—

tannulla d-Deċiżjoni tal-Kummissjoni Ewropea (UE) C(2024) 7997 tal-15 ta’ Novembru 2024 (ippubblikata fl-4 ta’ Awwissu 2025) dwar il-miżura ta’ għajnuna SA.105121 (2024/NN) fil-forma ta’ kumpens mir-Repubblika tal-Polonja favur Poczta Polska S.A. għall-ispiża netta tal-obbligu ta’ servizz universali għall-perijodu 2021–2025;

—

tikkundanna lill-Kummissjoni Ewropea għall-ispejjeż.

1.

L-ewwel motiv ibbażat fuq ksur tal-Artikolu 108(2) TFUE, moqri flimkien mal-Artikolu 4(4) tar-Regolament 2015/1589 (1), billi l-Kummissjoni ma ddeċidietx li tiftaħ il-proċedura konformement mal-Artikolu 108(2) TFUE, minkejja li kien għad hemm dubji dwar il-kompatibbiltà tal-miżura nnotifikata mas-suq intern, jiġifieri li l-evalwazzjoni tal-miżura ta’ għajnuna nnotifikata ltaqgħet ma’ diffikultajiet serji fis-sens tal-ġurisprudenza tal-Qorti tal-Ġustizzja tal-Unjoni Ewropea, bil-konsegwenza li r-rikorrenti, bħala parti interessata, ġiet imċaħda mid-dritt previst fl-Artikolu 6(1) u fl-Artikolu 24(1) tar-Regolament 2015/1589, milli tagħmel osservazzjonijiet dwar il-miżura proposta u, barra minn hekk, konsegwentement, dan seta’ jwassal għal evalwazzjoni żbaljata tal-kompatibbiltà ta’ din il-miżura mas-suq intern fis-sens tal-Artikolu 107 TFUE.

2.

It-tieni motiv ibbażat fuq il-ksur tad-drittijiet tad-difiża tal-partijiet ikkonċernati, jiġifieri motiv ibbażat fuq il-ksur tal-punti(a) u (b) tal-Artikolu 41(2) tal-Karta tad-Drittijiet Fundamentali tal-Unjoni Ewropea kif ukoll tal-Artikolu 7(2) tar-Regolament 2015/1589, sa fejn:

3.

It-tielet motiv ibbażat fuq ksur tal-obbligu ta’ motivazzjoni.