Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’relevanza għaż-ŻEE)

2011/C 271/01

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

Abbozz ta' baġit emendatorju Nru 4 tal-Unjoni Ewropea għas-sena finanzjarja 2011 – pożizzjoni tal-Kunsill

2011/C 271/02

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 314 tiegħu, flimkien mat-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,

Wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (1), kif l-aħħar emendat bir-Regolament (UE, Euratom) Nru 1081/2010 tal-Parlament Ewropew u tal-Kunsill tal-24 ta' Novembru 2010 (2), u b'mod partikolari l-Artikolu 37 tiegħu,

Billi:

IDDEĊIEDA KIF ĠEJ:

Artikolu Uniku

Il-pożizzjoni tal-Kunsill dwar l-abbozz ta' baġit emendatorju Nru 4 tal-Unjoni Ewropea għas-sena finanzjarja 2011 kienet adottata fit-12 ta' Settembru 2011.

Jista' jinkiseb aċċess għat-test sħiħ għall-konsultazzjoni jew għat-tniżżil minn fuq is-sit web tal-Kunsill: http://www.consilium.europa.eu/

(1)  ĠU L 248, 16.9.2002, p. 1, b'Corrigenda fil-ĠU L 25, 30.1.2003, p. 43 u fil-ĠU L 99, 14.4.2007, p. 18.

(2)  ĠU L 311, 26.11.2010, p. 9.

(3)  ĠU L 68, 15.3.2011.

Abbozz ta' baġit emendatorju Nru 5 tal-Unjoni Ewropea għas-sena finanzjarja 2011 – pożizzjoni tal-Kunsill

2011/C 271/03

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 314 tiegħu, flimkien mat-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,

Wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (1), kif l-aħħar emendat bir-Regolament (UE, Euratom) Nru 1081/2010 tal-Parlament Ewropew u tal-Kunsill tal-24 ta' Novembru 2010 (2), u b'mod partikolari l-Artikolu 37 tiegħu,

Billi:

IDDEĊIEDA KIF ĠEJ:

Artikolu Uniku

Il-pożizzjoni tal-Kunsill dwar l-abbozz ta' baġit emendatorju Nru 5 tal-Unjoni Ewropea għas-sena finanzjarja 2011 kienet adottata fit-12 ta' Settembru 2011.

Jista' jinkiseb aċċess għat-test sħiħ għall-konsultazzjoni jew għat-tniżżil minn fuq is-sit web tal-Kunsill: http://www.consilium.europa.eu/

(1)  ĠU L 248, 16.9.2002, p. 1, b'Corrigenda fil-ĠU L 25, 30.1.2003, p. 43 u fil-ĠU L 99, 14.4.2007, p. 18.

(2)  ĠU L 311, 26.11.2010, p. 9.

(3)  ĠU L 68, 15.3.2011.

Rata tal-kambju tal-euro (1)

It-13 ta’ Settembru 2011

2011/C 271/04

1 euro =

(1)  Sors: rata tal-kambju ta' referenza ppubblikata mill-Bank Ċentrali Ewropew.

DEĊIŻJONI TAL-KUMMISSJONI

tat-12 ta’ Settembru 2011

dwar il-finanzjament tas-sena 2011 ta' bosta miżuri meħtieġa biex tiġi żgurata l-applikazzjoni tar-Regolament (KE) Nru 882/2004

2011/C 271/05

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (1) (minn hawn ’il quddiem imsejjaħ ir-‘Regolament Finanzjarju’), u b’mod partikolari l-Artikolu 75 tiegħu,

Wara li kkunsidrat ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjarju li jgħodd għall-baġit ġenerali tal-Komunitajiet Ewropej (2) (minn hawn ’il quddiem ir-‘Regoli ta' Implimentazzjoni'), u b’mod partikolari l-Artikolu 90 tiegħu,

Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifika tal-konformità tal-liġi tal-għalf u tal-ikel, mas-saħħa tal-annimali u mar-regoli dwar il-welfare tal-annimali (3) u partikolarment, l-Artikolu 66(1)(c) tiegħu,

Billi:

IDDEĊIDIET KIF ĠEJ:

Artikolu 1

Il-programm ta' ħidma annwali għall-implimentazzjoni tal-Artikolu 66(1)(c) tar-Regolament (KE) Nru 882/2004, kif stabbilit fl-Anness, huwa b'dan adottat.

Il-programm ta' ħidma jikkostitwixxi deċiżjoni ta’ finanzjament fl-ambitu tat-tifsira tal-Artikolu 75 tar-Regolament Finanzjarju.

Artikolu 2

Il-kontribuzzjoni massima awtorizzata b’din id-Deċiżjoni għall-implimentazzjoni tal-Programm hija ta’ EUR 1 095 000 li għandha tiġi ffinanzjata mil-Linji Baġitarji tal-Baġit Ġenerali tal-Unjoni Ewropea għall-2011 li ġejjin:

Dawn l-approprjazzjonijiet jistgħu jkopru wkoll imgħax dovut għal ħlas tard.

Artikolu 3

Bidliet kumulattivi tal-allokazzjonijiet għall-azzjonijiet speċifiċi koperti mill-programm ta' ħidma li ma jaqbżux l-10 % tal-kontribuzzjoni massima prevista mill-Artikolu 2 ta' din id-Deċiżjoni ma għandhomx jitqiesu bħala sostanzjali fit-tifsira tal-Artikolu 90(4) tar-Regolament (KE, Euratom) Nru 2342/2002, sakemm dawn ma jaffettwawx b'mod sinifikanti n-natura u l-għan tal-programm ta' ħidma.

L-uffiċjal awtorizzanti jista' jadotta tali bidliet skont il-prinċipji ta' ġestjoni finanzjarja soda u dawk ta' proporzjonalità.

Artikolu 4

Din id-Deċiżjoni hija indirizzata lill-uffiċjali ta' awtorizzazzjoni ddelegati.

(1)  ĠU L 248, 16.9.2002, p. 1.

(2)  ĠU L 357, 31.12.2002, p. 1.

(3)  ĠU L 165, 30.4.2004, p. 1.

(4)  ĠU L 325, 12.12.2003, p. 1.

(5)  EFSA Journal 2010; 8(1):1437.

(6)  EFSA Journal 2010; 8(4):1547.

(7)  ĠU L 139, 30.4.2004, p. 55.

(8)  ĠU L 314, 1.12.2009, p. 10.

(9)  ĠU L 338, 22.12.2005, p. 1.

(10)  ĠU L 139, 30.4.2004, p. 1.

(11)  http://www.codexalimentarius.net

(12)  ĠU L 139, 30.4.2004, p. 206.

(13)  ĠU L 106, 17.4.2001, p. 1.

(14)  ĠU L 268, 18.10.2003, p. 1.

(15)  COM(2011) 214.

(16)  ĠU L 354, 31.12.2008, p. 16.

(17)  ĠU L 354, 31.12.2008, p. 34.

Aġġornament tal-lista ta' postijiet ta' qsim il-fruntiera msemmija fl-Artikolu 2(8) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (Kodiċi tal-Fruntieri ta' Schengen) (ĠU C 316, 28.12.2007, p. 1; ĠU C 134, 31.5.2008, p. 16; ĠU C 177, 12.7.2008, p. 9; ĠU C 200, 6.8.2008, p. 10; ĠU C 331, 31.12.2008, p. 13; ĠU C 3, 8.1.2009, p. 10; ĠU C 37, 14.2.2009, p. 10; ĠU C 64, 19.3.2009, p. 20; ĠU C 99, 30.4.2009, p. 7; ĠU C 229, 23.9.2009, p. 28; ĠU C 263, 5.11.2009, p. 22; ĠU C 298, 8.12.2009, p. 17; ĠU C 74, 24.3.2010, p. 13; ĠU C 326, 3.12.2010, p. 17; ĠU C 355, 29.12.2010, p. 34; ĠU C 22, 22.1.2011, p. 22; ĠU C 37, 5.2.2011, p. 12; ĠU C 149, 20.5.2011, p. 8; ĠU C 190, 30.6.2011, p. 17; ĠU C 203, 9.7.2011, p. 14; ĠU C 210, 16.7.2011, p. 30)

2011/C 271/06

Il-pubblikazzjoni tal-lista ta' postijiet ta' qsim il-fruntiera msemmija fl-Artikolu 2(8) tar-Regolament (KE) Nru 562/2006 tal-Parlament Ewropew u tal-Kunsill tal-15 ta' Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta' persuni minn naħa għal oħra tal-fruntiera (Kodiċi tal-Fruntieri ta' Schengen) hija bbażata fuq l-informazzjoni kkomunikata mill-Istati Membri lill-Kummissjoni f’konformità mal-Artikolu 34 tal-Kodiċi tal-Fruntieri ta' Schengen.

Flimkien mal-pubblikazzjoni fil-Ġurnal Uffiċjali, jeżisti aġġornament regolari li huwa disponibbli fuq is-sit elettroniku tad-Direttorat Ġenerali għall-Affarijiet Interni.

L-ESTONJA

Emenda fl-informazzjoni ppubblikata fil-ĠU C 316, 28.12.2007

Is-Settur “Fruntieri ta’ l-art” huwa sostitwit b' dan li ġej:

Fruntieri tal-l-art

(1)  Punti tal-qsim tal-fruntiera miftuħin biss għaċ-ċittadini tar-Repubblika ta’ l-Estonja u tar-Federazzjoni Russa; Għaddejin negozjati mal-Federazzjoni Russa rigward dawn iż-żewġ punti ta’ qsim tal-fruntieri sabiex jinbidel l-istatus tagħhom (jiġifieri, jew jiġu riżervati għat-traffiku tal-fruntiera lokali jew jinbidlu għal punti ta’ qsim tal-fruntiera internazzjonali).

AVVIŻ TA' KOMPETIZZJONIJIET ĠENERALI

2011/C 271/07

L-Uffiċċju Ewropew għall-Għażla tal-Persunal (EPSO) qed jorganizza dawn il-kompetizzjonijiet ġenerali:

L-avviż tal-kompetizzjonijiet hu ppubblikat fi 23 lingwa f’Il-Ġurnal Uffiċjali C 271 A tal-14 ta' Settembru 2011.

Għal aktar informazzjoni kkonsulta s-sit tal-EPSO http://eu-careers.eu

GĦAJNUNA MILL-ISTAT – IL-ĠERMANJA

Għajnuna mill-Istat MC 12/10 – Sparkasse KölnBonn ċessjonijiet lill-Belt ta' Cologne

(L-Artikoli 107 sa 109 tat-Trattat dwar il-Funzjonament tal-Unjoni Ewropea)

(Test b’relevanza għaż-ŻEE)

2011/C 271/08

Il-Kummissjoni nnotifikat lill-Ġermanja permezz tal-ittra tat-30 ta’ Marzu 2011 bid-deċiżjoni sui generis tagħha rigward l-għajnuna MC 12/10.

TEST TAL-ITTRA

(1)  Id-deċiżjoni tal-Kummissjoni dwar l-għajnuna mill-Istat C 32/09 (ex NN 50/09) implimentata mill-Ġermanja għar-ristrutturar ta' Sparkasse KölnBonn, li għadha mhix ippubblikata.

(2)  Ara l-Anness I tad-Deċiżjoni SpKB

(3)  Informazzjoni kunfidenzjali

(4)  Mit-30 ta' Ġunju 2010 il-valur totali tas-suq tal-parteċipazzjoni kollha kkonċernati kien stmat li hu madwar EUR […] miljun.

(5)  Cf. Deċiżjoni tal-21 ta' Diċembru 2010 fil-każ MC 8/09 WestImmo.

Pubblikazzjoni ta’ applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2011/C 271/09

Din il-pubblikazzjoni tikkonferixxi d-dritt għall-oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.

SINTEŻI

REGOLAMENT TAL-KUNSILL (KE) Nru 510/2006

“CHELČICKO-LHENICKÉ OVOCE”

Nru KE: CZ-PGI-0005-0436-23.11.2004

DPO( ) IĠP ( X )

Din is-sinteżi tagħti l-elementi ewlenin tal-ispeċifikazzjoni tal-prodott b'għan informattiv.

1.   Dipartiment responsabbli fl-Istat Membru:

2.   Grupp:

3.   Tip ta’ prodott:

4.   Speċifikazzjoni:

(sinteżi tar-rekwiżiti skont l-Artikolu 4(2) tar-Regolament (KE) Nru 510/2006)

4.1.   Isem:

“Chelčicko-Lhenické ovoce”

4.2.   Deskrizzjoni:

Frott minn klima diefja maħsub għall-konsum dirett u għall-ippriservar. Frott ippriservat ma jkollux it-tikketta “Chelčicko-Lhenické ovoce”. Dan jinkludi frott irqiq, frott tal-għadma u frott artab. It-togħma tal-frott lokali hija rikka u effervexxenti, b’firxa wiesgħa ta’ sensazzjonijiet fruttanti, li jagħtu kwalità dewwiema. Il-karatteristiċi speċifiċi ta’ din il-frotta (bħall-freskezza, il-vitalità u l-kompattezza), kemm fir-riħa kif ukoll fit-togħma, joriġinaw prinċipalment mill-karatteristiċi naturali lokali (eż. id-differenzi bejn it-temperaturi ta' matul il-jum u l-lejl matul il-perjodu tas-sajran, iċ-ċpar tal-għodwa fiż-żona tat-tkabbir). Il-frott miż-żona Chelčicko-Lhenické jgħaddi lil żoni oħra f'dik li hija speċifikazzjoni, bi proporzjon ibbilanċjat b'mod naturali bejn zokkriet u aċidi. Dan il-proporzjon ideali jiġġenera dawk imsejħa tonalitajiet ċari tal-frott. L-impressjoni kumplessiva hija waħda ta’ freskezza, togħma mhux qawwija, diwi delikat, li jipproduċi sensazzjoni rikka u dewwiema. Din il-kwalità tapplika għat-tipi kollha ta’ frott ippreżentati taħt l-isem “Chelčicko-Lhenické ovoce”, u hija speċifika għal din iż-żona.

B'mod speċjali, dawn il-prodotti huma kkonċernati: tuffieħ, ċirasa sewda, ċirasa qarsa, għajnbaqar, passolina (Ribes). Varjetajiet attwalment ikkultivati: tuffieħ – Julia, Angold, Šampion, Rubín – Bohemia, Rubinola, Topaz, Jonagold – Jonagored, Jonaprince, Golden Delicious, Idared, Melrose, Spartan; ċirasa sewda – Burlat, Karešova, Vanda, Sam, Těchlovan, Kordia, Napoleon; ċirasa qarsa – Morellenfeuer, Érdi Bötermö, Fanal, Morela pozdní; għajnbaqar – Čačanska rana, Čačanska lepotica, Čačanska najbolja, Stanley, Domácí velkoplodá; passolina ħamra – Holandský červený, Heinemann pozdní, Losan, Rubigo, Rondon; passolina sewda – Otelo, Öjebyn.

4.3.   Żona ġeografika:

Imsaġar mifruxa mal-baċir ta' Bavorov – Chelčicko u mal-għoljiet tal-foresta Blansko-Lhenicko. “Chelčicko-Lhenické ovoce” jitkabbar esklussivament f’din iż-żona (ir-Repubblika Ċeka, ir-Reġjun tan-Nofsinhar tal-Boemja, id-distretti ta’ Strakonice u ta’ Prachatice). Dawn iż-żoni huma magħmula mill-muniċipalitajiet li ġejjin: Chelčicko: Chelčice, Truskovice, Libějovice, Vodňany, Krtely, Malovice, Bavorov, Tourov; Lhenicko: Lhenice, Vadkov, Mičovice, Jáma, Hoříkovice, Třebanice, Hrbov, Vodice, Třešňový Újezdec, Horní Chrášťany, Dolní Chrášťany, Ratiborova Lhota.

4.4.   Prova tal-oriġini:

Iż-żoni tat-tkabbir, imħażen u kaxxi tal-ħżin, lottijiet u d-dati tal-ippakkjar huma indikati. Jinżammu rekords dwar ix-xiri. Għalhekk kull konsenja tista’ tiġi ttraċċata bla ambigwità u l-konsenji huma distinti minn xulxin. Il-frott jiġi kklassifikat, maħżun u ppakkjat fiż-żona definita u ma jistax għalhekk jitħallat ma' frott imkabbar bnadi oħra.

Il-produzzjoni hija stipulata prinċipalment mil-linji gwida għas-sistemi integrati għat-tkabbir tal-frott (SISPO). Il-konformità mal-ispeċifikazzjoni tiġi vverifikata internament, f’laboratorji esterni, mill-korp superjuri ta’ spezzjoni (Státní zemědělská a potravinářská inspekce/Awtorità Ċeka tal-Ispezzjoni tal-Agrikoltura u l-Alimentazzjoni – SZPI/CAFIA) u mill-bord tal-ispezzjoni għas-sistemi integrati ta’ produzzjoni (verifiki fuq il-post).

Tikkettar konsistenti tal-frott kollu maqtugħ fiż-żona waqt li jkun għadu fil-masġar u reġistri preċiżi dwar il-qtugħ jiggarantixxu li l-frott ma jistax jitħallat ma' frott minn żona oħra.

Ix-xogħol li jsir fl-imħażen jitwettaq fuq frott tikkettat u kull ġarr jiġi rreġistrat fil-ġurnal tal-operazzjonijiet, fejn jiddaħħlu d-dettalji tal-movimenti tal-frott u t-tħejjijiet għall-kummerċjalizzazzjoni. Il-frott li jinħareġ mill-imħażen għandu jkun tal-istess oriġini eżatti kif kien meta daħal, u jiġi ttikkettat b’konformità ma’ dan.

Il-kwalità tal-prodott tiġi mmontorjata minn laboratorju intern. Ġiet żviluppata sistema għat-twettiq ta’ verifiki kimiċi u mikrobijoloġiċi, u evalwazzjoni tal-prodotti. Qed titħaddem sistema HACCP. Jitwettqu wkoll verifiki mill-korp superjuri tal-ispezzjoni (ara l-punt 4.7), skont il-pjan ta’ spezzjoni.

Verifiki dwar il-konformità mal-prinċipji tas-sistemi integrati għat-tkabbir tal-frott:

Jiġi mmonitorjat l-istat tal-imsaġar u tal-ambjent. L-imsaġar huma mgħammra b'apparati għas-sinjalar. Ġeneralment il-verifiki mill-bord ta’ spezzjoni SISPO fuq dawk li jkabbru l-frott isiru darba fis-sena. Il-verifiki jkopru partikolarment il-kontaminazzjoni tal-ħamrija, il-fertilizzanti, l-ilma tat-tisqijja jew il-frott b’metalli tqal, il-monitoraġġ ta' fatturi bijotiċi u abijotiċi, l-użu tal-fertilizzanti, il-pestiċidi u t-tisqija, u t-tħawwil. Il-verifiki jiġu ddeterminati mil-linji gwida għas-sistemi integrati għat-tkabbir tal-frott, li kienu ġew approvati mill-Ministeru tal-Agrikoltura tar-Repubblika Ċeka.

