This document is an excerpt from the EUR-Lex website
Document 32014D0237
2014/237/EU: Commission Implementing Decision of 24 April 2014 on measures to prevent the introduction into and the spread within the Union of harmful organisms as regards certain fruits and vegetables originating in India (notified under document C(2014) 2601)
2014/237/UE: Deċiżjoni ta' Implimentazzjoni tal-Kummissjoni tal- 24 ta' April 2014 dwar miżuri protettivi kontra l-introduzzjoni u t-tixrid fi ħdan l-Unjoni ta' organiżmi ta' ħsara fir-rigward ta' ċertu frott u ħxejjex tal-ikel li joriġinaw fl-Indja (notifikata did-dokument C(2014) 2601)
2014/237/UE: Deċiżjoni ta' Implimentazzjoni tal-Kummissjoni tal- 24 ta' April 2014 dwar miżuri protettivi kontra l-introduzzjoni u t-tixrid fi ħdan l-Unjoni ta' organiżmi ta' ħsara fir-rigward ta' ċertu frott u ħxejjex tal-ikel li joriġinaw fl-Indja (notifikata did-dokument C(2014) 2601)
ĠU L 125, 26/04/2014, p. 93–94
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2016: This act has been changed. Current consolidated version: 22/12/2015
|
26.4.2014 |
MT |
Il-Ġurnal Uffiċjali tal-Unjoni Ewropea |
L 125/93 |
DEĊIŻJONI TA' IMPLIMENTAZZJONI TAL-KUMMISSJONI
tal-24 ta' April 2014
dwar miżuri protettivi kontra l-introduzzjoni u t-tixrid fi ħdan l-Unjoni ta' organiżmi ta' ħsara fir-rigward ta' ċertu frott u ħxejjex tal-ikel li joriġinaw fl-Indja
(notifikata did-dokument C(2014) 2601)
(2014/237/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità (1), u b'mod partikolari t-tielet sentenza tal-Artikolu 16(3) tagħha,
Billi:
|
(1) |
Kontrolli tas-saħħa tal-pjanti mwettqa mill-Istati Membri fuq kunsinni ta' ċerti pjanti u prodotti tal-pjanti li joriġinaw fl-Indja żvelaw għadd kbir ta' interċettazzjonijiet minħabba l-preżenza ta' organiżmi ta' ħsara, prinċipalment Tephritidae (mhux Ewropew), Thrips palmi Karny jew Bemisia tabaci Genn. In-numru ta' kunsinni mill-Indja interċettati b'organiżmi ta' ħsara fl-Unjoni wera xejra 'l fuq mill-2010. Ħafna mill-interċezzjonijiet jikkonċernaw pjanti għajr żrieragħ u għeruq ta' Colocasia Schott., u pjanti oħra għajr żrieragħ ta' Mangifera L., Momordica L., Solanum Melongena L. u Trichosanthes L., (minn hawn 'il quddiem imsejħa “il-prodotti speċifikati”). |
|
(2) |
Awditi mwettqa mill-Kummissjoni fl-Indja, b'mod partikolari fl-2010 u l-2013, żvelaw nuqqasijiet fis-sistema fitosanitarja ta' ċertifikazzjoni tal-esportazzjoni. Minkejja l-assigurazzjonijiet u l-azzjonijiet meħuda mill-Indja, in-numru ta' interċettazzjonijiet żdied aktar fl-2013. |
|
(3) |
Fid-dawl tar-riżultati ta' dawk l-awditi u n-numru ta' interċettazzjonijiet, ġie konkluż li s-salvagwardji fitosanitarji attwali tal-Indja huma insuffiċjenti biex jiżguraw li l-konsenji huma ħielsa minn organiżmi ta' ħsara jew biex jindirizzaw ir-riskju tal-introduzzjoni ta' organiżmi ta' l-ħsara fl-Unjoni permezz tal-importazzjoni tal-prodotti speċifikati. |
|
(4) |
Għandhom jittieħdu miżuri biex jiġi indirizzat ir-riskju li jirriżulta minn importazzjoni fl-Unjoni tal-prodotti speċifikati li joriġinaw fl-Indja. Għalhekk, l-introduzzjoni fl-Unjoni tal-prodotti speċifikati li joriġinaw fl-Indja għandha tiġi pprojbita. |
|
(5) |
Il-miżuri għandhom jibqgħu fis-seħħ sal-31 ta' Diċembru 2015 sabiex jiġi indirizzat ir-riskju kontinwu ta' introduzzjoni ta' organiżmi ta' ħsara, filwaqt li jippermettu lill-Indja taġġorna s-sistema ta' ċertifikazzjoni tagħha. |
|
(6) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DEĊIŻJONI:
Artikolu 1
L-introduzzjoni fit-territorju tal-Unjoni ta' pjanti għajr żrieragħ u għeruq ta' Colocasia Schott., u pjanti oħra għajr żrieragħ ta' Mangifera L., Momordica L., Solanum Melongena L. u Trichosanthes L., li joriġinaw fl-Indja għandha tiġi pprojbita.
Artikolu 2
Din id-Deċiżjoni tiskadi nhar il-31 ta' Diċembru 2015.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, l-24 ta' April 2014.
Għall-Kummissjoni
Tonio BORG
Membru tal-Kummissjoni