EUR-Lex Access to European Union law
This document is an excerpt from the EUR-Lex website
Document C:2023:285:FULL
Official Journal of the European Union, C 285, 14 August 2023
Il-Ġurnal Uffiċjali tal-Unjoni Ewropea, C 285, 14 ta' Awwissu 2023
Il-Ġurnal Uffiċjali tal-Unjoni Ewropea, C 285, 14 ta' Awwissu 2023
ISSN 1977-0987 |
||
Il-Ġurnal Uffiċjali tal-Unjoni Ewropea |
C 285 |
|
Edizzjoni bil-Malti |
Informazzjoni u Avviżi |
Volum 66 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2023/C 285/01 |
Ebda oppożizzjoni għal konċentrazzjoni notifikata (Il-Każ M.11200 — MSI / VALORIZA) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2023/C 285/02 |
||
2023/C 285/03 |
Opinjoni tal-KUMITAT KONSULTATTIV dwar il-FUŻJONIJIET at fil-laqgħa tieġgu fit-3 Mejju 2023 dwar abbozz ta’ deċiżjoni fil-każ M.10646 – MICROSOFT/ACTIVISION BLIZZARD — Relatur: IR-RUMANIJA ( 1 ) |
|
2023/C 285/04 |
Rapport Finali tal-Uffiċjal tas-Seduta — Il-Każ M.10646 – Microsoft / Activision Blizzard ( 1 ) |
|
2023/C 285/05 |
Sommarju tad-Deċiżjoni tal-Kummissjoni tal-15 ta’ Mejju 2023 li tiddikjara konċentrazzjoni kompatibbli mas-suq intern u mal-funzjonament tal-Ftehim ŻEE (Il-Każ M.10646 – MICROSOFT / ACTIVISION BLIZZARD) (notifikat skont in-numru ta’ dokument C(2023)3139 ( 1 ) |
|
|
INFORMAZZJONI MILL-ISTATI MEMBRI |
|
2023/C 285/06 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2023/C 285/07 |
Avviż minn qabel ta’ konċentrazzjoni (Il-Każ M.11187 - MITSUI / CELANESE / NUTRINOVA JV) — Każ li jista’ jiġi kkunsidrat għal proċedura ssimplifikata ( 1 ) |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
14.8.2023 |
MT |
Il-Ġurnal Uffiċjali tal-Unjoni Ewropea |
C 285/1 |
Ebda oppożizzjoni għal konċentrazzjoni notifikata
(Il-Każ M.11200 — MSI / VALORIZA)
(Test b'rilevanza għaż-ŻEE)
(2023/C 285/01)
Fit-8 ta’ Awwissu 2023, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (https://competition-cases.ec.europa.eu/search). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32023M11200. Il-EUR-Lex hu l-aċċess fuq l-internet għal-liġi tal-Unjoni Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
14.8.2023 |
MT |
Il-Ġurnal Uffiċjali tal-Unjoni Ewropea |
C 285/2 |
Rata tal-kambju tal-euro (1)
Il-11 ta' Awwissu 2023
(2023/C 285/02)
1 euro =
|
Munita |
Rata tal-kambju |
USD |
Dollaru Amerikan |
1,1004 |
JPY |
Yen Ġappuniż |
158,97 |
DKK |
Krona Daniża |
7,4510 |
GBP |
Lira Sterlina |
0,86415 |
SEK |
Krona Żvediża |
11,8075 |
CHF |
Frank Żvizzeru |
0,9617 |
ISK |
Krona Iżlandiża |
144,70 |
NOK |
Krona Norveġiża |
11,4225 |
BGN |
Lev Bulgaru |
1,9558 |
CZK |
Krona Ċeka |
24,103 |
HUF |
Forint Ungeriż |
382,80 |
PLN |
Zloty Pollakk |
4,4368 |
RON |
Leu Rumen |
4,9407 |
TRY |
Lira Turka |
29,7632 |
AUD |
Dollaru Awstraljan |
1,6850 |
CAD |
Dollaru Kanadiż |
1,4791 |
HKD |
Dollaru ta’ Hong Kong |
8,6007 |
NZD |
Dollaru tan-New Zealand |
1,8299 |
SGD |
Dollaru tas-Singapor |
1,4850 |
KRW |
Won tal-Korea t’Isfel |
1 459,31 |
ZAR |
Rand ta’ l-Afrika t’Isfel |
20,7138 |
CNY |
Yuan ren-min-bi Ċiniż |
7,9584 |
IDR |
Rupiah Indoneżjan |
16 811,91 |
MYR |
Ringgit Malażjan |
5,0475 |
PHP |
Peso Filippin |
62,175 |
RUB |
Rouble Russu |
|
THB |
Baht Tajlandiż |
38,547 |
BRL |
Real Brażiljan |
5,3656 |
MXN |
Peso Messikan |
18,7092 |
INR |
Rupi Indjan |
91,0970 |
(1) Sors: rata tal-kambju ta' referenza ppubblikata mill-Bank Ċentrali Ewropew.
14.8.2023 |
MT |
Il-Ġurnal Uffiċjali tal-Unjoni Ewropea |
C 285/3 |
Opinjoni tal-KUMITAT KONSULTATTIV dwar il-FUŻJONIJIET at fil-laqgħa tieġgu fit-3 Mejju 2023 dwar abbozz ta’ deċiżjoni fil-każ M.10646 – MICROSOFT/ACTIVISION BLIZZARD
Relatur: IR-RUMANIJA
(Test b'rilevanza għaż-ŻEE)
(2023/C 285/03)
Konċentrazzjoni
1. |
Il-Kumitat Konsultattiv (15-il Stat Membru) jaqbel mal-Kummissjoni li t-tranżazzjoni notifikata tikkostitwixxi konċentrazzjoni skont it-tifsira tal-Artikolu 3(1)(b) tar-Regolament tal-Kunsill (KE) Nru 139/2004 tal-20.1.2004 dwar il-kontroll tal-konċentrazzjonijiet bejn l-impriżi (ir-“Regolament dwar l-Għaqdiet”) (1). |
Definizzjoni tas-suq
Definizzjoni tas-suq tal-prodotti
2. |
|
Definizzjoni tas-suq ġeografiku
3. |
|
Valutazzjoni kompetittiva
4. |
Il-Kumitat Konsultattiv (15-il Stat Membru) jaqbel mal-valutazzjoni tal-Kummissjoni li t-tranżazzjoni notifikata x’aktarx ma timpedixxix b’mod sinifikanti l-kompetizzjoni effettiva, bħala riżultat ta’ effetti orizzontali mhux koordinati li jirriżultaw mill-kombinament tal-attivitajiet ta’ Microsoft u ta’ Activision Blizzard. |
5. |
Il-Kumitat Konsultattiv (15-il Stat Membru) jaqbel mal-valutazzjoni tal-Kummissjoni li t-tranżazzjoni notifikata x’aktarx ma timpedixxix b’mod sinifikanti l-kompetizzjoni effettiva bħala riżultat ta’ effetti vertikali mhux koordinati li jirriżultaw mill-esklużjoni mmirata ta’ distributuri rivali ta’ logħob vidjo tal-consoles bħala riżultat tal-istrateġija mmirata tal-entità fuża ta’ esklużjoni totali jew parzjali tal-input billi tillimita jew tiddegrada l-aċċess għal-logħob vidjo tal-isparar AAA tal-consoles ta’ Activision Blizzard. |
6. |
Il-Kumitat Konsultattiv (15-il Stat Membru) jaqbel mal-valutazzjoni tal-Kummissjoni li t-tranżazzjoni notifikata x’aktarx timpedixxi b’mod sinifikanti l-kompetizzjoni effettiva bħala riżultat ta’ effetti vertikali mhux koordinati li jirriżultaw mill-esklużjoni mmirata tal-input ta’ distributuri rivali ta’ logħob vidjo tal-consoles jew tal-PCs li joffru servizzi tal-istreaming ta’ logħob tal-cloud bħala riżultat tal-fatt li l-entità fuża teskludi l-forniment tal-logħob tal-consoles u tal-PCs ta’ Activision Blizzard. |
7. |
Il-Kumitat Konsultattiv (15-il Stat Membru) jaqbel mal-valutazzjoni tal-Kummissjoni li t-tranżazzjoni notifikata x’aktarx timpedixxi b’mod sinifikanti l-kompetizzjoni effettiva fis-suq għall-forniment tal-PC OS bħala riżultat tal-effetti ta’ konglomerat li jirriżultaw mill-irbit tal-logħob ta’ Activision Blizzard u tad-distribuzzjoni ta’ logħob minn Microsoft permezz ta’ servizzi tal-istreaming ta’ logħob tal-cloud mal-Windows OS. |
Impenji
8. |
Il-Kumitat Konsultattiv (12-il Stat Membru) jaqbel mal-konklużjoni tal-Kummissjoni li l-Liċenzja tal-Konsumatur u l-Liċenzja tal-Fornituri tal-Istreaming offruti mill-Parti Notifikanti fl-20 ta’ April 2023 ineħħu t-tħassib dwar (i) l-esklużjoni tal-input ta’ fornituri ta’ distributuri rivali ta’ logħob vidjo tal-consoles jew tal-PCs li joffru servizzi tal-istreaming ta’ logħob tal-cloud bħala riżultat tal-esklużjoni mill-entità fuża tal-forniment ta’ logħob tal-consoles u tal-PCs ta’ Activision Blizzard u (ii) l-effetti ta’ konglomerat li jirriżultaw mill-irbit tal-logħob ta’ Activision Blizzard u tad-distribuzzjoni ta’ logħob minn Microsoft permezz ta’ servizzi tal-istreaming ta’ logħob tal-cloud Windows OS. Ma jaqbilx Stat Membru wieħed. Jastjenu żewġ Stati Membri. |
9. |
Il-Kumitat Konsultattiv (12-il Stat Membru) jaqbel mal-Kummissjoni li, soġġett għall-konformità sħiħa mal-impenjji finali offruti mill-Parti Notifikanti fl-20 ta’ April 2023, it-tranżazzjoni notifikata x’aktarx ma timpedixxix b’mod sinifikanti l-kompetizzjoni effettiva fis-suq intern jew f’parti sostanzjali minnu. Ma jaqbilx Stat Membru wieħed. Jastjenu żewġ Stati Membri. |
Il-kompatibbiltà mas-suq intern u l-Ftehim dwar iż-Żona Ekonomika Ewropea
10. |
Il-Kumitat Konsultattiv (12-il Stat Membru) jaqbel mal-Kummissjoni li l-konċentrazzjoni notifikata trid għalhekk tiġi ddikjarata kompatibbli mas-suq intern u mal-Ftehim dwar iż-Żona Ekonomika Ewropea (2) f’konformità mal-Artikolu 2(2) u 8(2) tar-Regolament dwar l-Għaqdiet u l-Artikolu 57 tal-Ftehim dwar iż-Żona Ekonomika Ewropea. Ma jaqbilx Stat Membru wieħed. Jastjenu żewġ Stati Membri. |
14.8.2023 |
MT |
Il-Ġurnal Uffiċjali tal-Unjoni Ewropea |
C 285/5 |
Rapport Finali tal-Uffiċjal tas-Seduta (1)
Il-Każ M.10646 – Microsoft / Activision Blizzard
(Test b'rilevanza għaż-ŻEE)
(2023/C 285/04)
1. INTRODUZZJONI
1. |
Fit-30 ta’ Settembru 2022, il-Kummissjoni rċeviet notifika ta’ konċentrazzjoni proposta li permezz tagħha Microsoft Corporation (“Microsoft”, jew il- “Parti Notifikanti”) biħsiebha takkwista, skont it-tifsira tal-Artikolu 3(1)(b) tar-Regolament dwar l-Għaqdiet (2), il-kontroll esklużiv fuq Activision Blizzard, Inc. (“Activision Blizzard”) (it- “Tranżazzjoni Proposta”). Għall-finijiet ta’ dan ir-rapport interim, Microsoft u Activision Blizzard huma flimkien imsejħa il-“Partijiet”. |
2. PROĊEDURA
2.1. Deċiżjoni skont l-Artikolu 6(1)(c)
2. |
Fit-8 ta’ Novembru 2022, il-Kummissjoni adottat deċiżjoni biex tibda proċedimenti skont l-Artikolu 6(1)(c) tar-Regolament dwar l-Għaqdiet (id-“deċiżjoni skont l-Artikolu 6(1)(c)”), billi l-investigazzjoni tal-ewwel fażi tal-Kummissjoni esprimiet dubji serji dwar il-kompatibbiltà tat-Tranżazzjoni Proposta mas-suq intern. |
3. |
Fl-24 ta’ Novembru 2022, il-Parti Notifikanti ppreżentat ir-rispons tagħha għad-Deċiżjoni skont l-Artikolu 6(1)(c). |
2.2. L-ewwel estensjoni tal-limitu ta’ żmien
4. |
Fit-18 ta’ Novembru 2022, il-Kummissjoni estendiet il-perjodu ta’ żmien ta’ 90 jum fl-Artikolu 10(3), l-ewwel subparagrafu, tar-Regolament dwar l-Għaqdiet għall-adozzjoni ta’ deċiżjoni skont l-Artikolu 8 tar-Regolament dwar l-Għaqdiet fir-rigward tat-Tranżazzjoni Proposta b’10 ijiem ta’ xogħol, skont l-Artikolu 10(3), it-tieni subparagrafu, l-ewwel sentenza, tal-istess regolament. |
2.3. Dikjarazzjoni ta’ oġġezzjonijiet
5. |
Fil-31 ta’ Jannar 2023, il-Kummissjoni adottat dikjarazzjoni ta’ oġġezzjonijiet indirizzata lill-Parti Notifikanti (id-“DO”). Id-DO ġiet innotifikata formalment lill-Parti Notifikanti fl-1 ta’ Frar 2023, wara li ntbagħtet kopja bil-quddiem fil-31 ta’ Jannar 2023. |
2.4. Aċċess għall-fajl
6. |
Il-Parti Notifikanti ngħatat aċċess għall-fajl fl-1 ta’ Frar 2023 permezz ta’ żewġ DVDs. Barra minn hekk, fir-rigward ta’ parti mid-dokumenti fil-fajl, id-Direttorat Ġenerali għall-Kompetizzjoni (“DĠ Kompetizzjoni”) ipprovda aċċess permezz ta’ kamra tad-data, li seħħet bejn t-2 u t-8 ta’ Frar 2023. |
7. |
Permezz tal-ittra tad-19 ta’ Frar 2023 lill-Uffiċjal tas-Seduta, Microsoft ippreżentat talba għal aċċess ulterjuri għall-fajl skont l-Artikolu 7 tad-Deċiżjoni 2011/695/UE (it- “Talba HO”). Microsoft talbet b’mod partikolari li l-konsulenti esterni tagħha jitħallew ikollhom aċċess għal ċerta data kunfidenzjali li l-konsulenti esterni kienu kkonsultaw qabel fil-kamra tad-data, dejjem fuq bażi ta’ rappreżentant estern biss iżda f’forma inqas restrittiva, bħal arranġament ta’ ċirku ta’ kunfidenzjalità. Din it-talba kienet relatata ma’ teorija partikolari ta’ ħsara żviluppata mid-DĠ Kompetizzjoni fid-DO. Madankollu, wara ċerti żviluppi fil-każ, fit-2 ta’ Marzu 2023, il-konsulent ta’ Microsoft qabel li ma kien hemm l-ebda ħtieġa li tittieħed deċiżjoni dwar it-Talba għall-HO f’dak l-istadju. Microsoft sussegwentement irtirat it-Talba għal HO fis-6 ta’ April 2023. |
2.5. Tweġiba għad-DO
8. |
Fl-14 ta’ Frar 2023, il-Parti Notifikanti ppreżentat it-tweġiba tagħha għad-DO, f’konformità mal-iskadenza stabbilita mid-DĠ Kompetizzjoni. Fit-tweġiba tagħha, il-Parti Notifikanti talbet smigħ orali formali. |
2.6. Persuni terzi interessati
9. |
Matul il-proċedimenti, aċċettajt (skont l-Artikolu 5 tad-Deċiżjoni 2011/695/UE) sitt impriżi jew assoċjazzjonijiet ta’ impriżi bħala terzi persuni interessati. |
10. |
It-terzi persuni interessati kollha esprimew l-interess tagħhom li jipparteċipaw f’seduta orali potenzjali f’dan il-każ – u ġew ammessi kif xieraq, skont l-Artikolu 6(2) tad-Deċiżjoni 2011/695/UE, sabiex jesprimu l-fehmiet tagħhom bil-fomm dwar it-Tranżazzjoni Proposta. |
2.7. Seduta orali
11. |
Is-seduta orali formali saret fil-21 ta’ Frar 2023. |
12. |
Id-delegati li jirrappreżentaw il-Partijiet, erba’ terzi persuni interessati, il-Kummissjoni u l-awtorità kompetenti ta’ Stat Membru kienu preżenti fil-kamra. Rappreżentanti addizzjonali tal-Partijiet, l-awtoritajiet kompetenti tal-Istati Membri u l-Kummissjoni u rappreżentanti ta’ ċerti terzi persuni interessati pparteċipaw mill-bogħod. |
2.8. It-tieni estensjoni tal-limitu ta’ żmien
13. |
Fl-1 ta’ Marzu 2023, estensjoni ulterjuri ta’ 10 ijiem tax-xogħol addizzjonali tal-limitu ta’ żmien stabbilit għall-adozzjoni ta’ deċiżjoni skont l-Artikolu 8 tar-Regolament dwar l-Għaqdiet ġiet adottata mill-Kummissjoni bil-qbil tal-Parti Notifikanti, skont l-Artikolu 10(3), it-tieni subparagrafu, it-tielet sentenza, tar-Regolament dwar l-Għaqdiet. |
2.9. Ittra tal-fatti
14. |
Fid-9 ta’ Marzu 2023, il-Kummissjoni adottat ittra tal-fatti (“LoF”), sabiex tinforma lil Microsoft dwar elementi fattwali addizzjonali li kienu għadhom ma ġewx invokati b’mod espliċitu fid-DO u li l-Kummissjoni qieset li huma potenzjalment rilevanti biex tappoġġa xi wħud mill-konklużjonijiet preliminari tagħha fid-DO u tissostanzja d-deċiżjoni finali tagħha. |
15. |
Il-Kummissjoni inizjalment stabbiliet skadenza għal Microsoft biex twieġeb għal-LoF fis-16 ta’ Marzu 2023. B’talba minn Microsoft, id-DĠ Kompetizzjoni sussegwentement estenda din l-iskadenza sal-20 ta’ Marzu 2023. F’dik id-data, Microsoft ippreżentat it-tweġiba tagħha. |
2.10. Impenji
16. |
Fis-16 ta’ Marzu 2023, Microsoft ippreżentat impenji, bil-ħsieb li t-Tranżazzjoni Proposta ssir kompatibbli mas-suq intern u l-funzjonament tal-Ftehim ŻEE, skont l-Artikolu 8(2), it-tieni subparagrafu tar-Regolament dwar l-Għaqdiet (l-“Impenji”). Għaldaqstant, il-limitu ta’ żmien legali għad-deċiżjoni tal-Kummissjoni ġie estiż awtomatikament bi 15-il jum tax-xogħol, skont l-Artikolu 10(3), l-ewwel subparagrafu tar-Regolament dwar l-Għaqdiet. |
17. |
Fis-17 ta’ Marzu 2023, il-Kummissjoni nediet test tas-suq dwar dawn l-Impenji. Il-Kummissjoni infurmat lill-Partijiet dwar ir-riżultati tat-test tas-suq fit-28 ta’ Marzu 2023. |
18. |
Fit-3 ta’ April 2023, wara l-eżitu tat-test tas-suq, Microsoft ippreżentat sett rivedut ta’ impenji. Dawn ġew ittestjati fis-suq fl-4 ta’ April 2023 u l-Kummissjoni infurmat lill-Partijiet dwar ir-riżultati fl-14 ta’ April 2023. |
19. |
Fl-20 ta’ April 2023, Microsoft ippreżentat impenji emendati (l-“Impenji Finali”) li jindirizzaw il-feedback mit-test tas-suq tat-Tieni Impenji. |
2.11. L-abbozz ta’ deċiżjoni
20. |
Fl-abbozz ta’ deċiżjoni, il-Kummissjoni tikkonkludi li l-Impenji Finali jindirizzaw it-tħassib identifikat dwar il-kompetizzjoni u tiddikjara t-Tranżazzjoni Proposta kompatibbli mas-suq intern u l-funzjonament tal-Ftehim ŻEE, skont l-Artikolu 8(2) tar-Regolament dwar l-Għaqdiet. |
21. |
Jien eżaminajt l-abbozz tad-deċiżjoni skont l-Artikolu 16(1) tad-Deċiżjoni 2011/695/UE u kkonkludejt li ma jittratta l-ebda oġġezzjoni li fir-rigward tagħha l-Partijiet ma ngħatawx l-opportunità li jesprimu l-fehmiet tagħhom. |
3. KONKLUŻJONI
22. |
B’mod ġenerali, inqis li l-eżerċizzju effettiv tad-drittijiet proċedurali ġie osservat f’dawn il-proċedimenti. |
Brussell, 3 ta’ Mejju 2023
Eric GIPPINI FOURNIER
(1) Skont l-Artikoli 16 u 17 tad-Deċiżjoni 2011/695/UE tal-President tal-Kummissjoni Ewropea tat-13 ta’ Ottubru 2011 dwar il-funzjoni u t-termini ta’ referenza tal-uffiċjal tas-seduta f’ċerti proċedimenti dwar il-kompetizzjoni, ĠU L 275, 20.10.2011, p. 29 (“id-Deċiżjoni 2011/695/UE”).
(2) Ir-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta' konċentrazzjonijiet bejn impriżi (ir-Regolament tal-KE dwar l-Għaqdiet), ĠU L 24, 29.1.2004, p. 1 (ir-“Regolament dwar l-Għaqdiet”).
14.8.2023 |
MT |
Il-Ġurnal Uffiċjali tal-Unjoni Ewropea |
C 285/8 |
Sommarju tad-Deċiżjoni tal-Kummissjoni
tal-15 ta’ Mejju 2023
li tiddikjara konċentrazzjoni kompatibbli mas-suq intern u mal-funzjonament tal-Ftehim ŻEE
(Il-Każ M.10646 – MICROSOFT / ACTIVISION BLIZZARD)
(notifikat skont in-numru ta’ dokument C(2023)3139
(Il-verżjoni bl-Ingliż biss hija awtentika)
(Test b'rilevanza għaż-ŻEE)
(2023/C 285/05)
Fil-15 ta’ Mejju 2023, il-Kummissjoni adottat Deċiżjoni f’każ ta’ fużjoni skont ir-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi (1) , u b’mod partikolari l-Artikolu 8(2) ta’ dak ir-Regolament. Verżjoni mhux kunfidenzjali tad-Deċiżjoni sħiħa tinsab bl-Ingliż fuq is-sit web tad-Direttorat Ġenerali għall-Kompetizzjoni, fl-indirizz li ġej: http://ec.europa.eu/competition/elojade/isef/index.cfm?clear=1&policy_area_id=2
1. IL-PARTIJIET
(1) |
Microsoft Corporation (“Microsoft” jew “Parti Notifikanti”, l-Istati Uniti) hija kumpanija tat-teknoloġija globali li għandha l-kwartieri ġenerali tagħha f’Redmond, Washington, l-Istati Uniti. Microsoft toffri firxa wiesgħa ta’ prodotti u servizzi lill-klijenti. Rilevanti għat-Tranżazzjoni, Microsoft hija attiva fin-negozju tal-logħob vidjo bħala żviluppatur, pubblikatur u distributur ta’ logħob vidjo għall-consoles tal-logħob, il-kompjuters personali (“PCs”) u l-apparati mobbli. Microsoft timmanifattura u toffri wkoll il-console tal-logħob Xbox u servizzi relatati, inkluż servizz ta’ abbonament għal-logħba msejjaħ Game Pass (disponibbli għall-Xbox u l-PC), u servizzi tal-istreaming ta’ logħob tal-cloud bħala parti mill-verżjoni tal-ogħla livell ta’ Game Pass, Game Pass Ultimate. |
(2) |
Activision Blizzard, Inc. (“Activision Blizzard”, l-Istati Uniti) hija żviluppatur u pubblikatur tal-logħob vidjo bbażata f’Santa Monica, California, l-Istati Uniti. Activision Blizzard tiżviluppa u tippubblika logħob vidjo għal consoles tal-logħob, il-PCs u l-apparati mobbli, inklużi franchises bħal Call of Duty, World of Warcraft, Diablo u Candy Crush. Activision Blizzard topera wkoll vetrina diġitali, Battle.net, għad-distribuzzjoni diġitali tal-logħob tagħha tal-PCs. |
2. PROĊEDURA
(3) |
Fit-30 ta’ Settembru 2022, il-Kummissjoni rċeviet notifika formali skont l-Artikolu 4 tar-Regolament dwar l-Għaqdiet li permezz tagħha Microsoft kellha l-intenzjoni li takkwista l-kontroll esklużiv ta’ Activision Blizzard. |
(4) |
B’deċiżjoni bid-data tat-8 ta’ Novembru 2022, il-Kummissjoni sabet li t-tranżazzjoni proposta qajmet dubji serji fir-rigward tal-kompatibbiltà tagħha mas-suq intern u bdiet proċedimenti skont l-Artikolu 6(1)(c) tar-Regolament dwar l-Għaqdiet. |
(5) |
Fl-20 taż April 2023, il-Parti Notifikanti ppreżentat l-impenji finali (“Impenji Finali”) li jrendu l-konċentrazzjoni kompatibbli mas-suq intern. |
(6) |
Saret konsultazzjoni mal-Istati Membri dwar id-deċiżjoni finali waqt il-laqgħa tal-Kumitat Konsultattiv dwar il-Konċentrazzjonijiet fit-3 ta’ Mejju 2023, li tat opinjoni favorevoli. L-Uffiċjal tas-Seduta ta l-opinjoni favorevoli tiegħu dwar il-proċedimenti fir-rapport tiegħu li ġie ppreżentat fl-istess data. |
3. IL-PRODOTT RILEVANTI U S-SWIEQ ĠEOGRAFIĊI
(7) |
Id-deċiżjoni tidentifika s-swieq rilevanti li ġejjin:
|
4. VALUTAZZJONI KOMPETITTIVA
(8) |
It-Tranżazzjoni tagħti lok għal għadd ta’ relazzjonijiet affettwati orizzontalment, minħabba li s-sehem mis-suq ikkombinat tal-Partijiet jaqbeż l-20 % f’diversi swieq potenzjali meta jitqiesu metriċi disponibbli differenti. |
(9) |
Barra minn hekk, it-Tranżazzjoni toħloq rabtiet vertikali bejn (i) l-iżvilupp tal-logħba u l-attivitajiet ta’ pubblikazzjoni upstream ta’ Activision Blizzard u (ii) l-attivitajiet ta’ distribuzzjoni tal-logħob downstream ta’ Microsoft. Il-Kummissjoni vvalutat: (i) l-esklużjoni potenzjali tal-klijenti għall-iżviluppaturi u l-pubblikaturi ta’ logħob tal-consoles billi jiġi ristrett jew degradat l-aċċess għall-vetrini diġitali tal-consoles ta’ Microsoft; (ii) l-esklużjoni potenzjali tal-input tad-distributuri rivali ta’ Microsoft tal-logħob tal-PCs u tal-consoles permezz ta’ servizzi ta’ abbonament b’ħafna logħob billi jiġi ristrett jew degradat l-aċċess għal-logħob ta’ Activision Blizzard; (iii) l-esklużjoni potenzjali tal-input tad-distributuri rivali ta’ Microsoft ta’ logħob tal-consoles billi jinżamm jew jiġi degradat l-aċċess għal-logħob tal-consoles tal-isparar ta’ Activision Blizzard (AAA); (iv) l-esklużjoni potenzjali tal-input tad-distributuri rivali ta’ Microsoft ta’ logħob tal-consoles jew tal-PCs permezz ta’ servizzi tal-istreaming ta’ logħob tal-cloud, billi jiġi ristrett jew degradat l-aċċess tal-logħob tal-PCs u tal-consoles ta’ Activision Blizzard. |
(10) |
It-Tranżazzjoni tagħti lok ukoll għal relazzjonijiet ta’ konglomerat. B’mod partikolari, il-Kummissjoni vvalutat żewġ relazzjonijiet ta’ konglomerat li jirriżultaw minn rabtiet bejn il-forniment ta’ Microsoft tal-Windows PC OS u l-iżvilupp u l-pubblikazzjoni ta’ logħob vidjo minn Activision Blizzard. |
4.1. L-ebda Tħassib orizzontali
(11) |
Il-Kummissjoni vvalutat l-effetti orizzontali u mhux koordinati possibbli f’għadd ta’ swieq potenzjalment affettwati għall-iżvilupp u l-pubblikazzjoni ta’ ċerti ġeneri tal-logħob (tal-Iparar, tal-Logħob ta’ Rwol, Azzjoni u Advventura, tat-Tlielaq u tat-Titjir) u tipi (logħob AAA biss jew logħob AAA u mhux AAA flimkien) ta’ logħob vidjo tal-consoles u/jew tal-PCs. Il-Kummissjoni vvalutat ukoll l-effetti orizzontali possibbli fis-suq għad-distribuzzjoni tal-logħob vidjo tal-PCs u tal-consoles. |
(12) |
Rigward ir-rabtiet orizzontali fis-suq tal-iżvilupp u l-pubblikazzjoni tal-logħob, l-ishma mis-suq ikkombinati tal-entità fuża skont id-dħul huma inqas minn 20 % fis-suq għall-iżvilupp u l-pubblikazzjoni tal-logħob tal-consoles u tal-PCs. Madankollu, f’segmenti potenzjalment idjaq, l-ishma mis-suq huma ogħla (pereż., [30-40] % fl-iżvilupp globali tal-logħob tal-isparar AAA fuq consoles jew [30-40] % fl-iżvilupp madwar iż-ŻEE ta’ logħob ta’ Logħob ta’ Rwol AAA fuq PCs). Il-Kummissjoni tqis li t-Tranżazzjoni ma tqajjimx tħassib dwar il-kompetizzjoni fir-rigward tas-swieq affettwati orizzontalment, primarjament minħabba li fil-biċċa l-kbira tal-każijiet l-ishma tal-entità fuża huma limitati, u minħabba li hija marġinali ż-żieda fis-sehem li ġabet magħha t-Tranżazzjoni. Għal raġunijiet simili, il-Kummissjoni tqis ukoll li l-ebda tħassib ma jirriżulta mir-rabta orizzontali fid-distribuzzjoni tal-logħob tal-PCs u tal-consoles. |
4.2. Effetti vertikali
4.2.1. L-ebda tħassib dwar l-esklużjoni tal-klijenti
(13) |
Is-sehem mis-suq ta’ Microsoft fis-suq downstream għad-distribuzzjoni tal-logħob tal-consoles huwa ta’ [30-40] % globalment fl-2022. Għalhekk, il-Kummissjoni vvalutat it-tħassib potenzjali dwar l-esklużjoni tal-klijenti li jirriżulta mill-esklużjoni possibbli ta’ żviluppaturi u pubblikaturi rivali ta’ logħob tal-consoles minn aċċess għall-vetrina diġitali speċifika għall-console ta’ Microsoft. Il-Kummissjoni tqis li Microsoft ma jkollha la l-abbiltà u lanqas l-inċentiv li tinvolvi ruħha fi strateġija ta’ esklużjoni tal-klijenti, primarjament minħabba li s-sehem mis-suq tagħha fid-distribuzzjoni tal-logħob tal-consoles huwa relattivament żgħir meta mqabbel ma’ dak ta’ Sony. Għalhekk, Sony u Nintendo jirrappreżentaw alternattiva effettiva għall-iżviluppaturi u l-pubblikaturi ta’ partijiet terzi biex jiddistribwixxu l-logħob tagħhom. Barra minn hekk, wara t-Tranżazzjoni, Microsoft iżżomm l-inċentiv li toffri logħob ta’ partijiet terzi fuq il-console Xbox, biex tiżgura l-attraenza tal-ħanut tal-logħob tagħha għall-gamers. |
4.2.2. L-ebda tħassib ta’ esklużjoni tal-input fir-rigward ta’ distributuri rivali ta’ logħob tal-PCs permezz ta’ servizzi ta’ abbonament b’ħafna logħob
(14) |
Il-Kummissjoni vvalutat jekk Microsoft jkollhiex l-abbiltà u l-inċentiv li teskludi distributuri kompetituri ta’ logħob vidjo tal-PCs li joffru servizzi ta’ abbonament b’ħafna logħob billi tinkludi l-logħob ta’ Activision Blizzard fis-servizz ta’ abbonament tagħha stess u tipprojbixxihom minn servizzi ta’ abbonament ta’ partijiet terzi. Il-Kummissjoni tqis li t-Tranżazzjoni ma tqajjimx tħassib f’dan ir-rigward, minħabba li Activision Blizzard ma tilliċenzja l-logħob vidjo tagħha tal-PCs lill-ebda servizz ta’ abbonament b’ħafna logħob, u l-Kummissjoni ma sabitx evidenza li kienet se tibda tagħmel dan fin-nuqqas tat-Tranżazzjoni. |
4.2.3. Tħassib dwar l-esklużjoni tal-input fir-rigward tad-distributuri rivali ta’ logħob tal-consoles ta’ Microsoft
(15) |
Il-Kummissjoni vvalutat ir-riskju ta’ esklużjoni mmirata tal-input ta’ distributuri rivali fis-suq downstream għad-distribuzzjoni ta’ logħob tal-consoles permezz ta’ aċċess ristrett għal-logħob tal-isparar tal-consoles ta’ Activision Blizzard (AAA). Il-Kummissjoni tqis li t-Tranżazzjoni ma tqajjimx tħassib f’dan ir-rigward, għar-raġunijiet li ġejjin. |
(16) |
L-ewwel nett, il-Kummissjoni ssib li Microsoft x’aktarx ma jkollhiex l-abbiltà li tinvolvi ruħha fi strateġija mmirata ta’ esklużjoni totali jew parzjali tal-input fir-rigward ta’ distributuri rivali ta’ logħob tal-consoles. |
(17) |
L-ewwel nett, il-Kummissjoni sabet li l-logħob tal-console tal-ġeneru tal-isparar u speċifikament il-logħob tal-isparar AAA tal-consoles ta’ Activision Blizzard huwa input importanti għad-distributuri ta’ logħob tal-consoles. Huma jattiraw porzjon sinifikanti ta’ utenti u jirrappreżentaw sehem sinifikanti tal-ħin milgħub fuq il-consoles tal-Xbox u PlayStation u għalhekk għandhom impatt fuq l-għażla ta’ console tal-konsumaturi. Il-franchise tal-isparar AAA Call of Duty ta’ Activision Blizzard huwa meqjus b’mod ġenerali bħala wieħed mill-aktar franchises, jew anki l-aktar wieħed, ta’ suċċess fl-industrija tal-logħob vidjo minħabba l-lonġevità, il-profittabbiltà u l-frekwenza ta’ rilaxxi tiegħu ta’ titoli ġodda. Barra minn hekk, il-logħob tal-consoles ta’ Activision Blizzard u partikolarment Call of Duty huma sors importanti ta’ dħul tal-PlayStation. It-tieni, il-Kummissjoni sabet li l-entità fuża għandha saħħa fis-suq fis-suq upstream għall-iżvilupp u l-pubblikazzjoni ta’ logħob tal-isparar AAA (inkluż battle royale) għal-logħob tal-consoles minħabba ishma mis-suq sinifikanti bi dħul li qabeż it-30 % fuq bażi globali fl-aħħar tliet snin kalendarji. |
(18) |
Madankollu, il-Kummissjoni qieset li Sony x’aktarx ikollha kontrostrateġiji effettivi u f’waqthom li tista’ tuża sabiex tirreaġixxi għal strateġiji ta’ esklużjoni potenzjali. Sony hija distributur integrat vertikalment ta’ logħob tal-consoles, li tiżviluppa u tippubblika logħob AAA popolari tal-consoles fl-istudjos għall-iżvilupp tal-logħba tagħha stess, li jiżgura l-attraenza ġenerali tal-PlayStation ta’ Sony. Barra minn hekk, Sony hija d-distributur ewlieni ta’ logħob tal-consolesb’sehem mis-suq globali kbir ħafna u partikolarment fiż-ŻEE. Fuq il-bażi tal-pożizzjoni b’saħħitha tagħha fid-distribuzzjoni ta’ logħob tal-consoles, Sony setgħet, kif diġà għamlet fil-passat, tinnegozja ftehimiet ta’ esklużività ma’ żviluppaturi oħra ta’ logħob AAA popolari tal-consoles. |
(19) |
It-tieni, il-Kummissjoni ssib li Microsoft x’aktarx ma jkollhiex l-inċentiv li tinvolvi ruħha fi strateġija mmirata ta’ esklużjoni totali jew parzjali tal-input fir-rigward ta’ distributuri rivali ta’ logħob tal-consoles. L-analiżi kwantitattiva tal-Kummissjoni wriet li r-rata ta’ bdil f’każ ta’ esklużjoni totali tal-input tkun baxxa wisq biex tpatti għat-telf probabbli ta’ tali strateġija. Għalhekk, ir-restrizzjoni jew id-degradazzjoni tal-aċċess ta’ Sony għal-logħob tal-consoles ta’ Activision Blizzard x’aktarx ma jkunux profittabbli għal Microsoft minħabba li t-telf ta’ Microsoft li jirriżulta minn tali strateġija ta’ esklużjoni x’aktarx ikun akbar mill-gwadanji potenzjali. |
(20) |
It-tielet, il-Kummissjoni ssib li, irrispettivament mill-kwistjoni dwar jekk Microsoft għandhiex l-abbiltà jew l-inċentiv li teskludi distributuri kompetituri tal-logħob tal-consoles, tali strateġija x’aktarx li ma jkollha l-ebda effett negattiv sinifikattiv fuq il-kompetizzjoni fis-suq downstream għad-distribuzzjoni tal-logħob tal-consoles. |
(21) |
L-ewwel nett, Sony għandha livell sinifikanti ta’ saħħa fis-suq fid-distribuzzjoni tal-logħob tal-consoles u hija fornitur ewlieni ta’ hardware tal-consoles globalment u partikolarment fiż-ŻEE. Għalhekk, Sony għandha setgħa tan-negozjar u riżorsi kbar, li jippermettulha taqleb għal inputs alternattivi billi tiżviluppa logħob AAA tal-consoles ta’ suċċess internament jew tinnegozja l-esklussività ma’ żviluppaturi u pubblikaturi indipendenti oħra. It-tieni, il-Kummissjoni ma sabitx evidenza konvinċenti li l-esklużjoni tal-input tikkawża telf sinifikanti lill-bażi tal-utenti ta’ Sony sabiex timpedixxi l-potenzjal ta’ Sony li tinvesti fl-innovazzjoni u l-kwalità. Fil-fatt, l-analiżi kwantitattiva tal-Kummissjoni wriet li r-rata ta’ bdil tal-utent f’każ ta’ esklużjoni totali tal-input ma jkollhiex impatt sinifikanti fuq il-bażi tal-utenti ta’ Sony. It-tielet, il-Kummissjoni ma sabitx evidenza konvinċenti li l-istrateġiji ta’ esklużjoni parzjali implimentati mill-entità fuża wara t-Tranżazzjoni jimpedixxu b’mod sinifikanti l-kompetizzjoni fis-suq downstream għad-distribuzzjoni ta’ logħob tal-consoles. Għall-kuntrarju, eżempji fil-passat ta’ ftehimiet ta’ esklużività parzjali għad-distribuzzjoni ta’ Call of Duty ta’ Activision Blizzard ma kellhomx effetti sinifikattivi fuq l-attivitajiet ta’ Microsoft jew ta’ Sony fis-suq downstream għad-distribuzzjoni ta’ logħob tal-consoles. Fl-aħħar nett, il-maġġoranza ta’ rispondenti għall-investigazzjoni tas-suq ma jemmnux li t-Tranżazzjoni jkollha impatt negattiv fuq is-suq għad-distribuzzjoni ta’ logħba tal-consoles. |
(22) |
Filwaqt li l-valutazzjoni tal-Kummissjoni tal-effetti tat-Tranżazzjoni ffukat fuq Sony, il-kompetitur ewlieni ta’ Microsoft fid-distribuzzjoni tal-logħob tal-consoles, il-Kummissjoni sabet ukoll li l-pożizzjoni ta’ Nintendo fid-distribuzzjoni ta’ logħob tal-consoles x’aktarx li ma tiġix affettwata bħala riżultat tat-Tranżazzjoni. Nintendo tqassam biss porzjon żgħir tal-franchises tal-logħba ta’ Activision Blizzard. B’mod partikolari, Call of Duty, li hija l-akbar logħba tal-consoles ta’ Activision Blizzard skont id-dħul bħalissa hija distribwita biss fuq il-consoles ta’ Xbox u ta’ PlayStation. |
(23) |
Għalhekk, il-Kummissjoni tqis li t-Tranżazzjoni ma timpedixxix b’mod sinifikanti l-kompetizzjoni effettiva fis-suq downstream għad-distribuzzjoni ta’ logħob vidjo tal-consoles, bħala riżultat tal-istrateġija mmirata tal-entità fuża ta’ esklużjoni totali jew parzjali tal-input billi jiġi limitat jew degradat l-aċċess upstream għal-logħob vidjo tal-isparar (AAA) tal-consoles ta’ Activision Blizzard. |
4.2.4. Tħassib dwar l-esklużjoni tal-input fir-rigward tad-distributuri rivali ta’ Microsoft ta’ logħob vidjo tal-consoles jew tal-PCs li joffru servizzi tal-istreaming ta’ logħob tal-cloud
(24) |
Il-Kummissjoni tqis li l-Parti Notifikanti jkollha l-abbiltà u l-inċentiv li teskludi distributuri rivali ta’ logħob tal-consoles u tal-PCs permezz ta’ servizzi tal-istreaming ta’ logħob tal-cloud billi tirrestrinġi l-aċċess għal-logħob tal-consoles u tal-PCs ta’ Activision Blizzard. |
(25) |
Filwaqt li l-logħob normalment jaħdem lokalment fuq l-apparat speċifiku li fih jiġi installat, l-istreaming ta’ logħob tal-cloud jippermetti li l-logħob jaħdem f’server remot u jixxandar fuq l-apparat tal-utent finali. Dan jippermetti li l-utenti jilagħbu anki logħob vidjo kumpless fuq apparat li normalment ma jaħdmux fuqu. Għal din ir-raġuni, l-istreaming ta’ logħob tal-cloud huwa fil-biċċa l-kbira “anjostiku għall-apparat”: dan jippermetti, pereżempju, li logħba tal-consoles tintlagħab fuq PC, jew li logħba kumplessa tal-PCs tintlagħab fuq PC qadim jew inizjali li normalment ma taħdimx fuqu. |
(26) |
Filwaqt li l-istreaming ta’ logħob tal-cloud huwa xejra industrijali emerġenti, il-Kummissjoni tqis li dan se jsir parti importanti mid-distribuzzjoni tal-logħob tal-PCs u tal-consoles fil-futur qrib, fuq il-bażi ta’ rapporti tal-industrija u tal-feedback mill-investigazzjoni tas-suq. Microsoft investiet b’mod sinifikanti f’servizzi tal-istreaming ta’ logħob tal-cloud u għamlet is-servizz tagħha tal-istreaming ta’ logħob tal-cloud Game Pass Ultimate ċ-ċentru tal-istrateġija tagħha “ċċentrata fuq il-gamer”, bl-għan li twassal il-logħob kull fejn jilagħbu l-gamers, irrispettivament mill-apparat. |
(27) |
Activision Blizzard ma tilliċenzjax il-logħob tagħha lil servizzi tal-istreaming ta’ logħob tal-cloud fiż-żmien tad-deċiżjoni. Madankollu, il-Kummissjoni tqis, primarjament ibbażat fuq id-dokumenti interni ta’ Activision Blizzard, li fin-nuqqas tat-Tranżazzjoni, Activision Blizzard x’aktarx li kienet tibda tilliċenzja l-logħob tagħha lil servizzi tal-istreaming ta’ logħob tal-cloud, b’mod partikolari dawk ibbażati fuq mudell kummerċjali “xiri għal-logħob” (jiġifieri, dawk il-pjattaformi li jippermettu lill-utenti jagħmlu streaming tal-logħob li jkunu diġà xtraw minn ħanut diġitali). |
(28) |
Filwaqt li jitqies dan ta’ hawn fuq, il-Kummissjoni ssib li Microsoft se jkollha l-abbiltà li tinvolvi ruħha fi strateġija ta’ esklużjoni b’suċċess kontra servizzi rivali tal-istreaming ta’ logħob tal-cloud, billi tagħmel Game Pass Ultimate l-uniku servizz tal-istreaming ta’ logħob tal-cloud li joffri l-logħob ta’ Activision Blizzard. Il-Kummissjoni ssib li l-logħob ta’ Activision Blizzard huwa input importanti għal servizzi tal-istreaming ta’ logħob tal-cloud, u għalhekk Activision Blizzard għandha setgħa fis-suq fl-iżvilupp u fil-pubblikazzjoni tal-logħob tal-consoles. Il-Kummissjoni tinnota li s-sehem mis-suq ikkombinat tal-partijiet skont id-dħul fl-2022 fl-iżvilupp u fil-pubblikazzjoni ta’ logħob tal-consoles u ta’ logħob vidjo tal-PCs huwa taħt il-limitu massimu ta’ 30 %. Madankollu, is-sehem tal-partijiet huwa ogħla f’xi segmenti aktar dojoq possibbli, speċjalment meta tingħata attenzjoni lill-ġeneri bħal-logħob ta’ rwol fiż-ŻEE u l-logħob tal-isparar fuq bażi globali, u meta jitqiesu metriċi oħra bħall-utenti attivi fix-xahar jew kemm iddum jintlagħab il-logħob. F’dan ir-rigward, il-logħob ta’ rwol u tal-isparar huma partikolarment involventi u popolari, u Activision Blizzard tipprovdi wħud mill-aktar logħob ta’ suċċess f’dawn il-ġeneri, bħal Call of Duty u World of Warcraft. |
(29) |
Wara t-Tranżazzjoni, Microsoft ikollha l-abbiltà teknika u kuntrattwali li żżomm il-logħob ta’ Activision Blizzard minn servizzi rivali tal-istreaming ta’ logħob tal-cloud, u li tirrilaxxahom għall-istreaming esklużivament permezz ta’ Game Pass Ultimate. F’dan il-każ, servizzi rivali tal-istreaming ta’ logħob tal-cloud ma jkollhomx kontrostrateġiji effettivi u f’waqthom. Dan huwa primarjament minħabba li katalgu kbir ta’ kontenut popolari huwa kruċjali għall-abbiltà tagħhom li jikkompetu, u l-logħob tal-PCs u tal-consoles minn pubblikaturi oħra ma jkunx alternattiva sodisfaċenti biex jinbena katalogu ta’ logħob adegwat għal servizzi ta’ logħob tal-cloud ta’ partijiet terzi biex jikkompetu kontra Game Pass Ultimnet, jekk dan tal-aħħar joffri l-logħob ta’ Activision Blizzard b’esklużività. |
(30) |
Il-Kummissjoni tqis ukoll li Microsoft ikollha l-inċentiv li teskludi distributuri rivali ta’ logħob tal-PCs u tal-consoles permezz ta’ servizzi tal-istreaming ta’ logħob tal-cloud. Dan huwa primarjament għaliex, minħabba l-popolarità għolja tal-logħob ta’ Activision Blizzard, strateġija ta’ esklużjoni żżid l-għadd ta’ gamers li jużaw il-karatteristika tal-istreaming ta’ logħob tal-cloud ta’ Game Pass Ultimate. Tali żieda x’aktarx li tkun sinifikanti, anki bis-saħħa tal-karatteristiċi tal-attivitajiet ta’ Microsoft, li jikkombinaw servizzi tal-istreaming ta’ logħob tal-cloud, servizzi ta’ abbonament u l-Windows PC OS, fost l-oħrajn. Il-Kummissjoni tqis li t-telf minn tali strateġija ta’ esklużjoni jkun limitat meta mqabbel mal-gwadanji. |
(31) |
Fl-aħħar nett, il-Kummissjoni tqis li jkunu sinifikanti l-effetti ta’ strateġija ta’ esklużjoni fuq il-kompetizzjoni fid-distribuzzjoni tal-logħob tal-PCs u tal-consoles. Il-cloud gaming huwa xejra li qed tiżdied u mistenni li jsir kanal ta’ distribuzzjoni importanti, u strateġija ta’ esklużjoni toħloq ostakli għad-dħul jew l-espansjoni ta’ servizzi rivali tal-istreaming ta’ logħob tal-cloud, li ġeneralment mhumiex integrati vertikalment u jkollhom jiddependu fuq grupp iżgħar ta’ pubblikaturi indipendenti. Barra minn hekk, filwaqt li l-cloud gaming huwa relattivament żgħir meta mqabbel mas-suq ġenerali, mistenni li jiżdied b’mod sinifikanti, u huwa sors importanti ta’ innovazzjoni. |
(32) |
Għalhekk, il-Kummissjoni tqis li t-Tranżazzjoni timpedixxi b’mod sinifikanti l-kompetizzjoni effettiva fis-suq għad-distribuzzjoni tal-logħob tal-PCs u tal-consoles bħala riżultat tal-entità fuża li żżomm il-logħob ta’ Activision Blizzard mis-servizzi rivali tal-istreaming ta’ logħob tal-cloud. |
4.3. Effetti ta’ konglomerat
(33) |
It-Tranżazzjoni tagħti lok għal rabtiet ta’ konglomerat bejn il-logħob ta’ Activision Blizzard u l-forniment ta’ Microsoft tal-Windows PC OS. B’mod aktar speċifiku, il-Kummissjoni tqis, fuq il-bażi tar-riżultati tal-investigazzjoni tas-suq, li Microsoft ikollha l-abbiltà, wara t-Tranżazzjoni, li teskludi fornituri rivali ta’ PC OS billi torbot l-istreaming ta’ logħob tal-cloud tal-logħob tal-PCs u tal-consoles ta’ Activision Blizzard mal-Windows. |
(34) |
L-ewwel nett, il-Kummissjoni ssib li l-gaming huwa każ importanti ta’ użu għall-PCs, u fattur importanti għall-kompetizzjoni bejn il-PC OS. Microsoft għandha pożizzjoni dominanti fis-suq għall-PC OS, b’sehem fis-suq globali ta’ madwar [70-80] % (2022). Bħala konsegwenza ta’ dan, il-biċċa l-kbira tal-logħob tal-PCs, speċjalment il-logħob AAA intensiv fir-riżorsi, jiġi żviluppat biex jaħdem b’mod nattiv biss fuq Windows, li jfisser li jista’ jiġi downlowdjat u jintlagħab lokalment biss fuq PC tal-Windows. Għal dik ir-raġuni, il-Kummissjoni ma sabitx tħassib li Microsoft setgħet tipprova ssaħħaħ il-pożizzjoni tagħha fil-PC OS billi tirrestrinġi d-disponibbiltà ta’ Activision Blizzard li tintlagħab b’mod nattiv fuq PC OS oħra. |
(35) |
Il-Kummissjoni tqis li l-istreaming ta’ logħob tal-cloud jipprovdi mod effettiv biex jintlagħab dan il-logħob fuq sistemi operattivi oħra tal-PCs. Il-Kummissjoni tqis ukoll li l-gaming huwa fattur importanti għall-kompetizzjoni bejn il-PC OS u għalhekk tqis li l-istreaming ta’ logħob tal-cloud, u b’mod partikolari l-istreaming tal-logħob ta’ Activision Blizzard, ikunu importanti biex il-PC OS mhux tal-Windows jikkompetu b’mod aktar effettiv mal-Windows. F’dan ir-rigward, huwa mfakkar li fin-nuqqas tat-Tranżazzjoni, Activision Blizzard kienet tibda tilliċenzja l-logħob tagħha għal servizzi tal-istreaming ta’ logħob tal-cloud. Konsegwentement, minħabba l-popolarità tal-logħob ta’ Activision Blizzard, Microsoft ikollha l-abbiltà li teskludi fornituri rivali ta’ PC OS billi żżomm il-logħob ta’ Activision Blizzard minn sistemi operattivi oħra tal-PCs permezz tal-cloud gaming. F’tali xenarju, il-Kummissjoni tqis li servizzi tal-PC OS mhux tal-Windows ma jkollhomx disponibbli kontrostrateġiji effettivi u f’waqthom, primarjament minħabba li, kif spjegat iktar ’il fuq, servizzi tal-istreaming ta’ logħob tal-cloud ta’ partijiet terzi ma jirrappreżentawx alternattiva sodisfaċenti. |
(36) |
Fir-rigward ta’ inċentivi għall-esklużjoni, peress li l-Kummissjoni diġà kkonkludiet li Microsoft ikollha inċentiv li teskludi fornituri rivali tal-istreaming ta’ logħob tal-cloud, tqis li Microsoft għandha inċentiv saħansitra iktar b’saħħtu biex tagħmel dan meta tqis ukoll il-pożizzjoni tal-Windows fis-suq tal-PC OS. B’mod partikolari, il-Kummissjoni tqis li l-gwadanji li jirriżultaw mill-attrazzjoni jew miż-żamma tal-utenti lejn il-Windows jikkumpensaw għad-dħul mitluf mid-distribuzzjoni tal-logħob ta’ Activision Blizzard fuq servizzi tal-istreaming ta’ logħob tal-cloud ta’ partijiet terzi u l-PC OS. |
(37) |
Fl-aħħar nett, il-Kummissjoni tikkonkludi li, fid-dawl tal-pożizzjoni diġà dominanti ta’ Microsoft fis-suq għall-PC OS, iċ-ċaħda jew id-degradazzjoni tad-disponibbiltà tal-logħob ta’ Activision Blizzard permezz ta’ PC OS rivali jkollha impatt sinifikanti fuq is-suq għall-PC OS. Dan huwa minħabba li strateġija ta’ esklużjoni żżid il-preferenza tal-utenti għall-Windows, biex b’hekk ikomplu jiżdiedu l-ostakli għal PC OS rivali biex jikkompetu b’mod effettiv. Dan jitqabbel ma’ xenarju kontrofattwali li fih, fin-nuqqas tat-Tranżazzjoni, kienu jitnaqqsu tali ostakli, minħabba li Activision Blizzard x’aktarx kienet tilliċenzja l-logħob tagħha lil servizzi tal-gaming tal-cloud ta’ partijiet terzi, billi tagħmilhom disponibbli għall-istreaming fuq OS mhux tal-Windows. |
(38) |
Għalhekk, il-Kummissjoni tqis li x’aktarx it-Tranżazzjoni timpedixxi b’mod sinifikanti l-kompetizzjoni effettiva fis-suq għas-sistemi operattivi tal-PCs bħala riżultat tal-fatt li l-entità fuża teskludi l-forniment tal-logħob tal-consoles u tal-PCs ta’ Activision Blizzard għal fornituri tal-istreaming ta’ logħob tal-cloud u billi ma tagħmilx GamePass Ultimate disponibbli fuq sistemi operattivi oħra tal-PCs. |
4.4. Konklużjoni
(39) |
Għalhekk, id-deċiżjoni, tikkonkludi li l-konċentrazzjoni notifikata tqajjem dubji serji dwar il-kompatibbiltà tagħha mas-suq intern fir-rigward ta’ (i) l-esklużjoni tal-input ta’ distributuri ta’ partijiet terzi ta’ logħob tal-PCs u tal-consoles permezz ta’ servizzi tal-istreaming ta’ logħob tal-cloud u (ii) l-esklużjoni tal-fornituri rivali ta’ PC OS billi jintrabat l-istreaming ta’ logħob tal-cloud tal-logħob ta’ Activision Blizzard mal-Windows. |
5. IMPENJI PPREŻENTATI MILL-PARTI NOTIFIKANTI
(40) |
Sabiex jitneħħa t-tħassib dwar il-kompetizzjoni li jirriżulta mit-Tranżazzjoni, il-Parti Notifikanti ppreżentat impenji fil-Fażi II. Il-Kummissjoni eżaminat l-ewwel impenji ppreżentati minn Microsoft (l-“Impenji Inizjali”) mal-parteċipanti fis-suq. Wara feedback minn dan l-eżami tas-suq, il-Parti Notifikanti emendat l-impenji u ppreżentat impenji modifikati (l-“Impenji Riveduti”). Il-Kummissjoni wettqet it-tieni eżami tas-suq. Il-feedback mill-parteċipanti fis-suq ġie kondiviż mal-Parti Notifikanti li sussegwentement għamlet aktar emendi għat-test ta’ impenn u ppreżentat it-tielet proposta ta’ rimedju (l-“Impenji Finali”). |
(41) |
L-impenji kollha ppreżentati jinkludu żewġ elementi ewlenin: (i) impenn li l-konsumaturi jingħataw id-dritt li jagħmlu streaming ta’ logħob għal perjodu ta’ 10 snin (l-“Impenn għal-Liċenzja tal-Konsumatur”); u (ii) impenn li l-fornituri tal-istreaming jingħataw liċenzja mingħajr royalties biex jagħmlu streaming ta’ logħob għal perjodu ta’ 10 snin (l-“Impenn għal-Liċenzja tal-Fornituri tal-Istreaming”). |
5.1. L-Impenji Inizjali
5.1.1. L-Impenn għal-Liċenzja tal-Konsumatur
(42) |
Skont l-Impenn għal-Liċenzja tal-Konsumatur, Microsoft timpenja ruħha li tagħti lill-konsumaturi bbażati fiż-ŻEE d-dritt li jagħmlu streaming tal-logħob żviluppat kollu attwali u futur tal-PCs, parzjalment jew kompletament, mill-istudios ta’ Activision Blizzard kif elenkati f’anness għall-Impenji Inizjali (“Logħob Eliġibbli”) mid-data tal-għeluq għal perjodu ta’ 10 snin, billi temenda l-ftehimiet tagħha għall-ħruġ ta’ liċenzji tal-utent finali (“Liċenzja tal-Konsumatur”) f’konformità mal-Anness 3 tal-Impenji Inizjali. Il-konsumaturi se jingħataw dan id-dritt irrispettivament minn jekk il-Logħba Eliġibbli nkisbitx qabel jew wara d-data tal-għeluq. |
5.1.2. L-Impenn għal-Liċenzja tal-Fornituri tal-Istreaming
(43) |
Permezz tal-Impenn għal-Liċenzja tal-Fornituri tal-Istreaming, Microsoft timpenja ruħha għal perjodu ta’ 10 snin mid-data tal-għeluq li tagħti liċenzja mingħajr royalties biex tagħmel streaming tal-Logħob Eliġibbli għal servizzi tal-istreaming f’konformità mat-termini fl-Anness 4 tal-Impenji Inizjali (kull wieħed minnhom “Liċenzja tal-Fornituri tal-Istreaming”). Sabiex jitqies eliġibbli għal din il-liċenzja, servizz tal-istreaming jeħtieġ li jkollu permess minn ħanut tal-logħba awtorizzat biex ibigħ il-Logħob Eliġibbli (“Ħanut Awtorizzat tal-Logħob”) biex jipprovdi aċċess għal-Logħob Eliġibbli; jew joffri aċċess għal-Logħob Eliġibbli permezz ta’ applikazzjonijiet li ma jirrikjedux integrazzjoni ma’ Ħanut Awtorizzat tal-Logħob (f’kull każ “Servizz tal-Istreaming Eliġibbli”). |
(44) |
Microsoft timpenja ruħha li tagħti Liċenzji tal-Fornituri tal-Istreaming irrispettivament minn jekk Microsoft attwalment tagħmel streaming bħalissa jew fil-fluss futur tal-Logħob Eliġibbli fuq is-servizz tal-istreaming tagħha stess ta’ logħob tal-cloud. Rilaxxi ġodda, inklużi verżjonijiet beta disponibbli għall-pubbliku u rilaxxi bikrija ta’ aċċess, se jkunu aċċessibbli għall-istreaming mir-rilaxx tal-logħba fuq Ħanut tal-Logħob Microsoft (definit bħala l-ħanut Battle.net ta’ Activision Blizzard jew kull Ħanut diġitali suċċessur tal-Logħob tal-PCs) jew kull ħanut ieħor awtorizzat biex jiddistribwixxi titolu ta’ Activision Blizzard. |
(45) |
Barra minn hekk, Microsoft daħlet fi ftehimiet ma’ tliet fornituri tal-istreaming ta’ logħob tal-cloud, jiġifieri NVIDIA, Boosteroid u Ubitus. Dawn il-ftehimiet jinkludu, għal perjodu ta’ 10 snin mid-data tal-għeluq, liċenzja globali ħielsa mir-royalties biex isir streaming tal-Logħob Eliġibbli. Bħala parti mill-Impenji Inizjali, Microsoft timpenja ruħha li tagħti dawn il-liċenzji skont it-termini kif stabbiliti fl-annessi tal-Impenji Inizjali. |
(46) |
Il-liċenzji mogħtija skont l-impenn għal-liċenzja tal-fornituri tal-istreaming se jkunu disponibbli fuq is-sit web ta’ Microsoft u soġġetti għat-termini li ġejjin:
|
5.1.3. Fiduċjarju tal-Monitoraġġ, Soluzzjoni ta’ Tilwim u Tul ta’ Żmien
(47) |
L-Impenji Inizjali jipprevedu li Fiduċjarju tal-Monitoraġġ irid jinħatar qabel ma l-Parti Notifikanti tkun tista’ tagħlaq it-Tranżazzjoni. Min-naħa tiegħu, il-Fiduċjarju tal-Monitoraġġ jista’ jaħtar espert tal-IT, jew konsulent għall-finanzi korporattivi jew il-pariri legali, biex jassisti fit-twettiq tad-dmirijiet u tal-obbligi tiegħu. |
(48) |
Soluzzjoni Rapida għat-Tilwim hija inkluża, u se tapplika f’każijiet li fihom Servizz tal-Istreaming Eliġibbli (inklużi Nvidia, Boosteroid u Ubitus), li juri interess leġittimu suffiċjenti, isostni li Microsoft qed tonqos milli tikkonforma mal-obbligi tagħha li jirriżultaw mill-Impenji. |
(49) |
L-Impenji Inizjali jibqgħu fis-seħħ għal għaxar snin mid-data tal-għeluq tat-Tranżazzjoni. |
5.2. L-Impenji Riveduti
(50) |
L-Impenji Riveduti jinkludu l-istess żewġ liċenzji bħall-Impenji Inizjali bit-titjib li ġej:
|
5.3. L-Impenji Finali
(51) |
Meta mqabbla mal-Impenji Riveduti, l-Impenji Finali jiċċaraw il-kamp ta’ applikazzjoni u jillimitaw ir-riskju ta’ ċirkomvenzjoni jew ta’ interpretazzjoni ħażina tal-impenji. Il-bidliet ewlenin huma:
|
5.4. Valutazzjoni tal-impenji ppreżentati
(52) |
Sabiex ikunu aċċettabbli, l-impenji proposti jridu jkunu kapaċi jrendu konċentrazzjoni kompatibbli mas-suq intern peress li jipprevjenu impediment sinifikanti għall-kompetizzjoni effettiva fis-swieq rilevanti kollha li fihom ġie identifikat tħassib dwar il-kompetizzjoni. F’dan il-każ, l-impenji meħtieġa biex jiġi eliminat it-tħassib dwar il-kompetizzjoni identifikat mill-Kummissjoni, jiġifieri fir-rigward ta’: (i) l-esklużjoni tal-input ta’ distributuri ta’ partijiet terzi ta’ logħob tal-PCs u tal-consoles permezz ta’ servizzi tal-istreaming ta’ logħob tal-cloud u (ii) l-esklużjoni ta’ fornituri rivali ta’ PC OS billi l-logħob ta’ Activision Blizzard jintrabat mal-Windows permezz tas-servizz tal-istreaming ta’ logħob tal-cloud ta’ Microsoft. |
(53) |
Id-deċiżjoni tikkonkludi li l-Impenji Finali jindirizzaw il-kwistjonijiet dwar il-kompetizzjoni mqajma mit-Tranżazzjoni fl-intier tagħhom. Il-Kummissjoni tikkonkludi wkoll li l-Impenji Finali jistgħu jiġu implimentati b’mod effettiv f’waqtu. |
6. KONKLUŻJONI
(54) |
Għar-raġunijiet imsemmija hawn fuq, id-deċiżjoni tikkonkludi li, soġġett għall-konformità sħiħa mal-impenji mogħtija mill-Parti Notifikanti, il-konċentrazzjoni proposta mhux se timpedixxi b’mod sinifikanti l-kompetizzjoni effettiva fis-Suq Intern jew f’parti sostanzjali minnu. |
(55) |
Konsegwentement, jenħtieġ li l-konċentrazzjoni tiġi ddikjarata kompatibbli mas-suq intern u mal-funzjonament tal-Ftehim ŻEE, f’konformità mal-Artikolu 2(2) u l-Artikolu 8(2) tar-Regolament dwar l-Għaqdiet u l-Artikolu 57 tal-Ftehim ŻEE. |
(2) Il-logħob AAA jirreferi għal-logħob vidjo li huwa intensiv fir-riżorsi u kumpless biex jiġi żviluppat, u li joffri esperjenza tal-logħob u mekkanika tal-logħob avvanzati.
