EUR-Lex Access to European Union law
This document is an excerpt from the EUR-Lex website
Document 52009PC0579
Amended proposal for a Regulation of the European Parliament and of the Council laying down harmonisation conditions for the marketing on the construction products (Text with EEA relevance) (presented by the Commission pursuant to Article 250 (2) of the EC Treaty)
Proposta emendata għal regolament tal-Parlament Ewropew u tal-Kunsill li jistabbilixxi kundizzjonijiet għall-armonizzazzjoni għall-kummerċjalizzazzjoni tal-prodotti għall-kostruzzjoni (Test b’rilevanza għaż-ŻEE) (preżentat mill-Kummissjoni b’mod konformi ma’ l-Artikolu 250 (2) tat-Trattat KE)
Proposta emendata għal regolament tal-Parlament Ewropew u tal-Kunsill li jistabbilixxi kundizzjonijiet għall-armonizzazzjoni għall-kummerċjalizzazzjoni tal-prodotti għall-kostruzzjoni (Test b’rilevanza għaż-ŻEE) (preżentat mill-Kummissjoni b’mod konformi ma’ l-Artikolu 250 (2) tat-Trattat KE)
/* KUMM/2009/0579 finali - COD 2008/0098 */
Proposta emendata għal regolament tal-Parlament Ewropew u tal-Kunsill li jistabbilixxi kundizzjonijiet għall-armonizzazzjoni għall-kummerċjalizzazzjoni tal-prodotti għall-kostruzzjoni (Test b’rilevanza għaż-ŻEE) (preżentat mill-Kummissjoni b’mod konformi ma’ l-Artikolu 250 (2) tat-Trattat KE) /* KUMM/2009/0579 finali - COD 2008/0098 */
[pic] | KUMMISSJONI TAL-KOMUNITAJIET EWROPEJ | Brussel 20.10.2009 KUMM(2009) 579 finali 2008/0098 (COD) Proposta emendata għal REGOLAMENT TAL-PARLAMENT EWROPEW U TAL-KUNSILL li jistabbilixxi kundizzjonijiet għall-armonizzazzjoni għall-kummerċjalizzazzjoni tal-prodotti għall-kostruzzjoni (Test b’rilevanza għaż-ŻEE) (preżentat mill-Kummissjoni b’mod konformi ma’ l-Artikolu 250 (2) tat-Trattat KE) 2008/0098 (COD) Proposta emendata għal REGOLAMENT TAL-PARLAMENT EWROPEW U TAL-KUNSILL li jistabbilixxi kundizzjonijiet għall-armonizzazzjoni għall-kummerċjalizzazzjoni tal-prodotti għall-kostruzzjoni (Test b’rilevanza għaż-ŻEE) 1. STORJA TAL-PROPOSTA L-adozzjoni tal-proposta mill-Kummissjoni: it-23 ta' Mejju 2008 Trażmissjoni tal-Proposta lill-Kunsill u l-Parlament Ewropew - COM(2008)311 - A6-0068/2009-2008/0098(COD) - skont l-Artikolu 95 tat-Trattat: it-23 ta’ Mejju 2008 Opinjoni tal-Parlament Ewropew - l-ewwel qari: l-24 ta’ April 2009 Opinjoni tal-Kumitat Ekonomiku u Soċjali Ewropew: il-25 ta' Frar 2009 Fis-sessjoni tiegħu ta’ bejn il-21 u l-24 ta' April 2009, il-Parlament Ewropew approva fl-ewwel qari r-rapport tas-Sinjura Neris b’102 emendi, bi 390 vot favur, erba' (4) kontra u sitt (6) astensjonijiet. 2. GĦAN TAL-PROPOSTA TAL-KUMMISSJONI F'Ottubru 2005, il-Kummissjoni nediet programm evoluttiv ta' tliet snin għas-simplifikazzjoni bħala parti mir- Regolamentazzjoni Aħjar : Strateġija ta' Simplifikazzjoni . L-għan kien li l-leġiżlazzjoni ma tkunx daqshekk ta' piż, tkun iktar faċli biex tiġi applikata u għalhekk iktar effettiva, speċjalment billi jitqies jekk l-approċċ magħżul oriġinarjament kienx l-iktar wieħed effettiv biex jinkisbu l-għanijiet tal-leġiżlazzjoni. Is-simplifikazzjoni tad-Direttiva tal-Kunsill 89/106/KEE, id-Direttiva dwar il-Prodotti tal-Kostruzzjoni – minn hawn 'il quddiem CPD (Construction Products Directive) - hija waħda mill-inizjattivi f'din l-Istrateġija. Is-CPD għandha l-għan li tiżgura ċ-ċirkolazzjoni u l-użu ħielsa tal-prodotti tal-kostruzzjoni fis-Suq Intern. Billi l-prodotti tal-kostruzzjoni huma prodotti intermedji maħsuba biex jiġu inkorporati fix-xogħlijiet tal-kostruzzjoni, il-kunċett tas-sikurezza japplika għal dawk il-prodotti sal-punt li jikkontribwixxu għas- sikurezza tax-xogħlijiet . Din l-ispeċifiċità tispjega li s-CPD tilħaq il-mira tagħha billi tiddefinixxi mezzi armonizzati biex tesprimi r-rendiment tal-prodott b'mod preċiż u affidabbli, minflok ma tarmonizza r-rekwiżiti tas-sikurezza tal-prodott, kif inhu l-każ fid-Direttivi tal-Approċċ il-Ġdid. L-għan tal-proposta tal-Kummissjoni huwa li tissostitwixxi s-CPD b'Regolament, bl-iskop li l-miri ta' din il-leġiżlazzjoni Komunitarja jiġu definiti aħjar u l-implimentazzjoni tagħha tkun iktar faċli u iktar effiċjenti. Bħala parti mill-inizjattiva tar-Regolamentazzjoni Aħjar, il-proposta biħsieba tiċċara l-kunċetti bażiċi u l-użu tal-marki CE; tintroduċi proċeduri simplifikati sabiex jitnaqqsu l-ispejjeż imġarrba mill-intrapriżi, partikolarment l-SMEs; u li żżid il-kredibilità tas-sistema sħiħa billi timponi kriterji ġodda u iktar stretti għall-korpi involuti fil-valutazzjoni u l-verifika tal-uniformità tar-rendiment tal-prodotti tal-kostruzzjoni. Iktar speċifikament, l-għan tal-proposta huwa li tiżgura informazzjoni preċiża u affidabbli dwar il-prodotti tal-kostruzzjoni fir-rigward tar-rendiment tagħhom. Dan jinkiseb permezz ta' sistema magħmula minn żewġ elementi ewlenin: minn naħa l-waħda, ġabra ta' speċifikazzjonijiet tekniċi armonizzati, standards armonizzati u Dokumenti Ewropej tal-Valutazzjoni (EAD – European Assessment Documents), li jipprovdu l-metodi għall-valutazzjoni tar-rendiment tal-prodotti u, min-naħa l-oħra, għadd ta' Korpi Notifikati u Korpi tal-Valutazzjoni Teknika maħtura skont kriterji tekniċi definiti strettament, li jikkontribwixxu għall-applikazzjoni korretta ta' dawn il-metodi. 3. OPINJONI TAL-KUMMISSJONI DWAR L-EMENDI TAL-PARLAMENT EWROPEW 3.1. Ħarsa ġenerali A. Il-Kummissjoni qieset li jkun xieraq li jiġi aċċettat għadd kbir ta' emendi approvati mill-Parlament billi dawn ma jimmodifikawx is-sustanza prinċipali tal-proposta inizjali tal-Kummissjoni: ħafna drabi wkoll jikkontribwixxu billi jtejbuha u jagħmluha iktar preċiża. Filwaqt li laqgħet dawn l-emendi, il-Kummissjoni ppreferiet, f'ċerti każijiet, li tuża formolazzjoni kemxejn differenti. Mill-bidliet aċċettati mill-Kummissjoni, l-Emendi 17 u 70, li jħassru l-premessa 17 u jimmodifikaw l-Artikolu 21, introduċew l-iktar bidliet sostanzjali importanti fil-proposta tal-Kummissjoni. Il-Parlament hawnhekk illimta l-użu ta' Valutazzjonijiet Tekniċi Ewropej (ETAs) biss għal sitwazzjonijiet fejn il-prodott ikkonċernat mhuwiex kopert jew kopert kompletament minn standard armonizzat. Fid-dawl tal-karattru speċifiku tal-istandards armonizzati f'dan il-kuntest (standards ibbażati fuq ir-rendiment), il-Kummissjoni tista' taċċetta dawn l-emendi, u fl-istess ħin ma tmurx kontra l-għan ewlieni tal-proposta. B. Min-naħa l-oħra, ċerti emendi ma setgħux jiġu aċċettati billi dawn kienu jibdlu s-sustanza tal-proposta tal-Kummissjoni b'mod li ma jkunux kompatibbli mal-għanijiet ippreżentati hawn fuq. Fost ir-raġunijiet li wasslu għar-rifjut ta' dawn l-emendi, ta' min jinnota l-inkonsistenza evidenti tagħhom, f'bosta każijiet, mal-prinċipji ġenerali tal-Pakkett tas-Suq Intern għall-Oġġetti. Barra minn hekk, il-karattru orizzontali tal-emendi xi kultant ma qabilx man-natura settorjali tal-proposta tal-Kummissjoni. Jekk xi wħud minn dawn l-emendi jiġu aċċettati, ikun hemm inkoerenza interna fil-proposta sħiħa wkoll. C. Fl-aħħar nett, serje ta' emendi ma ġewx aċċettati minħabba l-implikazzjonijiet diretti sinifikanti tagħhom fuq is-sustanza tal-proposta. L-iktar importanti jikkonċernaw l-aspetti li ġejjin: a) l-obbligu stabbilit għall-manifatturi biex iwaħħlu l-marka CE anki fin-nuqqas ta' dikjarazzjoni reali ta' prestazzjoni (DoP) bi kwalunkwe kontenut, billi ma jeżisti l-ebda rekwiżit regolatorju għal dikjarazzjoni bħal din; dan kieku jwassal għal marka CE bla sinifikat li ma tistax tiġi aċċettata u, barra minn hekk, jimponi piż