11.3.2017   

MT

Il-Ġurnal Uffiċjali tal-Unjoni Ewropea

C 77/3

1.

Fis-6 ta’ Marzu 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Amundi Immobilier S.A. (“Amundi Immobilier”, Franza) u Malakoff Médéric Group (“Malakoff Médéric”, Franza) jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt tal-impriża TAS Kapstadtring 2 GmbH (“TAS Kapstadtring”, il-Ġermanja) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   Amundi Immobilier: hija attiva fil-qasam tal-ġestjoni tal-assi tal-proprjetà immobbli u hija kkontrollata unikament minn Crédit Agricole S.A.

—   Malakoff Médéric: huwa attiv fl-industrija tal-protezzjoni soċjali supplimentari.

—   TAS Kapstadtring: hija l-proprjetarja esklussiva ta’ proprjetà, inkluża binja ta’ uffiċċji, li tinsab f’Hamburg, il-Ġermanja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8370 — Amundi Immobilier/Malakoff Médéric/TAS Kapstadtring 2, f’dan l-indirizz: