—

tannulla d-deċiżjoni tat-23 ta’ Mejju 2025 tas-Segretarju Ġenerali tal-Parlament Ewropew;

—

tannulla n-nota ta’ debitu Nru 7050001084 maħruġa mill-Parlament Ewropew fit-2 ta’ Ġunju 2025;

—

tikkundanna lill-Parlament Ewropew għall-ispejjeż tar-rikorrent.

1.

L-ewwel motiv huwa bbażat fuq l-allegazzjoni li l-Parlament Ewropew kiser it-terminu ta’ ħames snin stabbilit fl-Artikolu 98(2) tar-Regolament Finanzjarju (1), li fih nota ta’ debitu għandha tiġi ppreżentata skont il-proċedura stabbilita fl-Artikolu 68 tal-miżuri ta’ implimentazzjoni (2), peress li seta’ jitlob il-kumpens mingħand ir-rikorrent sa mis-17 ta’ Ġunju 2016 u, minkejja li kellu d-dokumenti kontabbli ta’ sostenn dwar id-dejn, kien biss fis-6 ta’ Ġunju 2025 li ssottometta n-nota ta’ debitu lir-rikorrent;

2.

It-tieni motiv huwa bbażat fuq l-allegazzjoni li, mingħajr ġustifikazzjoni, b’mod inġust u b’mod irraġonevoli, il-Parlament Ewropew dam biex fetaħ il-proċedura ta’ rkupru tal-fondi, kuntrarjament għall-prinċipju li azzjoni għandha tittieħed fi żmien raġonevoli, kif stabbilit fl-Artikolu 4(1) tal-Karta tad-Drittijiet Fundamentali tal-Unjoni Ewropea. Għalhekk, il-Parlament kiser id-drittijiet tad-difiża tar-rikorrent, peress li minħabba l-ftuħ tardiv tal-proċedura, ir-rikorrent tilef l-opportunità li jiddefendi lilu nnifsu b’mod effettiv kontra l-allegazzjonijiet magħmula fil-konfront tiegħu bil-ġbir tal-provi neċessarji, meta dan kien għadu possibbli;

3.

It-tielet motiv huwa bbażat fuq l-allegazzjoni li l-Parlament Ewropew wettaq żball ta’ evalwazzjoni: huwa evalwa b’mod żbaljat il-provi prodotti u l-ispjegazzjonijiet mogħtija mir-rikorrent, li kienu jikkonfermaw ix-xogħol ta’ persuna bħala assistent tar-rikorrent, b’tali mod li kien jeżiġi mir-rikorrent livell ta’ prova għoli wisq.