EUR-Lex Access to European Union law
This document is an excerpt from the EUR-Lex website
Document JOL_2005_002_R_0004_01
2005/4/: 2005/4/EC:#Council Decision of 22 December 2004 on the conclusion of the Agreement in the form of an Exchange of Letters between the European Community and the Palestine Liberation Organisation (PLO) for the benefit of the Palestinian Authority of the West Bank and the Gaza Strip concerning reciprocal liberalisation measures and the replacement of Protocols 1 and 2 to the EC-Palestinian Authority Interim Association Agreement#Agreement in the form of an Exchange of Letters between the European Community and the Palestine Liberation Organisation (PLO) for the benefit of the Palestinian Authority of the West Bank and the Gaza Strip concerning reciprocal liberalisation measures and the replacement of Protocols 1 and 2 to the EC-Palestinian Authority Interim Association Agreement
Deċiżjoni tal-Kunsill tat- 22 ta' Diċembru 2004 dwar il-konklużjoni tal-Ftehim fl-għamla ta' Skambju ta' Ittri bejn il-Komunità Ewropea u l-Organizzazzjoni għall-Ħelsien tal-Palestina (PLO) f'isem l-Awtorità Palestinjana tax-Xatt tal-Punent u l-Medda ta' Gaża, dwar miżuri ta' liberalizzazzjoni reċiproċi u l-bdil tal-Protokolli 1 u 2 mal-Ftehim ta' Assoċjazzjoni Temporanju KE-Awtorità Palestinjana
Deċiżjoni tal-Kunsill tat- 22 ta' Diċembru 2004 dwar il-konklużjoni tal-Ftehim fl-għamla ta' Skambju ta' Ittri bejn il-Komunità Ewropea u l-Organizzazzjoni għall-Ħelsien tal-Palestina (PLO) f'isem l-Awtorità Palestinjana tax-Xatt tal-Punent u l-Medda ta' Gaża, dwar miżuri ta' liberalizzazzjoni reċiproċi u l-bdil tal-Protokolli 1 u 2 mal-Ftehim ta' Assoċjazzjoni Temporanju KE-Awtorità Palestinjana
ĠU L 2, 5.1.2005, p. 4–11
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 159M, 13.6.2006, p. 1–8
(MT)
|
13.6.2006 |
MT |
Il-Ġurnal Uffiċjali ta’ l-Unjoni Ewropea |
1 |
DEĊIŻJONI TAL-KUNSILL
tat-22 ta' Diċembru 2004
dwar il-konklużjoni tal-Ftehim fl-għamla ta' Skambju ta' Ittri bejn il-Komunità Ewropea u l-Organizzazzjoni għall-Ħelsien tal-Palestina (PLO) f'isem l-Awtorità Palestinjana tax-Xatt tal-Punent u l-Medda ta' Gaża, dwar miżuri ta' liberalizzazzjoni reċiproċi u l-bdil tal-Protokolli 1 u 2 mal-Ftehim ta' Assoċjazzjoni Temporanju KE-Awtorità Palestinjana
(2005/4/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133, flimkien ma' l-ewwel sentenza ta' l-Artikolu 300(2), tiegħu,
Wara li kkunsidra l-proposta mill-Kummissjoni,
Billi:
|
(1) |
L-Artikolu 12 tal-Ftehim ta' Assoċjazzjoni Temporanju Ewro-Mediterranju dwar il-kummerċ u l-kooperazzjoni bejn il-Komunità Ewropea, fuq naħa waħda, u l-Organizzazzjoni għall-Ħelsien tal-Palestina, li qed tirrappreżenta lill-Awtorità Palestinjana tax-Xatt tal-Punent u l-Medda ta' Gaża (minn issa 'l quddiem “l-Awtorità Palestinjana”), fuq in-naħa l-oħra (1) (minn issa 'l quddiem “il-Ftehim ta' Assoċjazzjoni Temporanju”) fis-seħħ sa mill-1 ta' Lulju 1997, jiddikjara li l-Komunità u l-Awtorità Palestinjana għandhom jistabbilixxu b'mod progressiv liberalizzazzjoni akbar ta', fost l-oħrajn, il-kummerċ tagħhom fi prodotti agrikoli. Barra minn hekk l-Artikolu 14 jistipula li, mill-1 ta' Jannar 1999, il-Komunità u l-Awtorità Palestinjana għandhom jiflu s-sitwazzjoni sabiex jistabbilixxu l-miżuri ta' liberalizzazzjoni li, skond l-għan previst fl-imsemmi Artikolu 12, għandhom jiġu applikati mill-Komunità u l-Awtorità Palestinjana mill-1 ta' Jannar 2000. |
|
(2) |
Il-Kummissjoni, f'isem il-Komunità, innegozjat Ftehim fl-għamla ta' Skambju ta' Ittri bil-ħsieb li jinbidlu l-Protokolli 1 u 2 mal-Ftehim ta' Assoċjazzjoni Temporanju. |
|
(3) |
Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' l-implimentazzjoni konferiti fuq il-Kummissjoni (2). |
IDDEĊIEDA KIF ĠEJ:
Artikolu 1
Il-Ftehim fl-għamla ta' Skambju ta' Ittri bejn il-Komunità Ewropea u l-Organizzazzjoni għall-Ħelsien tal-Palestina (PLO) f' isem l-Awtorità Palestinjana tax-Xatt tal-Punent u l-Medda ta' Gaża, dwar miżuri ta' liberalizzazzjoni reċiproka u l-bdil tal-Protokolli 1 u 2 mal-Ftehim ta' Assoċjazzjoni Temporanju bejn il-Komunità Ewropea u l-Organizzazzjoni għall-Ħelsien tal-Palestina, qiegħed hawn jiġi approvat f'isem il-Komunità.
It-test tal-Ftehim jinsab mehmuż ma' din id-Deċiżjoni.
Artikolu 2
L-miżuri ta' implimentazzjoni meħtieġa għall-Protokolli 1 u 2 qed jiġu adottati skond il-proċedura prevista fl-Artikolu 3.
Artikolu 3
1. Il-Kummissjoni għandha tkun assistita mill-kumitati stabbiliti bis-saħħa tad-dispożizzjonijiet korrispondenti tar-regolamenti dwar l-organizzazzjoni komuni tas-swieq jew mill-Kumitat tal-Kodiċi Doganali stabbilit bl-Artikolu 248a tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (3).
2. Fejn issir referenza għal dan il-paragrafu, għandhom japplikaw l-Artikoli 4 u 7 tad-Deċiżjoni 1999/468/KE.
Il-perjodu stabbilit fl-Artikolu 4(3) tad-Deċiżjoni 1999/468/KE għandu jkun iffissat għal xahar.
3. Il-Kumitati għandhom jadottaw ir-Regoli ta' Proċedura tagħhom.
Artikolu 4
Il-President tal-Kunsill qiegħed hawn jiġi awtorizzat jaħtar il-persuna bis-setgħa li tiffirma l-Ftehim b'mod li jorbot lill-Komunità.
Magħmula fi Brussel, nhar it-22 ta' Diċembru 2004.
Għall-Kunsill
Il-President
C. VEERMAN
(1) ĠU L 187, 16.7.1997, p. 3.
(2) ĠU L 184, 17.7.1999, p. 23.
(3) ĠU L 302, 19.10.1992, p. 1. Regolament kif l-aħħar amendat bir-Regolament (KE) Nru 60/2004 tal-Kummissjoni (ĠU L 9, 15.1.2004, p. 8).
FTEHIM
fl-għamla ta' skambju ta' ittri bejn il-Komunità Ewropea u l-Organizzazzjoni għall-Ħelsien tal-Palestina (PLO) f' isem l-Awtorità Palestinjana tax-xatt tal-punent u l-Medda ta' Gaża, dwar miżuri reċiproċi ta' liberalizzazzjoni u l-bdil tal-Protokolli 1 u 2 MAL-Ftehim ta' Assoċjazzjoni Temporanju ke-Awtorità Palestinjana
A. Ittra mill-Komunità
Sinjur,
Ninsab onorat li qed nirreferi għan-negozjati li seħħu taħt l-Artikolu 12 tal-Ftehim ta' Assoċjazzjoni Temporanju Ewro-Mediterranju li jistabbilixxi assoċjazzjoni bejn il-Komunità Ewropea, fuq naħa waħda, u l-Organizzazzjoni għall-Ħelsien tal-Palestina (PLO), li qed tirrappreżenta lill-Awtorità Palestinjana tax-Xatt tal-Punent u l-Medda ta' Gaża (minn issa 'l quddiem “l-Awtorità Palestinjana”), fuq in-naħa l-oħra (minn issa 'l quddiem “il-Ftehim ta' Assoċjazzjoni Temporanju”), fis-seħħ sa mill-1 ta' Lulju 1997, li jiddikjara li l-Komunità u l-Awtorità Palestinjana għandhom jistabbilixxu b'mod progressiv liberalizzazzjoni akbar, fost l-oħrajn, tal-kummerċ tagħhom fi prodotti agrikoli ta' interess għaż-żewġ partijiet.
