EUR-Lex Access to European Union law
This document is an excerpt from the EUR-Lex website
Document JOL_2013_308_R_NS0070
2013/604/EU: Decision of the European Parliament of 17 April 2013 on discharge in respect of the implementation of the budget of Eurojust for the financial year 2011#Resolution of the European Parliament of 17 April 2013 with observations forming an integral part of its Decision on discharge in respect of the implementation of the budget of Eurojust for the financial year 2011
2013/604/UE: Deċiżjoni tal-Parlament Ewropew tas- 17 ta’ April 2013 dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
Riżoluzzjoni tal-Parlament Ewropew tas- 17 ta’ April 2013 li tinkludi osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
2013/604/UE: Deċiżjoni tal-Parlament Ewropew tas- 17 ta’ April 2013 dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
Riżoluzzjoni tal-Parlament Ewropew tas- 17 ta’ April 2013 li tinkludi osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
ĠU L 308, 16.11.2013, p. 70–70
(HR)
ĠU L 308, 16.11.2013, p. 308–311
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
16.11.2013 |
MT |
Il-Ġurnal Uffiċjali tal-Unjoni Ewropea |
L 308/308 |
DEĊIŻJONI TAL-PARLAMENT EWROPEW
tas-17 ta’ April 2013
dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
(2013/604/UE)
IL-PARLAMENT EWROPEW,
— |
wara li kkunsidra l-kontijiet annwali definittivi tal-Eurojust għas-sena finanzjarja 2011, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Eurojust għas-sena finanzjarja 2011, flimkien mat-tweġibiet tal-Eurojust (1), |
— |
wara li kkunsidra r-rakkomandazzjoni tal-Kunsill tat-12 ta’ Frar 2013 (05753/2013 — C7–0041/2013), |
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (3), u b’mod partikolari l-Artikolu 208 tiegħu, |
— |
wara li kkunsidra d-Deċiżjoni tal-Kunsill 2002/187/ĠAI tat-28 ta’ Frar 2002 li tistabbilixxi Eurojust bil-għan li tiġi msaħħa l-ġlieda kontra l-kriminalità serja (4), u b’mod partikolari l-Artikolu 36 tagħha, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju qafas għall-korpi msemmijin fl-Artikolu 185 tar-Regolament (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikolu 94 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Procedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A7-0072/2013), |
1. |
Jagħti l-kwittanza lid-Direttur Amministrattiv tal-Eurojust għall-implimentazzjoni tal-baġit tal-Eurojust għas-sena finanzjarja 2011; |
2. |
Jippreżenta l-kummenti tiegħu fir-riżoluzzjoni t’hawn taħt; |
3. |
Jagħti istruzzjonijiet lill-President tiegħu sabiex jgħaddi din id-deċiżjoni, kif ukoll ir-riżoluzzjoni li hi parti integrali minnha, lid-Direttur Amministrattiv tal-Eurojust, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata f’Il-Ġurnal Uffiċjali tal-Unjoni Ewropea (serje L). |
Il-President
Martin SCHULZ
Is-Segretarju Ġenerali
Klaus WELLE
(1) ĠU C 388, 15.12.2012, p. 180.
(2) ĠU L 248, 16.9.2002, p. 1.
(3) ĠU L 298, 26.10.2012, p. 1.
(5) ĠU L 357, 31.12.2002, p. 72.
RIŻOLUZZJONI TAL-PARLAMENT EWROPEW
tas-17 ta’ April 2013
li tinkludi osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Eurojust għas-sena finanzjarja 2011
IL-PARLAMENT EWROPEW,
— |
wara li kkunsidra l-kontijiet annwali definittivi tal-Eurojust għas-sena finanzjarja 2011, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Eurojust għas-sena finanzjarja 2011, flimkien mat-tweġibiet tal-Eurojust (1), |
— |
wara li kkunsidra r-rakkomandazzjoni tal-Kunsill tat-12 ta’ Frar 2013 (05753/2013 — C7–0041/2013), |
— |
wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (3), u b’mod partikolari l-Artikolu 208 tiegħu, |
— |
wara li kkunsidra d-Deċiżjoni tal-Kunsill 2002/187/ĠAI tat-28 ta’ Frar 2002 li tistabbilixxi Eurojust bil-għan li tiġi msaħħa l-ġlieda kontra l-kriminalità serja (4), u b’mod partikolari l-Artikolu 36 tagħha, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju qafas għall-korpi msemmijin fl-Artikolu 185 tar-Regolament (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5), u b’mod partikolari l-Artikolu 94 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Procedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A7-0072/2013), |
A. |
billi l-Eurojust, li tinsab fl-Aja, ġiet imwaqqfa permezz tad-Deċiżjoni tal-Kunsill 2002/187/ĠAI, |
B. |
billi l-Qorti tal-Awdituri stqarret li kisbet assigurazzjonijiet raġonevoli li l-kontijiet annwali tal-Eurojust għas-sena finanzjarja 2011 huma affidabbli u li l-tranżazzjonijiet sottostanti huma legali u regolari, |
C. |
billi fl-10 Mejju 2012, il-Parlament ta l-kwittanza lid-Direttur Amministrattiv tal-Eurojust għall-implimentazzjoni tal-baġit tal-Eurojust għas-sena finanzjarja 2010 (6), u billi fir-riżoluzzjoni tiegħu li takkumpanja d-deċiżjoni ta’ kwittanza, fost affarijiet oħra:
|
D. |
billi l-baġit tal-Eurojust għas-sena finanzjarja 2011 kien ta’ EUR 31 357 900,47 meta mqabbel ma’ EUR 32 241 523,92 fl-2010, somma li tirrappreżenta tnaqqis ta’ 2,91 %; |
E. |
billi l-kontribuzzjoni tal-Unjoni għall-baġit tal-Eurojust għall-2011 kienet tammonta għal EUR 31 333 740, meta mqabbla ma’ EUR 30 163 220 fl-2010, somma li tirrappreżenta żieda ta’ 5,20 %, |
F. |
billi l-bilanċ tal-kont tal-eżitu għall-Eurojust fl-2011 kien pożittiv, b’ammont totali ta’ EUR 2 496 985,21, |
Il-ġestjoni baġitarja u finanzjarja
1. |
Jirrikonoxxi mill-kontijiet annwali tal-2011 li l-Eurojust irċeviet baġit ta’ EUR 31 733 740 mill-baġit ġenerali tal-Unjoni, li minnu ġew inkassati EUR 31 333 740; jinnota wkoll li l-baġit kien magħmul minn approprjazzjonijiet mhux differenzjati; |
2. |
Jinnota li fl-2011, il-Eurojust impenjat 93 %, 99 % u 96 % tal-approprjazzjonijiet riċevuti fil-qafas tat-Titolu I (nefqa relatata mal-persunal), it-Titolu II (nefqa amministrattiva) u t-Titolu III (nefqa operazzjonali) rispettivament; josserva li f’termini ta’ approprjazzjonijiet imħallsa, ir-rata ta’ eżekuzzjoni tal-Eurojust hija ta’ 90 % fil-qafas tat-Titolu I, 78 % fil-qafas tat-Titolu II u 58 % fil-qafas tat-Titolu III u għalhekk jitlob lill-Eurojust timplimenta miżuri speċifiċi biex ittejjeb il-proċedura baġitarja tagħha u r-rata tal-eżekuzzjoni tal-pagamenti tagħha; jinnota wkoll li ġie pproċessat ammont totali ta’ 7 300 tranżazzjoni (impenji u pagamenti); |
3. |
Jistabbilixxi mill-kontijiet annwali li fl-2010 l-Eurojust ingħatat EUR 2 159 000 mill-Kummissjoni għall-parteċipazzjoni tagħha fi programmi ta’ ġustizzja kriminali (skwadri ta’ investigazzjoni konġunti); jistabbilixxi wkoll li fl-2011 ma rċeviet l-ebda għotja; |
Segwitu għar-rakkomandazzjonijiet tal-kwittanza għall-2010
4. |
Jiddispjaċih li l-Eurojust ma tatx lill-awtorità tal-kwittanza rapport bil-miżuri adottati u implimentati b’segwitu għar-rakkomandazzjonijiet tal-awtorità tal-kwittanza għall-2010, kif jirrikjedi l-Artikolu 96(2) tar-Regolament Finanzjarju Qafas; iħeġġeġ lill-Eurojust tibgħat rapport mill-aktar fis sabiex tippermetti lill-awtorità tal-kwittanza tevalwa jekk sarx progress; |
5. |
Jitlob lill-Eurojust tipprovdi r-rapport mitlub mill-Artikolu 96(2) tar-Regolament Finanzjarju Qafas b’rabta mal-proċedura tal-kwittanza għall-2011 fi żmien debitu għall-proċedura tal-kwittanza; |
Ir-riporti ta’ approprjazzjonijiet
6. |
Jirrikonoxxi mir-rapport tal-Qorti tal-Awdituri li l-approprjazzjonijet ta’ pagament li jammontaw għal EUR 6 448 762 kienu ġew riportati mill-2010 għall-2011; jinnota wkoll li mill-ammont li ġie riportat, EUR 1,3 miljun kellhom jiġu kkanċellati fl-2011; ifakkar li l-Qorti tal-Awdituri enfasizzat fir-rapport tagħha għas-sena finanzjarja 2010 li livell hekk għoli ta’ riport huwa eċċessiv; |
7. |
Jistabbilixxi mir-rapport tal-Qorti tal-Awdituri li l-approprjazzjonijiet ta’ pagament li jammontaw għal EUR 5 187 289 (16 % tal-approprjazzjonijiet totali ta’ pagament) ġew riportati għall-2012 u li minn dan l-ammont, EUR 3,1 miljun huma relatati mat-Titolu III (nefqa operazzjonali) u jirrappreżentaw 39 % tal-approprjazzjonijiet ta’ pagament tat-Titolu III; jitlob lill-Eurojust tinforma lill-awtorità tal-kwittanza bl-azzjonijiet meħuda sabiex tindirizza dan in-nuqqas peress li dan il-livell huwa eċċessiv u jmur kontra l-prinċipju ta’ annwalità; |
8. |
Jinnota li l-baġit għalt-Titolu I żdied b’7 % mill-2010 ‘l hawn, u dan jirrifletti ż-żieda fl-ispejjeż tal-persunal u spejjeż relatati; |
9. |
Jinnota li kważi 99 % tal-fondi ġew impenjati fil-qafas tat-Titolu II (nefqa amministrattiva) fl-2011; jinnota wkoll li r-rata tal-eżekuzzjoni tal-pagamenti kienet ta’ 78 %, meta mqabbla ma’ 72 % fl-2010; |
10. |
Jirrikonoxxi li kważi 96 % tal-fondi ġew impenjati fil-qafas tat-Titolu III fl-2011, filwaqt li r-rata tal-eżekuzzjoni tal-pagamenti kienet ta’ 58 % fl-2011, meta mqabbla ma’ 59 % fl-2010; jitlob lill-Eurojust tinforma lill-awtorità tal-kwittanza bl-azzjonijiet meħuda sabiex tindirizza dan in-nuqqas peress li dan il-livell baxx ta’ eżekuzzjoni jindika diffikultajiet fl-ippjanar jew l-implimentazzjoni tal-attivitajiet tal-Eurojust; |
Is-sistema kontabilistika
11. |
Jinnota mill-kontijiet annwali li fl-2011, il-Eurojust użat is-sistema finanzjarja ta’ kontabilità bbażata fuq id-dovuti, is-sistema kontabilistika użata mill-Kummissjoni għall-kontabilità baġitarja; jinnota wkoll li l-informazzjoni baġitarja hija integrata f’sistema waħda li għandha l-SAP bħala back-end għall-parti kontabilistika; |
It-trasferimenti
12. |
Jirrikonoxxi mill-kontijiet annwali li b’kollox kien hemm 12-il trasferiment baġitarju matul l-2011; |
Il-bini
13. |
Jinnota mir-Rapport Annwali tal-Attività (AAR) tal-Eurojust tal-2011 li ntlaħaq ftehim mal-Pajjiżi l-Baxxi, bħala l-Istat Membru ospitanti, għall-bini l-ġdid għall-Eurojust fl-2015 permezz ta’ Ftehim ta’ Kooperazzjoni bid-data tat-30 ta’ Ġunju 2011 u mal-istituzzjonijiet tal-Unjoni rigward l-implikazzjonijiet baġitarji; |
Il-proċeduri ta’ reklutaġġ
14. |
Jinnota l-fatt li l-Qorti tal-Awdituri għal darba oħra osservat nuqqasijiet fl-implimentazzjoni tal-proċeduri ta’ reklutaġġ; għaldaqstant, jitlob lill-Eurojust tistabbilixxi pjan ta’ azzjoni komprensiv għar-reklutaġġ li jirrispetta l-opportunitajiet indaqs għall-kandidati kollha, tnaqqas b’mod sinifikanti r-rata ta’ pożizzjonijiet vakanti u tinforma lill-awtorità tal-kwittanza dwar l-azzjonijiet meħuda; iqis li wħud mid-dispożizzjonijiet tar-Regolamenti tal-Persunal jistgħu jkunu ta’ piż amministrattiv konsiderevoli; għalhekk, iħeġġeġ lill-Kummissjoni tippermetti ċertu livell ta’ simplifikazzjoni skont l-Artikolu 110 tar-Regolamenti tal-Persunal fir-rigward tal-aġenziji; |
15. |
Jirrikonoxxi mill-AAR li n-numru ta’ persuni li kienu jaħdmu fil-Eurojust fl-2011 kien ta’ 269, kif ġej:
|
Il-prestazzjoni
16. |
Jinnota li n-numru ta’ każijiet fejn l-Istati Membri talbu l-għajnuna tal-Eurojust fil-ġlieda kontra l-kriminalità transkonfinali serja żdied minn 1 421 fl-2010 għal 1 441 fl-2011; jirrikonoxxi b’mod partikolari li ġew reġistrati 218-il każ ta’ frodi fl-2011 u li n-numru ta’ laqgħat ta’ koordinament dwar frodi żdied minn 17 fl-2010 għal 58 fl-2011; jilqa’ l-fatt li fl-istess sena, il-Eurojust, flimkien mat-Tim tar-Reati Ekonomiċi, iffinalizzat proġett strateġiku dwar it-tisħiħ tal-iskambju ta’ informazzjoni u ta’ għajnuna legali reċiproka bejn l-awtoritajiet ġudizzjarji tal-Istati Membri fil-qasam tal-frodi tal-VAT; |
17. |
Jinnota li ġew reġistrati 26 każ ta’ korruzzjoni fl-2011 kontra 31 fl-2010; jenfasizza li n-numru ta’ laqgħat ta’ koordinament żdied minn 11 fl-2010 għal 19 fl-2011; jilqa’ l-fatt li fl-istess sena, skwadra ta’ investigazzjoni konġunta dwar il-korruzzjoni kiseb riżultati pożittivi meta impriża ta’ Stat Membru għamlet ħlas ta’ madwar EUR 3 000 000 wara każ ta’ korruzzjoni transkonfinali ta’ natura globali; |
18. |
Jinnota li l-Qorti tal-Awdituri reġgħet irrimarkat dwar il-ħtieġa li d-definizzjoni tar-rwoli u r-responsabbiltajiet rispettivi bejn id-Direttur u l-Kulleġġ tal-Eurojust terġa’ tiġi kkunsidrata; iħabbar l-intenzjoni tiegħu li jikkunsidra din il-kwistjoni fir-reviżjoni li jmiss tad-Deċiżjoni tal-Kunsill 2002/187/ĠAI li tirregola lill-Eurojust; |
19. |
Jirrikonoxxi li ġie ffirmat ftehim ta’ kooperazzjoni mal-Istat Ospitanti fir-rigward tal-bini l-ġdid tal-Eurojust mill-2015 ‘il quddiem; |
20. |
Jirreferi, fir-rigward tal-osservazzjonijiet l-oħra li jakkumpanjaw din id-Deċiżjoni ta’ kwittanza, li huma ta’ natura orizzontali, għar-riżoluzzjoni tiegħu tas-17 ta’ April 2013 (7) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 388, 15.12.2012, p. 180.
(2) ĠU L 248, 16.9.2002, p. 1.
(3) ĠU L 298, 26.10.2012, p. 1.
(5) ĠU L 357, 31.12.2002, p. 72.
(6) ĠU L 286, 17.10.2012, p. 267.
(7) Testi adottati, P7_TA(2013)0134 (Ara paġna 374 ta' dan il-Ġurnal Uffiċjali).