17.11.2016   

MT

Il-Ġurnal Uffiċjali tal-Unjoni Ewropea

L 310/51

(1)

Il-marda tal-infafet fil-ġilda (LSD — lumpy skin disease) hija marda virali tal-annimali bovini trasmessa minn vettur. Skont l-Opinjoni Xjentifika tal-Awtorità Ewropea dwar is-Sigurtà fl-Ikel (EFSA) dwar il-marda tal-infafet fil-ġilda, adottata fit-3 ta' Diċembru 2014, (l-Opinjoni tal-EFSA) (5) jista' jkun hemm trasmissjoni diretta u indiretta tal-LSD. L-LSD hija karatterizzata minn telf gravi fil-produzzjoni tal-bhejjem u għandha l-potenzjal li tinfirex malajr ħafna, b'mod partikolari permezz ta' annimali ħajjin, vetturi u ċerti prodotti oħra miksuba minn annimali infettati.

(2)

Id-Direttiva 92/119/KEE tisabbilixxi miżuri ta' kontroll ġenerali li għandhom jiġu applikati fil-każ ta' tifqigħa ta' ċertu mard tal-annimali, inkluż l-LSD. Dawn jinkludu miżuri ta' kontroll li għandhom jittieħdu fil-każ ta' suspett u l-konferma tal-preżenza ta' LSD f'impriża, inkluż l-istabbiliment ta' żoni ta' protezzjoni u sorveljanza madwar tifqigħat u miżuri ta' kontroll addizzjonali oħra bi prevenzjoni tal-firxa tal-marda u l-eliminazzjoni tal-infezzjoni. Dawk il-miżuri ta' kontroll jipprevedu wkoll it-tilqim fil-każ ta' tifqigħa ta' LSD bħala suppliment għal miżuri ta' kontroll oħra.

(3)

Id-Deċiżjonijiet ta' Implimentazzjoni tal-Kummissjoni (UE) 2015/1500 (6) u (UE) 2016/645 (7) jistabbilixxu ċerti miżuri protettivi fir-rigward tal-konferma ta' LSD fil-Greċja fl-2015 u fil-Bulgarija fl-2016. Dawn il-miżuri protettivi jinkludu l-istabbiliment ta' żona infettata f'dawk l-Istati Membri, li huwa deskritt fl-Anness għal kull waħda minn dawk id-Deċiżjonijiet ta' Implimentazzjoni, u li jinkludi ż-żona fejn l-LSD kienet ikkonfermata u ż-żoni ta' protezzjoni u sorveljanza debitament stabbiliti mill-Greċja u l-Bulgarija skont id-Direttiva 92/119/KEE. Id-Deċiżjonijiet ta' Implimentazzjoni (UE) 2015/1500 u (UE) 2016/645 ġew emendati diversi drabi minħabba l-evoluzzjoni tas-sitwazzjoni tal-marda, inkluża l-estensjoni taż-żona infettata biex ikunu inklużi l-unitajiet reġjonali addizzjonali tal-Greċja u l-Bulgarija. Dawn id-Deċiżjonijiet ta' Implimentazzjoni japplikaw sal-31 ta' Diċembru 2016.

(4)

Id-Deċiżjonijiet ta' Implimentazzjoni tal-Kummissjoni (UE) 2015/2055 (8) u (UE) 2016/1183 (9) jipprovdu li l-Greċja u l-Bulgarija jistgħu jwettqu tilqim ta' emerġenza ta' annimali bovini miżmuma f'impriżi fiż-żona tat-tilqim kif stabbilit fl-Anness I għal dawk id-Deċiżjonijiet ta' Implimentazzjoni.

(5)

Minbarra l-Greċja u l-Bulgarija, bejn April u Awwissu 2016, numru konsiderevoli ta' pajjiżi terzi fix-xlokk tal-Ewropa wkoll irrappurtaw tifqigħat tal-LSD fit-territorji tagħhom għall-ewwel darba, jiġifieri l-Albanija, l-Eks-Repubblika Jugoslava tal-Maċedonja, il-Kosovo (10), il-Montenegro u s-Serbja. Dawk il-pajjiżi terzi kollha nnotifikaw lill-Kummissjoni li t-tilqim kontra l-LSD ġie inkluż fil-politika attwali tagħhom tal-kontroll tal-mard, fost miżuri oħra.

(6)

Skont l-Opinjoni tal-EFSA (11) tilqim ħaj attenwat biss huwa kummerċjalment disponibbli kontra l-LSD. L-Opinjoni tal-EFSA tiddeskrivi t-tilqima attenwata Neethling għall-virus tal-LSD bħala effettiva ħafna fil-prevenzjoni tal-morbidità. Peress li t-tilqim għal-LSD omologu huwa aktar effettiv minn tilqim attenwat ibbażat fuq il-virus tal-ġidri tan-nagħaġ, l-użu tiegħu għandu jkun rakkomandat, soġġett għal disponibbiltà mill-produtturi tat-tilqima li jkunu qed joperaw esklussivament barra l-Unjoni. Barra minn hekk, skont l-Opinjoni tal-EFSA, l-aġent kawżattiv tal-LSD jista' jkun preżenti sa 92 jum fil-ġilda tal-annimali affettwati anki minħajr leżjonijiet viżibbli.

(7)

M'hemm l-ebda tilqima kontra l-LSD b'awtorizzazzjoni ta' kummerċjalizzazzjoni fl-Unjoni. Tilqim ta' emerġenza skont l-Artikolu 19 tad-Direttiva 92/119/KEE jista' għalhekk isir biss skont l-Artikolu 8 tad-Direttiva 2001/82/KE tal-Parlament Ewropew u tal-Kunsill (12), li jippermetti lill-Istati Membri biex proviżorjament jippermettu l-użu ta' prodotti mediċinali veterinarji immunoloġiċi mingħajr awtorizzazzjoni ta' kummerċjalizzazzjoni fil-każ ta' marda epizootika serja bħal mhuwa l-każ bl-LSD.

(8)

Skont il-Parir Urġenti dwar il-Marda tal-Infafet fil-Ġilda tal-EFSA, adottat fid-29 ta' Lulju 2016 (13), it-tilqima kontra l-LSD hija l-aktar mod effettiv biex titnaqqas il-firxa ta' dik il-marda. Biex tiġi meqruda l-LSD, jeħtieġ li jiġi implimentat it-tilqim tal-popolazzjoni suxxettibbli kollha f'reġjuni li huma fir-riskju għall-introduzzjoni tal-LSD u f'dawk affettwati mil-LSD biex ikun minimizzat in-numru ta' tifqigħat, u għandha tinkiseb kopertura għolja ta' tilqim fil-livell tal-annimali jew tal-irziezet. Għaldaqstant, politika preventiva u ta' kontroll “solida” fir-rigward tal-LSD għandha tipprevedi t-tilqim.

(9)

Ir-riskju li tinfirex l-LSD minn annimali mlaqqma u l-prodotti tagħhom huwa differenti mir-riskji li jirriżultaw minn annimali mhux imlaqqma u li possibbilment ikunu qed jinkubaw. Għaldaqstant, jeħtieġ li jiġu stabbiliti l-kundizzjonijiet tal-ispedizzjoni ta' annimali bovini mlaqqma u tal-prodotti ġejjin minn dawn l-annimali. Barra minn hekk, ir-riskju li tinfirex l-LSD minn annimali, kemm jekk imlaqqma kif ukoll jekk le, li jkunu joriġinaw minn żona fejn huwa applikat it-tilqim kontra l-LSD iżda fejn ma kien hemm l-ebda każ ta' tifqigħ ta' LSD, huwa differenti mir-riskju li jinħoloq mill-istess tip ta' annimali iżda li joriġinaw minn żoni affettwati mil-LSD. Għalhekk, għandhom ukoll ikunu stabbiliti kundizzjonijiet speċifiċi għal dawn l-annimali.

(10)

L-għarfien xjentifiku dwar l-LSD mhux komplut. L-annimali bovini mlaqqma huma protetti minn sinjali kliniċi iżda mhux neċessarjament mill-infezzjoni u mhux l-annimali mlaqqma kollha jirreaġixxu b'immunità protettiva. Għalhekk, biex ir-riskju jitnaqqas kemm jista' jkun, il-konsenji ta' annimali mlaqqma jistgħu jintbagħtu biss wara perjodu ta' mill-inqas 28 jum, li huwa l-perjodu ta' inkubazzjoni massimu għal-LSD, wara t-tilqim.

(11)

F'termini tar-riskju ta' tixrid tal-LSD, prodotti differenti joħolqu livelli differenti ta' riskju. Kif indikat fl-Opinjoni tal-EFSA, iċ-ċaqliq ta' annimali bovini ħajjin, is-semen tal-bovini u l-ġlud u l-ġilda mhux maħdumin minn annimali bovini infettati huma ta' riskju ogħla f'termini ta' esponiment u konsegwenzi minn prodotti oħra bħall-ħalib u l-prodotti tal-ħalib, il-ġlud u l-ġilda maħdumin jew il-laħam frisk, il-preparazzjonijiet tal-laħam u l-prodotti tal-laħam li joriġinaw minn annimali bovini. Madankollu m'hemmx evidenza xjentifika jew sperimentali dwar ir-rwol ta' trasmissjoni tagħhom tal-LSD. Għalhekk, il-miżuri ta' kontroll previsti f'din id-Deċiżjoni għandhom ikunu bilanċjati u proporzjonati għar-riskji. Bl-istess mod, it-trasmissjoni tal-LSD permezz tas-semen, l-ova u l-embrijuni tal-annimali tal-ispeċi bovina ma tistax tiġi eskluża. Għalhekk, għandhom ikunu previsti ċerti miżuri protettivi għal dawk il-prodotti abbażi tal-Opinjoni tal-EFSA u l-aktar standards u rakkomandazzjonijiet aġġornati rilevanti mill-Organizzazzjoni Dinjija għas-Saħħa tal-Annimali (OIE).

(12)

Laħam mill-muskoli skeletriċi minn annimali bovini huwa meqjus bħala prodott mingħajr periklu skont il-Kummissjoni Xjentifika tal-OIE għall-Mard tal-Annimali (14) u kif indikat fl-Anness 36 tal-Parti B tar-Rapport tal-Kummissjoni dwar l-Istandards tas-Saħħa tal-Annimali Terrestri tal-OIE li ltaqgħet fi Frar 2016 (15). Ma hemm l-ebda evidenza xjentifika jew sperimentali li tissuġġerixxi li l-virus tal-LSD jista' jiġi trasmess lil annimali suxxettibbli permezz tal-laħam frisk, il-preparazzjonijiet tal-laħam jew tal-prodotti tal-laħam. Għalkemm l-Opinjoni tal-EFSA tindika li l-virus tal-LSD jista' jibqa' ħaj fil-laħam għal perjodu ta' żmien mhux indikat, il-projbizzjoni eżistenti tal-Unjoni fuq it-tmigħ ta' proteini tar-ruminanti lill-annimali li jixtarru stabbilita fir-Regolament (KE) Nru 1069/2009 tal-Parlament Ewropew u tal-Kunsill (16) u l-Artikolu 7 tar-Regolament (KE) Nru 999/2001 tal-Parlament Ewropew u tal-Kunsill (17) teskludi l-possibbiltà ta' trasmissjoni orali possibbli tal-LSD.

(13)

Il-ħalib u l-prodotti tal-ħalib, kif ukoll il-kolostru, jistgħu jirrappreżentaw riskju għat-tixrid tal-LSD biss meta jkunu destinati biex jiġu mitmugħa lil annimali tal-ispeċijiet suxxettibbli. Għalhekk, għandhom jiġu stabbiliti miżuri għat-tnaqqis tar-riskju maħsuba għall-prevenzjoni tat-tixrid tal-LSD permezz ta' prodotti tali meta dawn ikunu maħsuba għall-għalf tal-annimali.

(14)

Id-Direttiva tal-Kunsill 64/432/KEE (18) u d-Deċiżjoni tal-Kummissjoni 93/444/KEE (19) jipprovdu li ċ-ċaqliq tal-annimali għandu jkun akkumpanjat minn ċertifikati tas-saħħa. Fil-każ fejn derogi mill-projbizzjoni fuq l-ispedizzjoni ta' annimali ħajjin miż-żoni elenkati fl-Anness I ta' din id-Deċiżjoni huma applikati għal annimali ħajjin maħsuba għall-kummerċ ġewwa l-Unjoni jew għall-esportazzjoni lejn pajjiż terz, dawk iċ-ċertifikati tas-saħħa għandhom jinkludu referenza għal din id-Deċiżjoni biex ikun żgurat li fiċ-ċertifikati rilevanti jkun hemm l-informazzjoni adegwata u preċiża dwar is-saħħa.

(15)

Għal raġunijiet ta' ċarezza u simplifikazzjoni d-Deċiżjonijiet ta' Implimentazzjoni (UE) 2015/1500, (UE) 2015/2055, (UE) 2016/645 u (UE) 2016/1183 għandhom jitħassru u jiġu sostitwiti b'din id-Deċiżjoni li tintroduċi miżuri emendati u uniformi għall-Istati Membri kollha affettwati mil-LSD jew li qed jimplimentaw tilqim kontra l-LSD.

(16)

L-approvazzjoni tal-programmi ta' tilqim ippreżentati mill-Istati Membri konċernati u issa inklużi fid-Deċiżjonijiet ta' Implimentazzjoni (UE) 2015/2055 u (UE) 2016/1183 għall-Greċja u l-Bulgarija rispettivament, kif ukoll l-approvazzjoni tal-programm ta' tilqim preżentat mill-Kroazja għandhom ikunu soġġetti għal Deċiżjoni ta' Implimentazzjoni oħra li għandha tiġi adottata.

(17)

Il-Bulgarija avżat lill-Kummissjoni li t-tilqim tal-annimali bovini kollha kontra l-LSD tlesta fil-15 ta' Lulju 2016 u l-aħħar okkorrenza tal-LSD fit-territorju tagħha ġiet ikkonfermata fl-1 ta' Awwissu 2016. Għaldaqstant, xi żoni fil-Bulgarija fejn qatt ma kien hemm okkorrenzi tal-LSD iżda fejn sar it-tilqim kontra l-marda, għandhom jiġu elenkati fil-Parti I tal-Anness ta' din id-Deċiżjoni bħala 'żona ħielsa bit-tilqim', filwaqt li l-parti li jkun għad fadal tat-territorji tal-Istat Membru għandha titniżżel bħala 'żona infettata'.

(18)

Il-miżuri previsti f'din id-Deċiżjoni huma f'konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

“annimal bovin” tfisser ungulati tal-ispeċijiet Bos taurus, Bos indicus, Bison bison u Bubalus bubalis;

(2)

“ruminanti selvaġġi mrobbija” tfisser ruminanti selvaġġi ta' speċijiet magħrufa li huma involuti fit-trasmissjoni u t-tixrid tal-marda tal-infafet fil-ġilda skont l-aktar għarfien xjentifiku reċenti disponibbli;

(3)

“żona infettata” hija l-parti mit-territorju ta' Stat Membru kif elenkat fil-Parti II tal-Anness I għal din id-Deċiżjoni li tinkludi ż-żona fejn il-marda tal-infafet fil-ġilda kienet konfermata u kull protezzjoni u żoni ta' sorveljanza stabbiliti skont l-Artikolu 10 tad-Direttiva 92/119/KEE, u fejn it-tilqim kontra l-marda tal-infafet fil-ġilda jista' jiġi implimentat wara l-approvazzjoni ta' programmi ta' tilqim mill-Kummissjoni;

(4)

“żona ħielsa bit-tilqim” hija l-parti tat-territorju ta' Stat Membru kif elenkat fil-Parti I tal-Anness I għal din id-Deċiżjoni li tinkludi ż-żoni barra ż-żona infettata għall-marda tal-infafet fil-ġilda, fejn it-tilqim kontra l-marda tal-infafet fil-ġilda huwa implimentat wara l-approvazzjoni ta' programmi ta' tilqim mill-Kummissjoni.

(a)

annimali bovini ħajjin u ruminanti selvaġġi mrobbija miż-żoni elenkati fil-Partijiet I u II tal-Anness I;

(b)

is-semen, l-ova u l-embrijuni ta' annimali bovini u ruminanti selvaġġi mrobbija miż-żoni elenkati fil-Partijiet I u II tal-Anness I;

(c)

il-kolostru, il-ħalib u l-prodotti tal-ħalib ta' annimali bovini u ruminanti selvaġġi mrobbija maħsuba għall-għalf tal-annimali miż-żoni elenkati fil-Parti II tal-Anness I;

(d)

il-prodotti sekondarji mhux ipproċessati tal-annimali minn annimali bovini u ruminanti selvaġġi mrobbija, minbarra dawk imsemmija fil-punt (e), miż-żoni elenkati fil-Partijiet I u II tal-Anness I;

(e)

il-ġlud u l-ġilda mhux maħdumin u mhux trattati maħsuba għall-konsum mill-bniedem jew il-ġlud u l-ġilda mhux maħsuba għall-konsum mill-bniedem ta' annimali bovini u ruminanti selvaġġi mrobbija miż-żoni elenkati fil-Partijiet I u II tal-Anness I.

(a)

l-annimali huma mibgħuta lejn żoni elenkati fil-Parti I jew II tal-Anness I tal-istess Stat Membru jew ta' Stat Membru ieħor jew lejn pajjiż terz u jikkonformaw mal-kundizzjonijiet li ġejjin:

(b)

l-annimali huma mibgħuta lejn iż-żoni tal-istess Stat Membru jew ta' Stat Membru ieħor jew lejn pajjiż terz u jikkonformaw mal-kundizzjonijiet li ġejjin:

(c)

l-annimali huma mibgħuta lejn iż-żoni ta' Stat Membru jew ta' pajjiż terz u jikkonformaw mal-kundizzjonijiet li ġejjin:

(a)

l-annimali jikkonformaw ma' kull garanzija tas-saħħa tal-annimali adattata oħra, abbażi ta' eżitu pożittiv ta' valutazzjoni tar-riskju ta' miżuri kontra t-tixrid tal-marda tal-infafet fil-ġilda meħtieġa mill-awtorità kompetenti tal-Istat Membru tal-post ta' oriġini u approvata mill-awtoritajiet kompetenti tal-pajjiżi tal-postijiet tat-transitu u tad-destinazzjoni, qabel ma jintbagħtu tali annimali;

(b)

l-annimali ġew imlaqqma kontra l-marda tal-infafet fil-ġilda mill-inqas 28 jum qabel id-data tal-ispedizzjoni u ġejjin minn impriża li fiha l-annimali kollha tal-ispeċijiet suxxettibbli ġew imlaqqma kontra l-marda tal-infafet fil-ġilda mill-inqas 28 jum qabel id-data tal-ispedizzjoni;

(c)

l-annimali kollha fl-impriża ta' oriġini ġew klinikament iċċekkjati fil-jum tat-tagħbija għall-ispedizzjoni u ma urew l-ebda sintomu kliniku tal-marda tal-infafet fil-ġilda;

(d)

l-annimali mhuma soġġetti għall-ebda waħda mir-restrizzjonijiet previsti fid-Direttiva 92/119/KEE;

(e)

l-annimali ilhom residenti mit-twelid, jew għal mill-inqas perjodu ta' 28 jum qabel id-data tal-ispedizzjoni, f'impriża fejn, f'raġġ ta' mill-inqas 20 km, ma ġiet konfermata l-ebda preżenza tal-marda tal-infafet fil-ġilda matul it-tliet xhur qabel id-data tal-ispedizzjoni u qabel dan kull konferma ta' infezzjoni bil-marda tal-infafet fil-ġilda kienet soġġetta għall-qtil u l-qerda tal-annimali suxxettibbli kollha fl-impriża affettwata. Din l-impriżatrid tkun f'żona elenkata fil-Parti II tal-Anness I fi Stat Membru fejn l-annimali kollha fiż-żoni kollha tagħha elenkati fil-Parti II tal-Anness I ġew imlaqqma jew imlaqqma mill-ġdid kontra l-marda tal-infafet fil-ġilda, skont l-Anness II, mill-inqas tliet xhur qabel id-data tal-ispedizzjoni u għadhom fil-perjodu ta' żmien ta' immunità mniżżel fl-ispeċifikazzjonijiet tat-tilqima mill-manifattur;

(f)

l-awtorità kompetenti fil-post ta' oriġini qed timplimenta programm ta' tilqim kontra l-marda tal-infafet fil-ġilda, li jikkonforma mal-kundizzjonijiet stabbiliti fl-Anness II u li ġie approvat mill-Kummissjoni u hija infurmat lill-Kummissjoni u lill-Istati Membri l-oħra bid-data tal-bidu u bid-data tat-tmiem tal-programm ta' tilqim tagħha skont l-Anness II;

(g)

ġiet stabbilita proċedura ta' gwida skont l-Artikolu 12, taħt il-kontroll tal-awtoritajiet kompetenti tal-Istati Membri tal-postijiet tal-oriġini, tat-transitu u tad-destinazzjoni, sabiex ikun żgurat li l-annimali, mibgħuta skont il-garanziji tas-saħħa tal-annimali previsti fil-punt (a), huma trasportati b'mod sigur u mhumiex sussegwentement mibgħuta lejn Stat Membru jew pajjiż terz ieħor; u

(h)

l-Istat Membru tal-post ta' oriġini għandu minnufih jinforma lill-Kummissjoni u lill-Istati Membri l-oħra bil-garanziji tas-saħħa tal-annimali u bl-approvazzjoni mill-awtoritajiet kompetenti previsti fil-punt (a).

(a)

Il-Parti I tal-Anness I lejn destinazzjoni f'żona oħra elenkata fil-Parti I jew il-Parti II tal-Anness I tal-istess Stat Membru;

(b)

Il-Parti II tal-Anness I lejn destinazzjoni f'żona oħra elenkata fil-Parti II tal-Anness I tal-istess Stat Membru.

(a)

l-annimali ġew imlaqqma kontra l-marda tal-infafet fil-ġilda mill-inqas 28 jum qabel id-data tal-ispedizzjoni u ġejjin minn impriża li fiha l-annimali kollha tal-ispeċijiet suxxettibbli ġew imlaqqma kontra l-marda tal-infafet fil-ġilda mill-inqas 28 jum qabel id-data tal-ispedizzjoni;

(b)

l-annimali, irrispettivament mill-istatus ta' tilqim individwali tagħhom jew mit-tilqim fl-impriża ta' oriġini tagħhom kontra l-marda tal-infafet fil-ġilda jistgħu jiġu mċaqalqa għal qtil ta' emerġenza lejn biċċerija, diment li l-impriża ta' oriġini mhix soġġetta għal xi waħda mir-restrizzjonijiet previsti fid-Direttiva 92/119/KEE fir-rigward tal-marda tal-infafet tal-ġilda, li tipprojbixxi tali ċaqliq;

(c)

l-annimali huma frieħ mhux imlaqqma ta' inqas minn erba' xhur imwielda minn ommijiet imlaqqma mill-inqas 28 jum qabel ma jwelldu u jistgħu jiġu mċaqalqa għal impriża oħra diment li l-annimali kollha ta' speċi suxxettibbli fl-impriża ta' oriġini ġew imlaqqma jew imlaqqma mill-ġdid skont l-istruzzjonijiet tal-manifattur tat-tilqima użata mill-inqas 28 jum qabel id-data taċ-ċaqliq ippjanat u l-impriża mhi soġġetta għall-ebda waħda mir-restrizzjonijiet previsti fid-Direttiva 92/119/KEE fir-rigward tal-marda tal-infafet fil-ġilda, li tipprojbixxi tali moviment.

(a)

l-annimali donaturi ġew imlaqqma u mlaqqma mill-ġdid kontra l-marda tal-infafet fil-ġilda skont l-istruzzjonijiet tal-manifattur tat-tilqima użata, fejn l-ewwel tilqima ngħatat mill-inqas 60 jum qabel id-data tal-ġbir tas-semen, l-ova jew l-embrijuni; jew l-annimali donaturi kienu soġġetti għal test seroloġiku sabiex jinstabu antikorpi speċifiċi kontra l-virus tal-marda tal-infafet fil-ġilda fil-jum tal-ġbir u mill-inqas 28 jum wara l-perjodu tal-ġbir tas-semen jew il-jum tal-ġbir għall-embrijuni u l-ova, b'riżultati negattivi;

(b)

l-annimali donaturi nżammu, tul is-60 jum qabel id-data tal-ġbir tas-semen, l-ova jew l-embrijuni, f'ċentru ta' inseminazzjoni artifiċjali jew stabbiliment adatt ieħor fejn, f'raġġ ta' mill-inqas 20 km, ma ġiet konfermata l-ebda preżenza tal-marda tal-infafet fil-ġilda matul it-tliet xhur qabel id-data tal-ġbir tas-semen, l-ova jew l-embrijuni u qabel dan kull konferma ta' infezzjoni bil-marda tal-infafet fil-ġilda kienet soġġetta għall-qtil u l-qerda tal-annimali suxxettibbli kollha fl-impriżi affettwata;

(c)

l-annimali donaturi ġew klinikament iċċekkjati 28 jum qabel id-data tal-ġbir, kif ukoll tul il-perjodu tal-ġbir kollu, u ma urew l-ebda sintomu kliniku tal-marda tal-infafet tal-ġilda;

(d)

l-annimali donaturi kienu soġġetti għal sejbien tal-aġent tal-marda tal-infafet tal-ġilda b'reazzjoni katina bil-polimerażi (PCR) imwettqa fuq kampjuni tad-demm miġbura fil-bidu u mill-inqas kull 14-il jum minn hemm 'il quddiem matul il-perjodu tal-ġbir tas-semen jew fil-jum tal-ġbir tal-embrijuni u l-ova, b'riżultati negattivi;

(e)

is-semen kien soġġett għal sejbien tal-aġent tal-marda tal-infafet tal-ġilda b'PCR b'riżultati negattivi; u

(f)

l-awtorità kompetenti fil-post ta' oriġini qed timplimenta programm ta' tilqim kontra l-marda tal-infafet fil-ġilda, li jikkonforma mal-kundizzjonijiet stabbiliti fl-Anness II u li ġie approvat mill-Kummissjoni u infurmat lill-Kummissjoni u lill-Istati Membri l-oħra bid-data tal-bidu u bid-data tat-tmiem tal-programm ta' tilqim tagħha skont l-Anness II.