bla bżonn fuq l-intrapriżi; b) obbligu li jiġi ddikjarat il-kontenut fuq sustanzi perikolużi, lil hinn mill-obbligi ta' REACH u li ġie introdott mingħajr ebda ġustifikazzjoni jew stima tal-impatt; c) il-possibilità li jinżammu l-marki nazzjonali flimkien mal-marki CE. F'dan ir-rigward, il-vot fil-Plenarja jirrappreżenta pass fid-direzzjoni t-tajba, billi l-Emenda 54 għall-Artikolu 7, li tiftaħ din it-triq ma ġietx aċċettata: madankollu, l-Emenda 17 marbuta mal-premessa 30 korrispondenti nżammet. D. Il-Kunsill kompla xogħolhom, bil-ħsieb li jtejjeb il-kwalità teknika tal-proposta u jiddefinixxi l-mandat għall-Presidenzi għal iktar negozjati mal-Parlament. Il-Kunsill indirizza l-biċċa l-kbira tal-emendi tal-Parlament, u indikattivament ma qabilx ma’ parti kbira minnhom. Min-naħa l-oħra, il-progress li sar fil-Kunsill sa ċertu punt irrifletta wkoll il-kontenut tal-emendi tal-Parlament, u b'hekk witta t-triq għat-twaqqif ta' bażi komuni solida għall-mixja lejn kompromess fit-tieni qari bejn l-Istituzzjonijiet fuq din il-proposta. Il-Kummissjoni tilqa' bi pjaċir l-isforzi kollha ta' dan it-tip li jiffaċilitaw il-ħidma li baqa'. 3.2. Analiżi tal-emendi Emenda 1 – Premessa 1 B'din l-emenda, il-Parlament xtaq jenfasizza l-valuri ambjentali fil-kuntest tal-kostruzzjoni. Għan bħal dan huwa aċċettabbli fil-prinċipju; madankollu, id-distinzjoni bejn ambjent "naturali" u "magħmul mill-bniedem" ma tidhirx li hija xierqa hawnhekk. Minħabba dan, il-frażjoloġija tqieset mill-ġdid sabiex ma tinkludix id-distinzjoni msemmija. Ir-regoli tal-Istati Membri jeħtieġu li x-xogħlijiet tal-kostruzzjoni jitfasslu u jitwettqu sabiex ma jipperikolawx is-sigurtà ta' persuni, annimali domestiċi u proprjetà u lanqas ma jagħmlu ħsara lill-ambjent . Emenda 124 - il-Premessa 7 a (ġdida) L-iskop ta' din il-premessa ġdida, li tiċċara l-wisa' tal-kunċett "forniment ta' prodott għall-kostruzzjoni għad-distribuzzjoni jew l-użu fis-suq Komunitarju" inkluż fl-Artikolu 2(5), jista’ jiġi appoġġat. Ukoll, il-kjarifika li l-manifatturi jinkorporaw il-prodotti tal-kostruzzjoni tagħhom fix-xogħlijiet għandhom ikunu permessi, iżda mhux obbligati, jiddikjaraw ir-rendiment ta’ dawn il-prodotti, jixraq li tiġi enfasizzata b’dan il-mod. Skont il-fehma tal-Kummissjoni, din il-premessa tagħmel żidiet simili lill-Artikolu 2(5) stess inutli, u għalhekk tippermetti li tinżamm koerenza mad-definizzjonijiet inklużi fil-Pakkett tas-Suq Intern għall-Oġġetti. Madankollu, bil-għan tal-loġika interna tal-premessi, jidher li jkun aħjar jekk dan it-test ġdid jiddaħħal wara l-premessa inizjali 21. Ara l-Premessa 21c 21c) Prodotti magħmula fis-sit tax-xogħlijiet tal-kostruzzjoni ma għandhomx jitqiesu li jaqgħu fl-ambitu tal-kunċett tal-forniment tal-prodotti tal-kostruzzjoni fis-suq Komunitarju. Il-manifatturi li jinkorporaw il-prodotti tal-kostruzzjoni tagħhom fix-xogħol għandhom ikunu permessi iżda mhux obbligati jiddikjaraw il-prestazzjoni ta’ dawn il-prodotti skont dan ir-Regolament. L-Emenda 2 - il-Premessa 8a (ġdida) L-għan ta’ din iż-żieda jidher li hu li tenfasizza l-ħtieġa għall-kunsiderazzjoni tal-aspetti tas-saħħa u s-sikurezza marbuta mal-użu ta’ prodott tal-kostruzzjoni matul iċ-ċiklu kollu tal-ħajja tiegħu. Għalhekk, il-Kummissjoni tappoġġa dawn l-għanijiet u ddeċidiet li taċċetta din l-emenda fil-prinċipju. Madankollu, ġiet riformulata ftit sabiex tiffoka biss fuq dan l-aspett. Barra minn hekk, skont l-opinjoni tal-Kummissjoni, dan it-test miżjud aħjar jekk jitpoġġa wara l-premessa inizjali 14. Ara l- Premessa 14 L-Emenda 4 - il-Premessa 11a (ġdida) L-Emenda 4 hija marbuta mad-Dikjarazzjonijiet tal-Prodotti Ambjentali (EPD) iżda ma tikkorrispondi ma’ l-ebda Artikolu billi dawn ma jissemmew imkien fil-proposta għalkemm ġew inklużi fil-ħidma li għaddejja tal-istandardizzazzjoni bbażata fuq mandat. Barra minn hekk, s’issa ġew previsti biss għall-użu volontarju. Minħabba dan, din l-emenda ġiet riformulata kif ġej fl-inkorporazzjoni fil-proposta emendata tal-Kummissjoni. Barra minn hekk, skont il-fehma tal-Kummissjoni, dan it-test miżjud ikun aktar xieraq jekk jitqiegħed bħala premessa ġdida bin-numru 43c (dik miżjuda mill-Parlament b'dan l-istess numru ssir il-premessa 43b). Ara l- Premessa 43c (43c) L-użu ta’ Dikjarazzjonijiet tal-Prodotti Ambjentali meta disponibbli, għandu jitħeġġeġ fil-kuntest tal-evalwazzjoni tas-sostenibilità tal-użu tar-riżorsi u l-impatt tax-xogħlijiet tal-kostruzzjoni fuq l-ambjent. L-Emenda 125 - il-Premessa 11b (ġdida) Din il-premessa ġdida għandha l-għan li tinkorpora l-użu fi standards armonizzati ta’ klassijiet ta’ prestazzjoni fir-rigward tal-karatteristiċi essenzjali tal-prodotti tal-kostruzzjoni, fil-linji inizjalment inklużi fil-premessa 12. L-inkoraġġiment tagħha b’dan il-mod approvat mill-Parlament jista’ jiġi appoġġat bis-sħiħ mill-Kummissjoni. Billi dawn il-kunċetti joqogħdu aħjar hawnhekk, l-emenda tal-Parlament ittejjeb il-kwalità tal-proposta: ovvjament, huwa propost it-tħassir korrispondenti għall-premessa 12. Xi aġġustamenti editorjali insinifikanti ħafna ġew issuġġeriti lill-verżjoni tal-Parlament, sabiex it-test jiġi ssimplifikat. - Billi huwa propost li l-emenda preċedenti, bin-numru 11a hawn fuq, tiċċaqlaq xi mkien ieħor kif spjegat, il-premessa l-ġdida kkonċernata tista’ għalhekk issir il-premessa 11a tal-proposta emendata. 11a) Meta jkun xieraq, għandu jkun hemm inkoraġġiment biex il-klassijiet tal-prestazzjoni marbuta mal-karatteristiċi essenzjali tal-prodotti tal-kostruzzjoni jintużaw fl-istandards armonizzati, sabiex jitqiesu l-livelli differenti tar-rekwiżiti bażiċi tax-xogħol għal ċerti xogħlijiet kif ukoll id-differenzi fil-klima, il-ġeoloġija u l-ġeografija, u kundizzjonijiet oħra differenti prevalenti fl-Istati Membri. Il-korpi Ewropej tal-istandardizzazzjoni għandhom ikunu intitolati jistabbilixxu dawn il-klassijiet fil-każijiet fejn il-Kummissjoni ma tkunx diġà stabbiliethom, fuq il-bażi ta' mandat rivedut. Il-Premessa 12 Fejn l-użu aħħari intenzjonat jirrikjedi livelli minimi ta' prestazzjoni f'relazzjoni ma' kwalunkwe karatteristika essenzjali, li għandhom jintlaħqu mill-prodotti għall-kostruzzjoni fl-Istati Membri, dawn il-livelli għandhom ikunu stabbiliti fi speċifikazzjonijiet tekniċi armonizzati. ( IMĦASSAR : sabiex jittieħed kont tal-livelli differenti tal-ħtiġijiet tax-xogħlijiet bażiċi għal ċerti xogħlijiet kif ukoll tad-differenzi fil-klima, fil-ġeoloġija u fil-ġeografija u kundizzjonijiet differenti oħrajn li jipprevalu fl-Istati Membri.) Emenda 5 – Premessa 14 It-test miżjud lil din il-premessa jikkonċerna ż-żieda fil-kopertura tal-istandards armonizzati; prinċipju li kif inhu jista' jiġi appoġġat. Il-premessa ġiet riformulata ftit, sabiex twessa' l-ambitu ta' dawn l-isforzi għall-atturi relevanti kollha (minflok il-Kummissjoni biss), u biex jiġi introdott espliċitament hawnhekk ukoll l-għan tat-trasferiment tal-prodotti tal-kostruzzjoni, li għalihom l-użu tal-linji gwida għall-approvazzjonijiet tekniċi Ewropej (ETAGs) jew EADs kienu jikkostitwixxu bażi suffiċjenti ta' esperjenza, skont standards armonizzati. Barra minn hekk, skont il-Kummissjoni, dan it-twessigħ tal-ambitu ta' din iż-żieda jrendi mingħajr użu l-emendi simili proposti mill-Parlament lill-Artikoli 20 (ara l-Emenda 120, iż-żieda tal-paragrafu 3a ġdid lil dan l-Artikolu) u 53 (ara l-Emenda 89, it-tieni sottoparagrafu li se jiżdied lil dan l-Artikolu). Barra mit-test il-ġdid, miżjud kif spjegat hawn fuq, li ddaħħal bħala r-raba' sottoparagrafu ta' din il-premessa, il-premessa emendata tal-Kummissjoni tinkludi wkoll żewġ sottoparagrafi ġodda oħra: It-tieni wieħed jikkonċerna l-kunċett " prestazzjoni " li skont il-Kummissjoni aħjar jiġi deskritt hawnhekk milli jiġi definit fl-Artikolu 2 (ara l-Emenda 27, hawn taħt). It-tielet sottoparagrafu jikkorrispondi, kif spjegat hawn fuq (ara l-Emenda 2), għall-premessa 8a, li l-Parlament issuġġerixxa li tiżdied mal-proposta. Dawk l-istandards armonizzati għandhom jipprovdu l-għodod adatti għall-valutazzjoni armonizzata tal-prestazzjoni f'relazzjoni mal-karatteristiċi essenzjali tal-prodotti għall-kostruzzjoni. L-istandards armonizzati għandhom ikunu stabbiliti fuq il-bażi ta' mandati adottati mill-Kummissjoni, li jkopru l-familji rilevanti ta' prodotti għall-kostruzzjoni, skont l-Artikolu 6 tad-Direttiva 98/34/KE. F'dan il-kuntest, il-prestazzjoni ta' prodott tal-kostruzzjoni għandha tinftiehem bħala l-prestazzjoni fir-rigward tal-karatteristiċi essenzjali, espressa bil-livelli jew il-klassijiet, jew f'deskrizzjoni. Fl-evalwazzjoni tal-prestazzjoni ta' prodott tal-kostruzzjoni, għandhom jitqiesu wkoll l-aspetti tas-saħħa u s-sikurezza marbuta mal-użu tiegħu fiċ-ċiklu sħiħ tal-ħajja tiegħu. Il-firxa ta' prodotti tal-kostruzzjoni koperti mill-istandards armonizzati għandha titwessa' partikolarment fejn xieraq billi jkun hemm mandat li dawn jiġu żviluppati fuq il-bażi tal-EADs jew l-ETAGs eżistenti. Emenda 8 – Premessa 16 L-Emenda 8 għandha l-iskop li tħassar l-użu parrallel tal-ETAs u l-istandards armonizzati, jiġifieri li tirrestrinġi l-għoti tal-ETAs għal każijiet fejn il-prodotti tal-kostruzzjoni kkonċernati ma jkunux koperti jew mhux koperti kompletament minn standards armonizzati. Il-Kummissjoni issa qed tappoġġaha, bi ftit tibdil editorjali tal-kliem. - Barra minn hekk, biex ikun hemm konsistenza mal-bqija tal-proposta, ir-referenza għal "importaturi" għandha titneħħa u l-kliem għandu jiġi rivedut billi l-manifatturi biss għandhom ikunu intitolati jew obbligati jagħmlu dikjarazzjoni tal-prestazzjoni u li jwaħħlu l-marka CE fuq il-prodotti tagħhom. Sar xi tibdil simili wkoll għall-premessi 18 u 22, kif ukoll għall-Artikoli 4 u 12, u l-Anness II. Sabiex il-manifatturi ( IMĦASSAR : u l-importaturi) tal-prodotti għall-kostruzzjoni jkunu jistgħu jfasslu dikjarazzjoni ta' prestazzjoni għall-prodotti għall-kostruzzjoni li mhumiex koperti jew li mhux kompletament koperti minn standard armonizzat huwa meħtieġ li tkun prevista Valutazzjoni Teknika Ewropea. Emenda 9 – Premessa 17 Din l-emenda, billi hija konformi bis-sħiħ mal-premessa 16, kif tirriżulta mill-emenda 8 tal-Parlament, hija aċċettata wkoll. IMĦASSAR Emenda 11 - Premessa 20, l-ewwel parti ("Il-Korpi għal Valutazzjoni Teknika ... Valutazzjonijiet Tekniċi Ewropej”) It-test miżjud mill-ewwel parti ta' din l-emenda lill-premessa 20 jenfasizza l-prinċipju tat-trasparenza fil-kuntest tal-istabbiliment ta' EADs u l-għoti ta' ETAs. L-idea tista' tiġi appoġġata, speċjalment fid-dawl tal-parti tal-manifattur fil-proċedura. Madankollu, skont il-Kummissjoni, il-kliem jista' jibbenefika minn xi aġġustamenti, minn naħa biex titqies l-importanza iktar ġenerali tat-trasparenza f'dan il-kuntest, iżda min-naħa l-oħra biex tiġi eżerċitata l-prudenza partikolarment minħabba l-kwistjonijiet ta' kunfidenzjalità involuti. Għalhekk, huwa propost li dawn l-għanijiet apparentement kunfliġġenti jikkoinċidu mat-test miżjud fit-tarf tal-premessa. Il-Korpi għal Valutazzjoni Teknika għandhom jistabbilixxu organizzazzjoni biex tikkoordina l-proċeduri għall-istabbiliment ta' (IMĦASSAR: abbozz) tal-EADs u biex jinħarġu l-Valutazzjonijiet Tekniċi Ewropej, biex b'hekk jiġu żgurati t-trasparenza u l-kunfidenzjalità meħtieġa għal dawn il-proċeduri. . Emenda 18 - il-Premessa 33 a (ġdida) Din il-premessa ġdida għandha l-għan li teskludi l-importaturi mill-ambitu tal-Artikoli 26-28. L-idea fil-prinċipju hija aċċettabbli, iżda skont il-Kummissjoni, jeħtieġ li l-kliem approvat mill-Parlament jinbidel ftit. Din il-kwistjoni torbot ukoll l-emendi tal-Parlament 77 u 83 hawn taħt, li jżidu paragrafi ġodda lill-Artikoli 26 u 27 għal dan l-iskop: jidher li jkun aħjar jekk ma jiġux ripetuti dawn l-istess prinċipji f'dawn il-kuntesti, iżda minflok li din il-kwistjoni tiġi ċċarata darba għal dejjem fil-premessa l-ġdida kkonċernata. Barra minn hekk, skont l-opinjoni tal-Kummissjoni, dan it-test miżjud ikun aħjar jekk jitqiegħed bħala premessa ġdida wara l-premessa inizjali 34, bin-numru 34a. Ara l- Premessa 34a Sabiex jissaħħaħ l-impatt tal-miżuri tas-sorveljanza tas-suq, il-proċeduri simplifikati kollha previsti għall-valutazzjoni tal-prestazzjoni tal-prodotti tal-kostruzzjoni għandhom japplikaw biss lil persuni naturali jew legali li jimmanifatturaw il-prodotti li jqiegħdu fis-suq. Emenda 21 - il-Premessa 43 a (ġdida) L-Emenda 21 tixtieq tenfasizza bis-saħħa l-ħtieġa inevitabbli għal kampanji informattivi komprensivi wara l-adozzjoni tal-proposta. Kif inhi, din tista' tiġi appoġġata: din il-kwistjoni diġà ġiet inkluża fil-programm ta' ħidma tal-Kummissjoni. Wieħed jista' jħares lejha wkoll bħala appoġġ għall-bżonnijiet ovvji ta’ riżorsi umani u finanzjarji addizjonali għal attivitajiet ġodda bħal dawn tal-Kummissjoni. Fil-proposta emendata ġie inkluż tibdil editorjali insinifikanti ħafna lill-kliem approvati mill-Parlament. Il-Kummissjoni u l-Istati Membri għandhom, f'kollaborazzjoni mal-partijiet interessati, iniedu kampanji tal-informazzjoni biex jinfurmaw lis-settur tal-kostruzzjoni, partikolarment l-operaturi ekonomiċi u l-utenti tal-prodotti tal-kostruzzjoni, dwar l-istabbiliment ta' lingwa teknika komuni, id-distribuzzjoni tar-responsabbiltajiet bejn l-operaturi ekonomiċi individwali u l-utenti, it-twaħħil tal-marka CE lill-prodotti tal-kostruzzjoni, ir-reviżjoni tar-rekwiżiti bażiċi tax-xogħlijiet u s-sistemi ta' valutazzjoni u verifika tal-konsistenza tal-prestazzjoni. Emenda 23 - Premessa 43 c (ġdida) Din il-premessa ġdida tressaq il-kontenut tar-rekwiżit tax-xogħol bażiku 7. Fil-prinċipju, jista' jiġi appoġġat iżda jqajjem xi mistoqsijiet (ma ġewx issuġġeriti rekwiżiti bażiċi tax-xogħol oħra għal trattament simili fil-premessi). Barra minn hekk, l-addizzjoni rispettiva u aċċettabbli lill-Anness I innifsu mill-Emenda 93 tal-Parlament ma tqisitx hawnhekk. Għalhekk, ġew inklużi xi aġġustamenti fil-proposta emendata tal-Kummissjoni. - Bħal fl-emenda preċedenti tal-Parlament, il-premessa bin-numru 43b, mhix proposta li tiġi inkluża, il-premessa l-ġdida kkonċernata għalhekk tista' ssir il-premessa 43b tal-proposta emendata, u b'hekk tħalli post għal premessa ġdida oħra tal-Parlament, issuġġerita bħala l-premessa 11a, li għandha titqiegħed bħala l-premessa 43c. L-iżvilupp tar-rekwiżit bażiku tax-xogħol 7 dwar "l-użu sosàtenibbli tar-riżorsi naturali" għandu partikolarment iqis ir-riċiklabilità tax-xogħlijiet tal-kostruzzjoni, il-materjal u l-partijiet tagħhom wara d-demolizzjoni, id-durabilità tax-xogħlijiet tal-kostruzzjoni u l-użu ta' materja prima u sekondarja ambjentalment kompatibbli fix-xogħlijiet tal-kostruzzjoni. Emenda 24 - l-Artikolu 1 L-Emenda 24 tixtieq tiċċara iktar is-suġġett tal-proposta b'mod kompletament aċċettabbli mill-Kummissjoni. Madankollu, skont il-Kummissjoni il-kliem jista' jiġi aġġustat kemxejn, biż-żieda tal-kelma " armonizzat " fil-kuntest tar-regoli tal-istabbiliment. Dan ir-Regolament jistabbilixxi kundizzjonijiet