Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62026TN0077

Kawża T-77/26: Rikors ippreżentat fil-5 ta’ Frar 2026 – AUDCB et vs Il-Kummissjoni

ĠU C, C/2026/1617, 23.3.2026, ELI: http://data.europa.eu/eli/C/2026/1617/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/C/2026/1617/oj

European flag

Il-Ġurnal Uffiċjali
ta'l-Unjoni Ewropea

MT

Is-serje C

C/2026/1617

23.3.2026

Rikors ippreżentat fil-5 ta’ Frar 2026 – AUDCB et vs Il-Kummissjoni

(Kawża T-77/26)

(C/2026/1617)

Lingwa tal-kawża: l-Ingliż

Partijiet

Rikorrenti: Associação unidos em defesa de Covas de Barroso (AUDCB) (Covas de Barroso, il-Portugall), ClientEarth, Delegación en España (Madrid, Spanja), ClientEarth AISBL (Ixelles, il-Belġju) (rappreżentant: F. Logue, Solicitor, u L. Caldeira, avukat)

Konvenut: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tannulla l-partijiet tad-deċiżjoni tal-Kummissjoni, li jinsabu f’ittra tas-26 ta’ Novembru 2025 bir-referenza Ares(2025)10337715, li permezz tagħha l-Kummissjoni ċaħdet talba għal eżami mill-ġdid intern tat-12 ta’ Ġunju 2025 imressqa mir-rikorrenti skont l-Artikolu 10 tar-Regolament Aarhus (1) dwar id-Deċiżjoni tal-Kummissjoni (UE) 2025/840 tal-25 ta’ Marzu 2025 li tirrikonoxxi ċerti proġetti tal-materja prima kritika bħala Proġetti Strateġiċi skont ir-Regolament (UE) 2024/1252 tal-Parlament Ewropew u tal-Kunsill (2); u

—

tikkundanna lill-konvenuta għall-ispejjeż sostnuti mir-rikorrenti fil-kuntest ta’ din il-proċedura.

Motivi u argumenti prinċipali

Insostenn tar-rikors tagħhom, ir-rikorrenti jinvokaw żewġ motivi.

1.

L-ewwel motiv ibbażat fuq żball ta’ liġi fl-interpretazzjoni tal-kunċett ta’ “liġi ambjentali” fis-sens tal-Artikolu 2(1)(f) tar-Regolament Aarhus jew, sussidjarjament, fuq żball manifest fl-applikazzjoni tiegħu għat-tielet motiv ta’ eżami mill-ġdid; u żball manifest meta rrifjutat li teżamina mill-ġdid id-deċiżjoni.

—

Parti 1: il-Kummissjoni wettqet żball ta’ liġi meta ddikjarat li l-Artikolu 6(1)(b) tar-Regolament (KE) Nru 2024/1252 ma għandux objettivi ambjentali;

—

Parti 2: il-Kummissjoni wettqet żball manifest ta’ evalwazzjoni meta ċaħdet bħala inammissibbli t-tielet motiv ta’ eżami mill-ġdid tar-rikorrenti dwar il-fattibbiltà teknika tal-proġett minħabba li ma kienx jikkonċerna ksur tad-“dritt tal-ambjent” u billi naqset milli tirrispondi għal dan il-motiv.

—

Parti 3: il-Kummissjoni wettqet żball manifest ta’ evalwazzjoni meta rrifjutat li teżamina mill-ġdid ir-rikonoxximent tal-Proġett Barroso Lithium bħala proġett strateġiku, filwaqt li l-applikanti kienu wrew li l-kriterji stabbiliti fl-Artikolu 6(1)(b) tar-Regolament 2024/1252 (3) ma ġewx issodisfati.

2.

It-tieni motiv ibbażat fuq żball ta’ liġi u fuq żbalji manifesti ta’ evalwazzjoni fir-rigward tal-evalwazzjoni skont l-Artikolu 6(1)(c) tar-Regolament (UE) 2024/1252.

—

Parti 1: il-Kummissjoni wettqet żball manifest ta’ evalwazzjoni meta naqset milli tidentifika ksur tad-Direttiva dwar il-Ħabitats fil-livell nazzjonali, il-Kummissjoni wettqet żball manifest ta’ evalwazzjoni u, konsegwentement, ma stabbilixxietx “konformità mal-liġi tal-Unjoni rilevanti”, kif jeżiġi l-punt 5 tal-Anness III tar-Regolament Nru 2024/1252.

—

Parti 2: il-Kummissjoni wettqet żball ta’ liġi u żbalji manifesti ta’ evalwazzjoni meta interpretat b’mod żbaljat l-Artikolu 4(1) tad-Direttiva 2000/60 u meta kkonkludiet li t-talba għal eżami mill-ġdid intern ma kinitx tqajjem dubji serji dwar il-konformità tal-Proġett Barroso Lithium mal-Artikolu 6(1)(c) tar-Regolament Nru 2024/1252, fir-rigward tal-Artikoli 4(1) u 4(7) tad-Direttiva 2000/60.

(1)  Ir-Regolament (KE) Nru 1367/2006 tal-Parlament Ewropew u tal-Kunsill tas- 6 ta' Settembru 2006 dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU 2006, L 264, p. 13).

(2)  Id-Deċiżjoni tal-Kummissjoni (UE) 2025/840 tal-25 ta’ Marzu 2025 li tirrikonoxxi ċerti proġetti tal-materja prima kritika bħala Proġetti Strateġiċi skont ir-Regolament (UE) 2024/1252 tal-Parlament Ewropew u tal-Kunsill (notifikata bid-dokument C (2025) 1904) (ĠU L 2025,/840).

(3)  Ir-Regolament (UE) 2024/1252 tal-Parlament Ewropew u tal-Kunsill tal-11 ta’ April 2024 li jistabbilixxi qafas li jiżgura provvista sigura u sostenibbli tal-materja prima kritika u li jemenda r-Regolamenti (UE) Nru 168/2013, (UE) 2018/858, (UE) 2018/1724 u (UE) 2019/1020 (ĠU L 2024,/1252, rettifika fil-ĠU L, 2024/90330 u fil-ĠU L, 2024/90589).

ELI: http://data.europa.eu/eli/C/2026/1617/oj

ISSN 1977-0987 (electronic edition)

Top