29.4.2017   

MT

Il-Ġurnal Uffiċjali tal-Unjoni Ewropea

C 137/3

1.

Fl-20 ta’ April 2017, il-Kummissjoni rċeviet notifka ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi TPG (l-Istati Uniti tal-Amerka) u Oaktree Capital Group Holdings GP (“Oaktree” tal-Istati Uniti tal-Amerka) jakkwistaw fis-sens tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża Iona Energy Company (UK) Limited (“Iona” tar-Renju Unit) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal TPG: kumpanija globali ta’ investiment privat li tmexxi diversi fondi li tinvesti f’varjetà ta’ kumpaniji permezz ta’ akkwisti u ristrutturar korporattiv;

—   għal Oaktree: kumpanija dinjija ta’ ġestjoni ta’ investiment alternattiv u mhux tradizzjonali li tispeċjalizza fi strateġiji tal-krediti;

—   għal Iona: għandha s-sjieda u tiżviluppa l-bjar taż-żejt ta’ Orlando u Kells fil-Baħar tat-Tramuntana.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8443 — TPG/Oaktree/Iona Energy, f’dan l-indirizz: