884/2006, b'mod partikulari f'dak li għandu x'jaqsam mal-kwistjonijiet tar-responsabbiltajiet u tal-kontrolli, kif ipprovdut fl-Artikolu 2 ta' dak ir-Regolament.
2. Iċ-ċentri tal-intervent li l-Kummissjoni se tagħżilhom għaċ-ċereali u għar-ross skont l-Artikolu 41 tar-Regolament (KE) Nru 1234/2007 għandhom ikunu approvati minn qabel mill-aġenziji tal-intervent. Ċentru tal-intervent jista' jkun magħmul minn post tal-ħżin wieħed jew aktar f'reġjun partikulari ta' Stat Membru.
3. Il-postijiet tal-ħżin ta' ċentru tal-intervent l-ewwel għandhom ikunu approvati mill-aġenziji tal-intervent. L-aġenziji tal-intervent għandhom jiżguraw li ċ-ċentri tal-intervent jew il-postijiet tal-ħżin jissodisfaw mill-inqas il-kundizzjonijiet mogħtija fl-Artikolu 3.
4. It-tagħrif dwar iċ-ċentri tal-intervent u l-postijiet tal-ħżin tagħhom għandu jiġi aġġornat u għandu jitqiegħed għad-dispożizzjoni tal-Istati Membri u tal-pubbliku, skont l-Artikolu 55 ta' dan ir-Regolament.
Artikolu 3
Ir-rekwiżiti taċ-ċentri tal-intervent u tal-postijiet tal-ħżin
1. Għaċ-ċereali u għar-ross:
(a) |
kull ċentru tal-intervent għandu jkollu kapaċità minima tal-ħżin ta':
|
(b) |
kull post tal-ħżin għandu:
|
Għall-għanijiet ta' dan il-paragrafu, il-“kapaċità minima tal-ħżin” ta' ċentru tal-intervent tfisser kapaċità minima li mhux bil-fors tkun dejjem disponibbli imma li tista' tintlaħaq malajr fil-perjodu li fih jista' jseħħ ix-xiri. Il-kapaċitajiet minimi ta' ħżin għandhom japplikaw għaċ-ċereali u għall-varjetajiet kollha tar-ross li għandhom jinxtraw.
F'każ li l-postijiet tal-ħżin ikollhom aċċess tajjeb għax-xmara, għall-baħar jew għal koinċidenza tal-ferrovija, m'għandhomx japplikaw il-kapaċitajiet minimi ta' ħżin stabbiliti fil-punt(b)(i) tal-ewwel subparagrafu.
2. Għall-butir u għat-trab tal-ħalib xkumat, kull post tal-ħżin għandu jkollu kapaċità minima tal-ħżin ta' 400 tunnellata. Ir-rekwiżit tal-kapaċità minima tal-ħżin m'għandux japplika f'każ li l-post tal-ħżin ikollu aċċess tajjeb għax-xmara, għall-baħar jew għal koinċidenza tal-ferrovija.
3. Fil-każ tat-trab tal-ħalib xkumat, tal-butir, taċ-ċereali u tar-ross, il-postijiet tal-ħżin għandhom:
(a) |
ikunu xotti, miżmumin sewwa u ħielsa minn kwalunkwe annimal żgħir li jagħmel il-ħsara; |
(b) |
ikunu ħielsa minn irwejjaħ esterni; |
(ċ) |
ikunu jippermettu ventilazzjoni tajba, ħlief għall-imħażen tal-friża. |
4. Fil-każ tal-butir, l-aġenziji tal-intervent għandhom jistabbilixxu standards tekniċi li jipprovdu, b'mod partikulari, għal temperatura tal-ħżin ta' 15-iloĊ taħt iż-żero jew inqas, u għandhom jieħdu kull miżura oħra meħtieġa biex jiżguraw li l-butir ikun ikkonservat sewwa.
5. Fil-każ tal-prodotti tas-settur taċ-ċanga u l-vitella, minn hawn ‘il quddiem imsejħin “ċanga”, il-postijiet tal-ħżin għandhom jingħażlu mill-Istati Membri bil-ħsieb li jiġi żgurat li l-miżuri tal-intervent ikunu effettivi. Il-faċilitajiet f'dawn il-postijiet tal-ħżin għandhom jippermettu:
(a) |
li jittieħed laħam bl-għadam; |
(b) |
li jiġi ffriżat il-laħam kollu li għandu jkun ippriżervat mingħajr iżjed ipproċessar; |
(ċ) |
li t-tali laħam jinħażen għal mill-anqas tliet xhur f'kundizzjonijiet teknikament sodisfaċenti. |
Fir-rigward tal-laħam bl-għadam maħsub għat-tneħħija tal-għadam, jistgħu jintgħażlu biss dawk il-postijiet tal-ħżin li l-impjanti tagħhom tat-tqattigħ u tat-tkessiħ ma għandhom l-ebda rabta mal-biċċerija u/jew mal-offerent tal-prezzijiet rebbieħ u li huma mħaddma, immaniġġjati u li jħaddmu impjegati li m'għandhomx x'jaqsmu mal-biċċerija u/jew mal-offerent tal-prezzijiet rebbieħ. Madankollu, meta jkun hemm diffikultajiet prattiċi biex jintlaħqu dawn ir-rekwiżiti fil-katina tal-proċessar, l-Istati Membri jistgħu japplikaw deroga minn dawn ir-rekwiżiti, basta jsaħħu l-kontrolli waqt l-aċċettazzjoni skont il-Parti III(5) tal-Anness III.
Għajr għal derogi speċifiċi li dwarhom hemm dispożizzjoni skont il-proċedura msemmija fl-Artikolu 195(2) tar-Regolament (KE) Nru 1234/2007, l-imħażen tal-friża li jkunu fl-Istat Membru li jkun qiegħed jeżerċita l-ġuriżdizzjoni fuq l-aġenzija tal-intervent għandhom ikunu kapaċi jżommu ċ-ċanga kollha mingħajr għadam li tkun allokata mill-aġenzija tal-intervent għal mill-anqas tliet xhur f'kundizzjonijiet teknikament sodisfaċenti.
KAPITOLU II
L-aċċess għall-intervent pubbliku
Artikolu 4
L-eliġibbiltà tal-operaturi
1. Kwalunkwe operatur stabbilit u rreġistrat għall-għanijiet tal-VAT fil-Komunità jista' jressaq offerta ta' xiri jew offerta tal-prezzijiet skont skema tal-intervent pubbliku.
Madanakollu, għall-għanijiet tax-xiri, għaċ-ċereali u għar-ross, jekk l-operatur ma jkollux reġistrazzjoni tal-VAT, ir-reġistrazzjoni f'reġistru tal-azjendi agrikoli tkun biżżejjed.
2. Fil-każ taċ-ċanga għax-xiri, l-operaturi li ġejjin biss jistgħu jressqu offerti tal-prezzijiet:
(a) |
biċċeriji tal-annimali bovini rreġistrati jew approvati skont l-Artikolu 4 tar-Regolament (KE) Nru 853/2004 tal-Parlament Ewropew u tal-Kunsill (13), ikun xi jkun l-istat legali tagħhom; kif ukoll |
(b) |
negozjanti tal-annimali jew tal-laħam li jsir il-qtil tal-annimali f'isimhom. |
3. Għall-butir u t-trab tal-ħalib xkumat, l-impriżi approvati msemmija fl-Artikolu 10(1)(e) u (f) tar-Regolament (KE) Nru 1234/2007 huma eliġibbli biss jekk jissodisfaw il-kundizzjonijiet imsemmija fil-Parti III tal-Anness IV u fil-Parti III tal-Anness V.
Artikolu 5
Il-proċeduri biex jitressqu l-offerti ta' xiri u l-offerti tal-prezzijiet
1. L-offerti ta' xiri jew l-offerti tal-prezzijiet, imressqin skont dan ir-Regolament, għandhom jużaw il-metodu mqiegħed għad-dispożizzjoni tal-operaturi mill-Istat Membru kkonċernat.
2. L-aġenziji tal-intervent jistgħu jitolbu li l-offerti elettroniċi, kemm dawk bi prezz iffissat minn qabel u kif ukoll dawk tal-prezzijiet, ikollhom magħhom firma elettronika avvanzata skont it-tifsira tal-Artikolu 2(2) tad-Direttiva 1999/93/KE tal-Parlament Ewropew u tal-Kunsill (14) jew firma elettronika li toffri assigurazzjonijiet ekwivalenti f'dak li għandu x'jaqsam mal-funzjonalitajiet attribwiti lil firma, billi tapplika l-istess regoli u kundizzjonijiet bħal dawk applikati mill-Kummissjoni skont id-dispożizzjonjiet tagħha dwar id-dokumenti elettroniċi u diġitalizzati, stabbiliti fid-Deċiżjoni 2004/563/KE, Euratom (15), u fir-regoli tal-implimentazzjoni tagħha.
TITOLU II
PROĊEDURA TAX-XIRI
Artikolu 6
It-tip ta' proċedura għax-xiri
1. Ix-xiri ta' prodotti mniżżlin fl-Artikolu 10(1)(a), (b), (d), (e) u (f) tar-Regolament (KE) Nru 1234/2007 għandu jsir jew permezz tax-xiri bi prezz fiss jew permezz ta' proċedura ta' sejħa għall-offerti tal-prezzijiet skont l-Artikoli 12, 13 u 18 ta' dak ir-Regolament.
2. L-offerti ta' xiri jew l-offerti tal-prezzijiet għall-qamħ komuni, għall-butir u għat-trab tal-ħalib xkumat jistgħu jitressqu skont id-dispożizzjonijiet ta' dan it-Titolu matul il-perjodi tal-intervent stabbiliti fl-Artikolu 11 tar-Regolament (KE) Nru 1234/2007.
KAPITOLU I
Ir-regoli ġenerali
Artikolu 7
L-eliġibbiltà tal-prodotti
1. Sabiex ikunu eliġibbli għall-intervent pubbliku, minbarra r-rekwiżiti mniżżlin fir-Regolament (KE) Nru 1234/2007, il-prodotti għandhom ikunu ta' kwalità tajba, ġusta u li tista' tinbiegħ fis-suq.
B'mod partikulari, għandhom jissodisfaw ir-rekwiżiti mniżżlin f'dan ir-Regolament:
— |
għaċ-ċereali: fl-Anness I, Parti I, II u III, |
— |
għar-rossi: fl-Anness II, Parti I u III, |
— |
għaċ-ċanga: l-Anness III, il-Part I, III, V u VI, |
— |
għall-butir: fl-Artikolu 28 u l-Anness IV, il-Parti I u IV, |
— |
għat-trab tal-ħalib xkumat: fl-Artikolu 28 u l-Anness V, il-Parti I, IV u V. |
2. Sabiex tiġi stabbilita l-eliġibbiltà tal-prodotti, għandhom jitwettqu testijiet skont il-metodi mniżżlin:
— |
għaċ-ċereali: fl-Anness I, il-Partijiet IV sa VIII u l-Part XII, |
— |
għar-rossi: fl-Anness II, il-Parti VI, |
— |
għaċ-ċanga: fl-Anness III, il-Parti III, |
— |
għall-butir: fl-Anness IV, il-Parti IV, |
— |
għat-trab tal-ħalib xkumat: fl-Anness V, il-Parti IV. |
Artikolu 8
Il-kwantitajiet minimi ta' prodotti offruti
1. Il-kwantitajiet minimi offruti għax-xiri bi prezz iffissat minn qabel jew permezz ta' sejħa għall-offerti tal-prezzijiet għandhom ikunu:
(a) |
għall-qamħ komuni, ix-xgħir, il-qamħirrun u s-sorgu: 80 tunnellata; |
(b) |
għall-qamħ tat-tip durum: 10 tunnellata; |
(ċ) |
għar-rossi: 20 tunnellata; |
(d) |
għaċ-ċanga: 10 tunnellata; |
(e) |
għall-butir: 20 tunnellata; |
(f) |
għat-trab tal-ħalib xkumat: 20 tunnellata. |
2. Għax-xiri ta' prodotti bi prezz fiss, Stat Membru jista' jeħtieġ kwantitajiet minimi li jkunu ikbar minn dawn imniżżla fil-paragafu 1 jekk il-kundizzjonijiet u l-prattiki tan-negozju bl-ingrossa jew tar-regolamenti ambjentali li jkunu fis-seħħ f'dak l-Istat Membru partikulari jkunu jiġġustifikaw dan.
Artikolu 9
Il-garanzija
Meta, għax-xiri, titressaq offerta ta' xiri jew offerta tal-prezzijiet, għandha tingħata l-garanzija li ġejja lill-aġenzija tal-intervent li lilha tkun qed titressaq l-offerta ta' xiri jew l-offerta tal-prezzijiet, skont ir-Regolament (KE) Nru 2220/85:
(a) |
għaċ-ċereali: EUR 20/tunnellata; |
(b) |
għar-ross li jkun għadu fil-ħliefa: EUR 30/tunnellata; |
(ċ) |
għaċ-ċanga: EUR 300/tunnellata; |
(d) |
għall-butir: EUR 50/tunnellata; |
(e) |
għat-trab tal-ħalib xkumat: EUR 50/tunnellata. |
Artikolu 10
Il-kundizzjonijiet għat-tressiq u għall-aċċettazzjoni tal-offerti, kemm dawk bi prezz iffissat minn qabel kif ukoll dawk tal-prezzijiet
1. Sabiex l-aġenzija tal-intervent tkun tista' taċċettaha, l-offerta, kemm dik bi prezz iffissat minn qabel kif ukoll dik tal-prezzijiet, għandha titressaq fil-lingwa uffiċjali jew f'waħda mil-lingwi uffiċjali tal-Istat Membru fejn tkun qiegħda titressaq, u għandu jkun fiha:
(a) |
formola li jkun qiegħed għad-dispożizzjoni l-Istat Membru u li tkun tipprovdi tal-anqas it-tagħrif li ġej:
|
(b) |
id-dokumenti mehmużin li ġejjin:
|
2. Minkejja l-paragrafu 1(a)(iv) ta' dan l-Artikolu, offerent ta' xiri jew offerent tal-prezzijiet jista' jitlob, fil-formola msemmija fil-paragrafu 1(a) tiegħu, li l-prodott jittieħed fil-post tal-ħżin fejn ikun qiegħed jinżamm meta titressaq l-offerta ta' xiri jew l-offerta tal-prezzijiet, dejjem jekk il-post tal-ħżin ikun jissodisfa r-rekwiżiti mniżżlin fl-Artikoli 3 u li, fir-rigward taċ-ċereali u tar-ross, ikun ġie approvat skont l-Artikolu 2(3).
3. Fejn il-limitu taż-żmien għat-tressiq tal-offerti ta' xiri jew tal-offerti tal-prezzijiet ikun festa pubblika, l-offerti ta' xiri jew dawk tal-prezzijiet għandhom jitressqu l-aktar tard fl-aħħar jum tax-xogħol qabel il-festa pubblika.
4. L-offerti ta' xiri jew dawk tal-prezzijiet imressqin nhar ta' Sibt, nhar ta' Ħadd jew f'festa pubblika għandhom jitqiesu li jkunu waslu għand l-aġenzija tal-intervent fl-ewwel jum tax-xogħol wara l-jum li fih ikunu tressqu.
5. L-offerti ta' xiri jew dawk tal-prezzijiet ma jistgħux jiġu rtirati jew emendati wara li jitressqu.
6. L-aġenzija tal-intervent għandha tirreġistra l-offerti ta' xiri jew dawk tal-prezzijiet li jistgħu jiġu aċċettati, kif ukoll il-kwantitajiet ikkonċernati, fil-jum li fih jaslulha dawn l-offerti.
7. Id-drittijiet u l-obbligi li jirriżultaw mill-aċċettazzjoni tal-offerta ta' xiri jew tal-offerta tal-prezzijiet ma għandhomx ikunu jistgħu jiġu ttrasferiti lil ħaddieħor.
Artikolu 11
Verifika tal-offerti ta' xiri jew tal-offerti tal-prezzijiet mill-aġenzija tal-intervent
1. L-aġenziji tal-intervent għandhom jivverifikaw li l-offerti, kemm dawk bi prezz iffissat minn qabel kif ukoll dawk tal-prezzijiet, ikunu jistgħu jiġu aċċettati, abbażi tal-elementi meħtieġa, kif stipulat fl-Artikolu 10(1).
Jekk l-offerta ta' xiri jew l-offerta tal-prezzijiet ma tkunx tista' tiġi aċċettata, l-aġenzija tal-intervent għandha tgħarraf lill-operatur ikkonċernat b'dan fi żmien tlett ijiem tax-xogħol. Għall-offerti ta' xiri, jekk l-operatur ma jirċevix it-tali tagħrif, l-offerta titqies bħala waħda li tista' tiġi aċċettata.
2. Id-dokumenti msemmija fl-Artikolu 10(1)(b)(ii), (iii) u (iv) jistgħu jiġu vverifikati għall-konformità wara li l-aġenzija tal-intervent tkun ivverifikat li l-offerti ta' xiri jew dawk tal-prezzijiet ikunu jistgħu jiġu aċċettati, jekk meħtieġ bl-għajnuna tal-aġenzija tal-intervent kompetenti għall-post tal-ħżin indikat mill-offerent ta' xiri jew mill-offerent tal-prezzijiet, skont l-Artikolu 32(3).
Artikolu 12
Il-proċedura għax-xiri ta' prodotti bi prezz fiss
1. Ix-xiri tal-qamħ komuni, tal-butir u tat-trab tal-ħalib xkumat bi prezz fiss kif imsemmi fl-Artikolu 18(1) tar-Regolament (KE) Nru 1234/2007 għandu jsir skont id-dispożizzjonijiet tat-Taqsima I u ta' din it-Taqsima.
2. L-offerti ta' xiri jistgħu jitressqu lill-aġenzija tal-intervent sa mill-bidu tal-perjodi mniżżlin fl-Artikolu 11 tar-Regolament (KE) Nru 1234/2007.
Artikolu 13
In-notifiki lill-Kummissjoni
1. L-aġenziji tal-intervent għandhom jgħarrfu lill-Kummissjoni bil-kwantitajiet ta' qamħ komuni, ta' butir u ta' trab tal-ħalib xkumat li, matul il-ġimgħa ta' qabel, kienu s-suġġett ta' offerta ta' xiri u dwar it-tagħrif relatat.
2. In-notifiki għandhom jintbagħtu:
(a) |
għall-butir u għat-trab tal-ħalib xkumat: sa mhux aktar tard mis-14:00 (ħin ta' Brussell) ta' kull nhar ta' Tnejn; |
(b) |
għall-qamħ tat-tip komuni: sa mhux aktar tard min-nofsinhar 12:00pm (ħin ta' Brussell) ta' kull nhar t’Erbgħa, bħala parti min-notifika msemmija fl-Artikolu 56(1). |
3. Meta, fil-każ tal-qamħ komuni, tal-butir u tat-trab tal-ħalib xkumat, il-kwantitajiet offruti jkunu bdew joqorbu lejn il-limiti stabbiliti fl-Artikolu 13(1)(a), (ċ) jew (d) jew fl-Artikolu 18(1)(a) tar-Regolament (KE) Nru 1234/2007, il-Kummissjoni għandha tgħarraf lill-Istati Membri dwar minn meta għandhom jibdew jgħarrfuha dwar il-kwantitajiet kif imsemmi fil-paragrafu 1 ta' dan l-Artikolu kull jum tax-xogħol qabel is-14:00 (ħin ta' Brussell) fir-rigward tal-kwantitajiet tal-qamħ komuni, tal-butir u tat-trab tal-ħalib xkumat offruti għall-intervent matul il-jum tax-xogħol ta' qabel.
4. In-notifiki m'għandux ikun fihom id-dejta msemmija fl-Artikolu 10(1)(a)(i) u fl-Artikolu 10(1)(a)(ix).
5. In-notifiki għandhom isiru skont l-Artikolu 58.
Artikolu 14
Miżuri sabiex jiġu rrispettati l-limiti massimi tal-intervent
1. Sabiex tikkonforma mal-limiti msemmija fl-Artikolu 13(1)(a), (ċ) u (d) u fl-Artikolu 18(1)(a) tar-Regolament (KE) Nru 1234/2007, il-Kummissjoni għandha tiddeċiedi, mingħajr l-għajnuna tal-Kumitat imsemmi fl-Artikolu 195(1) ta' dak ir-Regolament:
(a) |
li tagħlaq ix-xiri tal-intervent bi prezz fiss; |
(b) |
f'każ fejn l-aċċettazzjoni tal-kwantità sħiħa offruta f'jum partikulari tkun se twassal biex tinqabeż il-kwantità massima, li tistipula koeffiċjent tal-allokazzjoni applikabbli għall-kwantità kollha fl-offerti li jkunu waslu f'dak il-jum mingħand kull offerent ta' xiri u li jkunu ġew mgħarrfa lill-Kummissjoni; |
(ċ) |
li tirrifjuta, fejn ikun xieraq, l-offerti li jkunu pendenti li jkunu tressqu lill-aġenziji tal-intervent tal-Istati Membri. |
Il-Kummissjoni għandha tiddeċiedi dan fi żmien jumejn (2) tax-xogħol wara n-notifika msemmija fl-Artikolu 13(1) u fi żmien ħamest ijiem (5) tax-xogħol wara n-notifika msemmija fl-Artikolu 13(3).
2. Għall-qamħ komuni, il-butir u t-trab tal-ħalib xkumat, offerent ta' xiri li għalih ikun japplika koeffiċjent tal-allokazzjoni kif imsemmi fil-paragrafu 1, il-punt (b) jista' jirtira l-offerta tiegħu fi żmien ħamest (5) ijiem tax-xogħol minn meta jidħol fis-seħħ ir-regolament li jistipula l-koeffiċjent tal-allokazzjoni.
Artikolu 15
Il-proċedura għax-xiri ta' prodotti permezz tal-proċedura ta' sejħa għall-offerti tal-prezzijiet
Ix-xiri ta' prodotti msemmija fl-Artikolu 18(2) tar-Regolament (KE) Nru 1234/2007 għandu jitwettaq skont id-dispożizzjonijiet tat-Taqsima I u ta' din it-Taqsima.
Artikolu 16
Il-proċedura tas-sejħa għall-offerti tal-prezzijiet
1. Proċedura ta' sejħa għall-offerti tal-prezzijiet għax-xiri tal-prodotti tista' tinfetaħ skont il-proċedura msemmija fl-Artikolu 195(2) tar-Regolament (KE) Nru 1234/2007, permezz ta' Regolament, minn hawn ‘il quddiem imsejjaħ “Regolament li jiftaħ il-proċedura tas-sejħa għall-offerti tal-prezzijiet”.
2. Il-Kummissjoni għandha tiftaħ, mingħajr l-għajnuna tal-Kumitat imsemmi fl-Artikolu 195(1) tar-Regolament (KE) Nru 1234/2007:
(a) |
il-proċedura tas-sejħa għall-offerti tal-prezzijiet għax-xiri tal-qamħ komuni għal ammonti li jaqbżu l-kwantità massima offruta ta' 3 miljun tunnellata; |
(b) |
il-proċedura tas-sejħa għall-offerti tal-prezzijiet għax-xiri taċ-ċanga skont il-kategorija u l-Istat Membru, jew ir-reġjun tiegħu, abbażi taż-żewġ prezzijiet tas-suq ta' kull ġimgħa l-iżjed riċenti rreġistrati, skont l-Artikoli 12(1)(ċ) u 18(3)(b) tar-Regolament (KE) Nru 1234/2007. |
3. Ir-Regolament li jiftaħ il-proċedura tas-sejħa għall-offerti tal-prezzijiet għandu, b'mod partikulari, ikun fih it-tagħrif li ġej:
(a) |
il-prodotti koperti bil-kodiċi rilevanti tan-NM tagħhom, għaċ-ċereali u għar-ross, u, fil-każ tar-ross, b'indikazzjoni tat-tip u tal-varjetà tar-ross; |
(b) |
il-perjodu kopert (il-perjodu tas-sejħa għall-offerti tal-prezzijiet) u, jekk meħtieġ, is-sottoperjodi differenti li fihom jistgħu jitressqu l-offerti tal-prezzijiet. |
4. F'ċirkustanzi speċjali tista' tinfetaħ, skont it-tieni subparagrafu tal-Artikolu 18(2) tar-Regolament (KE) Nru 1234/2007, proċedura ristretta tas-sejħa għall-offerti tal-prezzijiet skont il-proċedura msemmija fl-Artikolu 195(2) tar-Regolament (KE) Nru 1234/2007. Fit-tali każijiet, ir-Regolament għandu jsemmi l-Istat Membru speċifiku jew ir-reġjun speċifiku tal-Istat Membru li jkun kopert bil-proċedura tas-sejħa għall-offerti tal-prezzijiet.
5. F'dak li għandu x'jaqsam mar-ross, il-proċedura tas-sejħa għall-offerti tal-prezzijiet tista' tkun limitata għal tip wieħed tar-ross jew aktar, kif iddefinit fil-Parti I, I.2 tal-Anness III għar-Regolament (KE) Nru 1234/2007 (“ross tal-ħabba tonda”, “ross tal-ħabba mezzana”, “ross tal-ħabba twila A” jew “ross tal-ħabba twila B”).
6. Għall-għanijiet tal-Artikoli 12(1)(ċ) u 18(3)(b) tar-Regolament (KE) Nru 1234/2007, għandhom japplikaw ir-regoli li ġejjin:
(a) |
il-prezz medju tas-suq skont il-kategorija eliġibbli fi Stat Membru jew f'xi reġjun tiegħu għandu jqis il-prezzijiet tal-kwalitajiet U, R, u O, mogħtija fil-kwalità R3 bl-użu tal-koeffiċjenti stipulati fil-Parti II tal-Anness III għal dan ir-Regolament, fl-Istat Membru jew fir-reġjun tal-intervent konċernat; |
(b) |
il-prezz medju tas-suq għandu jiġi rreġistrat skont il-kundizzjonijiet u fir-rigward tal-kwanititajiet stipulati fir-Regolament tal-Kummissjoni (KE) Nru 1249/2008 (17); |
(ċ) |
il-prezz medju tas-suq skont il-kategorija eliġibbli fi Stat Membru jew f'reġjun minn tiegħu għandu jkun il-medja tal-prezzijiet tas-suq għall-kwalitajiet kollha msemmija fil-punt (b), ippeżati bil-proporzjon li kull wieħed minnhom jirrappreżenta mit-total tal-qtil f'dak l-Istat Membru jew f'dak ir-reġjun. |
Ir-Renju Unit għandu jkun magħmul minn żewġ reġjuni tal-intervent, kif ġej:
— |
ir-reġjun numru I: il-Gran Britannja, |
— |
ir-reġjun numru II: l-Irlanda ta' Fuq. |
7. Għall-għanijiet tal-paragrafi 2 u 6 ta' dan l-Artikolu, l-awtorità kompetenti tal-Istat Membru għandha tgħarraf lill-Kummissjoni bil-prezzijiet medji tas-suq skont l-Artikolu 17 tar-Regolament (KE) Nru 1249/2008 u l-Artikolu 58 ta' dan ir-Regolament.
Artikolu 17
It-tressiq u l-aċċettazzjoni tal-offerti tal-prezzijiet
1. Minbarra l-kundizzjonijiet ġenerali stipulati fl-Artikolu 10, offerta tal-prezzijiet għandha tkun tista' tiġi aċċettata jekk tindika prezz propost f'euro għal kull unità tal-kejl aġġustat għal mhux aktar minn żewġ ċifri wara l-punt deċimali, mingħajr il-VAT.
Fil-każ taċ-ċereali u tar-ross, il-prezz propost għal kull tunnellata għall-prodotti għandu jkun prezz li jikkorrispondi mal-kwalità minima taċ-ċereali jew mal-kwalità standard tar-ross, b'kunsinna fil-post tal-ħżin indikat mill-offerent tal-prezzijiet, u li ma jkunx inħatt.
Fil-każ tal-butir u tat-trab tal-ħalib xkumat, il-prezz propost għandu jkun il-prezz għal kull 100 kilogramma ta' prodotti mwasslin fiż-żona tat-tagħbija tal-post tal-ħżin li għandu jintgħażel mill-aġenzija tal-intervent skont l-Artikoli 25 u 30(1).
Fil-każ taċ-ċanga, l-offerenti tal-prezzijiet għandhom jiddikjaraw il-prezz ikkwotat skont l-Artikolu 16(5)(a) u t-tieni subparagrafu tal-Artikolu 19(2), mogħti għal kull 100 kilogramma tal-prodott tal-kwalità R3.
2. Mingħajr ħsara għall-Artikolu 20(1) ta' dan ir-Regolament, il-prezz offrut għaċ-ċereali, għar-ross, għaċ-ċanga u għat-trab tal-ħalib xkumat għandu jkun ekwivalenti għall-prezz ta' referenza stipulat fl-Artikolu 8 tar-Regolament (KE) Nru 1234/2007, imma mhux aktar minnu, u għall-butir, dan il-prezz għandu jkun sa 90 % tal-prezz ta' referenza msemmi fl-Artikolu 18(3) ta' dak ir-Regolament.
Artikolu 18
In-notifika lill-Kummissjoni dwar l-offerti tal-prezzijiet
1. L-offerti tal-prezzijiet kollha li jistgħu jkunu aċċettati għandhom ikunu mgħarrfa lill-Kummissjoni mill-aġenziji tal-intervent, fil-limiti taż-żmien stipulati fir-Regolament li jiftaħ il-proċedura tas-sejħa għall-offerti tal-prezzijiet. Dawn in-notifiki għandu jkun fihom it-tagħrif relatat.
2. In-notifiki m'għandux ikun fihom id-dejta msemmija fl-Artikolu 10(1)(a)(i) u fl-Artikolu 10(1)(a)(ix).
3. L-aġenziji tal-intervent għandhom jgħarrfu lill-Kummissjoni bil-prospetti nulli fil-limiti taż-żmien imsemmija fil-paragrafu 1.
4. In-notifiki għandhom isiru skont l-Artikolu 58.
Artikolu 19
Deċiżjonijiet abbażi tal-offerti tal-prezzijiet
1. Abbażi tal-offerti tal-prezzijiet mgħarrfa skont l-Artikolu 18, il-Kummissjoni għandha tiffissa prezz massimu għax-xiri jew tiddeċiedi li ma tiffissahx, skont il-proċedura msemmija fl-Artikolu 195(2) tar-Regolament (KE) Nru 1234/2007.
2. Fil-każ taċ-ċanga:
(a) |
il-prezz massimu għax-xiri li jirrelata mal-kwalità R3 għandu jiġi ffissat skont il-kategorija; |
(b) |
jista' jiġi stabbilit prezz differenti għax-xiri għal kull Stat Membru jew għal kull reġjun minn tiegħu ħalli jirrifletti l-prezzijiet medji tas-suq irreġistrati, b'applikazzjoni tal-Artikolu 12(1)(ċ) tar-Regolament (KE) Nru 1234/2007. |
Meta jinħażnu kwalitajiet differenti mill-kwalità R3, il-prezz li għandu jitħallas lill-offerenti tal-prezzijiet rebbieħa għandu jitranġa billi jiġi applikat il-koeffiċjent tal-kwalità mixtrija kif stipulat fil-Parti II tal-Anness III.
3. Id-deċiżjonijiet dwar l-intervent pubbliku msemmija fil-paragrafi 1 u 2 għandhom jiġu ppubblikati f’Il-Ġurnal Uffiċjali tal-Unjoni Ewropea.
Artikolu 20
Deċiżjonijiet individwali dwar l-offerti tal-prezzijiet
1. Fejn ikun ġie stabbilit prezz massimu għax-xiri skont l-Artikolu 19(1), l-aġenziji tal-intervent għandhom jaċċettaw offerti tal-prezzijiet li jiswew daqs l-ammont massimu jew anqas minnu. L-offerti tal-prezzijiet l-oħra kollha għandhom jiġu rrifjutati.
2. F'każ fejn ma jkun ġie stabbilit l-ebda prezz massimu għax-xiri, għandhom jiġu rrifjutati l-offerti tal-prezzijiet kollha.
L-aġenziji tal-intervent m'għandhomx jaċċettaw offerti tal-prezzijiet li ma jkunux ġew innotifikati skont l-Artikolu 18.
3. L-aġenziji tal-intervent għandhom jagħmlu d-deċiżjonijiet imsemmija fil-paragrafi 1 u 2 ta' dan l-Artikolu wara li tiġi ppubblikata d-deċiżjoni tal-Kummissjoni dwar l-intervent pubbliku msemmija fl-Artikolu 19(3) u għandhom jgħarrfu lill-offerenti tal-prezzijiet dwar ir-riżultat tal-parteċipazzjoni tagħhom fi żmien tlett ijiem tax-xogħol mid-dħul fis-seħħ tagħha.
Artikolu 21
Kriterji speċifiċi fis-settur taċ-ċanga
1. Għaċ-ċanga, l-offerti tal-prezzijiet m'għandhomx jitqiesu jekk il-prezz offrut ikun ogħla mill-prezz medju tas-suq irreġistrat skont il-kategorija f'kull Stat Membru jew f'kull reġjun minn tiegħu, maqlub għall-kwalità R3 bl-użu tal-koeffiċjenti mogħtija fil-Parti II tal-Anness III, flimkien ma' 10 Euro għal kull 100 kilogramm ta' piż tal-karkassa.
2. Mingħajr ħsara għall-paragrafu 1, l-offerti tal-prezzijiet għandhom jiġu rrifjutati jekk il-prezz offrut ikun ogħla mill-prezz massimu għax-xiri msemmi fl-Artikolu 19(2) għas-sottoperjodu kkonċernat tas-sejħa għall-offerti tal-prezzijiet.
3. Meta l-prezz għax-xiri mogħti lill-offerenti tal-prezzijiet ikun ogħla mill-prezz medju tas-suq kif imsemmi fil-paragrafu 1, il-prezz mogħti għandu jitranġa billi jiġi mmultiplikat bil-koeffiċjent miksub bl-applikazzjoni tal-formola A fil-Parti VII tal-Anness III. Madankollu, dak il-koeffiċjent ma jistax:
(a) |
ikun iżjed minn 1; |
(b) |
jirriżulta fi tnaqqis fil-prezz mogħti li jkun akbar mid-differenza bejn dak il-prezz u l-prezz medju tas-suq. |
Jekk Stat Membru jkollu f'idejh tagħrif affidabbli u jkollu l-mezzi x-xierqa biex jivverifikah, jista' jiddeċiedi li jikkalkula l-koeffiċjent għal kull offerent tal-prezzijiet billi juża l-formola B fil-Parti VII tal-Anness III.
Artikolu 22
Limitazzjoni tax-xiri għaċ-ċanga
Fejn l-aġenziji tal-intervent jiġu offruti ċanga fi kwantitajiet akbar minn dawk li jistgħu jaħżnu minnufih, jistgħu jillimitaw ix-xiri għall-kwantitajiet li jistgħu jaħżnu fit-territorju tagħhom jew f'wieħed mir-reġjuni tal-intervent tagħhom kif iddefinit fit-tieni subparagrafu tal-Artikolu 16(5).
L-Istati Membri għandhom jiżguraw aċċess ugwali għall-partijiet kollha konċernati f'każ li jkun hemm it-tali limitazzjoni.
KAPITOLU II
Ir-rekwiżiti ewlenin u r-rilaxx jew it-telf tal-garanzija
Artikolu 23
Ir-rekwiżiti ewlenin
Dan li ġej għandu jikkostitwixxi r-rekwiżiti ewlenin skont it-tifsira tal-Artikolu 20 tar-Regolament (KEE) Nru 2220/85:
(a) |
iż-żamma tal-offerta ta' xiri jew tal-offerta tal-prezzijiet; |
(b) |
il-kunsinna tal-prodotti fil-post tal-ħżin magħżul mill-aġenziji tal-intervent fi żmien perjodu stipulat fl-ordni tal-kunsinna skont l-Artikolu 25; |
(ċ) |
il-konformità mar-rekwiżiti msemmija fl-Artikolu 7; |
(d) |
għaċ-ċereali u għar-ross, il-preżenza tal-prodotti fil-post tal-ħżin indikat fiż-żmien meta tkun tressqet l-offerta ta' xiri jew l-offerta tal-prezzijiet. |
Artikolu 24
Ir-rilaxx u t-telf tal-garanzija
1. Il-garanzija msemmija fl-Artikolu 9 għandha tkun irrilaxxata hekk kif l-offerent ta' xiri jew l-offerent tal-prezzijiet ikun wassal il-kwantità indikata fl-ordni tal-kunsinna skont l-Artikolu 25 fil-perjodu taż-żmien stipulat fiha u hekk kif tkun ġiet stabbilita l-konformità mar-rekwiżiti msemmija fl-Artikolu 7.
2. F'każ fejn il-prodotti ma jkunux konformi mar-rekwiżiti msemmija fl-Artikolu 7, il-prodotti ma għandhomx jiġu aċċettati u l-garanzija għandha tintilef fir-rigward tal-kwantitajiet li ma jkunux ġew aċċettati.
3. Ħlief għal każijiet ta' forza maġġuri, meta l-offerent ta' xiri jew l-offerent tal-prezzijiet jonqos milli jwassal il-prodotti fil-perjodu taż-żmien stipulat fl-ordni tal-kunsinna, il-garanzija għandha tintilef fi proporzjon mal-kwantitajiet li ma jkunux twasslu u għandu jiġi kkanċellat ix-xiri tal-kwantitajiet li jkunu għadhom ma twasslux.
4. Fejn l-offerti ta' xiri jew dawk tal-prezzijiet ma jkunux ammissibbli jew ma jkunux ġew aċċettati, il-garanziji għandhom jiġu rrilaxxati.
5. Għaċ-ċereali u għar-ross, jekk l-aġenzija tal-intervent ma tkunx irċeviet evidenza sodisfaċenti li l-kwantitajiet offruti fl-offerta ta' xiri jew fl-offerta tal-prezzijiet kienu jinsabu fil-post tal-ħżin, kif ipprovdut fl-Artikolu 10(1)(b)(ii), il-garanzija għandha tintilef.
Għall-għanijiet tal-ewwel subparagrafu, l-aġenziji tal-intervent għandhom iwettqu verifiki tal-kwantitajiet li jinsabu fil-postijiet tal-ħżin billi japplikaw, mutatis mutandis, ir-regoli u l-kundizzjonijiet stipulati fir-Regolament (KE) Nru 884/2006, fir-rigward tal-verifiki tal-kwantitajiet tal-prodotti li jinsabu b'mod fiżiku fil-postijiet tal-ħżin skont operazzjonijiet ta' ħżin pubbliku, u b'mod iktar speċifiku dawk li dwarhom hemm dispożizzjoni fil-Parti B(III) tal-Anness I għal dak ir-Regolament. Dawn il-verifiki għandhom jitwettqu fuq tal-anqas 5 % tal-offerti tal-prezzijiet u 5 % tal-kwantitajiet offruti bi prezz iffissat minn qabel, abbażi ta' analiżi tar-riskju.
6. Fil-każ taċ-ċereali u tar-ross, jekk il-kwantità li tkun fil-fatt twasslet u ġiet aċċettata tkun anqas mill-kwantità mogħtija, il-garanzija għandha tiġi rrilaxxata kollha jekk id-differenza ma tkunx ta' aktar minn 5 %.
7. Fil-każ taċ-ċanga, jekk il-kwantità li tkun fil-fatt twasslet u ġiet aċċettata tkun anqas mill-kwantità mogħtija, il-garanzija għandha:
(a) |
tiġi rrilaxxata kollha jekk d-differenza ma tkunx ta' aktar minn 5 % jew minn 175 kilogramm; |
(b) |
għajr fil-każijiet ta' forza maġġuri, tintilef:
|
8. Il-garanzija għandha tiġi rrilaxxata jekk ikun qed jiġi applikat l-Artikolu 14(2).
KAPITOLU III
Regoli komuni għall-kunsinni
Artikolu 25
Il-kunsinni u l-ordnijiet tal-kunsinna
Wara li tkun ivverifikat ammissibbiltà tal-offerta ta' xiri kif imsemmi fl-Artikolu 11(1) u wara n-notifika skont l-Artikolu 20(3), l-aġenzija tal-intervent għandha toħroġ ordni ta' kunsinna, mingħajr ħsara għall-miżuri adottati skont l-Artikoli 14(1) u 19(1). L-ordni tal-kunsinna għandu jkollha data u numru u għandha tinkludi:
(a) |
il-kwantità li għandha titwassal; |
(b) |
l-aħħar data għall-kunsinna tal-prodotti; |
(ċ) |
il-post tal-ħżin fejn għandhom jitwasslu l-prodotti; |
(d) |
il-prezz li bih tkun ġiet aċċettata l-offerta ta' xiri jew l-offerta tal-prezzijiet. |
L-ordnijiet tal-kunsinna ma għandhomx jinħarġu għal kwantitajiet li ma jkunux ġew innotifikati lill-Kummissjoni skont l-Artikoli 13(1) u 18(1).
Artikolu 26
Dispożizzjonijiet speċifiċi għall-kunsinna taċ-ċereali u tar-ross
1. Jekk iċ-ċereali jew ir-ross ma jkunux jistgħu jitwasslu fil-post tal-ħżin taċ-ċentru tal-intervent indikat mill-offerent ta' xiri jew mill-offerent tal-prezzijiet, imsemmi fl-Artikolu 10(1)(a)(iv), l-aġenzija tal-intervent għandha tagħżel post tal-ħżin ieħor tal-istess ċentru tal-intervent jew post tal-ħżin ieħor ta' ċentru tal-intervent ieħor li jkun approvat, li fih għandha ssir il-kunsinna bl-anqas spiża possibbli.
2. Il-kunsinna fil-post tal-ħżin għandha sseħħ sa mhux aktar tard minn tmiem it-tielet xahar li jiġi wara d-data tal-ħruġ tal-ordni tal-kunsinna kif imsemmi fl-Artikolu 25 u, fi kwalunkwe każ sa mhux aktar tard mit-30 ta' Ġunju għaċ-ċereali u mill-31 ta' Awwissu għar-ross.
Madanakollu, fil-każijiet imsemmija fl-Artikolu 35(2), il-kunsinna għandha ssir sa mhux aktar tard mill-31 ta' Awwissu għaċ-ċereali u mill-31 ta' Ottubru għar-ross.
3. Il-kwantità mwassla għandha tintiżen fil-preżenza tal-offerent ta' xiri jew tal-offerent tal-prezzijiet u ta' rappreżentant tal-aġenzija tal-intervent li ma jkollu xejn x'jaqsam mal-offerent ta' xiri jew mal-offerent tal-prezzijiet.
Madanakollu, ir-rappreżentant tal-aġenzija tal-intervent jista' jkun ukoll il-bniedem li jieħu ħsieb il-maħżen. F'dak il-każ, l-aġenzija tal-intervent għandha hija stess twettaq spezzjoni li tinvolvi mill-anqas verifika volumetrika fi żmien 30 jum mid-data tat-teħid kundizzjonali tal-prodotti msemmija fl-Artikolu 31(1); kull differenza bejn il-kwantità stabbilita bl-użin u l-kwantità stmata skont il-metodu volumetriku ma tistax taqbeż il-5 %.
Fejn ma tinqabiżx it-tolleranza, il-bniedem li jieħu ħsieb il-maħżen għandu jġarrab l-ispejjeż kollha relatati ma' kwalunkwe differenza osservata, waqt verifika tal-piż li ssir aktar tard, bejn il-piż innutat fil-verifika u l-piż imniżżel fil-kotba tal-kontabbiltà meta ttieħdu ċ-ċereali u r-ross.
Fejn tinqabeż it-tolleranza, iċ-ċereali u r-ross għandhom jintiżnu minnufih. L-ispejjeż tal-użin għandhom jiġġarrbu mill-bniedem li jieħu ħsieb il-maħżen, meta l-piż stabbilit ikun anqas minn dak irreġistrat, jew mill-Istat Membru, meta jkun aktar.
Artikolu 27
Dispożizzjonijiet speċifiċi għall-kunsinna taċ-ċanga
1. L-ispejjeż imġarrba għall-ħatt għandhom jitħallsu mill-offerent tal-prezzijiet rebbieħ.
2. L-offerenti tal-prezzijiet rebbieħa għandhom iwasslu l-prodotti sa mhux aktar tard minn 17-il jum wara l-ewwel jum tax-xogħol wara l-pubblikazzjoni tar-regolament li jiffissal-prezz massimu għax-xiri.
Madanakollu, skont il-kwantitajiet mogħtija, l-aġenzija tal-intervent tista' ttawwal dak il-perjodu b'ġimgħa. It-twassil jista' jitqassam fuq iktar minn darba.
3. Rekwiżiti speċifiċi għall-kunsinna taċ-ċanga kif stipulati fl-Anness III, il-Parti III.
Artikolu 28
Dispożizzjonijiet speċifiċi għall-kunsinna tal-butir u tat-trab tal-ħalib xkumat
1. Il-Butir għandu jiġi ppakkettat u mwassal fi blokok ta' mill-anqas 25 kilogramma netti f'konformità mar-rekwiżiti stipulati fil-Parti IV tal-Anness IV. Il-butir għandu jiġi ppakkettat f'materjal ġdid u b'saħħtu b'mod li tkun żgurata l-protezzjoni tiegħu matul it-trasport kollu, id-dħul fil-maħżen, il-ħżin u t-tneħħija mill-maħżen. Fuq il-pakkett għandu jkun hemm tal-anqas id-dettalji li ġejjin, fejn xieraq permezz ta' kodiċi:
(a) |
in-numru tal-approvazzjoni li jidentifika l-fabbrika u l-Istat Membru tal-produzzjoni; |
(b) |
id-data tal-produzzjoni; |
(ċ) |
id-data tad-dħul fil-maħżen; |
(d) |
in-numru tal-produzzjoni tal-lott u n-numru tal-pakkett; in-numru tal-pakkett jista' jinbidel bin-numru tal-palit immarkat fuq il-palit; |
(e) |
il-kelmiet “krema ħelwa” jekk il-fażi milwiema tal-butir ikollha l-pH korrispondenti. |
Stati Membri jistgħu jirrinunzjaw l-obbligu li juru d-data tad-dħul fil-maħżen fuq il-pakkett, bil-kundizzjoni li l-bniedem responsabbli għall-maħżen jobbliga ruħu li jżomm reġistru li fih id-dettalji msemmija fl-ewwel subparagrafu jkunu rreġistrati fid-data tad-dħul fil-ħżin.
2. It-trab tal-ħalib xkumat għandu jitpoġġa f'boroż b'piż nett ta' 25 kilogramma netti li jissodisfaw ir-rekwiżiti stipulati fil-Partijiet II u III tal-Anness V, u li fuqhom ikun hemm id-dettalji li ġejjin, fejn xieraq permezz ta' kodiċi:
(a) |
in-numru tal-approvazzjoni li jidentifika l-fabbrika u l-Istat Membru tal-manifattura; |
(b) |
id-data jew, fejn xieraq, il-ġimgħa tal-manifattura; |
(ċ) |
in-numru tal-manifattura tal-lott; |
(d) |
id-deskrizzjoni “trab tal-ħalib xkumat f'forma ta' sprej”. |
3. L-offerent ta' xiri jew l-offerent tal-prezzijiet rebbieħ għandu jwassal il-butir jew it-trab tal-ħalib xkumat fiż-żona tat-tagħbija tal-post tal-ħżin fi żmien 28 jum mid-data tal-ordni tal-kunsinna. It-twassil jista' jsir f'diversi drabi.
It-trab tal-ħalib xkumat u l-butir għandhom jitwasslu fuq palits ta' kwalità adattata għall-ħżin fit-tul, u li għandhom jinbidlu b'palits ekwivalenti.
L-ispejjeż kollha mġarrba għall-ħatt tal-butir jew tat-trab tal-ħalib xkumat fiż-żona tat-tagħbija tal-post tal-ħżin għandhom jitħallsu mill-offerent ta' xiri jew mill-offerent tal-prezzijiet rebbieħ.
Artikolu 29
L-ispejjeż tat-trasport taċ-ċereali u tar-ross
1. L-ispiża għat-trasport taċ-ċereali u tar-ross sal-post tal-ħżin indikat mill-offerent ta' xiri jew mill-offerent tal-prezzijiet bħala l-post bl-irħas spiża possibbli, skont l-Artikolu 10(1)(a)(iv), għandha tiġġarrab mill-offerent ta' xiri jew mill-offerent tal-prezzijiet, meta d-distanza involuta tkun ta' 100 kilometru jew anqas. Jekk din id-distanza tinqabeż, l-ispejjeż tat-trasport lil hinn mill-100 kilometru għandhom jiġġarrbu mill-aġenzija tal-intervent.
2. Jekk il-post tal-ħżin indikat mill-offerent ta' xiri jew mill-offerent tal-prezzijiet jinbidel mill-aġenzija tal-intervent, skont l-Artikolu 26(1), l-ispejjeż addizzjonali tat-trasport, suġġetti għal limitu ta' 20 kilometru, għandhom jiġġarrbu mill-aġenzija tal-intervent. Madanakollu, l-ispejjeż tat-trasport lil hinn mill-100 kilometru għandhom xorta waħda jiġġarrbu kollha kemm huma mill-aġenzija tal-intervent. Dan il-paragrafu ma għandux japplika jekk ikun qed jiġi applikat l-Artikolu 31(2).
3. L-ispejjeż li għandhom jiġġarrbu mill-aġenzija tal-intervent, imsemmija fil-paragrafi 1 u 2, għandhom jitħallsu lura mill-Kummissjoni, abbażi ta' rata mhux fissa, skont l-Artikolu 4(1)(ċ) tar-Regolament (KE) Nru 884/2006.
4. L-ispejjeż tat-trasport involuti fil-bdil tal-prodotti msemmija fl-Artikolu 35(2) għandhom jiġġarrbu biss mill-offerent ta' xiri jew mill-offerent tal-prezzijiet.
Artikolu 30
L-ispejjeż tat-trasport tal-butir u tat-trab tal-ħalib xkumat
1. L-aġenzija tal-intervent għandha tagħżel dak il-post tal-ħżin disponibbli li jkun l-iktar wieħed qrib il-post fejn ikunu maħżuna l-butir u t-trab tal-ħalib xkumat.
Madanakollu, l-aġenzija tal-intervent tista' tagħżel post tal-ħżin ieħor li jkun jinsab mhux aktar minn 350 kilometru 'l bogħod, dejjem jekk dik l-għażla tal-post tal-ħżin ma tirriżultax fi spejjeż addizzjonali tal-ħżin.
L-aġenzija tal-intervent tista' tagħżel post tal-ħżin li jkun jinsab iktar ‘il bogħod minn hekk jekk in-nefqa li tirriżulta, inklużi l-ispejjeż tal-ħżin u tat-transport, tkun irħas. F'dak il-każ, l-aġenzija tal-intervent għandha tavża minnufih lill-Kummissjoni dwar l-għażla tagħha.
2. Meta l-aġenzija tal-intervent li tixtri l-butir jew it-trab tal-ħalib xkumat tkun fi Stat Membru li ma jkunx dak li fit-territorju tiegħu jkun maħżun il-butir jew it-trab tal-ħalib xkumat offrut, ma għandhiex titqies, fil-kalkolu tad-distanza massima msemmija fil-paragrafu 1, id-distanza bejn il-maħżen tal-offerent ta' xiri jew tal-offerent tal-prezzijiet u l-fruntiera tal-Istat Membru tal-entità kompetenti li tkun qiegħda tixtri.
3. Lil hinn mid-distanza massima msemmija fil-paragrafu 1, l-ispejjeż addizzjonali tat-trasport għandhom jiġġarrbu mill-aġenzija tal-intervent b'rata ta' EUR 0,05 għal kull tunnellata u kull kilometru għat-trab tal-ħalib xkumat u ta' EUR 0,065 għal kull tunnellata u kull kilometru għall-butir. L-ispejjeż addizzjonali għandhom jiġġarrbu mill-aġenzija tal-intervent biss jekk it-temperatura tal-butir ma taqbiżx is-6 oC mal-wasla fil-maħżen tal-friża.
KAPITOLU IV
It-teħid tal-prodotti, il-kontrolli u l-kampjuni inizjali
Artikolu 31
It-teħid kundizzjonali tal-prodotti
1. Id-data tat-teħid kundizzjonali għandha tkun:
(a) |
dakinhar li fih il-kwantità kollha tasal fil-post tal-ħżin magħżul iżda mhux qabel l-għada ta' meta tkun inħarġet l-ordni tal-kunsinna għaċ-ċereali, ir-ross, il-butir u t-trab tal-ħalib xkumat; |
(b) |
għal kull kunsinna ta' ċanga kif imsemmi fl-Artikolu 27, fid-data tad-dħul fil-punt tal-użin fl-impjant tat-tqattigħ tal-maħżen tal-intervent. |
2. L-aġenzija tal-intervent tista' tiddeċiedi li t-teħid taċ-ċereali, tar-ross, tal-butir u tat-trab tal-ħalib xkumat jista' jseħħ fil-maħżen fejn ikunu qegħdin jinżammu l-prodotti meta titressaq l-offerta ta' xiri jew l-offerta tal-prezzijiet, dejjem jekk il-post tal-ħżin ikun jissodisfa r-rekwiżiti mniżżlin fl-Artikolu 3, u li, fir-rigward taċ-ċereali u tar-ross, ikun ġie approvat skont l-Artikolu 2(3). F'dak il-każ, it-teħid kundizzjonali tal-prodotti jseħħ l-għada ta' meta tinħareġ l-ordni tal-kunsinna.
3. Il-prodotti għandhom jittieħdu mill-aġenzija tal-intervent jew mir-rappreżentant tagħha, li għandu jkun persuna li ma jkollha xejn x'taqsam mal-offerent ta' xiri jew mal-offerent tal-prezzijiet.
Artikolu 32
Il-miżuri ta' kontroll
1. Mingħajr ħsara għall-verifiki meħtieġa minn dan ir-Regolament għat-teħid tal-prodotti, il-verifiki fuq l-istokkijiet tal-intervent għandhom jitwettqu skont il-kundizzjonijiet stipulati fl-Artikolu 2 tar-Regolament (KE) Nru 884/2006.
2. Għaċ-ċereali, fejn il-verifiki pprovduti għandhom jitwettqu abbażi tal-analiżi tar-riskju msemmija fil-Parti I tat-tielet subparagrafu tal-Anness I għal dan ir-Regolament, l-Istati Membri għandhom ikunu responsabbli għall-konsegwenzi finanzjarji ta' kwalunkwe nuqqas ta' konformità mal-livell massimu tniġġiż li jista' jiġi aċċettat skont ir-regoli stipulati fl-Artikolu 2 tar-Regolament (KE) Nru 884/2006.
Madanakollu, fil-każ tal-okratossina A u tal-aflatossina, jekk l-Istat Membru kkonċernat ikun jista' jagħti prova li l-Kummissjoni tkun kuntenta biha li l-istandards kienu ntlaħqu mad-dħul, li tħarsu l-kundizzjonijiet normali tal-ħżin u li l-impenji l-oħra tal-bniedem li jieħu ħsieb il-maħżen kienu rrispettati, ir-responsabbiltà finanzjarja għandha taqa' fuq il-baġit tal-Komunità.
3. Għaċ-ċereali u għar-ross, meta l-post tal-ħżin indikat skont l-Artikolu 10(1)(a)(iii) ikun jinsab fi Stat Membru li ma jkunx dak li fih issir l-offerta ta' xiri jew l-offerta tal-prezzijiet u l-aġenzija tal-intervent li tkun irċeviet l-offerta ta' xiri jew l-offerta tal-prezzijiet tiddeċiedi li tagħmel verifika fuq il-post biex tivverifika li l-prodotti verament jinsabu hemmhekk, din l-aġenzija għandha tibgħat talba għal verifika u kopja tal-offerta ta' xiri jew tal-offerta tal-prezzijiet lill-aġenzija tal-intervent responsabbli għal dak il-post tal-ħżin. Il-verifika fuq il-post għandha ssir fil-perjodu stabbilit mill-aġenzija tal-intervent li tkun irċeviet l-offerta ta' xiri jew l-offerta tal-prezzijiet.
4. Id-dispożizzjonijiet relatati mal-verifiki stipulati fl-Annessi għal dan ir-Regolament jistgħu jiġu emendati skont il-proċedura msemmija fl-Artikolu 195(2) tar-Regolament (KE) Nru 1234/2007, b'mod partikulari f'każijiet fejn il-qagħda tas-suq tkun imfixkla serjament minħabba s-sustanzi li jniġġsu, jew fejn il-kontroll tal-livell tal-kontaminazzjoni radjuattiva tal-prodotti teħtieġ monitoraġġ speċifiku.
5. L-offerent ta' xiri jew l-offerent tal-prezzijiet għandu jġarrab l-ispejjeż tat-testijiet imwettqa fuq iċ-ċereali, skont il-metodoloġija msemmija fl-Anness I, il-Parti XII, kif ġej:
(i) |
il-kalkolu tal-kontenut tat-tannin fis-sorgu; |
(ii) |
it-test tal-attività tal-amilażi (Hagberg); |
(iii) |
il-kalkolu tal-kontenut tal-proteini fil-qamħ tat-tip durum u fil-qamħ komuni; |
(iv) |
it-test ta' Zeleny; |
(v) |
it-test dwar kemm l-għaġina tista' tinħadem bil-magni; |
(vi) |
l-analiżi tas-sustanzi li jniġġsu. |
6. F'każijiet ta' nuqqas ta' ftehim dwar ir-riżultati, l-offerent ta' xiri jew l-offerent tal-prezzijiet għandu jġarrab l-ispejjeż marbuta mat-twettiq mill-ġdid tat-testijiet rilevanti neċessarji, f'każ biss li ma jkollux raġun.
Artikolu 33
Dispożizzjonijiet speċifiċi għat-teħid tal-prodotti f'post tal-ħżin tal-bniedem li jieħu ħsieb il-maħżen għaċ-ċereali u għar-ross
1. Jekk it-teħid taċ-ċereali u tar-ross iseħħ fil-maħżen fejn ikunu qegħdin jinżammu l-prodotti meta titressaq l-offerta ta' xiri jew l-offerta tal-prezzijiet, il-kwantità meħuda għandha tiġi stabbilita abbażi tar-reġistri tal-istokk, li għandhom jissodisfaw l-istandards professjonali li jippermettu li tiġi żgurta l-konformità mal-leġiżlazzjoni Komunitarja, partikolarment l-Anness II għar-Regolament (KE) Nru 884/2006, sakemm:
(a) |
ir-reġistri tal-istokk juru:
|
(b) |
il-persuna li tieħu ħsieb il-maħżen jistqarr li l-lott offrut jikkorrispondi għal kollox mad-dettalji mogħtija fir-reġistri tal-istokk; |
(ċ) |
il-karatteristiċi tal-kwalità stabbiliti meta ntiżnu l-prodotti huma l-istess bħal dawk tal-kampjun rappreżentattiv magħmul mill-kampjuni meħudin mill-aġenzija tal-intervent jew mir-rappreżentant tagħha bir-rata ta' kampjun għal kull 60 tunnellata. |
2. Jekk ikun japplika l-paragrafu 1, il-piż li għandu jkun irreġistrat, skont l-Artikolu 5 tar-Regolament (KE) Nru 884/2006, għandu jkun dak imniżżel fir-reġistri tal-istokk, irranġat, fejn xieraq, sabiex titqies kwalunkwe differenza li jista' jkun hemm bejn il-kontenut tal-indewwa u/jew il-perċentwali tal-impuritajiet varji (‘Schwarzbesatz’) irreġistrati meta ntiżnu l-prodotti u dawk stabbiliti abbażi tal-kampjun rappreżentattiv. Differenza bejn il-perċentwali tal-impuritajiet varji tista' titqies biss sabiex jitnaqqas il-piż imniżżel fir-reġistri tal-istokk.
L-aġenzija tal-intervent għandha twettaq verifika volumetrika oħra fi żmien 45 jum mid-data tat-teħid tal-prodotti. Id-differenza bejn il-kwantità stabbilita bl-użin u l-kwantità stmata skont il-metodu volumetriku ma tistax taqbeż il-5 %.
Fejn ma tinqabiżx it-tolleranza, il-persuna li tieħu ħsieb il-maħżen għandha jġarrab l-ispejjeż kollha relatati ma' kwalunkwe differenza osservata, waqt verifika tal-piż li ssir aktar tard, bejn il-piż innutat fil-verifika u l-piż imniżżel fil-kotba tal-kontabilità meta ttieħdu l-prodotti.
Fejn tinqabeż it-tolleranza, iċ-ċereali u r-ross għandhom jintiżnu minnufih. L-ispejjeż tal-użin għandhom jiġġarrbu mill-bniedem li jieħu ħsieb il-maħżen, meta l-piż stabbilit ikun anqas minn dak irreġistrat, jew mill-Fond Agrikolu Ewropew ta' Garanzija, meta jkun aktar, filwaqt li jitqiesu t-tolleranzi li dwarhom hemm dispożizzjoni fil-paragrafu 1 tal-Anness XI tar-Regolament (KE) Nru 884/2006.
Artikolu 34
Ir-reġistru tat-teħid tal-prodotti
1. Ir-reġistru tat-teħid tal-prodotti għandu jinħareġ mill-aġenzija tal-intervent wara li jkun ġie stabbilit, permezz tal-verifiki u tal-analiżi, li r-rekwiżiti mniżżlin fl-Artikolu 7 ġew issodisfati. Dan għandu jsir sa mhux aktar tard minn 60 jum wara l-aħħar data għall-kunsinna tal-prodotti msemmija fl-Artikolu 25(b). Ir-reġistru għandu jindika:
(a) |
id-data li fiha jkunu ġew ivverifikati l-kwantità u l-karatteristiċi minimi tal-prodotti; |
(b) |
il-piż imwassal u, fil-każ tar-ross, il-varjetà; |
(ċ) |
l-għadd ta' kampjuni li ttieħdu għall-kampjun rappreżentattiv għaċ-ċereali u għar-ross; |
(d) |
il-karatteristiċi tal-prodotti li joħorġu mill-analiżi; |
(e) |
l-entità responsabbli għall-analiżi u r-riżultati; |
(f) |
id-data tat-teħid kundizzjonali tal-prodotti msemmija fl-Artikolu 31(1); |
(g) |
jekk ikun igħodd, għaċ-ċereali u għar-ross, il-kwantitajiet li ma jkunux ittieħdu. F'dan il-każ, l-offerent ta' xiri jew l-offerent tal-prezzijiet għandu jkun mgħarraf kif xieraq. |
2. Ir-reġistru għandu jkun iddatat u għandu jintbagħat lill-offerent ta' xiri jew lill-offerent tal-prezzijiet, kif ukoll lill-bniedem li jieħu ħsieb il-maħżen.
Madanakollu, dan ir-reġistru jista' jkun irreġistrat fis-sistema tal-kontabilità tal-aġenzija tal-intervent u jista' jintbagħat b'mezzi elettroniċi.
Artikolu 35
L-obbligi tal-offerent ta' xiri u tal-offerent tal-prezzijiet
1. Fejn il-verifiki juru li l-prodotti ma jissodisfawx ir-rekwiżiti stipulati fl-Artikolu 7, l-offerent ta' xiri jew l-offerent tal-prezzijiet għandu:
(a) |
jieħu lura l-prodotti kkonċernati, bi spejjeż tiegħu, |
(b) |
iħallas l-ispejjeż relatati minn meta l-prodotti jidħlu fil-maħżen sad-data ta' meta jitneħħew mill-maħżen. |
L-ispejjeż li għandhom jitħallsu mill-offerent ta' xiri jew mill-offerent tal-prezzijiet għandhom jiġu stabbiliti abbażi tal-ammonti standard tal-ispejjeż tad-dħul, tat-tneħħija u tal-ħżin skont l-Artikolu 4(1) tar-Regolament (KE) Nru 884/2006.
2. F'każijiet fejn l-analiżi u l-kontrolli ma jippermettux li ċ-ċereali jew ir-ross jiġu offruti għall-intervent, l-offerent ta' xiri jew l-offerent tal-prezzijiet, jista' jibdel il-kwantità li ma tissodisfax ir-rekwiżiti. F'dak il-każ, l-aġenzija tal-intervent tista' tibdel id-data tal-kunsinna, mingħajr ħsara għall-aħħar data għall-kunsinna stabbilita fl-Artikolu 26(2).
Artikolu 36
Kundizzjonijiet speċifiċi għaċ-ċanga – ir-rekwiżit tat-tneħħija tal-għadam
L-aġenzija tal-intervent għandha tiżgura li ċ-ċanga kollha li tinxtara jitneħħielha l-għadam li jkun fiha skont il-Parti IV tal-Anness III.
KAPITOLU V
Il-prezz tal-intervent u tax-xiri u l-ħlasijiet
Artikolu 37
Il-prezz għax-xiri taċ-ċanga
Il-prezz għax-xiri taċ-ċanga għandu jkun il-prezz ħieles fil-punt tal-użin tad-dħul tal-impjant tat-tqattigħ tal-post tal-ħżin.
Artikolu 38
Il-prezzijiet tal-intervent u l-prezz għax-xiri taċ-ċereali u tar-ross
1. Għall-għanijiet tal-Artikoli 13(3), 18(1) u 18(2) tar-Regolament (KE) Nru 1234/2007 fir-rigward tas-settur taċ-ċereali il-prezz tal-intervent li għandu jitqies biex jiġi stabbilit il-prezz fiss għax-xiri għandu jkun il-prezz ta' referenza mogħti fl-Artikolu 8(1)(a) ta' dak ir-Regolament.
2. Għaċ-ċereali u għar-ross, il-prezz li għandu jitħallas huwa kif ġej:
(a) |
il-prezz li għandu jitħallas lill-offerent ta' xiri, fil-każ tax-xiri bi prezz fiss, għandu jkun il-prezz imsemmi fil-paragrafu 1; |
(b) |
il-prezz li għandu jitħallas lill-offerent tal-prezzijiet rebbieħ, fil-każ ta' proċedura tas-sejħa għall-offerti tal-prezzijiet, għandu jkun il-prezz ikkalkulat mill-aġenzija tal-intervent abbażi tal-prezz offrut permezz tas-sejħa għall-offerti tal-prezzijiet. |
Fiż-żewġ każijiet, il-prezz għandu jitranġa billi titqies il-kwalità tal-prodotti, skont il-Partijiet IX, X u XI tal-Anness I f'dak li għandu x'jaqsam maċ-ċereali u skont il-Partijiet II u III tal-Anness II f'dak li għandu x'jaqsam mar-ross.
3. Għaċ-ċereali u għar-ross, jekk l-aġenzija tal-intervent, skont l-Artikolu 31(2), tieħu u taħżen il-prodotti fil-post tal-ħżin fejn ikunu qed jinżammu meta titressaq l-offerta ta' xiri jew l-offerta tal-prezzijiet, għandu jkun hemm tnaqqis fil-prezz tax-xiri li għandu jitħallas. Dan it-tnaqqis għandu jkun magħmul:
(a) |
mill-ispejjeż tat-trasport bejn il-post tat-teħid magħżul fil-verità mill-aġenzija tal-intervent u l-post tal-ħżin imsemmi fl-Artikolu 10(1)(a)(iv) fejn il-prodotti kellhom jitwasslu bl-irħas spiża possibbli; u |
(b) |
mill-ispejjeż tat-tneħħija mill-post tal-ħżin tal-intervent. |
L-ispejjeż imsemmija fil-punti (a) u (b) tal-ewwel subparagrafu għandhom jiġu vvalutati abbażi tar-rati attwalment irreġistrati fl-Istat Membru konċernat.
Artikolu 39
Il-ħlasijiet
1. Il-ħlasijiet għall-kwantitajiet meħudin skont l-Artikolu 34 għandhom isiru sa mhux aktar tard mill-65 jum wara d-data tat-teħid kundizzjonali msemmi fl-Artikolu 31.
2. Għandu jsir ħlas għal dik il-kwantità li tkun fil-fatt twasslet u ġiet aċċettata biss. Madanakollu, jekk il-kwantità li tkun fil-fatt twasslet u ġiet aċċettata tkun akbar mill-kwantità mogħtija, għandu jsir ħlas għall-kwantità mogħtija biss.
TITOLU III
PROĊEDURA TA' BEJGĦ TA' PRODOTTI MILL-INTERVENT
KAPITOLU I
Il-proċedura tas-sejħa għall-offerti tal-prezzijiet
Artikolu 40
Il-ftuħ tal-proċedura tas-sejħa għall-offerti tal-prezzijiet
1. Il-prodotti meħudin u disponibbli għall-bejgħ għandhom jinbiegħu permezz ta' proċedura tas-sejħa għall-offerti tal-prezzijiet.
2. Il-proċedura tas-sejħa għall-offerti tal-prezzijiet għandha tinfetaħ skont il-proċedura msemmija fl-Artikolu 195(2) tar-Regolament (KE) Nru 1234/2007 permezz ta' Regolament, minn hawn ‘il quddiem imsejjaħ ‘ir-Regolament li jiftaħ il-bejgħ’.
L-ewwel data tal-għeluq għat-tressiq tal-offerti tal-prezzijiet għandha tiġi stipulata mhux qabel minn sitt ijiem wara l-pubblikazzjoni tar-Regolament għall-ftuħ tal-bejgħ.
3. Il-proċeduri tas-sejħa għall-offerti tal-prezzijiet jistgħu jinfetħu sabiex jinbiegħu mill-ġdid prodotti li jkunu maħżuna f'reġjun wieħed tal-Komunità jew tal-Istat Membru jew aktar.
4. Ir-Regolament li jiftaħ il-bejgħ, b'mod partikulari, għandu jkun fih it-tagħrif li ġej:
(a) |
il-prodotti koperti, għaċ-ċereali u r-ross, bil-kodiċi rilevanti tan-NM tagħhom u, għar-ross, b'indikazzjoni tat-tip u tal-varjetà u għaċ-ċanga, bid-deskrizzjoni rilevanti; |
(b) |
il-perjodu kopert (‘il-perjodu tas-sejħa għall-offerti tal-prezzijiet’) u s-sottoperjodi differenti li fihom jistgħu jitressqu l-offerti tal-prezzijiet; |
Flimkien ma' dan, ir-Regolament jista' jkun fih it-tagħrif li ġej:
(a) |
il-kwantitajiet totali koperti mill-proċedura tas-sejħa għall-offerti tal-prezzijiet; |
(b) |
dispożizzjonijiet dwar l-ispejjeż tat-trasport għaċ-ċereali u għar-ross, jekk ikun igħodd. |
5. Il-proċeduri tas-sejħa għall-offerti tal-prezzijiet jistgħu jkunu ristretti għal użi u/jew għal destinazzjonijiet speċifiċi, b'mod partikulari għall-ipproċessar taċ-ċereali f'alkoħol etiliku (il-bijoetanol) li jkun se jintuża biex jiġu prodotti l-fjuwils fil-Komunità.
Artikolu 41
L-avviż dwar is-sejħa għall-offerti tal-prezzijiet u l-arranġamenti li għandhom x'jaqsmu magħha
1. Kull aġenzija tal-intervent li żżomm stokkijiet tal-intervent disponibbli għall-bejgħ għandha tħejji avviż dwar is-sejħa għall-offerti tal-prezzijiet u tippubblikah mill-inqas erbat ijiem qabel l-ewwel data għat-tressiq tal-offerti tal-prezzijiet.
2. L-avviż għandu jindika b'mod partikulari:
(a) |
l-isem u l-indirizz tal-aġenzija tal-intervent li qed toħroġ l-avviż dwar is-sejħa għall-offerti tal-prezzijiet; |
(b) |
ir-referenza għar-Regolament li jiftaħ il-bejgħ; |
(ċ) |
id-dati tal-għeluq għat-tressiq tal-offerti tal-prezzijiet għal kull sejħa parzjali għall-offerti tal-prezzijiet; |
(d) |
il-postijiet tal-ħżin, l-ismijiet u l-indirizzi ta' dawk li jieħdu ħsieb l-imħażen, il-kwantitajiet disponibbli u,
|
(e) |
l-istadju tal-kunsinna, kif imsemmi fl-Artikolu 42(1)(e) u t-tip ta' ppakkjar, jekk ikun igħodd; |
(f) |
kwalunkwe faċilità li hemm fil-post tal-ħżin għat-tagħbija fil-mezzi tat-trasport; |
(g) |
fil-każ ta' proċedura tas-sejħa għall-offerti tal-prezzijiet għall-esportazzjoni taċ-ċereali u tar-ross, il-port jew il-post tal-ħruġ li jista' jintlaħaq bl-inqas spejjeż tat-trasport possibbli u li huwa mgħammar bit-tagħmir tekniku xieraq għall-esportazzjoni tal-prodotti offruti fil-proċedura tas-sejħa għall-offerti tal-prezzijiet; |
(h) |
għall-butir, l-avviż dwar is-sejħa għall-offerti tal-prezzijiet għandu jindika, jekk ikun xieraq, it-tip ta' butir imsemmi fl-Artikolu 28(1)(e) li għalih tkun qed titressaq l-offerta tal-prezzijiet. |
3. L-aġenzija tal-intervent għandha tiżgura li jkun hemm riklamar tajjeb dwar l-avviżi dwar is-sejħa għall-offerti tal-prezzijiet, b'mod partikulari billi tqiegħedhom għall-wiri fl-uffiċċji ċentrali tagħha u fuq is-sit tal-Internet tagħha jew fuq dak tal-ministeru kompetenti.
4. L-aġenzija tal-intervent għandha tagħmel l-arranġamenti meħtieġa sabiex tippermetti lill-partijiet interessati:
(a) |
jispezzjonaw u, ħlief għaċ-ċanga, jieħdu u jeżaminaw ukoll, fuq spejjeż li jħallsu huma stess, kampjuni mill-prodott li jkun se jinbiegħ qabel ma jressqu offerta tal-prezzijiet; |
(b) |
jikkonsultaw ir-riżultati tal-analiżi msemmija fil-Parti XII tal-Anness I, fil-Parti VI tal-Anness II, fil-Parti V tal-Anness IV u fil-Parti VI tal-Anness V. |
5. Għall-għanijiet tal-paragrafu 2(g), il-portijiet ta' Rijeka u Split jistgħu jitqiesu bħala postijiet tal-ħruġ.
Artikolu 42
It-tressiq u l-aċċettazzjoni tal-offerti tal-prezzijiet
1. Offerta tal-prezzijiet għandha tkun tista' tiġi aċċettata jekk jiġu ssodisfati l-kundizzjonijiet li ġejjin:
(a) |
jekk tindika referenza għar-Regolament li jiftaħ il-bejgħ u d-data tal-iskadenza għas-sottoperjodu tat-tressiq tal-offerti tal-prezzijiet; |
(b) |
jekk tindika d-dejta tal-identifikazzjoni tal-offerent tal-prezzijiet: l-isem, l-indirizz u n-numru tar-reġistrazzjoni tal-VAT; |
(ċ) |
jekk tindika l-prodotti, flimkien mal-kodiċi rilevanti tan-NM, jekk ikun meħtieġ għaċ-ċereali u għar-ross u bid-deskrizzjoni rilevanti għaċ-ċanga; |
(d) |
jekk tindika l-kwantità offruta fl-offerta tal-prezzijiet u, għaċ-ċereali u għar-ross, il-lott tal-bejgħ; |
(e) |
jekk tindika l-prezz offrut, f'euro, għal kull unità tal-kejl, aġġustat għal mhux aktar minn żewġ ċifri wara l-punt deċimali, mingħajr il-VAT, għall-prodott mgħobbi fil-mezz tat-trasport fil-każ taċ-ċereali u tar-ross jew imwassal fiż-żona tat-tagħbija tal-post tal-ħżin fil-każ tal-prodotti l-oħrajn; |
(f) |
jekk tkun relatata mill-anqas mal-kwantità minima msemmija fl-Artikolu 43(2) għaċ-ċanga, għall-butir u għat-trab tal-ħalib xkumat; |
(g) |
jekk tindika l-post tal-ħżin fejn jinsab il-prodott u, għall-prodotti tal-ħalib, skont il-każ, post tal-ħżin alternattiv; |
(h) |
jekk tingħata prova li l-offerent tal-prezzijiet ikun ta l-garanzija msemmija fl-Artikolu 44; |
(i) |
jekk ma jkunx fiha kundizzjonijiet addizzjonali magħmula mill-offerent tal-prezzijiet ħlief għal dawk stabbiliti f'dan ir-Regolament u fir-Regolament li jiftaħ il-bejgħ; |
(j) |
jekk titressaq fil-lingwa uffiċjali jew f'waħda mil-lingwi uffiċjali tal-Istat Membru fejn tkun qiegħda titressaq. |
2. Għaċ-ċereali u għar-ross, il-prezz offrut għandu jsemmi l-kwalità minima jew standard iddefinita rispettivament fil-Parti II tal-Anness I ta' dan ir-Regolament u fit-Taqsima A tal-Anness IV għar-Regolament (KE) Nru 1234/2007.
Fil-każ ta' proċedura tas-sejħa għall-offerti tal-prezzijiet għall-esportazzjoni ta' ċereali msemmija fil-Parti II tal-Anness II tar-Regolament tal-Kummissjoni (KE) Nru 376/2008 (18), l-offerti tal-prezzijiet għandhom ikunu jistgħu jiġu aċċettati biss jekk magħhom ikun hemm applikazzjoni għal liċenzja tal-esportazzjoni.
Tista' ssir dispożizzjoni għall-offerti tal-prezzijiet imressqin skont l-Artikolu 47 tar-Regolament (KE) Nru 376/2008 ma jkunux jistgħu jiġu aċċettati.
B'deroga mill-Artikolu 22(1) tar-Regolament (KE) Nru 376/2008, il-liċenzji tal-esportazzjoni maħruġin permezz ta' dan ir-Regolament għandhom jitqiesu, sabiex jiġi stabbilit il-perjodu ta' validità tagħhom, bħala liċenzji li nħarġu fid-data tal-għeluq għat-tressiq tal-offerti tal-prezzijiet.
3. Għaċ-ċanga, għall-butir u għat-trab tal-ħalib xkumat, il-prezz offrut permezz tas-sejħa għall-offerti tal-prezzijiet għandu japplika għall-piż nett. Għaċ-ċanga, il-piż nett għandu jitqies bħala d-differenza bejn il-piż gross stabbilit fiż-żona tat-tagħbija tal-maħżen tal-friża u l-piż medju tal-ippakkjar stabbilit qabel ma jintuża.
Għall-butir, l-offerti tal-prezzijiet għandu jkun fihom, jekk xieraq, indikazzjoni tat-tip ta' butir imsemmi fl-Artikolu 41(2)(h) li għalih tkun qiegħda titressaq l-offerta tal-prezzijiet.
4. L-offerti tal-prezzijiet imressqin nhar ta' Sibt, nhar ta' Ħadd jew f'festa pubblika għandhom jitqiesu li jkunu waslu għand l-entità kompetenti fl-ewwel jum tax-xogħol wara l-jum li fih ikunu tressqu.
5. Fejn il-limitu taż-żmien għat-tressiq tal-offerti tal-prezzijiet ikun festa pubblika, l-offerti tal-prezzijiet għandhom jitressqu l-aktar tard fl-aħħar jum tax-xogħol qabel il-festa pubblika.
6. L-offerti tal-prezzijiet ma jistgħux jiġu rtirati jew emendati wara li jitressqu.
Artikolu 43
Il-kwantità għal kull offerta tal-prezzijiet
1. Għaċ-ċereali u għar-ross, l-offerta tal-prezzijiet għandha titressaq għall-kwantità kollha ta' lott tal-bejgħ, kif indikat fis-sejħa għall-offerti tal-prezzijiet.
2. L-offerta tal-prezzijiet għandha titressaq għal kwantità minima ta':
(a) |
2 tunnellati għaċ-ċanga; |
(b) |
10 tunnellati għall-butir u għat-trab tal-ħalib xkumat. |
Jekk il-kwantità disponibbli fil-post tal-ħżin tkun ta' inqas mill-kwantità minima, il-kwantità disponibbli għandha tikkostitwixxi l-kwantità minima.
Artikolu 44
Il-garanziji
Meta titressaq offerta tal-prezzijiet għall-bejgħ tal-prodotti, għandha tingħata l-garanzija li ġejja lill-aġenzija tal-intervent fejn tkun qed titressaq l-offerta tal-prezzijiet, skont ir-Regolament (KE) Nru 2220/85:
(a) |
għar-ross u ċ-ċereali: EUR 10/tunnellata; |
(b) |
għaċ-ċanga, għall-butir u għat-trab tal-ħalib xkumat. EUR 60/tunnellata. |
Artikolu 45
In-notifika lill-Kummissjoni dwar l-offerti tal-prezzijiet
1. L-offerti tal-prezzijiet kollha li jistgħu jkunu aċċettati għandhom ikunu mgħarrfa lill-Kummissjoni mill-aġenziji tal-intervent, fil-limiti taż-żmien stipulati fir-Regolament li jiftaħ il-bejgħ.
2. In-notifiki m'għandux ikun fihom id-dejta msemmija fl-Artikolu 42(1)(b).
3. L-aġenziji tal-intervent għandhom jgħarrfu lill-Kummissjoni bil-prospetti nulli fil-limiti taż-żmien imsemmija fil-paragrafu 1.
4. In-notifiki għandhom isiru skont l-Artikolu 58.
Artikolu 46
Deċiżjoni abbażi tal-offerti tal-prezzijiet
1. Abbażi tal-offerti tal-prezzijiet mgħarrfa skont l-Artikolu 45(1), il-Kummissjoni għandha tiffissa prezz minimu tal-bejgħ jew tiddeċiedi li ma tiffissahx, skont il-proċedura msemmija fl-Artikolu 195(2) tar-Regolament (KE) Nru 1234/2007.
Għall-butir u għat-trab tal-ħalib xkumat, il-prezz minimu tal-bejgħ jista' jvarja skont il-post tal-prodotti offruti għall-bejgħ.
2. Id-deċiżjonijiet imsemmija fil-paragrafu 1 għandhom jiġu ppubblikati f'Il-Ġurnal Uffiċjali tal-Unjoni Ewropea.
Artikolu 47
Deċiżjonijiet individwali dwar l-offerti tal-prezzijiet
1. F'każ fejn ma jkun ġie stabbilit l-ebda prezz minimu tal-bejgħ, għandhom jiġu rrifjutati l-offerti tal-prezzijiet kollha.
2. Fejn ikun ġie stabbilit prezz minimu tal-bejgħ, l-aġenziji tal-intervent għandhom jirrifjutaw kwalunkwe offerta tal-prezzijiet li tkun irħas mill-prezz minimu tal-bejgħ.
L-aġenziji tal-intervent m'għandhomx jaċċettaw offerti tal-prezzijiet li ma jkunux ġew innotifikati skont l-Artikolu 45.
3. L-aġenziji tal-intervent għandhom jadottaw id-deċiżjoni msemmija fil-paragrafi 1 u 2 wara l-pubblikazzjoni tad-Deċiżjoni tal-Kummissjoni msemmija fl-Artikolu 46(2). Għandhom jgħarrfu lill-offerenti tal-prezzijiet dwar ir-riżultat tal-parteċipazzjoni tagħhom fil-proċedura tas-sejħa għall-offerti tal-prezzijiet fi żmien tliet ijiem tax-xogħol mid-dħul fis-seħħ tad-Deċiżjoni tal-Kummissjoni. Għandhom jgħarrfu lill-offerenti tal-prezzijiet rebbieħa bil-kwantitajiet aċċettati u bil-prezz li għandu jitħallas, aġġustat għaċ-ċereali u għar-ross, b'żidiet jew tnaqqis stabbilit skont il-Parti IX, X u XI tal-Anness I, u l-Parti II u III(2) tal-Anness II, fejn il-kwalità tal-prodott tvarja mill-kwalità minima jew standard rispettivament.
4. Fil-każ tal-esportazzjoni taċ-ċereali, fejn l-applikazzjoni għal-liċenzja tal-esportazzjoni mressqa mill-offerent tal-prezzijiet rebbieħ skont l-Artikolu 42(2) tkun imsejsa fuq l-Artikolu 47 tar-Regolament (KE) Nru 376/2008, l-aġenzija tal-intervent għandha tikkanċella l-bejgħ għal dawk il-kwantitajiet li għalihom ma tkunx inħarġet il-liċenzja skont dak l-Artikolu.
5. Id-drittijiet u l-obbligi tal-offerent tal-prezzijiet rebbieħ ma għandhomx ikunu jistgħu jiġu ttrasferiti lil ħaddieħor.
Artikolu 48
Regoli speċifiċi għall-allokazzjoni tal-prodotti tal-ħalib u taċ-ċanga
1. Għall-butir u għat-trab tal-ħalib xkumat, l-offerent tal-prezzijiet rebbieħ għandu jkun dak li joffri l-ogħla prezz. Jekk il-kwantità kollha disponibbli ma tiġix allokata, il-bqija għandha tingħata lill-offerenti tal-prezzijiet l-oħrajn abbażi tal-prezzijiet offruti permezz tas-sejħa għall-offerti tal-prezzijiet, u tibda bl-ogħla prezz.
2. Meta l-aċċettazzjoni ta' offerta tal-prezzijiet tista' twassal biex jingħataw kuntratti li jaqbżu l-kwantità disponibbli f'maħżen partikulari, il-kwantità disponibbli biss għandha tingħata lill-offerent tal-prezzijiet konċernat. Madanakollu, l-aġenzija tal-intervent tista' tagħżel imħażen oħra sabiex tintlaħaq il-kwantità mniżżla fl-offerta tal-prezzijiet, dejjem jekk l-offerent tal-prezzijiet jaqbel ma' dan.
3. Meta l-aċċettazzjoni ta' żewġ offerti tal-prezzijiet jew aktar li jkunu qed joffru l-istess prezz għal prodott f'post tal-ħżin partikulari tista' twassal biex jingħataw kuntratti li jaqbżu l-kwantità disponibbli, l-għotja għandha ssir billi l-kwantità disponibbli tiġi allokata b'mod li jkun proporzjonat mal-kwantitajiet li għalihom tkun saret l-offerta tal-prezzijiet. Madanakollu, jekk din l-allokazzjoni twassal għall-għoti ta' kwantitajiet li jkunu inqas minn dawk imsemmija fl-Artikolu 43(2), l-għotja għandha ssir billi tittella’ x-xorti.
4. Meta, wara l-aċċettazzjoni tal-offerti tal-prezzijiet rebbieħa kollha, l-kwantità li jkun għad fadal fil-post tal-ħżin tkun inqas minn dik imsemmija fl-Artikolu 43(2), din il-kwantità li jkun għad fadal għandha tiġi offruta mill-aġenzija tal-intervent lill-offerenti tal-prezzijiet rebbieħa, u tibda minn dak li offra l-ogħla prezz. L-offerent tal-prezzijiet rebbieħ għandu jingħata l-għażla li jixtri l-kwantità li jkun għad fadal bil-prezz minimu tal-bejgħ.
5. L-aġenzija tal-intervent għandha talloka l-butir jew it-trab tal-ħalib xkumat abbażi tad-data meta daħal fil-maħżen, u tibda mill-eqdem prodott tal-kwantità totali disponibbli fil-post tal-ħżin magħżul mill-offerent tal-prezzijiet jew, skont il-każ, mill-eqdem kwantità ta' butir ta' krema ħelwa jew qarsa minn dik disponibbli fil-post tal-ħżin tal-friża magħżul mill-offerent tal-prezzijiet.
6. L-aġenziji tal-intervent ikkonċernati għandhom ibiegħu l-ewwel dik iċ-ċanga li jkun ilha maħżuna l-iktar.
Artikolu 49
Il-ħlasijiet
Qabel ma jitneħħa l-prodott u fil-perjodu taż-żmien speċifikat fl-Artikolu 51(2), l-offerenti tal-prezzijiet rebbieħa għandhom iħallsu lill-aġenzija tal-intervent l-ammont li jikkorrispondi mal-offerta tal-prezzijiet tagħhom, għal kull kwantità li jirtiraw, kif ikun ġie stabbilit u mgħarraf mill-aġenzija tal-intervent skont l-Artikolu 47(3).
Artikolu 50
Il-bejgħ min-naħa tal-Istati Membri
1. Stat Membru li fih ma tkun infetħet l-ebda proċedura tas-sejħa għall-offerti tal-prezzijiet skont l-Artikolu 40, jista' jiftaħ proċedura tas-sejħa għall-offerti tal-prezzijiet għall-bejgħ huwa stess meta l-kwantità totali li jkun għad baqagħlu fil-postijiet tal-ħżin tiegħu tkun ta' inqas minn:
(a) |
għal kull ċereali: 5 000 tunnellata; |
(b) |
għar-rossi: 1 000 tunnellata; |
(ċ) |
għaċ-ċanga, għall-butir u għat-trab tal-ħalib xkumat: 100 tunnellata. |
2. Għal proċedura tas-sejħiet għall-offerti tal-prezzijiet miftuħin minn Stat Membru skont il-paragrafu 1 għandu japplika dan it-Titolu, ħlief għall-Artikoli 40(2), 41(2)(b), 42(1)(a) u (f), 43, 45, 46(2), u t-Titolu IV. L-Artikolu 46(1) għandu japplika mutatis mutandis permezz ta' deċiżjoni tal-Istat Membru.
3. L-Istati Membri jistgħu jpoġġu għall-bejgħ dirett dawk il-prodotti li, wara li jkunu ġew eżaminati b'mod viżiv mill-aġenziji tal-intervent fil-kuntest tat-tagħmil annwali tal-inventarju tal-istokk jew matul l-ispezzjoni, ma jkunux jistgħu jerġgħu jiġu ppakkjati jew ikunu tħassru, msemmija fil-paragrafi (1)(d) u (1)(f) tal-Artikolu 5 tar-Regolament (KE) Nru 884/2006.
Dan il-paragrafu għandu japplika fil-limiti tal-kwantitajiet stabbiliti fil-paragrafu 1 ta' dan l-Artikolu.
4. L-aġenziji tal-intervent għandhom jiżguraw aċċess ugwali għall-partijiet kollha kkonċernati.
KAPITOLU II
It-tneħħija mill-post tal-ħżin
Artikolu 51
L-ordni tat-tneħħija
1. Ladarba l-ammont imsemmi fl-Artikolu 49 ikun tħallas, l-aġenzija tal-intervent għandha toħroġ ordni ta' tneħħija li tkun tindika:
(a) |
il-kwantità li għaliha jkun tħallas l-ammont korrispondenti; |
(b) |
il-post tal-ħżin fejn ikun maħżun il-prodott; |
(ċ) |
l-aħħar data għat-tneħħija tal-prodott. |
2. L-offerent tal-prezzijiet rebbieħ għandu jneħħi l-prodott mogħti lilu fi żmien 30 jum min-notifika msemmija fl-Artikolu 47(3).
3. Fuq talba tal-offerent tal-prezzijiet rebbieħ, l-aġenzija tal-intervent tista' tippermetti perjodu itwal għat-tneħħija tal-prodott mill-post tal-ħżin. Madanakollu, ħlief f'każijiet ta' forza maġġuri, jekk il-prodott ma jkunx tneħħa sad-data ta' skadenza msemmija fil-paragrafu 2, l-ispiża tal-ħżin għandha tiġġarrab mill-offerent tal-prezzijiet rebbieħ mill-għada tal-aħħar data għat-tneħħija tal-prodott. Barra minn hekk, ir-riskju tal-ħżin għandu jaqa' fuq l-offerent tal-prezzijiet.
Artikolu 52
It-tneħħija tal-butir u tat-trab tal-ħalib xkumat
1. Meta l-butir u t-trab tal-ħalib xkumat jitneħħew mill-post tal-ħżin, l-aġenzija tal-intervent għandha tpoġġihom fuq il-palits fiż-żona tat-tagħbija tal-post tal-ħżin.
2. Ix-xerrej għandu jirritorna palits tal-istess kwalità lill-aġenzija tal-intervent mat-tneħħija mill-post tal-ħażin.
3. L-ispejjeż tat-tagħbija u kwalunkwe spiża tat-tneħħija minn fuq il-palits għandhom jiġġarrbu mix-xerrej tal-butir jew tat-trab tal-ħalib xkumat. Dawn l-ispejjeż għandhom jiġu stabbiliti mill-Istati Membri abbażi ta' rata fissa u għandhom jiġu mgħarrfa lill-partijiet interessati jekk jintalbu.
KAPITOLU III
Ir-rekwiżiti ewlenin u r-rilaxx jew it-telf tal-garanzija
Artikolu 53
Ir-rekwiżiti ewlenin
Iż-żamma tal-offerti tal-prezzijiet wara l-limitu taż-żmien imsemmi fl-Artikolu 40(4)(b) u l-ħlas tal-prezz skont l-Artikolu 49 għandhom jikkostitwixxu r-rekwiżiti ewlenin skont it-tifsira tal-Artikolu 20 tar-Regolament (KEE) Nru 2220/85.
Artikolu 54
Ir-rilaxx u t-telf tal-garanzija
1. Għall-offerenti tal-prezzijiet li ma jintgħażlux, il-garanzija li dwarha hemm dispożizzjoni fl-Artikolu 44 għandha tiġi rrilaxxata minnufih wara d-deċiżjoni msemmija fl-Artikoli 46(2) u 50(2).
2. Għall-offerenti tal-prezzijiet rebbieħa, il-garanzija għandha tiġi rrilaxxata għall-kwantitajiet li għalihom ikun tħallas il-prezz tal-bejgħ skont l-Artikolu 49.
3. Ħlief għal każijiet ta' forza maġġuri, il-garanzija għandha tintilef fil-każ ta' dawk il-kwantitajiet li għalihom ma jkunx sar il-ħlas skont l-Artikolu 49 u l-bejgħ, għal dawk il-kwantitajiet mhux imħallsa, għandu jiġi kkanċellat.
TITOLU IV
DISPOŻIZZJONIJIET DWAR IN-NOTIFIKI
Artikolu 55
L-aġenziji u ċ-ċentri tal-intervent għaċ-ċereali u għar-ross
1. Għaċ-ċereali u għar-ross, l-Istati Membri għandhom jgħarrfu lill-Kummissjoni dwar:
(a) |
l-aġenziji tal-intervent approvati; |
(b) |
iċ-ċentri tal-intervent approvati; |
(ċ) |
il-postijiet tal-ħżin approvati taċ-ċentri tal-intervent; u |
(d) |
il-kwantità minima meħtieġa għax-xiri ta' prodotti bi prezz fiss, jekk din tkun tvarja mill-kwantitajiet speċifikati fl-Artikolu 8(1). |
2. In-notifiki għandhom isiru skont l-Artikolu 58.
3. Il-lista tal-aġenziji tal-intervent, il-lista taċ-ċentri tal-intervent u tal-postijiet tal-ħżin tagħhom u l-aġġornamenti tagħhom għandhom jitqiegħdu għad-dispożizzjoni tal-Istati Membri u tal-pubbliku b'kull mezz xieraq permezz tas-sistemi tat-tagħrif implimentati mill-Kummissjoni, fosthom il-pubblikazzjoni fuq l-Internet.
Artikolu 56
In-notifiki ta' kull ġimgħa għaċ-ċereali u għar-ross
1. Meta jkun miftuħ l-intervent u sakemm jitlesta x-xiri kollu, għat-tipi kollha ta' ċereali mniżżlin fl-Artikolu 10(1)(a) tar-Regolament (KE) Nru 1234/2007 u għar-ross, l-Istati Membri konċernati għandhom jgħarrfu lill-Kummissjoni, sa mhux aktar tard min-nofsinhar (ħin ta' Brussell) ta' kull nhar t’Erbgħa għall-ġimgħa ta' qabel dwar:
(a) |
il-kwantitajiet ta' qamħ komuni offruti skont l-Artikolu 13; |
(b) |
il-kwantitajiet aċċettati fl-offerti tal-prezzijiet skont l-Artikolu 20(1); |
(ċ) |
il-kwantitajiet li għalihom japplika l-Artikolu 24(5); |
(d) |
il-kwantitajiet li huma suġġetti għat-teħid kundizzjonali tal-prodotti, skont l-Artikolu 31(1)(a). |
2. Għat-tipi kollha ta' ċereali mniżżlin fl-Artikolu 10(1)(a) tar-Regolament (KE) Nru 1234/2007 u għar-ross, l-Istati Membri kkonċernati għandhom jgħarrfu lill-Kummissjoni dwar il-qagħda tal-istokk, sa mhux aktar tard min-nofsinhar (ħin ta' Brussell) ta' kull nhar t’Erbgħa, għall-ġimgħa ta' qabel, dwar:
(a) |
il-kwantitajiet maħżuna fil-bidu tas-sena tas-suq; |
(b) |
il-kwantitajiet kumulattivi meħuda mill-bidu tas-sena tas-suq; |
(ċ) |
il-kwantitajiet kumulattivi li jkunu ħarġu mill-postijiet tal-ħżin sa mill-bidu tas-sena tas-suq, identifikati skont it-tip ta' użu jew id-destinazzjoni, u l-kwantitajiet kumulattivi li jkunu ntilfu; |
(d) |
il-kwantitajiet kumulattivi assenjati (impenjati), identifikati skont it-tip ta' użu jew id-destinazzjoni; |
(e) |
il-kwantitajiet li jkunu qed jiġu offruti fi tmiem il-perjodu ta' rrappurtar ta' kull ġimgħa. |
3. Għal kull ċereali u għall-kwalitajiet taċ-ċereali meqjusin rilevanti għas-suq tal-Komunità, l-Istati Membri konċernati għandhom jgħarrfu lill-Kummissjoni sa mhux aktar tard min-nofsinhar (ħin ta' Brussell) ta' kull nhar t’Erbgħa għall-ġimgħa ta' qabel, dwar il-prezzijiet rappreżentattivi tas-suq, mogħtija fil-munita nazzjonali għal kull tunnellata. Dawk il-prezzijiet għandhom jiġu kkalkulati b'mod regolari, indipendenti u trasparenti, u għandhom jirreferu, b'mod partikulari, għall-propertajiet kwalittattivi, għall-post tal-kwotazzjoni ta' kull prodott u għall-istadju tal-kummerċjalizzazzjoni.
4. Għal kull varjetà ta' ross meqjusa rilevanti għas-suq tal-Komunità, l-Istati Membri konċernati għandhom jgħarrfu lill-Kummissjoni sa mhux aktar tard min-nofsinhar (ħin ta' Brussell) ta' kull nhar t’Erbgħa għall-ġimgħa ta' qabel, dwar il-prezzijiet rappreżentattivi tas-suq, mogħtija fil-munita nazzjonali għal kull tunnellata. Dawk il-prezzijiet għandhom jiġu kkalkulati b'mod regolari, indipendenti u trasparenti, u għandhom jirreferu, b'mod partikulari, għall-istadju tal-ipproċessar, għall-post tal-kwotazzjoni ta' kull prodott u għall-istadju tal-kummerċjalizzazzjoni.
5. In-notifiki għandhom isiru skont l-Artikolu 58.
Artikolu 57
In-notifiki ta' kull xahar
1. L-aġenziji tal-intervent li jkollhom l-istokkijiet tal-intervent għandhom jgħarrfu lill-Kummissjoni kull xahar sa mhux aktar tard mill-15-il jum, għax-xahar ta' qabel, dwar l-affarijiet li ġejjin:
(a) |
għaċ-ċereali, ir-riżultati medji ppeżati tal-piż speċifiku, tal-kontenut tal-indewwa, tal-perċentwali ta' ħbub miksura u tal-kontenut ta' proteini rreġistrati għal-lottijiet ta' kull tip ta' ċereali meħud fil-livelli reġjonali ddefiniti fl-Anness III għar-Regolament tal-Kunsill (KEE) Nru 837/90 (19); |
(b) |
għall-butir u għat-trab tal-ħalib xkumat:
|
(ċ) |
għaċ-ċanga:
|
(d) |
għall-prodotti kollha, il-ftuħ ta' proċedura tas-sejħa għall-offerti tal-prezzijiet, il-kwantitajiet mogħtija u l-prezzijiet minimi tal-bejgħ stabbiliti f'każ li jkun qed jiġi applikat l-Artikolu 50. |
2. Għall-għanijiet tal-paragrafu 1(b):
(a) |
“il-kwantitajiet li jkunu daħlu” tfisser il-kwantitajiet li jkunu nħażnu b'mod fiżiku, kemm jekk ikunu ttieħdu mill-aġenzija tal-intervent u kif ukoll jekk le; |
(b) |
“il-kwantitajiet li jkunu ħarġu” tfisser il-kwantitajiet li jkunu tneħħew, jew, jekk ikunu ttieħdu mix-xerrej qabel ma tneħħew, il-kwantitajiet li jkunu ttieħdu. |
3. Għall-għanijiet tal-paragrafu 1(ċ):
(a) |
“l-istokkijiet li dwarhom ma ttieħdux impenji” tfisser l-istokkijiet li għadhom mhumiex koperti b'kuntratt tal-bejgħ; |
(b) |
“l-istokkijiet fiżiċi” tfisser l-istokkijiet li dwarhom ma ttieħdux impenji flimkien mal-istokkijiet koperti b'kuntratt tal-bejgħ imma li għadhom ma ttieħdux. |
4. Għan-notifiki skont dan l-Artikolu, l-aġenziji tal-intervent għandhom jgħarrfu lill-Kummissjoni bil-prospetti nulli.
5. In-notifiki għandhom isiru skont l-Artikolu 58.
Artikolu 58
Il-metodu li japplika għall-obbligi tan-notifiki
1. Meta jkun hemm referenza għal dan l-Artikolu, l-Istati Membri għandhom jgħarrfu lill-Kummissjoni permezz ta' mezzi elettroniċi billi jużaw il-formola li l-Kummissjoni tkun qiegħdet għad-dispożizzjoni tagħhom.
2. Il-forma u l-kontenut tan-notifiki għandhom jiġu ddefiniti abbażi ta' mudelli jew ta' metodi li l-Kummissjoni tkun qiegħdet għad-dispożizzjoni tal-awtoritajiet kompetenti. Dawn il-mudelli u l-metodi għandhom jiġu adattati u aġġornati wara li l-Kumitat imsemmi fl-Artikolu 195(1) tar-Regolament (KE) Nru 1234/2007 u l-awtoritajiet kompetenti konċernati jkunu ġew infurmati, kif xieraq.
3. In-notifiki għandhom jitwettqu taħt ir-responsabbiltà tal-awtoritajiet kompetenti magħżulin mill-Istati Membri.
TITOLU V
EMENDI, REVOKI U DISPOŻIZZJONIJIET FINALI
Artikolu 59
Emenda tar-Regolament (KE) Nru 562/2005
Il-Kapitolu I tar-Regolament (KE) Nru 562/2005 għandu jitħassar.
Artikolu 60
Ir-revoki
Ir-Regolamenti li ġejjin għandhom jitħassru:
(a) |
Ir-Regolament (KE) Nru 1669/2006 sa minn meta jidħol fis-seħħ dan ir-Regolament; |
(b) |
Ir-Regolamenti (KE) Nru 214/2001 u (KE) Nru 105/2008 sa mill-1 ta' Marzu 2010; |
(ċ) |
Ir-Regolamenti (KE) Nru 687/2008, (KE) Nru 127/2009 u (KE) Nru 670/2009 sa mill-1 ta' Lulju 2010 'l quddiem fir-rigward taċ-ċereali; |
(d) |
Ir-Regolamenti (KE) Nru 75/91 u (KE) Nru 670/2009 sa mill-1 ta' Settembru 2010 fir-rigward tar-ross. |
Dawn ir-Regolamenti mħassra għandhom jibqgħu japplikaw fir-rigward tal-offerti ta' xiri jew dawk tal-prezzijiet imressqa skont dawn ir-Regolamenti. Madankollu, dan ir-Regolament għandu japplika għal-ħżin u l-użu tal-prodotti fil-każijiet kollha.
Artikolu 61
Id-dħul fis-seħħ
Dan ir-Regolament għandu jidħol fis-seħħ fis-seba' jum wara dak tal-publikazzjoni tiegħu f’Il-Ġurnal Uffiċjali tal-Unjoni Ewropea.
Madankollu għandu japplika minn:
(a) |
l-1 ta' Marzu 2010 għall-butir u għat-trab tal-ħalib xkumat; |
(b) |
l-1 ta' Lulju 2010 għaċ-ċereali; u |
(ċ) |
l-1 ta' Settembru 2010 għar-ross. |
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta' Diċembru 2009.
Għall-Kummissjoni
José Manuel BARROSO
Il-President
(1) ĠU L 299, 16.11.2007, p. 1.
(3) ĠU L 171, 23.6.2006, p. 35.
(5) ĠU L 95, 14.4.2005, p. 11.
(7) ĠU L 37, 7.2.2001, p. 100.
(8) ĠU L 312, 11.11.2006, p. 6.
(10) ĠU L 192, 19.7.2008, p. 20.
(11) ĠU L 42, 13.2.2009, p. 3.
(12) ĠU L 194, 25.7.2009, p. 22.
(13) ĠU L 139, 30.4.2004, p. 55.
(14) ĠU L 13, 19.1.2000, p. 12.
(15) ĠU L 251, 27.7.2004, p. 9.
(16) ĠU L 230, 19.8.1991, p. 1.
(17) ĠU L 337, 16.12.2008, p. 3.
(18) ĠU L 114, 26.4.2008, p. 3.
ANNESS I
IĊ-ĊEREALI
PARTI I
Il-kriterji tal-eliġibbiltà għaċ-ċereali.
Ir-rekwiżiti msemmija fl-Artikolu 7(1) fir-rigward taċ-ċereali għandhom ikunu, partikolarment, dawn li ġejjin:
(a) |
iċ-ċereali għandhom il-kulur tipiku taċ-ċereali inkwistjoni; |
(b) |
iċ-ċereali ma għandhom l-ebda riħa stramba u organiżmi li jagħmlu l-ħsara ħajjin (fosthom id-dud irqiq) fi kwalunkwe stadju tal-iżvilupp tagħhom; |
(ċ) |
iċ-ċereali jissodisfaw ir-rekwiżiti minimi ta' kwalità stipulati fil-Parti II ta' dan l-Anness; u |
(d) |
il-livell ta' sustanzi li jniġġsu, fosthom ir-radjuattività, ma jaqbiżx il-livelli massimi permessi mil-leġiżlazzjoni tal-Komunità. |
Il-livell massimu tas-sustanzi li jniġġsu li ma għandux jinqabeż għandu jkun kif ġej:
(a) |
għall-qamħ komuni u għall-qamħ tat-tip durum, il-livelli permessi skont ir-Regolament tal-Kunsill (KEE) Nru 315/93 (1), inklużi r-rekwiżiti f'dak li għandu x'jaqsam mal-livell tat-tossina Fusarium fil-qamħ komuni u fil-qamħ tat-tip durum stabbiliti fil-punti 2.4 sa 2.7 tal-Anness għar-Regolament tal-Kummissjoni (KE) Nru 1881/2006 (2); |
(b) |
għax-xgħir, għall-qamħirrun u għas-sorgu, il-livelli stabbiliti fid-Direttiva 2002/32/KE. |
L-Istati Membri għandhom jiċċekkjaw il-livelli tas-sustanzi li jniġġsu, inkluża tar-radjuattività, abbażi ta' analiżi tar-riskju, filwaqt li jqisu b'mod partikulari t-tagħrif li jkun tahom l-offerent ta' xiri jew l-offerent tal-prezzijiet u l-impenji ta' dan tal-aħħar f'dak li għandu x'jaqsam mal-konformità mal-istandards stabbiliti, speċjalment fid-dawl tar-riżultati tal-analiżi.
Barra minn hekk, f'każ fejn l-analiżi jindikaw li l-indiċi Zeleny ta' lott tal-qamħ komuni jkun ta' bejn 22 u 30, sabiex dan il-qamħ jitqies li huwa tajjeb, ġust u ta' kwalità li tista' tinbiegħ fis-suq, l-għaġina miksuba minnu trid titqies li ma twaħħalx u li hi tajba biex tinħadem mill-magni.
PARTI II
Ir-rekwiżiti minimi tal-kwalità msemmija fil-Parti I
|
Il-qamħ tat-tip durum |
Il-qamħ komuni |
Ix-xgħir |
Il-qamħirrun |
Is-sorgu |
||
|
14,5 % |
14,5 % |
14,5 % |
13,5 % |
13,5 % |
||
|
12 % |
12 % |
12 % |
12 % |
12 % |
||
|
6 % |
5 % |
5 % |
5 % |
5 % |
||
|
5 % |
7 % |
12 % |
5 % |
5 % |
||
li minnhom: |
|
|
|
|
|
||
|
— |
— |
— |
— |
— |
||
|
3 % |
— |
5 % |
— |
— |
||
|
— |
— |
— |
— |
— |
||
|
— |
— |
— |
— |
— |
||
|
0,50 % |
0,50 % |
3 % |
0,50 % |
0,50 % |
||
|
5 % |
— |
— |
— |
— |
||
|
1,5 % |
— |
— |
— |
— |
||
|
4 % |
4 % |
6 % |
6 % |
6 % |
||
|
3 % |
3 % |
3 % |
3 % |
3 % |
||
|
— |
— |
— |
— |
— |
||
|
0,10 % |
0,10 % |
0,10 % |
0,10 % |
0,10 % |
||
|
— |
— |
— |
— |
— |
||
|
— |
— |
— |
— |
— |
||
|
0,05 % |
0,05 % |
— |
— |
— |
||
|
— |
— |
— |
— |
— |
||
|
— |
— |
— |
— |
— |
||
|
— |
— |
— |
— |
— |
||
|
0,05 % |
0,05 % |
— |
— |
— |
||
|
— |
— |
— |
— |
— |
||
|
— |
— |
— |
— |
— |
||
|
27 % |
— |
— |
— |
— |
||
|
— |
— |
— |
— |
1 % |
||
|
78 |
73 |
62 |
— |
— |
||
|
11,5 % |
10,5 % |
— |
— |
— |
||
|
220 |
220 |
— |
— |
— |
||
|
— |
22 |
— |
— |
— |
||
|
Materja oħra għajr ċereali bażiċi ta' kwalità mhix mittiefsa għandha tkun kif iddefinit fil-Parti III ta' dan l-Anness.
Il-ħbub taċ-ċereali bażiċi u ta' ċereali oħrajn li jkollhom il-ħsara, li jkunu affettwati mis-sadid (mill-marda tar-rmied) jew li jitħassru għandhom jiġu kklassifikati bħala ta' “impuritajiet varji” saħansitra jekk ikollhom difetti li jaqgħu fi ħdan kategoriji oħrajn.
PARTI III
1. DEFINIZZJONI TA' MATERJALI OĦRAJN GĦAJR IĊ-ĊEREALI BAŻIĊI TA' KWALITÀ MHIX MITTIEFSA
1.1. Ħbub miksura
Kull ħabba li l-endosperma tagħha tkun parzjalment mikxufa għandha titqies bħala ħabba miksura. Il-ħbub li saritilhom il-ħsara bid-dris u l-ħbub li minnhom ikun tneħħa r-raħs ukoll jagħmlu parti minn dan il-grupp.
Għall-qamħirrun, “il-ħbub miksura” tfisser biċċiet tal-ħbub jew ħbub li jgħaddu minn għarbiel b'toqob tondi li jkollhom dijametru ta' 4,5 millimetri.
Għas-sorgu, “il-ħbub miksura” tfisser biċċiet tal-ħbub jew ħbub li jgħaddu minn għarbiel b'toqob tondi li jkollhom dijametru ta' 1,8 millimetri.
1.2. Impuritajiet tal-ħbub
(a) Ħbub nexfin
Ħbub li, wara li mill-kampjun ikun tneħħa l-materjal kollu l-ieħor imsemmi f'dan l-Anness, jgħaddu minn għeriebel b'toqob li jkollhom id-daqs li ġej: toqob ta' 2,0 millimetri għall-qamħ komuni, ta' 1,9 millimetri għall-qamħ tat-tip durum, u ta' 2,2 millimetri għax-xgħir.
Madanakollu, minkejja din id-definizzjoni:
— |
għax-xgħir li ġej mill-Estonja, mil-Latvja, mill-Finlandja u mill-Iżvezja li jkollu piż speċifiku ta' mill-inqas 64 kilogramm għal kull ettolitru u jkun offrut għall-intervent f'dawk l-Istati Membri, jew |
— |
għax-xgħir b'kontenut tal-indewwa ta' 12,5 % jew inqas, “il-ħbub nexfin” tfisser ħbub li, wara li mill-kampjun ikun tneħħa l-materjal kollu l-ieħor imsemmi f'dan l-Anness, jgħaddu minn għeriebel b'toqob ta' 2,0 millimetri. |
Barra minn hekk, il-ħbub li saritilhom il-ħsara bil-ġlata u l-ħbub li jkun għadhom ma sarux (il-ħbub ħodor) ukoll jagħmlu parti minn dan il-grupp.
(b) Ċereali oħrajn
Il-ħbub kollha li ma jagħmlux parti mill-ispeċi taċ-ċereali li minnha jkun ittieħed il-kampjun.
(ċ) Ħbub li għamlulhom il-ħsara l-annimali u l-insetti li jagħmlu l-ħsara
Il-ħbub li jkunu tnaqqru. Il-ħbub imdewda wkoll jagħmlu parti minn dan il-grupp.
(d) Ħbub bi rħus li jkunu tilfu l-kulur, ħbub imtebbgħin u ħbub affettwati mill-fusarjożi
Il-ħbub bi rħus li jkunu tilfu l-kulur huma dawk il-ħbub li fihom it-tegument ikun ta' lewn kannella jew kannella jagħti fl-iswed u li fihom ir-raħs ikun normali u ma jkunx beda jnebbet. Għall-qamħ komuni, se jingħata każ tal-ħbub bi rħus li jkunu tilfu l-kulur biss jekk dawn jaqbżu t-8 %.
Għall-qamħ tat-tip durum:
— |
il-ħbub li jkunu tilfu l-kulur, u saru minn kannella sa kannella jagħti fl-iswed, fi mkejjen oħra għajr fir-raħs innifsu għandhom jitqiesu bħala ħbub imtebbgħin, |
— |
il-ħbub affettwati mill-fusarjożi huma ħbub li l-perikarpu tagħhom huwa mniġġes bil-Fusarium mycelium; dawn it-tipi ta' ħbub jidhru kemmxejn nexfin, imkemmxin u jkollhom irqajja' roża jew bojod imxerrdin 'l hawn u 'l hemm ta' għamla li ma tkunx iddefinita sew. |
(e) |
Il-ħbub li jkunu ssaħħnu wisq meta kienu qed jitnixxfu huma dawk li juru sinjali esterni ta' ħruq imma li mhumiex ħbub bil-ħsara. |
1.3. Ħbub bin-nebbieta
Il-ħbub bin-nebbieta huma dawk li fihom wieħed ikun jista' jara sewwa, b'għajnejh biss, ix-xenxul iż-żgħir jew il-pjumetta. Madanakollu, meta l-kontenut ta' kampjun ikun qed jiġi vvalutat, jeħtieġ li titqies id-dehra tal-kampjun b'mod ġenerali. F'xi tipi ta' ċereali, ir-raħs ikun imqabbeż 'il barra, per eżempju fil-qamħ tat-tip durum, u t-tegument tar-raħs jinqasam meta l-lott taċ-ċereali jitħarrek. Dawn il-ħbub jixbhu lil dawk bin-nebbieta, imma ma għandhomx jiddaħħlu f'dak il-grupp. Il-ħbub bin-nebbieta huma biss dawk li fihom ir-raħs ikun għadda minn tibdiliet li jidhru b'mod ċar, li jagħmluha faċli li wieħed jagħżel il-ħbub bin-nebbieta minn dawk normali.
1.4. Impuritajiet varji (“Schwarzbesatz”)
(a) Żrieragħ minn barra
“Iż-żrieragħ minn barra” huma ż-żrieragħ ta' pjanti, kemm dawk ikkultivati kif ukoll dawk li mhumiex, minbarra dawk taċ-ċereali. Dawn jinkludu ż-żrieragħ li mhux ta' min jiġborhom, iż-żrieragħ li jistgħu jintużaw għall-għalf u ż-żrieragħ li jagħmlu l-ħsara.
“Iż-żrieragħ li jagħmlu l-ħsara” tfisser żrieragħ li huma velenużi għall-bniedem u għall-annimali, żrieragħ li jfixklu jew li jtellfu l-proċessi tat-tindif u tat-tħin taċ-ċereali u żrieragħ li jaffettwaw il-kwalità tal-prodotti pproċessati miċ-ċereali.
(b) Ħbub bil-ħsara
“Il-ħbub bil-ħsara” huma dawk li ma baqgħux tajbin għall-konsum mill-bniedem u, f'dak li għandu x'jaqsam mal-ħbub għall-għalf, għall-għalf tal-baqar, minħabba t-taħsir, il-moffa, il-batterji jew minħabba xi ħaġ'oħra.
Il-ħbub bil-ħsara jinkludu wkoll il-ħbub li saritilhom il-ħsara mill-produzzjoni spontanja tas-sħana jewinkella minħabba li jkunu ssaħħnu żżejjed meta kienu qed jitnixxfu. Dawn il-ħbub “imsaħħnin” jew “mimsusin mill-marda tal-ħruq” huma ħbub li kibru għal kollox u li fihom it-tegument ikollu lewn kannella li jagħti fil-griż sa iswed, filwaqt li meta taqsamha, minn ġewwa l-qalba tagħhom ikollha lewn isfar jagħti fil-griż sa kannella jagħti fl-iswed.
Il-ħbub li jkunu sfaw attakkati mid-dudu tal-qamħ għandhom jitqiesu bħala ħbub bil-ħsara biss meta aktar minn nofs il-wiċċ tal-ħabba jkollu lewn griż sa iswed minħabba l-attakk kriptogamiku sekondarju. F'każijiet fejn anqas minn nofs il-wiċċ tal-ħabba jkun tilef lewnu, dawn jeħtiġilhom ikunu kklassifikati mal-ħbub li għamlulhom il-ħsara l-annimali u l-insetti li jagħmlu l-ħsara.
(ċ) Materjal minn barra
Għandu jitqies bħala materjal minn barra kwalunkwe materjal f'kampjun taċ-ċereali li jibqa' f'għarbiel b'toqob ta' 3,5 millimetri (ħlief għall-ħbub ta' ċereali oħra u l-ħbub taċ-ċereali bażiku li jkunu pjuttost kbar), kif ukoll il-materjal li jgħaddi minn għarbiel b'toqob ta' millimetru (1,0). Iż-żrar, ir-ramel, il-biċċiet tat-tiben u l-impuritajiet l-oħrajn fil-kampjuni li jgħaddu minn għarbiel b'toqob ta' 3,5 millimetri u ma jgħaddux minn għarbiel b'toqob ta' millimetru (1,0) huma inklużi wkoll.
Din id-definizzjoni ma tapplikax għall-qamħirrun. Għall-qamħirrun, il-materjal kollu f'kampjun li jgħaddi minn għarbiel b'toqob ta' millimetru (1) għandu jitqies bħala materjal minn barra, flimkien mal-materjal imsemmi fl-ewwel subparagrafu.
(d) |
Il-ħliefa (għall-qamħirrun: il-biċċiet taċ-ċifċiegħa). |
(e) |
Is-sadid (il-mard tar-rmied). |
(f) |
Ħbub imħassrin. |
(g) |
Insetti mejtin u biċċiet tal-insetti. |
1.5. |
L-annimali u l-insetti ħajjin li jagħmlu l-ħsara |
1.6. Ħbub li tilfu l-aspett żġieġi tagħhom
Il-ħbub tal-qamħ tat-tip durum li tilfu l-aspett żġieġi tagħhom huma ħbub li l-qalba tagħhom ma tistax titqies li hi kollha kemm hi żġiġija.
2. FATTURI SPEĊIFIĊI LI GĦANDHOM JITQIESU F'KULL TIP TA' ĊEREALI BIEX JIĠU DDEFINITI L-IMPURITAJIET
2.1. Il-qamħ tat-tip durum
L-impuritajiet tal-ħbub tfisser il-ħbub nexfin, il-ħbub ta' ċereali oħra, il-ħbub li għamlulhom il-ħsara l-annimali u l-insetti li jagħmlu l-ħsara, il-ħbub bi rħus li jkunu tilfu l-kulur, il-ħbub imtebbgħin tal-ħbub affettwati mill-fusarjożi, u l-ħbub li jkunu ssaħħnu wisq meta kienu qed jitnixxfu.
Impuritajiet varji tfisser iż-żrieragħ minn barra, il-ħbub bil-ħsara, il-materjal minn barra, il-ħliefa, is-sadid (il-marda tar-rmied), il-ħbub imħassrin, l-insetti mejtin u l-biċċiet tal-insetti.
2.2. Il-qamħ komuni
L-impuritajiet tal-ħbub tfisser il-ħbub nexfin, il-ħbub ta' ċereali oħra, il-ħbub li għamlulhom il-ħsara l-annimali u l-insetti li jagħmlu l-ħsara, il-ħbub bi rħus li jkunu tilfu l-kulur, u l-ħbub li jkunu ssaħħnu wisq meta kienu qed jitnixxfu.
Impuritajiet varji tfisser iż-żrieragħ minn barra, il-ħbub bil-ħsara, il-materjal minn barra, il-ħliefa, is-sadid (il-marda tar-rmied), il-ħbub imħassrin, l-insetti mejtin u l-biċċiet tal-insetti.
2.3. Ix-xgħir
L-impuritajiet tal-ħbub tfisser il-ħbub nexfin, il-ħbub ta' ċereali oħra, il-ħbub li għamlulhom il-ħsara l-annimali u l-insetti li jagħmlu l-ħsara, u l-ħbub li jkunu ssaħħnu wisq meta kienu qed jitnixxfu.
Impuritajiet varji tfisser iż-żrieragħ minn barra, il-ħbub bil-ħsara, il-materjal minn barra, il-ħliefa, l-insetti mejtin u l-biċċiet tal-insetti.
2.4. Il-qamħirrun
L-impuritajiet tal-ħbub tfisser il-ħbub ta' ċereali oħra, il-ħbub li għamlulhom il-ħsara l-annimali u l-insetti li jagħmlu l-ħsara, u l-ħbub li jkunu ssaħħnu wisq meta kienu qed jitnixxfu.
Għall-qamħirrun, il-materjal kollu f'kampjun li jgħaddi minn għarbiel b'toqob ta' millimetru (1,0) għandu jitqies bħala materjal minn barra.
Iż-żrieragħ minn barra, il-ħbub bil-ħsara, il-materjal minn barra, il-ħliefa, l-insetti mejtin u l-biċċiet tal-insetti kollha se jitqiesu bħala impuritajiet varji.
2.5. Is-sorgu
L-impuritajiet tal-ħbub tfisser il-ħbub ta' ċereali oħra, il-ħbub li għamlulhom il-ħsara l-annimali u l-insetti li jagħmlu l-ħsara, u l-ħbub li jkunu ssaħħnu wisq meta kienu qed jitnixxfu.
Impuritajiet varji tfisser iż-żrieragħ minn barra, il-ħbub bil-ħsara, il-materjal minn barra, il-ħliefa, l-insetti mejtin u l-biċċiet tal-insetti.
PARTI IV
Il-metodi użati sabiex wieħed jiddeċiedi dwar il-kwalità taċ-ċereali offruti għall-intervent.
Sabiex wieħed jiddeċiedi dwar il-kwalità taċ-ċereali offruti għall-intervent, għandhom jintużaw il-metodi li ġejjin:
(a) |
il-metodu standard sabiex wieħed jiddeċiedi dwar il-materjali l-oħra għajr iċ-ċereali bażiċi ta' kwalità mhix mittiefsa għandu jkun dak mogħti fil-Parti V ta' dan l-Anness; |
(b) |
il-metodu standard sabiex wieħed jikkalkula l-kontenut tal-indewwa għandu jkun dak mogħti fil-Parti VI ta' dan l-Anness. Madanakollu, l-Istati Membri jistgħu jużaw ukoll metodi oħra bbażati fuq il-prinċipju mogħti fl-Anness V, il-metodu ISO 712:1998 jew metodu bbażat fuq it-teknoloġija tal-infra-aħmar. Fil-każ ta' xi tilwima, għandhom jiġu aċċettati biss ir-riżultati li joħorġu meta wieħed juża l-metodu mogħti fil-Parti V ta' dan l-Anness; |
(ċ) |
il-metodu standard sabiex wieħed jikkalkula l-kontenut tat-tannin fis-sorgu għandu jkun il-metodu ISO 9648:1988; |
(d) |
il-metodu standard sabiex wieħed jiddeċiedi dwar kemm l-għaġina miksuba mill-qamħ komuni ma twaħħalx u kemm hi tajba biex tinħadem mill-magni għandu jkun dak mogħti fil-Parti VII ta' dan l-Anness; |
(e) |
il-metodu standard sabiex wieħed jikkalkula l-kontenut tal-proteini fil-qamħ komuni mitħun għandu jkun dak rikonoxxut mill-Għaqda Internazzjonali tal-Kimika taċ-Ċereali (l-IKĊ), li l-istandards tagħha huma mniżżlin fl-Intestatura Nru 105/2, imsejħa: “il-metodu sabiex wieħed jikkalkula l-kontenut tal-proteini fiċ-ċereali u fil-prodotti magħmulin miċ-ċereali”; |
Madanakollu, l-Istati Membri jistgħu jużaw kull metodu ieħor. F'dan il-każ, iridu jibagħtu lill-Kummissjoni xhieda li l-IKĊ tirrikonoxxi illi l-metodu kkonċernat jagħti riżultati ekwivalenti;
(f) |
il-metodu sabiex wieħed jikkalkula l-indiċi tal-ammont ta' sediment skont Zeleny għall-qamħ komuni mitħun għandu jikkonforma mal-metodu ISO 5529:1992; |
(g) |
il-metodu sabiex wieħed jikkalkula l-ħin tal-waqgħa skont Hagberg (it-test tal-attività tal-amilażi) għandu jikkonforma mal-metodu ISO 3093:2004; |
(h) |
il-metodu standard sabiex wieħed jikkalkula r-rata tat-telf tal-aspett żġieġi tal-qamħ tat-tip durum għandu jkun dak mogħti fil-Parti VIII ta' dan l-Anness; |
(i) |
il-metodu standard sabiex wieħed jikkalkula l-piż speċifiku għandu jikkonforma mal-metodu ISO 7971/2:1995; |
(j) |
il-metodi għat-teħid tal-kampjuni u l-metodi ta' analiżi ta' referenza sabiex wieħed jikkalkula r-rati tal-mikotoksin għandhom ikunu dawk imsemmija fl-Anness I għar-Regolament (KE) Nru 1881/2006 u mogħtija fl-Annessi I u II għar-Regolament tal-Kummissjoni (KE) Nru 401/2006 (3). |
PARTI V
Il-metodu standard sabiex wieħed jiddeċiedi dwar il-materjali l-oħrajn għajr iċ-ċereali bażiċi ta' kwalità mhix mittiefsa
1. |
Għall-qamħ komuni, il-qamħ tat-tip durum u x-xgħir, kampjun medju ta' 250 gramma għandu jingħadda minn żewġ għeriebel, wieħed b'toqob tawwalin ta' 3,5 millimetri u l-ieħor b'toqob tawwalin ta' millimetru (1,0), għal nofs minuta kull darba. Biex ikun żgurat ċaqliq kontinwu, tajjeb li jintuża għarbiel mekkaniku, per eż. mejda li tivvibra b'għeriebel imwaħħlin magħha. Il-materjal li jibqa' fl-għarbiel b'toqob tawwalin ta' 3,5 millimetri u dak li jgħaddi mill-għarbiel b'toqob tawwalin ta' millimetru (1,0) għandu jintiżen flimkien u jitqies bħala materjal minn barra. F'każ fejn il-materjal li jibqa' fl-għarbiel b'toqob tawwalin ta' 3,5 millimetri jkun jinkludi partijiet li jagħmlu parti mill-grupp taċ-“ċereali oħrajn” u ħbub taċ-ċereali bażiku li jkunu pjuttost kbar, dawk il-partijiet jew il-ħbub għandhom jerġgħu jiddaħħlu fil-kampjun mgħarbul. Matul it-tgħarbil fl-għarbiel b'toqob tawwalin ta' millimetru (1,0), wieħed għandu jiċċekkja sewwa wkoll jekk fil-kampjun hemmx annimali u insetti ħajjin li jagħmlu l-ħsara. Mill-kampjun mgħarbul, għandu jittieħed kampjun ta' 50 sa 100 gramma bl-użu ta' separatur. Dan il-kampjun parzjali għandu jintiżen. Il-kampjun parzjali mbagħad għandu jinfirex fuq mejda u, bl-użu ta' pinzetta jew ta' spatula tal-qarn, minnu għandhom jinħarġu l-ħbub miksura, iċ-ċereali l-oħra, il-ħbub bin-nebbieta, il-ħbub li għamlulhom il-ħsara l-annimali u l-insetti li jagħmlu l-ħsara, il-ħbub li saritilhom il-ħsara bil-ġlata, il-ħbub bi rħus li jkunu tilfu l-kulur, il-ħbub imtebbgħin, iż-żrieragħ minn barra, is-sadid (il-mard tar-rmied), il-ħbub bil-ħsara, il-ħbub imħassrin, il-ħliefa, l-annimali u l-insetti ħajjin li jagħmlu l-ħsara u l-insetti mejtin. F'każ fejn il-kampjun parzjali jinkludi ħbub li jkun għadhom fil-ħliefa, il-ħliefa għandha titneħħielhom bl-idejn u l-ħliefa li tinkiseb b'dan il-mod għandha titqies bħala biċċa ta' ħliefa. Iż-żrar, ir-ramel u l-biċċiet tat-tiben għandhom jitqiesu bħala materjal minn barra. Il-kampjun parzjali għandu jingħadda għal nofs minuta minn għarbiel b'toqob ta' 2,0 millimetri għall-qamħ komuni, ta' 1,9 millimetri għall-qamħ tat-tip durum, u ta' 2,2 millimetri għax-xgħir. Il-materjal li jgħaddi minn dan l-għarbiel għandu jitqies bħala l-ħbub nexfin. Il-ħbub li saritilhom il-ħsara bil-ġlata u l-ħbub ħodor li jkun għadhom ma sarux għandhom ukoll jagħmlu parti mill-grupp tal-“ħbub nexfin”. |
2. |
Kampjun medju ta' 500 gramma fil-każ tal-qamħirrun u ta' 250 gramma fil-każ tas-sorgu għandu jingħarbel għal nofs minuta f'għarbiel b'toqob tawwalin ta' millimetru (1,0). Iċċekkja jekk fil-kampjun hemmx annimali u insetti ħajjin li jagħmlu l-ħsara u insetti mejtin. Bl-użu ta' pinzetta jew ta' spatula tal-qarn, oħroġ mill-materjal li jibqa' fl-għarbiel b'toqob tawwalin ta' millimetru (1,0) iż-żrar, ir-ramel, il-biċċiet tat-tiben u l-materjal minn barra l-ieħor. Żid il-materjal minn barra li jkun inħareġ b'dan il-mod mal-materjal li jkun għadda mill-għarbiel b'toqob tawwalin ta' millimetru (1,0), u iżinhom flimkien. Bl-użu ta' separatur, mill-kampjun li għadda mill-għarbiel ħejji kampjun parzjali ta' 100 sa 200 gramma fil-każ tal-qamħirrun u ta' 25 sa 50 gramma fil-każ tas-sorgu. Iżen dan il-kampjun parzjali. Ifirxu bħala saff irqiq fuq il-mejda. Bl-użu ta' pinzetta jew ta' spatula tal-qarn, oħroġ il-biċċiet taċ-ċereali l-oħra, il-ħbub li għamlulhom il-ħsara l-annimali u l-insetti li jagħmlu l-ħsara, il-ħbub li saritilhom il-ħsara bil-ġlata, il-ħbub bin-nebbieta, il-ħbub minn barra, il-ħbub bil-ħsara, il-ħliefa, l-annimali u l-insetti ħajjin li jagħmlu l-ħsara u l-insetti mejtin. Imbagħad għaddi dan il-kampjun parzjali minn għarbiel b'toqob tondi li għandhom dijametru ta' 4,5 millimetri għall-qamħirrun u minn għarbiel b'toqob tondi li għandhom dijametru ta' 1,8 millimetri għas-sorgu. Il-materjal li jgħaddi minn dan l-għarbiel għandu jitqies bħala l-ħbub miksura. |
3. |
Gruppi ta' materjali oħra għajr iċ-ċereali bażiċi ta' kwalità mhix mittiefsa, iddeterminati skont il-metodi msemmija fil-punti 1 u 2 għandhom jintiżnu b'attenzjoni kbira sal-eqreb 0,01 gramma u jitqassmu skont il-perċentwali fil-kampjun medju. Id-dettalji mniżżlin fir-rapport tal-analiżi għandhom jingħataw sal-eqreb 0,1 %. Iċċekkja jekk hemmx annimali u insetti ħajjin li jagħmlu l-ħsara. Bħala regola ġenerali, kull kampjun għandu jiġi analizzat darbtejn. Ir-riżultati taż-żewġ analiżi m'għandhomx ivarjaw b'iktar minn 10 % fir-rigward tal-ammont totali tal-materjal imsemmi hawn fuq. |
4. |
L-apparat li għandu jintuża għall-ħidmiet imsemmija fil-punti 1, 2 u 3 huwa kif ġej:
|
PARTI VI
Il-metodu standard sabiex wieħed jiddeċiedi dwar il-kontenut tal-indewwa
1. Il-prinċipju
Il-prodott jitnixxef f'temperatura ta' 130 sa 133 Ċ u fi pressjoni atmosferika normali, għal perjodu li jkun stabbilit skont id-daqs tal-partikoli.
2. L-ambitu
Dan il-metodu ta' tnixxif japplika għaċ-ċereali misħuqa sa ma jsiru partikoli li tal-inqas 50 % minnhom jgħaddu minn għarbiel b'toqob ta' 0,5 millimetri u li ma jħallux frak fl-għarbiel b'toqob tondi ta' millimetru (1,0) li jammontaw għal aktar minn 10 %. Japplika wkoll għad-dqiq.
3. L-apparat
Miżien ta' preċiżjoni.
Misħaq magħmul minn materjal li ma jixrobx l-indewwa, li jitnaddaf faċilment, li jippermetti li s-sħiq isir malajr u b'mod indaqs mingħajr tisħin żejjed, li jillimita l-kuntatt mal-arja ta' barra għall-inqas possibbli, u li jissodisfa r-rekwiżiti msemmija fil-punt 2 (per eżempju mitħna b'rombli li jkunu jinqalgħu).
Reċipjent tal-metall li ma jikkorrodix jew tal-ħġieġ, b'għatu li jagħlaq tajjeb biżżejjed b'mod adegwat; wiċċ ta' ħidma li jippermetti li l-kampjun li jkun se jiġi ttestjat jinfirex f'saff ta' 0,3 grammi għal kull ċentimetru kwadru (cm2).
Forn iżotermiku għat-tisħin, imsaħħan bl-elettriku, li jkollu temperatura ta' bejn il-130 u l-133oĊ (4), u li jkollu ventilazzjoni adegwata (5).
Nixxiefa bi platt tal-metall, jew fin-nuqqas tal-metall, taċ-ċaqquf (oħxon u mtaqqab), li jkun fiha desikkant adegwat.
4. Il-proċedura
It-tnixxif
Iżen, sal-eqreb milligramma (1), kwantità kemmxejn akbar minn 5 grammi taċ-ċereali misħuqa bi ħbub żgħar jew minn 8 grammi tal-qamħirrun misħuq fir-reċipjent li jkun diġà ntiżen. Qiegħed ir-reċipjent forn tat-tisħin, imsaħħan għal temperatura ta' bejn l-130 u l33 Ċ. Dan għandu jsir kemm jista' jkun malajar sabiex it-temperatura ma tilħqax tinżel wisq. Ħalli ċ-ċereali ta' ħbub żgħar jinxfu għal sagħtejn u l-qamħirrun għal erba' sigħat wara li l-forn tat-tisħin jerġa jilħaq temperatura ta' bejn il-130 u l-133 Ċ. Neħħi r-reċipjent mill-forn tat-tisħin, u malajr erġa' qiegħed l-għatu, ħalliħ jiksaħ bejn 30 u 45 minuta ġewwa nixxiefa u wara iżen (sal-eqreb milligramm (1)).
5. Il-metodu tal-kalkolu u l-formoli
E |
= |
il-massa inizjali tal-kampjun tat-test, fi grammi |
M |
= |
il-massa tal-kampjun tat-test wara li jkun tħejja, fi grammi |
M' |
= |
il-massa tal-kampjun tat-test wara li jkun insaħaq, fi grammi |
m |
= |
il-massa tal-kampjun tat-test niexef, fi grammi. |
Il-kontenut tal-indewwa bħala perċentwali tal-prodott huwa daqs:
— |
mingħajr tħejjija minn qabel: (E – m) × 100/E, |
— |
bi tħejjija minn qabel: ((M' – m)M/M' + E – M) × 100/E = 100 (1 – Mm/EM') |
It-testijiet għandhom isiru tal-anqas darbtejn.
6. Ir-repetizzjoni
Id-differenza bejn il-valuri miksubin miż-żewġ kalkoli, imwettqin mill-istess analista fl-istess ħin jewinkella ftit ħin wara xulxin, ma għandhiex taqbeż iż-0,15-il gramma ta' ndewwa għal kull 100 gramma tal-kampjun. Jekk dan il-valur jinqabeż, għandhom jerġgħu jsiru l-kalkoli.
PARTI VII
Il-metodu sabiex wieħed jiddeċiedi dwar kemm l-għaġina miksuba mill-qamħ komuni ma twaħħalx u kemm hi tajba biex tinħadem mill-magni
1. It-titlu
Metodu għat-test tal-ħami tad-dqiq tal-qamħ.
2. L-ambitu
Il-metodu japplika għad-dqiq mitħun b'mod sperimentali mill-qamħ sabiex jiġi prodott il-ħobż bil-ħmira.
3. Il-prinċipju
Issir għaġna mid-dqiq, mill-ilma, mill-ħmira, mill-melħ u miz-zokkor tal-kannamieli, f'apparat speċifikat tat-taħlit. Wara li l-għaġna tinqasam u tiġi rrumblata, il-biċċiet jitħallew joqogħdu għal 30 minuta; imbagħad jingħataw il-forma, jitqiegħdu fuq il-pjanċi tal-ħami, u jinħmew wara perjodu fiss li fih jitħallew joqogħdu għall-aħħar darba. Tittieħed nota tal-karatteristiċi tal-għaġna. Il-ħobżiet jiġu ġġudikati skont il-volum u l-għoli tagħhom.
4. L-ingredjenti
4.1. Il-ħmira
Ħmira niexfa attiva tat-tip Saccharomyces cerevisiae tat-tip DHW-Hamburg-Wansbeck jew prodott li għandu l-istess karatteristiċi tagħha.
4.2. |
L-ilma tal-vit |
4.3. Taħlita taz-zokkor, melħ u aċidu assorbiku
Ħoll 30 gramma ±0,5 grammi ta' klorur tas-sodju (ta' grad kummerċjali), 30 gramma ±0,5 grammi ta' zokkor tal-kannamieli (ta' grad kummerċjali), u 0,040 grammi ±0,001 grammi ta' aċidu assorbiku fi 800 gramma ± 5 grammi ta' ilma. Ħejji taħlita friska kuljum.
4.4. It-taħlita taz-zokkor
Ħoll 5 grammi ±0,1 gramma ta' zokkor tal-kannamieli (ta' grad kummerċjali) f'95 gramma ± 1 gramma ta' ilma. Ħejji taħlita friska kuljum.
4.5. Dqiq tax-xgħir b'enzimi attivi
Ta' grad kummerċjali.
5. It-tagħmir u l-apparat
5.1. Il-kamra tal-ħami
Ikkontrollata biex tinżamm temperatura ta' 22 sa 25oĊ ġo fiha.
5.2. Il-friġġ
Biex tinżamm temperatura ta' 4 Ċ ± 2 Ċ.
5.3. Il-bilanċ
Li jiflaħ tagħbija massima ta' 2 kilogrammi, u bi preċiżjoni ta' 2 grammi.
5.4. Il-bilanċ
Li jiflaħ tagħbija massima ta' 0,5 kilogrammi, u bi preċiżjoni ta' 0,1 grammi.
5.5. Il-bilanċ analitiku
Bi preċiżjoni ta' 0,1 × 10-3 grammi.
5.6. It-tagħmir tat-taħlit
Stephan UMTA 10, bi driegħ għat-taħlit (“mixing arm”) tal-mudell “Detmold” (Stephan Soehne GmbH) jew tagħmir simili li jkollu l-istess karatteristiċi.
5.7. Il-post fejn l-għaġna titħalla toqgħod
Ikkontrollata biex tinżamm temperatura ta' 30 Ċ ± 1 Ċ.
5.8. Kaxex tal-plastik miftuħin
Magħmula mill-“polymethylmethacrylate” (“Plexiglas”, Perspex). Dimensjonijiet interni: 25 ċentimetru b'25 ċentimetru bi 15-il ċentimetru għoli, u b'materjal bi ħxuna ta' 0,5 ċentimetri ±0,05 ċentimetri.
5.9. Folji kwadri tal-plastik
Magħmula mill-“polymethylmethacrylate” (“Plexiglas”, Perspex). Mill-inqas 30 ċentimetru bi 30 ċentimetru, u bi ħxuna ta' 0,5 ċentimetri ±0,05 ċentimetri.
5.10. Il-mudellatur
Omoġenizzatur tal-ballun tad-ditta Brabender (Brabender OHG) jew tagħmir simili li jkollu l-istess karatteristiċi.
6. It-teħid tal-kampjuni
Isir skont l-istandard nru 101 tal-IKĊ.
7. Il-proċedura
7.1. Il-kalkolu ta' kemm jinxtorob l-ilma
Ikkalkula kemm jinxtorob ilma skont l-istandard nru 115/1 tal-IKĊ.
7.2. Il-kalkolu taż-żieda tad-dqiq tax-xgħir
Ikkalkula l-ħin tal-waqgħa tad-dqiq skont il-metodu ISO 3093-1982. Jekk il-ħin tal-waqgħa jkun ta' aktar minn 250, ikkalkula kemm ikun meħtieġ li jiżdied dqiq tax-xgħir biex dan il-ħin jinġieb bejn il-200 u l-250, billi tuża sensiela ta' taħlitiet tad-dqiq ma' kwantitajiet dejjem akbar ta' dqiq tax-xgħir (il-punt 4.5). Jekk il-ħin tal-waqgħa jkun ta' inqas minn 250, ma jkun meħtieġ li jiżdied l-ebda dqiq tax-xgħir.
7.3. Ir-riattivazzjoni tal-ħmira niexfa attiva
Irranġa t-temperatura tat-taħlita taz-zokkor (il-punt 4.4) biex din tkun ta' 35oĊ ± 1 Ċ. Ferra' parti waħda, bil-piż, tal-ħmira niexfa attiva f'erba' partijiet, bil-piż, ta' din it-taħlita moderata taz-zokkor. Tħawwadhiex. Dawwarha fuq fuq jekk ikun hemm bżonn.
Ħalliha toqgħod għal 10 minuti ± 1 minuta, imbagħad ħawwadha sakemm tinkiseb sospensjoni omoġenja. Uża din is-sospensjoni fi żmien 10 minuti.
7.4. L-aġġustament tat-temperatura tad-dqiq u tal-likwidu tal-għaġna
It-temperatura tad-dqiq u tal-ilma jeħtieġ li titranġa sabiex, wara t-taħlit, l-għaġna jkollha temperatura ta' 27oĊ ± 1 Ċ.
7.5. Il-kompożizzjoni tal-għaġina
Bi preċiżjoni ta' 2 grammi, iżen 10 y għal kull 3 grammi dqiq abbażi tal-indewwa eżistenti (korrispondenti għal kilogramm (1) dqiq abbażi ta' ndewwa ta' 14 %), fejn “y” hija l-kwantità ta' dqiq użat fit-test bil-farinografu (ara l-Istandard Nru 115/1 tal-IKĊ).
Bi preċiżjoni ta' 0,2 grammi, iżen il-kwantità ta' dqiq tax-xgħir meħtieġa biex il-ħin tal-waqgħa jinġieb bejn 200 u 250 (il-punt 7.2).
Iżen 430 gramma ± 5 grammi tat-taħlita taz-zokkor, melħ u aċidu assorbiku (il-punt 4.3) u żid l-ilma għal massa totali (x–9) 10 y għal kull 3 grammi (ara l-punt 10,2), fejn “x” hija l-kwantità ta' ilma użat fit-test bil-farinografu (ara l-Istandard Nru 115/1 tal-IKĊ). Din il-massa totali (li s-soltu tkun ta' bejn 450 u 650 gramma) għandha tintlaħaq bi preċiżjoni ta' 1,5 grammi.
Iżen 90 gramma ± 1 gramma tas-sospensjoni tal-ħmira (ara l-punt 7.3).
Ħu nota tal-massa totali tal-għaġina (P), li hija s-somma tal-mases tad-dqiq, tat-taħlita taz-zokkor, melħ u aċidu assorbiku flimkien mal-ilma, tas-sospensjoni tal-ħmira u tad-dqiq tax-xgħir.
7.6. It-taħlit
Qabel tibda, l-apparat tat-taħlit ġibu f'temperatura ta' 27 Ċ ± 1oĊ billi tuża kwantità xierqa ta' ilma li jkollu temperatura adegwata.
Qiegħed l-ingredjenti likwidi tal-għaġina fl-apparat tat-taħlit u fil-wiċċ poġġi d-dqiq u d-dqiq tax-xgħir.
Qabbad l-apparat tat-taħlit (b'veloċità ta' 1, u b'1 400 dawra kull minuta), u ħallih jaħdem għal 60 sekonda. Għoxrin sekonda wara li jinbeda t-taħlit, dawwar żewġ dawriet il-barraxa mwaħħla mal-għatu taż-żinġla tat-taħlit.
Kejjel it-temperatura tal-għaġina. Jekk ma tkunx bejn is-26 Ċ u t-28oĊ, armi l-għaġina u għaġen waħda ġdida wara li tirranġa t-temperaturi tal-ingredjenti.
Ħu nota tal-karatteristiċi tal-għaġina billi tuża wieħed mit-termini li ġejjin:
— |
ma twaħħalx u tista' tinħadem mill-magni, jew |
— |
twaħħal u ma tistax tinħadem bil-magni. |
Biex titqies bħala “għaġina li ma twaħħalx u li tista' tinħadem mill-magni”, fi tmiem l-għaġna, l-għaġina għandha tifforma massa koerenti li bilkemm teħel mal-ġnub tar-reċipjent u mal-fus tal-apparat tat-taħlit. Għandek tkun tista', b'moviment wieħed u mingħajr telf apprezzabbli, tiġbor l-għaġina bl-id u tneħħiha miż-żinġla tat-taħlit.
7.7. Il-qsim u l-irrumblar
Bi preċiżjoni ta' 2 grammi, iżen tliet biċċiet ta' għaġina skont il-formola:
p |
= |
0,25 P, fejn: |
p |
= |
il-massa tal-biċċa għaġina, |
P |
= |
il-massa totali tal-għaġina. |
Irrombla mill-ewwel il-biċċiet tal-għaġina għal 15-il sekonda fil-mudellatur (il-punt 5.10) u qiegħedhom għal nofsiegħa ± 2 minuti fuq il-folji kwadri tal-plastik (il-punt 5.9), mgħottijin bil-kaxex tal-plastik maqlubin rashom 'l isfel (il-punt 5.8) fil-post fejn l-għaġna titħalla toqgħod (il-punt 5.7).
Traxxaxx dqiq fuq l-għaġina.
7.8. L-għoti tal-forma
Poġġi l-biċċiet tal-għaġina li jkunu fuq il-folji tal-plastik mgħottijin bil-kaxex maqlubin rashom 'l isfel għal darb'oħra fil-mudellatur (il-punt 5.10) u erġa' rrombla kull biċċa għal 15-il sekonda. Ikxef il-biċċiet tal-għaġina biss eżatt qabel ma tibda tirrumblahom. Ħu nota mill-ġdid tal-karatteristiċi tal-għaġina billi tuża wieħed mit-termini li ġejjin:
— |
ma twaħħalx u tista' tinħadem mill-magni, jew |
— |
twaħħal u ma tistax tinħadem bil-magni. |
Biex titqies bħala “għaġina li ma twaħħalx u li tista' tinħadem mill-magni”, l-għaġina bil-kemm għandha teħel mal-ġnub tar-reċipjent, jew m'għandha teħel xejn miegħu, b'tali mod li tkun tista' ddur b'mod ħieles fuqha nnifisha u tifforma ballun regolari hija u titħaddem il-magna. Fi tmiem il-ħidma, l-għaġina ma għandhiex teħel mal-ġnub tar-reċipjent fejn tkun qed tiġi ffurmata meta jitneħħielu l-għatu.
8. Ir-rapport tat-test
Ir-rapport tat-test għandu jkun fih:
— |
il-karatteristiċi tal-għaġina fi tmiem it-taħlit u meta tkun qed tiġi ffurmata, |
— |
il-ħin tal-waqgħa tad-dqiq mingħajr iż-żieda tad-dqiq tax-xgħir, |
— |
kwalunkwe anomalija li tkun ġiet osservata. |
Barra minn hekk, għandu jkun fih ukoll:
— |
il-metodu li jkun intuża, |
— |
id-dettalji kollha meħtieġa biex jiġi identifikat il-kampjun. |
9. Rimarki ġenerali
9.1. |
Il-formola sabiex wieħed jikkalkula l-kwantità ta' ingredjenti likwidi tal-għaġina tissejjes fuq il-kunsiderazzjonijiet li ġejjin: Iż-żjieda ta' “x” millilitri ta' ilma mal-ekwivalenti ta' 300 gramma dqiq bi ndewwa ta' 14 % tipproduċi l-konsistenza meħtieġa. Minħabba li fit-test tal-ħami jintuża kilogramm dqiq (abbażi ta' ndewwa ta' 14 %), filwaqt li “x” huwa bbażat fuq 300 gramma dqiq, għat-test tal-ħami jeħtieġ li “x” jiġi diviż bi tlieta u mmultiplikat b'10 grammi ta' ilma, b'hekk 10 x għal kull 3 grammi. It-taħlita ta' 430 gramma taz-zokkor, melħ u aċidu assorbiku fiha 15-il gramma melħ u 15-il gramma zokkor. Din it-taħlita ta' 430 gramma tiżdied mal-ingredjenti likwidi tal-għaġina. B'hekk, biex iżżid 10 x għal kull 3 grammi ta' ilma mal-għaġina, jeħtieġ li jiżdiedu (10 x/3 + 30) gramma ta' ingredjenti likwidi magħmulin mit-taħlita ta' 430 gramma taz-zokkor, melħ u aċidu assorbiku flimkien ma' kwantità addizzjonali tal-ilma. Għalkemm parti mill-ilma miżjud mas-sospensjoni tal-ħmira jinxtorob mill-ħmira, din is-sospensjoni jkun fiha wkoll ilma “ħieles”. Wieħed jissupponi, b'mod arbitrarju, li 90 gramma ta' sospensjoni tal-ħmira fiha 60 gramma ta' ilma “ħieles”. Il-kwantità tal-ingredjenti likwidi jeħtiġilha tkun ikkoreġuta għal dawn is-60 gramma ta' ilma “ħieles” fis-sospensjoni tal-ħmira, allura finalment jeħtieġ li jiżdiedu 10 x/3 flimkien ma' 30 gramma u minnhom jitnaqqsu 60 gramma. Dan jista' jsir kif ġej: Minn dan toħroġ il-formola mogħtija fil-punt 7.5, (10 x/3 + 30) – 60 = 10 x/3 – 30 = (x/3 – 3) 10 = (x – 9) 10/3. Jekk, per eżempju, fit-test bil-farinografu instabet żjieda tal-ilma “x” ta' 165 millilitru, dan il-valur jeħtieġ li jinbidel fil-formola, b'tali mod li mat-taħlita ta' 430 gramma taz-zokkor, melħ u aċidu assorbiku jeħtieġlu jiżdied l-ilma sabiex ikun hemm massa totali ta': (165 – 9) 10/3 = 156 × 10/3 = 520 gramma. |
9.2. |
Il-metodu mhuwiex direttament applikabbli għall-qamħ. Il-proċedura li wieħed għandu jsegwi għad-definizzjoni tal-karattersitiċi tal-ħami tal-qamħ hija kif ġej: Naddaf il-kampjun tal-qamħ u kkalkula l-kontenut tal-indewwa tal-qamħ imnaddaf. Jekk il-kotenut tal-indewwa jkun ta' bejn 15,0 % u 16,0%, il-qamħ m'għandux jintmess. Jekk il-kontenut tal-indewwa jkun lil hinn minn din il-firxa, irranġa l-kontenut tal-indewwa għal 15,5 % ±0,5 % tal-anqas tliet sigħat qabel it-tħin. Itħan il-qamħ fi dqiq bl-użu ta' mitħna tal-laboratorju tat-tip Bühler MLU 202 jew ta' mitħna tat-tip Brabender Quadrumat Senior jew bl-użu ta' tagħmir simili li jkollu l-istess karatteristiċi. Agħżel proċedura tat-tħin li tirrendi, b'rata minima ta' estrazzjoni ta' 72 %, dqiq b'kontenut ta' rmied ta' bejn iż-0,50 u ż-0,60 % abbażi tal-materja niexfa. Ikkalkula l-kontenut ta' rmied tad-dqiq skont l-Anness II għar-Regolament tal-Kummissjoni (KE) Nru 1501/95 u l-kontenut tal-indewwa skont dan ir-Regolament. Ikkalkula r-rata tal-estrazzjoni permezz tal-formola: E = (((100 – f) F)/(100 – w) W) × 100 % fejn:
|
PARTI VIII
Il-kalkolu tar-rata tat-telf tal-aspett żġieġi
1. Il-prinċipju
Tintuża biss parti mill-kampjun sabiex wieħed jikkalkula l-perċentwali tal-ħbub li jkunu tilfu l-aspett żġieġi tagħhom għal kollox jew b'mod parzjali. Il-ħbub jinqatgħu permezz ta' apparat għall-qtigħ tal-ħbub tat-tip Pohl jew bi strument ekwivalenti.
2. It-tagħmir u l-apparat
— |
l-apparat għall-qtigħ tal-ħbub tat-tip Pohl jew strument ekwivalenti, |
— |
pinzetta, lanzetta, |
— |
trej jew dixx. |
3. Il-proċedura
(a) |
Il-kalkolu jsir fuq kampjun ta' 100 gramma wara s-separazzjoni ta' kwalunkwe materjal ieħor għajr iċ-ċereali bażiċi ta' kwalità mhix mittiefsa. |
(b) |
Ifrex il-kampjun fuq trej u qassmu sew b'mod omoġenju. |
(ċ) |
Daħħal pjanċa fl-apparat għall-qtigħ tal-ħbub u ifrex ponn ħbub fuq ix-xibka. Tektek sewwa biex tiżgura li f'kull toqba jkun hemm ħabba waħda biss. Niżżel il-parti li tiċċaqlaq biex iżżomm il-ħbub f'posthom u mbagħad aqtagħhom. |
(d) |
Ħejji biżżejjed pjanċi biex tiżgura li jinqatgħu mill-inqas 600 ħabba. |
(e) |
Għodd in-numru ta' ħbub li jkunu tilfu l-aspett żġieġi tagħhom għal kollox jew b'mod parzjali. |
(f) |
Ikkalkula l-perċentwali tal-ħbub li jkunu tilfu l-aspett żġieġi tagħhom għal kollox jew b'mod parzjali. |
4. L-espressjoni tar-riżultati
I |
= |
il-massa tal-materjali l-oħra għajr iċ-ċereali bażiċi ta' kwalità mhix mittiefsa, fi grammi. |
M |
= |
il-perċentwali ta' ħbub imnaddfa eżaminati li jkunu tilfu l-aspett żġieġi tagħhom għal kollox jew b'mod parzjali. |
5. Ir-riżultat
Il-perċentwali tal-ħbub li jkunu tilfu l-aspett żġieġi tagħhom għal kollox jew b'mod parzjali fil-parti ttestjata tal-kampjun huwa ta'
(M × (100 – I))/100 = …
PARTI IX
Iż-żidiet u t-tnaqqis fil-prezz
Tabella I
Iż-żidiet fil-prezz għall-kontenut tal-indewwa
Il-qamħirrun u s-sorgu |
Ċereali oħrajn |
||
Il-kontenut tal-indewwa (f'perċentwali) |
Iż-żidiet (f'Euro għal kull tunnellata) |
Il-kontenut tal-indewwa (f'perċentwali) |
Iż-żidiet (f'Euro għal kull tunnellata) |
— |
— |
13,4 |
0,1 |
— |
— |
13,3 |
0,2 |
— |
— |
13,2 |
0,3 |
— |
— |
13,1 |
0,4 |
— |
— |
13,0 |
0,5 |
— |
— |
12,9 |
0,6 |
— |
— |
12,8 |
0,7 |
— |
— |
12,7 |
0,8 |
— |
— |
12,6 |
0,9 |
— |
— |
12,5 |
1,0 |
12,4 |
0,1 |
12,4 |
1,1 |
12,3 |
0,2 |
12,3 |
1,2 |
12,2 |
0,3 |
12,2 |
1,3 |
12,1 |
0,4 |
12,1 |
1,4 |
12,0 |
0,5 |
12,0 |
1,5 |
11,9 |
0,6 |
11,9 |
1,6 |
11,8 |
0,7 |
11,8 |
1,7 |
11,7 |
0,8 |
11,7 |
1,8 |
11,6 |
0,9 |
11,6 |
1,9 |
11,5 |
1,0 |
11,5 |
2,0 |
11,4 |
1,1 |
11,4 |
2,1 |
11,3 |
1,2 |
11,3 |
2,2 |
11,2 |
1,3 |
11,2 |
2,3 |
11,1 |
1,4 |
11,1 |
2,4 |
11,0 |
1,5 |
11,0 |
2,5 |
10,9 |
1,6 |
10,9 |
2,6 |
10,8 |
1,7 |
10,8 |
2,7 |
10,7 |
1,8 |
10,7 |
2,8 |
10,6 |
1,9 |
10,6 |
2,9 |
10,5 |
2,0 |
10,5 |
3,0 |
10,4 |
2,1 |
10,4 |
3,1 |
10,3 |
2,2 |
10,3 |
3,2 |
10,2 |
2,3 |
10,2 |
3,3 |
10,1 |
2,4 |
10,1 |
3,4 |
10,0 |
2,5 |
10,0 |
3,5 |
Tabella II
It-tnaqqis fil-prezz għall-kontenut tal-indewwa
Il-qamħirrun u s-sorgu |
Ċereali oħrajn |
||
Il-kontenut tal-indewwa (f'perċentwali) |
It-tnaqqis (f'Euro għal kull tunnellata) |
Il-kontenut tal-indewwa (f'perċentwali) |
It-tnaqqis (f'Euro għal kull tunnellata) |
13,5 |
1,0 |
14,5 |
1,0 |
13,4 |
0,8 |
14,4 |
0,8 |
13,3 |
0,6 |
14,3 |
0,6 |
13,2 |
0,4 |
14,2 |
0,4 |
13,1 |
0,2 |
14,1 |
0,2 |
Tabella III
It-tnaqqis fil-prezz għal piż speċifiku
Iċ-ċereali |
Il-piż speċifiku (f'kilogrammi għal kull ettolitru) |
It-tnaqqis fil-prezz (f'Euro għal kull tunnellata) |
Il-qamħ komuni |
Inqas minn 76 sa 75 |
0,5 |
|
Inqas minn 75 sa 74 |
1,0 |
|
Inqas minn 74 sa 73 |
1,5 |
Ix-xgħir |
Inqas minn 64 sa 62 |
1,0 |
Tabella IV
It-tnaqqis fil-prezz għall-kontenut tal-proteini
Il-kontenut tal-proteini (6) (N × 5,7 ) |
It-tnaqqis fil-prezz (f'Euro għal kull tunnellata) |
Inqas minn 11,5 sa 11,0 |
2,5 |
Inqas minn 11,0 sa 10,5 |
5 |
PARTI X
Metodu prattiku sabiex wieħed jikkalkula t-tnaqqis li għandhom japplikaw l-aġenziji tal-intervent għall-prezz tas-sorgu
1. Id-dejta bażika
P |
= |
il-perċentwali ta' tannin fil-prodott mhux ipproċessat, |
0,4 % |
= |
il-perċentwali ta' tannin li jekk jinqabeż irid jiġi applikat it-tnaqqis, 11 % (7) = it-tnaqqis li jikkorrispondi ma' ammont ta' tannin ta' 1 % fil-materja niexfa. |
2. Il-kalkolu tat-tnaqqis
It-tnaqqis, f'Euro, li għandu jiġi applikat għall-prezz ta' referenza, għandu jiġi kkalkulat skont il-formola li ġejja:
11 (P – 0,40)
PARTI XI
Il-kalkolu taż-żidiet u t-tnaqqis fil-prezz
Iż-żidiet u t-tnaqqis fil-prezz li dwarhom hemm dispożizzjoni fl-Artikolu 38 għandhom jingħataw f'Euro u japplikaw għall-prezz tal-intervent għaċ-ċereali offruti għall-intervent billi jkunu mmultiplikati bis-somma tal-perċentwali stabbiliti taż-żidiet u tat-tnaqqis, kif ġej:
(a) |
f'każ fejn il-kontenut tal-indewwa taċ-ċereali offruti għall-intervent ikun ta' inqas minn 13 % għall-qamħirrun u għas-sorgu u minn 14 % għal ċereali oħra, iż-żidiet fil-prezz li għandhom jiġu applikati għandhom ikunu dawk imniżżlin fit-Tabella I tal-Parti IX ta' dan l-Anness. F'każ fejn il-kontenut tal-indewwa ta' dawn iċ-ċereali offruti għall-intervent ikun ta' iktar minn 13 % u minn 14 % rispettivament, it-tnaqqis fil-prezz li għandu jiġi applikat għandu jkun dak imniżżel fit-Tabella II tal-Parti IX ta' dan l-Anness; |
(b) |
f'każ fejn il-piż speċifiku taċ-ċereali offruti għall-intervent ikun differenti mill-proporzjon tal-piż mal-volum ta' 76 kilogramma għal kull ettolitru għall-qamħ komuni, u ta' 64 kilogramma għal kull ettolitru għax-xgħir, it-tnaqqis fil-prezz li għandu jiġi applikat għandu jkun dak imniżżel fit-Tabella III tal-Parti IX ta' dan l-Anness; |
(ċ) |
f'każ li l-perċentwali ta' ħbub miksura jaqbeż it-3 % għall-qamħ tat-tip durum, il-qamħ komuni u x-xgħir u l-4 % għall-qamħirrun u s-sorgu, għandu jiġi applikat tnaqqis ta' 0,05 Euro għal kull punt perċentwali addizzjonali ta' 0,1; |
(d) |
f'każ li l-perċentwali ta' impuritajiet tal-ħbub jaqbeż it-2 % għall-qamħ tat-tip durum, l-4 % għall-qamħirrun u s-sorgu, u l-5 % għall-qamħ komuni u x-xgħir, għandu jiġi applikat tnaqqis ta' 0,05 Euro għal kull punt perċentwali addizzjonali ta' 0,1; |
(e) |
f'każ li l-perċentwali tal-ħbub bin-nebbieta jaqbeż it-2,5 %, għandu jiġi applikat tnaqqis ta' 0,05 Euro għal kull punt perċentwali addizzjonali ta' 0,1; |
(f) |
f'każ li l-perċentwali tal-impuritajiet varji (“Schwarzbesatz”) jaqbeż iż-0,5 % għall-qamħ tat-tip durum u l-1 % għall-qamħ komuni, ix-xgħir, il-qamħirrun u s-sorgu, għandu jiġi applikat tnaqqis ta' 0,1 Euro għal kull punt perċentwali addizzjonali ta' 0,1; |
(g) |
f'każ li l-perċentwali tal-ħbub li tilfu l-aspett żġieġi tagħhom fil-qamħ tat-tip durum jaqbeż l-20 %, għandu jiġi applikat tnaqqis ta' 0,2 Euro għal kull punt perċentwali addizzjonali jew għal parti minnu; |
(h) |
f'każ li l-kontenut tal-proteini fil-qamħ komuni ikun ta' inqas minn 11,5 %, it-tnaqqis li għandu jiġi applikat għandu jkun dak imniżżel fit-Tabella IV tal-Parti IX ta' dan l-Anness; |
(i) |
f'każ li l-kontenut tat-tannin fis-sorgu offrut għall-intervent ikun ogħla minn 0,4 % tal-materja niexfa, it-tnaqqis li għandu jiġi applikat għandu jiġi kkalkulat skont il-metodu mogħti fil-Parti X ta' dan l-Anness. |
PARTI XII
Il-metodoloġija għat-teħid tal-kampjuni u l-analiżi għaċ-ċereali
1. |
Għal kull lott taċ-ċereali, il-karatteristiċi dwar il-kwalità għandhom jiġu stabbiliti abbażi ta' kampjun rappreżentattiv tal-lott offrut, li jkun magħmul minn kampjuni meħudin bir-rata ta' darba għal kull kunsinna, għal mill-inqas kull 60 tunnelleta. |
2. |
L-aġenzija tal-intervent għandha tanalizza, taħt ir-responsabbiltà tagħha, il-karatteristiċi tal-kampjuni meħudin fi żmien għoxrin (20) ġurnata tax-xogħol minn meta jkun ittieħed il-kampjun rappreżentattiv. |
3. |
Il-metodi ta' referenza użati sabiex wieħed jistabbilixxi l-kwalità taċ-ċereali għall-intervent huma stabbiliti fil-Parti IV, V, VI u VII ta' dan l-Anness. |
4. |
L-offerent ta' xiri jew l-offerent tal-prezzijiet għandu jiġi mgħarraf bir-riżultati tal-analiżi permezz tar-reġistru tat-teħid tal-prodotti msemmi fl-Artikolu 34. |
5. |
F'każ li jkun hemm xi tilwim, l-aġenzija tal-intervent għandha twettaq mill-ġdid it-testijiet meħtieġa fuq iċ-ċereali involuti. |
(2) ĠU L 364, 20.12.2006, p. 5.
(*) Bħala perċentwal tal-materja niexfa.
(4) It-temperatura tal-arja ta' ġol-forn għat-tisħin.
(5) Il-kapaċità tiegħu għat-tisħin għandha tkun tali li, meta jkun aġġustat minn qabel għal temperatura ta' 130 sa 133oĊ, dik it-temperatura tista' terġa' tintlaħaq f'anqas minn 45 minuta wara li fih ikunu tqiegħdu l-għadd massimu ta' kampjuni tat-test biex jitnixxfu fl-istess waqt. Il-ventilazzjoni għandha tkun tali li, meta jitnixxfu għal sagħtejn iċ-ċereali bi ħbub żgħar (il-qamħ komuni, il-qamħ tat-tip durum, ix-xgħir u s-sorgu) u għal erba' sigħat il-qamħirrun, ir-riżultati mill-kampjuni kollha tat-test tas-smid, jew, skont il-każ, tal-qamħirrun, li l-forn għat-tisħin ikun jista' jkollu fih ivarjaw b'inqas minn 0,15 % mir-riżultati miksuba wara li ċ-ċereali bi ħbub żgħar jitnixxfu għal tliet sigħat u l-qamħirrun jitnixxef għal ħames sigħat.
(6) Bħala perċentwali tal-materja niexfa.
(7) It-tnaqqis li għandu jiġi applikat fil-prezz tas-sorgu abbażi tal-kontenut ta' tannin f'1 000 gramma ta' materja niexfa:
(a) |
Enerġija metaboliżabbli mit-tjur f'1 000 gramma ta' materja niexfa ta' sorgu b'kontenut teoretiku ta' 0 % tannin: 3 917 K kalorija; |
(a) |
Tnaqqis ta' enerġija metaboliżabbli mit-tjur f'1 000 gramma ta' materja niexfa ta' sorgu għal kull punt perċentwali ieħor ta' tannin: 419 K kaloriji; |
(ċ) |
Differenza, espressa f'punti perċentwali, bejn il-kontenut massimu ta' tannin stipulat għas-sorgu aċċettabbli għall-intervent u l-kontenut ta' tannin stipulat għall-kwalità standard: 1,0 – 0,30 = 0,70; |
(d) |
Differenza, espressa f'punti perċentwali, bejn l-enerġija tas-sorgu metaboliżabbli mit-tjur li jkun fih 1,0 % tannin u l- enerġija ta' sorgu metaboliżabbli mit-tjur bl-istess kontenut ta' tannin bħal fil-kwalità standard (0,30 %) |
(e) |
Tnaqqis korrispondenti għal 1 % ta' kontenut ta' tanin fil-materja niexfa, iżjed minn 0,30 % |
ANNESS II
IR-ROSS
PARTI I
Il-kriterji tal-eliġibbiltà ross li jkun għadu fil-ħliefa
Ir-rekwiżiti msemmija fl-Artikolu 7(1) fir-rigward tar-ross għandhom ikunu, partikolarment, dawn li ġejjin:
(a) |
ross li jkun għadu fil-ħliefa jkun ħieles mill-irwejjaħ u ma jkunx fih insetti ħajjin; |
(b) |
il-kontenut ta' ndewwa li ma jkunx jaqbeż l-14,5 %; |
(c) |
ir-rendiment mit-tħin ma jkunx ta' iktar minn ħames punti taħt ir-rendiment bażiku mniżżel fil-Parti III ta' dan l-Anness; |
(d) |
il-perċentwali tal-impuritajiet varji, il-perċentwali ta' ħbub tar-ross ta' varjetajiet oħra u l-perċentwali ta' ħbub li m'humiex konformi mal-kwalità standard kif iddefinita fl-Anness IV għar-Regolament (KE) Nru 1234/2007, ma jaqbżux il-perċentwali massimi stabbiliti fil-Parti IV ta' dan l-Anness, skont it-tip ta' ross; |
(e) |
il-livell tar-radjuattività ma jaqbiżx il-livelli massimi permessi mil-leġiżlazzjoni tal-Komunità. |
Għall-għanijiet ta' dan l-Anness, “impuritajiet varji” tfisser materjal ieħor minbarra r-ross.
PARTI II
Iż-żidiet u t-tnaqqis fil-prezz
1. |
Iż-żidiet u t-tnaqqis fil-prezz li dwarhom hemm dispożizzjoni fl-Artikolu 38 għandhom jingħataw f'Euro għal kull tunnellata u japplikaw għall-prezz tal-intervent għar-ross li jkun għadu fil-ħliefa offrut għall-intervent billi jkunu mmultiplikati bis-somma tal-perċentwali stabbiliti taż-żidiet u tat-tnaqqis, kif ġej:
|
2. |
Iż-żidiet u t-tnaqqis imsemmija fil-punt 1 għandhom jiġu kkalkulati abbażi tal-medja ppeżata tar-riżultati tat-testijiet imwettqa fuq il-kampjuni rappreżentattivi kif iddefiniti fil-Parti VI ta' dan l-Anness. |
PARTI III
Il-kriterji għar-rendiment mit-tħin
1. Ir-rendiment bażiku mit-tħin
Deskrizzjoni tal-varjetà |
Ir-rendiment ta' ħbub sħaħ (f'perċentwali) |
Ir-rendiment totali (f'perċentwali) |
Argo, Selenio, Couachi |
66 |
73 |
Alpe, Arco, Balilla,, Balilla Sollana, Bomba,,, Elio, Flipper,, Lido,,,, Sara,, Thainato, Thaiperla, Veta, Guadiamar |
65 |
73 |
Ispaniki A, Makedonia |
64 |
73 |
Bravo, Europa, Loto, Riva, Rosa Marchetti, Savio, Veneria |
63 |
72 |
Ariete, Bahia, Carola, Cigalon, Cripto, Drago, Eolo, Gladio, Graldo, Koral, Mercurio, Niva, Onda, Padano, Panda, Ribe, S. Andrea, Saturno, Senia, Smeraldo, Dion, Zeus |
62 |
72 |
Strymonas |
62 |
71 |
Baldo, Redi, Roma, Tebre, Volano |
61 |
72 |
Thaibonnet, Puntal |
60 |
72 |
Evropi, |
60 |
70 |
Arborio, Rea |
58 |
72 |
Carnaroli, Elba, Vialone Nano |
57 |
72 |
Axios |
57 |
67 |
Roxani |
57 |
66 |
Varjetajiet mingħajr isem |
64 |
72 |
2. Iż-żidiet u t-tnaqqis fil-prezz marbutin mar-rendiment mit-tħin
Ir-rendiment mit-tħin ta' ħbub sħaħ tar-ross li jkun għadu fil-ħliefa |
Iż-żidiet u t-tnaqqis fil-prezz għal kull punt ta' rendiment |
Rendiment ogħla minn dak bażiku |
Żieda ta' 0,75 % |
Rendiment inqas minn dak bażiku |
Tnaqqis ta' 1 % |
Ir-rendiment totali mit-tħin tar-ross li jkun għadu fil-ħliefa |
Iż-żidiet u t-tnaqqis fil-prezz għal kull punt ta' rendiment |
Rendiment ogħla minn dak bażiku |
Żieda ta' 0,60 % |
Rendiment inqas minn dak bażiku |
Tnaqqis ta' 0,80 % |
PARTI IV
Il-perċentwali massimi
Id-difetti tal-ħbub |
Ross tal-ħabba tonda bil-kodiċi tan-NM 1006 10 92 |
Ross tal-ħabba mezzana u tal-ħabba twila A bil-kodiċi tan-NM 1006 10 94 u 1006 10 96 |
Ross tal-ħabba twila B bil-kodiċi tan-NM 1006 10 98 |
Ħbub bajdanin |
6 |
4 |
4 |
Ħbub imtarrżin bl-aħmar |
10 |
5 |
5 |
Ħbub imtebbgħin u bit-tikek |
4 |
2,75 |
2,75 |
Ħbub ambra |
1 |
0,50 |
0,50 |
Ħbub sofor |
0,175 |
0,175 |
0,175 |
Impuritajiet varji |
1 |
1 |
1 |
Ħbub tar-ross ta' varjetajiet oħra |
5 |
5 |
5 |
PARTI V
It-tnaqqis fil-prezz għall-ħbub difettużi
|
Il-perċentwali ta' ħbub difettużi li jwassal għal tnaqqis fil-prezz tal-intervent |
Il-perċentwali tat-tnaqqis (1) applikabbli għad-differenza addizzjonali lil hinn mil-limitu minimu |
||
Id-difetti tal-ħbub |
Ross tal-ħabba tonda bil-kodiċi tan-NM 1006 10 92 |
Ross tal-ħabba mezzana u tal-ħabba twila A bil-kodiċi tan-NM 1006 10 94 u 1006 10 96 |
Ross tal-ħabba twila B bil-kodiċi tan-NM 1006 10 98 |
|
Ħbub bajdanin |
minn 2 % sa 6 % |
minn 2 % sa 4 % |
minn 1,5 % sa 4 % |
1 % għal kull differenza addizzjonali ta' 0,5 % |
Ħbub imtarrżin bl-aħmar |
minn 1 % sa 10 % |
minn 1 % sa 5 % |
minn 1 % sa 5 % |
1 % għal kull differenza addizzjonali ta' 1 % |
Ħbub imtebbgħin u bit-tikek |
minn 0,50 % sa 4 % |
minn 0,50 % sa 2,75 % |
minn 0,50 % sa 2,75 % |
0,8 % for each additional 0,25 % discrepancy |
Ħbub ambra |
minn 0,05 % sa 1 % |
minn 0,05 % sa 0,50 % |
minn 0,05 % sa 0,50 % |
1,25 % għal kull differenza addizzjonali ta' 0,25 % |
Ħbub sofor |
minn 0,02 % sa 0,175 % |
minn 0,02 % sa 0,175 % |
minn 0,02 % sa 0,175 % |
6 % għal kull differenza addizzjonali ta' 0,125 % |
PARTI VI
Il-metodoloġija għat-teħid tal-kampjuni u l-analiżi għar-ross li jkun għadu fil-ħliefa
1. |
Sabiex ikunu vverifikati r-rekwiżiti tal-kwalità kif stabbiliti fil-Parti I ta' dan l-Anness, l-aġenzija tal-intervent għandha tieħu kampjuni fil-preżenza tal-offerent ta' xiri jew l-offerent tal-prezzijiet jew ta' aġent tiegħu/tagħha awtorizzat kif xieraq. Għandhom jinġabru tliet kampjuni rappreżentattivi ta' mill-inqas kilogramma l-wieħed. Dawn għandhom jingħataw, wieħed kull wieħed, lil:
Biex jinħadmu l-kampjuni rappreżentattivi, l-għadd ta' kampjuni individwali li għandhom jittieħdu għandu jinkiseb billi ssir diviżjoni tal-kwantità offruta b’10 tunnellati. Kull kampjun individwali għandu jiżen l-istess. Il-kampjuni rappreżentattivi għandhom ikunu magħmulin mit-total tal-kampjuni individwali, maqsum bejn tlieta. Ir-rekwiżiti tal-kwalità għandhom ikunu vverifikati billi jintuża l-kampjun rappreżentattiv maħsub għall-maħżen fejn għandu jseħħ it-teħid tal-prodotti. |
2. |
Għandhom jittieħdu kampjuni rappreżentattivi għal kull kunsinna parzjali (bit-trakk, bil-barkun, bil-vagun tal-ferrovija), skont il-kundizzjonijiet stabbiliti fil-punt 1. Qabel ma tiddaħħal fil-maħżen tal-intervent, l-eżami ta' kull kunsinna parzjali jista' jkun limitat għal verifika tal-kontenut tal-indewwa u tal-livell tal-impurità u għal verifika li m'hemm l-ebda insetti ħajjin fiha. Madanakollu, jekk iktar tard meta l-verifika tiġi ffinalizzata, jirriżulta li l-kunsinna parzjali ma tkunx tissodisfa r-rekwiziti minimi tal-kwalità, it-teħid tal-kwantità konċernata għandu jiġi rrifjutat. Jekk l-aġenzija tal-intervent fi Stat Membru tkun tista' tivverifika r-rekwiżiti minimi kollha tal-kwalità għal kull kunsinna parzjali qabel ma tiddaħħal fil-maħżen, għandha tirrifjuta li tieħu kull kunsinna parzjali li ma tkunx tissodisfa dawn ir-rekwiżiti. |
3. |
Il-verifika dwar il-livell tar-radjuattività titwettaq biss jekk ikun il-każ u għal perjodu taż-żmien limitat. |
4. |
L-offerent ta' xiri jew l-offerent tal-prezzijiet għandu jiġi mgħarraf bir-riżultati tal-analiżi permezz tar-reġistru tat-teħid tal-prodotti msemmi fl-Artikolu 34. |
5. |
F'każ li jkun hemm xi tilwim, l-aġenzija tal-intervent għandha twettaq mill-ġdid it-testijiet meħtieġa fuq iċ-ċereali involuti, bl-ispejjez tagħhom jiġġarrbu mill-parti li titlef il-kawża. |
Issir analiżi ġdida minn laboratorju rikonoxxut mill-aġenzija tal-intervent abbażi ta' kampjun rappreżentattiv ġdid li jkun magħmul minn kampjuni tal-istess daqs miżmumin mill-offerent ta' xiri jew l-offerent tal-prezzijiet u mill-aġenzija tal-intervent. F'każijiet fejn il-lott offrut kien twassal f'kunsinni parzjali, ir-riżultat għandu jingħata bil-medja ppeżata tar-riżultati tal-analiżi ta' kampjuni rappreżentattivi ġodda meħudin għall kull waħda mill-kunsinni parzjali.
(1) Kull differenza hija kkalkulata mill-perċentwali tal-ħbub difettużi, sa żewġ punti wara l-punt deċimali.
ANNESS III
IĊ-ĊANGA
PARTI I
Il-kriterji tal-eliġibbiltà għaċ-ċanga
1. |
Il-prodotti mniżżlin fil-Parti V ta' dan l-Anness u li jaqgħu fi ħdan il-kategoriji li ġejjin, iddefiniti fil-punt II tal-Anness V(A) għar-Regolament (KE) Nru 1234/2007 jistgħu jinxtraw għall-ħażna:
|
2. |
Il-karkassi u n-nofsijiet tal-karkassi jistgħu jinxtraw biss meta:
Il-verifika dwar il-livell tar-radjuattività titwettaq biss jekk ikun il-każ u għal perjodu ta' żmien limitat. |
3. |
Il-karkassi u n-nofsijiet tal-karkassi jistgħu jinxtraw biss meta:
|
PARTI II
Il-koeffiċjenti tal-bidla
Il-kwalità |
Il-koeffiċjent |
U2 |
1,058 |
U3 |
1,044 |
U4 |
1,015 |
R2 |
1,015 |
R3 |
1,000 |
R4 |
0,971 |
O2 |
0,956 |
O3 |
0,942 |
O4 |
0,914 |
PARTI III
Il-kundizzjonijiet u l-verifiki għat-teħid tal-prodotti
1. |
Il-prodotti għandhom jitwasslu f'kunsinni ta' kwantità bejn l-10 u l-20 tunnellata. Madanakollu, il-kwantità tista' tkun ta' inqas minn 10 tunnellati biss jekk il-kunsinna tkun tal-bilanċ aħħari tal-offerta oriġinali jew jekk l-offerta oriġinali tkun tniżżlet għal inqas minn 10 tunnellati. Il-prodotti mwasslin għandhom jiġu aċċettati u jittieħdu suġġetti għall-verifika mill-aġenzija tal-intervent li dawn jikkonformaw mar-rekwiżiti stabbiliti f'dan ir-Regolament. Il-konformità mar-rekwiżiti stabbiliti fil-Parti I(2)(e) ta' dan l-Anness u b'mod partikulari n-nuqqas tas-sustanzi pprojbiti skont l-Artikolu 3 u l-Artikolu 4(1) tad-Direttiva tal-Kunsill 96/22/KE (4) għandhom jiġu vverifikati permezz tal-analiżi ta' kampjun, li d-daqs u t-teħid tiegħu huma stabbiliti fil-leġiżlazzjoni veterinarja rilevanti. |
2. |
Meta l-ebda spezzjoni preliminari ma titwettaq minnufih qabel ma ssir it-tagħbija fil-post tat-tagħbija tal-biċċerija u qabel ma din tinġarr lejn il-maħżen tal-intervent, in-nofsijiet tal-karkassi għandhom jiġu identifikati kif ġej:
Meta n-nofsijiet tal-karkassi jitqattgħu fi kwarti, dan it-tqattigħ fi kwarti għandu jitwettaq skont il-Parti VI ta' dan l-Anness. Bil-ħsieb li jiġu aċċettati, il-kwarti għandhom jitqassmu skont il-karkassa jew in-nofs tal-karkassa fil-ħin li jittieħdu. Meta n-nofsijiet tal-karkassi ma jitqattgħux fi kwarti qabel ma jinġarru lejn il-maħżen tal-intervent, dawn għandhom jitqattgħu skont il-Parti VI ta' dan l-Anness hekk kif jaslu hemmhekk. Fil-punt tal-aċċettazzjoni, kull kwart għandu jiġi identifikat b'tikketta li tkun konformi mal-Artikolu 6(4), (5) u (6) tar-Regolament tal-Kummissjoni (KE) Nru 1249/2008. Fuq it-tikketti għandu jkun hemm ukoll il-piż tal-kwart u n-numru tal-kuntratt. It-tikketti għandhom jiġu mehmuża direttament mal-għeruq tal-qasba tas-sieq/tax-xikel tal-ispalla fuq ir-robbu ta' quddiem u r-robbu ta' wara jew mal-għerq tal-faxxa tal-għonq mal-falda tar-robbu ta' quddiem u tar-robbu ta' wara mingħajr l-użu ta' rbit tal-metall jew tal-plastik. Il-proċedura tal-aċċettazzjoni għandha tinvolvi verifika sistematika tal-preżentazzjoni, il-klassifika, il-piż u t-tikkettar ta' kull kwart imwassal. Għandha tiġi ċċekkjata wkoll it-temperatura ta' robbu ta' wara ta' kull karkassa. B'mod partikulari, l-ebda karkassa ma għandha tiġi aċċettata meta din tkun tiżen iktar mill-piż massimu stabbilit fil-Parti I(2)(g) ta' dan l-Anness. |
3. |
Tista' titwettaq spezzjoni preliminari minnufih qabel ma ssir it-tagħbija fil-post tat-tagħbija tal-biċċerija. Din għandha tkopri l-piż, il-klassifika, il-preżentazzjoni u t-temperatura tan-nofsijiet tal-karkassi. B'mod partikulari, l-ebda karkassa ma għandha tiġi aċċettata meta din tkun tiżen iktar mill-piż massimu stabbilit fil-Parti I(2)(g) ta' dan l-Anness. Il-prodotti rrifjutati għandhom jiġu mmarkati bħala tali u ma jistgħux jerġgħu jiġu ppreżentati għall-ispezzjoni preliminari jew għall-aċċettazzjoni. Dawn l-ispezzjonijiet għandhom ikopru kunsinni li jkun fihom sa 20 tunnellata ta' nofsijiet tal-karkassi kif stabbilit mill-aġenzija tal-intervent. Madanakollu, meta l-offerta tkun tinvolvi l-kwarti, l-aġenzija tal-intervent tista' tippermetti kunsinna ta' aktar minn 20 tunnellata ta' nofsijiet tal-karkassi. Meta jiġu rrifjutati iktar minn 20 % tal-għadd totali ta' nofsijiet tal-karkassi fi kwalunkwe kunsinna spezzjonata, għandha tiġi rrifjutata l-kunsinna kollha skont il-punt 6. Qabel ma n-nofsijiet tal-karkassi jinġarru lejn il-maħżen tal-intervent, għandhom jitqattgħu fi kwarti skont il-Parti VI ta' dan l-Anness. Kull kwart għandu jintiżen b'mod sistematiku u jiġi identifikat b'tikketta li tkun konformi mal-Artikolu 6(4), (5) u (6) tar-Regolament tal-Kummissjoni (KE) Nru 1249/2008. Fuq it-tikketti għandu jkun hemm ukoll il-piż tal-kwart u n-numru tal-kuntratt. It-tikketti għandhom jiġu mehmuża direttament mal-għeruq tal-qasba tas-sieq/tax-xikel tal-ispalla fuq ir-robbu ta' quddiem u r-robbu ta' wara jew mal-għerq tal-faxxa tal-għonq mal-falda tar-robbu ta' quddiem u tar-robbu ta' wara mingħajr l-użu ta' rbit tal-metall jew tal-plastik. Imbagħad, il-kwarti minn kull karkassa għandhom jitqiegħdu fi gruppi għall-għanijiet tal-proċedura tal-aċċettazzjoni skont il-karkassa jew in-nofs tal-karkassa fil-ħin tat-teħid tal-prodotti. Kull kunsinna għandu jkollha magħha, sal-punt tal-aċċettazzjoni, lista għall-verifika tal-kontrolli li jkun fiha d-dettalji kollha tan-nofsijiet tal-karkassi jew tal-kwarti, inkluż l-għadd tan-nofsijiet tal-karkassi jew tal-kwarti li jkunu ġew ippreżentati u li jkunu ġew aċċettati jew irrifjutati. Il-lista għall-verifika tal-kontrolli għandha tingħata lill-uffiċjal li jaċċetta l-kunsinna. Mal-mezz tat-trasport għandu jiġi mehmuż siġill qabel ma dan iħalli l-biċċerija. In-numru tas-siġill għandu jitniżżel fuq iċ-ċertifikat tas-saħħa jew fuq il-lista għall-verifika tal-kontrolli. Il-proċedura tal-aċċettazzjoni għandha tinkludi verifiki tal-preżentazzjoni, tal-klassifika, tal-piż, tat-tikkettar u tat-temperatura tal-kwarti mwasslin. |
4. |
L-ispezzjoni preliminari u l-aċċettazzjoni tal-prodotti offruti għall-intervent għandhom jitwettqu minn uffiċjal tal-aġenzija tal-intervent jew minn persuna awtorizzata minnu li tkun klassifikatur ikkwalifikat, li ma tkunx involuta fil-klassifika fil-biċċerija u li ma jkollha x'taqsam xejn mal-offerent tal-prezzijiet rebbieħ. Din l-indipendenza għandha tiġi żgurata b'mod partikulari billi t-tali uffiċjali jduru minn maħżen tal-intervent għall-ieħor b'mod perjodiku. Fil-ħin tat-teħid tal-prodotti, il-piż totali tal-kwarti f'kull kunsinna għandu jiġi rreġistrat u r-reġistru għandu jinżamm mill-aġenzija tal-intervent. L-uffiċjal li jaċċetta l-kunsinna għandu jimla dokument li jkun fih id-dettalji kollha tal-piż u tal-għadd ta' prodotti li jkunu ġew ippreżentati u li jkunu ġew aċċettati jew irrifjutati. |
5. |
Ir-rekwiżiti li għandhom x'jaqsmu mal-identifikazzjoni, il-kunsinna u l-verifiki għat-teħid tal-laħam bl-għadam maħsub għat-tneħħija tal-għadam fl-imħażen tal-intervent li ma jissodisfax ir-rekwiżiti stabbiliti fl-Artikolu 3(5) it-tieni subparagrafu għandhom jinkludu dan li ġej:
Fejn il-karkassi jew il-kwarti mmarkati “INT” jinstabu barra miż-żoni risevati għalihom, l-Istat Membru għandu jagħmel inkjesta, jieħu l-miżuri xierqa u jinforma lill-Kummissjoni dwar dan. |
6. |
Fejn iżjed minn 20 % ta' kunsinna ppreżentata tiġi rrifjutata, f'termini ta' għadd ta' nofsijiet tal-karkassi jew kwarti ppreżentati, il-kunsinna kollha għandha tiġi rrifjutata u l-prodotti kollha għandhom jiġu mmarkati bħala rrifjutati u ma jistgħux jerġgħu jiġu ppreżentati għall-spezzjoni preliminarja jew aċċetazzjoni. |
PARTI IV
It-tneħħija tal-għadam
I. Kundizzjonijiet ġenerali li jirregolaw it-tneħħija tal-għadam
1. |
It-tneħħija tal-għadam tista' titwettaq biss fl-impjanti tat-tqattigħ irreġistrati jew approvati skont l-Artikolu 4 tar-Regolament (KE) Nru 853/2004 u li jkollhom friżer wieħed jew aktar qawwija li jmissu magħhom. Fuq it-talba ta' Stat Membru, il-Kummissjoni tista' tagħti deroga mill-obbligi koperti mill-ewwel subparagrafu għal perjodu taż-żmien limitat. Hija u tieħu d-deċiżjoni tagħha, il-Kummissjoni għandha tqis l-iżviluppi attwali fl-impjanti u fit-tagħmir, ir-rekwiżiti tas-saħħa u tal-kontroll u l-għan tal-armonizzazzjoni gradwali f'dan il-qasam. |
2. |
Il-qatgħat mingħajr għadam għandhom jissodisfaw il-kundizzjonijiet stabbiliti fir-Regolament (KE) Nru 853/2004 u r-rekwiżiti tal-Parti VIII ta' dan l-Anness għal dan ir-Regolament. |
3. |
L-għadam ma jistax jibda jitneħħa qabel ma tkun ittieħdet il-kunsinna kkonċernata. |
4. |
L-ebda laħam ieħor ma jista' jkun preżenti fis-sala tat-tqattigħ meta l-laħam taċ-ċanga tal-intervent ikun qiegħed jitneħħielu l-għadam, jew meta jkun qiegħed jitqatta’ jew jiġi ppakkjat. Madanakollu, il-laħam tal-majjal jista' jkun preżenti fis-sala tat-tqattigħ fl-istess ħin li fihom ikun hemm il-laħam taċ-ċanga, dejjem jekk dan jiġi pproċessat f'linja differenti tal-produzzjoni. |
5. |
L-attivitajiet kollha tat-tneħħija tal-għadam għandhom isiru bejn is-7 ta' filgħodu u s-6 ta' filgħaxija; l-għadam m'għandux jitneħħa nhar ta' Sibt, nhar ta' Ħadd u fil-festi pubbliċi. Dawn is-sigħat jistgħu jiżdiedu b'sagħtejn, dejjem jekk ikun hemm l-awtoritajiet tal-ispezzjoni. Jekk l-għadam ma jkunx jista' jitneħħa kollu fil-jum li fih jittieħdu l-prodotti, l-awtoritajiet kompetenti għandhom iwaħħlu siġilli mal-kmamar tal-friża fejn il-prodotti jkunu qegħdin jinħażnu. Dawn is-siġilli jistgħu jinkisru biss mill-istess awtoritajiet meta terġa' tibda t-tneħħija tal-għadam. |
II. Il-kuntratti u l-ipeċifikazzjonijiet
1. |
It-tneħħija tal-għadam għandha ssir b'kuntratt, skont il-kundizzjonijiet stabbiliti mill-aġenziji tal-intervent skont l-ispeċifikazzjonijiet tagħhom. |
2. |
L-ispeċifikazzjonijiet tal-aġenziji tal-intervent għandhom jistabbilixxu r-rekwiżiti li l-impjanti tat-tqattigħ għandhom jissodisfaw, u għandhom jispeċifikaw l-impjant u t-tagħmir meħtieġ, kif ukoll jiżguraw illi jitħarsu r-regoli Komunitarji dwar it-tħejjija tal-qatgħat. B'mod partikulari, huma għandhom jistabbilixxu l-kundizzjonijiet dettaljati li jkopru t-tneħħija tal-għadam, u jispeċifikaw il-metodu tat-tħejjija, tal-irqim, tal-ippakkjar, tal-iffriżar u tal-ippriżervar tal-qatgħat bil-għan li dawn jittieħdu mill-aġenzija tal-intervent. |
III. Il-monitoraġġ tat-tneħħija tal-għadam
1. |
L-aġenziji tal-intervent għandhom jiżguraw li jitwettaq monitoraġġ fiżiku ma jaqta’ xejn tal-ħidmiet kollha tat-tneħħija tal-għadam. Dan il-monitoraġġ jista' jiġi ddelegat lill-korpi li ma jkollhom x'jaqsmu xejn man-negozjanti, mal-biċċiera u ma' dawk li jieħdu ħsieb l-imħażen ikkonċernati. F'dawn il-każijiet, l-aġenziji tal-intervent għandhom jiżguraw li l-uffiċjali tagħhom iwettqu spezzjoni għall-għarrieda tat-tneħħija tal-għadam tal-laħam kopert b'kull offerta. Matul dawn l-ispezzjonijiet, għandhom jitwettqu verifiki aleatorji fuq il-kaxex tal-kartun li jkun fihom il-qatgħat qabel u wara l-iffriżar u l-kwantitajiet użati għandhom jitqabblu, minn naħa waħda, mal-kwantitajiet prodotti, u min-naħa l-oħra, mal-għadam, max-xaħam u mat-tirqim. Dawn il-verifiki għandhom ikopru mill-anqas 5 % tal-kaxex tal-kartun li jkunu mtlew matul il-jum b'qatgħa partikulari u, f'każ li jkun hemm biżżejjed kaxex, minimu ta' ħames kaxex tal-kartun għal kull qatgħa. |
2. |
Ir-rbiegħ ta' quddiem u ta' wara għandu jitneħħielhom l-għadam b'mod separat. Għal kull jum tat-tneħħija tal-għadam:
|
IV. Kundizzjonijiet speċjali li jirregolaw it-tneħħija tal-għadam
1. |
Matul it-tneħħija tal-għadam, l-irqim u l-ippakkjar ta' qabel l-iffriżar, it-temperatura interna tal-laħam taċ-ċanga ma għandha fl-ebda ħin taqbeż is-7 Ċ. Il-qatgħat ma jistgħux jinġarru qabel ma jkunu ffriżati bil-qawwa, għajr skont id-derogi li dwarhom hemm dispożizzjoni fit-Taqsima (I), il-punt (1) ta' din il-Parti. |
2. |
It-tikketti kollha u l-materjal barrani kollu għandhom jitneħħew għal kollox eżatt qabel ma jibda jitneħħa l-għadam. |
3. |
Għandhom jitneħħew sewwa l-għadam, l-għeruq, il-qrieqeċ, il-faxxa tal-għonq u l-faxxa tad-dahar (ligamentum nuchae) u t-tessuti konnettivi l-ħorox kollha. L-irqim tal-qatgħat irid ikun limitat għat-tneħħija tax-xaħam, tal-qrieqeċ, tal-għeruq, tal-kapsuli tal-ġogi u għal irqim ieħor speċifikat. Irid jitneħħa kull tessut tan-nerv u limfatiku li jidher. |
4. |
Il-vini u l-arterji u l-emboli l-kbar u ż-żoni maħmuġin iridu jitneħħew b'attenzjoni kbira u bl-inqas irqim possibbli. |
V. L-ippakkjar tal-qatgħat
1. |
Il-qatgħat għandhom jiġu ppakkjati minnufih wara li jkun tneħħielhom l-għadam b'tali mod li l-ebda parti mil-laħam ma tiġi f'kuntatt dirett mal-kaxxa tal-kartun, skont ir-rekwiżiti stabbiliti fl-Parti VIII għal dan l-Anness. |
2. |
Il-politin użat sabiex jinksew il-kaxex tal-kartun u l-folji jew il-boroż tal-politin użati sabiex fihom jitgeżwru l-qatgħat irid ikollhom ħxuna ta' mill-inqas 0.05 millimetri u jridu jkunu adattati għat-tgeżwir tal-oġġetti tal-ikel. |
3. |
Il-kaxxi tal-kartun, il-palits u l-gaġeġ li jintużaw iridu jissodisfaw il-kundizzjonijiet stabbiliti fil-Parti IX ta' dan l-Anness. |
VI. Il-ħażna tal-qatgħat
L-aġenziji tal-intervent għandhom jiżguraw li l-laħam taċ-ċanga kollu mixtri mingħajr għadam jinħażen b'mod separat u li jkun jista' jiġi identifikat b'mod faċli skont is-sejħa għall-offerti tal-prezzijiet, skont il-qatgħa u x-xahar tal-ħażna.
Il-qatgħat miksubin għandhom jinħażnu f'imħażen tal-friża fit-territorju tal-Istat Membru li jkun qiegħed jeżerċita l-ġuriżdizzjoni fuq l-aġenzija tal-intervent.
VII. L-ispejjeż tat-tneħħija tal-għadam
Il-kuntratti msemmija fit-Taqsima II ta' din il-Parti u l-ħlasijiet magħmula skontha għandhom ikopru l-ħidmiet u l-ispejjeż li jirriżultaw mill-applikazzjoni ta' dan ir-Regolament, u b'mod partikulari:
(a) |
l-ispejjeż ta' kull trasport tal-prodotti bl-għadam lejn l-impjant tat-tqattigħ wara l-aċċettazzjoni; |
(b) |
it-tneħħija tal-għadam, l-irqim, l-ippakkjar u l-iffriżar bil-qawwa; |
(ċ) |
l-ħażna, it-tagħbija u l-ġarr tal-qatgħat iffriżati u t-teħid tagħhom mill-aġenziji tal-intervent fl-imħażen tal-friża li huma jkunu għażlu; |
(d) |
l-ispejjeż tal-materjali, b'mod partikulari dawk tal-ippakkjar; |
(e) |
il-valur ta' kull għadma, biċċa xaħam u tirqima li l-aġenziji tal-intervent ikunu ħallew fl-impjanti tat-tqattigħ. |
VIII. Limiti ta' żmien
It-tneħħija tal-għadam, l-irqim u l-ippakkjar għandhom jitlestew fi żmien għaxart (10) ijiem kalendarji mill-qatla. Madanakollu, l-Istati Membri jistgħu jiffissaw limiti iqsar taż-żmien.
L-iffriżar bil-qawwa għandu jitwettaq minnufih hekk kif isir l-ippakkjar, u għandu f'kull każ jinbeda fl-istess jum; il-kwantità tal-laħam li jkun tneħħielu l-għadam ma tistax taqbeż il-kapaċità ta' kuljum tal-friżers qawwijin.
It-temperatura interna tal-laħam li jkun tneħħielu l-għadam għandha titnaqqas għal 7oĊ taħt iż-żero jew iktar fi żmien 36 siegħa matul l-iffriżar bil-qawwa.
IX. Ir-rifjut tal-prodotti
1. |
Meta l-verifiki speċifikati fit-Taqsima III, il-Punt 1 ta' din il-Parti jiżvelaw li l-impjant tat-tneħħija tal-għadam ikun kiser il-Punti 1 sa 8 għal din il-Parti fir-rigward ta' qatgħa partikolari, dawn il-verifiki għandhom jiġu estiżi sabiex ikopru 5 % oħra tal-kaxex tal-kartun mimlija matul il-jum konċernat. Meta jinkixfu iktar kontravenzjonijiet, għandhom jiġu ċċekkjati kampjuni addizzjonali li jammontaw għal 5 % tal-għadd totali ta' kaxex tal-kartun tal-qatgħat rilevanti. Meta, fir-raba' kontroll tal-5 %, tal-inqas 50 % mill-kaxex tal-kartun jinstabu li qed jiksru dawk l-Artikoli, għandha tiġi ċċekkjata l-produzzjoni kollha ta' dik il-qatgħa matul dak il-jum. Madanakollu, m'għandux ikun meħtieġ li wieħed jiċċekkja l-produzzjoni tal-jum kollu jekk mill-anqas 20 % tal-kaxex tal-kartun ta' qatgħa partikulari jinstabu li qed jiksru dawk l-Artikoli. |
2. |
Meta, abbażi tal-punt 1, inqas minn 20 % tal-kaxex tal-kartun ta' qatgħa partikulari jinstabu li qed jiksru dawk l-Artikoli, il-kontenut kollu ta' dawk il-kaxex għandu jiġi rrifjutat u ma ghandu jsir l-ebda ħlas għalihom. L-impjant tat-tneħħija tal-għadam għandu jħallas lill-aġenzija tal-intervent ammont li jkun daqs il-prezz muri fil-Parti X ta' dan l-Anness, għall-qatgħat li jkunu ġew irrifjutati. Jekk mill-anqas 20 % tal-kaxex tal-kartun ta' qatgħa partikulari jinstabu li jkunu qed jiksru dawk l-Artikoli, l-aġenzija tal-intervent għandha tirrifjuta l-produzzjoni kollha ta' dak il-jum ta' din il-qatgħa partikolari u ma għandu jkun dovut l-ebda ħlas. L-impjant tat-tneħħija tal-għadam għandu jħallas lill-aġenzija tal-intervent ammont li jkun daqs il-prezz muri fil-Parti X ta' dan l-Anness, għall-qatgħat li jkunu ġew irrifjutati. Jekk mill-anqas 20 % tal-kaxex tal-kartun ta' diversi qatgħat prodotti matul il-jum jinstabu li jkunu qed jiksru dawk l-Artikoli, l-aġenzija tal-intervent għandha tirrifjuta l-produzzjoni kollha ta' dak il-jum u ma għandu jkun dovut l-ebda ħlas. L-impjant tat-tneħħija tal-għadam għandu jħallas lill-aġenzija tal-intervent ammont li jkun daqs il-prezz li l-aġenzija tkun ħallset lill-offerent tal-prezzijiet rebbieħ skont l-Artikoli 19(2), 27, 37 u 39 għal-laħam bl-għadam oriġinali mixtri u li, wara li jkun tneħħielu l-għadam ikun ġie rrifjutat, b'dak il-prezz miżjud b’20 %. Meta japplika t-tielet subparagrafu, l-ewwel u t-tieni subparagrafi ma għandhomx japplikaw. |
3. |
B'deroga mill-Punti 1 u 2, f'każijiet fejn, minħabba negliġenza serja jew frodi, l-impjant tat-tneħħija tal-għadam ikun naqas milli jħares it-Taqsimiet I, II, III, IV, V, VI, VII, VIII u IX ta' din il-Parti:
|
PARTI V
Il-klassifikazzjoni tal-prodotti
|
BELGIQUE/BELGIË Carcasses, demi-carcasses: Hele dieren, halve dieren:
|
|
БЪЛГАРИЯ Tрупове, половинки трупове:
|
|
ČESKÁ REPUBLIKA Jatečně upravená těla, půlky jatečně upravených těl:
|
|
DANMARK Hele og halve kroppe:
|
|
DEUTSCHLAND Ganze oder halbe Tierkörper:
|
|
EESTI Rümbad, poolrümbad:
|
|
EIRE/IRELAND Carcases, half-carcases:
|
|
ΕΛΛΑΔΑ Ολόκληρα ή μισά σφάγια:
|
|
ESPAÑA Canales o semicanales:
|
|
FRANCE Carcasses, demi-carcasses:
|
|
ITALIA Carcasse e mezzene:
|
|
ΚΥΠΡΟΣ Ολόκληρα ή μισά σφάγια:
|
|
LATVIJA Liemeņi, pusliemeņi:
|
|
LIETUVA Skerdenos ir skerdenų pusės:
|
|
LUXEMBOURG Carcasses, demi-carcasses:
|
|
MAGYARORSZÁG Hasított test vagy hasított féltest:
|
|
MALTA Karkassi u nofs karkassi:
|
|
NEDERLAND Hele dieren, halve dieren:
|
|
ÖSTERREICH Ganze oder halbe Tierkörper:
|
|
POLSKA Tusze, półtusze:
|
|
PORTUGAL Carcaças ou meias-carcaças
|
|
ROMÂNIA Carcase, jumătăți de carcase
|
|
SLOVENIJA Trupi, polovice trupov:
|
|
SLOVENSKO Jatočné telá, jatočné polovičky:
|
|
SUOMI/FINLAND Ruhot, puoliruhot/Slaktkroppar, halva slaktkroppar:
|
|
SVERIGE Slaktkroppar, halva slaktkroppar:
|
|
UNITED KINGDOM
|
PARTI VI
Id-dispożizzjonijiet li japplikaw għall-karkassi, għan-nofsijiet tal-karkassi u għall-kwarti
1. |
Il-karkassi u n-nofsijiet tal-karkassi, friski jew imkessħin (bil-kodiċi tan-NM 0201), tal-bhejjem maqtulin mhux iżjed minn sitt ijiem u mhux anqas minn jumejn qabel. |
2. |
Għall-għanijiet ta' dan ir-Regolament, għandhom jgħoddu d-definizzjonijiet li ġejjin:
|
3. |
Il-prodotti speċifikati fil-punti 1 u 2 jridu jiġu minn karkassa li jkun tneħħielha d-demm sewwa, ta' bhima li tkun insalħet kif suppost, bil-wiċċ tal-karkassa ma jkunx qed jitqaxxar, jew ikun imtebba” jew imbenġel b'xi mod; ix-xaħam tal-wiċċ ma jridx ikun imqatta’ jew imneħħi b'ebda mod sinifikanti. Il-plewra ma jridx ikollha ħsara għajr sabiex tiffaċilita d-dendil tar-rbiegħ ta' quddiem. Il-karkassi ma jridu jkunu mħammġa bl-ebda sors li jniġġes, b'mod partikulari bil-ħmieġ tal-imsaren jew bi tbajja’ sinifikanti tad-demm. |
4. |
Il-prodotti speċifikati fil-punt 2(c) u (d) iridu jiġu minn karkassi jew minn nofsijiet ta' karkassi li jissodisfaw ir-rekwiżiti mogħtija fil-punt 2(a) u (b). |
5. |
Il-prodotti speċifikati fil-punti 1 u 2 iridu jitkessħu minnufih wara l-qatla għal perjodu ta' mill-inqas 48 siegħa sabiex it-temperatura interna tagħhom fl-aħħar tal-perjodu tat-tkessiħ ma taqbiżx is-7oĊ fuq iż-żero. Din it-temperatura trid tinżamm sakemm jittieħdu. |
PARTI VII
Il-koeffiċjenti msemmija fl-Artikolu 21(3)
Il-Formola A
Il-koeffiċjent n = (a/b)
Fejn:
a |
= |
il-medja tal-prezzijiet medji tas-suq irreġistrati fl-Istat Membru jew fir-reġjun tiegħu ikkonċernat għall-ġimagħtejn jew għat-tliet ġimgħat wara dik li fiha tkun ittieħdet id-deċiżjoni dwar l-għoti tal-offerta, |
b |
= |
il-prezz medju tas-suq irreġistrat fl-Istat Membru jew fir-reġjun tiegħu ikkonċernat, kif imsemmi fl-Artikolu 21(1), li japplika għas-sejħa għall-offerti tal-prezzijiet ikkonċernata. |
Il-Formola B
Il-koeffiċjent n’ = (a’/b’)
Fejn:
a’ |
= |
il-medja tal-prezzijiet tax-xiri mħallsa mill-offerent tal-prezzijiet għal bhejjem tal-istess kwalità u kategorija bħal dawk li jkunu tqiesu għall-kalkolu tal-prezz medju tas-suq matul il-ġimagħtejn jew it-tliet ġimgħat wara dik li fiha tkun ittieħdet id-deċiżjoni dwar l-għoti tal-offerta, |
b’ |
= |
il-medja tal-prezzijiet tax-xiri mħallsa mill-offerent tal-prezzijiet għall-bhejjem li jkunu tqiesu għall-kalkolu tal-prezz medju tas-suq matul il-ġimagħtejn użati biex ikun stabbilit il-prezz medju tas-suq li japplika għas-sejħa għall-offerti tal-prezzijiet ikkonċernata. |
PARTI VIII
L-ispeċifikazzjonijiet għat-tneħħija tal-għadam tal-laħam tal-intervent
1. IL-QATGĦAT TAR-ROBBU TA' WARA
1.1. Deskrizzjoni tal-qatgħat
1.1.1. Ix-xikel tal-ispalla tal-laħam tal-intervent (il-kodiċi INT 11)
It-tqattigħ u t-tneħħija tal-għadam: neħħi b'qasma li tgħaddi mill-ġog tar-riġel u li tissepara n-naħa l-għolja tal-koxxa u l-kustilja tal-flett billi ssegwi l-qasma naturali, u tħalli l-muskolu tal-għarqub imqabbad max-xikel tal-ispalla. Neħħi l-għadam tax-xikel tal-ispalla (it-tibja u l-għaksa bejn id-difer u l-qasba tas-sieq fir-riġel warrani tal-bhima).
It-tirqim: orqom it-truf tal-għeruq lura sal-laħam.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.2. Il-falda l-ħoxna tal-laħam tal-intervent (il-kodiċi INT 12)
It-tqattigħ u t-tneħħija tal-għadam: issepara min-naħa l-għolja tal-koxxa b'qasma dritta “l isfel sal-linja tal-wirk u matulha u mill-kustilja tal-flett billi tkompli taqta ‘l-isfel tul il-linja tal-qasma naturali; il-kappell għandu jitħalla mwaħħal b'mod naturali.
It-tirqim: neħħi l-galletta tal-irkoppa, il-kapsula tal-ġog u l-għerq; il-kisi tax-xaħam ta' barra ma għandu fl-ebda punt ikun ta' iktar minn ċentimetru.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.3. In-naħa l-għolja tal-koxxa tal-laħam tal-intervent (il-kodiċi INT 13)
It-tqattigħ u t-tneħħija tal-għadam: issepara mill-kustilja tal-flett u mix-xikel tal-ispalla b'qasma li ssegwi l-linja tal-qasma naturali u aqla’ minn mal-wirk; neħħi l-għadma tal-koxxa warranija ta' fejn denb il-bhima.
It-tirqim: neħħi t-tarf ta' wara l-organu ġenitali, il-kartilaġni li tmiss miegħu u l-glandola (ingwinali superfiċjali) tal-iskrotu; neħħi l-qarquċa u t-tessuti konnettivi assoċjati mal-għadma pelvika; il-kisi tax-xaħam ta' barra ma għandu fl-ebda punt ikun ta' iktar minn ċentimetru.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.4. Il-kustilja tal-flett tal-laħam tal-intervent (il-kodiċi INT 14)
It-tqattigħ u t-tneħħija tal-għadam: issepara min-naħa l-għolja tal-koxxa u mix-xikel tal-ispalla b'qasma li ssegwi l-linja tal-qasma naturali; neħħi l-wirk.
It-tirqim: neħħi l-qarquċa t-tqila li tmiss mal-ġog tal-għadma, il-glandola limfatika tal-fieragħ ta' wara l-irkoppa, u x-xaħam u l-għerq ta' magħha; il-kisi tax-xaħam ta' barra ma għandu fl-ebda punt ikun ta' iktar minn ċentimetru.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.5. Il-flett tal-laħam tal-intervent (il-kodiċi INT 15)
It-tqattigħ: neħħi t-tul kollu tal-flett billi tħoll ir-ras (il-‘butt end’) mill-għadma tal-ġenbejn (l-ilju) u billi timxi matul il-flett li jmiss mal-għadam, biex b'hekk teħles il-flett mil-lonża.
It-tirqim: neħħi l-glandola u x-xaħam. Ħalli l-ħjut u l-muskolu l-kbir intatti u mqabbda għal kollox. Wieħed għandu joqgħod attent ferm huwa u jaqta”, jorqom u jippakkja din il-qatgħa ta' valur.
It-tgeżwir u l-ippakkjar: il-flettijiet iridu jiġu ppakkjati bir-reqqa għal tulhom, bit-truf l-irqaq mat-truf il-ħoxnin b'mod alternattiv, bil-ħjut iħarsu “l fuq, u ma jridux jintwew.
Dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.6. In-naħa warranija ta' fejn denb il-bhima tal-laħam tal-intervent (il-kodiċi INT 16)
It-tqattigħ u t-tneħħija tal-għadam: issepara minn mal-kustilja tal-flett/mal-falda l-ħoxna b'qatgħa dritta minn punt li jkun bejn wieħed u ieħor ħames ċentimetri mit-tarf ta' wara tal-ħames għadma tal-ossu sagru, billi tgħaddi bejn wieħed u ieħor ħames ċentimetri mit-tarf ta' quddiem tal-għadma tal-koxxa warranija ta' fejn denb il-bhima, filwaqt li toqgħod attent li ma taqtax il-falda l-ħoxna.
Issepara mil-lonża b'qatgħa bejn l-aħħar għadma tal-ġenbejn u l-ewwel għadma tal-ossu sagru, u b'hekk teħles it-tarf ta' quddiem tal-għadma pelvika. Neħħi l-għadam u l-qarquċa.
It-tirqim: neħħi r-roqgħa tax-xaħam fuq in-naħa ta' ġewwa taħt il-muskolu tal-għajn. Il-kisi tax-xaħam ta' barra ma għandu fl-ebda punt ikun ta' iktar minn ċentimetru. Wieħed għandu joqgħod attent ferm huwa u jaqta”, jorqom u jippakkja din il-qatgħa ta' valur.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.7. Il-lonża tal-laħam tal-intervent (il-kodiċi INT 17)
It-tqattigħ u t-tneħħija tal-għadam: issepara min-naħa warranija ta' fejn denb il-bhima b'qatgħa dritta bejn l-aħħar għadma tal-ġenbejn u l-ewwel għadma tal-ossu sagru. Issepara mill-kustilja ta' quddiem (ta’ ħames għadmiet) b'qatgħa dritta bejn il-ħdax u l-għaxar kustilja. Neħħi għal kollox l-għadam tas-sinsla. Neħħi l-kustilji u l-għadam vertebrali (“feather bones”) billi tneħħihom waħda waħda.
It-tirqim: neħħi kull speċi ta' qarquċa li jkun baqa’ wara li jkun tneħħa l-għadam. L-għerq għandu jitneħħa. Il-kisi tax-xaħam ta' barra ma għandu fl-ebda punt ikun ta' iktar minn ċentimetru. Wieħed għandu joqgħod attent ferm huwa u jaqta’, jorqom u jippakkja din il-qatgħa ta' valur.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
1.1.8. Il-falda tal-laħam tal-intervent (il-kodiċi INT 18)
It-tqattigħ u t-tneħħija tal-għadam: neħħi l-falda kollha minn mal-qatgħa dritta tar-robbu ta' wara li fiha tmien kustilji b'qatgħa mill-punt fejn il-falda tkun intefgħet lura, billi ssegwi l-qasma naturali ‘l isfel madwar il-wiċċ tal-muskoli ta' wara sa punt li hu orizzontali għan-nofs tal-aħħar għadma tal-ġenbejn.
Kompli aqta’ ‘l isfel f'linja dritta parallela mal-flett, tul it-tlettax u s-sitt kustilja, it-tnejn inklużi, matul linja li tgħaddi b'mod parallel mat-tarf tad-dahar tax-xewka tad-dahar, sabiex il-qatgħa ‘l isfel kollha ma tkunx iżjed minn ħames ċentimetri mill-ponta laterali tal-muskolu tal-għajn.
Neħħi l-għadam u l-qarquċa kollha billi tneħħihom waħda waħda. Il-falda kollha trid tibqa’ f'biċċa waħda.
It-tirqim: neħħi t-tessuti konnettivi l-ħorox li jgħattu l-“goose skirt”, filwaqt li tħalli l-“goose skirt” intatt. Orqom ix-xaħam sabiex il-perċentwali totali ta' xaħam (estern u tal-interstizju) li jidher ma jaqbiżx it-30 %.
It-tgeżwir u l-ippakkjar: il-falda kollha tista' tintewa darba biss għall-ippakkjar. Ma għandhiex tinqata’ jew titrembel. Meta tkun ippakkjata, il-parti ta' ġewwa tal-falda u l-“goose skirt” għandhom ikunu jidhru sew. Qabel l-ippakkjar, kull kaxxa għandha tinkesa bil-politin sabiex il-qatgħat ikunu jistgħu jitgeżwru kompletament.
1.1.9. Il-kustilja ta' quddiem (ta’ ħames għadmiet) tal-laħam tal-intervent (il-kodiċi INT 19)
It-tqattigħ u t-tneħħija tal-għadam: din il-qatgħa għandha tiġi sseparata minn mal-lonża b'qatgħa dritta bejn il-ħdax u l-għaxar kustilja u għandha tinkludi s-sitt sal-għaxar kustilji, it-tnejn inklużi. Neħħi l-muskoli ta' bejn il-kustilji u l-plewra f'folja rqiqa flimkien mal-għadam tal-kustilji. Neħħi s-sinsla u l-qarquċa, inkluż it-tarf tal-iskapula (l-għadma tal-ispalla).
It-tirqim: neħħi l-faxxa tad-dahar (il-ligamentum nuchae). Il-kisi tax-xaħam ta' barra ma għandu fl-ebda punt ikun ta' iktar minn ċentimetru. Il-kappell għandu jitħalla mqabbad.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
2. IL-QATGĦAT TAR-ROBBU TA' QUDDIEM
2.1. Deskrizzjoni tal-qatgħat
2.1.1. Il-qasba tas-sieq tal-laħam tal-intervent (il-kodiċi INT 21)
It-tqattigħ u t-tneħħija tal-għadam: neħħi b'qatgħa madwar il-ġog li jissepara l-għadma tal-qasba tas-sieq (ir-radjus) u l-omeru. Neħħi l-għadma tal-qasba tas-sieq (ir-radjus).
It-tirqim: orqom it-truf tal-għeruq lura sal-laħam.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
Il-qasab tas-saqajn m'għandhomx jiġu ppakkjati mal-ixkla tal-ispalel.
2.1.2. L-ispalla tal-laħam tal-intervent (il-kodiċi INT 22)
It-tqattigħ u t-tneħħija tal-għadam: issepara l-ispalla minn mar-robbu ta’ quddiem billi taqta’ linja li ssegwi l-qasma naturali madwar it-tarf tal-ispalla u l-qarquċa fit-tarf tal-iskapula (l-għadma tal-ispalla), filwaqt li tkompli taqta’ madwar il-qasma sabiex l-ispalla tintrefa’ mill-ħofra naturali tagħha. Neħħi l-iskapula (l-għadma tal-ispalla). Il-muskolu ta' taħt l-iskapula (l-għadma tal-ispalla) għandu jintefa’ lura iżda jitħalla mqabbad sabiex l-għadma tkun tista' titneħħa sewwa faċilment. Neħħi l-omeru.
It-tirqim: neħħi l-qarquċa, l-għeruq u l-kapsuli tal-ġogi; orqom ix-xaħam sabiex il-perċentwal totali ta' xaħam (estern u tal-interstizju) li jidher ma jaqbiżx l-10 %.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
2.1.3. Is-sidra tal-laħam tal-intervent (il-kodiċi INT 23)
It-tqattigħ u t-tneħħija tal-għadam: issepara mir-robbu ta' quddiem billi taqta’ linja dritta perpendikulari ma' nofs l-ewwel kustilja. Neħħi l-muskoli ta' bejn il-kustilji u l-plewra billi tneħħihom waħda waħda, flimkien mal-kustilji, mal-għadma tas-sider u mal-qarquċa. L-għata (id-“deckle”) għandha titħalla mwaħħla mas-sidra. Ix-xaħam ta' taħt l-għata (id-“deckle”) u l-isternu għandu jitneħħa.
It-tirqim: orqom ix-xaħam sabiex il-perċentwal totali ta' xaħam (estern u tal-interstizju) li jidher ma jaqbiżx it-30 %.
It-tgeżwir u l-ippakkjar: kull qatgħa għandha titgeżwer b'mod individwali fil-politin u tiġi ppakkjata f'kaxxa tal-kartun li tkun miksija bil-politin sabiex il-qatgħat ikunu jistgħu jitgeżwru kompletament.
2.1.4. Ir-robbu ta' quddiem tal-laħam tal-intervent (il-kodiċi INT 24)
It-tqattigħ u t-tneħħija tal-għadam: il-qatgħa li tibqa’ wara li jitneħħew is-sidra, l-ispalla u l-ġarretta hi kklassifikata bhala robbu ta' quddiem.
Neħħi l-għadam tal-kustilji billi tneħħihom waħda waħda. L-għadam tal-għonq għandhom jitneħħew sewwa.
Il-muskolu l-kbir għandu jitħalla mqabbad ma' din il-qatgħa.
It-tirqim: l-għeruq, il-kapsuli tal-ġogi u l-qarquċa għandhom jitneħħew. Orqom ix-xaħam sabiex il-perċentwali totali ta' xaħam (estern u tal-interstizju) li jidher ma jaqbiżx l-10 %.
It-tgeżwir u l-ippakkjar: dawn il-qatgħat għandhom jitgeżwru b'mod individwali fil-politin qabel ma jiġu ppakkjati f'kaxex tal-kartun miksijin bil-politin.
3. L-IPPAKKJAR TA' ĊERTI QATGĦAT INDIVIDWALI B'MOD LI JKUNU SSIĠĠILLATI MINGĦAJR ARJA
L-Istati Membri jistgħu jiddeċiedu li jippermettu li l-qatgħatjiġu ppakkjati b'mod li ikunu ssiġġillati mingħajr arja minflok ma jitgeżwru b'mod individwali kif ipprovdut fil-punt 1 għall-qatgħat bil-kodiċi INT bin-numri 12, 13, 14, 15, 16, 17 u 19.
PARTI IX
Id-dispożizzjonijiet li japplikaw għall-kaxex tal-kartun, il-palits u l-gaġeġ
I. Il-kaxex tal-kartun
1. |
Il-kaxex tal-kartun għandhom ikunu ta' standards u piż kummerċjali u għandhom ikunu b'saħħithom biżżejjed biex ikunu jistgħu jiġu stivati fuq palits. |
2. |
Il-kaxex tal-kartun użati ma jistax ikollhom fuqhom l-isem tal-biċċerija jew tal-impjant tat-tqattigħ li minnhom ikunu ġejjin il-prodotti. |
3. |
Il-kaxex tal-kartun għandhom jintiżnu waħda waħda wara li jkunu mtlew; il-kaxex tal-kartun mimlijin b'piż iffissat minn qabel mhumiex awtorizzati. |
4. |
Il-piż nett tal-qatgħat għal kull kaxxa tal-kartun ma jistax jaqbeż it-30 kilogramma. |
5. |
Dawk il-qatgħat tal-istess tip biss, identifikati bl-isem sħiħ tagħhom jew bil-kodiċi tal-Komunità u li jiġu mill-istess kategorija ta' bhima jistgħu jitqegħdu fl-istess kaxxa tal-kartun; il-kaxex tal-kartun fl-ebda ċirkustanza ma jista' jkun fihom biċċiet tax-xaħam jew kwalunkwe tirqim ieħor. |
6. |
Il-kaxex tal-kartun għandhom ikollhom is-siġilli li ġejjin:
Dawn it-tikketti għandu jkollhom numru tas-serje u għandhom jitwaħħlu b'tali mod li dawn jiċċarrtu u jinqerdu hekk kif il-kaxxa tal-kartun tinfetaħ. |
7. |
It-tikketti tal-aġenzija tal-intervent għandu jkollhom fuqhom in-numru tal-kuntratt, it-tip u l-għadd ta' qatgħat, il-piż nett u d-data tal-ippakkjar; it-tiketti ma jistgħux ikunu inqas minn 20 x 20 ċentimetru. It-tikketti tal-ispezzjoni tal-veterinarju jridu juru n-numru tal-approvazzjoni tal-impjant tal-qtugħ. |
8. |
In-numri tas-serje fuq it-tikketti msemmija fil-punt 6 għandhom jiġu rreġistrati għal kull kuntratt u għandu jkun possibbli li wieħed iqabbel l-għadd ta' kaxex tal-kartun użati mal-għadd ta' tikketti maħruġa. |
9. |
Il-kaxex tal-kartun għandhom ikunu marbutin b'erba' ċineg, tnejn għat-tul u tnejn għall-wisa’, ppustjati bejn wieħed u ieħor 10 ċentimetri ‘l ġewwa minn kull kantuniera. |
10. |
It-tikketti mqattgħin matul l-ispezzjoni għandhom jinbidlu b'tikketti nnumerati skont is-serje, tnejn għal kull kaxxa tal-kartun, li l-aġenzija tal-intervent tkun ħarġet lill-awtoritajiet kompetenti. |
II. Il-palits u l-gaġeġ
1. |
Kaxex tal-kartun li għandhom x'jaqsmu ma' sejħiet għall-offerti tal-prezzijiet differenti u li jkun fihom qatgħat differenti għandhom jinħażnu fuq palits separati skont is-sejħa għall-offerti tal-prezzijiet jew skont ix-xahar, u skont il-qatgħa. Dawn il-palits għandhom jiġu identifikati b'tikketti li juru n-numru tas-sejħa għall-offerti tal-prezzijiet, it-tip ta' qatgħa, il-piż nett tal-prodott, it-tara u l-għadd ta' kaxex tal-kartun għal kull qatgħa. |
2. |
Il-post fejn jinstabu l-palits u l-gaġeġ għandu jintwera fuq pjanta tal-maħżen. |
PARTI X
Prezzijiet individwali tal-qatgħat irrifjutati tal-laħam tal-intervent għall-għanijiet tal-ewwel u tat-tieni subparagrafu tal-Parti IV, it-Taqsima IX(2) ta' dan l-Anness
(EURO kull tunnelata) |
|
Il-flett tal-laħam tal-intervent |
22 000 |
Il-lonża tal-laħam tal-intervent |
14 000 |
In-naħa l-għolja tal-koxxa tal-laħam tal-intervent In-naħa warranija ta' fejn denb il-bhima tal-laħam tal-intervent |
10 000 |
Il-kustilja tal-flett tal-laħam tal-intervent Il-falda l-ħoxna tal-laħam tal-intervent Il-kustilja ta' quddiem tal-laħam tal-intervent (b'ħames kustilji) |
8 000 |
L-ispalla tal-laħam tal-intervent Ir-robbu ta' quddiem tal-laħam tal-intervent |
6 000 |
Is-sidra tal-laħam tal-intervent Ix-xikel tal-ispalla tal-laħam tal-intervent Il-ġarretta tal-laħam tal-intervent |
5 000 |
Il-falda tal-laħam tal-intervent |
4 000 |
PARTI XI
Il-kontrolli fuq il-prodotti
1. |
L-aġenziji tal-intervent għandhom jiżguraw li l-laħam kopert b'dan ir-Regolament ikun imqiegħed u maħżun b'tali mod li jkun aċċessibbli faċilment u li jkun skont id-dispożizzjonijiet tal-Parti IV, it-Taqsima VI, l-ewwel subparagrafu ta' dan ir-Regolament. |
2. |
It-temperatura tal-ħażna ma tistax togħla iżjed minn 17-iloĊ taħt iż-żero. |
3. |
L-Istati Membri għandhom jieħdu l-miżuri kollha meħtieġa sabiex jiżguraw l-ippriżervar sodisfaċenti, f'dak li għandu x'jaqsam mal-kwalità u mal-kwantità, tal-prodotti maħżuna u għandhom jibdlu l-pakketti bil-ħsara minnufih. Għandhom jipprovdu kopertura kontra r-riskji rilevanti permezz ta' assigurazzjoni fl-għamla jew ta' obbligu kuntrattwali fuq dawk li jieħdu ħsieb l-imħażen jew ta' kopertura komprensiva fuq ir-responsabbiltà tal-aġenzija tal-intervent. L-Istati Membri jistgħu jaġixxu wkoll bhala assiguraturi tagħhom infushom. |
4. |
Matul il-ħażna, l-awtoritajiet kompetenti għandhom iwettqu verifiki regolari fuq kwantitajiet sinifikanti tal-prodotti maħżuna wara li jkunu ngħataw l-offerti taħt is-sejħiet għall-offerti tal-prezzijiet magħmulin matul ix-xahar. Waqt dawn il-verifiki, kull prodott li jinstab li ma jħarisx ir-rekwiżiti stabbiliti f'dan ir-Regolament għandu jiġi rrifjutat u mmarkat bħala tali. Mingħajr ħsara għall-applikazzjoni tal-penalitajiet, l-awtoritajiet kompetenti għandhom, jekk ikun meħtieġ, jirkupraw il-ħlasijiet mill-partijiet responsabbli. Dawn il-verifiki għandhom jitwettqu minn uffiċjali li ma jirċevux ordnijiet mid-dipartiment li jixtri l-laħam. |
5. |
L-awtoritajiet kompetenti għandhom jieħdu l-miżuri meħtieġa f'dak li għandu x'jaqsam mat-traċċabbiltà u l-ħażna sabiex il-prodotti maħżuna jkunu jistgħu jitneħħew mill-ħażna u jintużaw wara b'mod li jkun kemm jista' jkun effiċjenti, filwaqt li jitqies b'mod partikulari kwalunkwe rekwiżit li jkollu x'jaqsam mal-istat tas-saħħa veterinarja tal-bhejjem ikkonċernati. |
(1) ĠU L 139, 30.4.2004, p. 206.
(2) ĠU L 253, 11.10.1993, p. 1.
ANNESS IV
IL-BUTIR
PARTI I
Il-kriterji tal-eliġibbiltà għall-butir
1. |
L-aġenzija tal-intervent għandha tixtri biss butir li jissodisfa r-rekwiżiti tal-ewwel subparagrafu tal-Artikolu 10(1)(e) tar-Regolament (KE) Nru 1234/2007, tal-punti 3, 4, 5 u 6 ta' din il-Parti u tal-Artikolu 28(1) ta' dan ir-Regolament. |
2. |
Il-kriterji sabiex l-impriżi msemmija fl-Artikolu 10(1)(e) tar-Regolament (KE) Nru 1234/2007 jiġu approvati huma mniżżlin fil-Parti III ta' dan l-Anness. |
3. |
L-aġenzija tal-intervent għandha tiċċekkja l-kwalità tal-butir billi tuża l-metodi deskritti fil-Parti IV ta' dan l-Anness u abbażi ta' kampjuni meħudin skont ir-regoli mogħtija fil-Parti V ta' dan l-Anness. Madanakollu, l-Istati Membri jistgħu, suġġett għal ftehim bil-miktub mal-Kummissjoni, jistabbilixxu sistema fejn wieħed iwettaq verifika fuqu nnifsu taħt is-sorveljanza tagħhom stess, għal ċerti rekwiżiti tal-kwalità u fil-każ ta' ċerti impriżi approvati. |
4. |
ll-livelli tar-radjuattività fil-butir ma għandhomx jaqbżu l-livelli massimi permessi, fejn applikabbli, mir-regoli Komunitarji. Il-livell tat-tniġġis radjuattiv tal-butir għandu jsirlu monitoraġġ biss jekk is-sitwazzjoni tkun teħtieġu, u matul il-perjodu meħtieġ biss. |
5. |
Il-butir għandu jkun inħadem fil-31 ġurnata qabel il-jum li fih l-entità kompetenti tkun irċeviet l-offerta għall-bejgħ bi prezz fiss, jew, fil-każ tal-offerti tal-prezzijiet, fil-31 ġurnata qabel id-data tal-għeluq tas-sottoperjodu tas-sejħa għall-offerti tal-prezzijiet. |
6. |
Meta l-butir ikun offrut għall-intervent fi Stat Membru li ma jkunx dak fejn kien prodott, ix-xiri għandu jkun suġġett għall-preżentazzjoni ta' ċertifikat mogħti mill-entità kompetenti tal-Istat Membru tal-produzzjoni. Iċ-ċertifikat għandu jitressaq lill-entità kompetenti tal-Istat Membru li jkun qed jixtri sa mhux aktar tard minn 35 ġurnata wara l-jum li fih tkun waslet l-offerta ta' xiri jew wara d-data tal-għeluq tas-sejħa għall-offerti tal-prezzijiet u għandu jkun fih it-tagħrif imsemmi fl-Artikolu 28(1)(a), (b) u (d) ta' dan ir-Regolament, flimkien ma' konferma li l-butir kien prodott direttament u b'mod esklussiv minn krema pasturizzata skont it-tifsira tal-Artikolu 6(2) tar-Regolament (KE) Nru 1234/2007, f'impriża approvata fil-Komunità. |
7. |
Meta l-Istat Membru tal-produzzjoni jkun wettaq il-verifiki msemmija fil-punt 3 ta' din il-Parti, iċ-ċertifikat għandu jkun fih ukoll ir-riżultati ta' dawk il-verifiki u għandu jikkonferma li l-prodott konċernat huwa butir li jissodisfa r-rekwiżiti tal-ewwel subparagrafu tal-Artikolu 10(1)(e) tar-Regolament (KE) Nru 1234/2007. F'dak il-każ, l-ippakkjar imsemmi fil-Parti VI(6) ta' dan l-Anness għandu jkun issiġillat permezz ta' tikketta nnumerata maħruġa mill-entità kompetenti tal-Istat Membru tal-produzzjoni. Iċ-ċertifikat għandu jkollu n-numru tat-tikketta. |
PARTI II
It-teħid tal-butir u l-verifiki inizjali tiegħu
1. |
Il-butir għandu jinħażen għal perjodu ta' prova. Dan il-perjodu għandu jkun ta' 30 ġurnata li jibdew mill-ġurnata li fih il-butir ikun ittieħed. |
2. |
L-aġenzija tal-intervent għandha teħtieġ li l-butir jitqiegħed u jinżamm maħżun fuq il-palits, b'tali mod li jkun f'lottijiet li jintgħarfu faċilment u li jkunu aċċessibbli malajr. |
PARTI III
Il-kriterji għall-approvazzjoni tal-impriżi msemmija fl-Artikolu 10(1)(e) u (f) tar-Regolament (KE) Nru 1234/2007 (parti li tgħodd kemm għall-butir kif ukoll għat-trab tal-ħalib xkumat)
1. |
L-impriżi msemmija fl-Artikolu 10(1)(e) u (f) tar-Regolament (KE) Nru 1234/2007 għandhom ikunu approvati biss jekk:
|
2. |
Sabiex tkun żgurata l-konformità ma' dan ir-Regolament, l-entità kompetenti għandha twettaq spezzjonijiet fuq il-post għall-għarrieda, abbażi tal-iskeda tal-produzzjoni tal-butir u t-trab tal-ħalib xkumat għall-intervent tal-impriżi konċernati. Huma għandhom jagħmlu mill-anqas:
|
3. |
L-approvazzjoni għandha tkun irtirata jekk il-kundizzjonijiet minn qabel stabbiliti fil-punt 1(a) ma jibqgħux jitħarsu. L-approvazzjoni tista' terġa' tingħata fuq talba tal-impriża kkonċernata wara perjodu ta' mill-anqas sitt xhur, wara spezzjoni sewwa. Ħlief f'każijiet ta' forza maġġuri, meta impriża tinstab li ma kinitx konformi ma' xi wieħed mill-impenji tagħha msemmija fil-punt 1(b), (c) u (d), l-approvazzjoni għandha tkun sospiża għal perjodu ta' bejn xahar u 12-il xahar skont kemm tkun gravi l-irregolarità. L-Istat Membru m'għandux jimponi s-sospensjoni msemmija fejn jinstab li l-irregolarità ma twettqitx apposta jew bħala riżultat ta' negliġenza serja u jekk ma tkunx importanti wisq fir-rigward tal-effettività tal-ispezzjonijiet li dwarhom hemm dispożizzjoni fil-punt 2. |
4. |
Għandu jsir rapport dwar l-ispezzjonijiet imwettqa skont il-punti 2 u 3, li jispeċifika:
|
Ir-rapport għandu jkun iffirmat mill-ispettur responsabbli.
PARTI IV
Ir-rekwiżiti tal-kompożizzjoni, il-karatteristiċi tal-kwalità u l-metodi analitiċi
Il-butir huwa emulsjoni solida, l-aktar tat-tip ta' ilma fiż-żejt, bil-karatteristiċi tal-kompożizzjoni u tal-kwalità li ġejjin:
Il-parametri |
Il-karatteristiċi tal-kontenut u tal-kwalità |
Xaħam |
Minimu ta' 82 % |
Ilma |
Massimu ta' 16 % |
Solidi bla xaħam |
Massimu ta' 2 % |
Aċidi bix-xaħam liberi |
Massimu ta' 1,2 mmole għal kull 100 gramma xaħam |
Valur tal-perossidu |
Massimu ta' 0,3 meq ta' ossiġnu għal kull 1 000 gramma xaħam |
Koliformi |
Mhux traċċabbli fi gramma (1) |
Xaħam bla ħalib |
Mhux traċċabbli b'analiżi tat-trigliċeride |
Karatteristiċi sensorji |
Mill-anqas erba' minn ħames punti għad-dehra, it-togħma u l-konsistenza |
Tixrid tal-ilma |
Mill-anqas erba' punti |
Il-metodi ta' referenza li għandhom ikunu applikati għandhom ikunu dawk stabbiliti fir-Regolament (KE) Nru 213/2001 (ĠU L 37, 7.2.2001, p. 1) u 273/2008 (ĠU L 88, 29.3.2008, p. 1).
PARTI V
It-teħid ta' kampjuni għal analiżi kimika u mikrobijoloġika u għall-evalwazzjoni sensorja
1. L-analiżi kimika u mikrobijoloġika
Il-kwantità tal-butir (f'kilogrammi) |
L-għadd minimu ta' kampjuni (ta' iktar minn 100 gramma) |
≤ 1 000 |
2 |
> 1 000 ≤ 5 000 |
3 |
> 5 000 ≤ 10 000 |
4 |
> 10 000 ≤ 15 000 |
5 |
> 15 000 ≤ 20 000 |
6 |
> 20 000 ≤ 25 000 |
7 |
> 25 000 |
7 + 1 għal kull 25 000 kilogramma jew parti minnhom |
It-teħid ta' kampjuni għall-analiżi mikrobijoloġika għandu jsir b'mod mhux settiku.
Sa ħames kampjuni ta' 100 gramma l-wieħed jistgħu jingħaqdu f'kampjun wieħed għall-analiżi wara li jitħalltu sewwa.
Il-kampjuni għandhom jittieħdu b'mod aleatorju minn partijiet differenti tal-kwantità offruta qabel jew waqt il-ħin tad-dħul fil-maħżen tal-friża magħżul mill-entità kompetenti.
It-tħejjija ta' kampjun kompost tal-butir (għall-analiżi kimika):
(a) |
billi tuża sonda nadifa u xotta tal-butir jew strument simili adattat, ħu estratt tal-butir ta' mill-anqas 30 gramma u qiegħdu f'kontenitur tal-kampjuni. Imbagħad il-kampjun kompost għandu jiġi ssiġġillat u mibgħut fil-laboratorju għall-analiżi; |
(b) |
fil-laboratorju, il-kampjun kompost għandu jissaħħan fil-kontenitur oriġinali mhux miftuħ għal temperatura ta' 30 Ċ u għandu jitħawwad ta' spiss sakemm tinkiseb emulsjoni fluwida omoġenja ħielsa minn biċċiet mhux imrattba. Il-kontenitur għandu jkun mimli minn nofsu sa żewġ terzi minnu. |
Għal kull produttur li joffri l-butir għall-intervent, għandhom ikunu analizzati żewġ kampjuni kull sena għax-xaħam bla ħalib.
2. L-evalwazzjoni sensorja
Il-kwantità tal-butir (f'kilogrammi) |
L-għadd minimu ta' kampjuni |
1 000 ≤ 5 000 |
2 |
> 5 000 ≤ 25 000 |
3 |
> 25 000 |
3 + 1 għal kull 25 000 kilogramma jew parti minnhom |
Il-kampjuni għandhom jittieħdu b'mod aleatorju minn partijiet differenti tal-kwantità offruta bejn it-30 u l-45 jum wara t-teħid kundizzjonali tal-butir u għandhom jiġu kklassifikati.
Kull kampjun għandu jkun eżaminat waħdu skont l-Anness IV għar-Regolament (KE) Nru 278/2008. Ma jistgħux jittieħdu kampjuni mill-ġdid jew issir evalwazzjoni mill-ġdid.
3. Linji ta' gwida li għandhom ikunu segwiti meta l-kampjuni jkun fihom xi difetti
(a) |
l-analiżi kimika u mikrobijoloġika:
Il-kwantità li għandha titwarrab meta l-kampjun il-ġdid ikun fih xi difett:
|
(b) |
l-evalwazzjoni sensorja:
|
(ċ) |
meta l-kampjuni jkun fihom difett sensorju u difett kimiku jew mikrobijoloġiku, il-kwantità kollha għandha titwarrab. |
ANNESS V
IT-TRAB TAL-ĦALIB XKUMAT
PARTI I
Il-kriterji tal-eliġibbiltà għat-trab tal-ħalib xkumat
1. |
L-aġenzija tal-intervent għandha tixtri biss trab tal-ħalib xkumat li huwa konformi mal-Artikolu 10(1)(f) tar-Regolament (KE) Nru 1234/2007, mal-punti 2 sa 5 ta' dan l-Anness u mal-Artikolu 28(2). |
2. |
Il-kriterji sabiex l-impriżi msemmija fl-Artikolu 10(1)(e) tar-Regolament (KE) Nru 1234/2007 jiġu approvati huma mniżżlin fil-Parti III tal-Anness IV. |
3. |
L-aġenziji tal-intervent għandhom jiċċekkjaw il-kwalità tat-trab tal-ħalib xkumat billi jużaw il-metodi analitiċi mogħtija fil-Parti IV ta' dan l-Anness abbażi ta' kampjuni meħudin skont ir-regoli mogħtija fil-Parti VI ta' dan l-Anness. Il-verifiki għandhom jistabbilixxu li, ħlief għall-materja prima awtorizzata użata għall-aġġustament tal-proteina kif imsemmi fl-Anness I(4)(b) għad-Direttiva tal-Kunsill 2001/114/KE (1), it-trab tal-ħalib xkumat ma jkunx fih prodotti oħra, b'mod partikulari x-xorrox tal-butir jew ix-xorrox, kif iddefinit fil-Parti IV ta' dan l-Anness. L-aġġustament tal-proteina, jekk applikabbli, għandu jsir fil-fażi likwida. Il-materjal użat għall-aġġustament tal-proteina għandu joriġina fi ħdan il-Komunità. Madanakollu, jekk il-Kummissjoni taqbel, l-Istati Membri jistgħu jistabbilixxu sistema fejn wieħed iwettaq verifika fuqu nnifsu taħt is-sorveljanza tagħhom stess, għal ċerti rekwiżiti tal-kwalità u fil-każ ta' ċerti impriżi approvati. |
4. |
ll-livelli tar-radjuattività fit-trab tal-ħalib xkumat ma għandhomx jaqbżu l-livelli massimi permessi, fejn applikabbli, mir-regoli Komunitarji. Il-livell tat-tniġġis radjuattiv tal-prodott għandu jsirlu monitoraġġ biss jekk is-sitwazzjoni tkun teħtieġu, u matul il-perjodu meħtieġ biss. |
5. |
It-trab tal-ħalib xkumat għandu jkun ġie mmanifatturat fil-31 ġurnata qabel il-jum li fih l-aġenzija tal-intervent tkun irċeviet l-offerta għall-bejgħ bi prezz fiss, jew, fil-każ tal-offerti tal-prezzijiet, fil-31 ġurnata qabel id-data tal-għeluq tas-sottoperjodu kkonċernat tas-sejħa għall-offerti tal-prezzijiet. Jekk it-trab tal-ħalib xkumat jinħażen f'sajlos li jkun fihom iktar minn ġurnata waħda tal-produzzjoni, dan irid ikun ġie mmanifatturat matul it-tliet ġimgħat ta' qabel il-ġimgħa li fiha tkun waslet l-offerta għall-bejgħ bi prezz fiss jew, fil-każ tal-offerti tal-prezzijiet, fl-erba' ġimgħat ta' qabel id-data tal-għeluq tas-sottoperjodu tas-sejħa għall-offerti tal-prezzijiet. |
6. |
Meta t-trab tal-ħalib xkumat ikun offrut għall-intervent fi Stat Membru li ma jkunx dak fejn kien ġie mmanifatturat, ix-xiri għandu jkun suġġett għall-preżentazzjoni, sa mhux aktar tard minn 35 jum wara l-jum li fih tkun waslet l-offerta ta' xiri jew wara d-data tal-għeluq tas-sejħa għall-offerti tal-prezzijiet, ta' ċertifikat mogħti mill-entità kompetenti tal-Istat Membru tal-manifattura. |
Iċ-ċertifikat għandu jkun fih it-tagħrif imsemmi fl-Artikolu 28(2)(a), (b) u (c), flimkien ma' konferma li t-trab tal-ħalib xkumat kien prodott mill-ħalib f'impriża approvata fil-Komunità u li l-aġġustament tal-proteina, jekk applikabbli, seħħ fil-fażi likwida, kif stabbilit fl-Artikolu 10(1)(f) tar-Regolament (KE) Nru 1234/2007.
Meta l-Istat Membru tal-manifattura jkun wettaq il-verifiki msemmija fil-punt 2 t’hawn fuq, iċ-ċertifikat għandu jkun fih ukoll ir-riżultati ta' dawk il-verifiki u għandu jikkonferma li l-prodott ikkonċernat huwa trab tal-ħalib xkumat fi ħdan it-tifsira tal-Artikolu 10(1)(f) tar-Regolament (KE) Nru 1234/2007. F'dak il-każ, il-boroż imsemmijin fl-Artikolu 28 għandhom ikunu ssiġillati permezz ta' tikketta nnumerata maħruġa mill-aġenzija tal-intervent tal-Istat Membru tal-manifattura. In-numru għandu jitniżżel fuq iċ-ċertifikat imsemmi fl-ewwel subparagrafu ta' dan il-punt.
PARTI II
It-teħid tat-trab tal-ħalib xkumat u l-verifiki inizjali tiegħu
L-aġenzija tal-intervent għandha teħtieġ li t-trab tal-ħalib xkumat jitqiegħed u jinżamm maħżun fuq il-palits, b'tali mod li jkun f'lottijiet li jintgħarfu faċilment u li jkunu aċċessibbli malajr.
PARTI III
Il-kriterji għall-approvazzjoni tal-impriżi msemmija fl-Artikolu 10(1)(e) u (f) tar-Regolament (KE) Nru 1234/2007
Għandha tapplika l-Parti III tal-Anness IV għal dan ir-Regolament.
PARTI IV
Ir-rekwiżiti tal-kompożizzjoni, il-karatteristiċi tal-kwalità u l-metodi analitiċi
Il-parametri |
Il-karatteristiċi tal-kontenut u tal-kwalità |
Il-kontenut tal-proteina |
Minimu ta' 34,0 % tal-materja niexfa bla xaħam |
Il-kontenut tax-xaħam |
Massimu ta' 1,00 % |
Il-kontenut tal-ilma |
Massimu ta' 3,5 % |
L-aċidità titratabbli f'millilitri ta' soluzzjoni tas-sodju idrossidu deċinormali |
Massimu ta' 19,5 ml |
Kontenut tal-ħalib |
Massimu ta' 150 mg/100 gramma |
L-addittivi |
L-ebda sejbien |
It-test tal-“phosphatase” |
Negattiv, jiġifieri mhux aktar minn 350 mU ta' attività tal-“phosphatase” għal kull litru ta' ħalib rikostitwit |
L-indiċi tas-solubilità |
Massimu ta' 0,5 millilitru (24 oĊ) |
L-indiċi tal-partiċelli maħruqa |
Massimu ta' 15,0 milligramma, jiġifieri minimu ta' diska B |
Il-kontenut tal-mikro-organiżmi |
Massimu ta' 40 000 għal kull gramma |
Is-sejbien tal-koliformi |
Negattiv f’0,1 grammi |
Is-sejbien tax-xorrox tal-butir (2) |
Negattivi (3) |
Is-sejbien tax-xorrox tat-tames (4) |
L-ebda sejbien |
Is-sejbien ta' xorrox aċiduż (5) |
L-ebda sejbien |
It-togħma u r-riħa |
Nodfa |
Id-dehra |
Kulur abjad jew li jagħti kemm kemm fl-isfar, mingħajr impuritajiet u partiċelli kkuluriti |
Sustanzi antimikrobiċi |
Negattivi (6) |
Il-metodi ta' referenza li għandhom jiġu applikati għandhom ikunu dawk stabbiliti fir-Regolament tal-Kummissjoni (KE) Nru 273/2008 (ĠU L 88, 29.3.2008, p. 1).
PARTI V
Il-kundizzjonijiet tal-ippakkjar
1. |
It-trab tal-ħalib xkumat għandu jkun ippakkjat f'boroż ġodda, nodfa, nexfin u sħaħ b'piż nett ta' 25 kilogramm. |
2. |
Il-boroż irid ikollhom mill-anqas tliet saffi, li flimkien jikkorrispondu mill-anqas għal medja ta' TEA ta' 420 J għal kull metru kwadru (/m2). It-tieni saff għandu jkun miksi b'saff ta' politin ta' mill-anqas 15-il gramma għal kull metru kwadru (/m2). Ġewwa s-saffi tal-karti, borża tal-politin li tkun ħoxna mill-anqas 0.08 millimetri għandha tkun mgħaqqda mal-qiegħ. |
3. |
Il-boroż iridu jkunu konformi mal-istandard EN 770. |
4. |
Waqt il-mili, it-trab irid jiġi ppressat sewwa “l isfel. Trab waħdu mhux ippressat għall-ebda raġuni m'għandu jitħalla jidħol bejn is-saffi differenti. |
PARTI VI
It-teħid ta' kampjuni u l-analiżi tat-trab tal-ħalib xkumat offrut għall-intervent
1. |
Il-kampjuni għandhom jittieħdu skont il-proċedura stabbilita fl-Istandard Internazzjonali ISO 707. Madanakollu, l-Istati Membri jistgħu jużaw metodu ieħor ta' teħid tal-kampjuni dejjem jekk dan ikun iħares il-prinċipji tal-istandard imsemmi hawn fuq. |
2. |
L-għadd ta' pakketti li għandhom jingħażlu għall-verifiki għal kull kampjun:
|
3. |
Il-piż tal-kampjun: minn kull pakkett għandhom jittieħdu kampjuni ta' mill-anqas 200 gramma. |
4. |
It-tpoġgija tal-kampjuni fi gruppi: m'għandhomx jingħaqdu iktar minn disa' kampjuni f'daqqa f'kampjun globali. |
5. |
L-analiżi tal-kampjuni: kull kampjun globali jrid jgħaddi minn analiżi biex ikunu vverifikati l-karatteristiċi kollha tal-kwalità stabbiliti fil-Parti III ta' dan l-Anness. |
6. |
Meta l-kampjuni jkun fihom xi difetti:
|
(1) ĠU L 15, 17.1.2002, p. 19.
(2) “Ix-xorrox tal-butir” tfisser il-prodott sekondarju tal-manifattura tal-butir li jinkiseb wara li titħawwad il-krema u jinfired ix-xaħam solidu.
(3) In-nuqqas ta' xorrox tal-butir tista' tiġi stabbilita jew permezz ta' spezzjoni fuq il-post tal-impjant tal-produzzjoni mwettqa mingħajr avviż minn qabel mill-inqas darba fil-ġimgħa jew permezz ta' analiżi fil-laboratorju tal-prodott aħhari li jindika l-massimu ta' 69.31 milligramma ta' FEDP għal kull 100 gramma.
(4) “Ix-xorrox” tfisser il-prodott sekondarju tal-manifattura tal-ġobon jew tal-kaseina li jinkiseb permezz tal-azzjoni tal-aċidi, tat-tames u/jew ta' proċessi kimiċi u fiżiċi.
(5) “Ix-xorrox” tfisser il-prodott sekondarju tal-manifattura tal-ġobon jew tal-kaseina li jinkiseb permezz tal-azzjoni tal-aċidi, tat-tames u/jew ta' proċessi kimiċi u fiżiċi. Il-metodu li għandu jiġi applikat għandu jkun approvat mill-aġenzija tal-intervent.
(6) Il-ħalib mhux ipproċessat użat għall-manifattura tat-trab tal-ħalib xkumat għandu jissodisfa r-rekwiżiti speċifikati fit-Taqsima IX tal-Anness III għar-Regolament (KE) Nru 853/2004.
Lista tal-annessi
ANNESS I |
IĊ-ĊEREALI |
Parti I |
Il-kriterji tal-eleġibbiltà għaċ-ċereali. |
Parti II |
Ir-rekwiżiti minimi tal-kwalità msemmija fil-Parti I |
Parti III |
Definizzjoni ta' materjali oħrajn għajr iċ-ċereali bażiċi ta' kwalità mhix mittiefsa |
Parti IV |
Il-metodi użati sabiex wieħed jiddeċiedi dwar il-kwalità taċ-ċereali offruti għall-intervent |
Parti V |
Il-metodu standard sabiex wieħed jiddeċiedi dwar il-materjali l-oħra għajr iċ-ċereali bażiċi ta' kwalità mhix mittiefsa |
Parti VI |
Il-metodu standard sabiex wieħed jiddeċiedi dwar il-kontenut tal-indewwa |
Parti VII |
Il-metodu sabiex wieħed jiddeċiedi dwar kemm l-għaġina miksuba mill-qamħ komuni ma twaħħalx u kemm hi tajba biex tinħadem mill-magni |
Parti VIII |
Il-kalkolu tar-rata tat-telf tal-aspett żġieġi |
Parti IX |
Iż-żidiet u t-tnaqqis fil-prezz |
Parti X |
Metodu prattiku sabiex wieħed jikkalkula t-tnaqqis li għandhom japplikaw l-aġenziji tal-intervent għall-prezz tas-sorgu |
Parti XI |
Il-kalkolu taż-żidiet u t-tnaqqis fil-prezz |
Parti XII |
Il-metodoloġija għat-teħid tal-kampjuni u l-analiżi għaċ-ċereali |
ANNESS II |
IR-ROSS |
Parti I |
Il-kriterji tal-eliġibbiltà ross li jkun għadu fil-ħliefa |
Parti II |
Iż-żidiet u t-tnaqqis fil-prezzijiet |
Parti III |
Il-kriterji għar-rendiment mit-tħin |
Parti IV |
Il-perċentwali massimi |
Parti V |
It-tnaqqis fil-prezz għall-ħbub difettużi |
Parti VI |
Il-metodoloġija għat-teħid tal-kampjuni u l-analiżi għar-ross li jkun għadu fil-ħliefa |
ANNESS III |
IĊ-ĊANGA |
Parti I |
Il-kriterji tal-eliġibbiltà għaċ-ċanga |
Parti II |
Il-koeffiċjenti tal-bidla |
Parti III |
Il-kundizzjonijiet u l-verifiki għat-teħid tal-prodotti |
Parti IV |
It-tneħħija tal-għadam |
Parti V |
Il-klassifikazzjoni tal-prodotti |
Parti VI |
Id-dispożizzjonijiet li japplikaw għall-karkassi, għan-nofsijiet tal-karkassi u għall-kwarti |
Parti VII |
Il-koeffiċjenti msemmija fl-Artikolu 21(3) |
Parti VIII |
L-ispeċifikazzjonijiet għat-tneħħija tal-għadam tal-laħam tal-intervent |
Parti IX |
Id-Dispożizzjonijiet applikabbli għall-kaxex tal-kartun, il-palits, u l-gaġeġ |
Parti X |
Prezzijiet individwali tal-qatgħat irrifjutati tal-laħam tal-intervent għall-għanijiet tal-ewwel u tat-tieni subparagrafu tal-Parti IV it-Taqsima (IX)(2) għal dan l-Anness |
Parti XI |
Il-kontrolli fuq il-prodotti |
ANNESS IV |
IL-BUTIR |
Parti I |
Il-kriterji tal-eliġibbiltà għall-butir |
Parti II |
It-teħid tal-butir u l-verifiki inizjali tiegħu |
Parti III |
Il-kriterji għall-approvazzjoni tal-impriżi msemmija fl-Artikolu 10(1)(e) u (f) tar-Regolament (KE) Nru 1234/2007 (parti li tgħodd kemm għall-butir kif ukoll għat-trab tal-ħalib xkumat) |
Parti IV |
Ir-rekwiżiti tal-kompożizzjoni, il-karatteristiċi tal-kwalità u l-metodi analitiċi |
Parti V |
It-teħid ta' kampjuni għal analiżi kimika u mikrobijoloġika u għall-evalwazzjoni sensorja |
ANNESS V |
IT-TRAB TAL-ĦALIB XKUMAT |
Parti I |
Il-kriterji tal-eliġibbiltà għat-trab tal-ħalib xkumat |
Parti II |
It-teħid tat-trab tal-ħalib xkumat u l-verifiki inizjali tiegħu |
Parti III |
Il-kriterji għall-approvazzjoni tal-impriżi msemmija fl-Artikolu 10(1)(e) u (f) tar-Regolament (KE) Nru 1234/2007 |
Parti IV |
Ir-rekwiżiti tal-kompożizzjoni, il-karatteristiċi tal-kwalità u l-metodi analitiċi |
Parti V |
Il-kundizzjonijiet tal-ippakkjar |
Parti VI |
It-teħid ta' kampjuni u l-analiżi tat-trab tal-ħalib xkumat offrut għall-intervent |