4.5.   Metodu tal-produzzjoni:

Il-frott kollu jitkabbar skont il-prinċipji stipulati fil-linji gwida għas-sistemi integrati għat-tkabbir tal-frott, li l-abbozz tagħhom kien sar ukoll bil-parteċipazzjoni ta' dawk li jkabbru l-frott lokalment. L-elementi u l-proċeduri tal-produzzjoni integrata SISPO huma kif ġej:

It-tipi kollha tas-siġar tal-frott jinżabru darbtejn fis-sena u jiġu ttrattati bis-sustanzi kimiċi matul l-istaġun tat-tkabbir skont l-inċidenza tal-mard u l-organiżmi ta' ħsara f’masġar speċifiku f’sena speċifika. L-applikazzjonijiet kollha tas-sustanzi kimiċi huma bbażati fuq kejl u monitoraġġ tal-inċidenza tat-tip ta’ aġent ta’ ħsara konċernat. L-applikazzjonijiet jitwettqu biss meta jinqabeż il-limitu massimu ta’ ħsara ekonomika. L-imsaġar kollha jinksew bil-ħaxix li jinqata' regolarment. L-art madwar iz-zokk tas-siġar tinżamm ħielsa mill-veġetazzjoni bl-għajnuna tal-erbiċidi. Huma biss xi mixtliet taċ-ċirasa s-sewda li jinksew totalment bil-ħaxix.

Element ieħor speċifiku għaż-żona Chelčicko-Lhenicko jinsab fil-fatt li t-tekniki SISPO ġenerali huma speċifikament applikati fiż-żona konċernata, u l-prodotti (eż. għall-qerda tal-organiżmi ta' ħsara) ġew speċifikament żviluppati għaż-żona.

Tekniki għat-tkabbir ta’ tipi individwali ta’ frott:

It-tuffieħ

It-tuffieħ jitkabbar f’żoni miftuħa f’żoni mhux mistagħdra u f’żoni li ma jiffurmawx baċiri tal-ġlata. Tintgħażel riżoma kemxeijn aktar b’saħħitha għat-tuffieħ minħabba li ma hemmx biżżejjed nutrijenti fil-ħamrija fl-altitudini taż-żona tat-tkabbir u s-siġar għandhom ikunu kapaċi jiksbu n-nutrijenti parzjalment weħidhom. Fl-imgħoddi kienet tintuża riżoma tat-tip M1, M4 u A2, waqt li t-tip M9 jintuża l-iżjed illum; is-siġar iż-żgħar jintrifdu individwalment b'zokk, jew bi skrin tal-wajer li miegħu tintrabat kull siġra. L-ispazju ta' bejn is-siġar żgħar tat-tuffieħ mkabbra jiddependi minn ħafna fatturi u għalhekk jinstabu għadd kbir ta’ varjazzjonijiet fiż-żona. Dan l-ispazju huwa influwenzat prinċipalment mit-tagħmir ta' dawk li jkabbru, is-sit, it-tip tar-riżoma u l-forma tat-tkabbir tas-siġra. Fl-imgħoddi l-prassi kienet prinċipalment taħwil f'ringieli ta’ siġar nani mkabbra bla kontroll, li llum qed jitbiddlu b’siġar fil-forma ta’ magħżel, imħawla eqreb ta’ xulxin. Minħabba l-umdità fl-arja kif ukoll l-umdità ġenerali taż-żona, l-imsaġar jissaqqew biss rarament minn ftit bdiewa. Il-ħsad isir skont kalendarju strett – it-tuffieħ jiġi ppakkjat f’kaxxi li jesgħu ħafna, li jiġu ttikkettati fuq il-post fil-masġar wara li jimtlew bit-tuffieħ maqtugħ u jiġu ttrasferiti minnufih f’maħżen bl-arja kkundizzjonata.

Iċ-ċirasa s-sewda

Is-siġar taċ-ċirasa s-sewda jitkabbru prinċipalment f’żoni xemxin, niexfa b'livell baxx ta’ ilma tal-pjan. Fl-imgħoddi kienu jitkabbru minn riżoma taċ-ċirasa tal-għenieqed (bird-cherry) fil-forma ta’ zokk twil imkabbar bla kontroll jew siġar biz-zokk ewlieni mogħmi mħawla bi spazju biżżejjed bejniethom biex jippermettu l-ħsad minn kull naħa bis-sellum. Illum taħwiliet ġodda jitkabbru minn riżoma PHL jew Gisela f’distanzi iqsar bejniethom u bil-qċaċet tas-siġar jitħarrġu biex jinżammu ċatti u baxxi. Iċ-ċirasa tinqata’ skont kalendarju strett u tiġi ppakkjata għat-trasport jew bejgħ u, wara li tiġi ttikkettata fil-masġar, tiġi ttrasferita minnufih fil-maħżen sabiex titkessaħ, titħejja għall-kummerċjalizzazzjoni u tintbagħat fis-suq.

Iċ-ċirasa l-qarsa

Iċ-ċirasa l-qarsa titkabbar f’żoni bi provvista naturali anqas abbundanti ta’ nutrijenti u f'żoni naturalment aktar xotti. Is-siġar jitkabbru f'ringieli f’distanzi li jippermettu ħsad mekkaniku. Ir-riżoma taċ-ċirasa qarsa hija prinċipalment ċirasa mahaleb u l-forma tas-siġra titħarreġ għall-ħsad mekkaniku. Il-frott jinqata’ u jiġi ppakkjat għat-trasport jew għall-bejgħ, u wara li jiġi ttikkettat fil-masġar, jiġi ttrasferit minnufih fil-maħżen sabiex jitkessaħ, jew fl-impjant tal-preservazzjoni għal aktar ipproċessar. Jinħareġ ukoll mill-maħżen għal aktar ipproċessar wara li jitlestew il-konsenji. Proporzjon żgħir biss taċ-ċirasa qarsa jinqata’ bl-idejn u jiġi kkunsmat frisk. Il-proċedura hija għaldaqstant l-istess bħal dik taċ-ċirasa s-sewda.

L-għajnbaqar

Is-siġar tal-għajnbaqar jitkabbru biz-zokk ewlieni mogħmi, f'ringieli, f’żoni bi provvista suffiċjenti tal-ilma f'ħamrija fonda lomija. Firxa sħiħa ta’ riżoma tintuża għall-għajnbaqar, imma l-myrobalan hija l-aktar komuni. Il-forma tas-siġra normalment hija ta’ kuruna mkabbra bla kontroll li tippermetti ħsad mekkaniku fejn xieraq. Mill-frott maqtugħ, madwar nofsu jkun maħsub għall-konsum frisk u madwar nofsu għall-preservazzjoni. Il-proċess kollu tat-tkabbir huwa għalhekk adattat għall-ħsad mekkaniku. Il-frott jinqata’ u prinċipalment jiġi ppakkjat għat-trasport u, wara li jiġi ttikkettat fil-masġar, jiġi ttrasferit fil-maħżen sabiex jitkessaħ u għal aktar tħejjija għas-suq. Il-frott maħsub għall-ipproċessar industrijali jiġi ttrasferit mill-masġar għall-maħżen għat-tkessiħ u t-tlestija għall-konsenji, jew dirett għall-impjant tal-preservazzjoni għal aktar ipproċessar.

Il-passolina l-ħamra u l-passolina s-sewda

Il-passolina titkabbar f’ħamrija bi provvista tajba tal-ilma, għammiela, fonda, pjuttost fil-baxx, imma eżattament mhux fejn jiffurmaw baċiri tal-ġlata, għalkemm mill-frott imkabbar fiż-żona, il-passolina hija l-aktar reżistenti għall-ġlata. Żoni kbar ta’ passolina jiġu ffurmati minn taħwiliet f'ringieli ta’ xtieli żgħar imkabbra minn tirqid imnibbet. Id-distanza bejn ix-xtieli tiġi ddeterminata mit-teknika tal-kultivazzjoni u l-ħsad u mit-teknoloġija. Illum ftit biss mis-sġajriet tal-passolina huma tajbin għall-ħsad bl-idejn. Il-ħsad jitwettaq kważi kollu bil-makkinarju u l-frott ikompli jiġi pproċessat fl-impjant tal-preservazzjoni. Proporzjon tassew żgħir biss jinqata’ bl-idejn għall-konsum dirett frisk jew għat-tisjir minn ftit konsumaturi. Il-ħsad mekkaniku jitwettaq bl-għajnuna ta’ tagħmir tal-ħsad awtomottiv li jippakkja l-frott għat-trasport, u wara li jiġi ppakkjat u ttikkettat fil-masġar, il-frott jiġi ttrasferit minnufih għall-maħżen għat-tkessiħ u t-tlestija tal-konsenji għall-klijenti.

Ħżin u ppakkjar

Il-ħżin u l-ippakkjar iseħħu f’żona definita. B’dan il-mod, ikun possibli li tiġi evitata ħsara lill-frott maqtugħ, li prattikament jittieħed direttament mill-post tat-tkabbir għall-maħżen. Dan l-approċċ jiggarantixxi wkoll li l-frott ma jitħallatx ma' frott imkabbar banda oħra. Dan il-proċess ikkoordinat ta' tkabbir, ħżin u ppakkjar f’post wieħed ifisser li l-frott ma jiddeterjorax.

4.6.   Rabta:

Iż-żona ta' Chelčicko-Lhenicko u l-frott li jitkabbar fiha huwa mill-aqwa mhux biss fir-Repubblika Ċeka, iżda wkoll fl-Ewropa. B'mod partikulari dan huwa sostnut bil-punti li ġejjin: ir-reputazzjoni, il-fatturi li jinfluwenzaw il-karatteristiċi uniċi ta' “Chelčicko-Lhenické ovoce” u elementi speċifiċi oħra, u r-rabta bejn il-karatteristiċi ta' “Chelčicko-Lhenické ovoce” u l-kundizzjonijiet fiż-żona skont it-tip ta' frotta.

4.6.1.   Reputazzjoni

It-tkabbir tal-frott fiż-żona ta' Chelčicko-Lhenicko jiftaħar bi tradizzjoni ta' 700 mitt sena. It-tradizzjoni qadima u l-kwalità tal-frott lokali wasslu biex iż-żona tissejjaħ “il-ġnien tan-Nofsinhar tal-Boemja”. Il-frott jidher saħansitra fuq l-emblema tal-muniċipalitajiet ta' Chelčice kif ukoll ta' Lhenice. Prova tal-istorja u tar-reputazzjoni tat-tkabbir tal-frott fiż-żona tinsab fil-ktieb Lhenice, zahrada Jižních Čech ta' Václav Starý a kol.

Ir-reputazzjoni ta' “Chelčicko-Lhenické ovoce” tidher ukoll permezz tal-festival tal-fjuri u l-festival tal-frott li jsiru kull sena, organizzati b'kollaborazzjoni mal-Unjoni tal-Bdiewa li Jkabbru l-Frott tan-Nofsinhar u l-Punent tal-Boemja. Il-festival tal-fjuri huwa inizjattiva għat-turiżmu u ċ-ċikloturiżmu, u jsir fil-bidu tal-istaġun tat-tkabbir tal-frott meta s-siġar tal-frott jerġgħu jieħdu l-ħajja, joħorġu l-fjur u jarmu iż-żahar. Il-festival tal-frott huwa avveniment prestiġjuz li jdum sejjer bosta jiem u fost l-iniżjattivi l-iktar importanti jiffoka fuq it-tkabbir tal-frott fir-Repubblika Ċeka. Jikkonsisti minn esibizzjoni tal-frott flimkien ma' evalwazzjoni, fiera tal-frott u programm kulturali u sportiv.

Prova tal-kwalità eċċezzjonali ta' “Chelčicko-Lhenické ovoce” hija l-apprezzament sostanzjali espress fl-esibizzjonijiet nazzjonali, eż. Zahrada Čech – Litoměřice, u barra minn hekk dawk li jkabbru jipparteċipaw b'suċċess mhux biss f'dik l-esibizzjoni iżda wkoll f'esibizzjonijiet oħra organizzati fil-livell nazzjonali. Hortikomplex – Olomouc, Země živitelka – České Budějovice, Zemědělec – Lysá nad Labem.

Dawk li jkabbru iċ-“Chelčicko-Lhenické ovoce” jinġabru flimkien fi ħdan l-Unie ovocnářů jižních a západních Čech (l-Unjoni ta' Dawk li Jkabbru l-Frott tan-Nofsinhar u l-Punent tal-Boemja), li tinvolvi ruħha fost oħrajn, f'attivitajiet edukattivi u ta' għarfien, promozzjoni ta' frott, organizzazzjoni ta' esibizzjonijiet, pubblikazzjoni, u kwistjonijiet ambjentali u dwar il-kwalità tal-frott. Il-grupp ta' azzjoni lokali Rozkvět zahrady jižních Čech jeżisti wkoll fiż-żona.

Il-bdiewa miż-żona Chelčicko-Lhenicko jaħdmu flimkien ma' bosta istituti ta' riċerka u stabbilimenti edukattivi tal-ogħla livell, eż.: L-Università tan-Nofsinhar tal-Boemja f'České Budějovice – Il-Fakultà tal-Agrikoltura, l-Università ta' Mendel tal-Agrikoltura u l-Forestrija fi Brno – il-Fakultà tal-Ortikoltura f'Lednice, l-Istitut għat-Tkabbir ta' Frott Irqiq Holovousy Ltd, SEMPRA, l-Istitut tar-Riċerka dwar l-Inġinerija Agrikola – Praga, l-Istitut tar-Riċerka dwar l-Ekonomija Agrikola – Praga, l-Istitut tar-Riċerka dwar l-Għelejjel, l-Istitut tar-Riċerka dwar l-Ikel fi Praga, l-Istitut ta' Kimika u Biokimika tas-Superfiċje Organika tal-Akkademja tax-Xjenzi tar-Repubblika Ċeka, il-Laboratorju Bijoloġiku ta' Biola. Is-suċċess ta' din il-kooperazzjoni jidher minn naħa bl-iżvilupp ta' tekniki ġodda tat-tkabbir u min-naħa l-oħra bl-użu li jsir ta' dawk it-tekniki fit-tkabbir tal-frott fiż-żona ta' Chelčicko-Lhenicko, li jikkontribwixxi wkoll għar-reputazzjoni taċ-“Chelčicko-Lhenické ovoce” madwar il-pajjiż kollu.

Produzzjoni

Produzzjoni annwali f'tunnellati (għall-2008): tuffieħ – 7 409, ċirasa sewda – 115, ċirasa qarsa – 338, għajnbaqar – 416, passolina (Ribes) – 399.

Kummerċjalizzazzjoni

“Chelčicko-Lhenické ovoce” huwa kkumerċjalizzat b'suċċess fir-Repubblika Ċeka u f'pajjiżi oħra.

Ir-Repubblika Ċeka

Għadd ta' entitajiet kummerċjali li lilhom jiġi fornut iċ-“Chelčicko-Lhenické ovoce”: madwar 500.

Entitajiet kummerċjali ewlenin li lilhom jiġi fornut iċ-“Chelčicko-Lhenické ovoce”: Terno, Ahold, Coops, Nova Fruit, CZ Fruit, Čeroz.

Esportazzjoni

Il-perċentwali tal-ħsad li jiġi esportat huwa kif ġej: ċirasa sewda – 38 %, ċirasa qarsa – 40 %, għajnbaqar – 50 %, passolina (Ribes) – 70 %.

Il-pajjiżi li lilhom jiġi fornut iċ-“Chelčicko-Lhenické ovoce”: il-Ġermanja, il-Pajjiżi l-Baxxi, il-Belġju, l-Awstrija, il-Finlandja, ir-Renju Unit.

Għadd ta' entitajiet kummerċjali barranin li lilhom jiġi fornut iċ-“Chelčicko-Lhenické ovoce”: madwar 10.

Entitajiet kummerċjali ewlenin li lilhom jiġi fornut iċ-“Chelčicko-Lhenické ovoce”: Dinter, Phanner.

4.6.2.   Fatturi li għandhom effett fuq il-kwalitajiet uniċi ta' “Chelčicko-Lhenické ovoce” u karatteristiċi speċifiċi oħrajn.

Il-frott li jitkabbar fiż-żona ta' Chelčicko-Lhenicko (ara il-punt 4.2) essenzjalment jiġi effettwat min-natura u l-klima speċifika ta' Podšumaví bejn il-Baċir Bavorov u l-għoljiet tal-Foresta Blansko.

Fiż-żona ta' Chelčicko-Lhenicko hemm sistema ta' għadajjar tal-ħut, xmajjar u xmajriet. Huwa preċiżament dan it-tip ta' pjanura li joħloq il-kundizzjonijiet klimatiċi li jiffavorixxu l-kultivazzjoni tal-frott, eż. l-ammont ta' xita, l-indewwa fil-ħamrija, il-bidla fit-temperatura ta' matul il-jum u l-lejl, iċ-ċpar frekwenti ta' filgħodu.

Il-karatteristiċi taż-żona ta' Chelčicko-Lhenicko huma:

Il-karatteristika speċifika ewlenija ta’ “Chelčicko-Lhenické ovoce”, jiġifieri l-proporzjon bbilanċjat taz-zokkor mal-aċidi, ġejja prinċipalment mill-klima lokali, jiġifieri l-bidla fit-temperatura ta' matul il-jum u l-lejl, il-bidu tard tar-rebbiegħa, u sajran iktar tard, u mill-ħamrija, jiġifieri bilanċ tal-pH, ta’ minerali individwali u ta’ proporzjon differenti ta’ minerali. Skont l-analiżi tal-laboratorju li twettqet, l-aċidità medja tal-frott tilħaq livelli ottimi. Ir-riżultati pożittivi, li ma jseħħux awtomatikament f'kull żona tat-tkabbir tal-frott, kienu wkoll ikkonfermati matul l-analiżi tal-ħamrija.

Karatteristiċi oħra speċifiċi ta' “Chelčicko-Lhenické ovoce”, bħar-riħa, it-togħma, il-freskezza, il-kapaċità li tibqa’ friska għal tul ta’ żmien, l-uniċità tal-isfumaturi tal-ilwien, jistgħu jitqiesu li ġejjin prinċipalment mill-mikroklima speċjali, li tiġi ġġenerata mill-kundizzjonijiet imsemmija hawn fuq (foresti, għadajjar tal-ħut, altitudni pjuttost għolja, indewwa, ċpar, eċċ).

