(1)

L-Artikolu 22(2) tar-Regolament ta' Implimentazzjoni tal-Kummissjoni (UE) Nru 908/2014 (2) jistabbilixxi l-iskadenzi li fihom l-Istati Membri għandhom jippreżentaw id-dikjarazzjonijiet tan-nefqa għall-programmi ta' żvilupp rurali approvati, kif ukoll il-perjodi korrispondenti tan-nefqa.

(2)

L-Istati Membri jridu jiddikjaraw lill-Kummissjoni n-nefqa kollha li jkunu daħlu responsabbli għaliha u ħallsu lill-benefiċjarji qabel l-approvazzjoni ta' programm ta' żvilupp rurali fl-ewwel dikjarazzjoni tan-nefqa wara dik l-approvazzjoni. L-istess regola tapplika, mutatis mutandis, fil-każ ta' emenda ta' programm għall-iżvilupp rurali.

(3)

Għall-finijiet tal-kontabilità jeħtieġ li jiġi ċċarat li d-dikjarazzjoni dwar in-nefqa mħallsa mill-aġenziji tal-pagamenti qabel l-approvazzjoni ta' programm ta' żvilupp rurali jew qabel l-emenda ta' programm ta' żvilupp rurali għandha tikkorrispondi ma' perjodi sħaħ, kif speċifikat fl-ewwel subparagrafu tal-Artikolu 22(2) tar-Regolament ta' Implimentazzjoni (UE) Nru 908/2014. Barra minn hekk, in-nefqa kollha mħallsa mill-aġenziji tal-pagamenti matul il-perjodu li fih issir l-approvazzjoni ta' programm ta' żvilupp rurali jew l-emenda tiegħu, għandhom jiġu ddikjarati sad-data ta' skadenza stabbilita għall-perjodu korrispondenti f'dak l-Artikolu.

(4)

Jeħtieġ ukoll li jiġi ċċarat li r-regola stabbilita fit-tieni subparagrafu tal-Artikolu 22(2) tar-Regolament ta' Implimentazzjoni (UE) Nru 908/2014 ma għandhiex tapplika għall-finanzjament ta' aġġustamenti ta' pjanijiet kif imsemmi fl-Artikolu 23(2) ta' dak ir-Regolament.

(5)

L-Artikolu 57 tar-Regolament (UE) Nru 908/2014 jistipula li l-informazzjoni msemmija fl-Artikolu 111(1)(c) u (d) tar-Regolament (UE) Nru 1306/2013 tinkludi deskrizzjoni tal-miżuri ffinanzjati mill-Fondi elenkati fl-Anness XIII ta' dan ir-Regolament. L-iskemi ta' appoġġ stabbiliti skont ir-Regolament tal-Kunsill (KE) Nru 73/2009 (3) għandhom jiżdiedu mal-Anness XIII billi d-dispożizzjonijiet tar-Regolament (UE) Nru 1307/2013 tal-Parlament Ewropew u tal-Kunsill (4) jibdew japplikaw biss mill-1 ta' Jannar 2015.

(6)

L-Artikolu 63 tar-Regolament (UE) Nru 908/2014 jistipula deroga mill-applikazzjoni tal-Artikolu 3(3) tar-Regolament tal-Kummissjoni (KE) Nru 259/2008 (5) fir-rigward tal-perjodu li fih l-informazzjoni msemmija f'dak l-Artikolu għandha tinżamm disponibbli fuq il-websajt. Din id-dispożizzjoni għandha tiġi mmodifikata biex tapplika għall-pagamenti magħmula kemm għas-sena finanzjarja tal-2012 kif ukoll għal dik tal-2013. Biex tiġi żgurata l-kontinwità tal-pubblikazzjoni għandha tistipula li l-informazzjoni tibqa' disponibbli fil-websajt sal-31 ta' Mejju 2015, jew, sa meta l-informazzjoni dwar il-pagamenti magħmula għas-sena finanzjarja 2014 tiġi ppubblikata b'konformità mal-Artikolu 59(2) tar-Regolament ta' Implimentazzjoni (UE) Nru 908/2014.

(7)

Għaldaqstant ir-Regolament ta' Implimentazzjoni (UE) Nru 908/2014 għandu jiġi emendat skont dan.

(8)

Il-miżuri previsti f'dan ir-Regolament huma konformi mal-opinjoni tal-Kumitat dwar il-Fondi Agrikoli,

(1)

Fl-Artikolu 22(2), it-tieni subparagrafu huwa sostitwit b'dan li ġej:

“Madankollu, in-nefqa kollha mħallsa mill-aġenziji tal-pagamenti lill-benefiċjarji skont l-Artikolu 65(2) tar-Regolament (UE) Nru 1303/2013 sa tmiem l-aħħar perjodu, kif speċifikat fl-ewwel subparagrafu ta' dan il-paragrafu, qabel l-approvazzjoni ta' programm għall-iżvilupp rurali kif hemm referenza fl-Artikolu 6 tar-Regolament (UE) Nru 1305/2013, issir taħt ir-responsabbiltà tal-Istati Membri u għandha tiġi ddikjarata lill-Kummissjoni fl-ewwel dikjarazzjoni tan-nefqa wara l-approvazzjoni ta' dak il-programm. L-istess regola għandha tapplika, bit-tibdil meħtieġ, fil-każ ta' emenda ta' programm għall-iżvilupp rurali kif imsemmi fl-Artikolu 11 tar-Regolament (UE) Nru 1305/2013, ħlief għall-aġġustamenti tal-pjan ta' finanzjament, kif imsemmi fl-Artikolu 23(2) ta' dan ir-Regolament.”

(2)

Fl-Artikolu 63, it-tieni paragrafu jinbidel b'dan li ġej:

“Madankollu, ir-Regolament (KE) Nru 259/2008 għandu jkompli japplika għall-pagamenti magħmula għas-snin finanzjarji 2012 u 2013. Permezz ta' deroga mill-Artikolu 3(3) ta' dak ir-Regolament, l-informazzjoni msemmija f'dak l-Artikolu għandha tinżamm disponibbli fuq il-websajt sal-31 ta' Mejju 2015, jew, sa meta l-informazzjoni dwar il-pagamenti magħmula għas-sena finanzjarja 2014 tiġi ppubblikata skont l-Artikolu 59(2) ta' dan ir-Regolament.”

(3)

Fl-Anness XIII jiżdied il-punt 9 kif ġej: