1)

L-Artikolu 138(1) tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60), moqri flimkien mal-Artikoli 141 u 197(1) tagħha, għandu jiġi interpretat fis-sens li, meta l-prodotti suġġetti għal taxxi speċjali jiġu kkunsinnati taħt arranġament ta’ sospensjoni tat-taxxa fil-kuntest ta’ operazzjoni triangolari u meta jiġi stabbilit li d-debitriċi tat-taxxa hija l-persuna taxxabbli responsabbli għall-ħlas tat-taxxa fuq il-valur miżjud stabbilita fit-tielet Stat Membru, dan il-fatt jikkostitwixxi fih innifsu motiv għall-eżenzjoni mit-taxxa – skont l-Artikolu 138(1) tal-imsemmija direttiva – tal-kunsinna mwettqa mill-persuna taxxabbli responsabbli għall-ħlas tat-taxxa fuq il-valur miżjud stabbilita fl-ewwel Stat Membru lill-persuna taxxabbli responsabbli għall-ħlas tat-taxxa fuq il-valur miżjud stabbilita fit-tieni Stat Membru, bil-kundizzjoni li fit-tilwima jintwera li l-merkanzija tkun effettivament ġiet esportata mill-imsemmi l-ewwel Stat Membru u tkun ġiet ikkunsinnata fit-tielet Stat Memrbu?

2)

Fil-każ ta’ operazzjoni triangolari, l-Artikolu 138(1) tad-Direttiva 2006/112, għandu jiġi interpretat fis-sens li, meta l-persuna taxxabbli responsabbli għall-ħlas tat-taxxa fuq il-valur miżjud stabbilita fl-ewwel Stat Membru tiġi informata li l-persuna taxxabbli responsabbli għall-ħlas tat-taxxa fuq il-valur miżjud stabbilita fit-tieni Stat Membru ser tikkunsinna sussegwentement il-merkanzija, b’mod immedjatament, lil persuna taxxabbli responsabbli għall-ħlas tat-taxxa fuq il-valur miżjud stabbilita f’tielet Stat Membru, qabel it-tluq ta’ din il-merkanzija mill-ewwel Stat Membru u qabel it-trasport tagħha lil din il-persuna taxxabbli tat-tielet Stat Membru, il-kunsinna mill-persuna taxxabbli responsabbli għall-ħlas tat-taxxa stabbilita fl-ewwel Stat Membru lill-persuna taxxabbli responsabbli għall-ħlas tat-taxxa stabbilita fit-tieni Stat Membru ma hijiex eżentata mit-taxxa fuq il-valur miżjud?

3)

L-Artikolu 141 tad-Direttiva 2006/112 huwa applikabbli meta, wara operazzjoni triangolari, impriża tat-tielet Stat Membru terġa’ tbigħ din l-istess merkanzija fil-kuntest ta’ din l-istess operazzjoni ta’ trasport uniku ġewwa it-territorju tal-Unjoni Ewropea?