—

tannulla d-digriet tal-Qorti Ġenerali tal-Unjoni Ewropea tal-24 ta’ Lulju 2025, Yuri Schefler vs Il-Kunsill (T-430/24, ECLI:EU:T:2025:770);

—

skont l-Artikolu 170 tar-Regoli tal-Proċedura, jekk l-appell jiġi ddikjarat fondat, tilqa’ t-talbiet imressqa quddiem il-Qorti Ġenerali u, konsegwentement, tannulla l-punt 6(a) tal-Artikolu 1 tar-Regolament tal-Kunsill (UE) 2024/1745 tal-24 ta’ Ġunju 2024 li jemenda r-Regolament (UE) Nru 833/2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna (1), sa fejn jemenda l-Artikolu 3d(1) tar-Regolament (UE) Nru 833/2014 (2) u, sussidjarjament, jinterpreta l-punt 6(a) tal-Artikolu 1 tar-Regolament Nru 2024/1745 b’tali mod li dan ma japplikax għas-sitwazzjoni ta’ G. Schefler minħabba l-istatus tiegħu ta’ refuġjat, iċ-ċittadinanza Brittanika tiegħu, l-assenza ta’ rabtiet ekonomiċi, soċjali jew oħrajn mar-Russja, u, barra minn hekk, minħabba li wera r-rieda inekwivoka tiegħu li jabbanduna ċ-ċittadinanza Russa, li l-konsegwenzi tagħha jitħallew għall-evalwazzjoni tal-Qorti tal-Ġustizzja;

—

tikkundanna lill-Kunsill għall-ispejjeż tal-proċedura, inklużi dawk sostnuti mill-appellant.

1.

Billi ddikjarat li ma għandiex ġurisdizzjoni sabiex tirrispondi għat-talba intiża sabiex jiġi kkonstatat li d-dispożizzjoni kkontestata ma hijiex applikabbli għall-appellant minħabba li din kienet intiża sabiex tikseb sentenza dikjaratorja, il-Qorti Ġenerali wettqet żball ta’ liġi fil-punti 12 u 13 tad-digriet appellat;

2.

Billi qieset li l-appellant ma huwiex individwalment ikkonċernat mill-miżura kkontestata u ma għandux locus standi abbażi tat-tieni parti tas-sentenza tar-raba’ paragrafu tal-Artikolu 263 TFUE, il-Qorti Ġenerali wettqet żball ta’ liġi fil-punti 28 sa 35 tad-digriet appellat;

3.

Billi qieset li d-dispożizzjoni kkontestata tinvolvi miżuri ta’ implimentazzjoni u li l-appellant ma għandhiex locus standi abbażi tat-tielet parti tas-sentenza tar-raba’ paragrafu tal-Artikolu 263 TFUE, il-Qorti Ġenerali wettqet żball ta’ liġi fil-punti 48 sa 78 tad-digriet appellat.