(3) Ir-Regolament (UE) 2022/2065 tal-Parlament Ewropew u tal-Kunsill tad-19 ta’ Ottubru 2022 dwar Suq Uniku għas-Servizzi Diġitali u li jemenda d-Direttiva 2000/31/KE (l-Att dwar is-Servizzi Diġitali) (ĠU L 277, 27.10.2022, p. 1)
(4) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
(5) Id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (ĠU L 201, 31.7.2002, p. 37).
INFORMAZZJONI MILL-ISTATI MEMBRI
14.8.2023 |
MT |
Il-Ġurnal Uffiċjali tal-Unjoni Ewropea |
C 285/17 |
Tħabbira skont l-Artikolu 13 tad-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta’ istituzzjonijiet ta’ kreditu: il-likwidazzjoni u l-istralċ sussegwenti ta’ FUCHS & ASSOCIES FINANCE SA
[L-istralċ ta’ istituzzjoni finanzjarja Lussemburgiża]
(2023/C 285/06)
Stedina għall-preżentazzjoni ta’ talba. Skadenzi li għandhom jiġu osservati.
Permezz tas-sentenza tat-18 ta’ Lulju 2023, it-Tribunal d’arrondissement de et à Luxembourg (il-Qorti Distrettwali tal-Lussemburgu fil-Belt tal-Lussemburgu), f’seduta ta’ kwistjonijiet kummerċjali matul il-vaganzi tas-sajf tagħha, ordnat il-likwidazzjoni u l-istralċ tal-kumpanija pubblika b’responsabbiltà limitata FUCHS & ASSOCIES FINANCE SA (stabbilita u li għandha l-uffiċċju reġistrat tagħha f’L-1724 Luxembourg, 47, boulevard Prince Henri, u rreġistrata fir-Reġistru Kummerċjali u tal-Kumpaniji tal-Lussemburgu skont No B75842) u tal-fergħa Belġjana tagħha FUCHS & ASSOCIES FINANCE SA, SUCCURSALE DE BRUXELLES (stabbilita f’Avenue de Tervueren 273, B-1150 Brussels) fuq il-bażi tal-Artikolu 129(1)(2) tal-Liġi emendata tat-18 ta’ Diċembru 2015 dwar miżuri ta’ riżoluzzjoni, riorganizzazzjoni u stralċ għal istituzzjonijiet tal-kreditu u ċerti ditti tal-investiment u dwar skemi ta’ assigurazzjoni ta’ depożitu u ta’ kumpens għall-investituri.
Is-sentenza tat-18 ta’ Lulju 2023 iddikjarat li l-ordni ta’ stralċ kellha l-effett li tirtira l-awtorizzazzjoni mogħtija lil FUCHS & ASSOCIES FINANCE SA.
L-istess sentenza ħatret lis-Sa Maria FARIA ALVES (Viċi President tat-Tribunal d’arrondissement de et à Luxembourg) bħala riċevitur uffiċjali u lil Alain RUKAVINA (avukat b’indirizz għan-notifika fil-Lussemburgu) bħala likwidatur.
Il-kredituri għandhom jippreżentaw it-talbiet tagħhom lir-reġistru tat-Tribunal de commerce de Luxembourg (il-Qorti Kummerċjali tal-Lussemburgu) qabel il-17:00 fid-19 ta’ Jannar 2024, filwaqt li jiġu preskritti jekk jonqsu milli jagħmlu dan.
It-talbiet iridu jiġu ppreżentati f’konformità mal-Artikolu 134 tal-Liġi emendata tat-18 ta’ Diċembru 2015 dwar miżuri ta’ riżoluzzjoni, riorganizzazzjoni u stralċ għal istituzzjonijiet tal-kreditu u ċerti ditti tal-investiment u dwar skemi ta’ assigurazzjoni ta’ depożitu u ta’ kumpens għall-investituri.
It-talbiet magħmula f’munita għajr l-EUR jiġu kkonvertiti f’dik il-munita bir-rata tal-kambju prevalenti fil-jum tas-sentenza ta’ stralċ kif ippubblikata mill-Bank Ċentrali Ewropew, u l-ħlas tat-talbiet kollha aċċettati għandu jsir f’dik il-munita.
Ma tista’ ssir l-ebda applikazzjoni mill-parti jew minn parti terza biex tannulla s-sentenza ta’ likwidazzjoni u stralċ. Din tal-aħħar għandha b’effett immedjat tkun eżegwibbli b’mod proviżorju minkejja kull appell, qabel ir-reġistrazzjoni u mingħajr garanzjija.
Il-Commission de Surveillance du Secteur Financier (CSSF) (il-Kummissjoni Superviżorja tas-Settur Finanzjarju) jew il-Prosekutur tal-Istat u l-istituzzjoni jistgħu jippreżentaw appell lir-reġistru tat-Tribunal d’arrondissement de et à Luxembourg. Il-limitu ta’ żmien għal apell huwa ħmistax (15)-il jum mid-data li fiha tkun ġiet innotifikata s-sentenza mir-reġistru tat-Tribunal d’arrondissement de et à Luxembourg. Ir-rappreżentanza minn avukat mhijiex meħtieġa.
Għal aktar informazzjoni (b’mod partikolari rigward il-formalitajiet relatati mal-preżentazzjoni ta’ talbiet), ikkonsulta s-sit web li ġej: www.fafliquidationjudiciaire.lu
Kopja ċertifikata bħala korretta.
Likwidatur maħtur mill-qorti
Alain RUKAVINA
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
14.8.2023 |
MT |
Il-Ġurnal Uffiċjali tal-Unjoni Ewropea |
C 285/18 |
Avviż minn qabel ta’ konċentrazzjoni
(Il-Każ M.11187 - MITSUI / CELANESE / NUTRINOVA JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 285/07)
1.
Fis-27 ta’ Lulju 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Mitsui & Co., Ltd, (“Mitsui”, il-Ġappun), |
— |
Celanese Corporation (“Celanese”, l-Istati Uniti tal-Amerka), |
— |
Nutrinova B.V. (“Nutrinova JV”, in-Netherlands), ikkontrollata minn Celanese. |
Mitsui u Celanese jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ Nutrinova JV.
Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi impriża bi sħab (joint venture, JV).
2.
L-attivitajiet kummerċjali tal-impriżi kkonċernati huma dawn li ġejjin:
— |
Mitsui hija kumpanija tal-kummerċ, tal-ġesjoni tan-ngozju u ta’ żvilupp ta’ proġetti attiva f’diversi setturi, inklużi kimiċi bażiċi, kimiċi ta’ prestazzjoni, u riżorsi tal-ikel. |
— |
Celanese hija produttur globali ta’ polimeri b’inġinerija ta’ prestazzjoni għolja li jintużaw f’varjetà ta’ applikazzjoni ta’ valur għoli, kif ukoll prodotti tal-aċetil, li huma użati bħala kimiċi għall-industriji kbar. |
3.
L-attivitajiet kummerċjali tal-impriża fil-mira huma:
— |
il-produzzjoni u l-provvista tal-ħlewwa aċesulfam tal-potassju (“Ace-K”), tal-preservattivi sorbat tal-potassju u l-aċidu sorbiku, u sulfat tal-ammonju, li huwa użati bħala fertilizzant u għall-produzzjoni tal-insulazzjoni. |
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti għandhom jaslu għand il-Kummissjoni mhux aktar tard minn ħamest ijiem wara d-data ta' din il-pubblikazzjoni. Ir-referenza li ġejja għandha dejjem tiġi speċifikata:
M.11187 - MITSUI / CELANESE / NUTRINOVA JV
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).