EUR-Lex Access to European Union law
This document is an excerpt from the EUR-Lex website
Document 22001D0116
Decision of the EEA Joint Committee No 116/2001 of 28 September 2001 amending Annex IV (Energy) to the EEA Agreement
Deċiżjoni tal-Kumitat Konġunt taż-ŻEE Nru 116/2001 tat-28 ta' Settembru 2001 li temenda l-Anness IV (Enerġija) għall-Ftehim taż-ŻEE
Deċiżjoni tal-Kumitat Konġunt taż-ŻEE Nru 116/2001 tat-28 ta' Settembru 2001 li temenda l-Anness IV (Enerġija) għall-Ftehim taż-ŻEE
ĠU L 322, 6.12.2001, p. 28–28
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 322 , 06/12/2001 P. 0028 - 0028
Deċiżjoni tal-Kumitat Konġunt taż-ŻEE Nru 116/2001 tat-28 ta' Settembru 2001 li temenda l-Anness IV (Enerġija) għall-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu, Billi: (1) L-Anness IV għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 31/2000 tal-31 ta' Marzu 20001 [1]. (2) Id-Direttiva 2000/55/KE tal-Parlament Ewropew u tal-Kunsill tat-18 ta' Settembru 2000 dwar ħtiġiet ta' effiċjenza ta' l-enerġija għal ballasts għal dawl floressenti [2] għandha tiġi inkorporata fil-Ftehim, IDDEĊIEDA KIF ĠEJ: Artikolu 1 Il-punt li ġej għandu jiġi mdaħħal wara l-punt 14a (Direttiva 96/92/KE tal-Parlament Ewropew u tal-Kunsill) fl-Anness IV għall-Ftehim: "15. 32000 L 0055: Id-Direttiva 2000/55/KE tal-Parlament Ewropew u tal-Kunsill tat-18 ta' Settembru 2000 dwar ħtiġiet ta' effiċjenza ta' l-enerġija għal ballasts għal dawl floressenti (ĠU L 279, ta' l-1.11.2000, p. 33)." Artikolu 2 It-testi tad-Direttiva 2000/55/KE tal-Parlament Ewropew u tal-Kunsill fil-lingwa Islandiża u f'dik Norveġiża, li għandhom jiġu ppubblikati fis-Suppliment taż-ŻEE għall-Ġurnal Uffiċjali tal-Komunitajiet Ewropej, għandhom ikunu awtentiċi. Artikolu 3 Din id-Deċiżjoni għandha tidħol fis-seħħ nhar l-1 ta' Frar 1998, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [3]. Artikolu 4 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fit-28 ta' Settembru 2001. Għall-Kumitat Konġunt taż-ŻEE Il-President E. Bull [1] ĠU L 141, tal-15.6.2000, p. 55. [2] ĠU L 279, ta' l-1.11.2000, p. 33. [3] Ebda ħtiġiet kostituzzjonali indikati. --------------------------------------------------