—

tirrikonferma li l-projbizzjonijiet tal-CWC japplikaw għal kwalunkwe kimika tossika, ħlief fejn tali kimika hija maħsuba għal kwalunkwe fini mhux projbita mill-paragrafu 9 tal-Artikolu II u dment li t-tipi u l-kwantitajiet huma konsistenti ma’ tali finijiet, u għalhekk jieħdu kont ta’ l-iżviluppi fix-xjenza u t-teknoloġija mit-Tieni Konferenza ta’ Reviżjoni fl-2008;

—

tissottolinja l-obbligu tal-Istati Partijiet li jirriflettu l-Kriterju ta’ Fini Ġenerali fil-leġislazzjoni ta’ implimentazzjoni nazzjonali tagħhom u fil-prattika ta’ infurzar amministrattiv;

—

tilqa’ l-isforzi u l-progress li saru mill-istati possessuri li jeqirdu l-istokkijiet dikjarati u tenfasizza l-fatt li ninsabu sew fit-triq lejn dinja ħielsa mill-armi kimiċi;

—

tirrikonoxxi l-indirizzar b’suċċess tal-kwistjoni tal-iskadenzi finali estiżi għall-qerda tal-armi kimiċi mill-istati possessuri;

—

tappella lill-istati li jippossjedu armi kimiċi sabiex jeqirdu għal kollox l-istokkijiet tal-armi kimiċi tagħhom fl-iqsar żmien possibbli f’konformità mad-dispożizzjonijiet tal-CWC u l-Anness ta’ Verifika tagħha kif ukoll id-deċiżjoni tas-Sittax-il Sessjoni tal-Konferenza tal-Istati Partijiet dwar il-kwistjoni tal-iskadenzi finali estiżi għall-qerda tal-istokkijiet li fadal;

—

tisħaq dwar l-importanza tal-verifika sistematika tal-qerda mis-Segretarjat Tekniku kif preskritt mill-CWC u l-Anness ta’ Verifika tagħha;

—

tenfasizza li filwaqt li għandhom jinżammu l-għarfien espert u l-kapaċità li tittratta l-armi kimiċi kif ukoll l-armi kimiċi qodma u l-armi kimiċi abbandunati, l-OPCW trid tkompli wkoll l-adattament tagħha għall-ambjent ta’ sigurtà ġdid;

—

jiġi enfasizzat l-obbligu tal-Istati Partijiet kollha li jippreżentaw dikjarazzjonijiet adegwati u fil-ħin skont l-Artikolu VI;

—

jitwettaq għadd suffiċjenti ta’ spezzjonijiet skont l-Artikolu VI b’kopertura ġeografika u frekwenza adatta, f’konformità mal-linji gwida maqbula;

—

tiżdied ir-rilevanza tal-ispezzjoniiet skont l-Artikolu VI fir-rigward tal-forma u l-fini tal- CWC u bl-iżgurar tal-għażla effettiva tas-siti, inkluż permezz tal-evalwazzjoni tar-riżultati mill-Faċilitajiet Oħrajn ta’ Produzzjoni Kimika interim fir-rigward tal-metodoloġija għall-għażla tas-siti;

—

titjieb il-bażi ta’ informazzjoni għall-verifika industrijali billi, inter alia, is-Segretarjat Tekniku jiġi inkoraġġit juża informazzjoni diġà disponibbli, inkluża informazzjoni ppreżentata b’mod volontarju mill-Istati Partijiet u informazzjoni minn rapporti ta’ spezzjonijiet preċedenti kif ukoll informazzjoni adatta disponibbli pubblikament;

—

jiġi enfasizzat li l-Iskedi tas-Sustanzi Kimiċi ("l-Iskedi") tal-CWC tfasslu primarjament għall-applikazzjoni ta’ miżuri ta’ verifika differenti;

—

ħidma dwar iż-żamma tar-rilevanza tal-Iskedi fid-dawl tal-iżviluppi fix-xjenza u t-teknoloġija billi, inter alia, jiġu eżaminati l-merti tar-reviżjoni tal-Iskedi f’intervalli regolari bejn il-Konferenzi ta’ Reviżjoni;

—

jkun hemm promozzjoni akbar ta’ impenn u interazzjoni mal-industrija tal-kimika u l-appoġġ tal-isforzi tas-Segretarjat Tekniku f’dik id-direzzjoni;

—

jkun hemm kunsiderazzjoni ta’ miżuri addizzjonali ta’ kwalità u effiċjenza għall-proċess ta’ spezzjoni bħal żidiet adatti fil-flessibbiltà u s-simplifikazzjoni tat-twettiq tal-ispezzjonijiet;

—

jkun hemm l-iżgurar tal-kapaċità tas-Segretarjat Tekniku fir-rigward tat-teħid u l-analiżi effettiva ta’ kampjuni matul l-ispezzjonijiet tal-industrija;

—

l-adottar ta’ approċċ immirat u mfassal apposta fir-rigward tal-inkoraġġiment u l-assistenza ta’ Stati Partijiet li għad iridu jimplimentaw adegwatament is-CWC;

—

l-għoti ta’ assistenza lil Stati Partijiet li jkollhom bżonn, kif muri mill-Azzjonijiet Konġunti u d-Deċiżjonijiet adottati mill-Kunsill tal-Unjoni Ewropea b’appoġġ għall-attivitajiet tal-OPCW;

—

it-tisħiħ tal-kontrolli nazzjonali tal-esportazzjoni u l-importazzjoni li huma meħtieġa sabiex jipprevjenu l-akkwist ta’ armi kimiċi u t-titjib tal-kapaċità tal-OPCW li tassisti fl-istabbiliment ta’ mekkaniżmi nazzjonali għall-kontroll ta’ trasferimenti internazzjonali;

—

l-implimentazzjoni ta’ miżuri adatti biex itejbu s-sikurezza u s-sigurtà tal-kimika;

—

l-esplorar ta’ sinerġiji potenzjali bejn l-OPCW u organizzazzjonijiet internazzjonali rilevanti oħra fir-rigward tal-implimentazzjoni tal-appoġġ u l-bini tal-kapaċitàjiet;

—

jinkoraġġixxu lill-Istati Partijiet kollha sabiex jippreżentaw dikjarazzjonijiet skont l-Artikolu X b’mod adegwat u fil-ħin kif mitlub mill-CWC u jinkoraġġixxu tal-Istati Partijiet sabiex iżidu l-offerti ta’ assistenza;

—

jenfasizzaw l-importanza li s-Segretarjat Tekniku iżomm il-kapaċitajiet u l-għarfien espert kif ukoll iż-żamma u l-iżvilupp ulterjuri tat-tħejjija meħtieġa sabiex jitwettqu investigazzjonijiet tal-użu allegat;

—

l-jissottolinjaw l-importanza tal-appoġġ kontinwu tal-OPCW għall-programmi nazzjonali għal finijiet protettivi u t-tisħiħ tal-abbiltà tal-OPCW li toffri medjazzjoni ta’ għarfien espert u assistenza;

—

jinkoraġġixxu l-OPCW sabiex tassisti l-Istati fil-bini ta’ kapaċità għall-prevenzjoni u l-mitigazzjoni ta’ attakki terroristiċi bl-użu ta’ armi kimiċi, inter alia, permezz ta’ pariri dwar it-tisħiħ tas-sikurezza u s-sigurtà kimika;

