Ftehim dwar is-sajd u l-konservazzjoni tal-baħar fiż-żona Baltika

 

SOMMARJU TA’:

Regolament (KE) Nru 439/2009 dwar il-konklużjoni tal-Ftehim bejn il-Komunità Ewropea u l-Gvern tal-Federazzjoni Russa dwar il-kooperazzjoni fis-sajd u l-konservazzjoni tar-riżorsi ħajjin tal-Baħar Baltiku

Ftehim bejn il-Komunità Ewropea u l-Gvern tal-Federazzjoni Russa dwar il-kooperazzjoni fis-sajd u l-konservazzjoni tar-riżorsi ħajjin tal-Baħar Baltiku

X’INHU L-GĦAN TA’ DAN IL-FTEHIM U DAN IR-REGOLAMENT?

• Il-ftehim għandu l-għan li jiżgura kooperazzjoni mill-qrib bejn l-UE u r-Russja bbażata fuq benefiċċju ġust u reċiproku għall-iskop ta’ konservazzjoni, użu sostenibbli u l-immaniġġjar tal-ħajja tal-baħar li temigra bejn it-territorji esklużivi tas-sajd taż-żewġ partijiet (flimkien ma’ speċi assoċjati u dipendenti) fil-Baħar Baltiku.
• Dan jissostitwixxi u jibni fuq il-konvenzjoni ta’ Gdansk.
• Id-deċiżjoni tadotta l-ftehim f’isem il-Komunità Ewropea (issa l-UE).

PUNTI EWLENIN

Prinċipji u proċeduri

Il-ftehim jiżgura kooperazzjoni bejn iż-żewġ partijiet fejn il-ħut jemigra bejn iż-żoni ekonomiċi esklużivi* tagħhom stabbilita taħt il-Konvenzjoni tan-Nazzjonijiet Uniti dwar il-Liġi tal-Baħar. Huwa jistabbilixxi prinċipji u proċeduri għal dik il-kooperazzjoni li tinkludi:

• miżuri ta’ ġestjoni konġunta;
• arranġamenti ta’ liċenzjar;
• konformità ma’ miżuri ta’ konservazzjoni u ġestjoni u regoli oħra tas-sajd;
• kooperazzjoni dwar miżuri ta’ kontroll u infurzar;
• spezzjonijiet;
• l-arrest u d-detenzjoni ta’ bastimenti;
• kooperazzjoni fil-qasam xjentifiku; u
• kooperazzjoni għall-konservazzjoni ta’ speċi anadromi u katadromi*.

Kumitat Konġunt għas-Sajd fil-Baħar Baltiku

Il-ftehim jeħtieġ li l-partijiet jistabbilixxu kumitat konġunt biex jiżgura li l-għanijiet tal-ftehim jinkisbu. Huwa jikkunsidra l-aspetti kollha tal-ambitu u l-applikazzjoni tal-ftehim u jipprovdi rakkomandazzjonijiet lill-partijiet. B’mod partikolari, il-kumitat:

• jeżamina l-iżvilupp u d-dinamika tal-istokkijiet tal-ħut fil-Baħar Baltiku u s-sajd li jużahom;
• jissorvelja l-implimentazzjoni, l-interpretazzjoni u l-operat bla xkiel tal-ftehim, b’mod partikolari r-regoli dwar il-kontroll, l-infurzar u l-ispezzjoni;
• jiżgura kooperazzjoni dwar kwistjonijiet ta’ interess komuni relatati mas-sajd;
• iservi bħala forum għar-riżoluzzjoni bonarja ta’ kwalunkwe tilwim dwar l-interpretazzjoni jew l-applikazzjoni tal-ftehim.

MINN META JAPPLIKA R-REGOLAMENT?

Ir-regolament u l-ftehim ilhom japplikaw mill-4 ta’ Ġunju 2009.

SFOND

Ir-relazzjonijiet politiċi, kulturali u ekonomiċi bejn l-UE u r-Russja huma bbażati fuq Ftehim ta’ Sħubija u Kooperazzjoni.

Aktar informazzjoni:

• Is-sajd (Kummissjoni Ewropea).

TERMINI EWLENIN

DOKUMENTI PRINĊIPALI

Regolament tal-Kunsill (KE) Nru 439/2009 tat-23 ta’ Marzu 2009 dwar il-konklużjoni tal-Ftehim bejn il-Komunità Ewropea u l-Gvern tal-Federazzjoni Russa dwar il-kooperazzjoni fis-sajd u l-konservazzjoni tar-riżorsi ħajjin tal-Baħar Baltiku (ĠU L 129, 28.5.2009, p.1)

Ftehim bejn il-Komunità Ewropea u l-Gvern tal-Federazzjoni Russa dwar il-kooperazzjoni fis-sajd u l-konservazzjoni tar-riżorsi ħajjin tal-Baħar Baltiku (ĠU L 129, 28.5.2009, p. 2-7)

DOKUMENTI RELATATI

Deċiżjoni tal-Kunsill 2004/890/KE tal-20 ta’ Diċembru 2004 dwar l-irtirar tal-Komunità Ewropea mill-Konvenzjoni dwar is-Sajd u l-Konservazzjoni tar-Riżorsi Ħajjin fil-Baħar Baltiku l-Ibħra ta’ Madwaru (ĠU L 375, 23.12.2004, p. 27)

Deċiżjoni tal-Kunsill 98/392/KE tat-23 ta’ Marzu 1998 li tirrigwarda l-konklużjoni mill-Komunità Ewropea tal-Konvenzjoni tan-Nazzjonijiet Uniti tal-10 ta’ Diċembru 1982 dwar il-Liġi tal-Baħar u l-Ftehim tat-28 ta’ Lulju 1994 li għandu x’jaqsam mal-implimentazzjoni tal-Parti XI tiegħu (ĠU L 179, 23.6.1998, p. 1-2)

Emendi suċċessivi għad-Deċiżjoni 98/392/KE ġew inkorporati fit-test bażiku. Din il-verżjoni konsolidata għandha valur dokumentarju biss.

Il-Konvenzjoni tan-Nazzjonijiet Uniti dwar il-Liġi tal-Baħar u l-Ffehim dwar l-Implimentazzjoni tal-Parti XI tagħha — Il-Konvenzjoni tan-Nazzjonijiet Uniti dwar il-Liġi tal-Baħar (ĠU L 179, 23.6.1998, p. 3-134)

Ftehim dwar is-sħubija u l-kooperazzjoni li tistabbilixxi sħubija bejn il-Komunitajiet Ewropej u l-Istati Membri tagħhom, minn naħa, u l-Federazzjoni Russa, min-naħa l-oħra — Protokoll 1 dwar l-istabbiliment tal-grupp ta’ kuntatt tal-faħam u tal-azzar — Protokoll 2 dwar assistenza amministrattiva reċiproka għall-applikazzjoni korretta tal-leġiżlazzjoni doganali — Att Finali (ĠU L 327, 28.11.1997, p. 3-69)

Konvenzjoni dwar is-sajd u l-konservazzjoni tar-riżorsi ħajja fil-Baħar Baltiku u l-Ibħra ta’ Madwaru (ĠU L 237, 26.8.1983, p. 5-8)

l-aħħar aġġornament 08.01.2019