EUR-Lex Access to European Union law
This document is an excerpt from the EUR-Lex website
Document 32012R0938
Commission Implementing Regulation (EU) No 938/2012 of 12 October 2012 fixing the interest rates to be used for calculating the costs of financing intervention measures comprising buying-in, storage and disposal for the 2013 EAGF accounting year
Regolament ta’ Implimentazzjoni tal-Kummissjoni (UE) Nru 938/2012 tat- 12 ta’ Ottubru 2012 li jistabbilixxi r-rati tal-imgħax li għandhom jintużaw sabiex jiġu kkalkulati l-ispejjeż għall-finanzjament tal-miżuri ta’ intervent, li jikkonsistu fix-xiri, il-ħżin u r-rimi tal-ħażniet għas-sena ta’ kontabbiltà tal-2013 tal-FAEG
Regolament ta’ Implimentazzjoni tal-Kummissjoni (UE) Nru 938/2012 tat- 12 ta’ Ottubru 2012 li jistabbilixxi r-rati tal-imgħax li għandhom jintużaw sabiex jiġu kkalkulati l-ispejjeż għall-finanzjament tal-miżuri ta’ intervent, li jikkonsistu fix-xiri, il-ħżin u r-rimi tal-ħażniet għas-sena ta’ kontabbiltà tal-2013 tal-FAEG
ĠU L 280, 13.10.2012, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
13.10.2012 |
MT |
Il-Ġurnal Uffiċjali tal-Unjoni Ewropea |
L 280/3 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 938/2012
tat-12 ta’ Ottubru 2012
li jistabbilixxi r-rati tal-imgħax li għandhom jintużaw sabiex jiġu kkalkulati l-ispejjeż għall-finanzjament tal-miżuri ta’ intervent, li jikkonsistu fix-xiri, il-ħżin u r-rimi tal-ħażniet għas-sena ta’ kontabbiltà tal-2013 tal-FAEG
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (1), u b’mod partikolari l-Artikolu 3(3) tiegħu,
Billi:
(1) |
L-Artikolu 4(1)(a) tar-Regolament tal-Kummissjoni (KE) Nru 884/2006 tal-21 ta’ Ġunju 2006 li jistabbilixxi r-regoli dettaljati għall-applikazzjoni tar-Regolament tal-Kunsill (KE) Nru 1290/2005 rigward il-finanzjament mill-Fond Agrikolu Ewropew ta’ Garanzija (FAEG) tal-miżuri ta’ intervent taħt forma ta’ operazzjonijiet ta’ ħżin pubbliku u l-kontabbiltà tal-operazzjonijiet ta’ ħżin pubbliku mill-aġenziji tal-ħlas tal-Istati Membri (2), jistipula li l-infiq marbut mal-ispejjeż ta’ finanzjament li jġarrbu l-Istati Membri biex jimmobilizzaw il-fondi għax-xiri tal-prodotti għandu jiġi determinat skont il-metodi stabbiliti fl-Anness IV ta’ dak ir-Regolament. |
(2) |
Skont l-ewwel paragrafu tal-punt I.1 tal-Anness IV tar-Regolament (KE) Nru 884/2006 il-kalkolu tal-ispejjeż ta’ finanzjament konċernati jsir abbażi ta’ rata tal-imgħax uniformi għall-Unjoni stabbilita mill-Kummissjoni fil-bidu ta’ kull sena ta’ kontabbiltà. Din ir-rata tal-imgħax tikkorrispondi għall-medja tar-rati bil-quddiem tal-Euribor għal terminu ta’ tliet xhur u ta’ tnax-il xahar, reġistrati matul is-sitt xhur ta’ qabel in-notifika mill-Istati Membri stipulata fl-ewwel paragrafu tal-punt I.2 tal-Anness IV imsemmi qabel, u b’ponderazzjoni (b’valur) ta’ terz u żewġ terzi rispettivament. Din ir-rata trid tiġi stabbilita fil-bidu ta’ kull sena ta’ kontabbiltà tal-FAEG. |
