12.5.2017   

MT

Il-Ġurnal Uffiċjali tal-Unjoni Ewropea

C 148/5

1.

Fl-4 ta’ Mejju 2017, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha fondi ġestiti minn Pollen Street Capital Limited (“Pollen Street Capital”, ir-Renju Unit) u fondi ġestiti minn BC Partners LLP (“BC Partners”, ir-Renju Unit) jakkwistaw fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt tal-impriża Shawbrook Group plc (“Shawbrook”, ir-Renju Unit) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   Pollen Street Capital: ditta ta’ ekwità privata ffokata fuq investiment f’negozji tas-settur tas-servizzi finanzjarji fl-Ewropa;

—   BC Partners: ditta ta’ ekwità privata li tiffoka fuq is-swieq Ewropej u tal-Amerika ta’ Fuq;

—   Shawbrook: bank speċjalist fis-self u fit-tfaddil fir-Renju Unit speċjalizzat biex iservi intrapriżi żgħar u ta’ daqs medju u individwi fir-Renju Unit permezz ta’ firxa ta’ prodotti ta’ self u tfaddil.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), jew bl-email lil COMP-MERGER-REGISTRY@ec.europa.eu jew bil-posta, bin-numru ta’ referenza Każ M.8471 — BC Partners/PSC/Shawbrook, f’dan l-indirizz: