Appell ippreżentat fil-21 ta’ Ġunju 2025 minn KP mid-digriet mogħti mill-Qorti Ġenerali (Is-Sitt Awla) fl-10 ta’ April 2025 fil-Kawża T-673/21 AJ-REV, KP vs Il-Kunsill et

(Kawża C-419/25 P)

(C/2025/4744)

Lingwa tal-kawża: l-Ingliż

Partijiet

Appellant: KP (rappreżentant: J. Stojsavljevic-Savic, Solicitor)

Partijiet oħra fil-proċedura: Il-Kunsill tal-Unjoni Ewropea, Il-Kummissjoni Ewropea, Is-Servizz Ewropew għall-Azzjoni Esterna, Eulex Kosovo

Talbiet

L-appellant jitlob lill-Qorti tal-Ġustizzja jogħġobha:

Aggravji u argumenti prinċipali

L-ewwel nett, il-Qorti Ġenerali wettqet żball ta’ liġi billi kkonkludiet li fatt ta’ sentenza tal-Qorti tal-Ġustizzja tal-10 ta’ Settembru 2024, KS et vs Il-Kunsill et, (C-29/22 P u C-44/22 P, EU:C:2024:725), ma jistax jikkostitwixxi fatt għall-finijiet tal-Artikolu 169(1) tar-Regoli tal-Proċedura.

It-tieni nett, il-Qorti Ġenerali wettqet żball ta’ liġi billi ma ħaditx inkunsiderazzjoni l-fatt li l-interpretazzjoni korretta tal-liġi kienet teżisti qabel id-digriet tas-26 ta’ Novembru 2021, KP vs Il-Kunsill et (T-673/21 AJ), għaliex fl-10 ta’ Settembru 2024 il-Qorti tal-Ġustizzja ċċarat il-liġi kif dejjem kienet (ex tunc).

It-tielet nett, il-Qorti Ġenerali wettqet żball ta’ liġi billi naqset milli tindirizza partijiet sostantivi tar-rikors u ma pprovdietx motivazzjoni suffiċjenti għad-deċiżjoni tagħha.