22.8.2013   

MT

Il-Ġurnal Uffiċjali tal-Unjoni Ewropea

C 241/1

(1)

Ir-Regolament (KE) Nru 1005/2009 tal-Parlament Ewropew u tal-Kunsill tas-16 ta' Settembru 2009 dwar sustanzi li jnaqqsu s-saff tal-ożonu (1), u b'mod partikolari l-Artikoli 15 u 17 tiegħu, jistabbilixxi r-regoli li jirrestrinġu l-importazzjoni u l-esportazzjoni ta' sustanzi li jnaqqsu s-saff tal-ożonu elenkati fl-Anness I tar-Regolament u li jissejħu “sustanzi kkontrollati”, kif ukoll l-importazzjoni u l-esportazzjoni ta' prodotti u tagħmir li fihom is-sustanzi kkontrollati jew li jiddependu minn dawn is-sustanzi.

(2)

L-Artikolu 28 tar-Regolament (KE) Nru 1005/2009 jeħtieġ li l-Istati Membri jwettqu l-ispezzjonijiet dwar il-konformità tal-impriżi ma' dak ir-Regolament.

(3)

Skont il-Protokoll ta' Montreal dwar sustanzi li jnaqqsu s-saff tal-ożonu (2), għadu permess li jintużaw l-idroklorofluworokarburi anki fil-produzzjoni ta' kontejners intermodali.

(4)

L-importazzjoni u t-tqegħid fis-suq ta' kontenituri intermodali li jkun fihom, jew li jiddependu mill-idroklorofluworokarburi ilhom projbiti fl-Unjoni Ewropea mill-2004, iżda mhuwiex meħtieġ id-dekummissjonar ta' dawn il-kontejners.

(5)

Għaldaqstant, il-kontejners intermodali li jintużaw fil-kummerċ internazzjonali ħafna drabi jkun fihom sustanzi li jnaqqsu s-saff tal-ożonu fil-fowm iżolanti jew f'tagħmir tat-tkessiħ li jkun konness magħhom jew integrat fihom, li jużaw s-sustanzi kkontrollati bħala refriġerant.

(6)

Ir-Regolament (KE) Nru 1005/2009 huwa aktar strett mill-Protokoll ta' Montreal, u jipprojbixxi t-tqegħid fis-suq ta' kontejners intermodali li jkun fihom, jew li jiddependu minn, sustanzi kkontrollati.

(7)

Skont il-konvenzjonijiet internazzjonali bħall-Konvenzjoni dwar id-Dħul Temporanju (3), jew il-Konvenzjoni Dwar it-Trattament Doganali tal-Kontejners Pool Użati Fit-Trasport Internazzjonali (4), ma għandux ikun ristrett il-moviment liberu tal-kontejners intermodali.

(8)

Skont il-Konvenzjoni dwar id-Dħul Temporanju li kien ratifikat mill-Komunità u l-Istati Membri kollha, ċerti prodotti li jiġu importati b'rabta ma' ħidma kummerċjali, inklużi l-kontejners, għandhom jingħataw permess għad-dħul temporanju. L-Artikoli 553, 554, 555 u 557 tar-Regolament tal-Kummissjoni (KEE) Nru 2454/93 li jiffissa d-dispożizzjonijiet għall-implementazzjoni tal-Kodiċi Doganali Komunitarju (5), inter alia jistipulaw li l-kontejners huma kompletament ħielsa mid-dazji tal-importazzjoni f'ċerti kundizzjonijiet. B'mod partikolari, l-awtoritajiet tad-dwana għandhom jiżguraw li, sakemm ma jingħatawx eżenzjonijiet speċifiċi, il-perjodu sħiħ li tulu l-kontejners jibqgħu taħt l-arranġamenti għall-istess għan u fir-responsabbiltà tal-istess detentur, ma għandux jaqbeż l-24 xahar.

(9)

Skont il-ġurisprudenza kostanti tal-Qorti tal-Ġustizzja, l-atti legali tal-istituzzjonijiet iridu jiġu interpretati b'mod li hu konsistenti mal-ftehimiet internazzjonali li tkun Parti għalihom l-Unjoni.

1.

Li meta jkunu qegħdin japplikaw ir-Regolament (KE) Nru 1005/2009, l-Istati Membri ma għandhomx iqisu d-dħul jew il-ħruġ mit-territorju doganali tal-Unjoni ta' kontejner intermodali bħala importazzjoni jew esportazzjoni għall-finijiet tal-Artikoli 15 u 17 ta' dak ir-Regolament jekk il-kontenituri intermodali jkunu taħt dħul temporanju.

2.

Li meta jkunu qegħdin jispezzjonaw il-kontejners intermodali li fihom jew li jiddependu minn sustanzi kontrollati skont l-Artikolu 28 tar-Regolament (KE) Nru 1005/2009, l-Istati Membri għandhom jivverifikaw li l-kontejners li jkunu deħlin fit-territorju doganali tal-Unjoni taħt dħul temporanju jkunu konformi mal-Artikoli 553, 554, 555 u 557 tar-Regolament (KEE) Nru 2454/93 u li dawk il-kontejners ma jitqegħdux fis-suq fl-Unjoni.

3.

Din l-opinjoni hija indirizzata lill-Istati Membri.

22.8.2013   

MT

Il-Ġurnal Uffiċjali tal-Unjoni Ewropea

C 241/3

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32013M6988. Il-EUR-Lex hu l-aċċess fuq l-internet għal-liġi Ewropea.

22.8.2013   

MT

Il-Ġurnal Uffiċjali tal-Unjoni Ewropea

C 241/4

22.8.2013   

MT

Il-Ġurnal Uffiċjali tal-Unjoni Ewropea

C 241/5

1.

Il-Kumitat Konsultattiv jaqbel mal-Kummissjoni li l-operazzjoni nnotifikata tikkostitwixxi konċentrazzjoni fit-tifsira tal-Artikolu 3(1)(b) tar-Regolament dwar l-Għaqdiet.

2.

Il-Kumitat Konsultattiv jaqbel mal-Kummissjoni li t-tranżazzjoni nnotifikata għandha dimensjoni tal-UE skont l-Artikolu 1(2) tar-Regolament dwar l-Għaqdiet.

3.

Il-Kumitat Konsultattiv jaqbel ma' kif il-Kummissjoni tiddefinixxi s-swieq ta' prodotti relevanti kif iddikjarat fl-abbozz tad-Deċiżjoni.

B'mod partikulari, fir-rigward tad-definizzjoni tal-prodotti tas-suq, il-Kumitat Konsultattiv jaqbel li l-impatt tat-tranżazzjoni proposta għandu jiġi vvalutat fis-swieq li ġejjin:

4.

Il-Kumitat Konsultattiv jaqbel mad-definizzjoni tas-suq ġeografiku għal:

5.

Il-Kumitat Konsultattiv jaqbel mal-Kummissjoni li, għall-fini tal-valutazzjoni kompetittiva tat-tranżazzjoni proposta, l-aktar approċċ xieraq huwa li jiġi adottat il-prinċipju ta' prijorità (“min jiġi l-ewwel, jinqeda l-ewwel”) fuq il-bażi tad-data ta' notifika u li t-tranżazzjoni proposta trid tiġi vvalutata billi titqies l-operazzjoni Seagate/Samsung li ġiet approvata bid-deċiżjoni tal-Kumissjoni tad-19 ta' Ottubru 2011 (Każ COMP/M.6214 – Seagate/HDD Negozju ta' Samsung). Stat Membru wieħed ma jaqbilx.

6.

Il-Kumitat Konsultattiv jaqbel mal-konklużjoni tal-Kummissjoni li t-tranżazzjoni x'aktarx mhijiex se twassal għal effetti mhux koordinati li jistgħu jfixklu b’mod sinifikanti l-kompetizzjoni effettiva fis-swieq globali tal-HDDs Kritiċi għall-Missjonijiet, HDDs 2,5″ Mobbli, u CE HDDs 2,5″.

7.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni proposta kif innotifikata x'aktarx se twassal għal tfixkil sinifikanti għal kompetizzjoni effettiva bħala riżultat tal-effetti mhux koordinati fis-swieq globali tal-HDDs 3,5″ tal-Kompjuters Desktop, CE HDDs 3,5″ u HDDs 3,5″ Kritiċi fin-Negozju.

8.

Il-Kumitat Konsultattiv jaqbel mal-valutazzjoni tal-Kummissjoni li minkejja li hemm indikazzjonijiet li t-tranżazzjoni proposta kif notifikata tista' twassal għal tfixkil sinifikanti għal kompetizzjoni effettiva bħala riżultat tal-effetti mhux koordinati fis-suq tal-XHDD madwar iż-ŻEE, fid-dawl tar-rimedji li jneħħu t-tfixkil sinifikanti għal kompetizzjoni effettiva fis-swieq globali aktar 'il fuq fil-katina ta' attivitajiet għall-HDDs 3,5″ tal-Kompjuters Desktop, CE HDDs 3,5″ u HDDs 3,5″ Kritiċi fin-Negozju, it-tranżazzjoni proposta xorta waħda x'aktarx mhijiex se twassal għal tfixkil sinifikanti għal kompetizzjoni effettiva fis-suq tal-XHDD madwar iż-ŻEE aktar 'l isfel fil-katina ta' attivitajiet.

9.

Il-Kumitat Konsultattiv jaqbel mal-valutazzjoni tal-Kummissjoni li l-operazzjoni proposta x'aktarx mhijiex se twassal għal effetti koordinati li jfixklu b'mod sinifikanti l-kompetizzjoni effettiva fis-swieq relevanti tal-HDD u fis-suq tal-XHDD madwar iż-ŻEE.

10.

Il-Kumitat Konsultattiv jikkondividi l-konklużjoni tal-Kummissjoni li t-tranżazzjoni proposta ma għandhiex tfixkel b'mod sinifikanti l-kompetizzjoni effettiva bħala riżultat tal-esklużjoni tal-manifatturi tal-komponenti (heads u mezzi) minn biżżejjed klijentela li min-naħa tagħhom jimminaw l-abbiltà ta' Toshiba li tikkompeti fis-swieq tal-HDD.

11.

Il-Kumitat Konsultattiv jaqbel mal-opinjoni tal-Kummissjoni li l-effiċjenzi allegati li nħolqu mit-tranżazzjoni proposta ma jippermettux lill-Kumissjoni li tiddikjara l-operazzjoni proposta, kif innotifikata, kompatibbli mas-suq intern meta mqabbla mas-swieq globali għal 3,5″ Kompjuters Desktop, CE 3,5″ u HDDs 3,5″ Kritiċi fin-Negozju u fis-suq tal-XHDDs madwar iż-ŻEE.

12.

Il-Kumitat Konsultattiv jaqbel mal-opinjoni tal-Kummissjoni li l-pakkett ta' rimedji mressaq mill-Partijiet jindirizza b'mod sħiħ it-tħassib tal-kompetizzjoni identifikat mill-Kummissjoni dwar is-suq globali għal HDDs 3,5″ Kritiċi fin-Negozju, is-suq globali għal HDDs 3,5″ tal-Kompjuters Desktop, is-suq globali għal CE HDDs 3,5″ u s-suq tal-XHDDs madwar iż-ŻEE.

