Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62014CN0607

    Kawża C-607/14: Talba għal deċiżjoni preliminari mressqa mill-First-tier Tribunal (Tax Chamber) (ir-Renju Unit) fid- 29 ta’ Diċembru 2014 – Bookit Ltd vs Commissioners for Her Majesty’s Revenue and Customs

    ĠU C 81, 9.3.2015, p. 9–10 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    9.3.2015   

    MT

    Il-Ġurnal Uffiċjali tal-Unjoni Ewropea

    C 81/9

    Talba għal deċiżjoni preliminari mressqa mill-First-tier Tribunal (Tax Chamber) (ir-Renju Unit) fid-29 ta’ Diċembru 2014 – Bookit Ltd vs Commissioners for Her Majesty’s Revenue and Customs

    (Kawża C-607/14)

    (2015/C 081/12)

    Lingwa tal-kawża: l-Ingliż

    Qorti tar-rinviju

    First-tier Tribunal (Tax Chamber)

    Partijiet fil-kawża prinċipali

    Rikorrenti: Bookit Ltd

    Konvenuti: Commissioners for Her Majesty’s Revenue and Customs

    Domandi preliminari

    1.

    Fir-rigward tal-eżenzjoni mit-taxxa fuq il-valur miżjud prevista fl-Artikolu 135(1)(d) tad-Direttiva tal-Kunsill 2006/112/KE, tat-28 ta’ Novembru 2006 (1), dwar is-sistema komuni ta’ taxxa fuq il-valur miżjud, kif interpretata mill-Qorti tal-Ġustizzja fis-sentenza C-2/95, SDC (EU:C:1997:278), liema huma l-prinċipji rilevanti li għandhom jiġu applikati sabiex jiġi ddeterminat jekk “servizz ta’ ipproċessar ta’ ħlas permezz ta’ karta ta’ debitu jew karta ta’ kreditu” (bħas-servizz ipprovdut f’dan il-każ) għandux “l-effett li jittrasferixxi fondi u li jwassal għal tibdil legali u finanzjarju” fis-sens tal-punt 66 ta’ din is-sentenza?

    2.

    Fil-prinċipju, liema huma l-elementi li jiddistingwu bejn a) servizz li jikkonsisti fil-komunikazzjoni ta’ informazzjoni finanzjarja li fl-assenza tagħha ma jkunx jista’ jsir ħlas iżda li ma jaqax taħt l-eżenzjoni [bħal fis-sentenza Nordea Pankki Suomi (EU:C:2011:532)] u b) servizz ta’ ipproċessar tad-data li għandu, fil-prattika, l-effett li jittasferixxi u li l-Qorti tal-Ġustizzja b’hekk identifikat bħala li jista’ jaqa’ taħt il-kamp ta’ applikazzjoni tal-eżenzjoni (bħal fis-sentenza SDC, fil-punt 66)?

    3.

    B’mod partikolari, u fil-kuntest ta’ servizzi ta’ ipproċessar ta’ ħlas permezz ta’ karta ta’ debitu u karta ta’ kreditu:

    a)

    l-eżenzjoni tapplika għal tali servizzi meta dawn tal-aħħar jagħtu lok għal trasferiment ta’ fondi iżda ma jinkludux il-kompitu li jsir debitu f’kont u kreditu f’ammont korrispondenti f’kont ieħor?

    b)

    id-dritt għall-eżenzjoni jiddependi fuq il-kwistjoni dwar jekk il-fornitur ta’ servizz jiksibx huwa stess il-kodiċijiet ta’ awtorizzazzjoni direttament mill-bank tad-detentur tal-karta jew jekk dan jiksibhomx permezz tal-bank akkwirenti tiegħu?

    (1)  ĠU L 347, p. 1.

    Top