1)

L-Artikolu 8(1) tar-Regolament (KE) Nru 1924/2006 tal-Parlament Ewropew u tal-Kunsill tal-20 ta’ Diċembru 2006 dwar indikazzjonijiet dwar in-nutrizzjoni u s-saħħa mogħtija fuq l-ikel (1), moqri flimkien mal-Anness tiegħu, jippermetti li indikazzjoni dwar in-nutrizzjoni awtorizzata – b’mod partikolari indikazzjoni relatata ma’ nutrijent imsemmi fil-punt (b) tal-ewwel sentenza tal-Artikolu 30(1) tar-Regolament (UE) Nru 1169/2011 tal-Parlament Ewropew u tal-Kunsill tal-20 ta’ Diċembru 2006 tal-Parlament Ewropew u tal-Kunsill dwar l-għoti ta’ informazzjoni dwar l-ikel lill-konsumaturi, li jemenda r-Regolamenti (KE) Nru 1924/2006 u (KE) Nru 1925/2006 tal-Parlament Ewropew u tal-Kunsill u li jħassar id-Direttiva tal-Kummissjoni 87/250/KEE, id-Direttiva tal-Kunsill 90/496/KEE, id-Direttiva tal-Kummissjoni 1999/10/KE, id-Direttiva 2000/13/KE tal-Parlament Ewropew u tal-Kunsill, id-Direttivi tal-Kummissjoni 2002/67/KE u 2008/5/KE u r-Regolament tal-Kummissjoni (KE) Nru 608/2004 (2) – tiġi kkompletata permezz ta’ messaġġ li ċertament ma jkunx jidher fl-Anness imsemmi fl-Artikolu 8(1) tar-Regolament Nru 1924/2006 iżda jkun oġġettivament preċiż, jekk jikkostitwixxi, mill-perspettiva tal-konsumatur, kjarifika tal-indikazzjoni dwar in-nutrizzjoni?

Fil-każ ta’ risposta fl-affermattiv għall-ewwel domanda:

2)

Il-kontenut ta’ messaġġ mhux inkluż fl-Anness imsemmi fl-Artikolu 8(1) tar-Regolament Nru 1924/2006 li jinkludi indikazzjoni dwar in-nutrizzjoni awtorizzata għandu jkun konformi mal-kundizzjonijiet għall-użu tal-indikazzjoni dwar in-nutrizzjoni previsti fl-Anness?