(a)

Il-kundizzjonijiet imniżżla fil-paragrafu 1(a) sa (f);

(b)

L-annimali donaturi jikkonformaw ma' kull garanzija tas-saħħa tal-annimali adattata oħra, abbażi ta' eżitu pożittiv ta' valutazzjoni tar-riskju tal-impatt ta' tali spedizzjoni u tal-miżuri kontra t-tixrid tal-marda tal-infafet fil-ġilda, meħtieġa mill-awtorità kompetenti tal-Istat Membru tal-post ta' oriġini u approvata mill-awtoritajiet kompetenti tal-pajjiżi tal-postijiet tat-transitu u tad-destinazzjoni, qabel l-ispedizzjoni tat-tali semen, ova jew embrijuni; u

(c)

l-Istat Membru tal-post ta' oriġini għandu minnufih jinforma lill-Kummissjoni u lill-Istati Membri l-oħra bil-garanziji tas-saħħa tal-annimali u bl-approvazzjoni mill-awtoritajiet kompetenti previsti fil-punt (b).

(a)

żona elenkata fil-Parti I tal-Anness I lejn destinazzjoni fl-istess Stat Membru jew f'żona oħra elenkata fil-Parti I jew il-Parti II tal-Anness I ta' Stat Membru ieħor;

(b)

żona elenkata fil-Parti II tal-Anness I lejn destinazzjoni fl-istess Stat Membru jew f'żona elenkata fil-Parti II tal-Anness I ta' Stat Membru ieħor diment li;

(a)

dawn ikunu ġlud u ġilda mhux maħduma u mhux trattati maħsuba għall-konsum mill-bniedem jew ġlud u ġilda mhux trattati mibgħuta taħt is-superviżjoni uffiċjali tal-awtoritajiet kompetenti għal proċessar jew rimi f'impjant approvat;

(b)

meta d-destinazzjoni tkun fi Stat Membru ieħor għandha tiġi stabbilita proċedura għall-vjaġġ skont l-Artikolu 12, taħt il-kontroll tal-awtoritajiet kompetenti tal-Istati Membri tal-postijiet tal-oriġini, tat-transitu u tad-destinazzjoni, sabiex ikun żgurat li l-ġlud u l-ġilda jkunu trasportati b'mod sigur lejn il-post tad-destinazzjoni u ma jiġux sussegwentement mibgħuta lejn Stat Membru ieħor jew pajjiż terz qabel ma jkunu proċessati mill-inqas skont l-Artikolu 9(2)(b); u

(c)

il-ġlud u l-ġilda joriġinaw minn impriżi li ma huma soġġetti għall-ebda waħda mir-restrizzjonijiet previsti fid-Direttiva 92/119/KEE fir-rigward tal-marda tal-infafet fil-ġilda.

(a)

dawn ikunu ġlud u ġilda mhux maħduma u mhux trattati maħsuba għall-konsum mill-bniedem jew ġlud u ġilda mhux trattati li joriġinaw minn impriżi li mhuma soġġetti għall-ebda waħda mir-restrizzjonijiet previsti fid-Direttiva 92/119/KEE fir-rigward tal-marda tal-infafet fil-ġilda;

(b)

il-ġlud u l-ġilda ġew:

(c)

il-ġlud u l-ġilda għaddew mill-prekawzjonijiet kollha biex tiġi evitata l-kontaminazzjoni mill-ġdid b'aġenti patoġeniċi wara t-trattament.

(a)

dawn ikunu ġlud u ġilda mhux maħduma u mhux trattati maħsuba għall-konsum mill-bniedem jew ġlud u ġilda mhux trattati mibgħuta taħt is-superviżjoni uffiċjali tal-awtoritajiet kompetenti għal proċessar jew rimi f'impjant approvat;

(b)

meta d-destinazzjoni tkun fi Stat Membru ieħor għandha tiġi stabbilita proċedura għall-vjaġġ skont l-Artikolu 12, taħt il-kontroll tal-awtoritajiet kompetenti tal-Istati Membri tal-postijiet tal-oriġini, tat-transitu u tad-destinazzjoni, sabiex ikun żgurat li l-ġlud u l-ġilda jkunu trasportati b'mod sigur lejn il-post tad-destinazzjoni u ma jiġux sussegwentement mibgħuta lejn Stat Membru ieħor, qabel ma jkunu proċessati tal-inqas skont l-Artikolu 9(2)(b); u

(c)

il-ġlud u l-ġilda joriġinaw minn impriżi li ma huma soġġetti għall-ebda waħda mir-restrizzjonijiet previsti fid-Direttiva 92/119/KEE fir-rigward tal-marda tal-infafet fil-ġilda.

