(1)

Ir-Regolament (UE) Nru 576/2013 jistabbilixxi r-regoli applikabbli għall-movimenti mhux kummerċjali tal-klieb, il-qtates u l-inmsa fi Stati Membri. L-Artikolu 19 jipprevedi, b'mod partikolari, l-applikazzjoni ta' miżuri sanitarji preventivi biex jiġi żgurat il-kontroll ta' mard u infezzjonijiet oħra minbarra l-idrofobija li x'aktarx jinfirxu minħabba l-moviment ta' dawk l-annimali.

(2)

L-Artikolu 19 tar-Regolament (UE) Nru 576/2013 jipprevedi wkoll l-adozzjoni ta' regoli għall-kategorizzazzjoni tal-Istati Membri jew, ta' partijiet minnhom, skont l-istatus tas-saħħa tal-annimali u s-sistemi ta' sorveljanza u ta' rappurtar tagħhom fir-rigward ta' ċerti mard jew infezzjonijiet oħra minbarra l-idrofobija. L-Istati Membri, jew partijiet minnhom, li jkunu konformi ma' dawk ir-regoli ta' kategorizzazzjoni jistgħu jiġu inklużi f'lista li se tiġi adottata skont l-Artikolu 20 ta' dak ir-Regolament.

(3)

Skont l-Artikolu 19(1) tar-Regolament (UE) Nru 576/2013, il-Kummissjoni adottat ir-Regolament Delegat (UE) 2018/772 (2) li tawtorizza l-applikazzjoni ta' miżuri sanitarji preventivi għall-kontroll tal-infezzjoni Echinococcus multilocularis fil-klieb, li jistabbilixxi regoli għall-kategorizzazzjoni tal-Istati Membri jew partijiet minnhom, fir-rigward ta' dik l-infezzjoni, u li jistabbilixxi l-kundizzjonijiet li l-Istati Membri jridu jissodisfaw sabiex jibqgħu eliġibbli biex japplikaw dawk il-miżuri sanitarji preventivi.

(4)

Ir-regoli ta' kategorizzazzjoni stabbiliti fir-Regolament Delegat (UE) 2018/772 jinkludu l-kundizzjonijiet li l-Istati Membri jeħtieġ li jissodisfaw sabiex juru li li m'għandhomx volpijiet ħomor selvaġġi fit-territorju kollu tagħhom jew inkella, jekk annimali ospitanti definittivi selvaġġi li aktarx ikollhom il-parassita Echinococcus multilocularis huma preżenti fit-territorju kollu tagħhom jew f'partijiet mit-territorju tagħhom, li ma kien hemm l-ebda okkorrenza ta' infezzjoni tal-Echinococcus multilocularis rreġistrata f'dawk l-annimali. L-Istati Membri jew partijiet minnhom elenkati skont l-Artikolu 20 tar-Regolament (UE) Nru 576/2013 bħala konformi ma' dawk ir-regoli ta' kategorizzazzjoni huma eliġibbli biex japplikaw il-miżuri sanitarji preventivi speċifikati fir-Regolament Delegat (UE) 2018/772.

(5)

Ir-Regolament Delegat (UE) 2018/772 huwa maħsub biex jieħu post ir-Regolament ta' Delega tal-Kummissjoni (UE) Nru 1152/2011 (3), li fih miżuri sanitarji preventivi simili għall-kontroll tal-infezzjoni Echinococcus multilocularis fil-klieb u li jelenka l-Finlandja, l-Irlanda, Malta u r-Renju Unit, bħala l-Istati Membri awtorizzati biex japplikaw dawk il-miżuri. Il-Finlandja, l-Irlanda, Malta u r-Renju Unit baqgħu eliġibbli biex japplikaw dawk il-miżuri sanitarji preventivi skont il-kundizzjonijiet stabbiliti fir-Regolament ta' Delega (UE) Nru 1152/2011 abbażi ta' evidenza kontinwa tan-nuqqas tal-parassita Echinococcus multilocularis fil-popolazzjonijiet ospitanti definittivi selvaġġi tagħhom jew, fil-każ ta' Malta, fuq il-bażi ta' evidenza li ma hemm l-ebda popolazzjoni ospitanti definittiva selvaġġa xierqa fuq il-gżira u li l-parassita Echinococcus multilocularis qatt ma ġiet irreġistrata f'annimali ospitanti definittivi domestiċi.

(6)

Il-volpi aħmar selvaġġ huwa deskritt bħala speċi mhux preżenti fi kwalunkwe parti ta' Malta skont l-Unjoni Internazzjonali għall-Konservazzjoni tan-Natura. Fuq dik il-bażi u abbażi tal-evidenza msemmija fil-premessa (5), Malta titqies li hija konformi mar-regoli ta' kategorizzazzjoni stabbiliti fl-Artikolu 2(2) tar-Regolament Delegat (UE) 2018/772 għat-territorju kollu tagħha. Jenħtieġ għalhekk li Malta tiġi elenkata bħala konformi ma' dawk ir-regoli ta' kategorizzazzjoni għat-territorju kollu tagħha.

(7)

Popolazzjoni ospitanti definittiva selvaġġa li aktarx ikollha l-parassita Echinococcus multilocularis, jiġifieri, il-popolazzjoni tal-volpi aħmar, hija preżenti fit-territorju kollu tal-Finlandja, tal-Irlanda u tar-Renju Unit. Mill-1 ta' Jannar 2012, it-tliet Stati Membri ilhom jimplimentaw programmi ta' sorveljanza speċifiċi għall-patoġenu għall-popolazzjonijiet tagħhom tal-volpi aħmar skont ir-rekwiżiti tar-Regolament ta' Delega (UE) Nru 1152/2011 u, f'kull każ, l-ebda okkorrenza ta' infezzjoni tal-Echinococcus multilocularis ma ġiet irreġistrata f'dawk il-popolazzjonijiet. Kwalunkwe okkorrenza tal-infezzjoni hija notifikabbli b'mod obbligatorju skont il-liġi nazzjonali tagħhom. Għalhekk il-Finlandja, l-Irlanda u r-Renju Unit jitqiesu li huma konformi mar-regoli ta' kategorizzazzjoni stipulati fl-Artikolu 2(3) tar-Regolament Delegat (UE) 2018/772 għat-territorju kollu tagħhom. Għalhekk il-Finlandja, l-Irlanda u r-Renju Unit jenħtieġ li jiġu elenkati bħala konformi ma' dawk ir-regoli ta' kategorizzazzjoni għat-territorju kollu tagħhom.

(8)

Ir-Regolament Delegat (UE) 2018/772 jipprevedi t-tħassir tar-Regolament ta' Delega (UE) Nru 1152/2011 b'effett mill-1 ta' Lulju 2018. Sabiex tiġi evitata kwalunkwe lakuna fl-applikazzjoni ta' miżuri sanitarji preventivi fir-rigward ta' klieb li jidħlu fil-Finlandja, fl-Irlanda, f'Malta u fir-Renju Unit, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea u jenħtieġ li japplika mill-1 ta' Lulju 2018.

(9)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Il-mandati ta' erbatax-il Imħallef u ħames Avukati Ġenerali tal-Qorti tal-Ġustizzja ser jiskadu fis-6 ta' Ottubru 2018. Jenħtieġ li jsiru ħatriet biex jimtlew dawn il-karigi għall-perijodu li jibda fis-7 ta' Ottubru 2018.

(2)

Il-mandat tal-Imħallfin u l-Avukati Ġenerali huwa għal perijodu ta' sitt snin.

(3)

Il-kandidaturi tas-Sur Irmantas JARUKAITIS u s-Sur Peter George XUEREB ġew proposti għall-kariga ta' Mħallef fil-Qorti tal-Ġustizzja.

(4)

Il-kumitat stabbilit skont l-Artikolu 255 tat-Trattat dwar il-Funzjonament tal-Unjoni Ewropea ta opinjoni dwar l-adegwatezza ta' dawn il-kandidati għall-qadi tad-dmirijiet ta' Mħallfin tal-Qorti tal-Ġustizzja u tal-Qorti Ġenerali,

—

Is-Sur Irmantas JARUKAITIS,

—

Is-Sur Peter George XUEREB.

(1)

Fit-23 ta' Ġunju 2014, il-Kunsill adotta d-Deċiżjoni 2014/386/PESK (1).

(2)

Il-Kunsill ma jirrikonoxxix, u jkompli jikkundanna, l-annessjoni illegali tal-Krimea u Sevastopol mill-Federazzjoni Russa u ser jibqa' impenjat li jimplimenta b'mod sħiħ il-politika tiegħu ta' nonrikonoxximent.

(3)

Abbażi ta' rieżami tad-Deċiżjoni 2014/386/PESK, il-miżuri restrittivi għandhom jiġġeddu sat-23 ta' Ġunju 2019.

(4)

Id-Deċiżjoni 2014/386/PESK għandha għalhekk tiġi emendata skont dan,

(1)

Fis-17 ta' Frar 2005, il-Konvenzjoni dwar l-aċċess għall-informazzjoni, il-parteċipazzjoni tal-pubbliku fit-teħid ta' deċiżjonijiet u l-aċċess għall-ġustizzja fi kwistjonijiet ambjentali (2) (“il-Konvenzjoni ta' Aarhus”) ġiet approvata, f'isem il-Komunità Ewropea, permezz tad-Deċiżjoni tal-Kunsill 2005/370/KE (3). Il-Konvenzjoni ta' Aarhus tikkontribwixxi għall-objettivi tal-politika ambjentali tal-Unjoni, kif stabbiliti fl-Artikolu 191 TFUE.

(2)

L-Unjoni implimentat l-obbligi tal-Konvenzjoni ta' Aarhus fir-rigward tal-istituzzjonijiet u l-korpi tagħha, b'mod partikolari permezz tar-Regolament (KE) Nru 1367/2006 tal-Parlament Ewropew u tal-Kunsill (4).

(3)

Konformement man-natura mingħajr konfrontazzjoni, mhux ġurisdizzjonali u konsultattiva tas-sistema tal-eżami ta' konformità prevista fl-Artikolu 15 ta' Konvenzjoni ta' Aarhus, ġie stabbilit il-Kumitat għall-Konformità mal-Konvenzjoni ta' Aarhus (“il-Kumitat”). Il-Kumitat għandu l-kompetenza li jeżamina l-konformità tal-Partijiet mal-Konvenzjoni ta' Aarhus.

(4)

Fis-17 ta' Marzu 2017, l-Unjoni rċeviet il-konklużjonijiet tal-Kumitat fil-kawża ACCC/C/2008/32 dwar l-aċċess għall-ġustizzja fil-livell tal-Unjoni (“il-konklużjonijiet”). Fil-paragrafu 123 tal-konklużjonijiet, il-Kumitat ikkonkluda li “l-Parti kkonċernata tonqos milli tikkonforma mal-Artikolu 9, il-paragrafi 3 u 4, tal-Konvenzjoni fir-rigward tal-aċċess għall-ġustizzja mill-membri tal-pubbliku minħabba li la r-Regolament ta' Aarhus u lanqas il-ġurisprudenza tal-Qorti tal-Ġustizzja tal-Unjoni Ewropea ma timplimenta jew tikkonforma mal-obbligi previsti f'dawk il-paragrafi”. Abbażi tal-konklużjonijiet, l-Uffiċċju tal-Konvenzjoni ta' Aarhus ħejja abbozz ta' deċiżjoni VI/8f dwar il-konformità tal-Unjoni Ewropea mal-obbligi tagħha taħt il-Konvenzjoni (“abbozz ta' deċiżjoni VI/8f”).

(5)

Fis-17 ta' Lulju 2017, il-Kunsill adotta d-Deċiżjoni (UE) 2017/1346 (5) dwar il-pożizzjoni li għandha tiġi adottata, f'isem l-Unjoni Ewropea, fis-sitt sessjoni tal-Laqgħa tal-Partijiet għall-Konvenzjoni ta' Aarhus (“LtP”) rigward l-abbozz ta' deċiżjoni VI/8f. Il-pożizzjoni tal-Unjoni kienet li taċċetta l-abbozz ta' deċiżjoni VI/8f soġġett għal numru ta' emendi għalih.

(6)

Fl-14 ta' Settembru 2017, fis-sitt sessjoni tal-LtP li saret f'Budva, il-Montenegro, il-LtP iddiskutiet, fost oħrajn, l-abbozz ta' deċiżjoni VI/8f iżda ma qablitx mal-proposti tal-Unjoni li din tiġi emendata b'mod konformi mad-Deċiżjoni (UE) 2017/1346. Fin-nuqqas ta' ftehim, il-LtP iddeċidiet li tipposponi d-diskussjoni dwar dan l-abbozz ta' Deċiżjoni sas-sessjoni ordinarja li jmiss tagħha fl-2021.

(7)

Id-Dikjarazzjoni ta' Budva dwar id-Demokrazija Ambjentali għall-Ġejjieni Sostenibbli Tagħna, adottata wkoll mil-LtP fl-14 ta' Settembru 2017, tappella lill-Partijiet u l-firmatarji tal-Konvenzjoni ta' Aarhus biex jipprovdu aċċess effettiv u ndaqs għall-ġustizzja għal kulħadd b'mod konformi mar-rekwiżiti tal-Konvenzjoni ta' Aarhus.

(8)

Fil-15 u s-16 ta' Novembru 2017 rispettivament, il-Parlament Ewropew adotta Riżoluzzjoni dwar Pjan ta' Azzjoni għan-natura, in-nies u l-ekonomija, u Riżoluzzjoni dwar l-Analiżi tal-Implimentazzjoni Ambjentali (EIR) tal-UE li t-tnejn li huma jitolbu, fost oħrajn, lill-Kummissjoni tippreżenta leġislattiva ġdida li tirrevedi r-Regolament (KE) Nru 1367/2006, sabiex titqies ir-rakkomandazzjoni tal-Kumitat dwar il-kawża ACCC/C/2008/32.

(9)

Fis-sitt sessjoni tal-LtP, l-Unjoni esprimiet il-volontà tagħha li tesplora modi u mezzi biex tikkonforma mal-Konvenzjoni ta' Aarhus b'mod li jkun kompatibbli mal-prinċipji fundamentali tal-ordni ġuridiku tal-UE u mas-sistema tagħha ta' stħarriġ ġudizzjarju. Jenħtieġ li l-Unjoni tieħu passi konkreti f'dik id-direzzjoni, billi titlob lill-Kummissjoni tippreżenta studju dwar l-opzjonijiet tal-Unjoni biex tindirizza l-konklużjonijiet tal-Kumitat fil-kawża ACCC/C/2008/32. Jidher li hu possibbli li r-Regolament (KE) Nru 1367/2006 jiġi emendat b'mod li s-sistema tal-Unjoni ta' stħarriġ ġudizzjarju ma tinbidilx, b'mod partikolari billi titwessa' l-kategorija tal-atti tal-Unjoni li tista' tintalab reviżjoni interna għalihom.

(10)

L-Unjoni tkompli tappoġġa b'mod sħiħ l-objettivi importanti tal-Konvenzjoni ta' Aarhus,

(1)

Fit-18 ta' April 2016, il-Kunsill adotta d-Deċiżjoni (PESK) 2016/608 (1), li pprevediet estensjoni tal-validità tal-permessi nazzjonali ta' ċerti Palestinjani għad-dħul u s-soġġorn fit-territorju tal-Istati Membri msemmijin fil-Pożizzjoni Komuni 2002/400/PESK (2) għal perijodu ulterjuri ta' 24 xahar.

(2)

Jenħtieġ li r-Repubblika ta' Ċipru tinżied mal-lista tal-Istati Membri msemmija fl-Artikolu 2 tal-Pożizzjoni Komuni 2002/400/PESK.

(3)

Abbażi ta' evalwazzjoni tal-applikazzjoni tal-Pożizzjoni Komuni 2002/400/PESK, il-Kunsill iqis li l-validità ta' dawk il-permessi tiġi estiża għal perijodu ulterjuri ta' 24 xahar,

(1)

l-Artikolu 1 huwa sostitwit b'dan li ġej:

(2)

l-Artikolu 2 huwa sostitwit b'dan li ġej:

(1)

Id-Deċiżjoni ta' Implimentazzjoni tal-Kummissjoni 2014/709/UE (4) tistabbilixxi miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċerti Stati Membri, fejn kien hemm każijiet ikkonfermati ta' dik il-marda fi ħnieżer domestiċi jew selvaġġi (l-Istati Membri kkonċernati). Fil-Partijiet I sa IV tiegħu, l-Anness ta' dik id-Deċiżjoni ta' Implimentazzjoni jiddemarka u jelenka ċerti żoni ta' dawk l-Istati Membri, skont il-livell tar-riskju abbażi tas-sitwazzjoni epidemjoloġika fir-rigward ta' dik il-marda. L-Anness tad-Deċiżjoni ta' Implimentazzjoni 2014/709/UE ġie emendat diversi drabi biex jitqiesu l-bidliet fis-sitwazzjoni epidemjoloġika fl-Unjoni fir-rigward tad-deni Afrikan tal-ħnieżer li kien meħtieġ li jiġu riflessi f'dak l-Anness.

(2)

Ir-riskju tat-tixrid tad-deni Afrikan tal-ħnieżer fl-organiżmi selvaġġi huwa marbut mat-tixrid naturali bil-mod ta' dik il-marda fost il-popolazzjonijiet taċ-ċingjali, kif ukoll ir-riskji marbuta mal-attività umana, kif deher fl-evoluzzjoni epidemjoloġika riċenti ta' dik il-marda fl-Unjoni, u kif iddokumentat mill-Awtorità Ewropea dwar is-Sigurtà fl-Ikel (EFSA) fl-Opinjoni Xjentifika tal-Bord dwar is-Saħħa u l-Welfare tal-Annimali, ippubblikata fl-14 ta' Lulju 2015; fir-Rapport Xjentifiku tal-EFSA fuq l-analiżi epidemjoloġiċi dwar id-deni Afrikan tal-ħnieżer fil-pajjiżi Baltiċi u fil-Polonja, ippubblikat fit-23 ta' Marzu 2017; u fir-Rapport Xjentifiku tal-EFSA fuq l-analiżi epidemjoloġiċi dwar id-deni Afrikan tal-ħnieżer fil-pajjiżi Baltiċi u fil-Polonja, ippubblikat fis-7 ta' Novembru 2017 (5).

(3)

Id-Direttiva tal-Kunsill 2002/60/KE (6) tistabbilixxi l-miżuri minimi tal-Unjoni li għandhom jittieħdu għall-kontroll tad-deni Afrikan tal-ħnieżer. B'mod partikolari, l-Artikolu 9 tad-Direttiva 2002/60/KE jipprevedi l-istabbiliment ta' żona ta' protezzjoni u sorveljanza meta d-deni Afrikan tal-ħnieżer jiġi kkonfermat uffiċjalment f'azjenda agrikola tal-ħnieżer, u l-Artikoli 10 u 11 ta' dik id-Direttiva jistabbilixxu l-miżuri li għandhom jittieħdu f'żoni ta' protezzjoni u ta' sorveljanza sabiex jiġi evitat it-tixrid ta' dik il-marda. Barra minn hekk, l-Artikolu 15 tad-Direttiva 2002/60/KE jipprevedi l-miżuri li għandhom jittieħdu fejn id-deni Afrikan tal-ħnieżer ikun konfermat fi ħnieżer selvaġġi, inkluż it-tqegħid ta' azjendi agrikoli tal-ħnieżer taħt sorveljanza uffiċjali fiż-żona ddefinita bħala infettata. L-esperjenza reċenti wriet li l-miżuri stipulati fid-Direttiva 2002/60/KE huma effettivi fil-kontroll tat-tixrid ta' dik il-marda, b'mod partikolari l-miżuri li jipprovdu għat-tindif u d-diżinfettar tal-azjendi infettati.

(4)

Filwaqt li tqis l-effikaċja tal-miżuri li jiġu applikati fl-Istati Membri kkonċernati skont l-Artikoli 15, il-punt (b) tal-ewwel subparagrafu tal-Artikolu 10(4) u l-Artikolu 10(5) tad-Direttiva 2002/60/KE, u skont il-miżuri ta' mitigazzjoni tar-riskju fejn jidħol id-deni Afrikan tal-ħnieżer indikati fil-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali, xi oqsma speċifiċi elenkati fil-Parti III tal-Anness tad-Deċiżjoni ta' Implimentazzjoni 2014/709/UE jenħtieġ li jmorru lura fil-Parti II, fid-dawl tal-iskadenza tal-perjodu ta' tliet xhur mill-aħħar tindifa u diżinfettazzjoni.

(5)

F'Mejju 2018, ġew osservati każijiet ta' deni Afrikan tal-ħnieżer fiċ-ċingjali f'żoni tal-Polonja elenkati fil-Parti I u II tal-Anness tad-Deċiżjoni ta' Implimentazzjoni 2014/709/UE. Barra minn hekk, ġew osservati wkoll tifqigħat tad-deni Afrikan tal-ħnieżer fi ħnieżer domestiċi li jinsabu f'województwie podlaskim, f'województwie mazowieckim u f'województwie lubelskim. Dawn il-każijiet reċenti ta' deni Afrikan tal-ħnieżer fiċ-ċingjali u tifqigħat fil-ħnieżer domestiċi fil-Polonja jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tal-Polonja affettwati mid-deni Afrikan tal-ħnieżer jenħtieġ li jiġu elenkati fil-Parti III ta' dak l-Anness.

(6)

F'Ġunju 2018, ġew osservati sitt tifqigħat tad-deni Afrikan tal-ħnieżer fi ħnieżer domestiċi ġew osservati fil-Litwanja, fil-muniċipalità distrettwali ta' Varėna, seniūnija ta' Varėna, fil-muniċipalità distrettwali ta' Jurbarkas, seniūnija ta' Seredžius, fil-muniċipalità distrettwali ta' Pakruojis, seniūnija ta' Pašvitinys, fil-muniċipalità distrettwali ta' Lazdijai, seniūnija ta' Lazdijai, fil-muniċipalità distrettwali ta' Mažeikiai, seniūnija Mažeikių apylinkės. Dawn it-tifqigħat reċenti ta' deni Afrikan tal-ħnieżer fil-ħnieżer domestiċi flimkien mal-każijiet fiċ-ċingjali fl-istess żoni fil-Litwanja jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tal-Litwanja affettwati mid-deni Afrikan tal-ħnieżer jenħtieġ li jiġu elenkati fil-Parti III ta' dak l-Anness.

(7)

F'April u Mejju 2018, fl-Ungerija ġie osservat numru ta' każijiet ta' deni Afrikan tal-ħnieżer fiċ-ċingjali. Id-Deċiżjonijiet ta' Implimentazzjoni tal-Kummissjoni (UE) 2018/663 (7) u (UE) 2018/835 (8) ġew adottati b'risposta għal dawk il-każijiet. Id-Deċiżjoni (UE) 2018/835 ħassret u ħadet post id-Deċiżjoni ta' Implimentazzjoni (UE) 2018/663 u tapplika sat-30 ta' Ġunju 2018. Id-Deċiżjoni (UE) 2018/835 tipprevedi li żoni infettati stabbiliti mill-Ungerija, fejn japplikaw il-miżuri stipulati fl-Artikolu 15 tad-Direttiva 2002/60/KE, jinkludu tal-anqas iż-żoni elenkati fl-Anness ta' dik id-Deċiżjoni ta' Implimentazzjoni.

(8)

Barra minn hekk, id-Deċiżjoni ta' Implimentazzjoni tal-Kummissjoni (UE) 2018/758 (9) ġiet adottata wkoll b'reazzjoni għal każijiet reċenti ta' deni Afrikan tal-ħnieżer fl-Ungerija u tibqa' tapplika sal-31 ta' Lulju 2018. Id-Deċiżjoni (UE) 2018/758 tipprevedi li żoni infettati stabbiliti mill-Ungerija, fejn japplikaw il-miżuri stipulati fl-Artikolu 15 tad-Direttiva 2002/60/KE, jinkludu tal-anqas iż-żoni elenkati fl-Anness ta' dik id-Deċiżjoni ta' Implimentazzjoni.

(9)

Dawn il-każijiet reċenti ta' deni Afrikan tal-ħnieżer jikkostitwixxu żieda fil-livell tar-riskju li jenħtieġ tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tal-Ungerija affettwati mid-deni Afrikan tal-ħnieżer jenħtieġ li jiġu elenkati fil-Parti I u II ta' dak l-Anness.

(10)

F'Marzu 2018, fir-Rumanija ġiet osservata tifqigħa tad-deni Afrikan tal-ħnieżer fi ħnieżer domestiċi f'azjenda domestika fil-Kontea ta' Satu Mare. Id-Deċiżjoni ta' Implimentazzjoni tal-Kummissjoni (UE) 2018/419 (10) ġiet adottata b'risposta għal dik it-tifqigħa. Id-Deċiżjoni ta' Implimentazzjoni (UE) 2018/419 tapplika sat-30 ta' Ġunju 2018 u tistipula li ż-żoni ta' protezzjoni u ta' sorveljanza stabbiliti fir-Rumanija skont l-Artikolu 9 tad-Direttiva 2002/60/KE iridu jkunu jinkludu mill-inqas iż-żoni elenkati bħala żoni ta' protezzjoni u ta' sorveljanza fl-Anness ta' dik id-Deċiżjoni ta' Implimentazzjoni. F'Mejju 2018, ġie osservat każ ta' deni Afrikan tal-ħnieżer fiċ-ċingjali, fil-Kontea ta' Satu Mare fir-Rumanija, li diġà hija milquta minn tifqigħa tad-deni Afrikan tal-ħnieżer fi ħnieżer domestiċi. L-okkorrenza ta' din it-tifqigħa reċenti fil-ħnieżer domestiċi flimkien mal-każ osservat fiċ-ċingjali fl-istess żona tar-Rumanija jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tar-Rumanija affettwati mid-deni Afrikan tal-ħnieżer jenħtieġ li jiġu elenkati fil-Parti I u III ta' dak l-Anness.

(11)

F'Ġunju 2018, ġew osservati erba' tifqigħat tad-deni Afrikan tal-ħnieżer fil-ħnieżer domestiċi u tliet każijiet ta' deni Afrikan tal-ħnieżer fiċ-ċingjali fil-Kontea ta' Tulcea, ir-Rumanija. L-okkorrenza ta' dawn it-tifqigħat reċenti fil-ħnieżer domestiċi flimkien mal-każijiet osservati fiċ-ċingjali fl-istess żona tar-Rumanija jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tar-Rumanija affettwati mid-deni Afrikan tal-ħnieżer jenħtieġ li jiġu elenkati fil-Parti I, II u III ta' dak l-Anness.

(12)

F'Ġunju 2018, ġiet osservata tifqigħa ta' deni Afrikan tal-ħnieżer fil-ħnieżer domestiċi f'razzett fil-Kontea ta' Jelgavas (novads), u fil-parroċċa Jaunsvirlaukas (pagasts) fil-Latvja. Din it-tifqigħa reċenti ta' deni Afrikan tal-ħnieżer fil-ħnieżer domestiċi, flimkien mal-każijiet fiċ-ċingjali fl-istess żona tal-Latvja, jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, dawn iż-żoni tal-Latvja affettwati mid-deni Afrikan tal-ħnieżer jenħtieġ li jiġu elenkati fil-Parti III ta' dak l-Anness.

(13)

Sabiex jitqiesu l-iżviluppi riċenti tal-evoluzzjoni epidemjoloġika tad-deni Afrikan tal-ħnieżer fl-Unjoni, u sabiex ir-riskji marbuta mat-tixrid ta' dik il-marda jiġu miġġielda b'mod proattiv, jenħtieġ li fil-każ tal-Latvja, il-Litwanja, l-Ungerija, il-Polonja u r-Rumanija jiġu demarkati ż-żoni l-ġodda ta' daqs suffiċjenti li huma l-aktar fir-riskju u jiġu elenkati skont kif meħtieġ fl-Anness tad-Deċiżjoni ta' Implimentazzjoni 2014/709/UE. Jenħtieġ għalhekk li dak l-Anness jiġi emendat skont dan.

(14)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,