għall-kummerċjalizzazzjoni ta' prodotti tal-kostruzzjoni bl-istabbiliment ta' regoli armonizzati dwar kif tkun espressa l-prestazzjoni ta' prodotti għall-kostruzzjoni f'relazzjoni mal-karatteristiċi essenzjali tagħhom u dwar l-użu tal-marka CE fuq dawk il-prodotti. Emenda 115 - l-Artikolu 2, punt 1 a (ġdid) Din id-definizzjoni l-ġdida tikkonċerna l-użu mnaqqas ta' ETAs u tgħin fid-distinzjoni tas-sitwazzjonijiet ikkonċernati. Billi dawn il-kjarifiki jtejbu l-kwalità tal-proposta, wara li tiġi emendata sostanzjalment bit-tneħħija tal-użu parallel ta' ETAs u hENs, il-Kummissjoni tista' tappoġġahom bis-sħiħ. Madankollu, post aħjar għal din il-premessa l-ġdida jidher li huwa fil-punt 12a (jekk wieħed isegwi n-numerazzjoni tal-proposta inizjali); Barra minn hekk, ġew inklużi xi suġġerimenti għal kif jitpoġġew il-kliem fil-proposta emendata sabiex ir-riżultat ikun iktar ċar u konċiż. Ara l-Artikolu 2, il-punt (12a) 12a. "prodott mhux kopert jew mhux kopert kompletament minn standard armonizzat" tfisser kull prodott tal-kostruzzjoni, li l-prestazzjoni tiegħu ma tistax tiġi evalwata kompletament, f’rabta mal-karatteristiċi essenzjali ta' dan il-prodott, skont standard armonizzat eżistenti, billi fost oħrajn: (a) il-prodott ma jaqa' fl-ambitu ta' ebda standard armonizzat eżistenti; jew (b) għallinqas għal karatteristika essenzjali waħda ta' dak il-prodott, il-metodu ta' valutazzjoni previst fl-istandard armonizzat mhuwiex adegwat; jew (c) l-istandard armonizzat ma fihx metodu ta' valutazzjoni fir-rigward ta' mill-inqas karatteristika essenzjali waħda ta' dak il-prodott; Emenda 27 - l-Artikolu 2, punt 3a (ġdid) L-Emenda 27 tikkonsisti fiż-żieda ta' definizzjoni ġdida għal " prestazzjoni ta' prodott tal-kostruzzjoni ". Sabiex din tiddaħħal, madankollu, il-kliem għandu jkun aħjar sabiex jakkomoda l-bżonnijiet reali għal din id-definizzjoni. F'dan il-kuntest, pjuttost bħal dawn li ġejjin, għandu jkun hemm koerenza bejn l-użu tal-kunċetti "valur", "livell", "klassi" u "limitu"'; u "individwu" ma jidhirx li għandu valur miżjud hawnhekk. Kollox ma' kollox, tqies l-aktar xieraq li din il-kwistjoni tiġi indirizzata fil-proposta emendata tal-Kummissjoni fil-premessi (ara l-premessa 14, fejn ġiet miżjuda). Ara l- Premessa 14 Emenda 116 - l-Artikolu 2, punt 3b (ġdid) Din id-definizzjoni l-ġdida tirrigwarda " livell ta' limitu ". Sabiex din tiddaħħal, madankollu, il-kliem għandu jkun aħjar sabiex jakkomoda l-bżonnijiet reali għal din id-definizzjoni. Il-kelma "karatteristika" tintuża hawnhekk fit-tifsira tal-kunċett "parametru". Għalhekk, sabiex ma jkunx hemm nuqqas ta' ftehim dwar il-konsegwenzi legali ta' dawn il-livelli ta' limitu minħabba d-differenzjar bejn dawk "tekniċi" u dawk "regolatorji", il-kliem għandu jiġi aġġustat. F'dan il-kuntest, pjuttost bħal dawk ta' ħdejh, għandu jkun hemm koerenza bejn l-użu tal-kunċetti "valur", "livell", "klassi" u "limitu": din torbot ukoll mal-Artikoli l-oħra (ara l-Artikoli 18 u 20). Fil-fatt, il-proposta emendata tal-Kummissjoni qed tissuġġerixxi li dan jiġi solvut billi jiddaħħal il-kontenut tal-emenda 27 tal-Parlament dwar "prestazzjoni" fil-premessi (ara l-premessa 14) kif ukoll billi tiġi introdotta definizzjoni ġdida oħra, dik ta' " livell ", bħala l-punt 3a. 3a. "livell" tfisser ir-riżultat tal-valutazzjoni tar-rendiment ta' prodott tal-kostruzzjoni f'rabta mal-karatteristiċi essenzjali, espress bħala valur numeriku; 3b. "livell ta' limitu" tfisser livell minimu jew massimu ta' prestazzjoni ta' prodott tal-kostruzzjoni, determinat fl-ispeċifikazzjonijiet tekniċi armonizzati. Emenda 117 - l-Artikolu 2, punt 3 c (ġdid) Din id-definizzjoni l-ġdida tikkonċerna l-kunċett " klassi ". Sabiex din tiddaħħal, madankollu, il-kliem għandu jkun aħjar sabiex jakkomoda l-bżonnijiet reali għal din id-definizzjoni. Il-kelma "karatteristika" tintuża hawnhekk fit-tifsira tal-kunċett "parametru". Għalhekk, il-kliem għandu jiġi aġġustat. F'dan il-kuntest, pjuttost bħal dawk ta' qabel, għandu jkun hemm koerenza bejn l-użu tal-kunċetti "valur", "livell", "klassi" u "limitu"'; 3c. "klassi" tfisser firxa ta' livelli, delimitati b'valur minimu u massimu, ta' prestazzjoni ta' prodott tal-kostruzzjoni; Emenda 30 - l-Artikolu 2, punt 4 a (ġdid) L-Emenda 30 iddaħħal definizzjoni ta' " Evalwazzjoni Teknika Ewropea " fil-proposta. L-idea hija aċċettata mill-Kummissjoni kif inhi. Madankollu, billi l-aħħar parti ta' din l-emenda tal-Parlament tidher li ma għadhiex meħtieġa, minħabba li l-istess kwistjoni ġiet inkluża fl-Artikoli korrispondenti ta’ promulgazzjoni, jinħtieġ xi tibdil fil-kliem għall-proposta emendata tal-Kummissjoni; barra minn hekk, l-aħjar post (fl-istruttura tal-proposta inizjali) għal din id-definizzjoni jidher li hu l-punt 13a. Ara l- Artikolu 2, punt 13a 13a. "Evalwazzjoni Teknika Ewropea" tfisser l-evalwazzjoni dokumentata tal-prestazzjoni ta' prodott tal-kostruzzjoni, f'rabta mal-karatteristiċi essenzjali, skont id-Dokument ta' Valutazzjoni Ewropea rispettiv; Emenda 39 - l-Artikolu 2, l-ordni tal-punti 4 b sa 4m (parzjalment ġdid) L-Emenda 39 tirrifletti x-xewqa tal-Parlament Ewropew li jqiegħed dawn id-definizzjonijiet f’ordni mibdula. Il-Kummissjoni tqis li din l-idea li l-ordni jiġi aġġustat hija pjuttost aċċettabbli, iżda kieku ma tagħmilhiex sakemm tkun iċċarat u ddeterminat liema definizzjonijiet finalment għandhom jiġu inklużi fit-test. Barra minn hekk, il-punti 1a sa 4a (fl-emendi tal-Parlament, kif diġà ssuġġerit parzjalment fuq) kif ukoll il-punt 16a sa 20 għandhom jitqiesu għall-inklużjoni f’dan l-aġġustament eventwli. Għalhekk, il-proposta emendata tal-Kummissjoni ma fiha ebda reazzjoni għall-Emenda 39 f’dan l-istadju. Emenda 36 - Artikolu 2, punt 4 c Din l-emenda għandha l-għan li żżid xi elementi ġodda ta' kjarifika fid-definizzjoni fil-punt 13 tal-proposta inizjali tal-Kummissjoni dwar l-EADs: għaldaqstant, l-ewwel parti tagħha tista' tiġi aċċettata. Min-naħa l-oħra, il-parti finali li tirrepeti r-restrizzjoni fl-ambitu tal-ħruġ tal-EADs tidher li hija superfluwa u ripetittiva hawnhekk. 13. "Dokument ta' Valutazzjoni Ewropea" tfisser dokument adottat mill-organizzazzjoni tal-Korpi għal Valutazzjoni Teknika, għall-iskop li jinħarġu Evalwazzjonijiet Tekniċi Ewropej. Emenda 33 - Artikolu 2, punt 4 e Fis-sekwenza tal-emendi tal-Parlament, din tikkorrispondi għall-punt 7 tal-proposta inizjali tal-Kummissjoni, li jittratta l-kunċett " manifattur ". Billi din l-emenda hija l-ewwel allinjament rikjest fit-test finali mal-aħħar diċitura tad-Deċiżjoni 768/2008/KE, il-Kummissjoni taċċettaha kif inhi. 7. "manifattur" tfisser kull persuna fiżika jew ġuridika li timmanifattura prodott għall-kostruzzjoni jew li twassal li prodott ikun manifatturat, u li jikkummerċjalizza l-prodott fis-suq f'ismu jew taħt il-marka tad-ditta tiegħu; Emenda 32 - Artikolu 2, punt 4 i Fis-sekwenza tal-emendi tal-Parlament, din tikkorrispondi għall-punt 5 tal-proposta inizjali tal-Kummissjoni, li jittratta l-kunċett " magħmula disponibbli fis-suq ". Il-proposta inizjali tal-Kummissjoni hija simili għall-kliem użati konsistentement fil-Pakkett tas-Suq Intern għall-Oġġetti. Għal din ir-raġuni wkoll, filwaqt li fil-prinċipju l-kjarifiki li l-Parlament jixtieq idaħħal hawnhekk taċċettahom, il-Kummissjoni tqis li din il-kwistjoni tiġi ttrattata aħjar fil-premessi biss (ara fuq, l-emenda 124, u l-premessa 21c tal-proposta emendata). Ara l-premessa 21c Emenda 34 - l-Artikolu 2, punt 16 a (ġdid) L-Emenda 34 tikkonsisti f’definizzjoni ġdida għal “ utent ". L-idea li tiżdied din id-definizzjoni lill-proposta hija aċċettabbli, iżda għandhom jitqiesu kif xieraq l-aspetti legali għar-responsabbiltajiet involuti. Għalhekk, jinħtieġu xi aġġustamenti lill-kliem issuġġeriti mill-Parlament, li jirriżulta fil-formolazzjoni tal-proposta emendata tal-Kummissjoni. Barra minn hekk, l-aħjar post għal dan it-test ġdid jidher li hu l-punt 11a fis-sekwenza inizjali tal-proposta. 11a. "utent” tfisser kull persuna naturali jew legali responsabbli, skont ir-regoli fis-seħħ fl-Istat Membru kkonċernat, għall-inkorporazzjoni sikura ta' prodott tal-kostruzzjoni fix-xogħlijiet tal-kostruzzjoni; Emenda 35 - l-Artikolu 2, punt 16 b (ġdid) Din l-emenda tressaq definizzjoni ġdida ta’ “ Korp għall-Valutazzjoni Teknika ” (TAB). Il-Kummissjoni tista’ taċċettaha fil-prinċipju basta jiġi aġġustati l-kliem użati: l-aħħar parti tat-test tal-Parlament, li tirrepeti r-restrizzjoni fl-ambitu li jinħarġu EADas, tidher superfluwa hawnhekk. Barra minn hekk, l-aħjar post għal dan it-test ġdid jidher li hu l-punt 12B fis-sekwenza inizjali tal-proposta. 12b. “Korp ta’ Valutazzjoni Teknika” tfisser korp maħtur minn Stat Membru biex jieħu sehem fl-iżvilupp ta’ Dokumenti ta’ Valutazzjoni Teknika u biex iwettaq il-ħidmiet marbuta mal-ħruġ tal-Valutazzjonijiet Tekniċi Ewropej; Emenda 40 - Artikolu 2, punt 18 L-Emenda 40 tixtieq tiċċara iktar id-definizzjoni ta’ “ kontroll tal-produzzjoni f’fabbrika ” billi żżidilha xi elementi ġodda Il-Kummissjoni taċċetta fil-prinċipju l-ħtieġa għal ċerti kjarifiki hawnhekk; madankollu, dawn l-elementi kollha miżjuda ma jidhrux ġustifikati kompletament billi xi wħud iġibu magħhom restrizzjonijiet eċċessivi. Barra minn hekk, l-użu ta’ xi kunċetti mhuwiex konformi mal-bqija tal-proposta u għalhekk jidher li jeħtieġ xi aġġustamenti. 18. "kontroll tal-produzzjoni f'fabbrika" tfisser il-kontroll intern permanenti dokumentat tal-produzzjoni f'fabbrika, skont l-ispeċifikazzjonijiet tekniċi armonizzati relevanti; ; Emenda 41 - l-Artikolu 2, punt 20 a (ġdid) L-Emenda 41 tikkonsisti f’definizzjoni ġdida għal “ kit ". L-idea li tiżdied din id-definizzjoni lill-proposta tista’ tiġi aċċettata iżda l-kliem jibbenefika minn xi kunsiderazzjonijiet, bil-ħsieb tal-ħtiġijiet prattiċi u l-esperjenzi mis-settur tal-kostruzzjoni matul l-applikazzjoni tas-CPD. Barra minn hekk, l-aħjar post għal dan it-test ġdid jidher li hu l-punt 1a fis-sekwenza inizjali tal-proposta. Cf. l- Artikolu 2, punt 1a 1a. “kit’ tfisser sett ta’ għallinqas żewġ komponenti separati li jeħtieġ jingħadqu flimkien biex jiġu installati fix-xogħlijiet Emenda 47 - Artikolu 5, paragrafu 2 punt c a (ġdid)): L-Emenda 47 tikkonsisti fil-kunċett ta’ użu “ġeneriku” intenzjonat. Il-Kummissjoni taċċetta din l-idea iżda għall-konsistenza mal-prassi attwali, l-espressjoni “l-użu ġeneriku intenzjonat” għandha tiġi sostitwita b’“użu intenzjonat aħħari”. Emenda Nru 50 - Artikolu 6, paragrafu 1, sottoparagrafu 1 L-Emenda 50 tikkonsisti fir-riformolazzjoni tal-Artikolu 6(1), li issa jipprova jagħmilha eħfef li wieħed iforni l-copji DoP elettronikament ukoll: il-bidla ċara lill-Artikolu 6(2) tidher li tindika x-xewqa tal-Parlament Ewropew li jagħti preferenza lil eSupply. Jekk din ir-riorjentazzjoni kellha tiġi aċċettata b'mod wiesa' fost l-Istati Membri wkoll, il-Kummissjoni ma tara ebda raġuni għalfejn għandha topponieha. Emenda Nru 51 - Artikolu 6, paragrafu 2 L-Emenda 51 hija konsistenti mal-emenda 50: din l-emenda tidher li tindika x-xewqa tal-Parlament Ewropew li jagħti preferenza lil eSupply. Jekk din ir-riorjentazzjoni kellha tiġi aċċettata b'mod wiesa' fost l-Istati Membri wkoll, il-Kummissjoni ma tara ebda raġuni għalfejn għandha topponieha. Madankollu, il-kliem għandu jittejjeb eż. il-kelma “produttur” tidher li mhix kunċett korrett hawnhekk. Emenda Nru 53 - Artikolu 7, paragrafu 1, sottoparagrafu 1 (“Il-marka CE ... ma tistax titwaħħal”) L-ewwel parti ta’ din l-Emenda 53 ma timmodifikax it-tifsira tal-proposta, iżda ma titqiesx li hija meħtieġa. Emenda 56 - l-Artikolu 8, paragrafu 4 a (ġdid) L-Emenda 56 ma fihiex problemi fis-sustanza. Madankollu, mhijiex meħtieġa billi jeżistu diġà klawżoli simili fir-Regolament 765/2008. Madankollu, jekk kellha tiġi inkluża, għandha tiġi riformulata aktar. Emenda 58 - l-Artikolu 9, paragrafu 1 a (ġdid) L-Emenda 58 tirrifletti x-xewqat tal-Parlament l-ewwel nett li jenfasizza l-indipendenza tal-Punti ta' Kuntatt tal-Prodott futuri (bħal fil-proposta emendata tal-Kummissjoni, "PCPs għall-Kostruzzjoni") u t-tieni li tobbliga lill-Kummissjoni li tfassal linji gwida għar-responsabbiltajiet tagħhom. Il-Kummissjoni taqbel fil-prinċipju maż-żewġ ideat; madankollu, jidher li xi tibdil fil-kliem huwa inevitabbli, meta jitqies partikolarment ir-rwol attwali u dak previst tal-Kumitat Permanenti għall-Kostruzzjoni. Kull klawżola li "tawtorizza” l-azzjonijiet diskrezzjonarji tal-Kummissjoni tista’ tinqara wkoll li tirrestrinġi kull kompetenza bħal din inħawi oħra, mingħajr dawn id-dispożizzjonijiet. Barra minn hekk, l-aspetti tal-indipendenza jistgħu jkunu koperti aħjar minn paragrafu separat: sabiex jiġu integrati bl-aħjar mod fit-test u jitqiesu l-ħtiġijiet l-oħra li qed jitfaċċaw, il-proposta emendata tal-Kummissjoni tikkonsisti fir-riformolazzjoni bir-reqqa ta' din il-kwistjoni, diviża f'diversi paragrafi. 1. Kull Stat Membru għandu jistabbilixxi Punti ta’ Kuntatt għall-Prodotti tal-Kostruzzjoni skont id-dispożizzjonijiet fl-Artikolu 9 tar-Regolament (KE) Nru 764/2008 dwar il-ħatra u l-komunikazzjoni tagħhom. 2. Id-dispożizzjonijiet tal-Artikoli 10 u 11 tar-Regolament imsemmi għandhom japplikaw għall-Punti ta' Kuntatt tal-Prodotti tal-Kostruzzjoni, fir-rigward tal-prodotti tal-kostruzzjoni. 3. Barra mill-kompiti definiti fl-Artikolu 10(1) tar-Regolament imsemmi, kull Stat Membru għandu jiżgura li l-Punti tal-Kuntatt dwar il-Prodotti jipprovdu wkoll l-informazzjoni dwar kwalunkwe rekwiżit regolatorju applikabbli għall-inkorporazzjoni, l-assemblaġġ jew l-installazzjoni ta' tip speċifiku ta' prodott għall-kostruzzjoni fit-territorju ta' dak l-Istat Membru. 4. Punti ta’ Kuntatt tal-Prodott għall-Kostruzzjoni għandhom ikunu indipendenti minn kwalunkwe entità jew organizzazzjoni fil-proċedura għall-ksib tal-marka CE. Emenda 61—Artikolu 16, paragrafu 2, sottopara 1, parti 2 (“L-istandards armonizzati għandhom jipprovdu l-użu intenzjonat ġeneriku tal-prodotti ... imsemmi fl-Artikolu 51(2)”) Il-Kummissjoni taċċetta fil-prinċipju l-idea li dawn il-kunċetti jiġu inklużi fl-istandards iżda, għall-konsistenza mal-prassi attwali, l-espressjoni “l-użu ġeneriku intenzjonat” għandha tiġi sostitwita b’ “użu intenzjonat aħħari”. Barra minn hekk, jidher li jinħtieġ li fl-Artikolu 2 tiżdied id-definizzjon ta’ dan il-kunċett. Din id-definizzjoni hija proposta għalhekk bħala l-Artikolu 2, il-punt 17a. Għall-bqija tal-emendi, ir-rabtiet mad-distinzjoni bejn it-tipi differenti tal-karatteristiċi essenzjali jew ir-referenza għall-Anness IV, it-Tabella 1, ma jidhrux li huma utli hawnhekk għall-iskop deskritt hawn fuq. 2. L-istandards armonizzati għandhom jipprovdu l-metodi u l-kriterji għall-valutazzjoni tal-prestazzjoni tal-prodotti għall-kostruzzjoni f'relazzjoni mal-karatteristiċi essenzjali tagħhom. Meta previst fil-mandat rispettiv jew jekk iġġustifikat teknikament mod ieħor, standard armonizzat għandu jirreferi għal użu intenzjonat aħħari tal-prodotti li se jkopri. Artikolu 2(17a) 17a. “użu intenzjonat aħħari” tfisser wieħed mill-użi aħħarija tal-prodotti tal-kostruzzjoni kif elenkati fl-Anness VI ta' dan ir-Regolament jew kif definit mod ieħor fl-ispeċifikazzjoni teknika armonizzata rispettiva; Emenda Nru 119 – Artikolu 18, paragrafi 2, 3 u 4 L-Emenda 119 tiġbor flimkien diversi emendi preċedenti li ssuġġerixxa l-Parlament għal dan l-Artikolu. L-għanijiet ġenerali tagħha huma aċċettabbli kompletament għall-Kummissjoni, iżda l-kliem li jirriżulta mill-elaborazzjonijiet tal-Parlament jeħtieġlu xi aġġustamenti, l-aktar ta’ natura editorajli. Fil- paragrafu 2, ir-referenza miżjuda mal-mandati riveduti tidher li taqdi l-iskop pjuttost adegwatament, jekk titpoġġa fit-tarf tal-ewwel sottoparagrafu, minflok tat-tieni. 