2.8.2013   

MT

Il-Ġurnal Uffiċjali tal-Unjoni Ewropea

L 206/1

2.8.2013   

MT

Il-Ġurnal Uffiċjali tal-Unjoni Ewropea

L 206/2

(1)

Ir-Regolament tal-Kunsill (UE) Nru 39/2013 tas-21 ta’ Jannar 2013 li jiffissa għall-2013, l-opportunitajiet tas-sajd disponibbli għall-bastimenti tal-UE għal ċerti stokkijiet tal-ħut u għal ċerti gruppi ta’ stokkijiet tal-ħut li mhumiex suġġetti għal negozjati jew ftehimiet internazzjonali (2), jistabbilixxi l-kwoti għall-2013.

(2)

Skont l-informazzjoni li waslet għand il-Kummissjoni, il-qabdiet li saru tal-istokk imsemmi fl-Anness ta’ dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih eżawrew il-kwota allokata lilhom għall-2013.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

2.8.2013   

MT

Il-Ġurnal Uffiċjali tal-Unjoni Ewropea

L 206/4

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

2.8.2013   

MT

Il-Ġurnal Uffiċjali tal-Unjoni Ewropea

L 206/6

(1)

Fit-13 ta’ Settembru 2010 il-Kunsill adotta d-Deċiżjoni 2010/570/UE, Euratom li taħtar il-membri tal-Kumitat Ekonomiku u Soċjali Ewropew għall-perijodu mill-21 ta’ Settembru 2010 sal-20 ta’ Settembru 2015 (1).

(2)

Post ta' membru fil-Kumitat Ekonomiku u Soċjali Ewropew sar vakanti wara t-tmiem tal-mandat tas-Sur Alberto NADAL BELDA,

2.8.2013   

MT

Il-Ġurnal Uffiċjali tal-Unjoni Ewropea

L 206/7

(1)

Ir-Regolament (KE) Nru 854/2004 jippreskrivi regoli speċifiċi għall-organizzazzjoni ta’ kontrolli uffiċjali fuq il-prodotti li joriġinaw mill-annimali. B’mod partikolari, jistipula li prodotti li joriġinaw mill-annimali għandhom jiġu importati biss minn pajjiż terz jew parti ta’ pajjiż terz li jidher fuq il-lista mfassla u aġġornata skont dak ir-Regolament.

(2)

Ir-Regolament (KE) Nru 854/2004 jipprovdi wkoll li, fit-tfassil u l-aġġornamenti ta’ listi bħal dawn, għandhom jitqiesu l-kontrolli min-naħa tal-Unjoni f’pajjiżi terzi u l-garanziji min-naħa tal-awtoritajiet kompetenti ta’ pajjiżi terzi fir-rigward tal-konformità jew l-ekwivalenza mal-liġi tal-Unjoni dwar l-għalf u l-ikel u regoli dwar saħħet l-annimali kif speċifikat fir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (2).

(3)

Id-Deċiżjoni tal-Kummissjoni 2006/766/KE tas-6 ta’ Novembru 2006 li tistabbilixxi l-listi ta’ pajjiżi terzi u territorji li minnhom l-importazzjonijiet ta’ molluski bivalvi, ekinodermi, tunikati, gastropodi tal-ibħra u prodotti tas-sajd huma permessi (3), telenka dawk il-pajjiżi terzi li jissodisfaw il-kriterji msemmija fir-Regolament (KE) Nru 854/2004 u li għaldaqstant huma f’pożizzjoni li jiggarantixxu li dawk il-prodotti jissodisfaw il-kundizzjonijiet sanitarji stipulati fil-leġiżlazzjoni tal-Unjoni biex titħares saħħet il-konsumaturi u jistgħu skont dan jiġu esportati lejn l-Unjoni. B’mod partikolari, l-Anness II ta’ din id-Deċiżjoni jistabbilixxi lista ta’ pajjiżi terzi u territorji li minnhom l-importazzjonijiet fl-Unjoni ta’ prodotti tas-sajd għall-konsum mill-bniedem huma permessi. Din il-lista tindika wkoll ir-restrizzjonijiet fuq dawn l-importazzjonijiet minn ċerti pajjiżi terzi.

(4)

Fid-19 ta’ Diċembru 2012, l-awtorità kompetenti ta’ Tristan da Cunha, parti minn Saint Helena, il-Gżira ta’ Ascension u Tristan da Cunha, f’territorju barrani tar-Renju Unit, ippreżentat lill-Kummissjoni applikazzjoni għall-awtorizzazzjoni tal-importazzjonijiet ta’ Awwista (friska jew iffriżata) fl-Unjoni. L-applikazzjoni kienet appoġġjata minn deskrizzjoni dettaljata tas-sistema ta’ kontroll u informazzjoni oħra meħtieġa biex tiġi żgurata protezzjoni tas-saħħa tal-konsumatur adegwata relatata ma’ awwista esportata lejn l-Unjoni. Din l-informazzjoni kienet sussegwentement ivvalutata mill-Kummissjoni u ma ġew identifikati ebda defiċjenzi. Fuq il-bażi tal-informazzjoni disponibbli u garanziji, Tristan da Cunha tista’ tiġi inklża fil-lista tal-Anness II għad-Deċiżjoni 2006/766/KE għal awwista.

(5)

Skont id-Deċiżjoni tal-Kunsill Ewropew 2012/419/UE tal-11 ta’ Lulju 2012 li temenda l-istatus ta’ Mayotte fir-rigward tal-Unjoni Ewropea (4), Mayotte mhux se tibqa’ pajjiż jew territorju barrani u se ssir reġjun ultraperiferiku tal-Unjoni fi ħdan it-tifsira tal-Artikolu 349 tat-Trattat dwar il-Funzjonament tal-Unjoni Ewropea, b’effett mill-1 ta’ Jannar 2014. L-annotazzjoni għal Mayotte fl-Anness II tad-Deċiżjoni 2006/766/KE għandhom għalhekk jitneħħew f’dik id-data.

(6)

Għalhekk, id-Deċiżjoni 2006/766/KE għandha tiġi emendata skont dan.

(7)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

2.8.2013   

MT

Il-Ġurnal Uffiċjali tal-Unjoni Ewropea

L 206/9

(1)

Id-Deċiżjoni tal-Kummissjoni 93/195/KEE tat-2 ta’ Frar 1993 dwar is-saħħa tal-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja (2) tistabbilixxi diversi mudelli taċ-ċertifikati tas-saħħa għad-dħul mill-ġdid fl-Unjoni ta’ żwiemel reġistrati esportati temporanjament lejn pajjiżi terzi biex jieħdu sehem fi tlielaq, kompetizzjonijiet u okkażjonijiet kulturali.

(2)

Il-mudell taċ-ċertifikat tas-saħħa għad-dħul mill-ġdid fl-Unjoni Ewropea ta’ żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja għal perjodu ta’ mhux iktar minn 30 jum, huwa stipulat fl-Anness II ta' dik id-Deċiżjoni.

(3)

Id-Deċiżjoni tal-Kummissjoni 2007/240/KE (3) li tistabbilixxi ċ-ċertifikati veterinarji l-ġodda għall-importazzjoni ta’ annimali ħajjin, tas-semen, tal-embrijuni, tal-ova u tal-prodotti li joriġinaw mill-annimali fil-Komunità skont, inter alia, id-Deċiżjoni 93/195/KEE tistabbilixxi mudell standardizzat taċ-ċertifikat tas-saħħa.

(4)

Hu meħtieġ li l-mudell taċ-ċertifikat tas-saħħa fl-Anness II tad-Deċiżjoni 93/195/KEE jiġi adattat għall-mudell previst fid-Deċiżjoni 2007/240/KE.

(5)

Barra minn hekk, l-Anness II tad-Deċiżjoni 93/195/KEE, kif emendat mid-Deċiżjoni tal-Kummissjoni 2010/266/UE tat-30 ta’ April 2010 li temenda d-Deċiżjonijiet 92/260/KEE, 93/195/KEE, 93/197/KEE u 2004/211/KE dwar l-importazzjoni ta’ żwiemel irreġistrati minn ċerti partijiet taċ-Ċina u l-adattament ta’ ċerti denominazzjonijiet ta’ pajjiżi terzi (4), jeħtieġ ċerti korrezzjonijiet għal finijiet ta’ ċarezza legali.

(6)

Id-Deċiżjoni 93/195/KEE għandha għalhekk tiġi emendata skont dan.

(7)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

2.8.2013   

MT

Il-Ġurnal Uffiċjali tal-Unjoni Ewropea

L 206/13

(1)

Id-Direttiva 2002/99/KE tistabbilixxi r-regoli ġenerali dwar is-saħħa tal-annimali li jirregolaw l-istadji kollha tal-produzzjoni, l-ipproċċessar u d-distribuzzjoni ta’ prodotti li joriġinaw mill-annimali fl-Unjoni, inkluża l-introduzzjoni tagħhom fl-Unjoni minn pajjiżi terzi.

(2)

L-Artikolu 4 tad-Direttiva 2002/99/KE jistipula li l-Istati Membri jistgħu jawtorizzaw, suġġett għal konformità ma’ ċerti kundizzjonijiet, il-produzzjoni, l-ipproċessar u d-distribuzzjoni tal-prodotti li joriġinaw mill-annimali li ġejjin minn territorju jew parti minnu soġġetti għal restrizzjonijiet ta’ saħħa tal-annimali. L-Anness III ta’ dik id-Direttiva jistipula tabella li telenka t-trattamenti li jistgħu jiġu applikati għal prodotti li joriġinaw mill-annimali sabiex jiġu eliminati r-riskji tas-saħħa tal-annimali marbutin mal-laħam u l-ħalib. Dawk it-trattamenti mhumiex skont it-trattamenti rakkomandati fil-kapitoli rilevanti tal-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (Kodiċi Terrestri tal-OIE).

(3)

Fil-Kapitolu dwar il-marda tal-ilsien u d-dwiefer tal-Kodiċi Terrestri tal-OIE, ġie inkluż trattament li jiżgura l-inattivazzjoni tal-virus tal-marda tal-ilsien u d-dwiefer fil-laħam.

(4)

Dak it-trattament għandu għalhekk jiġi inkluż fil-lista ta’ trattamenti fit-Tabella stabbilita fl-Anness III għad-Direttiva 2002/99/KE bħala effettiva biex ikun eliminat ir-riskju tal-marda tal-ilsien u d-dwiefer fil-laħam.

(5)

Barra minn dan, ir-referenza għal “il-pesta tan-nagħaġ u l-mogħoż” fit-Tabella stabbilita fl-Anness III għad-Direttiva 2002/99/KE għandha tiġi sostitwita b’“peste des petits ruminants (“pesta tar-ruminanti żgħar”) sabiex tiġi riflessa d-denominazzjoni uffiċjali ta’ dik il-marda fil-Kodiċi Terrestri tal-OIE. Barra minn hekk, in-numru “1” fit-titolu tat-tabella għandu jitħassar u it-terminu “LAĦAM” qabel it-trattamenti għall-ħalib għandu jiġi sostitwit b’ĦALIB”.

(6)

L-Anness III għad-Direttiva 2002/99/KE għandu għalhekk jiġi emendat skont dan.

(7)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

2.8.2013   

MT

Il-Ġurnal Uffiċjali tal-Unjoni Ewropea

L 206/16

(1)

Skont l-Artikolu 60(1) u (2) tar-Regolament (KE) Nru 1224/2009, Stat Membru għandu jiżgura li l-prodotti tas-sajd kollha jintiżnu mal-iżbark, qabel ma l-prodotti tas-sajd jinħażnu, jiġu ttrasportati jew jinbiegħu, fuq sistemi approvati mill-awtoritajiet tal-kontroll, dment li dak l-Istat Membru ma jkunx adotta pjan ta’ teħid ta’ kampjuni approvat mill-Kummissjoni. Pjan ta’ teħid ta’ kampjuni bħal dan għandu jkun skont il-metodoloġija bbażata fuq ir-riskju stipulata fl-Artikolu 76(1) u l-Anness XIX tar-Regolament ta’ Implimentazzjoni tal-Kummissjoni (UE) Nru 404/2011 (2).

(2)

Skont l-Artikolu 61(1) tar-Regolament (KE) Nru 1224/2009, Stat Membru jista’ jippermetti li l-prodotti tas-sajd jintiżnu wara t-trasport mill-post tal-iżbark jekk dawn jiġu ttrasportati lejn destinazzjoni fit-territorju tal-Istat Membru, sakemm dak l-Istat Membru jkun adotta pjan ta’ kontroll approvat mill-Kummissjoni. Pjan ta’ teħid ta’ kampjuni bħal dan għandu jkun konformi mal-metodoloġija bbażata fuq ir-riskju stipulata fl-Artikolu 77(1) u fl-Anness XXI tar-Regolament ta’ Implimentazzjoni (UE) Nru 404/2011.