—

jenfasizzaw l-importanza ta’ aktar kooperazzjoni mal-organizzazzjonijiet reġjonali u subreġjonali, inkluż bil-parteċipazzjoni fi sforzi internazzjonali dwar l-istabbiliment ta’ ċentri ta’ eċċellenza reġjonali għall-assistenza u l-protezzjoni, u l-konsiderazzjoni li dan jiġi kkombinat mal-isforzi taħt Artikoli VII u XI, f’konformità mad-deċiżjoni dwar l-Artikolu XI meħuda waqt is-Sittax-il Sessjoni tal-Konferenza tal-Istati Partijiet;

—

jikkunsidraw modi sabiex tissaħħaħ il-kapaċità tal-OPCW li tittratta sitwazzjonijiet ta’ kunflitt u ta’ wara l-kunflitt bl-involviment ta’ armi kimiċi;

—

is-Segretarjat Tekniku jintalab isaħħaħ il-kooperazzjoni tiegħu ma’ organizzazzjonijiet internazzjonali rilevanti oħra fir-rigward ta’ rispons f’każ ta’ emerġenza għall-użu jew it-theddida ta’ użu ta’ armi kimiċi, inkluż f’sitwazzjonijiet ta’ kunflitt jew ta’ wara l-kunflitt, speċjalment dwar kooperazzjoni man-NU fir-rigward tal-investigazzjoni ta’ użu possibbli ta’ armi kimiċi;

—

jintlaqgħu proposti konkreti u prattiċi li jieħdu kont ta’ inizjattivi attwali, kif muri mill-Azzjonijiet Konġunti u d-Deċiżjonijiet tal-Kunsill tal-Unjoni Ewropea, partikolarment proposti li jirrigwardaw kwistjonijiet bħas-sikurezza u s-sigurtà kimika u l-ġestjoni ta’ sustanzi kimiċi, f’konformità mad-deċiżjoni dwr l-Artikolu XI meħuda waqt is-Sittax-il Sessjoni tal-Konferenza tal-Istati Partijiet;

—

is-Segretarjat Tekniku jiġi inkoraġġit jassisti lill-Istati Partijiet fl-implimentazzjoni tal-obbligi nazzjonali permezz ta’ assistenza teknika mfassla apposta u sostenibbli, sabiex tiġi ffaċilitata l-kooperazzjoni internazzjonali msaħħa fil-qasam tal-kimika;

—

is-Segretarjat Tekniku jiġi inkoraġġit jaħdem f’kollaborazzjoni ma’ organizzazzjonijiet oħra u jevalwa l-programmi tiegħu sabiex jiżgura li għandhom l-impatt mixtieq u sabiex jiġu massimizzati r-riżorsi;

—

titkompla u tiġi intensifikata l-ħidma fil-Grupp ta’ Ħidma Miftuħ OPCW dwar it-Terroriżmu;

—

tiġi enfasizzata l-konformità mal-obbligi taħt ir-Riżoluzzjoni 1540 (2004) tal-Kunsill tas-Sigurtà tan-NU kif ukoll Riżoluzzjonijiet rilevanti oħra tan-NU, b’mod partikolari li tappella għal kooperazzjoni prattika bejn l-OPCW u l-organizzazzjonijiet rilevanti bil-għan li jiġi eliminat ir-riskju li jinkisbu armi kimiċi jew li jintużaw għal finijiet terroristiċi, inkluż l-aċċess possibbli tat-terroristi għal materjal, tagħmir, u għarfien li jkunu jistgħu jintużaw fl-iżvilupp u l-produzzjoni ta’ armi kimiċi;

—

tiġi sottolinjata l-ħtieġa ta’ ħidma lejn it-tisħiħ tas-sikurezza u s-sigurtà globali tal-kimika u l-kontroll nazzjonali tat-trasferimenti internazzjonali, inkluża l-assistenza lill-Istati Partijiet fir-rigward tal-implimentazzjoni ta’ miżuri prattiċi u mmirati li fl-istess ħin jistgħu jikkontribwixxu għat-tisħiħ tal-kooperazzjoni fir-rigward tal-użu paċifiku tal-kimika, l-assistenza u l-protezzjoni.