(a)

Il-ġlud u l-ġilda jikkonformaw ma' kull garanzija tas-saħħa tal-annimali adattata oħra, abbażi ta' eżitu pożittiv ta' valutazzjoni tar-riskju ta' miżuri kontra t-tixrid tal-marda tal-infafet fil-ġilda, meħtieġa mill-awtorità kompetenti tal-Istat Membru tal-post ta' oriġini u approvata mill-awtoritajiet kompetenti tal-pajjiżi tal-postijiet tat-transitu u tad-destinazzjoni, qabel ma jintbagħtu dawn il-ġlud u l-ġilda;

(b)

Il-ġlud u l-ġilda joriġinaw minn impriżi li ma huma soġġetti għall-ebda waħda mir-restrizzjonijiet previsti mid-Direttiva 92/119/KEE fir-rigward tal-marda tal-infafet fil-ġilda;

(c)

tiġi stabbilita proċedura għall-vjaġġ skont l-Artikolu 12, taħt il-kontroll tal-awtoritajiet kompetenti tal-Istati Membri tal-postijiet tal-oriġini, tat-transitu u tad-destinazzjoni, sabiex ikun żgurat li l-ġlud u l-ġilda, mibgħuta skont il-garanziji tas-saħħa tal-annimali addizzjonali previsti fil-punt (a) ta' dan il-paragrafu, huma trasportati b'mod sigur lejn il-post tad-destinazzjoni u mhumiex sussegwentement mibgħuta lejn Stat Membru wara li jkunu proċessati tal-inqas skont l-Artikolu 9(2)(b); u

(d)

l-Istat Membru tal-post tal-oriġini għandu minnufih jinforma lill-Kummissjoni u lill-Istati Membri l-oħra bil-garanziji tas-saħħa tal-annimali u bl-approvazzjoni mill-awtoritajiet kompetenti previsti fil-punt (a).

(a)

kull vettura li hija użata għat-trasport ta' dawk l-annimali ħajjin, ta' prodotti sekondarji mhux proċessati tal-annimali jew ta' ġlud u ta' ġilda mhux trattati ġiet:

(b)

it-trasport iseħħ:

(c)

il-konsenja tinkludi biss annimali ħajjin jew prodotti sekondarji mhux proċessati tal-annimali jew ġlud u ġilda mhux trattati tal-istess status tas-saħħa;

(d)

il-veterinarju uffiċjali responsabbli mill-impriża tal-post tad-destinazzjoni għandu jikkonferma kull wasla mal-awtorità kompetenti tal-post ta' oriġini;

(e)

Wara l-ħatt tal-annimali ħajjin, jew tal-prodotti sekondarji mhux proċessati tal-annimali jew ġlud u ġilda mhux trattati, l-vettura u kull tagħmir ieħor li ntuża fit-trasport, huma mnaddfa, diżinfettati u trattati b'insettiċidi awtorizatti li huma effettivi kontra vetturi magħrufa tal-marda tal-infafet fil-ġilda fl-intier tagħhom f'żona magħluqa fil-post tad-destinazzjoni taħt is-superviżjoni tal-veterinarju uffiċjali;

(f)

qabel l-ewwel spedizzjoni miż-żoni elenkati fil-Parti I jew II tal-Anness I fir-rigward ta' liema sseħħ proċedura ta' gwida, l-awtorità kompetenti tal-post ta'oriġini għandha tiżgura li jkunu stabbiliti l-arranġamenti neċessarji mal-awtoritajiet kompetenti rilevanti biex tiżgura l-pjan ta' emerġenza, il-katina ta' kmand u l-kooperazzjoni sħiħa tas-servizzi f'każ ta' inċidenti matul it-trasport, ħsara kbira tal-vettura jew kull azzjoni frodulenti tal-operatur jew ix-xufier jew l-operatur tat-trakk jew ta' vettura oħra għandu minnufih jinnotifika lill-awtorità kompetenti bi kull inċident jew ħsara kbira tal-vettura; u

(g)

fil-każ ta' ġlud u ġilda mhux trattati jew prodotti sekondarji mhux proċessati tal-annimali, il-vetturi għandhom ikunu kompletament ma jnixxu minn kullimkien, inkluż l-għeluq tal-bieba tagħhom.