—

1) tirrikonoxxi r-responsabbiltà ta’ EUBAM Libya għad-danni li r-rikorrenti ġarrbu sa mill-11 ta’ April 2023 u, konsegwentement:

—

sussidjarjament, tikkundanna lil-EUBAM Libya tħallas, in solidum, l-ammonti indikati fil-punt 1 iktar ’il fuq, bla ħsara għal żieda matul il-proċedura;

—

tiddeċiedi li l-ammonti indikati fil-punt 1 iktar ’il fuq għandhom jiġi miżjuda bl-interessi moratorji, b’effett mill-għoti tas-sentenza u sa ħlas sħiħ, bir-rata stabbilita mill-Bank Ċentrali Ewropew għall-operazzjonijiet prinċipali tiegħu ta' finanzjament, miżjuda b’żewġ punti perċentwali;

—

2) tikkundanna lill-konvenuta għall-ispejjeż.

1.

L-ewwel motiv, ibbażat fuq ksur tal-aspettattivi leġittimi.

Ir-rikorrenti jinvokaw ksur tal-aspettattivi leġittimi kontra EUBAM Libya minħabba li huma ġew arrestati u miżmuma f’detenzjoni għaliex ma kellhomx liċenzji xierqa għall-ġarr ta’ armi minkejja li EUBAM Libya kienet tathom garanziji preċiżi, mingħajr kundizzjonijiet u konkordanti li tali liċenzji kienu nkisbu.

2.

It-tieni motiv, ibbażat fuq ksur tal-prinċipju ta’ amministrazzjoni tajba.

Ir-rikorrenti jsostnu li, billi naqset milli tivverifika bir-reqqa u bil-prudenza meħtieġa l-eżistenza u l-validità tal-viżi u tal-liċenzji neċessarji għall-qadi tal-funzjonijiet tar-rikorrenti, fid-dawl tar-riskji ta’ detenzjoni, EUBAM Libya wettqet ksur suffiċjentement serju tad-dmir ta’ amministrazzjoni tajba sanċit fl-Artikolu 41 tal-Karta tad-Drittijiet Fundamentali tal-Unjoni Ewropea.

3.

It-tielet motiv, ibbażat fuq ksur tal-kuntratt qafas ta’ servizzi.

Ir-rikorrenti jsostnu li EUBAM Libya naqset milli tosserva l-obbligi tagħha li jirriżultaw mill-kuntratt qafas ta’ servizzi li jorbot lill-EUBAM Libya mal-konsorzju ta’ impriżi li kien jimpjega lir-rikorrenti. Dawn in-nuqqasijiet kienu jirrigwardaw l-obbligi marbuta mal-ksib ta’ viżi, ta’ liċenzji għall-ġarr ta’ armi u ta’ tagħmir għall-komunikazzjoni bir-radju.