Fattur sinifikanti li jinfluwenza l-kwalità ta' “Chelčicko-Lhenické ovoce”, huwa l-livell verament baxx ta’ kontaminazzjoni tal-ambjent minn metalli tqal u, għaldaqstant, il-livell baxx ta’ kontaminazzjoni tal-frott, li huwa ferm iżjed baxx mil-limitu. Il-protezzjoni bijoloġika tas-siġar tal-frott hija fattur kontribwenti ieħor. Fiż-żona ta' Chelčicko-Lhenicko, is-siġar tal-frott jitħarsu l-iktar permezz tal-użu ta' mezzi bijoloġiċi. Dawn huma favur l-ambjent u għandhom vantaġġi li ma jistgħux jiġu nnegati fuq mezzi kimiċi oħra ta' protezzjoni. Iż-żona hija ċentru tal-iżvilupp ta' mezzi bijoloġiċi tal-ħarsien tal-pjanti u s-siġar fir-Repubblika Ċeka.

Fattur partikolari ulterjuri taż-żona tat-tkabbir tal-frott ta' Chelčicko-Lhenicko huwa d-diversità tal-prodott tagħha meta mqabbel ma' żoni oħra tat-tkabbir tal-frott.

Element ieħor importanti tat-tkabbir tal-frott fiż-żona ta' Chelčicko–Lhenicko huwa l-metodu integrat SISPO (ara il-punt 4.5. Il-methodu tal-produzzjoni), li tfassal ukoll bil-parteċipazzjoni ta' dawk li jkabbru l-frott f'din iż-żona. Din is-sistema tikkontribwixxi sostanzjalment għall-kwalità għolja intrinsika tal-frott u, konsegwentement, għas-sodisfazzjoni tal-konsumaturi li jafu jagħżlu. Is-sistema tipprovdi linji gwida dwar kif jitkabbar il-frott bl-aqwa mod possibbli fiż-żona, u dawn il-linji gwida qed jiġu applikati.

Bit-tradizzjoni ta' matul is-sekli tal-kultivazzjoni tal-frott fiż-żona definita, l-għarfien u l-esperjenza ta' dawk li jkabbru l-frott tal-aqwa varjetajiet li jitkabbru u fejn u kif l-aħjar li tkabbarhom żdiedu u ttejbu. Dan il-proċess għadu jseħħ.

Id-denominazzjoni tal-oriġini “Chelčicko-Lhenické ovoce” ilha tiġi protetta fir-Repubblika Ċeka bin-numru 194 sa mill-20 ta’ Novembru 2002.

4.6.3.   Ir-rabta bejn il-karatteristiċi ta' “Chelčicko-Lhenické ovoce” u l-kundizzjonijiet fiż-żona skont it-tip tal-frott

It-tuffieħ

It-tuffieħ jiddistingwi ruħu permezz ta' togħma unika, speċifika, u pikkanti b'diwi li jdum, riżultat tal-effett tal-umdità relattivament għolja tal-arja, in-nuqqas ta' temperaturi għoljin matul is-sajf, u min-naħa l-oħra, il-varjazzjoni sinifikanti bejn it-temperaturi matul il-jum u l-lejl iġġenerati mill-għadd kbir ta' għadajjar u foresti u mill-altitudni tal-art taż-żona ġeografika definita. Il-mikroklima speċifika tgħin biex toħloq il-bilanċ preċiż ta' zokkriet, aċidi u sustanzi aromatiċi fil-frott, fil-perjodu ta' qabel il-ħsad, li jirriżulta fit-togħma pikkanti speċifika tiegħu. It-tuffieħ jiddistingwi ruħu wkoll mill-fatt illi, fil-firxa ta' varjetajiet imkabbra, mill-varjetajiet tas-sajf għall-varjetajiet li jiġu iktar tard li jinħażnu f'arja kkontrollata sax-xhur tar-rebbiegħa, idum għal żmien twil fil-grad ottimu ta' sajran għall-konsum mingħajr ma titnaqqas it-togħma jew ir-riħa, u barra minn hekk jiddistingwi ruħu permezz tal-formazzjoni ta' qoxra ta' kwalità tajba, riżultat prinċipalment tal-altitudni relattivament għolja fiż-żona ġeografika definita, nieqsa minn temperaturi għoljin ħafna tas-sajf minħabba l-effett taċ-ċpar frekwenti u l-kopertura sostanzjali ta' nida, flimkien max-xemx. Karatteristika relatata oħra hija l-ilwien verament partikolari tal-frott tal-varjetajiet individwali mkabbra fiż-żona ta' Chelčicko-Lhenicko.

Iċ-ċirasa s-sewda

Iċ-ċirasa s-sewda tiddistingwi ruħha bit-togħma rikka u pikkanti ħafna, u l-qalba friska, flimkien mal-kontenut għoli taz-zokkor u l-aċidu tagħha u l-bilanċ ottimu ta' benjiethom. Fil-każ ta' xi varjetajiet (Napoleon, Kordia, Van), id-differenza fil-kwalità u t-togħma tal-frott meta mqabbla ma' ta' żoni oħra tant hija kbira li kien hemm tendenza li jiġu rreġistrati varjetajiet reġjonali ta' dawn il-varjetajiet. Dawn il-karatteristiċi ġejjin mill-kundizzjonijiet speċifiċi tal-ħamrija fiż-żona ġeografika definita flimkien mal-altitudni għolja tal-pajsaġġ. It-tipi tal-ħamrija fil-widien u fuq il-pjanuri huma differenti minn dawk ta' mal-għoljiet. Il-ħamrija ta' dawn tal-aħħar hija iktar niexfa u inqas rikka iżda fiha bilanċ suffiċjenti u b'mod partikolari tajjeb u uniku ta' nutrijenti minerali. Il-permeabbiltà tagħhom għandha rwol sinifikanti. Dawk l-għoljiet fil-fatt intużaw biex jitħawlu msaġar taċ-ċirasa s-sewda u ringieli ta' siġar taċ-ċirasa s-sewda minn żmien il-qedem. Hawn is-siġar jikbru malajr, irrispettivament mir-riżoma użata, grazzi għas-sistema ta' għeruq f'saħħitha, li l-ħamrija lokali hija perfettament adattata għaliha. Ma hemm ebda żoni mgħaddra jew baċiri tal-ġlata li jagħmlu ħsara lill-għeruq u z-zkuk tas-siġar, jew li jikkawżaw pressjoni fuq il-frott biex irendi prodott b'togħma ta' kwalità mhux adegwata.

Iċ-ċirasa l-qarsa

Karatteristiċi distinti taċ-ċirasa qarsa huma l-livell baxx ta' infestazzjoni b'insettti u durabbiltà konsiderevoli li jirriżultaw mill-kwalità intrinsika tal-frott. Dawk il-karatteristiċi ġejjin prinċipalment mill-fatt illi, minħabba l-altitudni relattivament għolja u l-varjetajiet imkabbra, il-waqt tas-sajran meħtieġ għall-ħsad jintlaħaq iktar tard fiż-żona ġeografika definita milli f'żoni oħra. Din il-karatteristika lokali hija vantaġġ billi tneħħi l-bżonn tal-ġlieda kontra infestazzjoni tal-insetti fiċ-ċirasa qabel il-ħsad u għalhekk, il-kwalità intrinsika tal-frott ma tistax tiġi influwenata b'xi mod mill-pestiċidi. Karatteristiċi speċifiċi oħra taċ-ċirasa qarsa huma t-togħma u r-riħa distinti li sussegwentement jirriflettu fil-kwalità ta' xarbiet u prodotti oħra ġejjin minn din il-frotta. It-togħma u r-riħa distinti ġejjin mill-fatt illi fiż-żona Chelčicko-Lhenicko hemm konċentrazzjonijiet verament baxxi ta' metalli tqal fil-ħamrija u hemm ftit tniġġis mill-industrija u t-trasport, u dawn għandhom effett tajjeb fuq il-kwalità tal-frott.

L-għajnbaqar

L-għajnbaqar jiddistingwi ruħu mill-kontenut għoli tiegħu ta' zokkor u togħma bnina, li ġejjin mid-differenzi fit-temperaturi, miċ-ċpar frekwenti u l-ġlata ħafifa fi stadju aktar tard. Dawn il-karatteristiċi għandhom valur għoli matul l-ipproċessar sussegwenti f'konservi u spirti, il-kontenut tas-sustanza aromatika għandu valur għoli ħafna u hemm domanda għolja għal dan il-frott minn proċessuri lokali u barranin. Minħabba l-klima lokali relattivament kiesħa, l-inċidenza tal-mard virali li għandu effett detrimentali fuq il-kwalità tal-frott, hija baxxa. Dan il-fatt jagħti l-possibbiltà tat-tkabbir ta' varjetajiet indiġeni li ma tkabbrux, b'tali mod li tittejjeb ir-reżistenza tagħhom għall-mard virali. Fuq kollox, madankollu, il-kundizzjonijiet naturali speċifiċi għandhom influwenza pożittiva fuq il-kwalità tal-frott. L-umdità relattivament għolja fl-arja u l-ammont ta' xita jwasslu biex l-imsaġar jimtlew ħaxix, u b'hekk ma jkunx hemm temperatura sħuna żżejjed għall-frott u l-assimilazzjoni ma titfixkilx. Il-kisi tal-art bil-ħaxix iżid il-kontenut tas-CO2 fil-livell superfiċju tal-ħamrija, li għandu effett favorevoli fuq il-proporzjon ta' zokkor u aċidu tal-frott fil-waqt tas-sajran. Barra minn hekk, il-fatt illi l-ħamrija bil-ġibs ma tinstabx f'din iż-żona, iwassal biex is-siġar qatt ma jsofru minn defiċjenza tal-ħadid li jkollha effett ħażin ħafna fuq il-kwalità tal-frott.

Il-passolina s-sewda u l-passolina l-ħamra

Il-karatteristiċi distinti tal-passolina huma t-togħma u l-proporzjon ideali ta' zokkor u aċidu, li ġejjin prinċipalment mill-kundizzjonijiet tal-ħamrija u l-klima, li jiddeterminaw din il-kwalità speċifika tal-frott.

Minħabba l-fatt illi ż-żona ta' Chelčicko-Lhenicko għandha ħamrija bi ftit aċidità pH, hemm kundizzjonijiet ideali għat-tkabbir tal-passolina. Il-kwalità tal-passolina hija wkoll fid-daqs kbir tal-frott u d-durabbiltà tiegħu li huma riżultat ta' kontenut naturali pjuttost għoli ta' potassju fil-profil tal-ħamrija. Dan huwa fattur verament bażiku, billi fil-każ tal-passolina, id-defiċjenza tal-potassju malajr tirrużulta, fost oħrajn, fi tnaqqis fid-daqs u d-durabbiltà tal-frott. Il-passolina hija tip ta' frotta li għandha bżonn kontenut għoli ta' humus fil-ħamrija. Fiż-żona ta' Chelčicko-Lhenické minħabba l-umdità pjuttost għolja fl-arja u x-xita ta' matul l-istaġun tat-tkabbir, huwa possibbli li jkun hemm ħaxix permanenti fl-għelieqi tal-passolina. Bil-kisi regolari tal-ħaxix u l-frak tal-friegħi, malajr jinbena saff ta' humus, li għandu effett deċisiv fuq it-tkabbir u s-saħħa tal-buxx u l-kwalità tal-prodott finali. Flimkien mat-tibdil fit-temperatura li tkun għolja matul il-jum u baxxa matul il-lejl fil-perjodu ta' qabel il-ħsad, li huwa karatteristika ta' din iż-żona, il-frott b'togħma bnina ħafna jsir bi proporzjon ideali ta' zokkor u aċidu. Sussegwentement dan huwa rifless fil-kwalità ta' prodotti li ġejjin minn materja prima lokali.

4.7.   Korp ta' spezzjoni:

4.8.   Tikkettar:

Il-frott miż-żona ta' Chelčicko-Lhenicko jitpoġġa f’tipi varji ta’ ppakkjar bit-tikketta “Chelčicko-Lhenické ovoce”, ġeneralment fi skema ta’ lewn aħdar, isfar u aħmar, bis-simbolu u l-isem tal-muniċipalità fejn tkabbar. L-użu ta’ immaġni grafika fuq il-pakkett mhuwiex strettament neċessarju.

(1)  ĠU L 93, 31.3.2006, p. 12.