24.8.2007   

MT

Il-Ġurnal Uffiċjali ta’ l-Unjoni Ewropea

329

(1)

L-Artikolu 53 tar-Regolament (KE) Nru 178/2002 jipprevedi għall-possibbiltà li jiġu adottati miżuri xierqa Komunitarji ta' emerġenza għall-ikel u l-għalf importati minn pajjiżi terzi sabiex ikun hemm protezzjoni tas-saħħa tal-bniedem, tas-saħħa ta' l-annimali jew ta' l-ambjent, meta r-riskju ma jistax jiġi kkontrollat b'mod sodisfaċenti permezz ta' miżuri li ttieħdu mill-Istati Membri kkonċernati.

(2)

Wara li ġiet infurmata mill-awtoritajiet ta' l-Istati Uniti ta' l-Amerika li kien probabbli li l-prodotti tal-qamħirrum ikkontaminati bil-qamħirrum mhux awtorizzat immodifikat ġenetikament li jissejjaħ Bt10 ġew esportati lejn il-Komunità u fid-dawl ta' stqarrija mill-Awtorità Ewropea tas-Sigurtà dwar l-Ikel fejn ġie konkluż li fl-assenza ta' data li hija komprensiva biżżejjed kien impossibbli li jitwettaq assessjar komplut tar-riskji tal-Bt10 skond l-istandards stipolati fir-Regolament (KE) Nru 1829/2003 (2), il-Kummissjoni adottat fit-18 ta' April 2005 Deċiżjoni 2005/317/KE dwar miżuri ta' emerġenza fir-rigward ta' l-organiżmu mhux awtorizzat mmodifikat ġenetikament Bt10 fil-prodotti tal-qamħirrum (3).

(3)

Id-Deċiżjoni 2005/317/KE teħtieġ li l-konsenji tal-prodotti tal-qamħirrum li joriġinaw mill-Istati Uniti ta' l-Amerika u li huwa probabbli li jkunu kkontaminati (l-iktar l-għalf tal-glutina tal-qamħ u l-għalf taċ-ċereali użati għall-birra) jistgħu jitqiegħdu fis-suq biss jekk jiġi pprovdut rapport analitiku li juri li l-prodotti mhumiex ikkontaminati bil-qamħirrum immodifikat ġenetikament Bt10.

(4)

Sabiex tkun aċċertata l-proporzjonalità u biex jiġi evitat li r-restrizzjoni tal-kummerċ tmur lil hinn minn dak li huwa meħtieġ għall-protezzjoni tas-saħħa tal-bniedem, tas-saħħa ta' l-annimali jew ta' l-ambjent, id-Deċiżjoni 2005/317/KE tinkludi klawżola għal reviżjoni biex jiġi vvalutat jekk il-miżuri ta' emerġenza kienu għadhom meħtieġa jew le.

(5)

Il-miżuri ġew riveduti darbtejn f'Ottubru 2005 u f'Marzu 2006 u, f'konsultazzjoni ma' l-Istati Membri il-Kummissjoni kkonkludiet li kellhom jinżammu fis-seħħ sakemm tkun disponibbli iktar informazzjoni dwar esportazzjonijiet ta' prodotti tal-qamħirrum li huwa probabbli jkun ikkontaminat bil-Bt10.

(6)

Skond data analitika pprovduta mis-Syngenta, il-kumpanija li żviluppat il-qamħirrum mmodifikat ġenetikament Bt10, it-testijiet li saru fl-Istati Uniti u li saru fi qbil ma' metodu ta' testjar ivvalidat miċ-Ċentru ta' Riċerka Konġunta tal-Kummissjoni Ewropea u vverifikat mid-Dipartiment ta' l-Agrikoltura ta' l-Istati Uniti juru li ebda kampjun ma ttestja pożittiv għall-preżenza tal-Bt10 mill-bidu ta' Novembru 2005. L-approprjatezza tal-metodu ta' osservanza ġie iktar analizzat u reċentament ikkonfermat miċ-Ċentru ta' Riċerka Konġunta tal-Kummissjoni Ewropea.

(7)

Skond l-informazzjoni pprovduta reċentament lill-Kummissjoni mill-awtoritajiet ta' l-Istati Uniti ittieħdu serja ta' azzjonijiet mis-Syngenta bl-involviment tad-Dipartiment ta' l-Agrikoltura ta' l-Istati Uniti sabiex ikun aċċertat li l-Bt10 ma jiġix ippropagat fil-ġermoplażma tal-kumpanija u/jew jinxtered fid-direzzjonijiet tal-produzzjoni kummerċjali.

(8)

Mid-dħul fis-seħħ tad-Deċiżjoni 2005/317/KE każ wieħed biss ta' dħul tal-Bt10 fil-Komunità ġie rreġistrat, fl-24 ta' Mejju 2005. Konsenja ta' prodotti tal-qamħqirrum ikkontaminati bil-Bt10 telqgħet mill-Istati Uniti qabel id-disponibbiltà tar-riżultati analitiċi tat-testjar u ġiet innotifikata mill-importatur qabel il-wasla tal-bastiment fl-Irlanda. B'hekk kien hemm prevenzjoni tal-bejgħ fis-suq tal-prodott ikkontaminat.

(9)

Minbarra dan il-każ speċifiku, ebda osservanza tal-Bt10 ma' ġiet irrappurtata mill-Istati Membri fuq il-bażi tal-kontrolli mwettqa mill-awtoritajiet kompetenti nazzjonali.

(10)

Skond din l-informazzjoni jista' jiġi konkluż li mhux aktar neċessarju li tinżamm fis-seħħ il-kondizzjoni obbligatorja ta' ċertifikazzjoni. Huwa b'hekk xieraq li tiġi rrevokata d-Deċiżjoni 2005/317/KE.

(11)

Huwa b'hekk xieraq li l-Istati Membri jibqgħu jimmonitorjaw, għal perijodu ta' sitt xhur oħra, skond livell xieraq ta' testjar bl-inzertaturi, jekk il-prodotti tal-qamħirrum ikkontaminati bil-Bt 10 għadhomx preżenti fis-suq. Riżultati pożittivi (mhux favorevoli) għandhom jiġu kkomunikati minnufih permezz tas-Sistema ta' Twissija Rapida għall-ikel u għall-għalf li f'dak il-każ il-Kummissjoni għandha tivvaluta jekk hija meħtieġa azzjoni oħra.

(12)

Il-miżuri previsti f'din id-Deċiżjoni huma f'konformita ma' l-opinjoni tal-Kumitat Permanenti tal-Katina Alimentari u s-Saħħa ta' l-Annimali,

—

Għalf tal-glutina tal-qamħ li fih jew li jiġi prodott min qamħirrum immodifikat ġenetikament fi ħdan il-kodiċi CN 2309 90 20

—

Qmuħ tal-birra li fihom jew li huma prodotti minn qamħirrum modifikat ġenetikament fi ħdn it-tifsira tal-kodiċi CN 2303 30 00