1)

L-Artikolu 2(2) tar-Regolament tal-Kunsill (UE) Nru 1352/2014 tat-18 ta’ Diċembru 2014 rigward miżuri restrittivi fid-dawl tas-sitwazzjoni fil-Jemen (1), għandu jiġi interpretat, fid-dawl tal-linji gwida ppubblikati mill-Kunsill, aġġornati fl-4 ta’ Mejju 2018, fis-sens li t-tqegħid għad-dispożizzjoni indirett jista’ jinftiehem bħala t-tqegħid ta’ fondi għad-dispożizzjoni ta’ entitajiet pubbliċi mhux suġġetti għall-miżuri restrittivi, jekk jiġi stabbilit li l-persuni suġġetti għal dawn il-miżuri jeżerċitaw, fi ħdan dawn l-entitajiet, influwenza li tikkompeti ma’ dik tal-Gvern leġittimu mhux suġġett għal dawn il-miżuri?

2)

Meta l-eżistenza ta’ din l-influwenza kompetitriċi tiġi stabbilita, l-Artikolu 2(2) tar-Regolament (UE) Nru 1352/2014 għandu jiġi interpretat fis-sens li l-entitajiet li l-fondi jitqiegħdu għad-dispożizzjoni tagħhom huma preżunti li huma kkontrollati mill-persuni suġġetti għall-miżuri restrittivi? Fil-każ ta’ risposta fil-pożittiv, din il-preżunzjoni tippermetti l-produzzjoni ta’ prova kuntrarja? F’dan ir-rigward, il-fatt li l-Gvern leġittimu, li ma huwiex suġġett għall-miżuri restrittivi, ma jikkooperax mal-persuni suġġetti għal dawn il-miżuri huwa rilevanti?

3)

Meta l-provi prodotti quddiem il-qorti nazzjonali ma jippermettux li jiġi evalwat jekk l-influwenza determinanti fi ħdan l-entità li l-fondi jitqiegħdu għad-dispożizzjoni tagħha toriġinax mill-Gvern leġittimu jew mill-persuni suġġetti għas-sanzjonijiet, is-sempliċi riskju raġonevoli li dawn tal-aħħar jibbenefikaw finalment minn dawn il-fondi kollha jew minn parti minnhom huwa suffiċjenti sabiex jiġu applikati s-sanzjonijiet?