Choose the experimental features you want to try

This document is an excerpt from the EUR-Lex website

Document 32015R2284

    Regolament (UE) 2015/2284 tal-Parlament Ewropew u tal-Kunsill tal-25 ta' Novembru 2015 li jħassar id-Direttiva tal-Kunsill 76/621/KEE dwar l-iffissar tal-livell massimu ta' aċidu erukiku fiż-żjut u x-xaħmijiet u r-Regolament tal-Kunsill (KE) Nru 320/2006 li jistabilixxi skema temporanja għar-ristrutturar tal-industrija taz-zokkor

    ĠU L 327, 11/12/2015, p. 23–24 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg/2015/2284/oj

    11.12.2015   

    MT

    Il-Ġurnal Uffiċjali tal-Unjoni Ewropea

    L 327/23


    REGOLAMENT (UE) 2015/2284 TAL-PARLAMENT EWROPEW U TAL-KUNSILL

    tal-25 ta' Novembru 2015

    li jħassar id-Direttiva tal-Kunsill 76/621/KEE dwar l-iffissar tal-livell massimu ta' aċidu erukiku fiż-żjut u x-xaħmijiet u r-Regolament tal-Kunsill (KE) Nru 320/2006 li jistabilixxi skema temporanja għar-ristrutturar tal-industrija taz-zokkor

    IL-PARLAMENT EWROPEW U L-KUNSILL TAL-UNJONI EWROPEA,

    Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-ewwel paragrafu tal-Artikolu 42, l-Artikolu 43(2) u l-Artikolu 114 tiegħu,

    Wara li kkunsidraw il-proposta mill-Kummissjoni Ewropea,

    Wara li l-abbozz tal-att leġiżlattiv intbagħat lill-parlamenti nazzjonali,

    Wara li kkunsidraw l-opinjoni tal-Kumitat Ekonomiku u Soċjali Ewropew (1),

    Filwaqt li jaġixxu skont il-proċedura leġiżlattiva ordinarja (2),

    Billi:

    (1)

    It-titjib fit-trasparenza tal-liġi tal-Unjoni huwa element essenzjali tal-istrateġija għat-tfassil aħjar tal-liġijiet li qed tiġi implimentata mill-istituzzjonijiet tal-Unjoni. F'dak il-kuntest huwa xieraq li dawk l-atti legali li ma għadx għandhom effett reali jiġu mħassra.

    (2)

    L-atti legali li ġejjin, relatati mal-politika agrikola komuni, ma għadomx validi, minkejja li formalment għadhom fis-seħħ:

    Id-Direttiva tal-Kunsill 76/621/KEE (3). Il-kontenut ta' dik id-Direttiva ġie indirizzat mir-Regolament tal-Kummissjoni (KE) Nru 1881/2006 (4);

    Ir-Regolament tal-Kunsill (KE) Nru 320/2006 (5). L-iskema temporanja stabbilita minn dak ir-Regolament kienet applikabbli biss sas-sena tas-suq 2009/2010.

    (3)

    Għal raġunijiet ta' ċertezza u ċarezza tad-dritt, dawk l-atti legali li ma għadhomx validi għandhom jitħassru,

    ADOTTAW DAN IR-REGOLAMENT:

    Artikolu 1

    Id-Direttiva 76/621/KEE u r-Regolament (KE) Nru 320/2006 huma mħassra.

    Artikolu 2

    Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Strasburgu, il-25 ta' Novembru 2015.

    Għall-Parlament Ewropew

    Il-President

    M. SCHULZ

    Għall-Kunsill

    Il-President

    N. SCHMIT


    (1)  Opinjoni tal-1 ta' Lulju 2015 (għadha mhijiex ippubblikata fil-Ġurnal Uffiċjali).

    (2)  Pożizzjoni tal-Parlament Ewropew tas-27 ta' Ottubru 2015 (għadha mhix ippubblikata fil-Ġurnal Uffiċjali) u deċiżjoni tal-Kunsill tas-16 ta' Novembru 2015.

    (3)  Direttiva tal-Kunsill 76/621/KEE tal-20 ta' Lulju 1976 dwar l-iffissar tal-livell massimu ta' aċidu erukiku fiż-żjut u x-xaħmijiet maħsubin bħala tali għall-konsum mill-bniedem u fl-oġġetti tal-ikel li fihom żjut u xaħmijiet miżjudin (ĠU L 202, 28.7.1976, p. 35).

    (4)  Regolament tal-Kummissjoni (KE) Nru 1881/2006 tad-19 ta' Diċembru 2006 li jiffissal-livelli massimi ta' ċerti kontaminanti fl-oġġetti tal-ikel (ĠU L 364, 20.12.2006, p. 5).

    (5)  Regolament tal-Kunsill (KE) Nru 320/2006 tal-20 ta' Frar 2006 li jistabbilixxi skema temporanja għar-ristrutturar tal-industrija taz-zokkor fil-Komunità u li jemenda r-Regolament (KE) Nru 1290/2005 dwar il-finanzjament tal-politika agrikola komuni (ĠU L 58, 28.2.2006, p. 42).


    Top