Dawn in-negozjati saru skond id-dispożizzjonijiet ta' l-Artikolu 14, li jistipula li, mill-1 ta' Jannar 1999, il-Komunità u l-Awtorità Palestinjana għandhom jiflu s-sitwazzjoni sabiex jistabbilixxu l-miżuri ta' liberalizzazzjoni li jridu jiġu applikati mill-Komunità u l-Awtorità Palestinjana mill-1 ta' Jannar 2000, skond l-għan previst fl-imsemmi Artikolu 12.
Fil-konklużjoni tan-negozjati, iż-żewġ Partijiet qablu fuq dan li ġej:
|
1. |
Il-Protokolli 1 u 2 mal-Ftehim ta' Assoċjazzjoni Temporanju u l-Annessi tagħhom għandhom jinbidlu bil-Protokolli 1 u 2 u l-annessi tagħhom li jidhru fl-Annessi I u II ma' dan l-Iskambju ta' Ittri; |
|
2. |
Il-Ftehim fl-għamla ta' Skambju ta' Ittri bejn il-Komunità u l-Awtorità Palestinjana anness mal-Ftehim ta' Assoċjazzjoni Temporanju, relatat mal-Protokoll 1 u li jirrigwarda l-importazzjoni fil-Komunità ta' fjuri maqtugħin friski u blanzuni tal-fjuri li jaqgħu taħt is-sottotitolu 0603 10 tat-Tariffi Doganali Komuni, huwa permezz ta' dan imħassar; |
|
3. |
Mhux aktar tard mill-2007, il-Komunità u l-Awtorità Palestinjana se jeżaminaw is-sitwazzjoni bil-ħsieb li jiddeterminaw il-miżuri ta' liberalizzazzjoni li jridu jiġu applikati mill-Komunità u l-Awtorità Palestinjana mill-1 ta' Jannar 2008, skond l-għan stabbilit fl-Artikolu 12 tal-Ftehim ta' Assoċjazzjoni Temporanju. |
Id-dispożizzjonijiet ta' dan il-Ftehim fl-għamla ta' skambju ta' ittri għandhom ikunu applikabbli mill-1 ta' Jannar 2005.
Inkun grat jekk tkun tista tinfurmani bil-qbil tal-Gvern tiegħek ma' dan li jidher hawn fuq.
Għoddni tiegħek,
F'isem il-Kunsill ta' l-Unjoni Ewropea
B. Ittra mill-Awtorità Palestinjana
Sinjur,
Ninsab onorat li qed nibgħatlek riċevuta għall-ittra tiegħek bid-data tal-lum, li tgħid dan li ġej:
“Ninsab onorat li qed nirreferi għan-negozjati li seħħu taħt l-Artikolu 12 tal-Ftehim ta' Assoċjazzjoni Temporanju Ewro-Mediterranju bejn il-Komunità Ewropea, fuq naħa waħda, u l-Organizzazzjoni għall-Ħelsien tal-Palestina (PLO), f' isem l-Awtorità Palestinjana tax-Xatt tal-Punent u l-Medda ta' Gaża (minn issa 'l quddiem ‘l-Awtorità Palestinjana’), fuq in-naħa l-oħra (minn issa 'l quddiem ‘il-Ftehim ta' Assoċjazzjoni Temporanju’), fis-seħħ sa mill-1 ta' Lulju 1997, li jiddikjara li l-Komunità u l-Awtorità Palestinjana għandhom jistabbilixxu b'mod progressiv liberalizzazzjoni akbar, fost l-oħrajn, tal-kummerċ tagħhom fi prodotti agrikoli ta' interess għaż-żewġ partijiet.
Dawn in-negozjat saru skond id-dispożizzjonijiet ta' l-Artikolu 14, li jistipola li, mill-1 ta' Jannar 1999, il-Komunità u l-Awtorità Palestinjana għandhom jiflu s-sitwazzjoni sabiex jistabbilixxu l-miżuri ta' liberalizzazzjoni li jridu jiġu applikati mill-Komunità u l-Awtorità Palestinjana mill-1 ta' Jannar 2000, skond l-għan previst fl-imsemmi Artikolu 12.