(3)

Skont l-Artikolu 61(2) tar-Regolament (KE) Nru 1224/2009, l-awtoritajiet ta’ kontroll tal-Istat Membru li fih jiġu żbarkati l-prodotti tas-sajd jista’ jippermetti t-trasport qabel l-użin ta’ dawn il-prodotti lil xerrejja reġistrati, stabbilimenti tal-irkant reġistrati jew korpi jew persuni oħra li huma responsabbli għall-ewwel kummerċjalizzazzjoni ta’ prodotti tas-sajd fi Stat Membru ieħor, sakemm l-Istati Membri kkonċernati jkunu adottaw programm ta’ kontroll komuni approvat mill-Kummissjoni, kif imsemmi fl-Artikolu 94 tar-Regolament (KE) Nru 1224/2009. Programm ta’ teħid ta’ kampjuni bħal dan għandu jkun skont il-metodoloġija bbażata fuq ir-riskju stipulata fl-Artikolu 77(3) u fl-Anness XXII tar-Regolament ta’ Implimentazzjoni (UE) Nru 404/2011.

(4)

Il-Kummissjoni approvat, bid-Deċiżjoni ta’ Implimentazzjoni 2012/474/UE (3), l-ewwel grupp ta’ pjanijiet għat-teħid ta’ kampjuni adottati mill-Ġermanja, mill-Irlanda, mil-Litwanja, mill-Pajjiżi l-Baxxi, mill-Polonja, mill-Finlandja u mir-Renju Unit u ta’ pjanijiet ta’ kontroll adottati mill-Ġermanja, mill-Estonja, mill-Irlanda, mill-Polonja, mill-Finlandja u mir-Renju Unit. Fid-Deċiżjoni ta’ Implimentazzjoni 2013/78/UE (4), il-Kummissjoni approvat it-tieni grupp ta’ pjanijiet ta’ teħid ta’ kampjuni adottati mill-Bulgarija, mil-Latvja, mis-Slovenja u mill-Isvezja u pjan ġdid ta’ teħid ta’ kampjuni adottat mill-Pajjiżi l-Baxxi, pjan ta’ kontroll adottati minn Franza u programm ta’ kontroll komuni miftiehma mill-Irlanda u minn Franza.

(5)

Mill-adozzjoni tad-Deċiżjoni ta’ Implimentazzjoni 2013/78/UE, pjan ta’ teħid ta’ kampjuni ġie ppreżentat fis-27 ta’ Frar 2013 minn Spanja, pjan ta’ kontroll ġie ppreżentat fit-8 ta’ Novembru 2012 mill-Isvezja u programmi ta’ kontroll komuni ġew ppreżentati fit-18 ta’ Diċembru 2012, u mill-Belġju u minn Franza u fl-14 ta’ Novembru 2012 mill-Belġju u mill-Irlanda. Dan il-pjan għat-teħid ta’ kampjuni, dan il-pjan ta’ kontroll u dawn il-programmi ta’ kontroll komuni huma konformi mal-metodoloġiji rilevanti bbażati fuq ir-riskju. Għalhekk, dawn għandhom jiġu approvati.

(6)

Il-Kummissjoni għandha tkun f’pożizzjoni li tirrevoka l-approvazzjoni jekk jidher illi l-Istat Membru kkonċernat ma japplikax jew mhux qed japplika bis-sħiħ il-pjanijiet għat-teħid ta’ kampjuni, il-pjan ta’ kontroll jew il-programm ta’ kontroll komuni.

(7)

Il-Kummissjoni se tissorvelja l-applikazzjoni tal-pjanijiet għat-teħid ta’ kampjuni, tal-pjan ta’ kontroll u tal-programm ta’ kontroll komuni kemm fir-rigward tat-tħaddim effettiv tagħhom kif ukoll tar-reviżjoni regolari tagħhom mill-Istat Membru kkonċernat. Għal dik ir-raġuni l-Istati Membri għandhom jirrapportaw lill-Kummissjoni dwar l-applikazzjoni ta’ dawn il-pjanijiet. Jekk jidher li tali pjan jew programm ma jiżgurax użin adegwat, l-Istat Membru kkonċernat għandu jissottometti pjan jew programm rivedut lill-Kummissjoni għall-approvazzjoni tagħha.

2.8.2013   

MT

Il-Ġurnal Uffiċjali tal-Unjoni Ewropea

L 206/s3

2.8.2013   

MT

Il-Ġurnal Uffiċjali tal-Unjoni Ewropea

L 206/s3