1.   Sainaithneofar córas íocaíochta mar SIPS más rud é:

Déanfar cleachtadh sainaitheantais ar bhonn bliantúil.

2.   D’ainneoin mhír 1, féadfaidh an Chomhairle Rialaithe, agus breithiúnas fónta réasúnaithe á fheidhmiú aici, cinneadh a dhéanamh freisin faoi mhír 3 go sainaithneofar córas íocaíochta mar SIPS i gceachtar de na cásanna seo a leanas:

3.   Glacfaidh an Chomhairle Rialaithe le cinneadh réasúnaithe lena sainaithnítear na córais íocaíochta atá faoi réir an Rialacháin seo, mar aon leis na hoibreoirí agus na húdaráis inniúla faoi seach a ghabhann leo. Coimeádfar an liosta sin ar shuíomh gréasáin BCE agus nuashonrófar é tar éis gach aon athrú.

4.   Fanfaidh cinneadh arna ghlacadh faoi mhír 3 i bhfeidhm go dtí go n-aisghairfear é. Déanfar athbhreithnithe fíorúcháin ar chórais íocaíochta a sainaithníodh mar SIPS ar bhonn bliantúil chun a fhíorú go leanann na córais íocaíochta de bheith ag comhlíonadh na gcritéar chun iad a shainaithint mar SIPS. Aisghairfear cinneadh a glacadh de bhun mhír 3 más rud é:

5.   Beidh sé de cheart ag oibreoir an chórais íocaíochta a iarraidh ar an gComhairle Rialaithe athbhreithniú a dhéanamh ar an gcinneadh lena sainaithnítear an córas íocaíochta lena mbaineann mar SIPS laistigh de 30 lá ón tráth a bhfaigheann sé an cinneadh sin. Áireofar gach faisnéis tacaíochta san iarraidh sin agus seolfar í i scríbhinn chuig an gComhairle Rialaithe. Tabharfaidh an Chomhairle Rialaithe cinneadh réasúnaithe mar fhreagairt ar an iarraidh sin agus tabharfaidh sí fógra i scríbhinn don oibreoir córais íocaíochta faoi gcinneadh sin. Leis an bhfógra i scríbhinn cuirfear in iúl don oibreoir sin go bhfuil sé de cheart aige athbhreithniú breithiúnach a dhéanamh i gcomhréir leis an gConradh. Mura mbeidh cinneadh déanta ag an gComhairle Rialaithe laistigh de dhá mhí ón tráth a ndéantar an iarraidh, measfar gur diúltaíodh don athbhreithniú.

1.   San fhógra i scríbhinn arna sheoladh ag BCE i gcomhréir le hAirteagal 4, tabharfar teorainn ama shocraithe don oibreoir córais íocaíochta ar laistigh di a fhéadfaidh sé cuntas a thabhairt i scríbhinn ar agóidí, tuairimí agus barúlacha ar bith maidir leis na fíorais agus na forais dhlíthiúla a bheidh curtha i láthair san fhógra i scríbhinn. Ní bheidh an teorainn ama sin níos giorra ná 30 lá oibre dar tús an tráth a bhfaighidh an t-oibreoir córais íocaíochta an fógra i scríbhinn.

2.   Féadfaidh BCE an deis a thabhairt don oibreoir córais íocaíochta, arna iarraidh sin dó, a thuairimí a chur in iúl i gcruinniú ó bhéal. Déanfaidh na páirtithe uile miontuairisc i scríbhinn ar an gcruinniú a ullmhú agus a shíniú. Cuirfear cóip den mhiontuairisc ar fáil do na páirtithe uile.

3.   D’ainneoin mhír 2, féadfaidh BCE cinneadh a eisiúint lena sainaithnítear córas íocaíochta mar SIPS gan deis a thabhairt don oibreoir córais íocaíochta a thuairimí, a agóidí nó a bharúlacha a chur in iúl maidir leis na fíorais agus na forais dhlíthiúla a cuireadh i láthair san fhógra i scríbhinn a sheol BCE, ar choinníoll go meastar gur gá sin chun damáiste suntasach don chóras airgeadais a chosc.

1.   Cinneadh BCE lena sainaithnítear córas íocaíochta mar SIPS, beidh ráiteas ar na cúiseanna atá leis an gcinneadh sin ag gabháil leis. Ar áireamh sa ráiteas ar na cúiseanna beidh na fíorais ábhartha agus na forais dhlíthiúla ar a bhfuil cinneadh BCE bunaithe.

2.   Faoi réir Airteagal 6(3), ní bhunóidh BCE an cinneadh dá dtagraítear i mír 1 den Airteagal seo ach amháin ar na fíorais agus ar na forais dhlíthiúla ar a raibh an t-oibreoir córais íocaíochta in ann a bharúil a thabhairt.

1.   Déanfaidh oibreoir SIPS measúnú i dtaobh an dtugtar, leis an dlí is infheidhme i ngach córas dlí ábhartha, ardleibhéal cinnteachta do gach gné ábhartha de ghníomhaíochtaí a SIPS agus an dtacaíonn an dlí sin leis na gnéithe sin.

2.   Cuirfidh oibreoir SIPS rialacha agus nósanna imeachta SIPS ar bun, agus déanfaidh sé conarthaí, atá soiléir agus comhsheasmhach leis an dlí is infheidhme i ngach córas ábhartha dlí.

3.   Beidh oibreoir SIPS in ann an dlí, na rialacha, na nósanna imeachta agus na conarthaí is infheidhme maidir le hoibriú SIPS a shonrú don údarás inniúil, do na rannpháirtithe, agus, i gcás inarb ábhartha, do chustaiméirí na rannpháirtithe, ar bhealach soiléir intuigthe.

4.   Déanfaidh oibreoir SIPS bearta chun a áirithiú go mbeidh a rialacha, a nósanna imeachta agus a chonarthaí in-fhorfheidhmithe i ngach córas dlí ábhartha, agus nach ndéanfar na gníomhartha a dhéanfaidh sé faoi na rialacha, na nósanna imeachta agus na conarthaí sin a chur ar neamhní, a fhreaschur ná a chur faoi réir bac.

5.   Déanfaidh oibreoir SIPS a bhfuil gnó á dhéanamh aige i mbreis agus córas dlí amháin na rioscaí a eascraíonn as aon easaontacht dlíthe a d’fhéadfadh a bheith ann a shainaithint agus a mhaolú.

6.   Déanfaidh oibreoir SIPS a dhícheall ainmniú an SIPS faoi Threoir 98/26/CE a áirithiú.

1.   Beidh cuspóirí doiciméadaithe ag oibreoir SIPS agus ardtosaíocht á tabhairt leis na cuspóirí sin do shábháilteacht agus éifeachtúlacht an SIPS. Tacófar go hintuigthe leis na cuspóirí sin leis an gcobhsaíocht airgeadais agus le ceisteanna ábhartha eile leasa phoiblí, go háirithe margaí oscailte éifeachtúla.

2.   Beidh socruithe rialachais éifeachtach agus doiciméadaithe i bhfeidhm ag oibreoir SIPS lena dtugtar línte soiléire díreacha freagrachta agus cuntasachta. Cuirfear na socruithe sin ar fáil don údarás inniúil, do na húinéirí agus do na rannpháirtithe. Cuirfidh an t-oibreoir SIPS leaganacha giorraithe díobh sin ar fáil don phobal.

3.   Saineofar go soiléir róil agus freagrachtaí an Bhoird. Áireofar ar róil agus freagrachtaí an Bhoird gach ní de na nithe seo a leanas:

4.   Cé is moite de SIPSanna an Eurochórais, déanfaidh an Bord athbhreithniú ar a fheidhmíocht fhoriomlán féin agus ar fheidhmíocht a chomhaltaí aonair go bliantúil ar a laghad.

5.   Beidh de thoradh ar chomhdhéanamh an Bhoird go mbeidh ionracas ann, agus, cé is moite de SIPSanna an Eurochórais, go mbeidh meascán iomchuí ann de scileanna teicniúla, d’eolas agus de thaithí ar SIPSanna agus ar an margadh airgeadais i gcoitinne, ionas go mbeidh an Bord in ann a róil agus a fhreagrachtaí a chomhlíonadh. Cuirfear san áireamh sa chomhdhéanamh freisin leithdháileadh na n-inniúlachtaí i gcomhréir leis an dlí náisiúnta. Cé is moite de SIPSanna an Eurochórais, agus má cheadaítear é faoin dlí náisiúnta, áireofar ar an mBord comhaltaí neamhfheidhmiúcháin boird, lena n-áirítear stiúrthóir neamhspleách amháin ar a laghad.

6.   Bunóidh agus maoirseoidh an Bord creat bainistithe riosca doiciméadaithe:

Bunóidh an Bord coiste riosca chun cabhrú leis i dtaobh chomhlíonadh na bhfreagrachtaí atá air i dtaca le riosca. Cuirfidh an coiste riosca comhairle ar an mBord maidir le bainistiú riosca an SIPS.

Áiritheoidh an Bord go mbeidh trí líne chosanta shoiléire éifeachtacha ann (oibríochtaí, bainistiú riosca agus iniúchadh inmheánach), atá ar leithligh óna chéile agus a bhfuil údarás leordhóthanach, neamhspleáchas leordhóthanach agus acmhainní leordhóthanacha acu agus rochtain leordhóthanach acu ar an mBord.

7.   Beidh formheas an Bhoird ag teastáil le haghaidh cinntí a bhfuil tionchar suntasach acu ar phróifíl riosca an SIPS agus le haghaidh na bpríomhdhoiciméad riosca lena rialaítear oibríochtaí an SIPS. Ar a laghad, formheasfaidh an Bord agus athbhreithneoidh sé ar bhonn bliantúil an creat uileghabhálach bainistithe riosca dá dtagraítear in Airteagal 10(1), an plean téarnaimh agus clabhsúir ordúil agus an plean caipitil dá dtagraítear in Airteagail 10(4) agus 18(6) faoi seach, na creataí maidir le riosca creidmheasa agus leachtachta dá dtagraítear in Airteagail 11(1) agus 13(1) faoi seach, an creat comhthaobhachta lena rialaítear bainistiú na rioscaí dá dtagraítear in Airteagal 12, straitéis infheistíochta an SIPS dá dtagraítear in Airteagal 19(4), an creat riosca oibriúcháin agus an plean leanúnachais gnó gaolmhar dá dtagraítear in Airteagail 20(1) agus 20(6) faoi seach, an creat agus an straitéis cibear-athléimneachta dá dtagraítear in Airteagal 21(1), agus an creat um sheachfhoinsiú dá dtagraítear in Airteagal 22(4).

8.   Áiritheoidh an Bord go léireofar leis na cinntí móra lena ndéantar difear do leagan amach teicniúil agus feidhmiúil, rialacha agus straitéis fhoriomlán an SIPS – go háirithe maidir leis an socrú imréitigh agus socraíochta a bheidh le roghnú, maidir leis an struchtúr oibriúcháin, maidir le scóip na dtáirgí a imréitítear nó a shocraítear, agus maidir le húsáid teicneolaíochta agus nósanna imeachta – leasanna dlisteanacha gheallsealbhóirí ábhartha an SIPS go hiomchuí. Rachfar i gcomhairle go réasúnta leis na geallsealbhóirí ábhartha agus, i gcás inarb iomchuí, leis an bpobal roimh ré maidir leis na cinntí sin.

9.   Saineofar go soiléir ról agus freagrachtaí na Bainistíochta, agus i gcás inarb infheidhme, an Bhainistíocht Brainse, mar aon leis na línte tuairiscithe laistigh den Bhainistíocht, agus i gcás inarb infheidhme an Bhainistíocht Brainse, agus na línte tuairiscithe idir an Bhainistíocht agus an Bord, agus i gcás inarb infheidhme an Bhainistíocht Brainse agus bord an eintitis dhlítheanaigh a bhfuil an brainse ina chuid spleách air ó thaobh an dlí de. Le comhdhéanamh na Bainistíochta, agus i gcás inarb infheidhme comhdhéanamh an Bhrainse Bainistíochta, áiritheofar sláine phearsanta agus meascán iomchuí scileanna teicniúla, eolais agus taithí ar SIPSanna agus ar an margadh airgeadais i gcoitinne araon, rud a chuirfidh ar a gcumas a bhfreagrachtaí maidir le hoibriú agus bainistiú riosca an oibreora SIPS a chomhlíonadh.

10.   Beidh an Bhainistíocht, faoi threoir an Bhoird, agus i gcás inarb infheidhme an Bhainistíocht Brainse, faoi stiúir an bhoird agus bainistíocht an eintitis dhlítheanaigh a bhfuil an brainse ina chuid de spleách ar an dlí, freagrach as an méid uile seo a leanas a áirithiú:

11.   I gcás ina sainaithnítear brainse mar oibreoir SIPS:

Chun críche phointe (b), ciallaíonn ‘comhaltaí den bhainistíocht’, i gcóras boird aonadaigh, comhaltaí an Bhoird a bhíonn ag gabháil do bhainistiú laethúil an eintitis dhlítheanaigh agus aon oifigigh feidhmiúcháin eile arna gceapadh ag an mBord atá i mbun bhainistíocht laethúil an eintitis dhlítheanaigh nó, i gcóras débhoird, comhaltaí an bhoird bainistíochta agus aon oifigigh feidhmiúcháin eile arna gceapadh ag an mBord nó ag an mbord bainistíochta atá ag gabháil do bhainistíocht laethúil an eintitis dhlíthiúil.

12.   Comhlíonadh na gceanglas maidir le sláine faoi mhíreanna 5 agus 9 á áirithiú aige, breithneoidh oibreoir SIPS an bhfuil taifead ag comhaltaí an Bhoird agus ag Bainistíocht, agus i gcás inarb infheidhme Bainistíochta Brainse, oibreora SIPS i leith ciontuithe nó pionóis i leith sáruithe ar an dlí tráchtála is infheidhme, ar an dlí dócmhainneachta, ar an dlí seirbhísí airgeadais, ar an dlí frithsciúrtha airgid agus/nó ar an dlí maidir le maoiniú sceimhlitheoireachta agus ar sháruithe ar dhualgas gairmiúil chomh maith le calaois.

1.   Déanfaidh oibreoir SIPS creat bainistithe riosca fónta a bhunú agus a choimeád chun an raon rioscaí a thagann chun cinn sa SIPS nó a iompraíonn an SIPS a shainaithint, a thomhas, a bhainistiú agus a chur faoi fhaireachán go huileghabhálach. Athbhreithneoidh sé an creat bainistithe riosca go bliantúil ar a laghad. Maidir leis an gcreat bainistithe riosca:

2.   Cuirfidh oibreoir SIPS dreasachtaí ar fáil do rannpháirtithe agus, i gcás inarb ábhartha, dá gcustaiméirí chun na rioscaí a bhaineann leo agus a iompraíonn siad ón SIPS a bhainistiú agus a theorannú. Maidir le rannpháirtithe, áireofar ar na dreasachtaí sin córas pionós airgeadais atá éifeachtach, comhréireach agus athchomhairleach nó socruithe um chaillteanais chomhroinnte, nó iad sin araon.

3.   Déanfaidh oibreoir SIPS athbhreithniú, uair sa bhliain ar a laghad, ar na rioscaí ábhartha a sheasann SIPS ó eintitis eile agus a chruthaíonn sé d’eintitis eile, lena n-áirítear, inter alia, BMAnna, bainc shocraíochta, soláthraithe leachtachta agus soláthraithe seirbhíse, mar thoradh ar idirthuilleamaíochtaí. Forbróidh an t-oibreoir SIPS uirlisí bainistithe riosca atá téagartha agus comhréireach leis an leibhéal riosca a sainaithníodh.

4.   Saineoidh oibreoir SIPS feidhmeanna, oibríochtaí agus seirbhísí criticiúla an SIPS. Sainaithneoidh oibreoir SIPS cásanna féideartha sonracha ina bhféadfaí cosc a chur air na hoibríochtaí agus na seirbhísí criticiúla sin a sholáthar mar ghnóthas leantach agus déanfaidh sé measúnú ar éifeachtacht na roghanna uile maidir le téarnamh agus, cé is moite de SIPSanna an Eurochórais, maidir le clabhsúr ordúil. Déanfaidh sé athbhreithniú ar oibríochtaí criticiúla agus ar sheirbhísí criticiúla an SIPS uair sa bhliain ar a laghad. Bunaithe ar an measúnú sin, ullmhóidh oibreoir SIPS plean inmharthana le haghaidh théarnamh an SIPS agus, cé is moite de SIPSanna an Eurochórais, le haghaidh clabhsúr ordúil. Áireofar sa phlean le haghaidh téarnaimh nó le haghaidh clabhsúr ordúil, inter alia, achoimre shubstainteach ar na príomhstraitéisí téarnaimh agus clabhsúir ordúil, athráiteas i dtaobh oibríochtaí agus seirbhísí criticiúla an SIPS, agus cur síos ar na bearta is gá chun na príomhstraitéisí a chur chun feidhme. Soláthróidh oibreoir SIPS do na húdaráis ábhartha, i gcás inarb infheidhme, an fhaisnéis is gá le haghaidh pleanáil réitigh.

1.   Bunóidh oibreoir SIPS creat téagartha chun go ndéanfar tomhas, faireachán agus bainistiú ar a chuid neamhchosaintí creidmheasa ar rannpháirtithe an SIPS agus ar neamhchosaintí creidmheasa i measc na rannpháirtithe a eascraíonn as próisis íocaíochta, imréitigh agus socraíochta an SIPS.

2.   Sainaithneoidh oibreoir SIPS na foinsí riosca creidmheasa go léir. Déanfar neamhchosaintí creidmheasa a thomhas agus a chur faoi fhaireachán i rith an lae, trí úsáid a bhaint as faisnéis thráthúil agus as uirlisí bainistithe riosca iomchuí.

3.   I gcás córas DNS, áiritheoidh an t-oibreoir SIPS an méid seo a leanas:

4.   Oibreoir SIPS, lena n-áirítear oibreoir córais DNS ag a bhfuil ráthaíocht socraíochta, a thabhaíonn neamhchosaint creidmheasa vis-à-vis rannpháirtithe SIPS le linn oibríochtaí an SIPS sin, cumhdóidh sé neamhchosaint creidmheasa ar gach rannpháirtí trí úsáid a bhaint as comhthaobhacht, as cistí ráthaíochta, as cothromas (tar éis asbhaint na suime atá tiomnaithe do riosca gnó ghinearálta a chumhdach) nó as acmhainní airgeadais coibhéiseacha eile.

5.   Oibreoir SIPS, lena n-áirítear oibreoir córais DNS nach bhfuil aon ráthaíocht socraíochta aige, ach ina bhfuil neamhchosaintí creidmheasa a eascraíonn as próisis íocaíochta, imréitigh agus socraíochta roimh rannpháirtithe an SIPS, beidh rialacha nó socruithe conarthacha i bhfeidhm ag an oibreoir SIPS sin leis na rannpháirtithe sin. Áiritheofar leis na rialacha nó leis na socruithe conarthacha go gcuirfidh rannpháirtithe SIPS acmhainní leordhóthanacha ar fáil, dá dtagraítear i mír 4, chun neamhchosaintí creidmheasa a eascraíonn as na próisis íocaíochta, imréitigh agus socraíochta SIPS a chumhdach i ndáil leis an dá rannpháirtí ag a bhfuil, in éineacht lena gcleamhnaithe, an neamhchosaint chomhiomlán creidmheasa is mó.

6.   Bunóidh oibreoir SIPS rialacha agus nósanna imeachta chun aghaidh a thabhairt ar chaillteanais a eascraíonn go díreach as mainneachtain rannpháirtí amháin nó níos mó maidir lena n-oibleagáidí i leith an SIPS. Leis na rialacha agus na nósanna imeachta sin tabharfar aghaidh ar leithdháileadh caillteanas a d’fhéadfadh a bheith neamhchumhdaithe, lena n-áirítear aisíoc aon chistí a gheobhaidh oibreoir SIPS ar iasacht ó sholáthraithe leachtachta. Áireofar iontu rialacha agus nósanna imeachta an oibreora SIPS maidir le hathshlánú aon acmhainní airgeadais a úsáideann an SIPS le linn teagmhas struis, go dtí an leibhéal a leagtar síos i míreanna 4 agus 5.

1.   Ní ghlacfaidh oibreoir SIPS ach leis na sócmhainní seo amháin mar chomhthaobhacht:

Agus an measúnú inmheánach ar phointí (i) go (vi) á dhéanamh aige, déanfaidh an t-oibreoir SIPS modheolaíocht oibiachtúil a shainiú, a dhoiciméadú agus a chur i bhfeidhm.

2.   Déanfaidh oibreoir SIPS beartais agus nósanna imeachta a bhunú agus a chur chun feidhme chun faireachán a dhéanamh ar cháilíocht chreidmheasa, leachtacht mhargaidh agus luaineacht praghsanna gach sócmhainne a nglactar léi mar chomhthaobhacht. Déanfaidh oibreoir SIPS faireachán ar bhonn rialta, agus uair sa bhliain ar a laghad, ar leordhóthanacht a chuid beartas agus nósanna imeachta luachála. Déanfar athbhreithniú den sórt sin freisin aon uair a tharlaíonn athrú ábhartha lena ndéantar difear do neamhchosaint an SIPS ar riosca. Déanfaidh oibreoir SIPS marcáil ón margadh ar a chomhthaobhacht ar bhonn laethúil ar a laghad.

3.   Bunóidh oibreoir SIPS caolchorrlaigh chobhsaí agus choimeádacha agus déanfaidh sé tástáil orthu uair sa bhliain ar a laghad agus cuirfidh sé dálaí anáis sa mhargadh san áireamh. Déanfaidh pearsanra, nach ionann iad agus an pearsanra a chruthaigh agus a chuir na nósanna imeachta caolchorrlaigh i bhfeidhm, nósanna imeachta caolchorrlaigh a bhailíochtú uair sa bhliain ar a laghad.

4.   Déanfaidh oibreoir SIPS bearta chun sealúchais chomhdhlúite sócmhainní áirithe a sheachaint i gcás ina gcuirfeadh sé sin isteach go mór ar an gcumas sócmhainní den sórt sin a leachtú go tapa gan éifeachtaí díobhálacha suntasacha ar phraghsanna.

5.   Oibreoir SIPS a ghlacann le comhthaobhacht trasteorann, déanfaidh sé na rioscaí a bhaineann lena húsáid a shainaithint agus a mhaolú agus áiritheoidh sé gur féidir an chomhthaobhacht trasteorann a úsáid go tráthúil.

6.   Bainfidh oibreoir SIPS úsáid as córas bainistithe comhthaobhachta a bheidh éifeachtach agus solúbtha ó thaobh an oibriúcháin de.

7.   Níl feidhm ag mír 1 maidir le SIPSanna an Eurochórais.

1.   Bunóidh oibreoir SIPS creat uileghabhálach chun bainistiú a dhéanamh ar rioscaí leachtachta ó rannpháirtithe SIPS, ó bhainc shocraíochta, ó ghníomhairí nostro, ó bhainc thaisclainne, ó sholáthraithe leachtachta agus ó eintitis ábhartha eile. Cuirfidh an t-oibreoir SIPS uirlisí leordhóthanacha ar fáil do na rannpháirtithe chun a leachtacht a bhainistiú go héifeachtach agus déanfaidh sé faireachán ar shreabhadh rianúil leachtachta sa chóras agus éascóidh sé an sreabhadh sin.

2.   Cuirfidh oibreoir SIPS i bhfeidhm uirlisí oibríochtúla agus anailíseacha lena gcuirfear ar a chumas sreafaí socraíochta agus cistiúcháin a shainaithint, a thomhas agus a chur faoi fhaireachán, lena n-áirítear úsáid a bhaint as leachtacht ionlae, ar bhonn leanúnach tráthúil.

3.   Áiritheoidh oibreoir SIPS a oibríonn córas DNS an méid seo a leanas:

4.   Beidh ina sheilbh ag oibreoir SIPS, nó áiritheoidh sé go mbeidh ina seilbh ag rannpháirtithe, acmhainní leachtacha leordhóthanacha i gcónaí amhail ón tráth a mbunófar oibleagáidí airgeadais, i ngach airgeadra ina n-oibríonn sé, chun socraíocht aonlae oibleagáidí airgeadais a chur i gcrích i raon leathan cásanna féideartha struis. I gcás inarb iomchuí, áireofar leis sin socraíocht ionlae nó il-laethanta. Aireofar ar na cásanna féideartha struis:

5.   Beidh ina sheilbh ag oibreoir SIPS a shocraíonn íocaíochtaí aontaobhacha in euro, nó áiritheoidh sé go mbeidh ina seilbh ag rannpháirtithe, acmhainní leordhóthanacha leachtacha, i gcomhréir le mír 4, chun oibleagáidí airgeadais a shocrú go tráthúil i gcás mhainneachtain an rannpháirtí, a bhfuil, in éineacht lena chleamhnaithe, an oibleagáid airgeadais chomhiomlán is mó air mar a chinntear le mír 4(a), ar aon cheann de na bealaí seo a leanas:

6.   Beidh ina sheilbh ag oibreoir SIPS a shocraíonn íocaíochtaí aontaobhacha in euro, nó áiritheoidh sé go mbeidh ina seilbh ag rannpháirtithe, acmhainní leachtacha breise, i gcomhréir le mír 4, pointe (b), ar na bealaí dá dtagraítear i mír 5 nó le banc tráchtála inchairde i gceann amháin nó níos mó de na hionstraimí seo a leanas:

7.   Ní mór, leis na hionstraimí sin go léir, go bhféadfadh airgead tirim a bheith ar fáil laistigh de thréimhse a fhágann gur féidir socraíocht aonlae a chur i gcrích. Thar aon ní eile, ní mór don oibreoir SIPS a bheith in ann a léiriú go bhfuil ionstraimí neamhairgid ar fáil go héasca agus in-chomhshóite in airgead tirim ar bhonn aonlae trí úsáid a bhaint as socruithe cistiúcháin ardiontaofa agus réamhshocraithe, lena n-áirítear i ndálaí anáis sa mhargadh.

Beidh an t-oibreoir SIPS toilteanach a léiriú don údarás inniúil, bunaithe ar mheasúnú inmheánach leordhóthanach, go bhfuil an banc tráchtála inchairde.

Oibreoir SIPS a shocraíonn íocaíochtaí déthaobhacha, nó íocaíochtaí aontaobhacha in airgeadraí seachas an euro, beidh ina sheilbh aige, nó áiritheoidh sé go mbeidh ina seilbh ag rannpháirtithe, acmhainní leordhóthanacha leachtacha, i gcomhréir le mír 4, ar na bealaí dá dtagraítear i mír 6.

8.   I gcás ina bhforlíonann oibreoir SIPS na hacmhainní dá dtagraítear i mír 4 le sócmhainní eile, is dócha go mbeidh na sócmhainní sin indíolta nó inghlactha mar chomhthaobhacht (le haghaidh, e.g. línte creidmheasa, babhtálacha, nó comhaontuithe athcheannaigh) ar bhonn ad hoc tar éis mainneachtana, fiú mura féidir é sin a réamhshocrú nó a ráthú go hiontaofa faoi dhálaí margaidh atá foircneach ach inchreidte. I gcás ina bhforlíonann rannpháirtí na hacmhainní dá dtagraítear i mír 4 le sócmhainní eile, áiritheoidh an t-oibreoir SIPS go gcomhlíontar leis na sócmhainní eile sin na ceanglais a leagtar amach sa chéad abairt den mhír seo. Toimhdeofar gur dócha go bhfuil sócmhainní indíolta nó inghlactha mar chomhthaobhacht má tá an t-oibreoir SIPS tar éis rialacha agus cleachtais an bhainc ceannais ábhartha maidir le hincháilitheacht comhthaobhachta a chur san áireamh.

9.   Ní thoimhdeoidh oibreoir SIPS go mbeidh creidmheas éigeandála ar fáil ón mbanc ceannais.

10.   Déanfaidh oibreoir SIPS dícheall cuí chun a fhíorú maidir le gach soláthraí acmhainní leachtacha an SIPS, dá dtagraítear i mír 4:

Déanfaidh an t-oibreoir SIPS athbhreithniú ar a chomhlíontacht leis an oibleagáid díchill chuí uair sa bhliain ar a laghad. Ní ghlacfar mar sholáthróirí leachtachta ach le heintitis a bhfuil rochtain acu ar chreidmheas ón mbanc ceannais eisiúna. Déanfaidh an t-oibreoir SIPS tástáil rialta ar nósanna imeachta an SIPS maidir le rochtain a fháil ar a acmhainní leachtacha.

11.   Oibreoir SIPS a bhfuil rochtain aige ar chuntais bainc ceannais, ar sheirbhísí íocaíochta nó ar sheirbhísí urrús bainfidh sé úsáid as na seirbhísí sin, nuair is indéanta.

12.   Cinnfidh oibreoir SIPS, trí dhiantástáil struis, an méid acmhainní leachtacha atá aige agus déanfaidh sé tástáil rialta ar leordhóthanacht na n-acmhainní sin chun na ceanglais faoi mhír 4 agus faoi mhír 5 a chomhlíonadh. Agus tástáil struis á déanamh aige, breithneoidh an t-oibreoir SIPS raon leathan cásanna féideartha ábhartha, lena n-áirítear mainneachtain rannpháirtí amháin nó níos mó an lá céanna agus dhá lá nó níos mó ina dhiaidh sin.

Nuair a bhreithneofar cásanna féideartha den sórt sin, cuirfear dearadh agus oibriú an SIPS san áireamh agus scrúdófar gach eintiteas a bhféadfadh rioscaí leachtachta ábhartha a bheith ag baint leo don SIPS, lena n-áirítear bainc shocraíochta, gníomhairí nostro, bainc thaisclainne, soláthraithe leachtachta agus BMAnna nasctha. I gcás inarb iomchuí, cumhdófar tréimhse il-laethanta leis na cásanna féideartha sin.

13.   Doicimeádóidh oibreoir SIPS na cúiseanna atá aige leis an airgead tirim agus na sócmhainní eile a choimeádann sé féin nó a rannpháirtithe a bheith ina sheilbh aige, agus beidh socruithe rialachais iomchuí i bhfeidhm aige maidir leis an airgead tirim agus na sócmhainní sin. Bunóidh sé nósanna imeachta soiléire chun torthaí a thástálacha struis a thuairisciú don Bhord agus bainfidh sé úsáid as na torthaí sin chun meastóireacht a dhéanamh ar leordhóthanacht a chreata bainistithe riosca leachtachta agus chun coigeartuithe a dhéanamh ar an gcreat sin.

14.   Bunóidh oibreoir SIPS rialacha agus nósanna imeachta soiléire lena gcuirfear ar chumas an SIPS socraíocht oibleagáidí airgeadais ar bhonn aonlae agus, i gcás inarb iomchuí, socraíocht oibleagáidí airgeadais ar bhonn tráthúil agus ar bhonn il-laethanta a chur i gcrích tar éis do cheann amháin nó níos mó dá rannpháirtithe mainneachtain. Maidir leis na rialacha agus na nósanna imeachta sin:

1.   Cinnteoidh oibreoir SIPS atá ag socrú íocaíochtaí aontaobhach in euro go ndéantar an tsocraíocht deiridh in airgead an bhainc ceannais. Oibreoir SIPS a shocraíonn íocaíochtaí le haghaidh SIPS eile, féachfaidh sé le cur ar chumas an SIPS eile sin socraíocht a dhéanamh fiú amháin i gcásanna éigeandála.

2.   Oibreoir SIPS a shocraíonn íocaíochtaí déthaobhacha nó íocaíochtaí aontaobhacha in airgeadraí seachas an euro, áiritheoidh sé go ndéanfar an tsocraíocht chríochnaitheach in airgead bainc ceannais i gcás ina mbeidh sé sin indéanta agus ar fáil.

3.   Mura n-úsáidtear airgead bainc ceannais, áiritheoidh oibreoir SIPS go ndéanfar socraíochtaí airgid trí úsáid a bhaint as sócmhainn socraíochta nach bhfuil ach riosca beag creidmheasa agus leachtachta nó gan aon riosca creidmheasa agus leachtachta ag baint léi.

4.   Má dhéantar socraíocht in airgead bainc tráchtála, déanfaidh an t-oibreoir SIPS na rioscaí creidmheasa agus leachtachta a eascraíonn as na bainc shocraíochta thráchtála a chur faoi fhaireachán, a bhainistiú agus a theorannú. Thar aon ní eile, suífidh an t-oibreoir SIPS go bhfuiltear ag cloí le dianchritéir le haghaidh a chuid banc socraíochta agus déanfaidh sé faireachán ar an gcloí sin; cuirfear san áireamh sna dianchritéir sin, i measc nithe eile, rialáil agus maoirseacht, acmhainneacht creidmheasa, caipitliú, rochtain ar leachtacht, agus iontaofacht oibríochtúil na mbanc socrúcháin sin. Déanfaidh an t-oibreoir SIPS faireachán agus bainistiú freisin ar an gcomhchruinniú neamhchosaintí creidmheasa agus leachtachta ar bhainc shocraíochta thráchtála an SIPS.

5.   Má dhéanann oibreoir SIPS socraíochtaí airgid ar a leabhair féin, íoslaghdóidh sé agus rialóidh sé go dian a rioscaí creidmheasa agus leachtachta.

6.   Má dhéantar socraíocht in airgead bainc tráchtála, leagfar an méid seo a leanas amach go soiléir sna comhaontuithe dlíthiúla atá ag oibreoir SIPS le haon bhainc socraíochta tráchtála:

1.   Bunóidh oibreoir SIPS sainmhíniú ar mhainneachtain rannpháirtí i rialacha agus nósanna imeachta an SIPS, lena n-áireofar, ar a laghad, mainneachtain rannpháirtí a oibleagáidí airgeadais a chomhlíonadh nuair a bheidh siad dlite, de thoradh, inter alia, cúiseanna oibríochtúla, sárú comhaontaithe, nó tús a chur le himeachtaí dócmhainneachta i gcoinne an rannpháirtí sin. Déanfaidh oibreoir SIPS idirdhealú idir mainneachtain uathoibríoch agus mainneachtain lánroghnach. I gcás mainneachtain lánroghnach, sonróidh an t-oibreoir SIPS cé acu eintiteas a fheidhmeoidh an lánrogha sin. Athbhreithneoidh sé an sainmhíniú sin uair sa bhliain ar a laghad.

2.   Beidh rialacha agus nósanna imeachta mainneachtana ag oibreoir SIPS lena gcuirtear ar a chumas leanúint dá oibleagáidí a chomhlíonadh i gcás ina mainníonn rannpháirtí, agus déileálfar sna rialacha agus nósanna imeachta sin ar athshlánú acmhainní tar éis mainneachtana. Saineofar leis na rialacha agus nósanna imeachta, mar íosmhéid, gach ní de na nithe seo a leanas:

3.   Beidh oibreoir SIPS ullamh chun a rialacha agus a nósanna imeachta réamhshocraithe a chur chun feidhme, lena n-áirítear aon nósanna imeachta lánroghnacha iomchuí dá bhforáiltear ina rialacha. Áiritheoidh oibreoir SIPS, inter alia, an méid seo a leanas: (a) go bhfuil an acmhainneacht oibríochtúil aige, lena n-áirítear pearsanra dea-oilte leordhóthanach, chun na nósanna imeachta a leagtar amach i mír 2 a chur chun feidhme go tráthúil; agus (b) go ndéileáiltear i rialacha agus nósanna imeachta an SIPS le riachtanais doiciméadachta, faisnéise agus chumarsáide, agus, nuair a bhíonn breis agus BMA nó údarás amháin i gceist, le comhordú.

4.   Nochtfaidh oibreoir SIPS go poiblí príomhghnéithe na rialacha agus na nósanna imeachta a leagtar amach i mír 2, lena n-áirítear, ar a laghad, gach ceann díobh seo a leanas:

5.   Déanfaidh oibreoir SIPS tástáil agus athbhreithniú ar rialacha agus nósanna imeachta an SIPS a leagtar amach i mír 2 uair sa bhliain ar a laghad nó tar éis aon athruithe ábhartha ar an SIPS lena ndéantar difear do na rialacha agus do na nósanna imeachta sin. Tabharfaidh oibreoir SIPS rannpháirt do rannpháirtithe an SIPS agus do gheallsealbhóirí ábhartha an SIPS sa tástáil agus san athbhreithniú sin.

1.   Bunóidh oibreoir SIPS córais láidre bhainistíochta agus rialúcháin chun rioscaí gnó ghinearálta a shainaithint, a chur faoi fhaireachán agus a bhainistiú, lena n-áirítear caillteanais a eascraíonn as drochfheidhmiú straitéise gnó, sreafaí diúltacha airgid, nó speansais oibriúcháin atá gan choinne agus rómhór.

2.   Coimeádfaidh oibreoir SIPS plean inmharthana téarnaimh agus, seachas SIPSanna an Eurochórais, plean clabhsúir ordúil mar a cheanglaítear faoi Airteagal 10(4).

3.   Cinnfidh oibreoir SIPS, bunaithe ar a phróifíl riosca gnó ghinearálta agus ar an méid ama is gá chun aisghabháil agus/nó clabhsúr ordúil a oibríochtaí agus a sheirbhísí criticiúla a bhaint amach, an méid sócmhainní is gá chun an plean dá dtagraítear i mír 2 a chur chun feidhme. Ní bheidh an méid sin níos lú ná an méid is ionann agus sé mhí de speansais oibriúcháin reatha.

4.   Chun an méid dá dtagraítear i mír 3 a chumhdach, sealbhóidh oibreoir SIPS glansócmhainní leachtacha arna gcistiú ag cothromas, e.g., stoc coiteann, cúlchistí nochta nó tuilleamh carntha eile, chun go mbeidh ar a chumas leanúint d’oibríochtaí agus de sheirbhísí mar ghnóthas leantach. Beidh na sócmhainní sin de bhreis ar acmhainní arna sealbhú chun mainneachtain rannpháirtí nó rioscaí eile atá cumhdaithe faoi Airteagal 11 agus faoi Airteagal 13 a chumhdach. Féadfar cothromas arna shealbhú faoi chaighdeáin chaipitil rioscabhunaithe idirnáisiúnta a chur san áireamh chun ceanglais chaipitil dhúblacha a sheachaint.

5.   Sócmhainní dá dtagraítear i mír 4 a shealbhaítear chun riosca gnó ghinearálta a chumhdach, beidh leachtacht agus cáilíocht leordhóthanach ag gabháil leo ionas go mbeidh siad ar fáil go tráthúil, agus déanfar iad a leithscaradh ó shócmhainní an oibreora SIPS a úsáidtear le haghaidh oibríochtaí laethúla. Maidir le sócmhainní arna sealbhú chun riosca gnó ghinearálta a chumhdach, beidh an t-oibreoir SIPS in ann na sócmhainní sin a réadú gan mórán éifeacht dhíobhálach nó gan aon éifeacht dhíobhálach ar phraghsanna, ionas go mbeidh sé in ann leanúint d’oibríochtaí agus de sheirbhísí mar ghnóthas leantach má thabhaíonn sé caillteanais gnó ghinearálta.

6.   Bunóidh oibreoir SIPS plean caipitil inmharthana chun cothromas breise a chruinniú má thiteann a chothromas gar don mhéid dá dtagraítear i mír 3 nó faoina bhun.

7.   Ní bheidh feidhm ag míreanna 3 go 6 maidir le SIPSanna an Eurochórais.

1.   Sealbhóidh oibreoir SIPS a shócmhainní féin agus sócmhainní rannpháirtithe le heintitis atá faoi mhaoirseacht agus faoi rialáil (dá ngairtear ‘taisceánaigh’ anseo feasta), a bhfuil cleachtais chuntasaíochta, nósanna imeachta maidir le slánchoimeád agus rialuithe inmheánacha acu lena gcosnaítear na sócmhainní sin go hiomlán ar an riosca caillteanais i gcás ina dtarlódh dócmhainneacht, faillí, calaois, drochriarachán nó coimeád neamhleor taifead ag taisceánach nó ag fo-thaisceánach.

2.   Beidh rochtain thráthúil ag oibreoir SIPS ar a chuid sócmhainní féin agus ar na sócmhainní arna soláthar ag na rannpháirtithe.

3.   Déanfaidh oibreoir SIPS a neamhchosaintí ar a bhainc thaisclainne a mheas agus a thuiscint, agus scóip iomlán a chaidreamh le gach ceann acu á chur san áireamh.

4.   Bunóidh oibreoir SIPS a straitéis infheistíochta agus beidh an straitéis sin comhsheasmhach lena straitéis fhoriomlán bainistithe riosca agus nochtfar go hiomlán do na rannpháirtithe í. Athbhreithneoidh sé an straitéis infheistíochta uair sa bhliain ar a laghad.

5.   Déanfar infheistíochtaí oibreora SIPS faoina straitéis infheistíochta a urrú le hoibleagáideoirí ardcháilíochta, nó beidh na hinfheistíochtaí sin ina n-éilimh ar na hoibleagáideoirí sin. Saineoidh oibreoir SIPS na critéir le haghaidh oibleagáideoirí ardcháilíochta. Ionstraimí lena ngabhann rioscaí íosta creidmheasa, margaidh agus leachtachta a bheidh sna hinfheistíochtaí.

6.   Ní bheidh feidhm ag míreanna 3 go 5 maidir le SIPSanna an Eurochórais.

1.   Bunóidh oibreoir SIPS creat téagartha lena ngabhann córais, beartais, nósanna imeachta agus rialuithe cuí chun riosca oibriúcháin a shainaithint, a chur faoi fhaireachán agus a bhainistiú.

2.   Déanfaidh oibreoir SIPS athbhreithniú, iniúchadh agus tástáil ar chórais, ar bheartais oibriúcháin, ar nósanna imeachta agus ar rialuithe go tréimhsiúil agus tar éis athruithe suntasacha.

3.   Bunóidh oibreoir SIPS cuspóirí um leibhéal seirbhíse agus um iontaofacht oibriúcháin agus beartais chun na cuspóirí sin a bhaint amach. Athbhreithneoidh sé na cuspóirí agus an beartas uair sa bhliain ar a laghad.

4.   Áiritheoidh oibreoir SIPS go bhfuil acmhainneacht inscálaithe ag SIPS, i gcónaí, chun méaduithe ar mhéideanna íocaíochtaí a tharlaíonn mar gheall ar theagmhais struis a láimhseáil, agus gur féidir leis a chuspóirí um leibhéal seirbhíse a bhaint amach.

5.   Bunóidh oibreoir SIPS beartais, próisis agus córais chuimsitheacha fhisiceacha agus slándála teicneolaíochta faisnéise agus cumarsáide (TFC), chomh maith le córais faisnéise athléimneacha, lena ndéanfar na leochaileachtaí, na bagairtí, na teagmhais agus na rioscaí uile a d’fhéadfadh a bheith ann i dtimpeallacht TFC a shainaithint, a mheasúnú agus a bhainistiú go leordhóthanach. Déanfaidh sé athbhreithniú ar na beartais uair sa bhliain ar a laghad.

6.   Bunóidh oibreoir SIPS plean leanúnachais gnó lena ndéileálfar le teagmhais lena mbaineann riosca suntasach go gcuirfí isteach ar oibríochtaí an SIPS. Áireofar sa phlean úsáid láithreáin thánaistigh agus dearfar é chun a áirithiú gur féidir le córais teicneolaíochta faisnéise chriticiúla oibríochtaí a atosú laistigh de dhá uair an chloig ón tráth a dtarlaíonn na teagmhais sin. Ceapfar an plean sa tslí go mbeidh an SIPS i gcónaí in ann gach íocaíocht atá dlite a shocrú faoi dheireadh an lae gnó a dtarlaíonn an mhíshocracht. Tástálfaidh an t-oibreoir SIPS an plean agus athbhreithneoidh sé é uair sa bhliain ar a laghad.

7.   Sainaithneoidh oibreoir SIPS rannpháirtithe criticiúla bunaithe, go háirithe, ar mhéideanna agus luachanna íocaíochtaí agus ar an tionchar a d’fhéadfadh a bheith acu ar rannpháirtithe eile agus ar an SIPS ina iomláine, i gcás fadhb shuntasach oibriúcháin a bheith ag na rannpháirtithe sin.

8.   Na rioscaí a d’fhéadfadh a bheith ag baint le rannpháirtithe criticiúla, BMAnna eile, agus soláthraithe fóntais agus seirbhísí d’oibríochtaí an SIPS, déanfaidh an t-oibreoir SIPS na rioscaí sin a shainaithint, a chur faoi fhaireachán orthu agus a bhainistiú.

9.   Chun críocha an Airteagail seo, áirítear sna tagairtí do ‘riosca’ na rioscaí a shonraítear in Airteagail 21 agus 22.

1.   Bunóidh oibreoir SIPS creat cuimsitheach cibear-athléimneachta lena ngabhann bearta iomchuí rialachais lena gcuirfear ar a chumas cibear-rioscaí a bhainistiú go héifeachtach agus go héifeachtúil, agus bunóidh sé freisin straitéis chibear-athléimneachta lena gcuirfear lamháltas riosca agus inghlacthacht riosca an SIPS san áireamh.

2.   Leis an gcreat cibear-athléimneachta dá dtagraítear i mír 1, áiritheofar an méid seo a leanas ar a laghad:

3.   Bunóidh oibreoir SIPS clár tástála chun tástáil rialta a dhéanamh ar éifeachtacht oibríochtúil phróisis, nósanna imeachta agus rialuithe uile an chreata cibear-athléimneachta dá dtagraítear i míreanna 1 agus 2. Mar chuid den chlár tástála sin, déanfaidh an t-oibreoir SIPS tástálacha treáite bunaithe ar bhagairtí TIBER-AE lena mbaineann úsáid teicnící chun ionsaí a ionsamhlú ar fheidhmeanna criticiúla agus ar chórais fholuiteacha SIPS mar a leagtar amach faoi chreat TIBER-EU.

I gcás ina sainaithnítear brainse mar oibreoir SIPS, féadfaidh an t-údarás inniúil torthaí tástála treáite arna déanamh ag an eintiteas dlítheanach a bhfuil an brainse ina chuid atá spleách ar an dlí de a chur san áireamh más féidir a mheas gur cleachtadh inchomparáide le tástáil TIBER-AE í an tástáil treáite sin, agus má ghabhann sí éifeachtacht rialuithe agus chórais ábhartha an bhrainse freisin.

4.   Áiritheoidh oibreoir SIPS go mbeidh tuiscint fhónta ag a Bhord, ag a Lucht Bainistíochta, agus i gcás inarb infheidhme ag Lucht Bainistíochta an Bhrainse, agus ag foireann an oibreora SIPS ar an gcibear-athléimneacht agus go mbeidh leibhéal fónta feasachta staide acu ar an timpeallacht cibearbhagairtí ina bhfeidhmíonn sé trí bhíthin próiseas éifeachtach faisnéise i dtaobh bagairtí agus trí bhíthin comhroinnt éifeachtach faisnéise laistigh dá eagraíocht agus le heintitis idirnasctha eile sa chóras airgeadais trí chéile.

5.   Beidh córais, beartais, nósanna imeachta agus rialuithe iomchuí i bhfeidhm ag oibreoir SIPS lena gcuirfear ar a chumas measúnú a dhéanamh ar éifeachtacht chur chun feidhme a straitéise agus a chreata cibear-athléimneachta agus tuiscint a fháil orthu.

6.   Beidh nósanna imeachta i bhfeidhm ag oibreoir SIPS chun a áirithiú go ndéanfar ar a laghad aon mhórchibirtheagmhais a mbíonn tionchar diúltach acu ar SIPS, lena n-áirítear teagmhais de thionscnamh rannpháirtithe SIPS agus soláthraithe seirbhíse tríú páirtí, a thuairisciú dóibh seo a leanas: (a) an Bord, an Bainistí, agus, más infheidhme, Bainistí an Bhrainse; agus b) an t-údarás inniúil. Beidh próisis foghlama leanúnaí agus feabhsaithe a bhaineann leis an gcibearshlándáil i bhfeidhm ag oibreoir SIPS. Áireofar ar na próisis sin, mar shampla, a áirithiú go mbreithneofar sa chreat cibear-athléimneachta forbairtí bagartha chomh maith le hathbhreithnithe ar chibirtheagmhais agus ceachtanna foghlamtha.

1.   Leanfaidh oibreoir SIPS de bheith freagrach i gcónaí as comhlíonadh an Rialacháin seo i leith aon fheidhmeanna, oibríochtaí agus/nó seirbhísí seachfhoinsithe a bhaineann le hoibriú SIPS.

2.   Áiritheoidh oibreoir SIPS nach ndéanfaidh seachfhoinsiú dochar do chumas an oibreora SIPS na ceanglais faoin Rialachán seo a chomhlíonadh agus nach mbeidh de thoradh air, go sainráite ná go hintuigthe, go dtarmligfear freagracht an oibreora SIPS as ceanglais an Rialacháin seo a chomhlíonadh do sholáthraí na seirbhísí seachfhoinsithe.

3.   Agus é ag seachfhoinsiú chuig tríú páirtí nó chuig eintiteas inghrúpa, beidh socruithe conarthacha i scríbhinn i bhfeidhm ag oibreoir SIPS idir é féin agus soláthraí na seirbhísí seachfhoinsithe. Déanfar an méid seo a leanas, ar a laghad, le forálacha na socruithe conarthacha:

4.   Beidh creat uileghabhálach um sheachfhoinsiú i bhfeidhm ag oibreoir SIPS chun na rioscaí a eascraíonn as aon seachfhoinsiú agus ar feadh a shaolré ar fad a shainaithint, a chur faoi fhaireachán agus a bhainistiú go héifeachtach. Beidh straitéis um sheachfhoinsiú i bhfeidhm ag an oibreoir SIPS freisin agus cuirfear san áireamh sa straitéis sin lamháltas riosca an oibreora SIPS.

5.   Leis an gcreat um sheachfhoinsiú dá dtagraítear i mír 4, cuirfear ar chumas an oibreora SIPS an méid seo a leanas ar a laghad a dhéanamh:

6.   Áiritheoidh oibreoir SIPS nach ndéanfar, mar thoradh ar an seachfhoinsiú, dochar d’éifeachtacht ná d’fhóntacht oibriúchán an SIPS ná d’fhóntacht a chóras, a bheartas, a nósanna imeachta gaolmhara agus a rialuithe inmheánacha.

7.   I gcás seachfhoinsiú a bhaineann le feidhmeanna, oibríochtaí agus/nó seirbhísí criticiúla SIPS mar a shainaithnítear in Airteagal 10(4), déanfaidh oibreoir SIPS straitéis scoir a fhorbairt agus a choinneáil ar bun nach gcuirfidh isteach ar oibríochtaí SIPS.

8.   Forbróidh an tEurochóras treoraíocht neamhcheangailteach a bheidh dírithe ar oibreoirí SIPS maidir leis na ceanglais a bhaineann le seachfhoinsiú. Cuirfidh BCE an treoraíocht sin ar fáil ar a shuíomh gréasáin.

1.   Déanfaidh oibreoir SIPS critéir rochtana agus rannpháirtíochta neamh-idirdhealaitheacha ar sheirbhísí an SIPS a bhunú agus a nochtadh go poiblí do rannpháirtithe díreacha agus, i gcás inarb ábhartha, do rannpháirtithe indíreacha agus do BMAnna eile. Athbhreithneoidh sé na critéir uair sa bhliain ar a laghad.

2.   Maidir leis na critéir rochtana agus rannpháirtíochta dá dtagraítear i mír 1, tabharfar údar cuí leo ó thaobh shábháilteacht agus éifeachtúlacht an SIPS agus na margaí ar a bhfreastalaíonn sé, agus beidh siad saincheaptha do rioscaí sonracha an SIPS agus i gcomhréir leis na rioscaí sin. I gcomhréir le prionsabal na comhréireachta, socróidh oibreoir SIPS ceanglais lena gcuirfear a laghad sriain is féidir ar rochtain. Má dhiúltaíonn oibreoir SIPS rochtain a thabhairt d’eintiteas a bhfuil iarraidh ar rochtain agus rannpháirtíocht déanta aige, tabharfaidh sé cúiseanna leis sin i scríbhinn, bunaithe ar anailís chuimsitheach riosca.

3.   Déanfaidh oibreoir SIPS faireachán ar bhonn leanúnach ar chomhlíonadh chritéir rochtana agus rannpháirtíochta an SIPS ag na rannpháirtithe. Bunóidh oibreoir SIPS nósanna imeachta neamh-idirdhealaitheacha chun go bhféadfar rannpháirtíocht rannpháirtí a chur ar fionraí agus a fhoirceannadh ar bhealach ordúil i gcás ina mainníonn an rannpháirtí na critéir a chomhlíonadh agus nochtfaidh sé príomhghnéithe ábhartha na nósanna imeachta sin go poiblí. Athbhreithneoidh sé na nósanna imeachta uair sa bhliain ar a laghad.

1.   Chun críche bainistithe riosca, áiritheoidh oibreoir SIPS go mbeidh de thoradh ar rialacha, nósanna imeachta agus socruithe conarthacha an SIPS go mbeidh ar a chumas faisnéis a bhailiú i dtaobh rannpháirtíocht indíreach chun aon rioscaí ábhartha don SIPS a eascraíonn as rannpháirtíocht a shainaithint, a chur faoi fhaireachán agus a bhainistiú. Cumhdófar an méid seo a leanas, ar a laghad, leis an bhfaisnéis sin:

2.   Sainaithneoidh oibreoir SIPS spleáchais ábhartha idir rannpháirtithe díreacha agus rannpháirtithe indíreacha lena bhféadfaí difear a dhéanamh don SIPS, agus an fhaisnéis dá dtagraítear i mír 1 á cur san áireamh.

3.   Sainaithneoidh oibreoir SIPS rannpháirtithe indíreacha lena mbaineann rioscaí ábhartha don SIPS agus do na rannpháirtithe díreacha trína bhfaigheann siad rochtain ar an SIPS d’fhonn na rioscaí sin a bhainistiú.

4.   Déanfaidh oibreoir SIPS athbhreithniú ar na rioscaí a eascraíonn as socruithe rannpháirtíochta cisealta uair sa bhliain ar a laghad. Déanfaidh sé gníomhaíocht mhaolaitheach nuair is gá chun a áirithiú go ndéanfar na rioscaí a bhainistiú i gceart.

1.   Beidh próiseas i bhfeidhm ag oibreoir SIPS chun riachtanais na margaí a bhfreastalaíonn an SIPS orthu a shainaithint agus chun freastal orthu, maidir leis an méid seo a leanas go háirithe:

2.   Beidh spriocanna agus cuspóirí atá sainithe go soiléir ag oibreoir SIPS; beidh na spriocanna agus na cuspóirí sin intomhaiste agus indéanta, amhail i réimsí na n-íosleibhéal seirbhíse, na n-ionchas bainistithe riosca agus na dtosaíochtaí gnó.

3.   Beidh sásraí arna mbunú ag oibreoir SIPS chun athbhreithniú rialta, ar bhonn bliantúil ar a laghad, a dhéanamh ar na ceanglais a leagtar síos i mír 1 agus i mír 2.

1.   Glacfaidh oibreoir SIPS rialacha agus nósanna imeachta soiléire agus cuimsitheacha a nochtfar go hiomlán do na rannpháirtithe. Déanfar rialacha agus eochairnósanna imeachta ábhartha a nochtadh go poiblí freisin.

2.   Nochtfaidh oibreoir SIPS tuairiscí soiléire ar dhearadh agus oibríochtaí an chórais, agus ar chearta agus oibleagáidí oibreoir agus rannpháirtithe an SIPS, ionas gur féidir leis na rannpháirtithe measúnú a dhéanamh ar na rioscaí a thabhóidís dá mbeidís rannpháirteach sa SIPS.

3.   Soláthróidh oibreoir SIPS an doiciméadacht agus an oiliúint go léir is gá agus is iomchuí chun go gcuirfear leis an tuiscint atá ag na rannpháirtithe ar rialacha agus nósanna imeachta an SIPS agus ar na rioscaí a bheidh rompu má bhíonn siad rannpháirteach sa SIPS.

4.   Nochtfaidh oibreoir SIPS go poiblí táillí an SIPS ar leibhéal na seirbhísí aonair a thairgeann sé mar aon lena bheartais lascaine. Soláthróidh an t-oibreoir SIPS tuairiscí soiléire ar sheirbhísí praghsáilte chun críocha inchomparáideachta.

5.   Déanfaidh oibreoir SIPS freagairtí ar chreat Nochta CPMI-IOSCO maidir le bonneagair an mhargaidh airgeadais a thabhairt chun críche agus a nochtadh go poiblí. Nuashonróidh sé a fhreagairtí tar éis athruithe ábhartha ar an gcóras nó ar thimpeallacht an chórais, ach uair gach re bliain ar a laghad. Nochtfaidh oibreoir SIPS freisin, ar a laghad, sonraí bunúsacha ar mhéideanna agus luachanna na n-idirbheart.

1.   Beidh bliain amháin ag oibreoirí SIPS ón dáta a dtabharfar fógra dóibh faoi chinneadh na Comhairle Rialachais i gcomhréir le hAirteagal 3(3) chun na riachtanais arna leagan síos sa Rialachán seo a chomhlíonadh.

2.   Comhoibreoidh oibreoirí SIPS, ar bhonn leanúnach, leis an údarás inniúil, agus áiritheoidh siad go gcomhlíonann an SIPS a oibríonn siad na ceanglais a leagtar amach in Airteagail 8 go 27 agus in Airteagal 29, lena n-áirítear i dtéarmaí éifeachtacht fhoriomlán a rialacha, a nósanna imeachta, a bpróisis agus a gcreataí. Comhoibreoidh oibreoirí SIPS freisin leis an údarás inniúil i dtaca leis an mórchuspóir go ndéanfaí oibriú rianúil na gcóras íocaíochta ar an leibhéal sistéamach a chur chun cinn.

3.   I gcás ina sainaithnítear brainse mar oibreoir SIPS agus ina gceanglaítear, nó ina mbraitheann comhlíonadh oibleagáide faoin Rialachán seo, rannpháirtíocht an eintitis dhlítheanaigh a bhfuil an brainse ag brath ar an dlí de, tuigfear gurb ionann an oibleagáid sin agus oibleagáid ar an mbrainse comhlíonadh a léiriú vis-à-vis an t-údarás inniúil trí na gníomhaíochtaí agus na próisis ar leibhéal an eintitis dhlítheanaigh ábhartha.

1.   Beidh sé de chumhacht ag údarás inniúil:

2.   Sonraítear i gCinneadh (AE) 2019/1349 ón mBanc Ceannais Eorpach (BCE/2019/25) (14) an nós imeachta agus na coinníollacha faoina bhfeidhmeoidh údarás inniúil na cumhachtaí a leagtar amach san Airteagal seo.

1.   Féadfaidh údarás inniúil gníomhaíochtaí leanúnacha agus/nó ad hoc formhaoirseachta a dhéanamh chun measúnú a dhéanamh ar chomhlíonadh na gceanglas a leagtar amach in Airteagail 8 go 27 agus in Airteagal 29 ag oibreoir SIPS nó chun oibriú rianúil na gcóras íocaíochta ar an leibhéal sistéamach a chur chun cinn.

2.   Féachfaidh údarás inniúil le socruithe comhair a dhéanamh le húdaráis ábhartha eile de réir mar is gá. Sa chás eisceachtúil ina sainaithnítear brainse mar oibreoir SIPS, lorgóidh an t-údarás inniúil socrú comhair leis an údarás atá freagrach as formhaoirseacht nó maoirseacht a dhéanamh ar an eintiteas dlítheanach lena mbaineann an brainse sin.

1.   I gcás nár chomhlíon oibreoir SIPS an Rialachán seo nó i gcás ina bhfuil forais réasúnacha amhrais ann nár chomhlíon oibreoir SIPS an Rialachán seo, féadfaidh an t-údarás inniúil nós imeachta a thionscnamh chun beart ceartaitheach a fhorchur, agus sa chás sin, déanfaidh an t-údarás inniúil an méid seo a leanas:

2.   Agus an fhaisnéis a chuir an t-oibreoir SIPS ar fáil á cur san áireamh, féadfaidh an t-údarás inniúil bearta ceartaitheacha a fhorchur ar an oibreoir SIPS chun an neamhchomhlíonadh a leigheas agus/nó chun atarlú an neamhchomhlíonta a sheachaint. I gcás inar brainse é an t-oibreoir SIPS, forchuirfear na bearta ceartaitheacha ar an mbrainse.

3.   Féadfaidh an t-údarás inniúil bearta ceartaitheacha a fhorchur láithreach má chinneann sé go bhfuil an neamhchomhlíonadh tromchúiseach go leor chun gur gá tabhairt faoi ghníomhaíocht láithreach. Tabharfaidh sé cúiseanna lena chinneadh.

4.   Cuirfidh údarás inniúil seachas BCE in iúl do BCE go bhfuil sé ar intinn aige bearta ceartaitheacha a fhorchur ar oibreoir SIPS gan moill mhíchuí.

5.   Féadfar bearta ceartaitheacha a fhorchur go neamhspleách ar smachtbhannaí arna bhforchur faoi Rialachán (CE) Uimh. 2532/98 ón gComhairle (15) nó i gcomhthráth leis na smachtbhannaí sin.

6.   Beidh feidhm ag na rialacha agus an nós imeachta dá bhforáiltear i gCinneadh (AE) 2017/2098 ón mBanc Ceannais Eorpach (BCE/2017/33) (16) maidir le forchur na mbeart ceartaitheach de bhun an Airteagail seo.

1.   I gcás sárú ar an Rialachán seo, féadfaidh BCE smachtbhannaí a fhorchur ar an oibreoir SIPS. I gcás inar brainse é an t-oibreoir SIPS, forchuirfear na smachtbhannaí ar an mbrainse.

2.   Beidh na smachtbhannaí a fhorchuirtear de bhun mhír 1 i gcomhréir le Rialachán (CE) Uimh. 2532/98 agus le Rialachán (CE) Uimh. 2157/99 ón mBanc Ceannais Eorpach (BCE/1999/4) (17). Déanfar méid na smachtbhannaí a ríomh i gcomhréir le Cinneadh (AE) 2017/2097 ón mBanc Ceannais Eorpach (BCE/2017/35) (18).

1.   Aisghairtear leis seo Rialachán (AE) Uimh. 795/2014 (BCE/2014/28).

2.   Forléireofar tagairtí don Rialachán arna aisghairm mar thagairtí don Rialachán seo agus léifear iad de réir an tábla comhghaoil atá leagtha amach in Iarscríbhinn II.

1.   Tiocfaidh an Rialachán i bhfeidhm an fichiú lá tar éis a fhoilsithe in Iris Oifigiúil an Aontais Eorpaigh.

2.   Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.