Fil-konklużjoni tan-negozjati, iż-żewġ Partijiet qablu fuq dan li ġej:
|
1. |
Il-Protokolli 1 u 2 mal-Ftehim ta' Assoċjazzjoni Temporanju u l-Annessi tagħhom għandhom jinbidlu bil-Protokolli 1 u 2 u l-annessi tagħhom li jidhru fl-Annessi I u II ma' dan l-Iskambju ta' Ittri. |
|
2. |
Il-Ftehim fl-għamla ta' Skambju ta' Ittri bejn il-Komunità u l-Awtorità Palestinjana anness mal-Ftehim ta' Assoċjazzjoni Temporanju, relatat mal-Protokoll 1 u li jikkonċerna l-importazzjoni fil-Komunità ta' fjuri maqtugħin friski u blanzuni tal-fjuri li jaqgħu taħt is-subtitolu 0603 10 tat-Tariffi Doganali Komuni, huwa permezz ta' dan imħassar; |
|
3. |
Mhux aktar tard mill-2007, il-Komunità u l-Awtorità Palestinjana se jeżaminaw is-sitwazzjoni bil-ħsieb li jiddeterminaw il-miżuri ta' liberalizzazzjoni li jridu jiġu applikati mill-Komunità u l-Awtorità Palestinjana mill-1 ta' Jannar 2008, skond l-għan stabbilit fl-Artikolu 12 tal-Ftehim ta' Assoċjazzjoni Temporanju. |
Id-dispożizzjonijiet ta' dan il-Ftehim fl-għamla ta' skambju ta' ittri għandhom ikunu applikabbli mill-1 ta' Jannar 2005.
Inkun grat jekk tkun tista tinfurmani bil-qbil tal-Gvern tiegħek ma' dan li jidher hawn fuq.”
Nista' ninfurmak bil-qbil ta' l-Awtorità Palestinjana mal-kontenut ta' din l-ittra.
Għoddni tiegħek,
Għall-Awtorità Palestinjana
ANNESS I
PROTOKOLL NRU 1
dwar l-arranġamenti applikabbli għall-importazzjoni fil-Komunità ta' prodotti agrikoli li joriġinaw fix-Xatt tal-Punent u l-Medda ta' Gaża
|
1. |
Il-prodotti elenkati fl-Anness, li joriġinaw fix-Xatt tal-Punent u l-Medda ta' Gaża għandhom jitħallew jiġu importati fil-Komunità, skond il-kundizzjonijiet inklużi minn hawn 'il quddiem u fl-Anness.
|
|
2. |
Għal ċerti prodotti, l-eżenzjoni mid-dazji doganali tingħata fil-kwantitajiet tal-kwadru ta' referenza kif indikati fil-kolonna “d”. Jekk il-volum ta' importazzjoni ta' wieħed minn dawn il-prodotti jaqbeż il-kwantità ta' referenza, il-Komunità, wara li tikkonsidra eżami annwali tal-flussi kummerċjali li hi għandha twettaq, tista' tagħmel il-prodott in kwistjoni suġġett għal kwota tariffarja Komunitarja, li l-volum tagħha għandu jkun ugwali għall-kwantità ta' referenza. F'dak il-każ, għall-kwantitajiet importati li jaqbżu l-kwota, id-dazju doganali komuni jiġi, skond il-prodott konċernat, applikat b'mod sħiħ jew imnaqqas għall-livell indikat fil-kolonna “ċ”. |
|
3. |
Għall-ewwel sena ta' applikazzjoni, il-volumi tal-kwoti tariffarji u l-kwantitajiet ta' referenza għandhom jiġu kkalkulati bħala pro rata tal-volumi bażiċi, b'kunsiderazzjoni tal-parti mill-perjodu li tkun skadiet qabel id-data tad-dħul fis-seħħ ta' dan il-ftehim. |
|
4. |
Għal xi prodotti elenkati fl-Anness, il-volum tal-kwota tariffarja jiżdied bid-doppju tal-kwantita prevista fil-kolonna “e”. L-ewwel żieda isseħħ fid-data li fiha kull kwota tariffarja tingħata għat-tieni darba. |
ANNESS MAL-PROTOKOLL NRU 1
|
Kodiċi NM (1) |
Deskrizzjoni (2) |
Tnaqqis tad-dazju doganali MFN (%) (3) |
Kwoti tariffarji (t, sakemm mhux indikat mod ieħor) |
Tnaqqis tad-dazji doganali MFN 'il hinn mill-kwota tariffarja attwali jew possibbli (%) (3) |