2. Fejn mhumiex stabbiliti mill-Kummissjoni klassijiet ta' prestazzjoni f'relazzjoni mal-karatteristiċi essenzjali ta' prodotti għall-kostruzzjoni, huma jistgħu jiġu stabbiliti mill-korpi għall-istandardizzazzjoni Ewropej fi standards armonizzati, fuq il-bażi ta’ mandat rivedut . Fejn il-Kummissjoni tkun stabbiliet klassijiet ta' prestazzjoni f'relazzjoni mal-karatteristiċi essenzjali ta' prodotti għall-kostruzzjoni, il-korpi għall-istandardizzazzjoni Ewropej għandhom jużaw dawk il-klassijiet fl-istandards armonizzati. Il- Paragrafu 3 jittratta l-istabbiliment ta’ “ livelli minimi ta’ prestazzjoni ”, it-tneħħija tal-klawżoli inizjali fuq “ ikklassifikat mingħajr ittestjar jew mingħajr iktar ittestjar ”, li għalhekk għandu jiġi inkorporat mill-ġdid fil-proposta bħall-paragrafu 3a li ġej, kif aġġustat b’mod xieraq. Barra minn hekk, il-kunċett preċedenti ġie sostitwit fil-proposta emendata tal-Kummissjoni b’“ livelli ta’ limitu ”, kif diskussi wkoll hawn fuq il-kuntest ta’ din id-definizzjoni l-ġdida miżjuda fl-Artikolu 2 bħala l-punt 3b. Ukoll, ir-referenza hawnhekk għal “ użu ġeneriku intenzjonat ” jeħtieġ tiġi sostitwita b" użu aħħari intenzjonat ", kif spjegat hawn fuq fl-Artikolu 16(2) (cf. l-Emenda 61). 3. Meta previst fil-mandati rispettivi , il-korpi Ewropej tal-istandardizzazzjoni għandhom jistabbilixxu fl-istandards armonizzati li velli ta’ limitu fir-rigward tal-karatteristiċi essenzjali u, fejn xieraq, għall-użi intenzjonati aħħarija, li għandhom jiħu sodisfatti mill-prodotti tal-kostruzzjoni fl-Istati Membri . 3a. Il-Kummissjoni tista’ tistabbilixxi kundizzjonijiet li fihom prodott għandu jitqies li jissodisfa ċertu livell jew klassi ta' prestazzjoni mingħajr ittestjar jew mingħajr aktar ittestjar. Dawk il-miżuri, imfassla biex jemendaw elementi mhux essenzjali ta' dan ir-Regolament, billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2). Fejn mhumiex stabbiliti mill-Kummissjoni kundizzjonijiet, dawn jistgħu jiġu stabbiliti mill-korpi għall-istandardizzazzjoni Ewropej fi standards armonizzati, fuq il-bażi ta’ mandat rivedut. Il-bidliet adottati mill-Parlament għall- paragrafu 4 marbuta mal-obbligu tal-Istati Membri li jsegwu s-sistemi ta’ klassifikazzjoni stabbiliti fil-livell Komunitarju fl-attivitajiet regolatorji rispettivi tagħhom, jistgħu jiġu aċċettati kif inhuma mill-Kummissjoni. 4. L-Istati Membri jistgħu jiddeterminaw il-livelli jew il-klassijiet ta' prestazzjoni, li għandhom jikkonformaw magħhom il-prodotti tal-kosruzzjoni, f'relazzjoni mal-karatteristiċi essenzjali tagħhom ( IMĦASSAR : ta’ prodotti għall-kostruzzjoni) biss skont is-sistemi ta' klassifikazzjoni stabbiliti mill-korpi għall-istandardizzazzjoni Ewropej fi standards armonizzati, jew mill-Kummissjoni. Emenda Nru 67 - Artikolu 19, paragrafu 3 Din l-emenda tirrifletti x-xewqat tal-Parlament li jinkludi, kemm fil-mandati kif ukoll fl-ispeċifikazzjonijiet tekniċi armonizzati, informazzjoni dwar l-" użu ġeneriku ppjanat " (li ovvjament huwa l-istess kunċett bħal " użu ġeneriku intenzjonat " utilizzat qabel mill-Parlament u għalhekk jeħtieġ jinbidel b’" użu ġeneriku intenzjonat ”, kif spjegat hawn fuq fl-Artikolu 16(2) (cd. Emenda 61)). Filwaqt li din l-idea hija appoġġata kompletament, fejn xieraq, mill-Kummissjoni, jidher li jkun aħjar jekk din tiġi indirizzata biss fl-Artikolu 16, li għandu speċifikament l-għan tal-kontenut kemm tal-istandards kif ukoll tal-mandati, u rispettivament fl-Artikolu 20 (bħala paragrafu 2a ġdid) f’dak li għandu x’jaqsam mal-EADs. Dawn id-dispożizzjonijiet diġà ddaħħlu fil-proposta emendata tal-Kummissjoni fiż-żewġ Artikoli, li skont il-Kummissjoni tevita l-ħtieġa li jiġi emendat bi kwalunkwe mod l-Artikolu 19 għal dan l-iskop. Artikolu 20(2a) 2a. Fejn xieraq, l-organizzazzjoni tal-Korpi għal Valutazzjoni Teknika msemmija fl-Artikolu 25(1) għandha tistabbilixxi fl-EAD, il-livelli ta’ limitu marbuta ma' dawk il-karatteristiċi essenjali tal-prodott għall-kostruzzjoni, li huma relatati mal-użu intenzjonat aħħari mill-manifattur. Emenda Nru 68 - Artikolu 20, paragrafu 1 L-Emenda 68 hija parti mill-bidliet adottati mill-Parlament sabiex iħassru l-użu parallel tal-ETAs u l-istandards armonizzati, jiġifieri li jirrestrinġu l-ħruġ ta' ETAs għal każijiet fejn il-prodotti tal-kostruzzjoni kkonċernati ma jkunux koperti jew ma jkunux koperti kompletament minn standard armonizzat (ara hawn fuq fl-Emenda 8 dwar il-premessa 16). Kif imsemmi diġà, il-Kummissjoni bdiet tappoġġa din l-għażla ġenerali; madankollu, skont il-Kummissjoni jkun biżżejjed li tiddaħħal din l-emenda rispettiva fl-Artikolu 21(1) biss, minflok li tiġi ripetuta f’kull kuntest. Għalhekk, il-proposta emendata tal-Kummissjoni ma fihiex tibdil fl-Artikolu 20(1). Ara l- Artikolu 21.1 1. Il-Valutazzjoni Teknika Ewropea (ETA) għandha tinħareġ minn Korp għal Valutazzjoni Teknika, għal prodott għall-kostruzzjoni mhux kopert jew mhux kopert kompletament minn standard armonizzat , fuq talba ta' manifattur jew importatur fuq il-bażi ta' EAD skont il-proċedura mniżżla fl-Anness II.. Emenda 120 - l-Artikolu 20, paragrafu 3 a (ġdid) Din l-emenda tikkonsisti f’paragrafu ġdid li l-Parlament jixtieq biex jiffaċilità t-trasferiment minn EADs għal standards armonizzati: dan il-prinċipju li jista’ jiġi appoġġat bis-sħiħ, diġà ġie diskuss fuq fl-emenda 5 dwar il-premessa 14. Kollox ma’ kollox, skont il-fehma tal-Kummissjoni, jidher li jkun iktar xieraq li din il-kwistjoni tiġi indirizzata biss b’dawk ir-referenzi msaħħa fil-premessa msemmija, mingħajr ma jiġu inklużi emendi oħra fit-test ewlieni tal-proposta. Il-verżjoni emendata għalhekk issegwi din il-linja. Ara l- premessa 14 . Emenda Nru 71 - Artikolu 24, paragrafu 2, sottoparagrafu 1 B’din l-emenda, il-Parlament jixtieq jenfasizza l-ħtieġa għat-trasparenza tal-evalwazzjonijiet inter pares u għall-aċċessibilità tal-proċeduri sussegwenti ta' appell. Skont il-Kummissjoni, dawn l-għanijiet ikunu utli, iżda (fir-rigward tat-trasparenza) għandhom jitqiesu wkoll hawnhekk il-kwistjonijiet tal-kunfidenzjalità. Barra minn hekk, il-proċeduri kollha tal-appell għandhom ovvjament ikunu aċċessibbli, inkella l-kwistjoni ma tkunx iktar dwar l-appelli. L-aħjar mod biex dawn l-għanijiet parzjalment kunfliġġenti jiġu akkomodati huwa li l-kwalifikatur " adegwati " jitmexxa biex ifisser mhux biss il-proċeduri ta' appell iżda minflok dawn il-kuntesti kollha. 2. Il-Kummissjoni għandha tistabbilixxi proċeduri adegwati għat-twettiq tal-evalwazzjoni, inklużi proċeduri ta' appell ( IMĦASSRA : adegwati) kontra deċiżjonijiet meħudin bħala riżultat tal-evalwazzjoni.. Emendi 122, 111 u 77 – Artikolu 26, paragrafu 1, punti b u c u sottoparagrafu 1a (ġdid), paragrafu 2a (ġdid) L-emendi kkonċernati kollha jittrattaw partijiet tal-Artikolu 26, li jikkonċerna l-parti kbira tal-proċeduri simplifikati. Iktar speċifikament, l-enfasi tal-Parlament issa hija diretta primarjament fuq il-qsim u l-proċessi ta' cascading (il-punti b u c) kif ukoll fuq l-esklużjoni tal-importaturi minn dawn il-proċeduri. L-ewwel nett, il-Parlament jixtieq jiċċara li l-kundizzjonijiet għall-qsim (il-punt b), partikolarment il-ħtieġa għall-kunsens mill-manifattur li inizjalment kiseb ir-riżultati tat-test ikkonċernat. Il-Kummissjoni taċċetta u tappoġġa bis-sħiħ din il-kjarifika, li għalhekk iddaħħlet kif inhi fil-proposta emendata tal-Kummissjoni (fil-fatt, mingħajr l-aħħar kelma " jew ", billi l-użu tagħha kien jikkawża impressjoni żbaljata li l-manifattur seta' jagħżel li juża waħda biss kull darba mill-proċeduri alternattivi differenti fl-Artikolu 26). L-emenda tal-Parlament dwar il-proċessi ta' cascading (punt c) tibda billi żżid referenzi għall-" fornituri tas-sistema ". Hawnhekk ukoll, il-Kummissjoni taċċetta din l-emenda li ttejjeb il-kwalità u l-preċiżjoni tal-proposta. Min-naħa l-oħra, is-sentenzi miżjuda li ġejjin dehru kemxejn bla bżonn, jew, fil-każ tal-aħħar waħda, possibbilment iżidu piżijiet bla bżonn fuq il-manifattur. Għalhekk, ma ġewx inklużi fil-proposta emendata tal-Kummissjoni. Fl-aħħar nett, il-Parlament jixtieq idaħħal paragrafu ġdid li jikkonċerna l-esklużjoni tal-importaturi mill-ambitu ta' dan l-Artikolu. Fil-prinċipju, l-idea hija aċċettabbli iżda, skont il-Kummissjoni, kif imsemmi hawn fuq fl-emenda 18 tal-Parlament (il-premessa 33a ġdida, li fil-proposta emendata tal-Kummissjoni ddaħħlet bħala l-premessa 34a), jidher li jixraq iktar li dawn l-istess prinċipji ma jiġux ripetuti fil-kuntest ikkonċernat. Il-Kummissjoni tippreferi tiċċara din il-kwistjoni darba għal dejjem fil-premessa l-ġdida msemmija. Barra minn hekk, ta' min jinnota li l-Artikolu 14 ma joħloqx drittijiet ġodda għall-"manifatturi" fl-ambitu tiegħu, iżda minflok jimponi biss obbligi ġodda fuqhom. Din il-kwistjoni torbot ukoll l-emenda tal-Parlament 83, hawn taħt, billi żżid tip simili ta' paragrafu ġdid lill-Artikolu 27 għall-istess skop. Għal dawn ir-raġunijiet, paragrafu ġdid bħal dan ma ġiex inkluż fil-proposta emendata tal-Kummissjoni. (a) għal wieħed jew aktar karatteristiċi essenzjali tal-prodott għall-kostruzzjoni li jikkummerċjalizza, dak il-prodott jitqies li jilħaq ċertu livell jew klassi ta' prestazzjoni mingħajr ittestjar jew kalkolu, jew mingħajr ittestjar jew kalkolu ulterjuri, b'konformità mal-kundizzjonijiet imniżżlin fl-ispeċifikazzjoni teknika armonizzata jew id-deċiżjoni rilevanti tal-Kummissjoni. (IMĦASSAR:) ; ) (b) il-prodott għall-kostruzzjoni li jqiegħed fis-suq jikkorrispondi għat -tip ta' prodott ta' prodott għall-kostruzzjoni ieħor, immanifatturat minn manifattur ieħor u ttestjat diġà b'konformità mal-ispeċifikazzjoni teknika armonizzata rilevanti. Meta dawn il-kundizzjonijiet ikunu sodisfatti, il-manifattur huwa intitolat li jiddikjara prestazzjoni li tikkorrispondi għar-riżultati tat-testijiet kollha jew għal parti minnhom ta' dan il-prodott l-ieħor. Il-manifattur jista' juża r-riżultati tat-testijiet miksuba minn manifattur ieħor biss wara li jkun kiseb l-awtorizzazzjoni ta' dak il-manifattur, li jibqa' responsabbli għall-preċiżjoni, l-affidabbiltà u l-istabbiltà ta' dawk ir-riżultati tat-testijiet. (c) il-prodott għall-kostruzzjoni li jikkummerċjalizza hu sistema magħmula minn komponenti, li jimmonta skond struzzjonijiet preċiżi mogħtija minn min ipprovda t-tali sistema jew komponent tagħha, li kien diġà ttestja dik is-sistema jew dak il-komponent għal waħda jew aktar mill-karatteristiċi essenzjali tiegħu/tagħha b'konformità ma' l-ispeċifikazzjoni teknika armonizzata rilevanti. Meta dawn il-kundizzjonijiet ikunu sodisfatti, il-manifattur huwa intitolat li jiddikjara prestazzjoni li tikkorrispondi għar-riżultati tat-testijiet kollha jew għal parti minnhom għas-sistema jew il-komponent ipprovdut lilu. Il-manifattur jista' juża r-riżultati tat-testijiet miksuba minn manifattur ieħor jew fornitur tas-sistema biss wara li jkun kiseb l-awtorizzazzjoni ta' dak il-manifattur jew fornitur tas-sistema , li jibqa' responsabbli għall-preċiżjoni, l-affidabbiltà u l-istabbiltà ta' dawk ir-riżultati tat-testijiet. Emenda 78 – Artikolu 27 - titlu Bl-emenda 78, il-Parlament jixtieq iżid il-kelmiet kwalifikattivi " li jimmanifatturaw prodotti tal-kostruzzjoni " wkoll lit-titlu ta' dan l-Artikolu. L-istess idea hija proposta fl-emenda 79 tal-ewwel paragrafu tal-Artikolu. Filwaqt li taċċetta din l-idea, il-Kummissjoni tqis li mhux xieraq li din tiġi ripetuta fit-titlu u wkoll fit-test tal-Artikolu. Emenda Nru 79 - Artikolu 27, paragrafu 1 Din l-emenda tikkonsisti biss fiż-żieda tal-istess kelmiet li l-Parlament issuġġerixxa lit-titlu ta' dan l-Artikolu (ara l-emenda preċedenti, indirizzata fuq). Filwaqt li l-Kummissjoni taċċetta l-prinċipju warajha, is-soluzzjoni kkonċernata ma jidhirx li tissodisfa b'mod xieraq il-bżonn li tiġi ċċarata l-proposta inizjali f'dan ir-rigward. Bil-għan li jintlaħaq kompromess aċċettabbli ġeneralment fuq it-trattament tal-mikrointrapriżi, ir-riżultati mid-diskussjoni li għaddejja għalhekk jixirqilhom iktar li jiġu appoġġati. It-test tal-proposta emendata tal-Kummissjoni tirrifletti din il-linja ta' ħsieb. Id-determinazzjoni tat-tip ta' prodott fuq il-bażi tal-ittestjar tat-tip għas-sistemi applikabbli 4 u 5 kif stipulat fl-Anness V, tista' tiġi sostitwita b'mikrointrapriżi, li jimmanifatturaw prodott tal-kostruzzjoni, b'STD. L-STD għandha turi l-konformità tal-prodott għall-kostruzzjoni mal-ħtiġijiet applikabbli. Emenda 83 - l-Artikolu 27, paragrafu 2 c (ġdid) Hawnhekk ukoll, il-Parlament jixtieq idaħħal paragrafu ġdid li jikkonċerna l-esklużjoni tal-importaturi mill-ambitu ta' dan l-Artikolu. Fil-prinċipju, l-idea hija aċċettabbli iżda, skont il-Kummissjoni, kif imsemmi hawn fuq fl-emenda 18 tal-Parlament (il-premessa 33a ġdida, li fil-proposta emendata tal-Kummissjoni ddaħħlet bħala l-premessa 34a), jidher li jixraq iktar li dawn l-istess prinċipji ma jiġux ripetuti fil-kuntest ikkonċernat. Emenda Nru 84 - Artikolu 28, paragrafu 1 B'din l-emenda, il-Parlament jixtieq jefasizza l-ħtieġa għat-tħeġġiġ tal-fiduċja fis-suq fir-rigward tal-użu tad-Dokumentazzjoni Teknika Speċifika (STD) fil-proċedura simplifikata kkonċernata. Fil-prinċipju, il-Kummissjoni taċċetta dan l-għan. Madankollu, l-iskop eżatt tal-STD (f'dan il-kuntest jew oħrajn) mhuwiex li "jiggarantixxi s-sikurezza", iżda li jintwera u jiġi ġġustifikat li jeżistu kundizzjonijiet predefiniti għall-użu ta' proċedura simplifikata partikolari. Il-kliem "jipprovdi għal livell ekwivalenti ta' kunfidenza u affidabbiltà" jidhru kemxejn diffużi u għalhekk għandhom jiġu aġġustati aħjar biex jissodisfaw l-għanijiet reali ta' din il-klawżola miżjuda. Barra minn hekk, fil-proposta sħiħa, ir-rekwiżiti posti fuq ix-xogħlijiet tal-kostruzzjoni ġew konsistentement imsejħa " rekwiżiti bażiċi tax-xogħol ", u mhux " essenzjali ..." Għal dawn ir-raġunijiet, il-Kummissjoni tippreferi tissimplifika t-test ta' dan il-paragrafu skont ir-riżultati mid-diskussjoni li għaddejja. Il-proposta emendata tal-Kummissjoni għalhekk tirrifletti din il-linja ta' ħsieb. 