EUR-Lex Access to European Union law
This document is an excerpt from the EUR-Lex website
Document 31998R0192
Council Regulation (EC) No 192/98 of 20 January 1998 amending Regulation (EC) No 3072/95 on the common organisation of the market in rice and Regulation (EEC) No 2358/71 on the common organisation of the market in seeds
Ir-Regolament tal-Kunsill (KE) Nru 192/98 ta’ l-20 ta’ Jannar 1998 li jemenda r-Regolament (KE) Nru 3072/95 dwar l-organizzazzjoni komuni tas-suq fir-ross u r-Regolament (KEE) Nru 2358/71 dwar l-organizzazzjoni komuni tas-suq fiż-żerriegħa
Ir-Regolament tal-Kunsill (KE) Nru 192/98 ta’ l-20 ta’ Jannar 1998 li jemenda r-Regolament (KE) Nru 3072/95 dwar l-organizzazzjoni komuni tas-suq fir-ross u r-Regolament (KEE) Nru 2358/71 dwar l-organizzazzjoni komuni tas-suq fiż-żerriegħa
ĠU L 20, 27.1.1998, p. 16–17
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2005
Official Journal L 020 , 27/01/1998 P. 0016 - 0017
Ir-Regolament tal-Kunsill (KE) Nru 192/98 ta’ l-20 ta’ Jannar 1998 li jemenda r-Regolament (KE) Nru 3072/95 dwar l-organizzazzjoni komuni tas-suq fir-ross u r-Regolament (KEE) Nru 2358/71 dwar l-organizzazzjoni komuni tas-suq fiż-żerriegħa IL-KUNSILL TA’ L-UNJONI EWROPEA, Wara li kkunsidra t-Trattat li jwaqqaf il-Komunitajiet Ewropej, u partikolarment l-Artikolu 43 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Socjali [3], Billi s-sistema ta’ ħlas ta’ kumpens introdotta bl-Artikolu 6 tar-Regolament (KE) Nru 3072/95 [4] għandha tkun estiża biex tkopri prodotti ta’ross fil-qoxra (ross li għadu fil-fosdqa jew ross mhux maħdum) biex jinżera’; billi l-waqgħa fil-prezzijiet marbuta mat-tnaqqis fil-prezz ta’ l-intervent provdut fl-Artikolu 3 ta’ dak ir-Regolament għandu impatt fuq il-prezzijiet ta’ ross biex jinżera’; billi, minħabba n-nuqqas ta’ kumpens adegwat, hemm ir-riskju li r-riżultat ikun l-użu mnaqqas ta’ żerriegħa ċertifikata u deterjorazzjoni fil-kwalità tar-ross; Billi r-ross li jinżera’ għandu jkun inkluż fost dawk il-prodotti koperti bir-Regolament (KE) Nru 3072/95 unikament biex ikun jista’ jikkwalifika għall-ħlas ta’ kumpens; billi wieħed għandu jiftakar li l-prodott jikkwalifika għall-għajnuna tal-produzzjoni għal żerriegħa taħt ir-Regolament (KEE) Nru 2358/71 [5]; Billi l-Artikolu 3 tar-Regolament (KE) Nru 3072/95 jiffissa l-prezz ta’ intervent għal ross li għadu fil-fosdqa fl-istess livell għall-1999/2000 u snin sussegwenti tas-suq; billi għandhom isiru dispożizzjonijiet għall-ħlasijiet ta’ kumpens iffissatti fl-Artikolu 6(1) ta’ dak ir-Regolament biex jibqa’ l-istess għall-1999/2000 u s-snin tas-suq li jiġu wara; Billi, skond l-Artikolu 6(4) tar-Regolament (KE) Nru 3072/95, is-sistema ta’ ħlasijiet kumpens għandha tiġi applikata fuq il-bażi ta’ żonż stabbilita minn Stat Membru produttur; billi għalhekk għandha ssir dispożizzjoni li t-tnaqqis ikun japplika fil-każ ta’ produzzjoni żejda f’dik iż-żona li għandha tiġi stabbilita mill-Istat Membru konċernat; Billi l-Artikolu 6(5) tar-Regolament (KE) Nru 3072/95 jipprovdi għall-informazzjoni li għandha tintbagħat mill-Istati Membri fuq il-bażi ta’ dikjarazzjonijiet minn produtturi u proċessaturi; billi dik id-dispożizzjoni għandha tiġi emendata biex tħassir kull referenza għaż-żona ta’ bażi nazzjonali; Billi jidher ekonomikament ġustifikat li l-ħlasjiet lura ta’ esportazzjoni li għandhom jingħataw bil-kondizzjoni li tingħata prova li l-prodott ikun ġie totalment miksub mill-Komunità skond it-tifsira tar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi tad-Dwana tal-Komunità [6]; billi dik l-obbligazzjoni ma tapplikax fil-każ ta’ ri-esportazzjoni; Billi, wara l-estensjoni tas-sistema ta’ ħlasijiet ta’ kumpens għal ross biex jinżera’ u biex jiġi assigurat bilanċ fis-suq taż-żerriegħa, partikolarment biex jitħarsu l-possibiltajiet ta’ disponiment skond iż-żona bażi stabbilita fl-Artikolu 6 tar-Regolament (KE) Nru 3072/95, jidher ġustifikat li jiġi introdott mekkaniżmu biex jistabbilizza l-produzzjoni ta’ żerriegħa tar-ross; billi għandha ssir dispożizzjoni biex is-sistema għall-ħlasijiet ta’ kumpens tiġi estiża u biex il-mekkaniżmu ta’ stabilizzazzjoni stabbilit ikun japplika mill-bidu tas-sena tas-suq 1998/99, ADOTTA DAN IR-REGOLAMENT: L-Artikolu 1 Ir-Regolament (KE) Nru 3072/95 huwa b’dan emendat kif ġej: 1. fl-Artikolu 1: (a) il-paragrafu 1 għandu jiġi mibdul b’dan li ġej: "1. L-organizzazzjoni komuni tas-suq fir-ross għandha tikkomprendi sistema ta’ prezz u negozjar li tkun tkopri dawn il-prodotti: Kodiċi NM | Deskrizzjoni | | | (a) | 100610 | Ross fil-qoxra (ross fil-fosdqa jew mhux maħdum) | 100620 | Ross fil-qoxra (ismar) | 100630 | Ross nofsu mitħun jew mitħun kollu kemm hu, sew jekk imnaddaf jew glejżjat | (b) | 10064000 | Ross miksur | (ċ) | 11023000 | Dqiq mir-ross | 11031400 | Xgħir u qlub tar-ross | 11032950 | Boċċi tar-ross | 11041991 | Ross imfarrak | 11081910 | Lamtu tar-ross." | (b) għandu jiżdied il-paragrafu li ġej: "3. Dan ir-Regolament għandu japplika għar-ross fil-qoxra (ross li għadu fil-fosdqa jew ross mhux maħdum) għaż-żergħa kopert bil-kodiċi NM 10061010 unikament għall-iskop tas-sistema tal-ħlasijiet ta’ kumpens provduti fl-Artikolu 6." 2. fl-Artikolu 6: (a) fil-paragrafu 3, l-intestatura tar-raba’ kolonna tat-tabella għandha tiġi sostitwita bi "1999/2000 u s-snin tas-suq li jiġu wara" (b) fil-paragrafu 5: (i) it-tieni subparagrafu għandu jiġi mibdul b’dan li ġej: "meta s-subparagrafu precedenti jiġi applikat, l-Istat Membru koncernat għandu, qabel tiġi iffisata d-data skond il-proċedura mniżżla fl-Artikolu 22 ta’ dan ir-Regolament, jistabbilixxi l-iskala tat-tnaqqis li għandha tiġi applikata għall-ħlas ta’ kumpens. Minn qabel u malajr kemm jista’ jkun għandu javża b’dan lill-Kummissjoni." (ii) fil-bidu tat-tielet subparagrafu, il-kliem "Għal kull żona bażi’" għandhom jitħassru; 3. fl-Artikolu 13: (a) fl-ewwel subparagrafu tal-paragrafu 12, l-ewwel indent għandu jiġi mibdul b’dan li ġej: "il-prodotti jkunu nkisbu kollha kemm huma Komunità skond it-tifsira ta’ l-Artikolu 23 tar-Regolament (KEE) Nru 2913/92, ħlief fejn japplika l-paragrafu 13" (b) l-ewwel subparagrafu tal-paragrafu 13 għandu jiġi mibdul b’dan li ġej: "Ma għandu jingħata ebda ħlas lura ta’ esportazzjoni fuq ross importat minn u ri-esportati lejn pajjiżi terzi, kemm-il darba l-esportatur ma jipprovax li: - il-prodott li għandu jiġi esportat u l-prodott li ġie importat qabel huma l-istess wieħed, - id-dazji ta’ importazzjoni kollha kienu nġabru malli l-prodott ġie rilaxxat fiċ-ċirkolazzjoni ħielsa." L-Artikolu 2 Il-paragrafu li ġej huwa b’dan miżjud ma’ l-Artikolu 3 tar-Regolament (KEE) Nru 2358/71: "4a. Il-kwantità massima ta’ żerriegħa tar-ross li fuqha għandha titħallas l-għajnuna fil-Komunità għandha tiġi ffissata skond il-procedura riferita fil-paragrafu 5. Dik il-kwantità għandha titqassam bejn il-produtturi ta’ l-Istati Membri kollha." L-Artikolu 3 Dan ir-regolament jidħol fis-seħħ fit-tielet jum li jiġi wara l-pubblikazzjoni fil-Ġurnal Uffiċjali tal-Komunitajiet Ewropej. Iżda, l-Artikolu 1(1) għandu japplika mill-1 ta’ Settembru 1998 u l-Artikolu 2 għandu japplika mill-1 ta’ Lulju 1998. Dan ir-regoalment għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-20 ta’ Jannar 1998. Għall-Kunsill Il-President J. Cunningham [1] ĠU C 312, ta’ l-14.10.1997, p. 18. [2] L-Opinjoni mogħtija fl-14 ta’ Jannar 1998 (għadha mhux ippublikata fil-Ġurnal Uffiċjali). [3] L-Opinjoni mogħtija fl-10 ta’ Diċembru 1997 (għadha mhux ippublikata fil-Ġurnal Uffiċjali). [4] ĠU L 329, tat-30.12.1995, p. 18. Ir-Regolament kif l-aħħar emendat bir-Regolament (KE) Nru 613/97 (ĠU L 94, tad-9.4.1997, p. 1). [5] ĠU L 246, tal-5.11.1971, p. 1. Ir-Regolament kif l-aħħar emendat bir-Regolament (KE) Nru 3290/94 (ĠU L 349, tal-31.12.1994, p. 105). [6] ĠU L 302, tad-19.10.1992, p. 1. Ir-Regolament kif l-aħħar emendat bir-Regolament (KE) Nru 82/97 (ĠU L 17, tal-21.1.1997, p. 1). --------------------------------------------------