Kwantità ta' referenza (t, sakemm mhux indikat mod ieħor) |
Disposiz-zjonijiet speċifiċi |
|
a |
b |
ċ |
d |
e |
||
|
0409 00 00 |
Għasel naturali |
100 |
500 |
0 |
|
punt 4 - żieda annwali ta' 250 t |
|
ex 0603 10 |
Fjuri maqtugħin u blanzuni tal-fjuri, friski |
100 |
2 000 |
0 |
|
punt 4 - żieda annwali ta' 250 t |
|
0702 00 00 |
Tadam, frisk jew imkessaħ, mill-1 ta' Diċembru sal-31 ta' Marzu |
100 |
|
60 |
2 000 |
|
|
ex 0703 10 |
Basal, frisk jew imkessaħ, mill-15 ta' Frar sal-15 ta' Mejju |
100 |
|
60 |
|
|
|
0709 30 00 |
Brunġiel, frisk jew imkessaħ, mill-15 ta' Jannar sat-30 ta' April |
100 |
|
60 |
3 000 |
|
|
ex 0709 60 |
Frott tal-ġeneru Capsicum jew tal-ġeneru Pimenta, frisk jew imkessaħ: |
|
|
|
|
|
|
0709 60 10 |
Bżar ħelu |
100 |
|
40 |
1 000 |
|
|
0709 60 99 |
Oħrajn |
100 |
|
80 |
|
|
|
0709 90 70 |
Qara bagħli, friski jew imkessħin, mill-1 ta' Diċembru sa l-aħħar ta' Frar |
100 |
|
60 |
300 |
|
|
ex 0709 90 90 |
Basal salvaġġ ta' l-ispeċi Muscari comosum, frisk jew imkessaħ, mill-15 ta' Frar sal-15 ta' Mejju |
100 |
|
60 |
|
|
|
0710 80 59 |
Frott tal-ġeneru Capsicum jew Pimenta, għajr għall-bżar ħelu, nej jew imsajjar permezz tal-fwar jew togħllija fl-ilma, iffriżat |
100 |
|
80 |
|
|
|
0711 90 10 |
Frott tal-ġeneru Capsicum jew Pimenta, għajr għall-bżar ħelu, ippriżervat b'mod proviżorju iżda mhux adattat għall-konsum immedjat f'dak l-istat |
100 |
|
80 |
|
|
|
0712 31 00 0712 32 00 0712 33 00 0712 39 00 |
Faqqiegħ, wood ears (Auricularia spp.), jelly fungi (Tremella spp.) u tartuf, imnixxfin |
100 |
500 |
0 |
|
|
|
ex 0805 10 |
Larinġ, frisk |
100 |
|
60 |
25 000 |
|
|
ex 0805 20 |
Mandolin (inklużi tanġerini u satsumi); klementini, wilkings u razez imħallta taċ-ċitru simili, friski |
100 |
|
60 |
500 |
|
|
0805 40 00 |
Grejpfrut |
100 |
|
80 |
|
|
|
ex 0805 50 10 |
Lumi (Citrus limon, Citrus limonum), frisk |
100 |
|
40 |
800 |
|
|
0806 10 10 |
Għeneb frisk għall-ikel, mill-1 ta' Frar sa l-14 ta' Lulju |
100 |
1 000 |
0 |
|
punt 4 - żieda annwali ta' 500 t |
|
0807 19 00 |
Bettiegħ (eskluż id-dulliegħ), frisk, mill-1 ta' Novembru sal-31 ta' Mejju |
100 |
|
50 |
10 000 |
|
|
0810 10 00 |
Frawli frisk, mill-1 ta' Novembru sal-31 ta' Marzu |
100 |
2 000 |
0 |
|
punt 4 - żieda annwali ta' 500 t |
|
0812 90 20 |
Larinġ, ippriservat b'mod proviżorju, iżda mhux adattat għall-konsum immedjat f'dak l-istat |
100 |
|
80 |
|
|
|
0904 20 30 |
Frott tal-ġeneru Capsicum jew tal-ġeneru Pimenta, għajr għall-bżar ħelu, imnixxef, la misħuq u lanqas mitħun |
100 |
|
80 |
|
|
|
1509 10 |
Żejt verġni taż-żebbuġa |
100 |
2 000 |
0 |
|
punt 4 - żieda annwali ta' 500 t |
|
2001 90 20 |
Frott tal-ġeneru Capsicum, għajr għall-bżar ħelu jew piment, ippreparat jew ippriservat bil-ħall jew bl-aċidu aċetiku |
100 |
|
80 |
|
|
|
2005 90 10 |
Frott tal-ġeneru Capsicum, għajr għall-bżar ħelu jew piment, ippreparat jew ippriservat b'mod ieħor milli bil-ħall jew bl-aċidu aċetiku, mhux iffriżat |
100 |
|
80 |
|
|
(1) Kodiċi NM li jikkorrispondu mar-Regolament (KE) Nru 1789/2003 (ĠU L 281, 30.10.2003, p. 1).
(2) Mingħajr preġudizzju għar-regoli dwar l-interpretazzjoni tan-nomenklatura magħquda, id-deskrizzjoni tal-prodotti hija meqjusa bħala waħda indikattiva biss, bl-iskema preferenzjali tiġi ddeterminata, għall-għanijiet ta' dan l-Anness, permezz tal-kopertura tal-kodiċi NM. Fejn kodiċi ex NM huma indikati, l-iskema preferenzjali trid tkun iddeterminata bl-applikazzjoni tal-kodiċi NM u d-deskrizzjoni korrispondenti meħudin flimkien.
(3) It-tnaqqis tad-dazju japplika biss għal dazji doganali ad valorem. Madanakollu, għall-prodott taħt il-kodiċi 1509 10, it-tnaqqis tad-dazju japplika għad-dazju speċifiku.
ANNESS II
PROTOKOLL NRU 2
dwar l-arranġamenti applikabbli għall-importazzjoni fix-Xatt tal-Punent u l-Medda ta' Gaża ta' prodotti agrikoli li joriġinaw fil-Komunità
|
1. |
Il-prodotti elenkati fl-Anness, li joriġinaw fil-Komunità għandhom jitħallew jiġu importati fix-Xatt tal-Punent u l-Medda ta' Gaża, skond il-kondizzjonijiet inklużi minn hawn 'il quddiem u fl-Anness. |
|
2. |
Id-dazji ta' l-importazzjoni fuq prodotti importati jew jitneħħew inkella jitnaqqsu sal-livell indikat fil-kolonna “a”, fil-limitu tal-kwota tariffarja annwali mniżżla fil-kolonna “b”, u suġġetti għad-disposizzjonijiet speċifiċi indikati fil-kolonna “ċ”. |
|
3. |
Għall-kwantitajiet importati li jaqbżu l-kwoti tariffarji, id-dazji doganali ġenerali applikati għal terzi pajjiżi għandhom japplikaw, suġġetti għad-disposizzjonijiet speċifiċi indikati fil-kolonna “ċ”. |
|
4. |
Għall-ewwel sena ta' applikazzjoni, il-volumi tal-kwoti tariffarji u l-kwantitajiet ta' referenza għandhom jiġu kalkolati bħala pro rata tal-volumi bażiċi, b'kunsiderazzjoni tal-parti mill-perjodu li tkun skadiet qabel id-data tad-dħul fis-seħħ ta' dan il-protokoll. |
ANNESS MAL-PROTOKOLL NRU 2
|
Kodiċi NM |
Deskrizzjoni |
Dazju (%) |
Kwoti tariffarjiet sakemm mhux indikat mod ieħor |
Disposiz-zjonijiet speċifiċi |
|
a |
b |
ċ |
||
|
0102 90 71 |
Annimali bovini ħajjin, ta' piż li ma jaqbiżx it-300 kg, għall-qatla, għajr għoġla u baqar |
0 |
300 |
|
|
0202 30 90 |
Laħam ta' annimali bovini, bla għadam esklużi l-partjiet ta' quddiem, partijiet imsejħa “kompensati”, il-ħawsla, qatgħat mill-għonq sal-kustilji, mill-ispalla u mis-sidra, iffriżat |
0 |
200 |
|
|
0206 22 00 |
Fwied tajjeb għall-ikel ta' annimali bovini ffriżat |
0 |
100 |
|
|
0406 |
Ġobon u baqta |
0 |
200 |
|
|
0407 00 19 |
Bajd tat-tjur ta' l-irziezet għat-tfaqqis, għajr dawk tad-dundjani jew wiżż |
0 |
120 000 biċċa |
|
|
1101 00 15 |
Tqiq tal-qamħ komuni u spelt |
0 |
13 000 |
|
|
2309 90 99 |
Preparazzjonijiet oħrajn tat-tip użati fl-għalf ta' l-annimali |
2 |
100 |
|