Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document E2013C0801(01)

Komunikazzjoni mill-Awtorità ta’ Sorveljanza tal-EFTA li tikkonċerna d-derogi min-Norveġja minn ċerti karatteristiċi stabbiliti fl-Att imsemmi fil-punt 18wb tal-Anness XXI għall-Ftehim taż-ŻEE, ir-Regolament tal-Kummissjoni (UE) Nru 88/2011 li jimplimenta r-Regolament (KE) Nru 452/2008 tal-Parlament Ewropew u tal-Kunsill dwar il-produzzjoni u l-iżvilupp tal-istatistika dwar l-edukazzjoni u t-tagħlim tul il-ħajja, fir-rigward ta’ statistika fuq sistemi edukattivi u ta’ taħriġ

ĠU C 220, 1.8.2013, p. 26–27 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU C 220, 1.8.2013, p. 14–14 (HR)

1.8.2013   

MT

Il-Ġurnal Uffiċjali tal-Unjoni Ewropea

C 220/26

Komunikazzjoni mill-Awtorità ta’ Sorveljanza tal-EFTA li tikkonċerna d-derogi min-Norveġja minn ċerti karatteristiċi stabbiliti fl-Att imsemmi fil-punt 18wb tal-Anness XXI għall-Ftehim taż-ŻEE, ir-Regolament tal-Kummissjoni (UE) Nru 88/2011 li jimplimenta r-Regolament (KE) Nru 452/2008 tal-Parlament Ewropew u tal-Kunsill dwar il-produzzjoni u l-iżvilupp tal-istatistika dwar l-edukazzjoni u t-tagħlim tul il-ħajja, fir-rigward ta’ statistika fuq sistemi edukattivi u ta’ taħriġ

2013/C 220/14

Ir-Regolament (KE) Nru 452/2008 tal-Parlament Ewropew u tal-Kunsill tat-23 ta’ April 2008 dwar il-produzzjoni u l-iżvilupp tal-istatistika dwar l-edukazzjoni u t-tagħlim tul il-ħajja, kif adattat għall-Ftehim taż-ŻEE permezz tal-Protokoll 1 tiegħu u kif imsemmi fil-punt 18w tal-Anness XXI għall-Ftehim taż-ŻEE (“Regolament (KE) Nru 452/2008”) (1), japplika għall-produzzjoni tal-istatistika fi tliet setturi speċifiċi. L-Artikolu 6(3) tar-Regolament (KE) Nru 452/2008 jippermetti, jekk ikun hemm bżonn, derogi limitati u perjodi ta’ tranżizzjoni.

Ir-Regolament (UE) Nru 88/2011 tat-2 ta' Frar 2011 li jimplimenta r-Regolament (KE) Nru 452/2008 tal-Parlament Ewropew u tal-Kunsill dwar il-produzzjoni u l-iżvilupp tal-istatistika dwar l-edukazzjoni u t-tagħlim tul il-ħajja, fir-rigward ta’ statistika fuq sistemi edukattivi u ta’ taħriġ, kif adattat għall-Ftehim taż-ŻEE permezz tal-Protokoll 1 tiegħu u kif imsemmi fil-punt 18wb tal-Anness XXI għall-Ftehim taż-ŻEE (“Regolament (KE) Nru 88/2011”) (2), jistipula regoli għall-implimentazzjoni tar-Regolament (KE) Nru 452/2008 għar-rigward tal-ġbir, it-trażmissjoni u l-ipproċessar ta' dejta statistika fid-Dominju 1 dwar l-edukazzjoni u s-sistemi ta' taħriġ.

L-Awtorità ta’ Sorveljanza tal-EFTA għandha l-kompetenza li tagħti derogi skont l-Artikolu 6(3) tar-Regolament (KE) Nru 452/2008 dwar l-applikazzjonijiet mill-Iżlanda, il-Liechtenstein u n-Norveġja.

Skont l-Artikolu 6(3) tar-Regolament (KE) Nru 452/2008, in-Norveġja applikat għal derogi minn ċerti karatteristiċi mniżżla fl-Anness 1 għar-Regolament (UE) Nru 88/2011.

L-Awtorità ta’ Sorveljanza tal-EFTA approvat id-derogi li ġejjin mill-karatteristiċi stipulati fl-Anness 1 għar-Regolament (UE) Nru 88/2011 sal-31 ta’ Diċembru 2013, skont l-opinjoni tal-Kumitat tal-EFTA dwar l-istatistika:

 

Tabelli u analiżi

IN-NORVEĠJA

—

In-numru ta’ gradwazzjonijiet fil-livell ISCED 6 fil-qasam ristrett edukattiv (livell ta’ żewġ ċifri) fix-Xjenza (ISC4) (ringlieli A14-A17, A47-A50 u A80-A83 fil-kolonna 12-13) fit-tabella GRAD5

—

Numru ta’ studenti fil-livell ISCED 0 bil-kopertura aġġustata għall-istatistika dwar il-persunal tal-edukazzjoni (kolonna 2 u r-ringieli C1-C3) fit-tabella PERS_ENRL2

—

Numru ta’ studenti fil-livelli kollha ISCED bil-kopertura aġġustata għall-istatistika dwar il-persunal tal-edukazzjoni skont it-tip ta' istituzzjoni (ringieli C1-C3) fit-tabella PERS_ENRL2

—

Numru ta’ għalliema tal-klassi fil-livell ISCED 0 (il-kolonna 2) fit-Tabella PERS1

—

Numru ta’ għalliema tal-klassi fil-livell ISCED 0 fuq bażi ta’ full-time, part-time u ekwivalenti full-time f’istituzzjonijiet privati (il-kolonna 2) fit-tabella PERS1

—

Numru ta’ għalliema tal-klassijiet fil-livell ISCED 3 u skont l-orjentazzjoni tal-programm (kolonna 7-8) fuq bażi ta' full-time, part-time u ekwivalenti full-time fit-tabella PERS1

—

Numru ta’ għalliema tal-klassijiet fil-livell ISCED 4 (kolonna 11) u bl-orjentazzjoni tal-programm (kolonna 12-13) fuq bażi ta' full-time, part-time u ekwivalenti full-time fit-tabella PERS1

—

Numru tal-istaff akkademiku fil-livell ISCED 5B (il-kolonna 17) fuq bażi full-time, part-time u l-ekwivalenti tal-full-time fit-tabella PERS1

—

Numru ta’ għalliema tal-klassi fil-livelli kollha ISCED f'istituzzjonijiet privati (ir-ringieli A50-A53) fit-tabella PERS1

—

Nefqa ta' unitajiet domestiċi għall-istituzzjonijiet edukattivi fit-Tabella FINANCE1 (ir-ringieli H1, H4, H5, H18 u H20)

—

Nefqa ta' entitajiet privati oħra għal istituzzjonijiet edukattivi fit-Tabella FINANCE1 (ir-ringlieli E1, E4, E5, E10, E11, E12 u E20)

—

Nefqa għal servizzi anċillari fl-istituzzjonijiet pubbliċi fit-tabella FINANCE2 (ringiela X30)

(1)  Id-Deċiżjoni tal-Kumitat Konġunt taż-ŻEE Nru 125/2008 (ĠU L 339, 18.12.2008, p. 118 u s-Suppliment taż-ŻEE Nru 79, 18.12.2008, p. 27), e.i.f. 8 ta’ Novembru 2008.

(2)  Id-Deċiżjoni tal-Kumitat Konġunt taż-ŻEE Nru 159/2011 (ĠU L 76, 15.3.2012, p. 46 u s-Suppliment taż-ŻEE Nru 15, 15.3.2012, p. 52), e.i.f. 3 ta’ Diċembru 2011.

Top