This document is an excerpt from the EUR-Lex website
Document C2008/249/08
Call for proposals — EACEA/22/08 — Support for the transnational distribution of European films — Networking of European distributors — System of selective support
Sejħa għal proposti — EACEA/22/08 — Appoġġ għad-distribuzzjoni transnazzjonali ta' films Ewropej — Netwerking tad-distributuri Ewropej — Sistema ta' appoġġ selettif
Sejħa għal proposti — EACEA/22/08 — Appoġġ għad-distribuzzjoni transnazzjonali ta' films Ewropej — Netwerking tad-distributuri Ewropej — Sistema ta' appoġġ selettif
ĠU C 249, 1.10.2008, p. 17–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
1.10.2008 |
MT |
Il-Ġurnal Uffiċjali ta’ l-Unjoni Ewropea |
C 249/17 |
SEJĦA GĦAL PROPOSTI — EACEA/22/08
Appoġġ għad-distribuzzjoni transnazzjonali ta' films Ewropej
Netwerking tad-distributuri Ewropej — Sistema ta' appoġġ “selettif”
(2008/C 249/08)
1. Objettivi u Deskrizzjoni
Din is-sejħa għal proposti hija bbażata fuq id-Deċiżjoni tal-Parlament Ewropew u tal-Kunsill li tistabbilixxi programm multiannwali uniku għall-azzjonijiet Komunitarji fil-qasam awdjoviżwali għall-perjodu 2007-2013 (MEDIA 2007).
L-għanijiet tal-programm MEDIA 2007 għas-settur tad-distribuzzjoni huma dawn:
(a) |
li tissaħħaħ id-distribuzzjoni Ewropew billi d-distributuri jiġu mħeġġa jinvestu fil-koproduzzjoni, l-akkwist u l-promozzjoni ta' films Ewropej mhux nazzjonali u biex idaħħlu fis-seħħ strateġiji kkoordinati ta' kummerċjalizzazzjoni; |
(b) |
li jiffaċilita tixrid transnazzjonali akbar ta' films Ewropej billi jħeġġeġ b'mod partikolari lid-distributuri biex jinvestu fil-promozzjoni u d-distribuzzjoni adegwata ta' films Ewropej mhux nazzjonali. |
2. Kandidati eliġibbli
Dan l-avviż huwa indirizzat lill-kumpaniji Ewropej li jispeċjalizzaw fil-bejgħ internazzjonali ta' films ċinematogradiċi Ewropej.
L-applikanti għandhom ikunu stabbiliti f'wieħed minn dawn il-pajjiżi:
— |
is-27 pajjiż tal-Unjoni Ewropea, |
— |
il-pajjiżi tal-EFTA u taż-ŻEE: l-Iżlanda, Liechtenstein u n-Norveġja, |
— |
il-pajjiżi kandidati: il-Kroazja, |
— |
l-Iżvizzera. |
3. Azzjonijiet eliġibbli
Din is-sejħa għal proposti hija indirizzata lil kumpaniji Ewropej li l-attivitajiet tagħhom jikkontribwixxu għaċ-ċirkolazzjoni ta' films ċinematografiċi Ewropej, b'mod partikolari lil kumpaniji ta' distribuzzjoni ċinematografika.
It-tul tal-proġetti u l-perjodu ta' eliġibbiltà tal-ispejjeż huwa ta' mhux aktar minn 16-il xahar. Il-film għandu jinħareġ fiċ-ċinemas fit-territorji inkwistjoni l-aktar kmieni fid-data ta' għeluq applikabbli għall-preżentazzjoni tal-proposti, u sa mhux aktar tard minn 18-il xahar wara d-data ta' għeluq għall-preżentazzjoni li fiha l-aggruppament inizzjali ta' distribuzzjoni appoġġati jkun ippreżenta l-applikazzjoni tiegħu għal appoġġ.
4. Kriterji ta' attribuzzjoni
L-appoġġ ser jingħata għad-distribuzzjoni ta' films b'baġit ta' produzzjoni massima ta' EUR 15 miljun, lil għaqdiet ta' distributuri li jikkonsistu f'ta' mill-inqas 5 distributuri għall-films li l-baġit tagħhom huwa inqas minn EUR 3 miljun u ta' mill-inqas 7 distributuri għall-films li l-baġit tagħhom huwa ta' bejn EUR 3 u 15 miljun.
Il-kriterji ta' attribuzzjoni tal-appoġġ huma dawn: l-oriġini u l-ġeneru tal-film, in-numru ta' distributuri eliġibbli, u l-ewwel jew it-tieni xogħol tal-produttur.
Tingħata attenzjoni partikolari għall-iżvilupp tal-potenzjal tal-pajjiżi b'kapaċità ta' produzzjoni dgħajfa u/jew b'medda lingwistika u ġeografika ristretti.
5. Baġit
Il-baġit massimu disponibbli fuq il-bażi ta' din is-Sejħa għal proposti jammonta għal EUR 12 250 000 miljun soġġett għall-krediti disponibbli fuq il-bażi tal-baġit 2009.
L-għajnuna finanzjarja ma tistax taqbeż il-50 % tat-total tal-ispejjeż eliġibbli.
L-Aġenzija tirriżerva d-dritt li ma tallokax il-fondi kollha disponibbli.
6. Data ta' għeluq għas-sottomissjonijiet
Id-data ta' għeluq biex jintbagħtu l-applikazzjonijiet hija l-1 ta' Diċembru 2008, l-1 ta' April 2009 u l-1 ta' Lulju 2009. L-applikazzjonijiet għandhom jintbagħtu lil dan l-indirizz:
Agence Exécutive «Éducation, Audiovisuel et Culture» |
Programme MEDIA |
Appel de propositions EACEA/22/08 |
Att. M. Constantin Daskalakis |
BOUR 03/30 |
Avenue du Bourget 1 |
B-1040 Bruxelles |
Jiġu aċċettati biss l-applikazzjonijiet ppreżentati fuq il-formola adegwata, mimlijin kif xieraq, bid-data u ffirmati mill-persuna bis-setgħa li tirrapreżenta legalment lill-entità li tippreżenta l-applikazzjoni.
L-applikazzjonijiet li jintbagħtu bil-faks jew posta elettronika ma jiġux aċċettati.
7. Tagħrif sħiħ
It-test sħiħ tas-sejħa għal proposti, kif ukoll il-formoli ta' applikazzjoni, jinsabu fuq l-indirizz http://eacea.ec.europa.eu/media. Huwa obbligatorju li l-applikazzjonijiet jintbagħtu fuq il-formula pprovduta u jkollhom l-Annessi u l-informazzjoni kollha mitluba.