29.9.2016   

MT

Il-Ġurnal Uffiċjali tal-Unjoni Ewropea

C 357/34

1.

Fit-22 ta’ Settembru 2016, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Maritima del Mediterráneo, S.A.U. (“Marmedsa”, ta’ Spanja) li tappartjeni lil IIF Int’l Holding L.P, u United European Car Carriers Unipessoal, Lda (“UECC”, tal-Portugall) li tappartjeni lil United European Car Carriers, B.V, jakkwistaw fis-sens tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża United European Car Carriers Ibérica, S.L.U. kollha kemm hi (“UECC Ibérica”, ta’ Spanja) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal Marmedsa: il-provvista ta’ operazzjonijiet marittimi, loġistiċi u tat-terminal tal-merkanzija prinċipalment fil-peniżola tal-Iberja. Marmedsa taħdem flimkien mal-kumpanija assoċjata tagħha Noatum Ports, S.L.U. taħt il-marka Noatum;

—   għal UECC: il-provvista ta’ trasport f’distanzi qosra tal-karozzi u vetturi kummerċjali ħfief fl-Ewropa;

—   għal UECC Ibérica: il-ġestjoni u l-operazzjoni ta’ terminal Roll-On-Roll-Off li jinsab fil-port ta’ Pasajes/Pasaia, Spanja, għat-trattament ta’ vetturi (prinċipalment karozzi u vetturi kummerċjali ħfief) u merkanzija ġenerali.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza l-Każ M.8105 — Marmedsa/UECC/UECC Ibérica f’dan l-indirizz: