This document is an excerpt from the EUR-Lex website
Document 62023CN0100
Case C-100/23 P: Appeal brought on 20 February 2023 by PNB Banka AS against the judgment of the General Court (Fourth Chamber, Extended Composition) delivered on 7 December 2022 in Case T-301/19, PNB Banka v ECB
Kawża C-100/23 P: Appell ippreżentat fl-20 ta’ Frar 2023 minn PNB Banka AS mis-sentenza mogħtija mill-Qorti Ġenerali (Ir-Raba’ Awla Estiża) fis-7 ta’ Diċembru 2022 fil-Kawża T-301/19, PNB Banka vs BĊE
Kawża C-100/23 P: Appell ippreżentat fl-20 ta’ Frar 2023 minn PNB Banka AS mis-sentenza mogħtija mill-Qorti Ġenerali (Ir-Raba’ Awla Estiża) fis-7 ta’ Diċembru 2022 fil-Kawża T-301/19, PNB Banka vs BĊE
ĠU C 155, 2.5.2023, p. 37–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
2.5.2023 |
MT |
Il-Ġurnal Uffiċjali tal-Unjoni Ewropea |
C 155/37 |
Appell ippreżentat fl-20 ta’ Frar 2023 minn PNB Banka AS mis-sentenza mogħtija mill-Qorti Ġenerali (Ir-Raba’ Awla Estiża) fis-7 ta’ Diċembru 2022 fil-Kawża T-301/19, PNB Banka vs BĊE
(Kawża C-100/23 P)
(2023/C 155/48)
Lingwa tal-kawża: l-Ingliż
Partijiet
Appellant: PNB Banka AS (rappreżentant: O. Behrends, Rechtsanwalt)
Parti oħra fil-proċedura: Il-Bank Ċentrali Ewropew (BĊE)
Talbiet
L-appellant jitlob li l-Qorti tal-Ġustizzja jogħġobha:
— |
tannulla s-sentenza appellata; |
— |
tiddikjara nulla d-deċiżjoni tal-BĊE, innotifikata permezz ta’ ittra tal-1 ta’ Marzu 2019, li l-appellant jiġi kklassifikat bħala entità sinifikanti suġġetta għas-superviżjoni prudenzjali diretta tiegħu; |
— |
tikkundanna lill-BĊE għall-ispejjeż tal-appellant u għall-ispejjeż ta’ dan l-appell, u |
— |
sa fejn il-Qorti tal-Ġustizzja ma hijiex f’pożizzjoni li tagħti deċiżjoni fuq il-mertu, tibgħat il-kawża lura quddiem il-Qorti Ġenerali. |
Aggravji u argumenti prinċipali
Insostenn tal-appell, l-appellant jinvoka aggravju wieħed, ibbażat fuq l-allegazzjoni li s-sentenza appellata hija proċeduralment ivvizzjata għaliex il-Qorti Ġenerali ma ttrattatx b’mod xieraq il-kwistjoni tar-rappreżentanza tal-appellant fil-kuntest tal-proċedura quddiem il-Qorti Ġenerali.
Il-Qorti Ġenerali żbaljat meta assumiet li kwistjoni fir-rigward tal-integrità tal-proċedura quddiem il-Qorti Ġenerali ma hijiex problema sakemm jista’ jiġi argumentat li l-problema ma tkunx teżisti jekk, ipotetikament, il-Latvja tissodisfa l-obbligi tagħha. Għalhekk hija kisret il-prinċipju li l-protezzjoni legali għandha ma tkunx sempliċement teoretika u illużorja u għalhekk kisret l-Artikolu 47 tal-Karta tad-Drittijiet Fundamentali.