13.

Il-Kumitat Konsultattiv jaqbel mal-konklużjoni tal-Kummissjoni li, bil-kundizzjoni ta' konformità sħiħa mal-impenji offruti mill-Partijiet, it-tranżazzjoni proposta x'aktarx mhijiex se tfixkel b'mod sinifikanti l-kompetizzjoni effettiva fis-suq intern jew f'parti sostanzjali minnu.

14.

Il-Kumitat Konsultattiv jaqbel mal-konklużjoni tal-Kummissjoni li l-konċentrazzjoni nnotifikata għandha tiġi ddikjarata kompatibbli mas-suq intern u mal-ħidma tal-Ftehim taż-ŻEE skont l-Artikoli 2(2) u 8(2) tar-Regolament dwar l-Għaqdiet u l-Artikolu 57 tal-Ftehim taż-ŻEE.

15.

Il-Kumitat Konsultattiv jirrakkomanda l-pubblikazzjoni tal-Opinjoni tiegħu f’Il-Ġurnal Uffiċjali tal-Unjoni Ewropea.

22.8.2013   

MT

Il-Ġurnal Uffiċjali tal-Unjoni Ewropea

C 241/7

(1)

Fl-20 ta’ April 2011, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament dwar l-Għaqdiet (2) li biha Western Digital Corporation (“WD”, “Il-Parti Notifikanti”) għandha l-ħsieb li takkwista, permezz tax-xiri ta’ ishma, il-kontroll uniku skont it-tifsira tal-Artikolu 3(1)(b) tar-Regolament dwar l-Għaqdiet ta’ Viviti Technologies Ltd, li qabel kienet magħrufa bħala Hitachi Global Storage Technologies Holdings Ltd (“HGST”) (3). Fit-30 ta’ Mejju 2011, il-Kummissjoni bdiet proċedimenti skont l-Artikolu 6(1)(c) tar-Regolament dwar l-Għaqdiet.

(2)

Fit-18 ta’ Awwissu 2011, il-Kummissjoni ħarġet Dikjarazzjoni ta’ Oġġezzjonijiet (“DO”) skont l-Artikolu 18 tar-Regolament dwar l-Għaqdiet, fejn il-Kummissjoni provviżorjament ikkonkludiet li t-tranżazzjoni proposta toħloq tfixkil sinifikanti għal kompetizzjoni effettiva fuq għadd ta’ swieq tad-diski riġidi (HDD).

(3)

Wara li ngħatat aċċess għall-fajl fid-19 ta’ Awwissu 2011 (4), il-Parti Notifikanti ssottomettiet il-kummenti tagħha bil-miktub dwar id-DO fl-1 ta’ Settembru 2011. Fil-kummenti tagħha, il-Parti Notifikanti ma talbitx biex tiżviluppa l-argumenti tagħha fi smigħ verbali formali skont l-Artikolu 14(1) tar-Regolament (KE) Nru 802/2004 (5). Minflok, hija żviluppat l-argumenti tagħha verbalment f’laqgħa dwar is-sitwazzjoni attwali mad-DĠ għall-Kompetizzjoni fis-6 ta’ Settembru 2011.

(4)

Fid-dawl ta’ ċerti argumenti mqajma mill-Parti Notifikanti fil-kummenti tagħha dwar id-DO u waqt il-laqgħa dwar is-sitwazzjoni attwali tas-6 ta’ Settembru, il-Kummissjoni wettqet investigazzjoni ulterjuri tas-suq. F’laqgħa dwar is-sitwazzjoni attwali fl-20 ta’ Settembru 2011, il-Kummissjoni qasmet mal-Parti Notifikanti r-riżultati ta’ din l-investigazzjoni ulterjuri tas-suq, u ressqet il-fehmiet tagħha dwar ċerti argumenti mqajma mill-Parti Notifikanti. Din tal-aħħar talbet biex ikollha l-opportunità sabiex sas-26 ta’ Settembru tippreżenta l-kummenti supplimentari b'reazzjoni għas-sejbiet tal-Kummissjoni. Il-Kummissjoni qablet ma’ din it-talba. Fit-22 ta’ Settembru, il-Parti Notifikanti ngħatat aċċess għall-verżjonijiet mhux kunfidenzjali tad-dokumenti rċevuti mill-Kummissjoni fil-kuntest tal-investigazzjoni ulterjuri tas-suq. Aktar informazzjoni ġiet ukoll ipprovduta lill-partijiet fit-23, l-24 u s-26 ta’ Settembru. Ġew ippreżentati kummenti supplimentari mill-Parti Notifikanti fit-23 ta’ Settembru u fis-26 ta’ Settembru.

(5)

Fit-3 ta’ Ottubru 2011, il-Parti Notifikanti ppreżentat l-ewwel proposta għall-impenji. Il-Kummissjoni indikat li l-impenji offruti ma kinux adegwati biex jissolva t-tħassib relatat mal-kompetizzjoni. Fl-10 ta’ Ottubru 2011, il-Parti Notifikanti ressqet sett rivedut ta’ impenji, li l-Kummissjoni ppreżentat għal test tas-suq fl-istess data. Pakkett ulterjuri ta' rimedji reveduti tressaq quddiem il-Kummissjoni fl-24 ta’ Ottubru 2011, u sussegwentement ġie emendat skont diskussjonijiet ulterjuri mal-Kummissjoni. Il-Parti Notifikanti offriet sett finali ta’ impenji fis-27 ta’ Ottubru 2011, li skont il-Kummissjoni, kien jindirizza t-tħassib kollu li kien għad fadal fir-rigward tal-kompatibbiltà tat-tranżazzjoni proposta mas-suq intern.

(6)

Matul il-proċedura, il-Parti Notifikanti ssottomettiet tliet talbiet li jikkonċernaw l-aċċess għall-fajl.

(7)

Fis-26 ta’ Awwissu 2011, il-Parti Notifikanti talbitni biex nirrevedi deċiżjoni tad-DĠ Kompetizzjoni li kienet tirrifjuta l-aċċess għal dokumenti li jinsabu fil-fajl ta’ proċedimenti oħra skont ir-Regolament dwar l-Għaqdiet, jiġifieri Każ COMP/M.6214 – Seagate Technology PLC/The HDD Business of Samsung Electronics Co Ltd (“Każ M.6214”). Il-partijiet f’dawn il-proċedimenti, li huma kompetituri ta’ WD u HGST dwar ċerti swieq tal-HDD, innotifikaw il-konċentrazzjoni proposta tagħhom lill-Kummissjoni jum qabel ġiet notifikata l-konċentrazzjoni proposta bejn WD u HGST. Fit-30 ta’ Awwissu jien weġibt għat-talba tal-Parti Notifikanti fuq il-linji li ġejjin.

(8)

L-ewwel nett, il-Parti Notifikanti talbet sabiex tingħata aċċess għall-fajl fil-Każ M.6214 fuq il-bażi li kellha “interess suffiċjenti” għaliex kienet kompetitur importanti tal-partijiet involuti f’dak il-każ. Jien irrifjutajt din it-talba billi skont l-Artikolu 17 tar-Regolament (KE) Nru 802/2004 (6), il-Kummissjoni għandha tagħti aċċess għall-file lill-partijiet li lilhom tkun indirizzat id-dikjarazzjoni ta’ oġġezzjonijiet u, fuq talba, lill-partijiet l-oħra involuti (kif definit fl-Artikolu 11(b) ta’ dak ir-Regolament). Billi WD ma taqa' fl-ebda kategorija fil-Każ M.6214, ma kellha l-ebda dritt ta’ aċċess għall-fajl f’dak il-każ.

(9)

It-tieni, il-Parti Notifikanti ddikjarat li, fil-Każ M.6203, fid-DO il-Kummissjoni kienet iddependiet estensivament fuq dokumentazzjoni u informazzjoni mill-fajl tal-Każ M.6214 li ma kienx sar disponibbli għaliha. Jien analizzajt bir-reqqa d-DO u sibt li din kienet iddependiet biss fuq ftit dokumenti li oriġinarjament kienu ġew ippreżentati fil-Każ M.6214 u li wara reġgħu ġew ippreżentati fil-Każ M. 6203 fuq talba mid-DĠ Kompetizzjoni. Verżjonijiet mhux kunfidenzjali ta’ dawn id-dokumenti kienu aċċessibbli għall-Parti Notifikanti fil-fajl tal-Każ M.6203. Id-dikjarazzjoni li l-Kummissjoni kienet iddependiet, fid-DO, fuq dokumenti minn Każ M.6214 mhux aċċessibbli għall-Parti Notifikanti għalhekk kienet bla bażi.

(10)

It-tielet, fit-talba tagħha, il-Parti Notifikanti dehret li ssuġġeriet li d-DĠ Kompetizzjoni kien ikkonsulta l-fajl fil-Każ M.6214 b'mod ġenerali u ħa minnu għall-analiżi tiegħu dokumenti fil-Każ M.6203. Għalhekk, fl-applikazzjoni tal-prinċipju tal-parità tal-armi, il-Parti Notifikanti kkunsidrat li bl-istess mod għandha tkun tista’ tanalizza dokumenti mill-Każ M.6214 biex tfittex informazzjoni ġustifikanti. Jien investigajt il-kwistjoni mad-DĠ Kompetizzjoni u ma sibt l-ebda evidenza li d-DĠ Kompetizzjoni kien wettaq rieżami ġenerali tal-fajl tal-każ fil-Każ M.6214 bil-għan li jsib evidenza kuntrarja speċifika biex tintuża fil-valutazzjoni tiegħu fil-Każ M.6203. L-uniċi dokumenti li kienu ppreżentati mill-ġdid fil-Każ M.6203 deher li kienu dokumenti strateġiċi ġenerali reċenti tal-partijiet fil-Każ M.6214 u studji dwar is-suq ta’ konsulenti indipendenti, it-tnejn tat-tip li l-Kummissjoni normalment titlob mingħand il-kompetituri f’investigazzjoni dwar amalgamazzjoni. Barra minn hekk, dawn id-dokumenti ma kinux jidhru li huma, min-natura tagħhom, intrinsikament aktar negattivi jew aktar favorevoli għall-Parti Notifikanti. Fid-dawl ta’ dak li ntqal hawn fuq, jien ma rajt l-ebda raġuni biex naċċetta t-talba tal-Parti Notifikanti biex tingħata l-opportunità li teżamina mill-ġdid id-dokumenti fil-fajl tal-Każ M.6214, u għaldaqstant ċħadt it-talba.

(11)

Fil-31 ta’ Awwissu, il-Parti Notifikanti talbitni biex neżamina mill-ġdid deċiżjoni mid-DĠ Kompetizzjoni li ssir redazzjoni tar-riżultat tal-analiżi tad-dejta dwar l-offerta li tinsab fir-rapport imħejji mill-konsulenti ekonomiċi tal-Parti Notifikanti fil-kuntest tal-kamra tad-dejta (7). Billi t-talba ma kinitx raġjunata biżżejjed, fil-31 ta’ Awwissu nfurmajt lill-Parti Notifikanti li ma stajtx nindirizza t-talba qabel tingħata kjarifika suffiċjenti.

(12)

Sadattant, investigajt il-kwistjoni mad-DĠ Kompetizzjoni, li sussegwentement iddeċieda li jiżvela informazzjoni ulterjuri mir-rapport tal-konsulenti ekonomiċi lill-Parti Notifikanti.

(13)

Il-Parti Notifikanti ma pprovdietli l-ebda kjarifika dwar it-talba inizjali, u lanqas ma għamlet talba ta’ segwitu.

(14)

Fis-27 ta’ Settembru 2011, il-Parti Notifikanti bagħtitli talba biex neżamina mill-ġdid deċiżjoni tad-DĠ Kompetizzjoni, wara l-laqgħa dwar is-sitwazzjoni attwali tal-20 ta’ Settembru 2011, li kienet tirrifjuta aċċess sħiħ jew aċċess aktar speċifiku għal ċerti dejta u informazzjoni redatti miġbura mill-Kummissjoni matul l-investigazzjoni tagħha tas-suq. Il-Parti Notifikanti rċeviet aċċess għall-verżjonijiet mhux kunfidenzjali ta’ dawn id-dejta u l-informazzjoni fit-22, it-23, l-24 u s-26 ta’ Settembru (8). Jien weġibt għat-talba fit-3 ta’ Ottubru 2011, kif stipulat hawn taħt.

(15)

L-ewwel nett, il-Parti Notifikanti talbet aċċess għal informazzjoni kunfidenzjali ppreżentata minn kompetitur bi tweġiba għal mistoqsijiet fuq id-dħul fis-suq tat-3.5" Desktop sabiex tivverifika s-sejbiet tal-Kummissjoni f’dan ir-rigward. B’mod parallel għar-rieżami tiegħi ta' din il-kwistjoni, id-DĠ Kompetizzjoni organizza proċedura ta' kamra tad-dejta li tat lill-konsulenti esterni tal-Parti Notifikanti, skont regoli stretti ta’ kunfidenzjalità, l-aċċess għal aktar partijiet tal-informazzjoni ppreżentata mill-kompetitur (9). Id-DĠ Kompetizzjoni pprovda wkoll lill-Parti Notifikanti iktar informazzjoni, fil-forma limitata, fuq id-dejta oriġinarjament redatta. Fir-risposta tiegħi għal talba mill-Parti Notifikanti, jien ipprovdejt ukoll deskrizzjonijiet ġenerali tan-natura u tal-kontenut tal-informazzjoni kunfidenzjali li kienet għadha ma ġietx żvelata fil-kamra tad-dejta. Jien ikkonkludejt li l-informazzjoni li ġiet provduta kienet suffiċjenti għall-Parti Notifikanti biex tesprimi effettivament l-fehmiet tagħha dwar il-konklużjonijiet tal-Kummissjoni fuq il-punt fil-kwistjoni u ġew ippreżentati lill-Parti Notifikanti fil-laqgħa dwar is-sitwazzjoni attwali tal-20 ta’ Settembru.

(16)

Dwar l-istess kwistjoni, il-Parti Notifikanti talbet ukoll li l-Kummissjoni tikseb dejta (jiġifieri dejta li ma kinitx fil-fajl) sottostanti għall-kalkoli ta' ċerti kosti ppreżentati mill-kompetitur imsemmi fil-paragrafu preċedenti. Il-Kummissjoni tabilħaqq talbet, u kisbet, aktar informazzjoni mingħand il-kompetitur. Partijiet minn din l-informazzjoni kienu aċċessibbli fil-kamra tad-dejta msemmija hawn fuq. Jien ikkunsidrajt għalhekk li t-talba tal-Parti Notifikanti dwar din l-ewwel kwistjoni kienet ġiet indirizzata.

(17)

It-tieni, il-Parti Notifikanti lmentat miegħi li kienet irċeviet biss aċċess parzjali għal informazzjoni mibgħuta lill-Kummissjoni minn ċertu grupp ta’ klijenti bi tweġiba għal mistoqsija fuq ix-xiri tagħhom ta’ HDD. Id-DĠ Kompetizzjoni kien ta lill-Parti Notifikanti aċċess għal verżjonijiet “anonimizzati” ta' partijiet tar-risposti tal-klijenti, kif ukoll informazzjoni aggregata li turi d-distribuzzjoni ta’ xiri għal kull grupp ta’ prodotti. Il-Parti Notifikanti lmentat li, mingħajr aċċess għall-volumi ta' xirjiet tal-klijent individwali, ma setgħetx tivvaluta l-importanza relattiva tat-tweġiba ta' kull klijent u għaldaqstant il-kapaċità tagħha li tiddefendi lilha nnifisha kienet imfixkla b’mod sinifikanti.

(18)

Fir-risposta tiegħi, jien ikkunsidrajt li l-iżvelar tal-volumi individwali ta' xirjiet, kif mitlub, jista' potenzjalment jippermetti l-identifikazzjoni ta’ klijenti li wieġbu għall-kwestjonarji u kienu talbu li t-tweġibiet tagħhom jibqgħu anonimi (talba li kienet ġiet aċċettata (10)). Barra minn hekk, jien sibt li l-informazzjoni mitluba mill-Parti Notifikanti kienet taqa' fil-kategorija ta’ sigrieti kummerċjali u informazzjoni kunfidenzjali oħra. Barra minn hekk, il-Parti Notifikanti ma kienet ipprovdiet l-ebda raġuni għaliex kien meħtieġ għaliha li tivvaluta l-importanza relattiva tat-tweġiba ta' kull klijent. Fl-aħħar nett, wara rieżami tal-informazzjoni li d-DĠ Kompetizzjoni kien ipprovda lill-Parti Notifikant fit-23, l-24 u s-26 ta’ Settembru 2011, jien ikkonkludejt li din l-informazzjoni kienet tippermetti lill-Parti Notifikanti biex tikkummenta b’mod utli dwar is-sejbiet tal-Kummissjoni ppreżentati lilha fil-laqgħa dwar is-sitwazzjoni attwali tal-20 ta’ Settembru. Jiena xorta waħda pprovdejt xi informazzjoni addizzjonali biex naċċerta lill-Parti Notifikanti dwar il-kapaċità rappreżentattiva tar-risposti tal-klijenti miġbura mill-Kummissjoni.

(19)

It-tielet, il-Parti Notifikanti talbet aċċess għal sett ieħor ta’ dejta pprovduta mill-klijenti b’risposta għall-kwestjonarju tal-Kummissjoni, li, skont il-Parti Notifikanti, il-Kummissjoni dehret li kienet qed tibbaża “essenzjalment” fuqha biex issostni wħud mill-konklużjonijiet tagħha. L-ewwel nett, iċċarajt lill-Parti Notifikanti li, għall-kuntrarju tad-dikjarazzjoni tagħha, l-informazzjoni li kienet tinsab fit-tweġibiet tal-klijenti, ma kinitx kruċjali għall-konklużjonijiet tal-Kummissjoni, iżda kienet isservi biss biex tikkonferma r-riżultati ta’ investigazzjoni preċedenti tas-suq, li kienu saru aċċessibbli lill-Parti Notifikanti matul l-aċċess għall-fajl tad-19 ta’ Awwissu 2011. It-tieni, wara li nvestigajt il-kwistjoni mad-DĠ Kompetizzjoni, tlabt lil dan tal-aħħar biex jagħti lill-Parti Notifikanti l-aċċess għall-informazzjoni mitluba f’forma ta’ tabelli, inklużi l-partijiet relevanti tat-tweġibiet tal-klijenti, b’mod li jkunu jiggarantixxu l-anonimità tal-klijenti. L-aċċess ingħata parzjalment mid-DĠ Kompetizzjoni fit-28 ta’ Settembru 2011 u parzjalment minni fit-3 ta’ Ottubru 2011. Fid-dawl ta’ dan l-aċċess addizzjonali, jien ikkunsidrajt li t-talba tal-Parti Notifikanti kienet ġiet issodisfata.

(20)

Il-Parti Notifikanti ma ssottomettiet l-ebda kumment ta' segwitu jew talba ġdida wara t-tweġiba tiegħi tat-3 ta’ Ottubru.

(21)

Id-deċiżjoni tikkonkludi li t-tranżazzjoni proposta hija kompatibbli mas-suq intern u mal-Ftehim taż-ŻEE, soġġett għall-kundizzjoni li l-Parti Notifikanti tonora l-impenji li daħlet għalihom fir-rigward tal-Kummissjoni. B’mod partikolari, dawn jinkludu klawżola dwar “xerrej inizjali”, li skontha l-Parti Notifikanti ma tkunx tista’ tikkonkludi t-tranżazzjoni proposta qabel ma tkun daħlet għal ftehim vinkolanti ta’ bejgħ u xiri għall-bejgħ tan-negozju ċedut b’xerrej xieraq, li jkun approvat mill-Kummissjoni. Id-deċiżjoni ma fiha l-ebda oġġezzjoni li dwarha l-partijiet ma kellhomx l-opportunità li jesprimu l-fehmiet tagħhom.

(22)

Minbarra t-tliet talbiet dwar l-aċċess għall-fajl imsemmija fit-Taqsima II hawn fuq, jien ma rċevejt l-ebda talba jew ilment mingħand kwalunkwe parti għall-proċedimenti. Fid-dawl ta’ dan, u fid-dawl tal-konklużjoni fit-Taqsima III li d-deċiżjoni ma fiha l-ebda oġġezzjoni li dwarha l-Parti Notifikanti ma ġietx mismugħa, inqis li t-tħaddim effettiv tad-drittijiet proċedurali tal-parteċipanti kollha f’dan il-każ ġie rrispettat.

22.8.2013   

MT

Il-Ġurnal Uffiċjali tal-Unjoni Ewropea

C 241/11

(1)

Western Digital Corporation (“WD” jew “il-Parti Notifikanti”, l-Istati Uniti) tfassal, tiżviluppa, timmanifattura u tbigħ hard disk drives (“HDDs”), solid state drives (“SSDs”), hard disk drives esterni (“XHDDs”) u media players. L-operazzjonijiet tagħha huma integrati b’mod vertikali upstream fil-manifatturar tal-komponenti ewlenin, bħalma huma heads għall-qari/kitba.

(2)

Hitachi Global Storage Technologies (“HGST”, Singapor), reċentement imsemmija mill-ġdid Viviti Technologies, hija sussidjarja kollha kemm hi propjetà ta’ Hitachi, Ltd. Din tiżviluppa u timmanifattura apparat għall-ħażna diġitali, bħal HDDs u SSDs, flimkien ma’ xi XHDDs tad-ditta. Hija wkoll integrata b’mod vertikali upstream.

(3)

WD u HGST minn issa 'l quddiem huma referuti bħala “il-Partijiet”. L-entità li tirriżulta mill-konċentrazzjoni proposta minn hawn ‘il quddiem hija msemmija bħala “l-Entità Amalgamata”.

(4)

Fl-20 ta’ April 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament dwar l-Għaqdiet li bih WD takkwista, permezz tax-xiri ta' ishma, il-kontroll fi ħdan it-tifsira tal-Artikolu 3(1)(b) tar-Regolament dwar l-Amalgamazzjonijiet ta’ HGST kollha (minn hawn 'l quddiem imsejħa “it-tranżazzjoni proposta”).

(5)

Bħala riżultat tat-tranżizzjoni proposta, HGST se tiġi kkontrollata b’mod sħiħ minn WD. Għaldaqstant l-operazzjoni tikkostitwixxi konċentrazzjoni fit-tifsira tal-Artikolu 3(1)(b) tar-Regolament dwar l-Għaqdiet.

(6)

It-tranżazzjoni għandha dimensjoni tal-UE skont l-Artikolu 1(2) tar-Regolament dwar l-Għaqdiet.

(7)

Konċentrazzjoni oħra li taffettwa l-istess swieq, jiġifieri l-kisba minn Seagate (“Seagate”) ta' kontroll waħdieni fuq HDD Business of Samsung Electronics Co., Ltd (“Samsung HDD”, il-Korea ta’ Isfel) (2), kienet innotifikata lill-Kummissjoni fid-19 ta' April 2011, jum wieħed qabel it-tranżazzjoni preżenti.

(8)

B’mod konsistenti mal-prattika riċenti, il-Kummissjoni ddeċidiet li tevalwa dawn it-tranżazzjonijiet paralleli li jaffettwaw l-istess swieq skont ir-regola ta’ prijorità (“min jiġi l-ewwel, jinqeda l-ewwel”) bbażata fuq id-data ta’ notifika.

(9)

Il-Kummissjoni hija tal-Opinjoni li huwa inerenti fis-sistema ġenerali tar-Regolament dwar l-Għaqdiet li l-ewwel parti li tinnotifika konċentrazzjoni li, permezz ta’ evalwazzjoni fuq il-merti tagħha stess, ma xxekkilx b’mod sinifikanti l-kompetizzjoni effettiva fis-suq intern jew f'parti kbira minnu, l-operazzjoni tagħha tista' tiġi ddikjarata kompatibbli mas-suq intern fi ħdan il-limiti taż-żmien applikabbli. Mhuwiex meħtieġ u lanqas xieraq li jiġu kkunsidrati bidliet futuri fil-kondizzjonijiet tas-suq li jirriżultaw minn konċentrazzjonijiet sussegwentement notifikati.

(10)

L-approċċ ta’ “min jiġi l-ewwel, jinqeda l-ewwel” huwa l-uniku wieħed li jiżgura ċertezza legali biżżejjed u oġġettività. Il-Kummissjoni tfakkar li wieħed mill-għanijiet prinċipali tar-Regolament dwar l-Għaqdiet huwa li tiġi żgurata ċ-ċertezza legali.

(11)

Barra minn hekk, skont l-iskema tar-Regolament dwar l-Għaqdiet, id-data ta’ notifika hija l-bażi l-aktar xierqa għall-applikazzjoni tar-regola ta’ prijorità. Din ir-regola hija kriterju ċar u oġġettiv, determinat fil-każijiet kollha skont ir-regoli tal-Artikolu 5 tar-Regolament (KE) Nru 802/2004, li jagħmel parti minn sistema ta’ kontroll tal-amalgamazzjonijiet ibbażati fuq notifika. Kriterji oħra, bħalma huma d-data li jiġi ffirmat ftehim obbligatorju jew il-mument li konċentrazzjoni proposta ssir pubblika, huma iktar diffiċli li japplikaw u jistgħu jwasslu għal inċertezza.

(12)

Għalhekk, fid-dawl tad-dati ta' notifika, it-tranżazzjoni proposta hija evalwata billi titqies it-tranżazzjoni Seagate/Samsung li ġiet innotifikata jum wieħed qabel u approvata mill-Kummissjoni fid-19 ta’ Ottubru 2011. Il-punt tal-bidu tal-valutazzjoni tal-Kummissjoni hija struttura tas-suq mal-fornituri HDD li ġejjin: HGST, l-entità amalgamata Seagate/Samsung, Toshiba u WD.

(13)

HDDs huma apparat li jagħmel użu minn diska tar-rotazzjoni waħda jew aktar bl-uċuħ superfiċjali manjetiċi (mezzi) għall-ħżin u l-aċċess tad-dejta. L-HDDs jipprovdu ħżin ta’ dejta li ma tintilifx, jiġifieri d-dejta tibqa’ preżenti meta l-apparat ma jkunx imqabbad mal-elettriku.

(14)

Il-komponenti ewlenin ta’ hard drive huma l-Assemblaġġ tal-Head-Disk (“HDA”) u l-Assemblaġġ tal-Bord taċ-Ċirkwiti Stampati (“PCBA”). L-impriżi Toshiba u Samsung HDD jixtru komponenti kbar bħal heads u media mingħand kumpaniji terzi li jimmanifatturawhom, bħal TDK għall-heads u Showa Denko għall-media. Fornituri oħra, jiġifieri Seagate, WD u HGST, jipproduċu huma stess il-maġġoranza kbira ta’ dawn il-komponenti ewlenin.

(15)

Id-differenzazzjoni tal-HDDs hija possibbli skont il-karatteristiċi tekniċi tagħhom, bħall-qies (fatturi tal-għamla 3,5″, 2,5″, 1,8″), il-veloċità tar-rotazzjoni (ħin ta’ tfittxija), il-wisa’ għall-ħżin u t-tip ta’ interfaces.

(16)

Barra dan, l-HDDs huma ġeneralment kategorizzati skont ir-referenza tal-użu finali tagħhom, b’mod partikolari:

(17)

HDDs tal-Intrapriża huma użati l-aktar f’servers u sistemi għall-ħżin tal-intrapriża. Il-HDDs tal-Intrapriża jistgħu jkomplu jiġu mqassma f’: (i) L-HDDs ta’ Missjoni Kritika (użati f’servers jew diods tal-ħżin bi prestazzjoni għolja li jeħtieġu affidabilità ta’ 99,999 %); u (ii) L-HDDs Kritiċi fin-Negozju (użati l-aktar fil-faċilitajiet il-kbar tal-ħżin jew il-kmamar tas-servers (server farms) ta’ kumpaniji tal-internet li joperaw 24 siegħa kuljum).

(18)

L-HDDs għall-Kompjuters Desktop huma inkorporati fil-kompjuters personali maħsubin għall-użu regolari f’post wieħed (djar, negozji u netwerks b’aktar minn utent wieħed). Kważi l-HDDs kollha għall-applikazzjonijiet tal-Kompjuters Desktop huma bbażati fuq 3,5″, li joffri l-akbar wisa’ għall-ħżin bl-anqas prezz għal kull GB.

(19)

Il-HDDs Mobbli huma primarjament inkorporati f’kompjuters notebook u apparat ieħor mobbli. Il-konsumaturi jużaw kompjuters mobbli kemm fid-djar kif ukoll barra u fin-negozji. Ħafna HDDs Mobbli huma bbażati fuq 2,5″. Ġeneralment dawn l-HDDs ikunu ogħla fil-prezz u jkollhom anqas wisa’ għall-ħżin minn HDDs għall-Kompjuters Desktop 3,5″.

(20)

L-HDDs għall-Elettronika tal-Konsumatur jintużaw f’(i) reġistraturi tal-vidjows diġitali (“DVRs”) u f’dekodifikaturi li joperaw bis-satellita u bil-kejbil (“STBs”), u (ii) consoles tal-logħob. Il-HDDs fornuti għall-applikazzjonijiet tal-Elettronika tal-Konsumatur jinkludu kemm drives 3,5″ kif ukoll 2,5″ (3). B’kuntrast mal-HDDs użati fl-applikazzjonijiet tal-kompjuters personali (kemm jekk Kompjuters Desktop kif ukoll Mobbli), l-HDDs 2,5″ u 3,5″ użati fil-prodotti tal-Elettronika tal-Konsumatur huma fornuti b’kodiċi speċifiċi ta’ firmware addattati skont l-iskop speċifiku tal-applikazzjoni.

(21)

L-investigazzjoni tal-Kummissjoni żvelat li ma teżisti ebda sostitwibbiltà mil-lat tad-domanda fl-HDDs kollha billi d-diversi applikazzjonijiet tal-użu finali fejn l-HDDs huma l-biċċa l-kbira inkorporati jiddeterminaw il-ħtiġijiet tekniċi tal-HDDs (il-wisa’, l-interfaċċja, il-veloċità tar-rotazzjoni (rpm) u l-fattur tal-għamla). B’żieda ma’ dan, fi ħdan l-istess applikazzjoni tal-użu finali HDDs b’fatturi differenti tal-għamla (jiġifieri ta’ 3,5″ u 2,5″) ma jistgħux jinbidlu min-naħa tal-konsumatur.

(22)

L-HDDs użati f’applikazzjonijiet differenti tal-użu finali huma soġġetti wkoll għal dinamiki industrijali differenti u mudelli differenti tal-katina ta’ provvista. L-investigazzjoni tal-Kummissjoni indikat ukoll li m’hemmx biżżejjed sostitwibbiltà mil-lat tal-provvista fit-tipi kollha tal-HDDs f’termini ta’ effettività u immedjatezza. Fin-nuqqas ta’ tali sostitwibbiltà mil-lat tal-provvista, is-suq ma jistax jiġi mfisser f’mod aktar wiesa’.

(23)

Il-Kummissjoni fissret dawn is-swieq tal-prodott rilevanti li ġejjin: (i) L-HDDs ta’ Missjoni Kritika għall-Intrapriża (4), (ii) L-HDDs Kritiċi fin-Negozju għall-Intrapriża 3,5″, (iii) L-HDDs għall-Kompjuters Desktop 3,5″, (iv) L-HDDs għall-Elettronika tal-Konsumatur (“CE”) 3,5″ (v) L-HDDs Mobbli 2,5″ u (vi) L-HDDs għall-Elettronika tal-Konsumatur 2,5″.

(24)

L-investigazzjoni tal-Kummissjoni u d-deċiżjonijiet preċedenti indikaw li s-swieq tal-HDDs kollha huma ta’ dimensjoni mondjali.

(25)

Hard Disk Drives esterni (XHDDs) jippermettu lill-utenti tal-kompjuters personali li jżidu l-ispazju għall-ħżin tas-sistemi tal-Kompjuters Personalizzati tagħhom, tan-netwerks fid-dar u dawk żgħar fl-uffiċju tagħhom, jew tal-apparat għall-elettronika tal-konsumatur tagħhom. Dawn il-hard disk drives jipprovdu soluzzjonijiet awtonomi għall-ħżin. L-XHDDs jużaw l-HDDs bħala inputs. B’kuntrast mal-HDDs interni, l-XHDDs jinbiegħu bħala prodotti lesti fis-suq ħieles u sostanzjalment jimmiraw lejn konsumaturi differenti, l-aktar utenti finali tal-Kompjuters Personalizzati u tal-apparat għall-elettronika tal-konsumatur b’kuntrast mal-manifatturi ta’ tagħmir oriġinali (OEMs). Il-biċċa l-kbira tal-XHDDs jirrappreżentaw negozju tal-prodotti bil-marka tad-ditta.

(26)

Il-Kummissjoni tqis li l-XHDDs jikkostitwixxu suq tal-prodott separat downstream minn dak tal-HDDs. Barra minn hekk il-Kummissjoni tqis li s-suq tal-XHDDs huwa attwalment reġjonali u għalhekk għandu jiġi valutat fil-livell taż-ŻEE kollha, billi l-konsumaturi kif ukoll it-taħlita tal-konsumaturi tvarja b’mod sinifikanti bejn reġjuni differenti tad-dinja. Bl-istess mod, l-identità u n-numru tal-fornituri tal-XHDDs ivarjaw tul ir-reġjuni differenti fid-dinja.

(27)

WD bħalissa hija l-akbar fornitur tal-HDD f'termini ta' volum, u t-tieni mill-qrib wara Seagate f'termini ta' dħul. Hija l-akbar fornitur fis-swieq sinifikanti għal HDDs għall-Kompjuters Desktop 3,5″, ([40-50]* % sehem mis-suq tad-dħul) u HDDs Mobbli 2,5″ ([30-40]* % sehem mis-suq tad-dħul), hija l-akbar fornitur fis-suq għal HDDs għall-Elettronika tal-Konsumatur 3,5″ ([40-50]* % sehem mis-suq tad-dħul), u t-tieni l-ikbar fis-suq għal HDDs Kritiċi fin-Negozju 3,5″ ([30-40]* % sehem mis-suq fid-dħul).

(28)

Skont it-tranżazzjoni proposta, WD issaħħaħ il-pożizzjoni tagħha ta’ tmexxija biex issir bil-wisq l-akbar fornitur tal-HDD fis-swieq kollha tal-HDD ħlief fis-suq għal HDDs ta’ Missjoni Kritika għan-Negozju fejn WD daħlet biss riċentament. L-attivitajiet ta' WD u HGST jikkoinċidu fis-swieq tal-HDD kollha, u t-tranżazzjoni proposta ġeneralment tirriżulta f’żidiet sinifikanti għall-ishma tas-suq attwali ta' WD.

(29)

Il-Kummissjoni vvalutat l-effetti kompetittivi tat-tranżazzjoni proposta fuq kull wieħed mis-swieq relevanti.

(30)

F'konformità mar-regola tal-prijorità msemmija hawn fuq, il-kontrafattwali relevanti hija li qabel l-amalgamazzjoni, Seagate/Samsung, WD, HGST u Toshiba jibqgħu bħala kompetituri tal-HDD fis-swieq diversi ta' 2,5″ u ta' 3,5″ Kritiċi għan-Negozju u WD, Seagate/Samsung u HGST jibqgħu bħala kompetituri fis-swieq ta' Kompjuters Desktop 3,5″ u Elettronika tal-Konsumatur 3,5″.

(31)

L-istruttura tas-suq u d-dinamiki kompetittivi jvarjaw għal kull wieħed mis-swieq rilevanti tal-HDDs. Xorta waħda hemm numru ta’ fatturi rilevanti għall-istima kompetittiva tal-Kummissjoni għal kull wieħed minn dawn is-swieq, kif spjegat hawn taħt.

(32)

Il-Kummissjoni tqis li l-prodotti fis-swieq tal-HDD għandhom fatturi tal-prodotti differenzjati aktar milli prodotti purament ta’ komodità. L-investigazzjoni tal-Kummissjoni tabilħaqq ikkonfermat li t-teknoloġija u l-innovazzjoni huma importanti, u li fatturi bħal prestazzjoni (rotazzjoni, veloċità tat-tiftix), il-kwalità tal-prodott u l-affidabbiltà, l-istorbju u l-konsum tal-enerġija tal-HHDs huma fatturi importanti meta klijenti tal-OEM jiddeċiedu liema waħda jixtru. Fatturi ewlenin li jmexxu l-kompetizzjoni bejn fornituri tal-HDD differenti huma wkoll il-kapaċità tal-fornituri tal-HDD li jeżegwixxu l-pjanijiet tagħhom tajjeb u li jdaħħlu prodotti ta' kwalità għolja fis-suq fil-ħin u b’mod kost-effettiv.

(33)

L-investigazzjoni tal-Kummissjoni indikat li l-prattika tal-multisourcing hija importanti ħafna għall-konsumaturi tal-HDDs minħabba raġunijiet ta’ sigurtà tal-provvista kif ukoll biex wieħed jibbenifika mill-provvista bi prezzijiet kompetittivi. Barra dan, l-investigazzjoni tal-Kummissjoni żvelat li mill-anqas tliet fornituri kwalifikati u affidabbli huma meħtieġa għal politika effettiva ta’ multisourcing. Minn dan isegwi li l-kapaċità tal-klijenti tal-HDD li jibdlu l-fornituri u li jallokaw mill-ġdid ishma tax-xiri jkunu ferm limitati f'xenarju ta' żewġ fornituri.

(34)

Il-kompetituri għandhom kapaċitajiet u strateġiji differenti. Għall-iskop tal-analiżi tal-qrubija tal-kompetizzjoni bejn WD u HGST u l-forza tal-kompetittiva ta' HGST, il-Kummissjoni vvalutat is-saħħiet kompetittivi ta' kull waħda mill-kompetituri tal-HDD fuq il-bażi ta' riferiment varji identifikati mill-eżekuttivi ewlenin tal-Parti Notifikanti, kif ukoll mill-klijenti tal-HDD, li speċifikament huma, varjetà tal-prodott, id-disponibilità tal-prodotti u l-eżekuzzjoni tal-pjanijiet tal-prodott, il-kwalità tal-prodott, it-teknoloġija u l-kost-effettività/prezz.

(35)

L-investigazzjoni tal-Kummissjoni indikat li hemm barrieri sinifikanti għad-dħul u li m'hemm ebda dħul probabbli, f’waqtu u suffiċjenti f'xi wieħed mis-swieq tal-HDD rilevanti, la minn parteċipant ġdid fl-industrija tal-HDD u lanqas minn fornitur tal-HDD li fil-preżenti mhuwiex diġà f'suq tal-HDD speċifiku (bħad-dħul possibbli minn Toshiba f'HDD għall-Kompjuters tad-Desktop 3,5″ jew is-Swieq tal-Elettonika tal-Konsumatur 3,5″ kif spjegat aktar ’l isfel).

(36)

WD diġà hija waħda mill-fornituri ewlenin tas-suq tad-Desktop 3,5″ b'sehem tas-suq ta' [40-50]* %. Is-sehem tas-suq ta' HGST huwa [10-20]* % u għalhekk huwa insinifikanti. It-tranżazzjoni proposta se tnaqqas in-numru ta' kompetituri fis-suq tad-Desktop HHD 3,5″ minn tlieta għal tnejn. Wara l-amalgamazzjoni, l-Entità Amalgamata jkollha l-ogħla seħem tas-suq bil-valur ta' ([50-60]* %). In-nofs l-ieħor tas-suq ikun ikkontrollat minn Seagate/Samsung, b'sehem tas-suq ta' [40-50]* %. Billi Toshiba mhix preżenti f'dan is-suq, ma jkunx hemm fornitur ieħor alternattiv għall-klijenti ħlief l-Entità Amalgamata u Seagate/Samsung.

(37)

Għalkemm il-Parti Notifikanti tasserixxi li l-OEMs jirriallokaw ix-xiri tal-ishma bejn il-fornituri tal-HDD kemm-il darba t-tranżazzjoni proposta tiġi implimentata, il-Kummissjoni sabet li t-tranżazzjoni proposta hija differenti mill-konċentrazzjonijiet preċedenti fl-industrija tal-HDD. F'dawk il-każijiet preċedenti, il-Kummissjoni aċċettat li l-“Effett Conner” jista' jtaffi l-effetti tal-konċentrazzjonijiet bejn iż-żewġ kompetituri tal-HDD, peress li l-klijenti kienu kapaċi li jċaqalqu x-xiri tal-ishma u fl-aħħar mill-aħħar iżommu n-numru totali tagħhom ta' fornituri HDD kostanti (5).

(38)

Diversi sorsi ta' evidenza jikkonfermaw li l-multi-sourcing tal-fornimenti tal-HDD huwa prevalenti fis-suq tad-Desktop 3,5″. Kuntrarju għad-dikjarazzjoni tal-Parti Notifikati, anke f'xenarju ta' żewġ fornituri, il-parti l-kbira tal-OEMs jikkonfermaw li huma ma jkunux lesti li jallokaw ishma tax-xiri għolja ħafna lil fornitur wieħed tal-HDD. Dan ifisser li f'xenarju ta' żewġ fornituri, permezz tal-kostruzzjoni, is-sehem allokat lill-offerent l-aktar kompetittiv ma jistax ikun b’mod drammatiku akbar mis-sehem allokat lil offerent l-inqas kompetittiv.

(39)

Minkejja t-talba tal-Parti Notifikanti li WD/HGST u Seagate jkomplu jikkompetu b'mod intensiv għall-ogħla sehem tax-xiri ta' kull klijent HDD minkejja l-impatt tat-tneħħija ta' HGST, l-investigazzjoni tal-Kummissjoni wriet li t-tranżazzjoni proposta setgħet tat lok għal effett ta' prezz negattiv. Il-Kummissjoni tqis li l-evidenza dwar “l-aħjar rispons” ta' fornituri tal-HDD meta ffaċċjati bejn l-għażla li jikkompetu b’mod aggressiv għall-ogħla sehem tax-xiri jew inqas intensament għal sehem inqas, ma tipprovdi l-ebda indikazzjonijiet dwar l-effett li t-tneħħija tat-tielet kompetitur ikollha fuq il-kompetizzjoni bejn iż-żewġ kompetituri li jifdal. L-istess jgħodd għall-argument li wara l-amalgamazzjoni, WD/HGST u Seagate/Samsung dejjem ikollhom l-inċentiv biex inaqqsu l-prezzijiet u jżidu l-produzzjoni.

(40)

Għas-suq tal-HDD għad-Desktop 3,5″ b'żewġ fornituri biss, għax il-klijenti jeħtiġilhom multisource, l-offerent li jiġi t-tieni ma jkollux domanda ta' żero, imma għall-kuntrarju, jkollu waħda sinifikanti. F'din il-perspettiva, il-preżenza ta’ kompetitur terz x'aktarx li toħloq limitu kompetittiv sinifikanti fuq WD. Din is-sejba hija aktar valida minħabba li HGST kienet limitu kompetittiv importanti fis-suq tal-HDD għad-Desktop 3,5″ kif muri minn (i) id-dejta tal-offerti, (ii) il-preżenza ta' HGST f'OEMs kbar u (iii) dokumenti interni u stqarrijiet pubbliċi ta' WD HGST u Seagate. L-opinjonijiet li l-klijenti tas-suq tad-Desktop 3,5″ esprimew matul il-kors tal-investigazzjoni tal-Kummissjoni jikkonfermaw li t-tranżazzjoni proposta x'aktarx li tneħħi restrizzjoni importanti tal-kompetittività mis-suq tad-Desktop 3,5″ u li jkollha effett negattiv fuq il-prezz.

(41)

Mhuwiex probabbli li Seagate jkollha l-kapaċità u l-inċentiv biex iżżid il-provvista tagħha sabiex jiġu kkumpensati xi żidiet fil-prezz mill-Entità Amalgamata.

(42)

Il-Kummissjoni ssib li t-tranżazzjoni proposta żżid serjament id-diffikultajiet li OEMs kbar jiffaċċjaw biex jibdlu l-fornituri tal-HDD tagħhom. Għalhekk, is-saħħa tan-negozjar tal-OEMs se tiġi affettwata b'mod negattiv mit-tranżazzjoni proposta u l-klijenti ma jkollhomx biżżejjed poter kompensatorju biex jirribattu għaż-żieda fil-qawwa tas-suq miġjuba mit-tranżazzjoni proposta. L-evidenza mill-Partijiet tikkonferma li l-impediment sinifikanti għall-kompetizzjoni effettiva li x'aktarx isseħħ fir-rigward ta' OEMs kbar, tapplika bl-istess qawwa jew anke b'qawwa akbar għal distributuri u OEMs iżgħar, li fil-biċċa l-kbira jixtru HDDs mill-kanal ta' distribuzzjoni, kif ukoll il-fornituri tal-XHDD li jbiegħu l-HDD tagħhom fis-suq tad-Desktop 3,5″.

(43)

Il-Kummissjoni ma tistax tikkonkludi li d-dħul minn Toshiba fis-suq tad-Desktops 3,5″ se jseħħ u se jkun suffiċjenti. Barra minn hekk, il-Kummissjoni tikkonkludi li filwaqt li d-dħul minn Toshiba jista' jseħħ fi żmien sentejn normalment previsti mil-Linjigwida dwar l-Amalgamazzjonijiet Orizzontali, mhux ċert jekk tali dħul għandux ikun f'waqtu minħabba ċ-ċikli tal-ħajja qosra tal-prodott fis-suq tad-Desktops 3,5″. Il-Kummissjoni tikkonkludi li ma jeżistix dħul probabbli, f’waqtu u suffiċjenti minn kompetitur ġdid tal-HDD biex ipatti għall-effetti x'aktarx kontra l-kompetizzjoni tat-tranżizzjoni proposta.

(44)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx ser tirriżulta f'impediment sinifikanti għal kompetizzjoni effettiva fis-suq globali għal kompjuters Desktop HHDs 3,5″.

(45)

WD attwalment hija t-tieni l-akbar attur fis-suq b'sehem tas-suq ta' [40-50]* %. L-entità amalgamata WD/HGT tkun il-mexxej tas-suq li jkollha sehem fis-suq ta' [50-60]* %. Iż-żieda mis-sehem tas-suq miġjuba mit-tranżazzjoni proposta tkun ta' [10-20]* % u għalhekk sinifikanti. Wara l-amalgamazzjoni, l-Entità Amalgamata ser taffaċċja kompetitur wieħed biss, Seagate/Samsung, b'sehem tas-suq simili ([40-50]* %).

(46)

Il-fatt li xi klijenti tas-CE 3,5″ jitolbu offerti minn żewġ sorsi ta' provvista biss għal ċerti prodotti HDD ma timminax l-importanza kbira assoċjata man-numru ta' fornituri disponibbli fis-suq għal skopijiet ta' negozjar minħabba li dan jista' jkollu impatt fuq l-abbiltà tal-OEMs li jassiguraw volumi suffiċjenti tal-provvista bi prezzijiet kompetittivi. Prattikament is-CE OEMs kollha jikkonfermaw li huma jużaw il-preżenza fis-suq ta’ sorsi alternattivi tal-provvista biex jinkisbu prezzijiet aħjar minn dawk tal-fornituri tal-HDD li ġew mistiedna biex jagħmlu offerta.

(47)

WD u HGST jappartjenu għall-istess grupp ta' fornituri tal-HDD, u HGST hija għalhekk kompetitur qrib għal WD u ġeneralment forza kompetittiva importanti fis-suq 3,5″ CE.

(48)

Wara l-amalgamazzjoni ma jkunx hemm biżżejjed qawwa kompensatorja tax-xerrej, peress li l-konsumaturi mhumiex f'pożizzjoni li jpattu għall-effetti antikompetittivi probabbli tat-tranżizzjoni proposta.

(49)

Il-Kummissjoni ma tistax tikkonkludi li d-dħul minn Toshiba fis-suq tal-HDDs CE 3,5″ se jseħħ u se jkun suffiċjenti.

(50)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx ser tirriżulta f'impediment sinifikanti għal kompetizzjoni effettiva fis-suq globali għal kompjuters HHDs CE 3,5″.

(51)

Attwalment hemm erba’ fornituri fis-suq għal HDDs tal-Intrapriżi Kritiċi fin-Negozju 3,5″ Seagate/Samsung, WD, HGST u Toshiba. WD attwalment hija t-tieni l-akbar attur fis-suq b'sehem tas-suq ta' [30-40]* %. HGST hija t-tielet l-akbar attur tas-suq. L-entità amalgamata WD/HGST tkun il-mexxej tas-suq u jkollha sehem fis-suq ta' aktar minn [50-60]* %, b’żieda sinifikanti ta’ [20-30]* %.

(52)

Il-qawwiet kompetittivi ta' WD u HGST huma kumplementari f'numru ta' parametri importanti tal-kompetizzjoni, bħal portafoll tal-prodotti u l-flessibilità tal-provvista.

(53)

L-investigazzjoni tal-Kummissjoni indikat li t-tneħħija ta' HGST bħala sors importanti tal-provvista fis-suq tal-3,5″ Kritiku għan-Negozju x’aktarx ikollha effett detrimentali fuq l-abbiltà tal-klijenti li jiżguraw prezzijiet kompetittivi f'dak is-suq meta jiksbu l-provvisti tagħhom. Kuntrarju għall-opinjoni tal-Parti Notifikanti, is-sempliċi fatt li xi klijenti jużaw biss żewġ sorsi ta' provvista għal ċerti prodotti ma jdgħajjifx l-importanza kbira assoċjata man-numru disponibbli ta’ fornituri fis-suq għal skopijiet ta' negozjar billi dan jista' jkollu impatt fuq l-abbiltà tal-OEMs biex jiżguraw volumi suffiċjenti tal-provvista bi prezzijiet kompetittivi.

(54)

L-investigazzjoni mill-Kummissjoni wriet li t-tranżazzjoni proposta tneħħi r-restrizzjoni kompetittiva attwalment eżerċitata minn HGST bħala t-tielet l-aqwa attur fis-suq u attur importanti f’termini ta’ kwalità u innovazzjoni.

(55)

L-investigazzjoni tal-Kummissjoni indikat li Toshiba attwalment ma teżerċitax influwenza biżżejjed fis-suq Kritiku għan-Negozju 3,5″ biex tiskoraġġixxi jew tegħleb il-qawwa tas-suq miżjuda tal-Entità Amalgamata wara t-tranżazzjoni. Barra minn hekk, ma kien hemm l-ebda indikazzjoni ċara li Toshiba aktarx tiżviluppa restrizzjoni kompetittiva suffiċjenti b'mod biżżejjed mgħaġġel u sostnut.

(56)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx ser tirriżulta f'impediment sinifikanti għal kompetizzjoni effettiva fis-suq globali għal HHDs għall-Intrapriżi Kritiċi għan-Negozju 3,5″.

(57)

It-tranżazzjoni proposta għandha tnaqqas in-numru ta' fornituri ta' HDDs Mobbli 2,5″ minn erbgħa għal tlieta. Wara l-amalgamazzjoni, WD/HGST jkollha [40-50]* % sehem mis-suq (WD [30-40]* %; HGST [10-20]* %) u tkun qed taffaċċja lil Seagate/Samsung ([30-40]* %), kif ukoll kompetitur wieħed ieħor Toshiba ([10-20]* %).

(58)

It-tranżazzjoni proposta ma jkollhiex impatt fuq l-abbiltà tal-klijenti li jixtru m'għand diversi sorsi u li jibdlu l-fornitur fis-suq tal-Mobbli 2,5″ fejn il-klijenti se jkunu jistgħu jixtru mingħand Seagate/Samsung kif ukoll mingħand Toshiba. Jista’ jkun mistenni li Toshiba se tiggwadanja ishma fis-suq tal-HDD Mobbli 2,5″ billi maġġoranza tal-OEMs li jixtru HDDs Mobbli 2,5″ iddikjaraw li ser “jirriallokaw” l-ishma tax-xiri tal-HDD wara t-tranżazzjoni.

(59)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx mhux ser tirriżulta f'impediment sinifikanti għal kompetizzjoni effettiva fis-suq globali għal HHDs Mobbli 2,5″.

(60)

It-tranżazzjoni proposta tnaqqas in-numru ta' fornituri tal-HDDs CE 2,5″ minn erbgħa għal tlieta. Attwalment HGST hija l-fornitur fit-tieni post, wara Toshiba, fis-suq ta' 2,5″ CE b'sehem mis-suq ta' [30-40]* % f’valur. It-tranżazzjoni proposta se tirriżulta biss f’żieda żgħira ta' [0-5]* % fis-sehem tas-suq, minħabba l-preżenza fis-suq limitata ta' WD. Barra minn hekk, wara l-amalgamazzjoni, l-Entità Amalgamata ser tkompli tħabbat wiċċha mal-kompetizzjoni minn Toshiba u Seagate/Samsung, żewġ fornituri b'saħħithom li se jkollhom sehem mis-suq ta' [40-50]* % u [10-20]* % rispettivament.

(61)

It-tranżazzjoni proposta ma jkollhiex impatt fuq l-abbiltà tal-klijenti li jixtru m'għand diversi sorsi u li jibdlu l-fornitur fis-suq CE 2,5″ fejn il-klijenti se jkunu jistgħu jixtru HDDs mingħand Toshiba u Seagate/Samsung.

(62)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx mhux ser tirriżulta f'impediment sinifikanti għal kompetizzjoni effettiva fis-suq globali għal HHDs CE 2,5″.

(63)

It-tranżazzjoni proposta se tirriżulta biss f’żieda negliġibbli ([0-5]* %) għas-sehem mis-suq ta' dak li bħalissa huwa t-tieni attur fis-suq, HGST ([20-30]* %). WD u HGST mhumiex kompetituri mill-qrib peress li dan tal-aħħar huwa t-tieni attur stabbilit sew wara Seagate/Samsung ([60-70]* %) filwaqt li WD hija attur żgħir li daħlet f'dan is-suq xi ftit snin ilu iżda ltaqgħet ma' diffikultajiet sabiex tikseb sehem sinifikanti mis-suq. Għalhekk, l-operazzjoni proposta mhux se jkollha impatt materjali fuq l-istruttura kompetittiva fis-suq globali għal HDDs b'Missjoni Kritika għall-Intrapriżi.

(64)

Fid-dawl ta’ dan t’hawn fuq, il-Kummissjoni tikkonkludi li t-tranżazzjoni proposta x'aktarx mhux ser tirriżulta f'impediment sinifikanti għal kompetizzjoni effettiva fis-suq globali għal HDDs b'Missjoni Kritika għall-Intrapriżi.

(65)

Is-suq tal-XHDDs qed jikber b’rata aktar mgħaġġla minn swieq għal HDDs interni. Mil-lat tal-provvista, is-suq tal-XHDDs jidher li huwa anqas konċentrat mis-swieq tal-HDDs. B’żieda mal-produtturi tal-HDDs, hemm fornituri alternattivi tal-XHDDs li mhumiex integrati b’mod vertikali upstream fil-manifatturar tal-HDDs.

(66)

L-investigazzjoni tal-Kummissjoni indikat li WD hija l-akbar parteċipant fis-suq ([30-40]* %) u wara l-akkwist ta' HGST ([0-5]* %), l-uniċi kompetituri oħra ta' XHDD integrati jkunu Seagate/Samsung ([10-20]* %) u Toshiba (madwar 2 % biss). Il-kompetituri mhux integrati huma Iomega ([10-20]* %), LaCie ([5-10]* %), Verbatim/Freecom ([5-10]* %), Trekstor ([5-10]* %) u Buffalo ([0-5]* %).

(67)

L-investigazzjoni tal-Kummissjoni wriet li, l-ewwel nett, WD diġà hija l-attur ewlieni fl-XHDD fis-suq XHDD taż-ŻEE u l-akkwist ta' HGST ikompli jikkonsolida l-pożizzjoni ewlenija attwali tagħha. It-tieni, l-ishma tas-suq u ż-żieda jistgħu jissottovalutaw il-qawwa tas-suq tal-Entità Amalgamata u r-restrizzjoni kompetittiva eżerċitata minn HGST fuq WD. Is-suq XHDD għandu jiġi vvalutat f'perspettiva dinamika għaliex id-dħul tal-manifatturi fis-suq tal-XHDD attwalment qed jibdel b'rata mgħaġġla x-xenarju kompetittiv, u jirrifletti b'mod aktar mill-qrib is-swieq HDD upstream. It-tielet, HGST hija kompetitur mill-qrib ta’ WD. Ir-raba', l-investigazzjoni tal-Kummissjoni indikat ukoll li t-tranżazzjoni proposta tista’ żżid il-kapaċità u l-inċentiv ta' WD biex tgħolli l-ispejjeż tar-rivali mhux integrati tagħha fis-suq taż-ŻEE XHDD downstream. Fl-aħħar nett, ma hemmx fatturi kompensatorji bħal ostakli baxxi għad-dħul jew il-poter tax-xerrejja li jtaffu b’mod sinifikanti ir-restrizzjoni kompetittiva mneħħija mit-tranżazzjoni proposta.

(68)

Il-Kummissjoni tinnota li l-impenji li l-Parti Notifikanti offriet li tneħħi t-tħassib unilaterali upstream fis-swieq HDD 3,5″ ikun jipprekludi xi impediment sinifikattiv għall-kompetizzjoni effettiva milli jinħoloq downstream fis-suq XHDD taż-ŻEE. B'mod partikolari, dawn l-impenji ser jippermettu l-ħolqien ta' kompetitur ġdid, vijabbli u effettiv fuq dawk is-swieq upstream tal-HDD 3,5″.

(69)

Fid-dawl ta’ dan ta’ hawn fuq, il-Kummissjoni tikkonkludi li t-tranżazzjoni proposta, kif emendata permezz tal-impenji offruti mill-Parti Notifikanti, x’aktarx ma twassalx għal tfixkil sinifikanti għall-kompetizzjoni effettiva li toħroġ minn effetti mhux koordinati fis-suq madwar iż-ŻEE għal XHDDs.

(70)

Fid-dawl tal-valutazzjoni ta’ hawn fuq, il-Kummissjoni tikkonkludi li t-tranżazzjoni proposta x'aktarx ser tirriżulta f'impediment sinifikanti għall-kompetizzjoni effettiva fis-swieq li ġejjin: (i) is-suq dinji tal-HDD Desktop 3,5″; (ii) is-suq dinji HDD CE 3,5″; (iii) is-suq dinji HDD b’Missjoni Kritika għall-Intrapriża 3,5″; u (iv) is-suq madwar iż-ŻEE għall-XHDD.

(71)

Fis-swieq dinjija għal HDDs Desktop 3,5″ u HDDs CE 3,5″, żewġ kompetituri biss jibqgħu wara t-tranżazzjoni. Minħabba d-dħul riċenti ta' Toshiba, hemm kompetitur terz potenzjali fis-suq ta’ HDDs b’Missjoni Kritika għall-Intrapriża 3,5″ għalkemm għad trid tikseb sehem mis-suq. Il-kumpaniji jistgħu jsibuha aktar faċli biex jilħqu ftehim komuni fuq it-termini tal-kordinazzjoni jekk huma relattivament simmetriċi, inkluż f’termini ta’ ishma tas-suq. Madankollu, għadd ta' elementi jidhru li jikkumplikaw li jintlaħaq ftehim dwar it-termini tal-koordinazzjoni b’mod sostenibbli f’dawn is-swieq. F’dak li għandu x’jaqsam ma’ kollużjoni fuq il-prezz, l-investigazzjoni tal-Kummissjoni indikat li s-suq huwa kkaratterizzat minn offerti mhux trasparenti.

(72)

Fir-rigward ta’ kollużjoni taċita potenzjali fuq il-produzzjoni (eż. fuq kull sehem tal-fornitur tas-Suq Disponibbli Totali (TAM)) kull tliet xhur, jidher li l-koordinazzjoni fuq livell aggregat (bħal fil-livell ta' kull suq tal-prodott), tista' potenzjalment tiġi distabbilizzata minħabba effetti tat-taħlita tal-prodott. Kull kumpanija tkun tixtieq tikseb is-sehem tagħha bi prodotti b’marġini għoli fi ħdan is-sehem allokat tat-TAM. Koordinazzjoni effettiva u sostenibbli għalhekk teħtieġ kollużjoni fil-livell tal-prodotti u mill-inqas fuq bażi ta’ kull tliet xhur (minħabba li n-negozjati tal-prezz mal-klijenti ġeneralment iseħħu fuq mill-inqas bażi trimestrali). L-għadd kbir ta' prodotti f'suq partikolari, kif ukoll il-frekwenza ta’ negozjati fil-prezz mal-klijenti għalhekk tagħmilha anqas probabbli li jiġi implimentat proċess li bih jintlaħqu t-termini tal-kordinazzjoni.

(73)

F'kull każ, wara r-rimedji offruti mill-Parti Notifikanti, ix-xerrej futur jidħol fis-swieq kollha li fihom ikun fadal biss żewġ fornituri tal-HDDs. Huwa probabbli li x-xerrej – b'ishma tas-suq komparattivament baxxi f'dawn is-swieq – ikollu inċentivi qawwija li ma jipparteċipax fi kwalunkwe koordinazzjoni li tipprova tippreżerva l-istatus quo, jew li tiddevja mit-termini tal-kordinazzjoni.

(74)

Il-Kummissjoni tikkonkludi li t-tranżazzjoni proposta m'għandiex tirriżulta fi tfixkil sinifikanti għall-kompetizzjoni effettiva li toħroġ minn effetti koordinati fis-swieq rilevanti.

(75)

It-tranżazzjoni proposta tiġbor flimkien żewġ kumpanniji li huma diġà integrati vertikalment upstream fil-produzzjoni ta' heads u media użati fil-manifattura ta’ HHDs. Iż-żewġ Partijiet ukoll jixtru parti mir-rekwiżiti tal-heads u l-media tagħhom esternament, minn manifatturi indipendenti preżenti fis-suq kummerċjali. Il-limitu ta' dan l-użu ta' sorsi esterni ta' heads u media huwa differenti bejn WD u HGST.

(76)

Il-Kummissjoni evalwat jekk it-tranżazzjoni proposta twassalx għal riskju ta' esklużjoni tal-klijent għad-detriment ta’ fornituri tal-heads u media u l-impatt possibbli li jirriżulta fuq il-kapaċità ta’ Toshiba li tixtri komponenti kompetittivi u fl-aħħar mill-aħħar il-kapaċità tagħha li tikkompeti fis-swieq tal-HDD.

(77)

Id-dejta provduta mill-partijiet flimkien mar-riżultati tal-investigazzjoni tal-Kummissjoni wriet li filwaqt li l-Entità Amalgamata jista' jkollha ċertu kapaċità li teskludi fornituri ta’ komponenti indipendenti mhux se jkollha l-inċentiv li tagħmel dan u f'kull każ, kull tentattiv ta' esklużjoni ma jkollu l-ebda effett fuq fornituri tal-komponenti indipendenti u b'konsegwenza ta' dan fuq is-swieq HDD downstream.

(78)

Fid-dawl tal-valutazzjoni ta’ hawn fuq, il-Kummissjoni tikkonkludi li t-tranżazzjoni proposta x'aktarx mhux se tirriżulta f'impediment sinifikanti għall-kompetizzjoni effettiva li tkun ġejja minn esklużjoni tal-konsumatur.

(79)

Fuq il-bażi tal-evidenza mibgħuta mill-Parti Notifikanti, il-Kummissjoni mhix f’pożizzjoni li tikkonkludi li l-effiċjenzi ġġenerati permezz tat-tranżazzjoni proposta huma probabbli li jżidu l-kapaċità u l-inċentiv tal-Entità Amalgamata biex taġixxi favur il-kompetizzjoni għall-benefiċċju tal-konsumaturi, u b'hekk jingħelbu l-effetti negattivi fuq il-kompetizzjoni li t-tranżazzjoni proposta x’aktarx ikollha. Għaldaqstant, il-Kummissjoni mhix f’pożizzjoni li tikkonkludi li t-tranżazzjoni proposta hija kompatibbli mas-suq intern bħala riżultat tal-effiċjenzi li din iġġib magħha.

(80)

Il-Parti Notifikanti offriet impenji fit-3 ta’ Ottubru 2011. Ir-rimedji proposti essenzjalment kienu jikkonsistu f'linji tal-produzzjoni ta' qsim użati minn HGST biex jipproduċu HDDs Desktop, CE u Kritiċi għall-Intrapriżi 3,5″, flimkien ma' xi persunal u liċenzja għal drittijiet tal-IP. Il-Parti Notifikanti ssottomettiet impenji riveduti fl-10 ta’ Ottubru 2011.

(81)

L-impenji offruti mill-Parti Notifikanti fl-10 ta’ Ottubru 2011 kienu jikkonsistu fit-tneħħija ta' negozju tal-HDD ta' HGST, inklużi l-assi tanġibbli u intanġibbli ewlenin li ġejjin:

(82)

It-test tas-suq tar-rimedji mwettqa mill-Kummissjoni indika li għadd ta' titjib għar-rimedji kien meħtieġ u, l-aktar importanti, li klawżola ta' xerrej bil-quddiem u kriterji tax-xiri adatti aktar stretti kienu neċessarji sabiex tiġi żgurata l-effettività għar-rimedju propost ta' żvestiment.

(83)

Wara t-test tas-suq, fl-24 u s-27 ta' Ottubru, il-Parti Notifikanti ssottomettiet impenji mtejba li jindirizzaw l-aspetti kollha tal-impenji li kienu ġew identifikati bħala li jeħtieġu titjib, b'mod partikolari: (i) l-inklużjoni ta’ klawsola ta’ xerrej bil-quddiem u kriterji tax-xiri aktar stretti; (ii) l-inklużjoni ta' assi addizzjonali relatati ma’ HDDs 4- u 5-platter fl-ambitu tan-Negozju Żvestit; (iii) it-trasferiment ta' privattivi tax-Xerrej u ġeneralment drittijiet tal-IP aktar qawwija biex ikunu għad-dispożizzjoni tan-Negozju Żvestit; u (iv) l-provvediment għal termini kuntrattwali speċifiċi relatati mal-provvista ta' komponenti u t-twaqqif ta’ firewalls fi ħdan WD sabiex jiġi evitat li tikseb aċċess għal informazzjoni sensittiva kompetittivament tan-Negozju Żvestit.

