This document is an excerpt from the EUR-Lex website
Document 32011D0077
Għajnuna finanzjarja għall-Irlanda
- Datatal-aħħarreviżjoni:
- 23/01/2017
- Data tal-ħolqien inizjali:
- 23/01/2017
- Kodiċitat-taqsira:
-
- 14.07.03.00 Assistenza finanzjarja fil-pajjiżi tal-UE
- EUROVOC descriptor:
- Kodiċi tad-direttorju:
- Dokument(i) mqassar/mqassra:
- Awtur:
- Uffiċċju tal-Pubblikazzjonijiet tal-Unjoni Ewropea
- Entita(jiet) responsabbli:
- Uffiċċju tal-Pubblikazzjonijiet tal-Unjoni Ewropea
Għajnuna finanzjarja għall-Irlanda
SOMMARJU TAD-DOKUMENT:
Deċiżjoni ta’ Implimentazzjoni 2011/77/UE — għajnuna finanzjarja tal-UE lill-Irlanda
X’INHU L-GĦAN TAD-DEĊIŻJONI?
Hija approvat il-programm ta’ aġġustament ekonomiku għall-Irlanda. Dan kien jinkludi pakkett finanzjarju ta’ self sa EUR 85 biljun għall-perjodu 2010-2013 mingħand għadd ta’ donaturi, inkluż l-Unjoni Ewropea (UE).
PUNTI EWLENIN
- F’Diċembru tal-2010, l-UE qablet li l-Irlanda kienet teħtieġ EUR 85 biljun f’għajnuna finanzjarja bejn l-2010 u l-2013. Il-finanzjament kien ipprovdut:
- mill-UE: EUR 22.5 biljun permezz tal-Mekkaniżmu Ewropew ta’ Stabbilizzazzjoni Finanzjarja (EFSM) u EUR 17.7 biljun permezz tal-Faċilità Ewropea ta’ Stabbiltà Finanzjarja;
- minn self bilaterali: EUR 4.8 biljun — mir-Renju Unit (EUR 3.8 biljun), l-Iżvezja (EUR 0.6 biljun) u d-Danimarka (EUR 0.4 biljun);
- mill-Fond Monetarju Internazzjonali (FMI): madwar EUR 22.5 biljun;
- mill-Irlanda: EUR 17.5 mir-riżerva ta’ flus tagħha u mill-fond ta’ riżerva nazzjonali għall-pensjonijiet.
- Il-ftehim finanzjarju stabbilit fil-programm ta’ aġġustament ekonomiku għall-Irlanda kien jirrikjedi li l-gvern tal-pajjiż:
- isaħħaħ u jirriforma s-settur bankarju;
- jerġa’ jikseb is-sostenibbiltà fiskali u jnaqqas id-defiċit tal-pajjiż għal inqas minn 3 % tal-prodott domestiku gross (PDG) sal-2015;
- jimplimenta riformi tas-suq tax-xogħol biex jerġa’ lura għal tkabbir robust u sostenibbli.
- F’Diċembru tal-2013, il-programm ta’ assistenza ntemm.
- L-Irlanda issa hija suġġetta għas-sorveljanza ta’ wara l-programm tal-UE (PPS). F'dan il-kuntest, il-Kummissjoni Ewropea, b’koordinament mal-Bank Ċentrali Ewropew:
- twettaq żjarat regolari fil-pajjiż biex tevalwa s-saħħa ekonomika, fiskali u finanzjarja tiegħu;
- tħejji rapporti ta’ kull sitt xhur biex twettaq monitoraġġ tal-progress u tiddetermina jekk humiex meħtieġa aktar miżuri.
- Is-sorveljanza se tkompli għaddejja sakemm l-Irlanda tkun ħallset lura mill-inqas 75 % tas-self li rċeviet. Apparti għal xi ħlasijiet lura kmieni, dak ir-rekwiżit ser jiġi ssodisfat sal-2031.
META TAPPLIKA D-DEĊIŻJONI?
Daħlet fis-seħħ fl-.
SFOND
- Fil-, l-UE qablet li toħloq Mekkaniżmu Ewropew ta’ Stabbilizzazzjoni Finanzjarja (Regolament tal-Kunsill (UE) Nru 407/2010). Dan jippermetti lill-Kummissjoni tissellef fis-swieq finanzjarji u ssellef il-fondi li jirriżultaw lil pajjiż benefiċjarju li jkun jeħtieġ appoġġ finanzjarju.
- L-Irlanda, iffaċċjata b’passivi esterni kbar u pressjoni ekonomika severa, talbet l-għajnuna mingħand l-UE u l-FMI fil-.
- Il-mekkaniżmu ntuża biex jiġu megħjuna l-Irlanda, il-Portugall u l-Greċja.
- Għal aktar informazzjoni, ara:
- “Il-Programm ta’ Aġġustament Ekonomiku għall-Irlanda” fuq is-sit elettroniku tal-Kummissjoni Ewropea
- “Sorveljanza ta’ Wara l-Programm għall-Irlanda” fuq is-sit elettroniku tal-Kummissjoni Ewropea.
ATTI EWLENIN
Deċiżjoni ta’ Implimentazzjoni tal-Kunsill 2011/77/UE tas- dwar l-għoti ta’ assistenza finanzjarja tal-Unjoni lill-Irlanda (ĠU L 30, , pp. 34-39)
L-emendi suċċessivi għad-Direttiva 2011/77/KE ġew inkorporati fit-test oriġinali. Din il-verżjoni konsolidata hija biss ta’ valur dokumentarju.
l-aħħar aġġornament