(3) |
Madankollu, jekk ir-rata tal-imgħax innotifikata minn Stat Membru tkun inqas mir-rata tal-imgħax uniformi stabbilita għall-Unjoni, f’konformità mat-tieni paragrafu tal-punt I.2 tal-Anness IV tar-Regolament (KE) Nru 884/2006, ir-rata tal-imgħax għandha tiġi stabbilita fil-livell tar-rata nnotifikata. |
(4) |
Barra minn hekk, f’konformità mat-tielet paragrafu tal-punt I.2 tal-Anness IV tar-Regolament (KE) Nru 884/2006, fin-nuqqas ta’ kwalunkwe notifika minn Stat Membru, fl-għamla u sal-iskadenza msemmija fl-ewwel paragrafu tal-punt I.2 tal-Anness IV imsemmi, ir-rata tal-imgħax imġarrba minn dak l-Istat Membru għandha titqies li hija ta’ 0 %. Jekk Stat Membru jiddikjara li ma ġarrab l-ebda spejjeż tal-imgħax għaliex ma kellux prodotti agrikoli mqegħda fil-ħżin pubbliku matul il-perjodu ta’ referenza, ir-rata tal-imgħax uniformi stabbilita mill-Kummissjoni għandha tapplika għal dak l-Istat Membru. L-Awstrija, il-Bulgarija, ir-Repubblika Ċeka, id-Danimarka, l-Estonja, il-Greċja, Spanja, l-Italja, Ċipru, il-Latvja, il-Lussemburgu, Malta, il-Polonja, il-Portugal, ir-Rumanija, is-Slovenja u s-Slovakkja ddikjaraw li ma ġarrbu l-ebda spejjeż tal-imgħax billi ma kellhomx prodotti agrikoli fil-ħżin pubbliku matul il-perjodu ta’ referenza. |
(5) |
Fid-dawl tan-notifiki tal-Istati Membri lill-Kummissjoni, ir-rati tal-imgħax applikabbli għas-sena ta’ kontabbiltà tal-2013 tal-FAEG għandhom jiġu stabbiliti billi jitqiesu dawn id-diversi fatturi. |
(6) |
Il-miżuri previsti f’dan ir-Regolament huma konformi mal-opinjoni tal-Kumitat dwar il-Fondi Agrikoli, |
ADOTTAT DAN IR-REGOLAMENT:
Artikolu 1
Għan-nefqa marbuta mal-ispejjeż ta’ finanzjament imġarrba mill-Istati Membri fil-mobilizzazzjoni tal-fondi għax-xiri ta’ prodotti li għandhom jitħallsu mis-sena ta’ kontabbiltà 2013 tal-Fondi Agrikoli Ewropej ta’ Garanzija (FAEG), ir-rati tal-imgħax previsti fl-Anness IV tar-Regolament (KE) Nru 884/2006 skont l-Artikolu 4(1)(a) tal-istess Regolament għandhom ikunu ta’:
(a) |
0,2 % fil-każ tar-rata tal-imgħax speċifika applikabbli fil-Finlandja |
(b) |
0,3 % fil-każ tar-rata tal-imgħax speċifika applikabbli fil-Ġermanja |
(c) |
0,5 % fil-każ tar-rata tal-imgħax speċifika applikabbli fir-Renju Unit u fl-Irlanda |
(d) |
0,9 % fil-każ tar-rata tal-imgħax speċifika applikabbli fil-Belġju |
(e) |
1,0 % fil-każ tar-rata tal-imgħax uniformi għall-Unjoni applikabbli fl-Istati Membri l-oħra. |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu jibda japplika mill-1 ta’ Ottubru 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Ottubru 2012.
Għall-Kummissjoni
Il-President
José Manuel BARROSO
(1) ĠU L 209, 11.8.2005, p. 1.
(2) ĠU L 171, 23.6.2006, p. 35.