(1)

Le Cinneadh 97/836/CE ón gComhairle (1), d’aontaigh an tAontas Eorpach do Chomhaontú Choimisiún Eacnamaíochta na Náisiún Aontaithe don Eoraip (CENAE) maidir le saintreoracha teicniúla aonfhoirmeacha a ghlacadh i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha agus maidir leis na coinníollacha le haghaidh aitheantas frithpháirteach i gcás ceaduithe a dheonaítear ar bhonn na saintreoracha sin (an “Comhaontú Athbhreithnithe 1958”). Tháinig an Comhaontú Athbhreithnithe 1958 i bhfeidhm an 24 Márta 1998.

(2)

Le Cinneadh 2000/125/CE ón gComhairle (2), d’aontaigh an tAontas don Chomhaontú maidir le rialacháin theicniúla dhomhanda a leagan síos i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha (an “Comhaontú Comhthreomhar”). Tháinig an Comhaontú Comhthreomhar i bhfeidhm an 15 Feabhra 2000.

(3)

Leagtar síos i Rialachán (AE) 2018/858 ó Pharlaimint na hEorpa agus ón gComhairle (3) forálacha riaracháin agus ceanglais theicniúla maidir le cineálcheadú agus chun gach feithicil nua, gach córas nua, gach comhpháirt nua agus gach aonaid theicniúil ar leithligh nua a chur ar an margadh. Ionchorpraíonn an Rialachán sin rialacháin arna nglacadh faoi Chomhaontú Athbhreithnithe 1958 (“Rialacháin ó na Náisiúin Aontaithe”) i gcóras cineálcheadaithe an Aontais, mar cheanglais maidir le cineálcheadú nó mar roghanna malartacha ar reachtaíocht an Aontais.

(4)

De bhun Airteagal 1 den Chomhaontú Athbhreithnithe 1958 agus Airteagal 6 den Chomhaontú Comhthreomhar, féadfaidh Fóram Domhanda UNECE um Chomhchuibhiú Rialachán d’Fheithiclí (UNECE WP.29) tograí a ghlacadh le haghaidh modhnuithe ar Rialacháin ó na Náisiúin Aontaithe, Rialacháin Theicniúla Dhomhanda ó na Náisiúin Aontaithe (RTDanna ó na Náisiúin Aontaithe) agus Rúin ó na Náisiúin Aontaithe chomh maith le tograí le haghaidh Rialacháin nua ó na Náisiúin Aontaithe, Rialacháin Theicniúla Dhomhanda nua ó na Náisiúin Aontaithe agus Rúin nua ó na Náisiúin Aontaithe maidir le feithiclí a cheadú. Thairis sin, de bhun na bhforálacha sin, féadfaidh UNECE WP.29 tograí a ghlacadh le haghaidh údaruithe chun leasuithe a dhéanamh ar RTDanna ó na Náisiúin Aontaithe nó chun RTDanna nua ó na Náisiúin Aontaithe a fhorbairt, agus féadfaidh sé tograí a ghlacadh le haghaidh sainorduithe le haghaidh RTDanna ó na Náisiúin Aontaithe a shíneadh.

(5)

Féadfaidh UNECE WP.29, le linn an 182ú seisiún den Fhóram Domhanda a thionólfar an 10 Samhain 2020, na tograí le haghaidh modhnuithe ar Rialacháin Uimh. 0, 13, 16, 17, 44, 55, 83, 93, 94, 95, 100, 115, 137, 144, 151, 152 agus 153 ó na Náisiúin Aontaithe, ar an togra le haghaidh Rialachán nua ó na Náisiúin Aontaithe maidir le formheas gaireas le haghaidh cúlghluaiseachta agus mótarfheithiclí maidir le feasacht an tiománaí i dtaobh feithicil úsáideoirí soghonta bóithre taobh thiar, ar an togra le haghaidh Rialachán nua ó na Náisiúin Aontaithe maidir le mótarfheithiclí a cheadú i ndáil leis an gcóras faisnéise i dtaobh gluaiseacht ar aghaidh chun coisithe agus rothaithe a bhrath, ar na tograí le haghaidh modhnuithe ar RTDanna ó na Náisiún Aontaithe Uimh. 7, 15 agus 18, ar an togra le haghaidh Rialachán Teicniúil Domhanda nua maidir le cumhacht feithicle leictrí a chinneadh agus ar an togra le haghaidh leasuithe ar Rún Frithpháirteach R.F.3 maidir le Cáilíocht Aeir Laistigh Feithicle. Thairis sin tá UNECE WP.29 le togra a ghlacadh le haghaidh údaruithe chun leasú ar RTD Uimh. 8 ó na Náisiúin Aontaithe a fhorbairt agus chun RTD nua ó na Náisiúin Aontaithe a fhorbairt maidir le marthanacht ceallraí infheithicle.

(6)

Is iomchuí an seasamh a bheidh le glacadh thar ceann an Aontais in UNECE WP.29 a leagan síos a mhéid a bhaineann leis na tograí sin a ghlacadh, ós rud é go mbeidh na Rialacháin sin ó na Náisiúin Aontaithe ina gceangal ar an Aontas agus go bhféadfaidh siad, in éineacht leis na RTDanna ó na Náisiúin Aontaithe agus an Rún Frithpháirteach, tionchar cinntitheach a imirt ar inneachar dhlí an Aontais i réimse an chineálcheadaithe feithicle.

(7)

I bhfianaise taithí agus forbairtí teicniúla, is gá na ceanglais a bhaineann le heilimintí nó gnéithe áirithe a chumhdaítear le Rialacháin Uimh. 0, 13, 16, 17, 44, 55, 83, 93, 94, 95, 100, 115, 137, 144, 151, 152 agus 153 ó na Náisiúin Aontaithe, chomh maith le Rún Frithpháirteach R.F.3., a leasú nó a fhorlíonadh.

(8)

Ina theannta sin, is gá forálacha áirithe in RTDanna Uimh. 7, 15 agus 18 ó na Náisiúin Aontaithe a leasú.

(9)

Chun dul chun cinn teicniúil a chur san áireamh agus chun sábháilteacht feithiclí agus tástáil astaíochtaí a fheabhsú, is gá dhá Rialachán nua ó na Náisiúin Aontaithe a ghlacadh: rialachán maidir le formheas gaireas le haghaidh cúlghluaiseachta agus le haghaidh mótarfheithiclí maidir le feasacht an tiománaí i dtaobh úsáideoirí soghonta bóithre taobh thiar dá fheithicil, agus rialachán maidir le mótarfheithiclí a cheadú i ndáil leis an gcóras faisnéise i dtaobh gluaiseacht ar aghaidh chun coisithe agus rothaithe a bhrath. I gcomhthráth, is gá Rialachán Teicniúil Domhanda nua maidir le cumhacht feithicle leictrí a ghlacadh.

(10)

Chun go bhféadfar tuilleadh forbartha a dhéanamh ar cheanglais theicniúla, is gá na tograí a ghlacadh lena n‐údaraítear leasú ar RTD Uimh. 8 ó na Náisiúin Aontaithe a fhorbairt agus RTD nua ó na Náisiúin Aontaithe maidir le marthanacht ceallraí infheithicle a fhorbairt bunaithe ar na hiarrataí ó Pháirtithe Conarthacha UNECE a urraíonn an obair ar RTDanna ó na Náisiúin Aontaithe nó ó fhochomhlachtaí tiomanta UNECE WP.29.

(11)

Chun comhsheasmhacht maidir le léirthuiscint ar Rialacháin Uimh. 155 agus 156 ó na Náisiúin Aontaithe, ba cheart na tograí le haghaidh doiciméid léirthuisceana ar an dá rialachán, chomh maith leis an togra le haghaidh treoirlíne maidir le húsáid an Bhunachair Sonraí le haghaidh Malartú Cineálcheadaithe de réir Rialachán Uimh. 155 ó na Náisiúin Aontaithe a ghlacadh.

(12)

An 16 Meitheamh 2020, ghlac an Chomhairle Cinneadh (AE) 2020/848 (4) maidir leis an seasamh atá le glacadh maidir le RTD Uimh. 7 ó na Náisiúin Aontaithe agus maidir leis na tograí chun leasú a fhorbairt ar RTD Uimh. 8 ó na Náisiúin Aontaithe agus forbairt RTD nua ó na Náisiúin Aontaithe maidir le marthanacht ceallraí infheithicle a údarú don 181ú seisiún de chuid UNECE WP.29, a tionóladh an 24 Meitheamh 2020. Mar sin féin, ní raibh WP.29 in ann vóta a chaitheamh sa seisiún sin agus chinn sé na tograí a atíolacadh le haghaidh vóta ag seisiún mhí na Samhna,