1. Għal prodott għall-kostruzzjoni ddisinjat u mmanifatturat fi proċess ta' produzzjoni mhux industrijalizzat biex tiġi sodisfatta ordni speċifika, u installat f'ħidma waħda identifikata, il-manifattur jista' jissostitwixxi l- parti tal-valutazzjoni ta' prestazzjoni tas-sistema applikabbli, kif stipulat fl-Anness V b'STD, u b'hekk juri l-konformità ta' dak il-prodott mal-ħtiġijiet applikabbli. Emenda Nru 86 - Artikolu 33, paragrafu 5 L-Emenda 86 tikkonsisti f'referenza miżjuda dwar " trasparenza sħiħa fir-rigward tal-manifattur ". Il-Kummissjoni tappoġġa bis-sħiħ dan il-prinċipju, kif diġà msemmi hawn fuq (ara l-Emenda 11 dwar il-premessa 20), ovvjament illimitata bir-restrizzjonijiet meħtieġa li jirriżultaw mill-aspetti tal-kunfidenzjalità. Emenda 88 - l-Artikolu 51, paragrafu 2 a (ġdid) B'din l-emenda, iż-żieda ta' paragrafu ġdid lill-Artikolu kkonċernat, il-Parlament jixtieq jenfasizza l-indipendenza tal-membri tal-Kumitat Permanenti. Dan il-prinċipju jista' jiġi aċċettat mill-Kummissjoni billi dan jista' jgħin iżid it-trasparenza u l-oġġettività. Madankollu, il-kliem jeħtieġ xi simplifikazzjoni billi f'dan il-kuntest l-evalwazzjonijiet ma jiffukawx fuq il-" konformità " (ara l-Artikolu 19 u l-Anness V). 2a. L-Istati Membri għandhom jiżguraw li l-membri tal-kumitat msemmija fil-paragrafu 1 ikunu indipendenti mill-partijiet involuti fl-evalwazzjoni u l-verifika tal-konsistenza tal-karatteristiċi essenzjali tal-prodotti tal-kostruzzjoni. Emenda Nru 89 - Artikolu 53, paragrafu 3 L-Emenda 89 tikkonsisti f'żewġ partijiet miżjuda lill-paragrafu kkonċernat. L-ewwel nett, ir-referenza inizjali tal-proposta lil ETAGs twessgħet biex tinkludi wkoll l-hekk imsejħa CUAPs. Madankollu, għandha ssir distinzjoni bejn l-aċċettanza sħiħa formali tal-CAUPs li ma jgawdux minn dan l-istatus skont is-CPD (li lanqas darba ma jsemmihom), u l-aktar użu estensiv, fejn xieraq, tal-kontenuti tagħhom (il-metodi ta' valutazzjoni previsti u żviluppati fihom) f'dan il-kuntest. Bl-aġġustamenti sussegwenti mdaħħla fl-Anness II, dan l-aħħar objettiv intlaħaq. Għalhekk, filwaqt li l-Kummissjoni taċċetta l-idea wara din il-parti tal-emenda, kif deskritt hawn fuq, kull bidla f'dan l-Artikolu għal dawn l-iskopijiet ma tidhirx li hija neċessarja jew valida. It-tieni nett, żdied sottoparagrafu ġdid għall-istess skopijiet bħal fl-Artikolu 20(3a) hawn fuq, jiġifieri sabiex jiffaċilita t-trasferiment minn ETAGs lejn hENs. Kif diġà msemmi f'dan il-kuntest preċedenti, aktarx li dan ma jkunx l-aħjar post għal referenza bħal din, li tkun indirizzata (aħjar u) b'mod iktar adegwat fil-premessi (ara l-premessa 14 kif aġġustata). Għal dawn ir-raġunijiet, il-Kummissjoni ma emendatx il-proposta tagħha fir-rigward tal-paragrafu kkonċernat. Ara Premessa 14 u Anness II Emenda 90 – Anness I, paragrafu 1 B’din l-emenda, il-Parlament jixtieq jenfasizza l-ħtieġa li titqies is-saħħa u s-sikurezza ta’ kull min hu involut fiċ-ċiklu kollu tal-ħajja tax-xogħlijiet tal-kostruzzjoni, jiġifieri mill-fażi tal-kostruzzjoni sal-istadju tad-demolizzjoni. Fil-prinċipju, il-kontenuti tagħha huma aċċettabbli iżda skont l-opinjoni tal-Kummissjoni jeħtiġilha tiġi riformolata ftit. Din il-kwistjoni torbot ukoll mal-Emenda 2 u t-test miżjud mill-Parlament bħala l-premessa 8a (fil-proposta emendata tal-Kummissjoni fil-Premessa 14), li tapplika wkoll l-istess approċċ għall-prodotti tal-kostruzzjoni. B'mod ġenerali u fil-partijiet distinti tagħhom, ix-xogħlijiet ta' kostruzzjoni għandhom ikunu tajbin għall-użu intenzjonat tagħhom, b'kunsiderazzjoni partikolari tas-saħħa u s-sikurezza tal-persuni involuti fiċ-ċiklu tal-ħajja tax-xogħlijiet . Emenda 91—Anness I, Parti3 Kliem ta' introduzzjoni L-Emenda 91 tikkonċerna ċerti żidiet lill-kliem ta' introduzzjoni ta' BWR 3, għal darb'oħra b'enfasi tal-approċċ taċ-ċiklu tal-ħajja fir-rigward tax-xogħlijiet tal-kostruzzjoni. Il-prinċipju li tiġi inkluża "is-sikurezza tal-ħaddiema" f'dan il-kuntest sabiex jitqiesu l-istadji tal-kostruzzjoni u d-demolizzjoni, huwa aċċettabli. Madankollu, id-Direttiva 89/391/KEE diġà tindirizza din il-kwistjoni. Fi kwalunkwe każ, jidher li jinħtieġ xi riformolazzjoni. Pereżempju, ir-referenza għal "iċ-ċiklu tal-ħajja tagħhom" kif aċċettata mill-Parlament, hija kemxejn ambigwa. Ix-xogħlijiet ta' kostruzzjoni jridu jkunu ddisinjati u mibnija b'tali mod li, matul iċ-ċiklu tal-ħajja tagħhom (IMĦASSAR: ma jkunux theddida ta' theddida la għall-iġjene u lanqas għas-saħħa u s-sikurezza tal-ħaddiema, l-okkupanti u tal-ġirien, lanqas ma jeżerċitaw impatt għoli żżejjed tul iċ-ċiklu ta' ħajja kollu tagħhom lill-kwalità tal-ambjent jew lill-klima, matul il-kostruzzjoni, l-użu u t-twaqqigħ tagħhom, b'mod partikolari bħala riżultat ta' waħda minn dawn li ġejjin: Emenda 92 - Anness I, Parti 6, parti 1 ("Ix-xogħlijiet tal-kostruzzjoni...l-okkupanti") Din l-emenda tittratta l-BWR 6. Fl-ewwel parti tagħha jista' jkun hemm qbil dwar iż-żieda ta' "dawl" fil-proposta inizjali. Il-parti l-oħra tal-emenda tal-Parlament ma tistax tiġi appoġġata billi tagħmel konfużjoni bejn ix-xogħlijiet tal-kostruzzjoni, it-tema ta' dan l-Anness I, u d-domandi fuq il-prodotti tal-kostruzzjoni, li ma għandhomx jiġu posti f'dan il-kuntest. Ix-xogħlijiet ta' kostruzzjoni u l-installazzjonijiet tat-tisħin, tat-tkessiħ, id-dawl u tal-ventilazzjoni jridu jkunu ddisinjati u mibnija b'tali modi li l-ammont tal-enerġija meħtieġa fl-użu jkun baxx, meta wieħed jieħu kont tal-kundizzjonijiet klimatiċi tal-lokalità u l-okkupanti. Emenda 93 – Anness I, Parti 7. Kliem ta' introduzzjoni L-Emenda 93 tikkonsisti fiż-żieda tal-kelmiet "għallinqas” fl-introduzzjoni għal BWR 7. Din iż-żieda ta’ “għallinqas" tista’ tiġi aċċettata. F’dan il-kuntest, madankollu, għandha tingħata attenzjoni partikolari lill-fatt li l-BWRs mhux qed jobbligaw lill-Istati Membri jagħmlu xi ħaġa, iżda minflok qed jiddeskrivu “l-oqsma" meqjusa importanti għas-sikurezza (fis-sens wiesa’) tax-xogħol tal-kostruzzjoni. Ix-xogħlijiet ta' kostruzzjoni jridu jkunu ddisinjati, mibnija u mwaqqa' b'tali mod li l-użu ta' riżorsi naturali jkun sostenibbli u jiżgura, għallinqas , dan li ġej: Emenda 94 - Anness II, Titlu Din l-emenda tikkonċerna t-titlu tal-Anness II, biż-żieda tar-referenza għall-ambitu tal-EADs u l-ETAs. Din il-kwistjoni ġiet iċċarata fil-partijiet preċedenti tat-test. F’dawn iċ-ċirkostanzi, filwaqt li aċċettata kif inhi, il-Kummissjoni ma qisitx li jinħtieġ li din ir-referenza tiddaħħal hawn ukoll. Emenda 99 - Anness III, il-punt 4 Din l-emenda tikkonċerna r-referenza miżjuda fl-Anness III għall-“użu ġeneriku” tal-prodott ikkonċernat. Sabiex jinżamm l-użu koerenti tal-kunċetti fil-proposta sħiħa, din iż-żieda għandha tiġi aġġustata bħala r-referenza għal “l-użu aħħari intenzjonat” li huwa l-kunċett użat bnadi oħra. 4. Identifikazzjoni tal-prodott (li tippermetti t-traċċabbiltà ) u referenza għall-użu aħħari intenzjonat : Emendi 102-106 - Anness V, Parti 1, punti 1.1., 1.2., 1.3., 1.4., 1.5, kliem ta’ introduzzjoni Dawn l-emendi jikkonsistu fiż-żamma tal-istess numerazzjoni tas-sistemi li diġà jintużaw fis-CPD. Il-Kummissjoni taċċetta bis-sħiħ l-idea li din il-kwistjoni terġa’ tinfetaħ u titqies mill-ġdid: madankollu, f’dan il-kuntest għandha tittieħed tingħata attenzjoni wkoll tal-possibilitajiet l-oħra avvanzati fid-diskussjoni li għaddejja fil-Kunsill. F’dawn iċ-ċirkostanzi, il-proposta emendata tal-Kummissjoni ma fiha ebda reazzjoni għall-Emendi 102 sa 106 f’dan l-istadju. 3.3. Proposta emendata Fid-dawl tal-Artikolu 250(2) tat-Trattat tal-KE, il-Kummissjoni qed temenda l-proposta tagħha kif indikat hawn fuq.