(84)

Taħt il-klawżola ta' xerrej bil-quddiem, il-Parti Notifikanti timpenja ruħha li mhix se tagħlaq l-akkwist propost ta' HGST qabel ma tkun ikkonkludiet ftehim vinkolanti għall-bejgħ tan-Negozju Żvestit lil Xerrej xieraq li jkun approvat mill-Kummissjoni. Barra minn hekk, il-Parti Notifikanti inkludiet kriterji tax-xiri aktar stretti li skonthom ix-xerrej se jeħtieġ li (i) jkun impenjat sabiex tinżamm il-kompetittività tan-Negozju Żvestit inkluż l-iżvilupp tat-teknoloġija ta’ HDD 3,5″ f'kull wieħed mis-swieq ta’ tħassib; u (ii) jkollu esperjenza ppruvata u rekord kurrenti ta' innovatur fl-R&D fi ħdan l-industrija tal-HDD, u preferibbilment ħila ppruvata f'suq ġar ta' tħassib. Din id-dispożizzjoni flimkien ma' titjib fl-assi trasferiti u impenn akbar rigward il-provvista ta' komponenti jiżguraw il-vijabbiltà fit-tul u l-kompetittività tan-Negozju Żvestit.

(85)

L-impenji finali jipprovdu wkoll għal rwol rinfurzat tal-Fiduċjarju li jagħmel il-Monitoraġġ, għall-monitoraġġ tal-implimentazzjoni tal-impenji.

(86)

L-impenji se jippermettu ż-żamma ta’ fornitur alternattiv vijabbli u kompetittiv terz fis-swieq globali għal HDDs Desktop, CE u Kritiċi għall-Intrapriżi 3,5″, sakemm in-negozju żvestit jinxtara minn xerrej xieraq. Wara t-tranżazzjoni l-Entità Amalgamata ser tkompli tħabbat wiċċha mal-kompetizzjoni minn Seagate/Samsung u n-Negozju Żvestit (is-suċċessur ta' HGST fis-swieq konċernati). Il-klijenti f'dawn is-swieq, inklużi fornituri XHDD mhux integrati, se jkomplu jaffaċċjaw numru suffiċjenti ta' fornituri alternattivi.

(87)

Il-Kummissjoni tikkonkludi li l-impenji finali sottomessi mill-Parti Notifikanti huma biżżejjed biex jeliminaw it-tħassib tagħha rigward il-kompatibbiltà tat-tranżazzjoni proposta mas-suq intern.

(88)

Għar-raġunijiet imsemmijin hawn fuq, id-deċiżjoni tikkonkludi li l-konċentrazzjoni proposta mhijiex se xxekkel il-kompetizzjoni effettiva fis-suq intern jew f'xi parti sostanzjali minnu b'mod sinifikanti.

(89)

Bħala konsegwenza l-konċentrazzjoni għandha tiġi ddikjarata bħala kompatibbli mas-suq intern u mat-tħaddim tal-Ftehim taż-ŻEE, b’konformità mal-Artikolu 2(2) u l-Artikolu 8(2) tar-Regolament dwar l-Għaqdiet u mal-Artikolu 57 tal-Ftehim taż-ŻEE.

22.8.2013   

MT

Il-Ġurnal Uffiċjali tal-Unjoni Ewropea

C 241/19

1.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-Kummissjoni li l-operazzjoni nnotifikata tikkostitwixxi konċentrazzjoni fit-tifsira tal-Artikolu 3(1)(b) tar-Regolament dwar l-Għaqdiet.

2.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-Kummissjoni li t-tranżazzjoni nnotifikata għandha dimensjoni tal-UE fit-tifsira tal-Artikolu 1(2) tar-Regolament dwar l-Għaqdiet.

3.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu ma' kif il-Kummissjoni tiddefinixxi s-swieq tal-prodotti relevanti fl-abbozz tad-Deċiżjoni.

B’mod partikolari, dwar id-definizzjoni tas-suq tal-prodotti, ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-Kummissjoni li l-impatt tat-tranżazzjoni proposta jrid jiġi evalwat skont is-swieq li ġejjin:

4.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mad-definizzjoni tas-suq ġeografiku għall-:

5.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-Kummissjoni li, għall-fini tal-valutazzjoni kompetittiva tat-tranżazzjoni proposta, l-approċċ l-aktar xieraq huwa li jiġi adottat il-prinċipju ta' prijorità (“min jiġi l-ewwel jinqeda l-ewwel”) fuq il-bażi tad-data tan-notifika u li t-tranżazzjoni proposta trid tiġi vvalutata filwaqt li titqies it-tranżazzjoni Seagate/Samsung li ġiet approvata bid-deċiżjoni tal-Kummissjoni tad-19 ta' Ottubru 2011 (Każ COMP/M.6214 – Seagate/HDD Business of Samsung).

6.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jabqlu mal-konklużjoni tal-Kummissjoni li t-tranżazzjoni proposta x'aktarx mhijiex se twassal għal effetti mhux koordinati li jfixklu b’mod sinifikanti l-kompetizzjoni effettiva fis-swieq globali tal-HDDs għal Missjonijiet Kritiċi, HDDs 2,5″ Mobbli u HDDs 3,5″ CE.

7.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-valutazzjoni tal-Kummissjoni li t-tranżazzjoni proposta kif nnotifikata x'aktarx twassal għal tfixkil sinifikanti lill-kompetizzjoni effettiva bħala riżultat tal-effetti mhux koordinati fis-swieq globali għal HDDs 3,5″ għal Kompjuters Desktop, HDDs 3,5″ CE u HDDs 3,5″ Kritiċi fin-Negozju.

8.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-valutazzjoni tal-Kummissjoni li minkejja li hemm indikazzjonijiet li t-tranżazzjoni proposta kif innotifikata tista' twassal għal tfixkil sinifikanti lill-kompetizzjoni effettiva bħala riżultat tal-effetti mhux koordinati fis-suq tal-XHDD madwar iż-ŻEE, fid-dawl tar-rimedji li jneħħu t-tfixkil sinifikanti lill-kompetizzjoni effettiva fis-swieq globali aktar 'il fuq fil-katina ta' attivitajiet għal HDDs 3,5″ għal Kompjuters Desktop, HDDs 3,5″ CE u HDDs 3,5″ Kritiċi fin-Negozju, it-tranżazzjoni proposta xorta waħda ma għandhiex twassal għal tfixkil sinifikanti lill-kompetizzjoni effettiva fis-suq aktar 'l isfel fil-katina ta' attivitajiet tal-XHDD fiż-ŻEE kollha.

9.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-valutazzjoni tal-Kummissjoni li t-tranżazzjoni proposta x'aktarx mhijiex se twassal għal effetti koordinati li jfixklu b’mod sinifikanti l-kompetizzjoni effettiva fis-swieq globali tal-HDD u fis-suq tal-XHDD madwar iż-ŻEE.

10.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jikkondividu l-konklużjoni tal-Kummissjoni li t-tranżazzjoni proposta x'aktarx mhijiex se tfixkel b'mod sinifikanti l-kompetizzjoni effettiva bħala riżultat tal-esklużjoni tal-manifatturi tal-komponenti (heads u media) minn biżżejjed klijentela li min-naħa tagħhom jimminaw l-abbiltà ta' Toshiba li tikkompeti fis-swieq tal-HDD.

11.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-opinjoni tal-Kumissjoni li l-effiċjenzi allegati li nħolqu mit-tranżazzjoni proposta ma jippermettux lill-Kummissjoni li tiddikjara t-tranżazzjoni proposta, kif innotifikata, kompatibbli mas-suq intern meta mqabbla mas-swieq globali għal 3,5″ Kopjuters Desktop, CE 3,5″ u HDDs 3,5″ Kritiċi fin-Negozju u fis-suq tal-XHDDs fiż-ŻEE kollha.

12.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-opinjoni tal-Kummissjoni li l-pakkett ta' rimedji mressaq mill-Partijiet jindirizza bi sħiħ it-tħassib tal-kompetizzjoni identifikat mill-Kummissjoni dwar is-suq globali għal HDDs 3,5″ Kritiċi fin-Negozju, is-suq globali għal HDDs 3,5″ tal-Kompjuters Desktop, is-suq globali għal CE HDDs 3,5″ u s-suq tal-XHDDs fiż-ŻEE kollha.

13.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-konklużjoni tal-Kummissjoni li, bil-kundizzjoni ta' konformità sħiħa mal-impenji offerti mill-Partijiet, it-tranżazzjoni proposta x’aktarx ma tfixklix b'mod sinifikanti l-kompetizzjoni effettiva fis-suq intern jew f'parti sostanzjali minnu.

14.

Ir-rappreżentant tal-Istati tal-EFTA u l-Awtorità ta’ Sorveljanza tal-EFTA jaqblu mal-konklużjoni tal-Kummissjoni li l-konċentrazzjoni nnotifikata trid tiġi ddikjarata kompatibbli mas-suq intern u mat-tħaddim tal-Ftehim ŻEE skont l-Artikoli 2(2) u 8(2) tar-Regolament dwar l-Għaqdiet u l-Artikolu 57 tal-Ftehim ŻEE.

22.8.2013   

MT

Il-Ġurnal Uffiċjali tal-Unjoni Ewropea

C 241/22

Il-Ministeru Norveġiż tat-Trasport u l-Komunikazzjonijiet

Dipartiment tat-Trasport Pubbliku u l-Ferrovija

Kaxxa tal-Uffiċċju Postali 8010 Dep

0030 Oslo

NORWAY

Hedmark fylkeskommune

PO Box 4404

2325 Hamar

NORWAY

22.8.2013   

MT

Il-Ġurnal Uffiċjali tal-Unjoni Ewropea

C 241/23

Il-Ministeru Norveġiż tat-Trasport u l-Komunikazzjonijiet

Dipartiment tat-Trasport Pubbliku u l-Ferrovija

Kaxxa tal-Uffiċċju Postali 8010 Dep

0030 Oslo

NORWAY

22.8.2013   

MT

Il-Ġurnal Uffiċjali tal-Unjoni Ewropea

C 241/24

1.

Fl-14 ta’ Awwissu 2013, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Joint Stock Company United Petrochemical Company (“UPC”, ir-Russja) u Grupo Petrotemex SA de CV (“GPT”, il-Messiku) jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta’ impriża konġunta li għadha kif inħolqot (il-“JV”, il-Pajjiżi l-Baxxi) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6950 – UPC/GPT/JV, fl-indirizz li ġej:

22.8.2013   

MT

Il-Ġurnal Uffiċjali tal-Unjoni Ewropea

C 241/26

1.

Fis-16 ta’ Awwissu 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Vodafone Group Plc. (“Vodafone”, ir-Renju Unit) takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Kabel Deutschland Holding AG (“KDG”, il-Ġermanja) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6990 – Vodafone/Kabel Deutschland, fl-indirizz li ġej: