X’INHU L-GĦAN TAR-REGOLAMENT?

Dan jissimplifika l-amministrazzjoni ta’ għajnuna mill-Istat fejn distorsjoni għal kompetizzjoni hi minima. Hu jagħmel dan għax iħalli lill-Kummissjoni Ewropea tuża regolamenti biex tirregola li ċerti kategoriji ta’ għajnuna mill-Istat huma kompatibbli mas-suq intern u m’għandhomx bżonn ikunu notifikati taħt Artikolu 108(3) tat-Trattat dwar il-Funzjonament tal-Unjoni Ewropea (TFUE).

PUNTI EWLENIN

Il-Kummissjoni tista’ tadotta regolamenti biex tippermetti għajnuna mill-Istat li tintuża biex:

tikkoordina trasport;
tħallas lura l-ispejjeż ta’ ċerti obbligi tas-servizz pubbliku.

Ir-regolamenti:

jridu jispeċifikaw għal kull kategorija ta’ għajnuna:
- l-iskop,
- il-benefiċjarji,
- il-livelli stabbiliti, inkluż l-intensità (persentaġġ tal-ispejjeż) u livelli massimi,
- Il-kundizzjonijiet tal-akkumulazzjoni tal-għajnuna,
- regoli dwar it-trasparenza u sorveljanza,
- il-perjodu ta’ validità u arranġamenti għal tranżizzjoni jekk il-validità ma tkunx estiża;
jistgħu:
- jistabbilixxu livelli stabbiliti jew kundizzjonijiet oħra biex javżaw dwar għajnuna individwali,
- jeskludu ċerti setturi mill-iskop tagħhom,
- jżidu kundizzjonijiet addizzjonali biex jiguraw kompatibbiltà mas-suq intern.

Regoli dwar it-trasparenza u s-sorveljanza jeħtieġu li Stati Membri tal-Unjoni Ewropea (UE):

jipprovdu lill-Kummissjoni b’sommarji tal-għajnuna mogħtija;
jirrekordjaw konformità mar-regolament u jissottomettu kull informazzjoni jekk il-Kummissjoni titlobha;
jissottomettu rapport li hu xxerrjat mal-Istati Membri kollha u lill-Kummissjoni tal-inqas darba fis-sena dwar l-applikazzjoni tagħhom tar-regolamenti.

Il-Kummissjoni:

qabel ma taddotta regolament:
- tippubblika abbozz biex tagħti lil partijiet interessi tal-inqas xahar biex jissottomettu l-kummenti,
- tikkonsulta l-kumitat konsultattiv dwar l-għajnuna mill-Istat u tqis l-opinjoni tiegħu;
tissottometti rapport annwali kull 5 snin lill-Parlament Ewropew u lill-Kunsill tal-Unjoni Ewropea.

SFOND

Artikolu 93 TFUE jgħid li għajnuna mill-Istat għat-trasport intern hi komptibbli mar-regoli tal-UE jekk tintuża biex tikkoordina trasport jew biex tħallas lura ċerti spejjeż tas-servizz pubbliku.
Artikolu 107 (1) TFUE jipprojbixxi għajnuna mill-Istat li toħloq distorsjoni, jew li thedded li toħloq distorsjoni tal-kompetizzjoni bejn kumpaniji u li taffettwa l-kummerċ fi ħdan is-suq intern.
Artikolu 108(3) TFUE jeħtieġ li Stati Membri jinnotifkaw lill-Kummissjoni dwar kull pjan biex jagħtu jew jalteraw għajnuna mill-Istat.
Regolament (UE) 2015/1588 (ara sommarju) jagħti lill-Kummissjoni l-poter biex teżenta ċerti kategoriji ta’ għajnuna mill-Istat minn rekwiżiti ta’ notifika f’Artikolu 108(3) TFUE.

DOKUMENT PRINĊIPALI

Ir-Regolament tal-Kunsill (UE) 2022/2586 tad-19 ta’ Diċembru 2022 dwar l-applikazzjoni ta’ Artikoli 93, 107 u 108 tat-Trattat dwar il-Funzjonament tal-Unjoni Ewropea għal ċerti kategoriji ta’ għajnuna mill-Istat fis-settur tal-ferrovija, passaġġi tal-ilma interni u trasport multimodali (ĠU L 338, 30.12.2022, pp. 35–39).

Għajnuna mill-istat fis-settur tal-ferrovija, passaġġ tal-ilma interni, u trasport multimodali

SOMMARJU TA’:

X’INHU L-GĦAN TAR-REGOLAMENT?

PUNTI EWLENIN

MINN META BEDA JAPPLIKA R-REGOLAMENT?

SFOND

DOKUMENT PRINĊIPALI

SOMMARJU TA’:

X’INHU L-GĦAN TAR-REGOLAMENT?

PUNTI EWLENIN

MINN META BEDA JAPPLIKA R-REGOLAMENT?

SFOND

DOKUMENT PRINĊIPALI

DOKUMENTI RELATATI